لا اله الا الله..لا اله الا الله..
باقر اعلوم النبي ..بانت انواره
---
ياشيعه نفرح والفرح عاده
هالليله شعشع سادس الساده
واللي يحبه أعلن اعياده
واحروفه تبگه لفظة اوراده

لا اله الا الله..لا اله الا الله..
شبل الزچيه للأبد ..تبگه آثاره
---
بوصافه كل الوادم ايحيرون
اولجله نهني ابمولده الميمون
يل حُبه واجب من إلـه الكون
اوصك الشفاعه ابيمنته مضمون
لا اله الا الله..لا اله الا الله..
نهدي التحيه اونرتجي ..نوصل ادياره
---
الباقر ابمدحه اخجلت لشعار
اوبحروفه تسرح مُجمل الافكار
هذا ابعلومه ظهرت الاسرار
واسراره من طاها النبي المختار
لا اله الا الله..لا اله الا الله..
بوصافه كل هاي البشر..تبگه محتاره
---
هالفرحه شملت مجمل الأمه
وابمولده مبتهجه مبتسمه
الليله الموالي ينفرج همه
اينال احتياجه لو طره أسمه
لا اله الا الله..لا اله الا الله..
بيده الكرم اعظم صفه..صاحب الشاره
---
كل اليحبه ابواجبه أدرى
ايقدم تهاني الفاطمه الزهره
اويطلب من الله تبگه هالذكرى
اونحييها ويّه قائم العتره
لا اله الا الله..لا اله الا الله..
نتمنى ويّه المنتظر.. نبگه زواره
---
عادل العبد الله
17/1/2023

https://www.tgoop.com/adela313
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
...



.

مولد النورين

الهادي والباقر

* * *
من رجب صاح المنادي

مولد النورين بادي

والفرح ما هو اعتيادي

يبقى من سر انشدادي

وهالفرح معروف

امن النبي صادر


* * *

اعلن اليوم احتفالي

بسم نورين المعالي

اللي بيهم اتصالي

ارتجي منهم نوالي

ويرتفع لي شان

بالحشر باچر

* * *

عاشگ وعشگي جنوني

بحبهم اهلي علموني

شلون احيد وشيعي لوني

ومنعگد بیهم ظنوني

بحبهم اتربيت

واصبحت شاعر

* * *
الهادي والباقر اودهم

يبقى بالعزه مجدهم

رغم كل حاقد يضدهم

فاز كل مؤمن گصدهم

يفدي هاي الروح

ومستعد زاير

* * *

آنه ثابت بنتمائي

وحگي افخر في ولائي

مهما لو يعظم بلائي

منهم ألگه کل جزائي

لايذ وللموت

ما أظل حاير

* * *

:
عادل العبد الله
ارشيف 2013
https://www.tgoop.com/adela313
الفاتحة لروح من علمتني الخدمة الوالدة *آمنه العبدالله*

ليلة فرح واسرور ..كلنه اعتنينه
هادينا والباقر ..هلو علينه
---
أنولدو البدرين..نور المعالي
نسل الشرف والزود ..فخر الموالي
اوليهم فرحنا صار..هاي الليالي
انشارك مع العشاگ..نرفع ايدينه
---
تتنزل الاملاك..الدار الامامه
تنثر لطف رحمات..ابجنح الكرامه
اوعالباقر الأنوار..صارت علامه
وراث من المختار..أحمد نبينه
---
هادي ورث اسرار..حامي الحميه
نفس الاسم سماه ..رب البريه
حارب بعد افكار ..كل جاهليه
توأم علي بوحسين..تاج المدينه
---
هذا الفرح معقود ..بسم الاطايب
منهم اجا كل خير..واصل المكاسب
حبهم يظل مفروض..واعلينه واجب
قيمتهم ابكل روح..قيمه ثمينه
---
عنهم أبد مَنحيد..والباري يشهد
نحيي ذكرهم دوم..عترة محمد
وابحبهم الرادود..هالليله أنشد
اوطور الفرح صداح..يمه اجينه
---
عادل العبد الله
1/2/2022
https://www.tgoop.com/adela313
الفاتحة لروح من علمتني الخدمة الوالدة *آمنه العبدالله*

