حُسين مولاي حُسين مولاي
حُسين مولا حُسين مولا حُسين مولاي
***
يالعايش وسط روحي وكياني
عشگتك والعشگ يمّك خذاني
مجنون الهــــوى بحُبّك تراني
ولوما انته منهو وشعني آني
يعشگ الكون هــواك جنون
يبو السّجّاد الك ممنون
يَحبُّ الله لِمن والاه حُسين مولا
***

من صدر الوفــه حُبّك رضعته
وبنص گلبي يامولاي شــــلته
قسم بالله و رســـوله وبعترته
شرف كل الشّرف منبر خدمته
و حــق عبّاس أبو النّوماس
بخدمتك دومي عالي الرّاس
بذات الله بدمي مسراه حُسين مولا
***
من چانت تلولي أُمّي علـــــيّه
دلل لو يالولد و توصّــــي بيّه
إذا رايد توفّـــــــي إرباي اليّه

اخـــدم من صدگ لبن الزّچيّه
برباي اعلـــيك وحليبي أوصيك
خادم كون الــه تخلّيك
حُسينُ الله فلا تنساه حُسين مولا
***
كُبرت وهالعشگ ظل بيّه يكبر
روه بحُب الولايه ونبعه خضّر
كل گطرة دمه بشرياني الأبهر
يسري وياها حُبّك يابو الأكـبر
الگلب ناداك ويدگ بهواك
حُســـين ويا عذب طرواك

حَبيبُ الله ومن لولاه حُسين مولا
***
حسين الماكــو أبد ياناس منّه
گلب يگطر وفه وطيبه ومحنّه
مالومه اليحــــبّه وحُـــبّه جنّه
وطنه وحگـــنه نتباهى بوطنه
هـــــواك شراع اعله كُبر الگاع
يبو الأحرار اليضدّك ضاع
بِعرشِ الله النّجاة وياه حُسين مولا
***
الشّاعر // أبو سجّاد الجعفري

يالموعود بالفرح نادينه
يالموعود عجّل يمهدينه
يا فخــــــرنه العالي وأغلى من كل غالي
***
انته أملـــــــنّه و انته كل دنيانه
ماعــــــدنه غيرك والله يامولانه
نور الــــــولايه بمولدك ضـوّانه
وللباري نشكر شـيعه الك خلّانه
يالموعود شــيعتك تدريها
يالموعود بس انته واليها
ماكــــو غيرك والي وأغلى من كل غالي
***

ياســاعه نحظه بطلعتك ونشوفك
وتكحل نواظرنه بنسيم طــــيوفك
كعبتنه انته و بالمحـــــبّه نطوفك
محــلاها يامهدي الزّمان حروفك
يالموعود نترقّب أخــبارك
يالموعود يالزّاهيه أنوارك
و بســــــمانه تلالي وأغلى من كل غالي
***
بايعنه الك من عــــالم الذّر شيعه
وبكل ســــــنه نجدد عهد هالبيعه
ياحُجّة الله البالغـــــــــه وتشريعه
والينه وأمـرك واجب احنه نطيعه

يالموعود ياصاحب الرّايه
يالموعود عالعهد وفّـــايه
شــــــــــيعتك للتّالي وأغلى من كل غالي
***
يايوم ننظـــر راية المذخـــــوره
تنشرها وترف ابسمه المعموره
وصوتك نسمعه يرتّل بهالسّوره
منصوره ياشيعة علي منصوره
يالموعود بس نظره من عينك
يالموعود ابسبّابة يمـــــــــينك
تعلّقت آمــــــــــــالي وأغلى من كل غالي
***

يمـــــــــته الفرج نترقّبك محبوبنه
من غيبتك ذابت تراهـــــي گلوبنه
يا ســـــاعه بأنوارك تنور دروبنه
وحمل الثّجيل اتشّيله عن متعوبنه
يالموعود و بظهر ميمونك
يالموعود شـــــد لليتانونك
للشّدايد /////////// جالي وأغلى من كل غالي
***

