حقًا
صوتك عصَم عن أذني جميع الأصوات السيئة التي كان من الممكن سماعُها اليوم🌸.

أكثر ما يمكن أن تهديِه لرجل أن لا تكوني كالنِساء 🌸❤

ماذا يفعلُ الغرباء
الذين لايحلّمون بكِ؟

• بسّام حجّار
-

كل شيء سيموت يا رفاق ، حتّى الذكريات ! وحتّى أنبل العواطف ويحل محلها نوع من الحِكمة الباردة تجعل الندم يهدأ نسبياً ، فلماذا نثور ؟

تعلمُ أنك قاسٍ علي جدًا ، لكنك لا تتوقف أبدًا لترى كم خدشاتك الصغيرة والمهمة شوهَت قلبي ..


اسراء

قبل تقريباً تمنيه سنين طلعتا مع صحبي نتغدا سوا، قريب المغربيه والجو لطيف، البيت الشامي في عز رواجه والاقاشي بتاعو.
واحنا قاعدين بنتناقش عن ميسي و مهاراتو جات داخله حاجه .. لا بالجد كدا كانت حاجه .. لدرجة حسن قطع الكلام وقال دي شنو دي !! بنيه كدا ما شفتها زيها من زمن قناة اوربيت 'نطراهم بالخير قناه عظيمه'.

وقتها انا جاي من مكه جديد وكل معلوماتي عن المرأه انها انسان زينا.
المهم نقاشنا انا وحسن بقى عن السكوت وتجارب التأمل.. وانت امشي لا انت قوم.
-يا حسن انا ما حصل شوفتا حاجه بالشكل ده حقول شنو، امشي انت.. آخر مره اتكلمتا مع صيدلانيه بلتا ليها عندكم لمبه 💔.
-لا لا اهو شغال انت ماتخاف انت توم كروز الغلابه وبتتجاوب معاك.
فكسرنا الاتنين الحنك وكملنا موضوعنا عن التأمل والسكوت والنظر لي ما وراء الطبيعه.

جا وقت نجيب الطلبات.. اتنين اقاشي فراخ واتنين منجا.. ولاني محنك وخبير استراتيجي عظيم خليت حسن يجيب الاكل وانا العصير .. حتجي ماري بالطبيعة وتقطع بجمب ما وراها وترجع تاني في نفس الخط😉.. والحمدلله انو حسن حمار ووافق.
المشكله انو المطعم كلو بيعاين ليها ، محطة المواصلات بالكماسرة كسرو الحنك وبعاينو ليها ، وفي إشارة الشرقي بتاع المرور بعاين ليها .. حكون زي مدافع عادي بيعدي من جمب ميسي ترواغك بسهوله وتمشي بدون ما تلتفت ليك، دا كان ماجابتك واقع ... المهم .. بنت حلوه لمن هظار هظار.. حعدي من جمبها واحفظ ملامحها وامشي احلم بيها في الليل..
اخدتا صينية العصاير وجيت راجع و الجميل مديني جمبو ومقبل عكس .. (دا البوست التالت انزلو الليله وانتو تفاعلكم بخيل، حبدل المتابعين بتاعني انا بشاورما عربي).(اصبروا حملاكم بوستات حزينه واحشيكم اكتئاب اصبروا بس).

المهم .. كانت لابسه حلق عمري مانسيتو معنو في نفس اليوم ضاع ، وانا بتأمل طرف عيونها كنت ماشي، كنت مغيب بس شايف ، او شايف مغيب .. لما قربتا شديد عليها ما عارف يمكن عشان طريقي مال عليها بفعل فاعل التفتت علي... وقتها ما عارف الحصل شنو بس عرفتا انو معنى كلمة كبكبه انو الكبابي تطاقش .. طلعت ميسي جد يا بشر وجابتني واقع! ؟
على حسب رواية حسن المحرفه: اني مشيت عليها وطقشتها بالكبابي ووقعتا فوقها وانو انا ماحخلي حركات الحاج يوسف الفاضحاهو دي.

المهم.. في الحقيقة لا شيء مهم..
لقيت نفسي ملقى علي رجلها وهي بتكورك من الخلعه.. عاينت فوق لقيت شلال منجا نازل علينا .. من وقتها بقو بقولو على البت السمحه منجا .. انا حولتها ل جركانة منجا مدفقه.. انا سبب النزول والتوربه..
المطعم كلو قام مشى ليها.. ايوه حتى بتاع المرور.. حسن زاتو لقيتو واقف بيسأل فيها "انتي كويسه"، وواحد سحبني من رجولي.. من رجولها نزلني للأرض ، زي نزلت ابونا ادم .. زيّها .. نزلني الميتين داك ومشى يسألها..

متفهم انو مافي زول قالي سلامتك اصلا وفي واحد من بعيد مدا قال لي حظك 💔
زحفتا وقومتا قلتا الحق ما تبقى مما ما تبقى ، ومشيت المغسله في اثناء ما انا بتجلخ وبتشطف عديل من الكبايتين الجامبو الشربتهم من نخرتي جات الجميله المغسله.. كلاب السرة ديل جابوها بي موكب، حسن دا ما كان فضل الا يهتف.. بس لضيق المكان بتاع المرور حق استوب الشرقي داك نظم الشغله ووقفهم بعيد شويه.