ثاني رجب من لاح . . بالهادي عيّـد
وابزينة النجـمــات . . يا هــلا ردد

* * *
ثاني رجب والصوت . . منا ينادي
نوّر إمام الكون . .إلنقي الهادي
واتهلهل الأرواح . . رغم المُعادي
اوكل شيعي گلبه ارتاح . . بالهادي وحّـد

* * *
ننسى الحزن والنوح . .ويه المصايب
اونعلن فرح واسرور .. لبن الأطايب
عدنه امنيه ابذكراه . . أعلى المراتب
اونتمنى بيده الفوز. . بجنانه نسعد

* * *
عن كل صفات البيه . .نعجز نِعبُر
مايكفي وصف ابيات . . ماتكفي أسطُر
اللي ايعرف معناه . . مهما يصور
ما اتغيره الموجات . . بسمه ايتخلد

* * *

لو بس تجينا اهموم .. ويه المشاكل
نگصد له محتاجين . . في هالمحافل
نتوسلَه اونرجاه . . بيده المناهل
بيده كرم كل خير . . أجره ميـنعد

* * *
من جده حامي الجار . . مبنيه ذاته
وارث علومه زود . . وارث صفاته
تبقى وسط لگلوب . . سيرة حياته
مهما منعنا الجور . . شوكتنا تشتد

* * *
خل نرفع إيد ابإيد .. گصد الزياره
سامره عنده تهناك . .مأوى الحياره
منصوبه يمه اصروح .. گبه اومناره
واضريحه للمشتاگ . . طلبه مينرد


* * *



عادل العبد الله

الارشيف 2013
https://www.tgoop.com/adela313
الفاتحة لروح من علمتني الخدمة الوالدة *آمنه العبدالله*

ياعاشر اليمه...يلمولدك رحمه
علي علي علي علي.. يلمولدك رحمه
…
علي الهادي وجودك علة الكون
يالنهجك هدايه واغلى مضمون
اوبسمك كل محب دلاله مفتون
يعشگك وابرغم أنف اليضدون

يلمنهجك آيه..اوبسمك ترف رايه
علي علي علي علي.. انته تظل نعمه
علي علي علي علي.. يلمولدك رحمه
…
سمي جدك علي تاج الزعامه
اسلكت نهجه المبين اوكل نظامه
كيانه مثلِّت فخر الامامه
غيرت الجهل حتى ظلامه

من علمك اليزهر..كلشي ترى اتنوّر
علي علي علي علي..يمضوي كل نجمه
علي علي علي علي.. يلمولدك رحمه
…
حروف اسمك تظل للناس بلسم
اوبيك اشگد إلهي اعلينا أنعم
لولاك المحب ما ظن تقدم
فقط منك يشوف البيْه يحلم

ينظر كراماتك..يستلهم آياتك
علي علي علي علي..يالراسم البسمه
علي علي علي علي.. يلمولدك رحمه
…
يلهادي انعقد بسمك حفلنه
يالأكبر شرف جامع شملنه
وابطول الزمن تبقى أملنه
اوعسى ياسيدي تقبل عملنه

نتمنى سامرا..يمك نظل نقرا
علي علي علي علي..اسمك صفى نغمه
علي علي علي علي.. يلمولدك رحمه
…
فرحنا ياعلي اوسوينا سهره
ونتمنى يبوالشيمات نظره
ترى بينا كسر يالوالي جبره
نريدن نعتني اوندخل الحضره

يمتى نطب دارك.. اوتكتبنا زوارك
علي علي علي علي..اضريحك انضمه
علي علي علي علي.. يلمولدك رحمه
…
عادل العبد الله
29/1/2022
https://www.tgoop.com/adela313
الفاتحة لروح من علمتني الخدمة الوالدة *آمنه العبدالله*