الشّاعر
أبو سجّاد الجعفري

ياحي أبو فاضل
***
بدر وأشرق بنورينه عطر يزهي برياحينه
گمر ويشع عله حسينه يانو ر المحافل
***
أبو الحاجه يســـمّونه مفزع لليقصدونه
أخو زينب يعرفونه حلّال المشاكل
***
مثل عوده الفحل حيدر غيره وعزم يتفجّر
بالميدان موت أحمر يافخر المراجل
***
شهامة علي وفنونه ما گدروا يلاگـــــونه


غضب تجّادح عيونه موت وبيها نازل
***
تشهد كربلــــــه علومه
چن يوم الفزع يومـــــه
بهلها الخيل مهــــزومه
الرّايه بچفّه شايل
***

دگ ظــــــهر بظــــــهر وي عَمّه الأكبر
و خلّـــــــــه الخــيل بأهل الخـــيل تتعثّر
غَضب وتلولح اعله الجيش موت أحمر
تتراجف كلها من خياله
***
سل سيف المــــــنايه وعالمــــنايه أگبل
و لرگاب الزّلـــم كف ردنه و اتشــــــكّل
بكــــــــــثر ماخلّفت نســـــــوانهُم وصّل
لسّاعه الطّف يحچي بزوده
***
يگص برگابها واحــــــــــــتار عسكرها
يلمــــــها بســــيفه نوبه ونوبه طشّرها
من أوّلــــــــها الزّلم جفّلــــــــها لآخرها
وبلايه أرواح مخلّيها
***
منو هذا البرز والخــــــيل جفّلـــــــــها
وخسف برض الطّفوف ورجــع عدّلها
ابن أخـــــــو زينب علي لو هذا كافلها
لو حيدر طب الميدانه
***
للميدان طـــــــــبّوا ورتج المــــــــيدان
وحــــدر اجدامهُم ماجت أرض طوفان
حَــيّ الله الهواشم ســــــــــادة الأكوان
ما طاحت من عدهُم رايه
***
الشّاعر ؛؛ أبو سجّاد الجعفري

لو ميادين الهوسه كلها تهوّس الرّاعي الفضل
عشر معشار المراجل زوده ما تگـــــــدر تصل
صِل حماده وليث غـــــــــابه بيه عزم الما يچل
بس هوّه التّحلاله الهوسه
***
عسكر مــو نفر عباس يوم الطّف
عله أرگاب العساكر موت يتخطّف
گطعهُم والجهنّم بيده صفهُم صف
والموت اتشيّم بفعاله
***
صايود الزّلم والكـــــــون يشهدله
مصيّت والمراجل بس الــه ولهله
حَــي أُم البنين الجابت العباس

چذب بالدّنيا ماجابت مره مثله
طير الحر ويصيد بكيفه
***
ضرغام الحرايب والحرب عيده
ناشـــــر للنّصر راية علي بإيده
بحليب أُمّه حلف يوم الطّف العباس
هذا الجيش كلّــــــــه بصارمه يبيده
عزّب والموت يهليله
***
حگـــــــها أم البنين بمولد العباس
عله كل النّسه تفخـر تشيل الرّاس
من يوم الولاده اتشّوفه شايل جود
چف ينگط وفه وچف مرجله و احساس

من زغره محزّم بالرّايه
***
لعنه اعلـــــــــه السّقيفه السّنّت التّكفير
وألف لعنه اعله ابيّه الجاب مثل أُعمير
حمّال الحطب حطّاب مو خطّاب
الخلافـــــه المثل هذا شلون گلّي اتصّير
بس حيدر بالحق راعيها
***
علي بكلـــــــهن الأوّل موش رابعها
علي الكل الصّفات الطّـــيبه جامعها
علي المامثله فارس بالحرب مقدام
علي روس الظّلالـــه بسيفه گاطعها
قالع خيبرها بسبّابه أبو سجّاد الجعفري

