أبيات نعي لسان حال مولاتنا ام البنين صلوات الله وسلامه عليها

💕 قال رسول الله (صلى الله عليه وآله) : «فاطمة قلبي وروحي التي بين جنبي». 🍃 💕 نزف أحلى وأرق التهاني والتبريكات إلى مقام النبي الأعظم وأهل بيته المنتجبين الأطهار (عليهم أفضل الصلاة والسلام) ، #بذكرى ولادة الحوراء الأنسية، السيدة القدسية، الطُهر الزكية، السيدة فاطمة بنت محمد (عليها السلام) ، راجين المولى زيارتها في الدنيا، وشفاعتها في الآخرة .. 🍃 #متباركين 💚💐 ، بذكرى ولادة سيدة الوجود أُمنا وأمننا ودرعنا فاطمة الزهراء (ع) سيدة نساء العالمين 🤍🌷 #صباحكم افراح وسرور بلولادة الطاهرة

إن شاءالله الزهراء صلوات الله وسلامه عليها يوم القيامه والمحشر ماتعوفكم

چـن يـوم القيامـه أبعـالـم الـطيف

وچن حـان الـوعـد والناس صوبيـن

صوب أعله اليمين وبشره الإوجـوه

وصــوب أعله اليسار وتهمل العيـن

وأنه أبنصهم خذوني وبيدي الاغلال

وعله اليسـره صرت ويـه المذنبيــن

لــن صــوت الجليـل أيطـر الاكـــوان

هَبطو الروس أجت هاي ام الحسين

أجت تمشي الزچيــه ويسطــع النور

وأجـت تمشــي وراهـــه ام الابنيـــن

رب الكــــــون نـــاده أهنا يـزهـــراء

گولي أبهل الخلگ ألمـن تشفعيـــن

لــن صـــاحــت عليّ مــو أنته يفلان

چنـت خادم ييـمــه وتخدم حسين

تعــال ولــوذ بيـّــه وصيــر بحـمــاي

كتبت اسمك ييــمه أويـه المواليــن

كتبت اسمك ييــمه أويـه المواليــن

سَمي مـوسى الكليـم وبالمناجـاة

أبسمه الطور وقراك ورجع مُلهَـم

القصـر فرعـون وأگباله الثعابيــن

واسمك حـرز زنده وطلسـم الهَــم

يبـس مــاي الوجل فـوگ التجاعيد

وسجد چـم ساحر أبتوحيـده وارزَم

إنكشف كرب الكليم وبسمك اردود

يـسبّـــح للعــلـي وعالزهره سَـلّـــم

أبقوامــيس الشواهد جامـع أضداد

وارمــد كـل مخــالف رايــه مُبهَـــم

أسـيـر أبـابـك أمزاحـــم سـلاطيــن

وعله اعتـابك نـوايـه البِـيض تـلتــم

سجــدت يـَم ثـراك أهــواي تيـجـان

أبمـثـل لـون المنــايــر لـون تـحـلَـم

يـا أول سجـــــيــن وللفــــرج بــاب

وشــامـخ عــالزمــان وطــود أيهَـــم

شكتب عـن عطــايـه أچفوفـه لاويـن

للعنـده ابـوفــاضل والحســـن عَـــم

القوافـي المـو هواشـم مالهن صيت

وقوافيكــم شهامــه وغِـيــره تنشـــم

ياشمـــس ابـو طـالب وينـــه هـــارون

ياهـــو العـــالي صيتـــه وياهــو ينـذم

ياهــو الخضّـــر ّ أبصـدر الشيــّـم راي

وياهــو إمن الشـيّـم والغيــره مُـعـدَم

سلام أعله الدمـــوع العـاشـت أويــاك

وعلـه أچـفـوف العلـيهن قَيـد بـي دم

وعلـه أچـفـوف العلـيهن قَيـد بـي دم

آجركم الله واحسن لكم العزاء والمواساة بشهادة سيدنا ومولانا راهب ال محمد صلوات الله وسلامه عليهم اجمعين
رهين القيود الامام موسى بن جعفر الكاظم عليه السلام