لبن الجواد اتعنيت..وابروحي ندبه اوحسره
----
لبن الجواد ابهالمسه اتعنيته
واتخيل الماتم جزء من بيته
ناديته يقبل عبرتي وارجيته

اولو اقرا لطميه اعليْه..يعطف عليّه ابنظره
---. ،
شايل بحر حنيّه من اجداده
والكل يعرفه ابشيمته وامجاده
ما تنگطع مهما حصل أوراده
..
ابسجادته ايفيض النور..واچفوفه موضع قُدره
---
باب الحوايج والنعم بالهادي..
هذا اللي بسمه كل محب اينادي
بـطرافه يزهي اويزدهر كل وادي

بنفاسه يطلع كل خير..اوكسر الموالي ايجبره
---
نص الزياره الجامعه النقراها
يحوي مقامات العلي الزكَّاها
اوبيها فضايل ساميه مبناها

بالمختصر فحواها..نتبع طريق العتره
---
واجب اشكره باللطم والونه
خلاني خادم ما أخيّب ظنه
وادعي إلهي ما أحيدن عنه

هذا اللي رافع لي شان..اوعيّشني چني ابحضره
---
عادل العبد الله
15/02/2021

https://www.tgoop.com/adela313
الفاتحة لروح من علمتني الخدمة الوالدة *آمنه العبدالله*

گبتك يالهادي رجعت من جديد
رغم جور الناصبه التتبع يزيد
* * *
رجعت الگبه بعد ذيچ الشدد
وبيها كل زاير يجي يطلب مدد
وانته مولانه أبد مترد أحد
من نحلفك سيدي براس الشهيد
.
* * *
گبتك مولانه تبگه عاليه
رغم كل هاي الطغاة الباغيه
گبتك وشگد قداسه حاويه
اللي بيها تلتجي كل العبيد

* * *
گبتك بالنور تبگه ساطعه
ياللي ذاتك بالمعارف جامعه
تبگه لينه رحمة الله الواسعه
ومنها ناخذ ما نطلبه اشما نريد
* * *
گبتك ميهزها تهديد ومنع
لنها منهاج الديانه والشرع
الأصل أنته اوهيه منك فرع
وتظل أقرب ليها من حبل الوريد

* * *
گبتك من ذهب تسطع گبتك
وتظل مثل التاج عالي ابحضرتك
وبيها تتكحل نواظر شيعتك
وتجذب اعيون النظرها من بعيد

* * *
انته تدري بكل حوايجنه نبوح
من نعاين گبتك همنه يروح
وتختفي عنا يمولانه الجروح
وبالزياره نضمن الجنه أكيد

* * *


عادل العبد الله
https://www.tgoop.com/adela313
الفاتحة لروح من علمتني الخدمة الوالدة *آمنه العبدالله*

الخير كله يابشر عند الجواد
ابيوم ميلاده نحصل كل مُراد
---
هذا من خيره انتشر معنى الكرم
اوتحت امره تمشي أنواع النعم
باب رحمه اوعاطفه اوكله شيم
محور الكون اوسبب خلق العباد
---
نوره شعشع واتزن كل الفضا
والملايك فرحت ابإبن الرضا
بيده يحمينا الجواد امن اللضه
بس شرط بسمه نوجه لعتقاد
---
من بحر جوده ظهر كل الدُرر
اوعلمه مايخطر على بال البشر
حارب اشكال الجهاله وانتصر
اوذكره يترتل بعد في كل بلاد
---
مرقده يزهي ابحضور الزائرين
اوكِلها بسمه تطلب امن الله اليقين
هوّه كهف الله اوبعد حصنه الحصين
رغم تشكيك اوحقد اهل العناد
---
يا كبر حظه الـ وصل ذاك الضريح
بالجواد يلگه مُراده اويستريح
ابنوره يشفي كل عليل اوكل جريح
واعله ذكره ينشرح حتى الفؤاد
---
عادل العبد الله
1/2/2023
طريق مكة

