السيد عادل العلوي في ذمة الله
الفاتحة لروحه الطاهرة

نعي لرثاء الصّدّيقة الشهيدة فاطمة الزهراء صلوات الله وسلامه عليها ☝🏻

   
                    لا ياجفـــن لا تبــــرد    
اباب المصيبه اتهجد
              أذن دموع أبمعبدالواعيــه    
ماتت الزهره ناحله وباكيـه

شوف بعيـون الجـرح چبد السمـه
أبخنگة اغروب وبچي الحد الضمه
علـي تلگـــه لازم أبچــف فاطمــــه
وفاطمــه أتحس بالدمع متبَسمّــه
بس مو هذيچ البسمـه
الچانت الحيدر نسمه
محمرّة العين الظهر حانيه
ماتت الزهره ناحله وباكيـه

المشهــد أبــاب الضمــايــرينرسم
ياجفــن گــوه علـــي أبصبـره يلـــم
  ومـن يعــاين فاطمـــه ايـرد ينهــدم  
  الزهره چانت كل نفــس بي تنلچـم
                    حيل الظلع يآذيهـه    
ولازم علـي بيديهـه                  
          ظلت العبره أبمهجته جاثيه
ماتت الزهره ناحله وباكيـــه

  أخذ كلشي مـن علي نعش الممات    
غـربه صارت دنيته معشوگـه مـات
  روحــه تطلــع راد ويـــه الــزفــرات  
خـايف أبلا فاطمـه اتطــول الحيـاة
                يم مغتسلهـه شمعه    
أبشوفة ظلعهه اتبعه          
          وبظهره زينب يستمع ناعيه    
ماتت الزهره ناحله وباكيـه
 
  علــي بـي كســـرة گلب لا مـا تطيب    
أبثگل نعش ام الحسن شايل نحيب
  ولغــروب أيــريـدله أمناشـغ حبيب    
شيّبــت عينــه وصـده بيتــه غـريب
                  العاينوشيب اعيونه    
يبچــون ويصبـرونه
            شصبريگلهم راحت الغاليه  
ماتت الزهـره ناحله وباكيه

ويـن مــا عايــن علـي أيــرد ينكسـر
للحسن سَـم جعده وبگلبـه جمـــر
للحُسيــن أبعطــش يتلـوّه الظهـــر
وزينب إبشام أبضعن مسبـي الخدر
للبــاب تچهــب عينـــه
المحسن يسمعه اونينه
وبحايطه يابس دمه الزاكيــه
ماتت الزهـره ناحله وباكيـــه

أمنهـد مـا كســر الظلـع بيــده لــزم
وطلــع مـن المغتـسل دمعـاتــه دم
رسم وادي الطف علي وحيل أنلچـم
أبلايه صدره حسيـن وأخته أبلا عَلـم
يفـرك علـي بچفوفـه
زينب ضعنهه أيشوفه
وباب شام اليهظـم أمتانيــه
ماتت الزهره ناحله وباكيـــه

يَم الگبر أبخدك دمعتك سايله
يَم الگبر أرسومك يحيدر ذابلـه
يَم الگبر زهــرة زمــانك راحلـه

آجــــرك الله أبفـاطـــمـــه آه يالصميـده
أشحال اليشوف أرويحته ميته أعله أيده
التارســه أعيونك حلــم صــارت بعيــده
الفاگـد خليلــه ياعــلـي النـوح أشيفــده
ياحَسرتك راحت يحيدر فاطمــه
ياحَسرتك ظلعين منهه أمهشمه
ياحَسرتك نعش الحبيبـه شايلـه

تحچي أبترافـه أمعاتبك بس أنتـه ملچـوم
ومـن يَم گبرهـه منحنـي بدموعك أتگــوم
والبيــر كل ليـل اليجي تحچيله الإهمــوم
آهـاتك أيردهن صده أشمــا گتلــه مـآلوم
من أشوكت من توگف أتگض الظهر
من أشوكت صـار أعلـه وجناتـك أثـر
من أشوكت أمتــونك يحيـدر مايـلـه

غـربـه گلتهـه ياعلـي أفـراگ أغلـه الاحباب
شابگ گبرهـه أشمـا تـرد برســومـك إتراب
ويوجع صفنتك من تجي ويحچيـلك الباب
وتقراهــه راحت فاطمــه شيفيـد الإعتـاب
راح العمر يل بيتـك أمفـارگ ضـوه
راح العمر ويه النعــش حيدر سوه
راح العمر وانتــه ظلعهـه أتغسـلـه

يل عـاشـك إرسـوم النده ذاك النده مــات
ضليت بـس كلـك جــرح شــايـل معـانات
الطعنـات ذاتـك ياعــلي ماتكفـي دمعـات
هيـــه الزچيـــه تنــســي لا والله هيهـــات
يا لايمك مــا يـدري چـم مـره متـت
يا لايمك وي فاطمــه إمن اتوادعِـت
يا لايمك المعشوگه مات أشظل أله

عالوجنـه حگــك ياعلــي أيصب الدمع حار
أغلــه الحبـايـب راحـلـه وإجــروحك إكبــار
وكلهــم يـتامــه فاطمــــه لبـــدارك إزغـــار
بس أنتـــه أكبرهــم جــرح واكبرهم إعمــار
حيدر صرت أكبــر يتامــه ام الحســن
حيدر صرت بأحساسك الشوگ أندفن
حيدر صرت أول يتــامـــه العـــايــلـه

أبچلمــات الحسيــن وحسن يابويـه مأجـور
أيــشبهـون صـوت الفاطمه والگلب مكسور
اتشوف الحسـن چبده أبطشت ياعلي منثـور
اتشوف الحُسيـن أبكربلـه عطشــان منحــور
وأم الخدر شــايــف خيمهــــه تـنهــب
وأم الخدر يَم جسم اخوهه المنسلب
وأم الخدر أتــنــادي سبتنــــي كربـلـه