أبيات نعي لمصيبة الزهراء عليها السلام

نورعيني فاطمة
ــــــــــــــــــــــــــــــــــــــــــــــــــــــــــــــــ
فاطمه وظلعـﭻ البيه أنهشــــــم
فاطمه عشـﮕـي ضامي أبلاخيم
فاطمه هذا ذنبــه المــــا فهــــم
يازهراء00نورَعَيني فاطمه
يَمن بابــﭻ رمـــاد وصـرتي الي نسمــه حــــرام أعله العبد مــن ينكـرالنعمــــه
فلاعينـــي العمــت لا صدري أمهشمـــه عليمــــن بالمجـالس عبــدﭺ أتسمـــــه
فاطمه عَيشينــــــــي كـــــــربله
فاطمه يَم ذبيــــــح أبـــلا هلـــه
فاطمه ومابـقــت خيمـــــــه أله
يازهراء00نورَعَيني فاطمه
اليحب الله يشـــــوفـﭻ شهـﮕـــة الفقــره وحـﮓ نشغـة علــي لمّن لـزم ظهــره
وحـﮓ شبـﮕـة نعش لمسومره أبصدره أحب أتراب جدمـه البـﭽـي عالزهــــره
فاطمه يا هيامــــي وحيـــــرتي
فاطمه يا مــلاذي ودمعتـــــــي
فاطمه يا ترافـــــة حســــــرتي
يازهراء00نورَعَيني فاطمه
وهبتينـــــي الدلال وأنتـــــي ملـﭽومــه يأم ضـــامي أبونينه أمفطــــرالحومــه
أبشفاعــــة طف عتقـتينـــي يمظلومـه أبأميـــــرومنذبح ومسلبــــه أهدومـــه
فاطمه اعيـــونه تنزفلي عشـﮓ
فاطمه علمــــــاني الحُب صدﮒ
فاطمه الخدره خلينــــي أحترﮒ
يازهراء00نورَعَيني فاطمه


إذا عبد الخيــــــم مـولاتي تردينـــــــي عله العايــــش ضعــن مسبيه دلينــــي
أبشرماهمـــــه ظلعـﭻ لا تعرفينــــــــي أله الدنيه الزهيــــــه والظلع دينــــــي
فاطمه أرد اعيشــن وي بشـــر
فاطمه الحزنــﭻ أبخده أثــــــــر
فاطمه مـو بشـــرﮔلبــه حجــــر
يازهراء00نورَعَيني فاطمه
حـرام المالزم ظلعــــه وبـﭽت عينــــه حرام المغــــرب الما يذكـــرأسكينــــــه
حــرام الموعطشهــه أمبيــن أبدينــــه حرام المـو بواﭽــــي أتخضرأسنينـــــه
فاطمه لاحيــــــــاة أبــلا بـﭽــي
فاطمه الظلعـﭻ وطاري السبـي
فاطمه وانتــي قُدسيـة نبــــــي
يازهراء00نورَعَيني فاطمه
إذا مـــــوللخـدر ما تنـــزف أعيـــوني غــــرامي المنذبح ميـﮕــــول مجنـوني
إذا كســـــرالظلــع مــاغيـــــرأبلونـــي البشـــر بدعـه عبـد بابـــــﭻ يسمــوني
فاطمه عالرمح عشـﮕـــي ضوه
فاطمه الريتي أيلوﮒ الهـــــــوه
فاطمه البي عطــــــرمـن نينــوه
يازهراء00نورَعَيني فاطمه

ــــــــــــــــــــــــــــــــــــــــــــــــــــــــــــــــــــــــــــــــــــ
خادم أهل البيت/عبدالخالق الحريشاوي

شرع الخدم
ـــــــــــــــــــــــــــــــــــــــــــــــــ
هذا عهد الوفـــه يا فاطمـــة
وظلعچ الماشفــه يا فاطمـــة
مـــــولاتـي لِـنفهـمــــه شـــرع الخدم كلمـــه بدمـوع
وعيشــه ابوحي دمعچ أبيت الكَسِـرضلعــــچ مفجوع
وثوب العُـمــر أســــود عــالغــــايـب المــارد موجوع
ونسمة هوه إمن الطف راس النده أموصف مرفـوع
ياوطن دمعتـــي وربح الزمن
التوجع السادتي نهبــوضعـن
يافاطمة00يافاطمة

مـولاتـي يالـزهــــــــره والمنهشــــم صــدره المنحور
ما تبـــرد اجـروحـــــي يبـقــه علــم نوحـــي منشــور
يل صرتي الي شمعــه عمـــري ألـچ دمعــــه منــــذور
والمـاعــرف طبعـــــي واللايـــــم أبدمـعــــي معــــذور

سلوة المنذبـح حرالدمـــع
أذبل ابلا جرح كسرالظلع
يافاطمة00يافاطمة



مــــن بابـچ الأطهـــــر لخيـام ابـــوالأكبــــــر نيـــران
أبگـدعالــم أجروحـــچ البي عاري مذبوحـچ عطشان
مـــولاتـي ألچميــنـــــي ورويحـتـه أنطينــــي سلمـان
أبگـــد مـا بچـــه ابابـچ وبحرگة امصـــابـــچ لهفـــان
من علي للـﮕمـر عيـــن الخيم
إمن الظلع للنحـر شـرع الخدم
يافاطمة00يافاطمة
يا هيبتــــي وربحــــــي ياغايــــتي وجرحي الماطاب
أمــــــي أولــي أمــــري وللـثـارأظـل عمـري طـــلاّب
ســـــرالله بــــدمـــوعـچ وينهشمن اضلوعچ بالبـــاب
ويدفــن علــــــي بيـــده خل روحـه الأيـريده بعـتـاب
فاطمه اشلون ألي يـكبــرولــد
ومحسنــﭻ ياعلـي مـاله مهــد
يافاطمة00يافاطمة
الكل لحظه من عمـــري مابـــي دمــع يجـري منـدوم
كــون ابچــــي اتوضــه وشـايل گلب فضــــه الملچوم
ومشيـة علـي اتصــــور أغروبيـــه يتحســـر مـــالوم
والفرگـــــه سابـيتــــــه مـن روحه وام بيتــه محروم
راحه من دنيتـــه ماكـوألـــه
شـايل أبدمعتـــــه طف كربله
يافاطمة00يافاطمة
ـــــــــــــــــــــــــــــــــــــــــــــــــــــــــــــــــــــــــــ
خادم أهل البيت/عبدالخالق الحريشاوي