الفاتحة لروح الوالدة *آمنه العبدالله*
والشاعر *حسين العبدالله*


https://www.tgoop.com/adela313

نورك يالجواد اعله السما ايلالي
اويم بابك اظل امعلگ آمالي
---
هلا ابنورك انادي اوعالملا افخر
اوثغري يالجواد ابمدحك استبشر
يل اسمك اسم طاها النبي الأزهر
اريد ابخاطر الله تنظر ابحالي
---
ادري يالولي الماي الوجه شراي
اومن نار اللظى تبگه إلي حمّاي
اوبالمحشر تلبي سيدي منواي
اويمك تنعرض يالوالي اعمالي
---
شوصفك وانته وصفك نازل ابقرآن
يلذكرك عباده اوحبك الإيمان
اشما عنك اسولف تبگه عالي الشان
اوصعب ألگه مثيلك حرفه يحلالي
---
تغذيت اعله خيرك يا أبوالهيبه
يمن سري فقط انته اللي تدري به
اومثل تايه اجيتك ذايب اگليبه
يمن شوفة ضريحك تروي دلالي
---
دليلي يرتوي ابقُدسية آثارك
اومن ألفي مقامك روحي تتبارك
واحظى سيدي من رحمة انظارك
اوإلك فدوه تروح اولادي واموالي
---

عادل العبد الله
21/1/2024
الفاتحة لروح الوالدة *آمنه العبدالله*
والشاعر *حسين العبدالله*


https://www.tgoop.com/adela313

علي علي علي علي علي.. احروفه جوهر
علي علي علي علي علي خلاني افخر
---
يلهج لساني ابذكراه..صبح اومسيه
مالك كياني مولاي ..حامي الحميه
ابوكت الرخا والشدات ..يدري اللي بيه
عالفطره آنه اهواه..ميه بالميه
علي علي علي علي علي..إلضده أبتر
علي علي علي علي علي خلاني افخر
---
حيدر حروفه قرآن..منهو مثيله
بيده تدور الافلاك..واهوّه الوسيله
زوج البتول أم احسين..أمنا الجليله
ماسك سجل الاعمال ..راعي الفضيله
علي علي علي علي علي..للشيعي مصدر
علي علي علي علي علي خلاني افخر
---
باب العلم داحي الباب..كاسب مناقب
وحده انولد وسط البيت..تكريمه واجب
اونفس الرسول المختار..نفسه ابلا حاجب
كِله قداسه وانوار..اوبيده العجايب
علي علي علي علي علي..ذكره ايتكرر
علي علي علي علي علي خلاني افخر
---
شمس الله ردت مرتين..من اصبع ايده
وادري دليلي يرتاح..بسم الصميده
واتمنى يحسبني دوم ..اصغر عبيده
والعنده حيدر ميخاف..عنده عقيده
علي علي علي علي علي..ظل نوره يزهر
علي علي علي علي علي خلاني افخر
---
سلم الله سلمه الكرار..حرب الله حربه
اويوم القيامه مضمون ..ينفعني حبه
امي وابويه امن اسنين ..دلوني دربه
گالولي حيدر مولاك..كل مره ندبه
علي علي علي علي علي..ابطاريّه اجهر
علي علي علي علي علي خلاني افخر
---



عادل العبد الله
23/1/2024
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
https://www.tgoop.com/adela313

علي روح القصيده..علي أصل العقيده
علي الكرار حيدر ..علي الكرار حيدر
---
كل شاعر ابوصف الأمير اتحير
يبگه ذهب حيدر فلا يتغير
ذكره عباده اوللبلاغه مصدر
والـ (قل هو) بسمه ترى تتفسر

علي واحروفه سهله..علي كلشي يحلّه
علي حاشا تعذر..علي الكرار حيدر
---
ابذكرى الولاده كل محب يتبسم
اوهنياله كلمن بالولايه يلزم
باچر اذا صار الحشر يتقدم
اومن اللظى جسم الموالي يسلم