نزف ابشاره زهت أنواره
الليله بمولد حسين جينه انطش رياحين
*
شهر شعبان هل هل بالسّــمه هلاله
بمسرّات او فرح عالمصطفى أو آله
من مولد المــــــولد نورهـــــــم لاله
حي الله علـــــي الكـــــــرّار وابطاله
شرفنه العالي علينه الغالي
لشــــبوله الميامين جينه انطش رياحي
*
العلي هالليله جينه انهــــنّي ونبارك
بميلاد أبو اليمّــــــــه فرحته نشارك


حُب حســـــين بينه چـــــم أثر تارك
فاز الحظه ابحُــــــــبّه واليضد هالك
حبيب گلوبنه شفيع ذنوبنه
غالينه وضوه العين جينه انطش رياحين
*
ولزّهــره نهـــــنّي بروح منشـــــرحه
مسحنه ادموعنه ونشــــارك الفــرحه
وي كل چف صفگ طير السّعد جنحه
أشــرق گمـــر هاشم عالأرض صُبحه
حليف الـرّايه صدى الوفّايه
ونهـــــنّي أم البنين جينه انطش رياحين
*
أبو سجّاد الجعفري

ابن ليث الحــرايب والنّعــــــــم عباس
حگـها أم البنين اتشّــــــيل بيه الرّاس
وفي ابن الوفــــــيّه وللوفـــــه مقياس
كعبه أصبح ضريحه بي تطوف النّاس
هله بضيوفه كريمه چفوفه
تنطي امراد الاثنين جينه انطش رياحين
*
وأبطال الطّفوف الأكـــــــبر السّجّاد
شعشع نورهم وتلالـــــــــه بالميلاد
بمولدهم حظــــرنه نريد كلنّه امراد
يرب اجعل أيّام الشّــيعه كلها أعياد
او مِنْ اعلينه بفرج مهدينه
ناشـــــر راية الدّين جينه انطش رياحين

أشرقَ الكونُ بنورِ المولدِ
نورُ مهدي الزّمانِ الأحمدِ
يامهدي يامهدي يامهدي يامهدي
*
خامس عشر من هالشّهر ميلادك
يبن الغُــــرر يالمنتـــــظر ميعادك
هبّت رياحين العشــــــگ أورادك
وعلگــنه لشموع الفرح بأعيادك
فَمتى نحظى بلقياكَ النّدي
*
ياحبيب گلـــــــــوبنه و أغلى امام
بينه شـوگ الحضرتك فاق الهيام


يمـــــــته يالموعود رايات السّلام
تنشر بطلعتك ياخــــــــــــير الأنام
حُجّةُ اللهِ والمُنقذ غدِ
*
يبنَ آياتِ السّــــماءِ الباهــــــراتْ
يبنَ مَكّــــــــــــه ومنى والذّارياتْ
يا امامَ العصــــــــرِ ياعينَ الحياةْ
العجّلْ نَدعـــــــوكَ ياطوقَ النّجاةْ
يافرقداً مامثلهُ منْ فرقدِ
*
شوكت نحظه ابطلعـة المعــــروفه
و ترف رايات النّصر بالكـــــــوفه


و كل جـــــرح بچفوف اديك تروفه
الك أرواح و مُهـــــــــج ملهــــوفه
ذابها شوقاً هواكَ السّرمدِ
*
ياسـمي المصطفى و مهدي الزّمان
يمــــــته لحبابك تجي و تنشر أمان
بكل گلب محبوب لودادك مكـــــــان
ينبض وكل دگّه الك شـوگ وحنان
يهفو شوقاً للقاءِ الموعدِ
*

الشّاعر
أبو سجّاد الجعفري

أبو صالح هــلا بقائد القاده
مهدي الزّمان وبعد سيد السّاده
بالفرح هاللـــيله العسكري نهنّيله
***
شاء ربّ الكـون اله بخامس عشر هلا بالموعود ياميّه هلا
من شهر شــــعبان وبوكت السّحر هلا بالموعود ياميّه هلا
مولده الميمون امامــــــي المُنتظر هلا بالموعود ياميّه هلا
من ضواه ماخذ ضواه وجه الگمر هلا بالموعود ياميّه هلا
يسمّونه البدر بالحِسِن آيه
من عمّه ماخذ شَــبه كلّش هوايه
ياجمالــه ادخيله العسكري نهنّيله
***

