السلام عليكم ورحمة الله وبركاته اخواني الكرام الشعراء والشاعرات والرواديد نرحب بكل من انظم الينا عبر هذه القناة

قناة مواليد اهل البيت عليهم السلام
قناة الشاعر فالح العامري

تحتوي القناة على قصايد مواليد

الأبوذيات الدارميات الموالات

نتشكر بكل من انضمه الينا
https://www.tgoop.com/falehalameri111

بسم الله الرحمان الرحيم

الدرس الرابع والثلاثون
الدرس هوه الأنشقاق وزن التجليبه من بحر الطويل
♡♡♡♡♡♡♡♡♡♡♡
بحر الطويل هوه وزن من اوزان الحسينيه وتفعيلاته اربعه
مفاعيلن مفاعيلن مفاعيلن مفاعيلن
مثال على الوزن
زينب باليسر راحت يكافلها يبو فاضل

لو اشتقينه منه وزن التجليبه راح نحذف تفعيله وحده من التفعلات الأربعه
مثال على التشقاق التجليبه
التجليبه ٣ تفعلات راح اتصير عدنه
مفاعيلن مفاعيلن مفاعيلن
المثال على هذا الوزن
زينب باليسر راحت يكافلهه

زينب باليسر راحت
مفاعيلن مفاعيلن
يكافلهه
مفاعلين
♡♡♡♡♡♡♡♡♡♡♡
والحمد لله رب العالمين

اخوكم الشاعر فالح العامري
قناة الأوزان الشاعر فالح العامري
القناة تابعه لرابطه مسلم بن عقيل ع للتعليم الاوزان للشعر الشعبي
الحسيني
باشراف الاستاذ الشاعر فالح العامري
اولاً✋🏼لانجيز التلاعب بماينشر على القناة
وتبديل المعلومات
ثانياً ✋🏼مشكول الذمه من ياخذ هذي الدروس ليعلم بها اهل الطرب والغناء
او يدرس مقابل الما
https://www.tgoop.com/abooredha

بسم الله الرحمن الرحيم
اخواتي بناتي الشاعرات
القوافي التي تخل في الوزن كثيره يجب على الشاعر والشاعره تلتفت الى هاي النقطه في حياتها الشعريه
يوجد ٥ اوزان تتوقــف على القوافي المطلوب اجتنابها في الشعر حتى يكون الوزن محفوظ من الخلل والكم هاي الاوزان كمقدمه

١ البحر الطويل
القوافي التي لايجوز ذكرها في هذا البحر كثيره
الواقفه والمحضوره من الوزن
مثال
الجبل العمل الحبل السهل والبطل
والى اخره لان البحر الطويل يبدء بصعود وينتهي بالنزول يحتاج الى قوافي فيها حالت الأنين لان البحر الطويل يستعمل في النعي

٢ التجليبه
التجليبه توقف الوزن الها وتخليها تخرج من الوزن وتعثر الشعاره في الوصول الى الوزن الصحيح
مثال
الخيامه الأمانه لسانه بيانه والى اخر هيج امثال قوافي مترادفه بالقوافي الساكنه

٣ وزن الشيعتي الشيعتي كثير من القوافي توقف الوزن اله كل قافيه تستعمل في وزن الهجري تغير وزن الشيعتي
مثال
الضلع الوضع الجمع الگطع
الرسول البتول الافحول الأصول

النهر النحر الگمر والى كل قافيه تستعمل في نهايت الهجر توقف الوزن الشيعتي
والي اخره

٤ الهجري يجب على الكاتب الى هذا الوزن يحظر كل قافيه ممتده
مثال
الحميه الزجيه الغاظريه الرزيه
وكثير من هالقوافي في اخر الاشطر

يجب ان تكون القوافي التي ذكرناها
في الوزن الشيعتي التي لايجوز كتابتها تحل في مكان الهجري

٥ وزن الموشح الموشح كلش خطر في الكتايه والقوافي لان قريب الى النصاري
مثال المضيع الميته الرجس الشمر الخدر