علي فاز اليحبه..علي بالجنه گربه
علي اليسقيه كوثر..علي الكرار حيدر
---
ابصارم علي ثبتت قواعد لاسلام
وابمكه فوگ الكعبه حطم لاصنام
اومنه عرفنا كل بيان الاحكام
نفس النبي اوهوّه اللي بفراشه نام

علي لجل الديانه.. علي يفدي كيانه
علي الأول مكرر..علي الكرار حيدر
---
لَمست چفوف المرتضى تنبع خير
واهوّه الوحيد الما يُقارن بالغير
ابكل آيه عنده امن النبي اشگد تفسير
اوعنده العلم حتى علم نطق الطير

علي ماصح مثيله.. علي حامي دخيله
علي كل علمه جوهر..علي الكرار حيدر
---
من يا علي ايگوم العليل اويرتاح
من ياعلي اتعيش ابصفاء الارواح
من ياعلي عطر الورد ظل فواح
من ياعلي ابكل ظلمه شفنا المصباح

علي كلشي يديره..علي ماعدنا غيره
علي للعزه مَظهر..علي الكرار حيدر
---

عادل العبد الله
24/1/2024
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
https://www.tgoop.com/adela313

علي علي مولاي علي علي مولاي
---
علي نهجه اتجاهي
علي اللطف الإلهي
علي بس هوّه جاهي
علي بسمه اباهي
علي علي مولاي علي علي مولاي
---
علي روح القصيده
علي أصل العقيده
علي الجُمله المفيده
علي هاليوم عيده
علي علي مولاي علي علي مولاي
---
علي دايم اجلّه
علي حرزي الأرتله
علي حاشا املّه
علي كلشي يحلّه
علي علي مولاي علي علي مولاي
---
علي بحر الفضايل
علي ايحل المشاكل
علي ذل العواذل
علي انسان عادل
علي علي مولاي علي علي مولاي
---
علي نبضة دليلي
علي يضوي لي ليلي
علي ابگبري يجيلي
علي ابحشري كفيلي
علي علي مولاي علي علي مولاي
---
علي تاج الزعامه
علي شمس الكرامه
علي كهف اليتامه
علي أصل الامامه
علي علي مولاي علي علي مولاي
---
عادل العبد الله
24/6/2024
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*

تاج عالراس يظل حامي الحمه
حبه يرويني حتى امن الظمه

---
حبه يجري ابشرايين الگلُب
مهما تحچي عليّ أهل النصُب
ما اتركه لوّن حالي صعُب
ابذكره دايم لساني ينطرُب

اويايه كل شيعي أعلن مبسمه
حبه يرويني حتى امن الظمه
---
ارضعت حبه تراني امن الزغر
ايعطر انفاسي ذكره من يمر
اوكسري بسمه يهون اوينجبر
وادري ينفع اذا حل الحشر

روحي بحروفه هيّه امعلَّمه
حبه يرويني حتى امن الظمه
---
وحده حيدر على الأمه يجود
ماكو غيره گلع باب اليهود
والله خلاه سبب هذا الوجود
بيده لملاك خدم تبگه اوجنود

ياهنياله كلمن يخدمه
حبه يرويني حتى امن الظمه
---
اسمه دايم على فكري يجول
مُعتقد هوّه مالحظه يزول
يبگه ركن الشرع فحل الفحول
لولا نوره اختفت كل الأصول

لولا حيدر هوت أرض اوسمه
حبه يرويني حتى امن الظمه
---
شـ رد اگولن على مدح الأمير
وآنه عقلي من اوصافه يحير
اكتفي ابگولي ماعنده نظير
وهوّه كلشي تحت أمره يصير

موضع القُدره ويّه المرحمه
حبه يرويني حتى امن الظمه
---
عادل العبد الله
16/02/2021