براية العباس نرجس لفّــــــــــــته هلا بالموعود ياميّه هلا
وقبّلــــــــة چفّين اديه وباســــــته هلا بالموعود ياميّه هلا
وسجدت الرّب الجــــلاله وشكرته هلا بالموعود ياميّه هلا
بهالولاده اعلــــــيها تمّم نعــــمته هلا بالموعود ياميّه هلا
او عله طه النّبي صلّت وآله
مولد امام العصر أشرق هلاله
والعرش تهليله العسكري نهنّيله
***
منتصف هالشّهر ليلــــــــة مولده هلا بالموعود ياميّه هلا
ليله بيها الدّنيا كلـــــــــــها معيّده هلا بالموعود ياميّه هلا
ارفــــــــع ايدك يالموالي وعاهده هلا بالموعود ياميّه هلا
وخل ســــوه صوت الولاء نردّده هلا بالموعود ياميّه هلا

يمحجوب الزّمـن شيعه وفّايه
شيعيّه وبكل فخر رفّت الرّايه
يلله خل نمشيله العسكري نهنّيله
***
يلله خلّونه الحسن نتعنّه الـــــــه هلا بالموعود ياميّه هلا
وناخذ ويانه علگ من كربلــــــه هلا بالموعود ياميّه هلا
من الگمرعباس راعي المرجلـه هلا بالموعود ياميّه هلا
انشدّه بعتابه وضريحه انقبّلـــــه هلا بالموعود ياميّه هلا
نِبارِكلــــــــه بفرح مـــــولد القائم
و نگلّه هذا العلگ من گُمر هاشم
خل يشد بي حيله العسكري نهنّيله
***

وياه خلّونه نشــــارك فرحـــــــته هلا بالموعود ياميّه هلا
ونعلگ شموع المودّه بحضـــرته هلا بالموعود ياميّه هلا
ونرفع چفوف الدعاء الطّلعــــــته هلا بالموعود ياميّه هلا
ونقسم اعله الله برسـوله وعترته هلا بالموعود ياميّه هلا
عجّل يلاهــي اله ينشر بعدله
بيمينه راية علي بالعـدل تمله
بالفرج ندعيله العسكري نهنّيله
***


الشّاعر
أبو سجّاد الجعفري

ليلة فرحتك ضوّت شمعتك
محبوب القُلوب أمّك سمّتك
*
انته الحبيب وماكو غيرك ثاني
بنص گلبي ساكن ومتلك وجداني
مسره الدّمه بشرياني تسري شواگك
يحسين يالحُبّك فرض ربّاني
عايش بالضّمير مثلك مايصــير
محبوب القُلوب و الكل عشگتك
*
گبل الولاده حُــــــبّك الما منّه
چم عابس بعابس خذاه وجنّه
غالي وغلاتك وأغلى من كل غالي
مولايه ياسيّد شباب الجنّه
مجنون بهواك يالماكو سواك
محبوب القُلوب أمان الشّيعتك
*
بحجر الزّچيّه شعشعت أنوارك
بيها الأملاك البالسّمه تتبارك
كل نبي ومُرسل كل مَلك هاليله
طاف اعله مهدك يبو اليمّه وزارك
و الرّوح الأمين يهتف ياحُسين
محبوب القُلوب خادم حضرتك
*
أقرب مَلك منّ العرش هاليله
بين السّمه وبين الأرض تهليله
اللهُمَ صلىِّ اعله النّبي وآله
بمهدك يهز بشغف و يلوليه
ويهنّي الرّسول والزّهره البتول
محبوب القُلوب تباها بخدمتك
*
كل الخدم مستبشره بميلادك
وتشم نسيم الهاب من أورادك
ذابت بحُبّك واليجن هنياله
انته الحبيب الإلها ربّك رادك
ياسيد الجنان يالكلّك حنان
محبوب القُلوب شفانه بتربتك
*
الشّاعر // أبو سجّاد الجعفري 1 شعبان 1466هـ