عاينت ليها.. كانت تقريباً بتدعي علي
استجمعتا قواي وقلتا اليحصل يحصل (هو بعد دا في شنو ممكن يحصل؟)

قلتا ليها :سوري
كانت اول مره في حياتي اقول "سوري" احنا كنا بنقول معليش.
التفتت علي.. جسمي كلو التفت عليها..
ياخ عيونها قِبله .. هي بحد ذاتها قُبله..
شفايفه كانت أشهى من كرسي شباك في مقعد شكراً يوم احد..
قالت : لا حصل خير، انت كويس؟
ومن وقتها عرفت انو الحب جميل.. وانو الناس لازم تحب.
قلتا ليها بشي من الفرح في صوتي : كويس شنو انا حاسس بأني ملك المنجا.
ابتسمت وقبل ما تبدا كلامها قلتا ليها.. نفس اليوم ونفس الوقت الاسبوع الجاي في نفس المكان نجي نكمل باقي المنجا ما يروح ساي.. (خش اعمل شاهد اولاً واتفاعلو بالله خلو برودكم دا)

ودا الحصل .. كنت عديم خبره جدا بس موهوب. من نظرتها كان لازم ابقى شاعر او روائي او رائد للفضاء.. مالناس بتقول للبنات يا ملاك وانا اول من عامل ملاك كـ فتاه.

والتقينا .. مره واتنين وتلاته وابتدا الحب العظيم ..
كنت واقع حبه حبه بقيت بطير ..
كنت عادي بقيت عظيم..
كان قلبي متقلب شمال ويمين وهي جات حرمي المصون.. قِبلة .. قُبلة العمر اللي جاي ..
حب مهول ماليهو بدايه بس للأسف كان ليو نهايه ..
سته وثلاثين شهر .. واتعلق الحبل اللعين على الرقاب ..
بس الحبل من لعنتو كان اطول من عمق الهاويه ...

لا مت بعدها لا نجيت .. اربع سنين من اكتئاب وضيق في النفس وكتابه كانت تسيء إليّ ...
حنقنع البيت الشامي كيف لو اقتنع اوركسترا واسبكترا ومول عفرا وايطالي بيتزا وملك المنجا الفي الكرين..
كنت ملك المنجا بي تاج من صلصال وطين ..
وهسي الكبابي بقت بلاستك والقلوب كمان بلاستيك و المرور لجان مقاومه والمقاومة هي الحكومه والحكومه عسكريه بس لابسه كرفته .. جاطت .. جاطت شديد ..
لو ما الكبابي اطاقشت ما كان بقيت كاتب عظيم ولا كان حبيبتي دوم تقول لي انك عظيم.
البيت الشامي فاضي.. العشاق بقو يطلبو ديليفري!..
البيت الشامي فاضي.. والحيط بتشتكي قل القوافي
يا مطعمي الاول...... عوافي.

#عُمَر
#سنتعافى

لا يمكنك أن تفهم الشعُور أبدا
الأمر أصبح خارجًا عن السيطرة بالكامل "

ثمة أمآل غريبة بالبقاء، في قلب نفسُه لا يثبت على ضلع واحِد

اتسائل كيف أن الدنيا تصوّر الأشياء الحزينة بإبتسامة سعيدة ♥️.

أنت ضعيفٌ وهشٌ وعاجزٌ وقبيح ،
مثل سنٍّ منخورٍ في لثة العالم ..
لكنك مهمٌّ ،
فعبرك يتسرّب الألم
كٌلّما عضَّ العالمُ أحدًا ما

• ميثم راضي

خائفة ، من الأمان الوحيد الذي تبقى لي.

‏" تعلم أنك وحيد عندما تشعر برغبة في الحديث عن شيء ما حدث لك اليوم ولا تجد أحد للحديث معه."

أحيانًا ، يصدك الحب فتشعر أنك تمتلك غابة من الفراشات، لكنها تبكِيك ❤

كلنا مليئون بالخيبة، بكسرِ الأشياء التي تسعدنا، ولا نجيد إصلاحها..

تحدث أشياء كثيرة في يومي، وكالمعتاد عندما أفعل شيئا جميلا لم أكن أفعله دائما
لا يحدث ذلك فرقًا ، أغيّر الطريقة التي أجلس فيها باستمرار، حتى أنني لا أنام مستلقية طوال الوقت، أجرب دائمًا كيف تسير الأشياء كما نريدها أن تسير، أجرب قواعد جديدة في حبي للأشخاص، أضع المميزين في دائرة عليها حلقة من نار ، وأخيرًا ، أختار الأكثر رواجًا منهم
ليرقص معي، تحت الشمس 💛


اسراء

‏لا أتخيل أن اقع في حُب شخص يراني عادية، يفوّت يوم ميلادي، لا يعرف شكل الْحُزن في عيني، يتخطى اسمي ولا تهتز روحه ..