رحم الله من قرأ سورة الفاتحة واهداها لروح الوالدة آمنه العبد الله

https://www.tgoop.com/adela313

مناسبة شهادة السيدة زينب عليها السلام-الوزن تجليبه

عاشت عالحزن والنوح والحسره
الزمن مايوم فرّح زينب الكبرى
----
الزمن قاسي عليها من بدايتها
اوعگب امها الزچيه اهموم شافتها
ابوها راح اوبالطف راحت اخوتها
اوصفت كل لحظه ليهم تهمل العبره
----
تهل اعبار اوتتذكر مصايبها
فگد لخوان بالطف ويلي شيّبها
ماجور المحب لو لحظه يندبها
اوبالمأتم لجلها يلطم ابصدره
----
لجلها بت علي نقرا على المنبر
اوعليها كل گلب باللوعه يتفطر
اوموعجبه الجفن الها يظل احمر
والمهجه اعله زينب تبگه مستعره
----
زينب عانت اوشافت صور وآلام
والاصعب اويلي طبت ارض الشام
تلگت سوط خلها ابد متنام
اوشافت طشت اخوها اوهم دما نحره
----
خلاها الزمن محتاره خلاها
لاديرة اهل لا واحد اوياها
تون من القهر متبطل ابچاها
اوچنها امن الزمن تتلگه چم سطره
----
وين احسين والعباس مو يمها
ولاحتى الحسن عدها ولا أمها
أبوها وين يحضر إلها ويلمها
انتهت بالموت والحسرات والزفره
----
عادل العبد الله
20.3.2019

https://www.tgoop.com/adela313
رحم الله من قرأ سورة الفاتحة واهداها لروح الوالدة آمنه العبد الله

..

ودوني للشام ..ارد اقرا يم السيده
ودوني للشام ..عندي الجزع حل موعده
يمها اتركوني ابحسرتي
ابچي عليها ابحرگتي
---
يهل اعله السفر ناوين..تزوروا الشام بالحسره
اخذوني ذبحني الشوگ…اريد ازيارة الحره
تعذروني الگلب محروگ.. واتمنى اجي الحضره
ولعد مرقدها بالونات.. اصب العبره من اقرا

اصرخ يزينب..لمن اجيها منكسر
اصرخ يزينب..اوتنظرني ألطم عالصدر
وكت الأجيها ابلطمتي
ابچي عليها ابحرگتي
---
خل اقرا مصايبها..وابدي من طفوف البين
وادري اعله البچي والنوح ..تحضر أمها أم احسين
اشلون الشافت ابن امها ..ذبيح امعفر الخدين
واخوها بوالفضل عباس..مرمي امگطع الچفين

سمعت شماته..حين انكسر منها الظهر
سمعت شماته..وين اخوتچ وين الگمر
امصيبتها صارت لوعتي
ابچي عليها ابحرگتي
---
ما انساها من فرت ..بعد حرگ الخيم بالنار
متحيره مع الاطفال..اويجيها اللي سلب لخمار
يضربها اويلوعها ..اويشتم حيدره الكرار
مو كافي يگيدوها..اومدامعها بگت مدار

بنت النبي اشلون..امگيده ويلي ابحبل
بنت النبي اشلون..للسبي تركب هزل

ليها مَتطفه جمرتي
ابچي عليها ابحرگتي
---
والأصعب على زينب..حين اللي ادخلت للشام
تتفرج عليها الناس..والنظرات چنها اسهام
وابمجلس يزيد اتصير..معقوله اوتنكس الهام
بعد عزها گمر عدنان..توليها عجب ظلام

وسط المجالس..أم الخدر متألمه
وسط المجالس..ابليا ولي ابليا حمه

ابحيرتها زادت حيرتي
ابچي عليها ابحرگتي
---
اظنها ابآخر الايام..ماتت ويلي مسمومه
لأنها ابكل وكت تنعى..على احسين اوعلى يومه
افضحت عصبة بني اميه..ابمواقف تبگه مرسومه
اوگالو اتروح لَراضي الشام.. غريبه اوتبگه مالومه