صوت من مرقد ضريح العاشقين
هلا وكل الهلا بخدّام الحُسين
***
من المناير صوت ابن ظاهر حبيب
ياهلا بخدّام أبو اليمّه الحبيب
بليلة الميلاد يم أبو السّجاد
بأجمل الأعياد والمحفل يطيب
ادخلوها بسلامٍ آمنين
***
كامرات الزّهره تلتقط اليزور
وترفع اسمه بطبق للرّب الغفور
الزّائرك يحسين مو أجر أجرين

بي تسر كل عين مِن رَبٍّ شَكور
وكربلائك تحتظن للزّائرين
***
واليشيل ايده ويسلّم عالمقام
انته تسمع صوته وتردله السّلام
يالتّجي وتزور مرقدي مشكور
كل ذنب مغفور عند أطهر إمام
حسين باب الله وشفيع المذنبين
***
ثالث بشعبان يجمعنه اللقاء
والخدم تلگاها كلها بكربلاء
بحضرة العباس تنثر اعله النّاس

ياسمين وياس يأم راعي اللواء
وي عضيدك بالفرح مستبشرين
***
ضاويه شموع المحبّه بكل مكان
ليلة الميلاد يانبع الحنان
بمولدك بجنون الفاطمه يهنّون
وفرحه ينتظرون الى مهدي الزّمان
خاتم العتره ومولى الثّقلين
***

الشّاعر
أبو سجّاد الجعفري
2 شعبان 1446هـ

بسم راعي الفضل هاليله نحييها
**
ليلة رابعك شعبان محلاها
گمر لأم البنين بنوره ضوّاها
حگها اعله النّسه لو بيه تتباها
المراجل بس اله وبس هوّه راعيها
**
حگها أم البنين اعله النّسه تفخر
بأبو فاضل الهيبه من صُلب حيدر
گمر من والگمر بعد اجمل وأكثر
نجوم البسّمه بأنواره ضاويها
**
من يوم الولاده محزّم بجوده
وعلي شد بيرغه ولفّا عله زنوده
غيور وغيرته من المرتضى عوده
وفي والخوّه هوّه بروحه شاريها
***
اليوم الطّف أبوه اختار اله وراده
عضيد وكافل اخته عمّة السّاده
علي القائد العام ومثله أولاده
شبوله وعالفخر حيدر مربّيها
**
اسود وبالحرب تحچي مواقفهُم
چن حامي الحمه الكرّار واحدهُم
كلهُم من علي أخذوا مراجلهُم
وعباس شلعب يوم النّزل بيها
**
الشّاعر // أبو سجّاد الجعفري 4 شعبان 1446هـ

مثل جدّه رسول الله
عليه ربّ العرش صلّى
علي الأكبر علي الأكبر علي الأكبر علي
**
عطر تتناثر أوراده علي ويامحلا ميلاده
شكبرها فرحة السّاده بالمولود هاليله
اجت تتناقل أخباره والأفراح من داره
تزف لحسين الابشاره تباركله وتهنّيله
عله شفاف الفرح بَسمَه
تناغي الوالده بـ اسمه
علي الأكبر علي الأكبر علي الأكبر علي
**
من جدّه النّبي صوره ماخذ نوره من نوره
يشع وضوه المعموره وبيه الدّنيا فرحانه
الخلائق كلها منشرحه تشارك والده الفرحه
الگُمر خجلان من صُبحه
يعاين غصن ريحانه
نجوم البسّمه سرها من وجناته منظرها
علي الأكبر علي الأكبر علي الأكبر علي
**
بحجر حسين مولوده يشــع النّور بخدوده
عطور الجنّه بوروده عليه أحبابه مجتمعه
جمالـــه أبداً مَيتواره يتفايض نوره بكتاره
شحلاته تگول جمّاره ويامحـلاها هالطّلعه
سمي الكرّار أبو الحمله
علي الماكو علي مثله
علي الأكبر علي الأكبر علي الأكبر علي
**
شبل وبمدرسة حيدر درس وتخرّج الأكبر
من جدّه القلع خيبر أخذ ميراثه وفنونه
بطل والكون يشهدله فلا جابت مره مثلــه
المراجل بس اله ولهله
بحرب وين اليلاگونه
عله ارگاب الزّلم سيفه
يصول ويذبخ بكيفه
علي الأكبر علي الأكبر علي الأكبر علي
**
الشّاعر
أبو سجّاد الجعفري
5 شعبان 1446هـ