مثال
جينه ننشد كربله امضيعيه موشح
واذا كلنه
جينه ننشد كربله امضيع صار نصاري

وان شاء الله في الدرس القادم اوضح بعض الاوزان وقوافيها وشكرا

خادمكم الشاعر فالح العامري

💐💐💐💐💐💐💐💐💐
قناة الأوزان الشاعر فالح العامري
القناة تابعه لرابطه مسلم بن عقيل ع للتعليم الاوزان للشعر الشعبي
الحسيني
باشراف الاستاذ الشاعر فالح العامري
اولاً✋🏼لانجيز التلاعب بماينشر على القناة
وتبديل المعلومات
ثانياً ✋🏼مشكول الذمه من ياخذ هذي الدروس ليعلم بها اهل الطرب والغناء
او يدرس مقابل الما
https://www.tgoop.com/abooredha

‏صورة من بن العراق

بسم الله الرحمن الرحیم
الدرس الأول من الدوره الرابعه من تدرس الأوزان في رابطة مسلم ابن عقيل عليه السلام
هذا الدرس يكون عن اوزان الهوسه حسب طريقة المهاويل
الهوسه تكون على وزنين فقط لا ثالث الهن

١ البحر الطويل ويكون القفل على وزن الفراتي

٢ التجليبه والقفل يكوم على وزن العگیلي
وطبعا مايختص عدد الأشطر
من ٤ الى ٦ الى ٨
▪︎▪︎▪︎▪︎▪︎▪︎▪︎▪︎
هسه راح اكتب الكم الوزنين
الأول البحر الطويل
التفعيلات
مفاعيلن مفاعيلن مفاعيلن مفاعيلن

حسين الثــــــار لجل الدين
اويحــــــــــي ابثورته الأمه
كصد الكربلـــــــــــه ويعرف
بيــــــها ينهدر دمــــــــــــــه
رسم للشيعـــــه درب الموت
ابقوت فكــره اوعزمـــــــــه
منهج شرعـــــــه ابكل جيل
السيف الظالم ايكلمــــــــــه


هل المنهج ظل عبره اوعبره
▪︎▪︎▪︎▪︎▪︎▪︎▪︎▪︎
الثاني التجليبه
التفعلات ٣
مفاعيلن مفاعيلن مفاعيلن
طبعت تفعيلات التجليبه نفس تفعيلات البحر الطويل بس ناقص تفعيله واحده
واهل الشعر يسمون التجليبه البحر القصير ليش لان تقصر تفعيله عن تفعيلات البحر الطويل


تعودنه اعله حبك كل محاچــينه
يديوان السلف بيك التربينــــــه
لو نترك سبيلك لحظه ضلينـــــه
يبو السجاد منهاجك ينجينــــه


لو نهجك لو اترك ديني

*✍️الشاعر فالح العامري*
▪︎▪︎▪︎▪︎▪︎▪︎▪︎▪︎▪︎
ملاحضه مهمه
هاي مال هاها طريقه مال ملالي ماله ربط بالوزن
https://www.tgoop.com/abooredha

بسم الله الرحمن الرحیم
الدرس الثاني من الدوره الرابعه
في اوزان رابطة مسلم بن عقيل عليه السلام
هذا الدرس سوف يكون في اوزان الأبحر المركبه
عدنه ٣ اوزان مركبه
١ وزن الفائزي
٢ وزن المجرشه
٣ وزن الشموس

الأول الفائزي يتكون من حدي زايد جعب دارمي
التفعلات
*مستفعلن مستفعلن مستفعلاتن*
لاحضو اجه الجمع بين الوزنين طلع النه وزن الفائزي

مثال
وينك يشيال العلم. ياشبل حيدر
تنخاك اطفال اوحرم لحماها انغر
¤¤¤¤¤¤¤¤¤¤¤
النوع الثاني
وزن المجرشه
يجمع وزن الحدي زايد الجلمه اونص
الصدر حدي مستفعلن مستفعلن
العحز جلمه اونص
مستفعلن مفعولن
مثال على ذاك

يالتستمع هاك الدمع عالخد يهل الفرگاك
طال البعد يمته ترد دنيانه ظلمه ابلياك
¤¤¤¤¤¤¤¤¤
النوع الثالث
وزن الشموس
هذا الوزن مثل باقي الاوزان المركبه
يكون الصدر
شبگها وتفعلاته
فاعلاتن فاعلاتن
بعباره ادق نص شيعتي
والجعب احسيناوي ياعزيز الروح
تفعلاته مستفعل فعلان
مثال على ذالك