توالي أغروب
وامكابر شهم متعوب
وريحة موگد التنور
ومسية العافيه أبنشغة گلب مصيوب
وبحسچة عجوز اليا علي المندوب

وملامح سَلف خالي والدمع معذور
وريحة گاع سمره وبظهرهه أفطور
يدير الشوف لهلال الأمل مكسور
وظهر أهلال هَم مكسور
وصور صدر الصرايف من ذنب عاشور
ورسايل عله الفطره وحدّب الناطور

توالي اغروب

من كوسر ستر خيّر عليّ معتوب
وملح الگاع والدمعه الحنينه أبطارش المكتوب

إلى تالي الهواشم

إلى شراي عبرات ونواعي امي
إلى حيد اليفرزن دمعة النشمي
يبعد البيهن أنته أبكل فجر حلمي
يبعد اسمي
يبو صالح يبس حلمي
يابدر الزمان اليا وكت محجوب

توالي أغروب
وامكابر شهم متعوب

يَهلبت مو صدگ باچر حلم مگلوب
يَهلبت من بعيد أخيال
وبظهر المُهر خيّال
ورايات الشيّم تنشال
والمجبل يحل اللثام
وهلاهل چم نجيبه أتحشم المحتام
وامراكض حنين الماتشيله إجدام
ومحتام وحضن محتام
ويوصل طارش الطلاب
ويكزبر لوسمع چتف النهر والشام
ويگضي أمناطر المتعوب
ويرد ابن الحسن مهيوب

وتندار الطوايف شيب وبسد شيب
وامسامر يطيّب أگلوب
ويرد عامر مضيف الگبل مامچهوب
وادلال الحسن سود أعله موگد نار
ويا تالي الهواشم حار
حيد وللخدر فجار
يكون وتنحچي أبكل دار
يميمون الصهيلك هل لفه النغار
يحل اللثامه يتبدن ملامح ثار
وعيون الشهامه أتلوب
صاحب ثار

يسولفهن عجيد إمن الظلع للماي
ولچتاف النهر باچر يرد عناي
وياعم الخدر نسمع يصيح أهواي
ويرسم هودج ام عون وعليهه أفياي
ونلگه الدمعة الزهره الحنينه الراي

يَهلبت مو صدگ باچر حلم مگلوب
يَهلبت مو صدگ باچر حلم مگلوب

رسايل من عطــش جايبهن أغـروب

وحِده أبضعن الصور مـاي النواظـر

هفت لون السمه وطاحتلك أرسوم

وصـدرك مــاهفـت مـوگـد مشاعـر

صــايــم سيّــدي ومفطــر العبـرات

ومــا صـامـت دمـعتـك بالمحـاجــر

يمــر يـا خيـــرة الله أغـروب رمضان

المـا يشبــه محاچي أغــروب عاشر

وتجــيب اليــوجعـنك لزمــة المــاي

وجـرح المـــاي أبد مــو جرح عـابـر

الماي اليمـه كض اصفاحه الحسين

ورد أبــلا ظهــر لــم عـــون حــــايــر

المــاي أول سبــي بخيمــات الازغـار

وياعمنــه العطــش صــوت الحرايـر

يـا تــالـي الهــواشــم بيـــن الابــدال

چــم دعبل نعــه الطــاري الحوافــر

أبرضـوى ام طـوى ام غــربـة الشــام

مُغيّـب سيّـــدي ومكســور خـــاطــر

دفنـــه أشچــم أمـل بـي حَـلة ألثــام

ويـبـس بمناطـرك حـــلـم المنـــايــر

ادعو لإمامكم لتكونوا من المشمولين بدعواته أرواحنا فداه ورد عن الإمام الصادق(عليه السلام) : "إن من يدعو لقائمنا فإنه يدعو له، وطوبى لمن دعا له إمام زمانه" 📚 مكيال المكارم ج 2 ص 54 اللهم صل على محمد وآل محمد اللهم عجل لوليك الفرج