يافرقد اللــــيله نولد راكع وساجد بالمهد
بساق العرش مكتوب زين العابدين
***
بهاليله لحسين نولد سجّاده
وكل الأمــلاك معيّده بميلاده
أرض وسماء اتزّيّنت بنواره
محلا شهر شعبان محلا أعياده
عالدّنيا هَل هلاله فرحة مُحمّد وآله
من مولد المولد اجو مستبشرين
***
أنوار قُدسيّه وعظيمه أسرارهُم
بيت النّبوه نعمه والله اختارهُم
معصوم من معصوم يامحلاهُم
من نور أبو الزّهره تلالي أنوارهُم
ومن البتول وحيدره هاي الأقمار الزّاهره
أربعطعش معصوم كلهُم طاهرين
***
أشهدُ أنَّ اللهَ هوّه الواحد
في سورةِ التّوحيدِ فرداً صامِد
رَبّي ولا أُشرك بِهِ حاشاهُ
قالهــــــــا زَينُ العابدينَ السّاجد
حُب الإله المُفترض
يسري بدماه ويه النّبض
ولهذا صار اسمه إمام السّاجدين
مستبشر حسين بوليده الليله
وكل أهل بيته گامت تهنّيله
السّابع السّمه السّجاد نوره تشوفه
ساطع و بآيات الفرح تهليله
محلاه چن فلقة قمر در وعله الكون انتثر
من عطره أخذ عطره الورد والياسمين
***


الشّاعر
أبو سجّاد الجعفري
5 شعبان 1446هـ

خامس عشر من هالشّهر
مولد إمامي المُنتظر
مهدي الزّمان اسمه وإمام المُتّقين
***
من أرض سامرّاء هاليله الضّياء
ارتفع بأفراحه ويعانق للسّماء
يم أبو اليمّه اجينه نطش ورود
بأزكى آيات التّهاني والولاء
ونردد بهذا النّشــــيد مبارك عليك بهالوليد
ياحُبنه الأكبر وانته أمير العاشقين
***

ساجد بمولدك لمّن ردّديت
وبكلمة اللهُمَّ فَشهد كَبّريت
غيرك فلا أعبُد ولا أرجو مُحال
اللهُ أنتَ الواحد البيه آمنيت
وانته الإله المُستعان فيهِ على مَرِّ الزّمان
ياصاحبَ الفَضلِ وَربِّ العالمَين
***
بحظان نرجس أُنته ونوارك تشوف
أفواج الملائك دارت اعليك وتطوف
فرحانه بيك وهالفرح عم الوجود
ويّاك سجدت شاكره الرّب الرّؤوف

بسمك هتف وحي السّماء
يَبنَ سَليل الأوصياء
وينثر عله الدّنيا زهور الياسمين
***
براية العباس أُمّك لفّتك
ومابين اديها أخذتك وهوت شمّتك
ريحة العنبر تشم يالمهدي بيك
وياحنان البيها لمّن قَبلتَك
فرحانه بيك وفرحتي ماتنوصف يرويحتي
ياطير سعدي ودنيتي وحلم السّنين
***