وين ابو صالح سندنه طول الغيبه
ننتظر جيته عمرنه لاشك او ريبه
¤¤¤¤¤¤¤¤¤
*✍️الشاعر فالح العامري*
https://www.tgoop.com/abooredha

بسم الله الرحمن الرحیم
الدرس الثالث من الدوره الرابعه من تدريس الأوزان
عندنه وزنين اذا ضفنه الهن ذيل تفعيله وحده ينكلب الى وزن ثاني
١ العگلي
٢ التجليبه

اول ناخذ العگيلي
مثال
ابحبك يحسين انجنينه يامولاي
انكلب من اعگيلي الى ميمر
بس مو كل اعگيلي ينكلب ميمر بس الى تتغير كلمة الذيل
مثال
وينك ياحيدر والينه ناديناك
الگطع المنحر نبگه انحبك ماعفناك
هذا الون من النظم ينكلب من اعگيلي الى ميمر
اما الي تتكرر الكلمه مع اخر الشطر نفسها يسموه مذيل ماينكلب ميمر

الثاني التجليبه اذا ضفنه اله ذیل یساوي فعل او مفا. ینگلب من وزن التجلیبه الى وزن الهجع او ما یسمی ((بوزن العصري)) وتفعیلاته هیه تفعیلات التجلیبه زائد فعل ((مفاعیلن مفاعیلن مفاعیلن فعل. او مفا))
مثال
((تعودنه اعله حبك كل محاجينه بألم))

لاحضو وين اتبدل الوزن
العگیلي
من ضفنه يامولاي صار ميمر
والتجليبه من ضفنه. بالم انگلبت وزن الهجع
مع تحيات الشاعر فالح العامري
https://www.tgoop.com/abooredha

قصيده تجمع كل الأوزان كل بيت وزن

لتكون مصدر الى كل الشاعرات والشعراء
~~~~
١ البحر الطويل
*مفاعيلن مفاعيلن مفاعيلن مفاعيلن*
~
راح اكتب قصيده ابزود اجمع كل وزن بيها
من بحر الطويل ابدي وشوفن وين تاليها
_____
٢ التجليبه
*مفاعيلن مفاعيلن مفاعيلن*
~
يمن رايد شعر تكتب التجليبه
اكتب عالإمام الطول الغيبه
على اول ظليمه الصارت ابطيبه
وعلى الظلت غريبه عگب واليها
___
٣ الميمر
*مستفعلن مستفعلن مستفعل*
~~~
زلزل العالم يا گطع نحر الحسين
والشيعه ظلت بالهظم طول السنين
يا طالب ابثارته ما ندري وين
يأخذ ابثارات الشمر يحديها
_____
٤ الموشح
*فاعلاتن فاعلاتن فاعلات*
~~~
بعد بس باچر اشم عطر النجف
هاي أرض التضحيه وأرض الشرف
اطلعت اشعر گلبي باحزانه هتف
بعد هاي الديره وين الگیها
____
۵ بحر السریع
*مستفعلن مستفعلن فاعلن*
~~~~
اريد اكتب شعر بالنوح وانعي
عله الصاحت يويلي انكسر ضلعي
عليهه اهل من ادموم دمعي
ذكرى ام الحسن كل يوم احيها
_____
٦ بحر الفائزي
*مستفعلن مستفعلن مستفعلاتن*
~
وينك يبن فارس مظر عجل علينه
يالمهدي طحنه بالخطر وينك ولينه
كل يوم عاشور اوصفر والذبح بينه
شيعتك قبضت عالجمر منتظره مهديها
_____
٧ المجرشه
*مستفعلن مستفعلن مستفعلن مفعولن*
~
والله اظل طول العمر عالزهره انوح اوالطم
ماانسه نار التستعر بدار الزچیه المظرم
ماانسه ضلع المنكسر اوظل الحسن أميتم
منسه وصية فاطمه ابليل العلي ايواريها
____
٨ وزن الشيعتي
*فاعلاتن فاعلاتن فاعلاتن فاعلاتن*
ه ه ه ه ه ه ه ه
ادعو ياشيعه الفرجكم طالت الغيبه عليه
انه بالغيبه ابفكركم تستعر نيران بيه
ماخفه اعليه خبركم شمرت اعليكم رزيه
الفرج گرب يشيعه طلعتي گرب مجيها
___
٩ وزن العگیلي