من نورك الزّاهر أخذ نوره الگمر
يافرحة الهلّت علينه بهالسّحر
يمته بظهورك سيدي اتسّر النّفوس
بالعجل ندعي الباري الك يبن الغُرَر
نترقّب بكل جمعه الك
وبكوفتك نتخيّلك
إت .. إم بالصلاه شيعة أمير المؤمنين
***
الشّاعر
أبو سجّاد الجعفري
6 شعبان 1446هـ

طَرَقتُ قوافي الشّعرِ في ألحانِ
في ثالثِ الأيّامِ من شَعبانِ
في يَومِ ميلادِ الحُسينِ ويالَها
مِن فَرحَةً غَنّتْ على الأغصانِ
فيها نُفوسُ العالَمينَ وأطرَبَتْ
بِقِدومِ سَيّدِها مِن آلِ عَدنانِ
حَبيبُ رَسولِ اللهِ لا بَل روحُهُ
أنعِمْ وأكرِمْ بالعَظيمِ الشّانِ
وَفي رابعِ الأيّامِ حَلَّ بِنورهِ
قَمرُ العَشيرةِ لا 0بَل0الأكوانِ
عَباسُ يارَمزَ الأُخوّةِ والوفا
ما جاءَتْ الدُّنيا بِمِثلِكَ ثاني
ونورٌ أتى ساجِداً في صُلبِ والِدهِ
زَينُ العِبادِ تَوأمَ القُرآنِ
وَنورُ شَبيهِ المُصطفى مِن بَعدهِ
فَذاكَ عَليٌّ زينَةُ الشُّبّانِ
وَخاتَمُ الاثنا عشر في طَلعَةٍ
عَلَويّةٍ تَزهو بِكُلِّ مَكانِ
القائِمُ المَهديُّ مِن آلِ أحمَدٍ
إمامُ الهُدى مِن سالِفِ الأزمانِ
***


الشّاعر // أبو سجّاد الجعفري 7 شعبان 1446هـ

الباري ساق عرشه 00 مَهدي الحسين
وكل رحمته الوسـعه  00 مُهدي لحسين
بنصف شـــعبان أقبل 00 مهدي الحسين
يشع عالكون بأنواره الزّهيّه
***
يشـــــــع نوره حظن نرجس 00مَهَد لاه
و اجيت أعلن الــــــه البيعه 00 مَهِد لاه
اهدعش معصـــــوم مهدينه 00 مَهّد لاه
والدولــــــــة العدل المَهدويّه
***
شاعر والشّعر يمشي ويه مسره الدّم
بعروگي وهواه شطيبه لو نسّم

مو شاعر غزل أدري الغزل مذموم
بس بحُب أبو السّجاد ماينذم
تتغزّل بحسين أشعاري
***
أسولف ويّه روحي من الهوى توبي
وتگلّي من الله هذا العشگ مكتوبي
طحت بحُب عزيز الدّنيا جنّت بيه
حبيب الكون كلّه حسين محبوبي
ويّه الدّم يمشي بشرياني
***
دعتلي أُمّي اعله مهدي وهاي عادتها
وي كل دلل لول أسمعها دعوتها
اعله فطرتها تسولف رايدتلي الخير
وهاي من الله چانت أُمّي طِلبتها
خادم لحسين يخلّيني
***
صرت لحسين خادم هيچ عالفطره
لا دوّرت صيت ولا ردت شُهره
الخِدَم لحسين أكيد حسين ماينساه
وبيوم الحشر تشفع اله الزّهره
هنياله الكلمن يرضونه
***

الشّاعر // أبو سجّاد الجعفري 12 شعبان 1446هـ

وشملاه.
حب حسين أخذ عقلي
وتركله بكل جزء منّه
أگض بچفوفي شبّاچه
بي ريحة علي وأمّه الزّﺟيّه

لهاشم..
عذب ياطيب هاليله
مليحة وجه وبخدها
انولد ويه السّحر فرقد
جزه يوسف جماله وشاع ضيّه