*فعلن فعلن فعلن فعلن*
~
ابحبك يحسين انجنينه
من شايبنه الطفل البينه
غيرك ابدا ماوالينه
ارواح ابدربك نفديها
____
١٠ وزن الچلمه اونص
*مستفعلن مفعولات*
~~
حب احسين ابدمنه اليسري
للغالي افدي انه العمري
اوفيه البيعه ابدم نحري
وشمحله ارواح النهديها
___
١١ وزن الحدي
*مستفعلن مستفعلن*
~~~
راحت رقيه باليسر
ابسوطه يكلمها الشمر
نار ابگلبهه تستعر
بالدمع خنواسيها
♡♡♡♡♡♡♡♡♡♡♡♡♡
١٢ وزن الدارمي
*مستفعلن فعلان مستفعلاتن*
~~~
راحت اطفال احسين الديره غريبه
الها العده سابين احفاد النجيبه
وينك يبو الحسنين والله عجيبه
اطفالك تحشم بيك ماتلفي ليها
♡♡♡♡♡♡♡♡♡♡♡♡♡
١٣ وزن الهجري
*فاعلاتن فاعلاتن فاعلاتن فاعلات*
~~
والله يابدر الهواشم من طحت فوگ النهر
عالشريعه انته نايم حسين گطعوله
النحر
حشمت والدمع ساجم لجيتك اتنطر خبر
چنت اظن ترجعلي سالم اطفال الي ترويها
____
١٤ وزن الحسيناوي
فاعلن فعلن فاعلن فعلن
~~
زينب الليله اتودع اخوتها
المدمع اتسيله صعبه حالتها
جمعة العيله الأخوه ودعتها
باچر ايروحون من يداريها
____
١٥ وزن جيت يهل الهوه
*فاعلن فاعلن
~
حسين حبه فخر شامخ اويه الدهر
عبره يبگه اوعبر منه دم النحر
عله السيف انتصر قصته نرويها
______
١٦ مجزء الموشح
*مستفعلن مستفعل*
~
طولت بغيابك يبن طه اوحيدر
عله بختك وينك الشيعتك ماتنغر
جرد البتارك گوم عيد الخيبر
حشم الأنصارك شيعتك نجيها
♡♡♡♡♡♡♡♡♡♡♡
١٧ بحر الوافر ويكتب عليه الأبوذيه
*مفاعيلن مفاعيلن فعولن*
~~~
الك شيعه يحيدر وانتمانه
يعدونه عليكم وانتمانه
نريد الموت يمك وانتمانه
هذا من وزنها الأبوذيه
____
١٨ وزن خدري الچاي خدري
*مفاعيلن مفاعيل مفاعيلن فعولن*
~~~
جينه الك يحسين ياخويه من اسرنه
رحنه ابهظم وونين ردينه ابچینه
انزورك بالإربعين الطفك رجعنه
رقيه ادفنت بالشام جبنالك حچيها
____
١٩ وزن شبگها ويسمى ثلاث ترباع الشيعتي او الوسيله

*فاعلاتن فاعلاتن فاعلاتن*
~~~~
يمه يايمه يبو فاضل يغالي
يمه يايمه تعال اوشوف حالي
يمه يايمه بعد ماعندي والي
يمه يايمه اسهرت بيك الليالي
ردلي يبني ابحرم الحرت بيها
_____
وزن الشموس
ويتكون من وزنين وهو نصف شيعتي فاعلاتن فاعلاتن +

عجز الحسيناوي فاعلن فعلن
ويكون
فاعلاتن فاعلاتن فاعلن فعلن
او
فاعلاتن فاعلاتن فاعلن مفعول
واليكم مثال
رجعت اليوم السبايه فز تلگّاها
ردت الگبرك اتزوره اليسر أذاها
يبو اليمه انهض الها هوّد ابجاها
بس لتنشد عن رقيه تعتب اعليها
__
تمت والحمد لله
الشاعر فالح العامري
اخواني اخواتي الشاعرات اتخذت فقط الأوزان التي نستفيد منها في الشعر الحسيني فقط وتركت الأوزان الغنائيه

قناة الشاعر فالح العامري

https://www.tgoop.com/abooredha