بالغربه ظلت..اولمن دنى منها الأجل
بالغربه ظلت..محد حضرها امن الأهل

أهدي العقيله ونتي
ابچي عليها ابحرگتي
---

عادل العبد الله
25/1/2024

الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
https://www.tgoop.com/adela313

مناسبة شهادة السيدة زينب عليها السلام
..وزن الميمر..
*مهيوبه زينب*

مهيوبه زينب ياناس ..ابطرواها دايم نفخر
----
زينب جبل عزه اوشرف مامثله
هاي اللي ماتقبل ابد بالذله
حصن اوكهف تبقى امان المِله
احجاب العرش كلها نور…اوهيه فرع للكوثر
-----
فرع اوغصن من البتوله الزهره
انطاها ربنا المكرمه والقدره
منطق علي اوهيه تمثل سره
اتنحي الشمس ويه الليل..اوخطوتها خطوة حيدر
-----
من تمشي كل هاي الخلگ يرتهبون
لنها الاميره اوينخضع الها الكون
اوعنها الملايك بالسما بس يحچون
اومن تدعي ظِلها محراب..اوليها الفضا يتنور
-----
الها الوجود ابأكمله يتوسل
اوبيديها كل صعبه ابيسر تتسهل
وفايه بنت المرتضى اوتتكفل
ابحضرتها نسمات الخير..اومنها الورد يتعطر
-----
حرز المحب وكت الرخا والشده
اوكلمن يجيها اويلتجي مترده
ابخير السما هاي العقيله اتمده
مرقدها جنه للناس..ابعالي المجره يزهر
-----
اسم العقيله عالمحب ظل تسبيح
هيّه اللي بالقُدره بيديها كل ريح
ألضدها واتحدها يخسر ويطيح
واللي يحبها محظوظ..منها ينول الجوهر
---
ندري الشمس مخلوقه من غرتها
اوكل البشر تدخل بعد حضرتها
اوتلمع لهسه عالملا گُبتها
تگصدها لرواح ابشوگ..اويمها فلا تتعذر


عادل العبد الله
19.3.2109..
تم اضافة مقطعين في يوم 15/2/2022
https://www.tgoop.com/adela313
رحم الله من قرأ سورة الفاتحة واهداها لروح الوالدة آمنه العبد الله

عن الحوره القلم..يسولف بالألم
الحبر من عنده دم

كتب كل المصاب..
---
القلم يروي رزايا..زينب الغريبه
حبره ينزف حسره حسره..مرتفع نحيبه
اشلون زينب ياوسافه تحتضر عجيبه
ابديره غربه ابلااهلها..فادحه اومصيبه

بگه يروي صور..سبي اونزف النحر
اوگمر يم النهر..
صبغ وجهه الخضاب
---
هالقلم حاير بامرها امصيبه وش ثگلها
الحره چم مره تمنت..يحضر الكفلها
الجسد منها تعذب.واكثرت عللها
وين هاشم من أهلها..ما احد إجه لها

عجب أم الصبر ..تظل وسط الگبر
واظن حتى الجمر
مايمتلك جواب
---
الگبر وحشه عليها..بس أخف أذيه
مو نفس درب السبايا..وي ضرب أميه
چانت ابمشيتها تعثر..اوعالجرى شجيه
والظهر من عدها محني ..تشبه الزچيه

عجب هالة قُدِس..شمت بيها الرجس
واثاري بالشمس
تزيدها العذاب
---
آه من الشام ويلي..شافت المصايب
بعد ماچانت عزيزه..دخلت الخرايب
باتت ابهمها نحيله..الراس منها شايب
اوهسه لو ننظر گبرها..تگصده المواكب

لجلها نجتمع ..اوعليها ننفجع
اوبعد جاري الدمع
يحگ له الانتحاب
---
الگصدها شانه يعلا..اويرتفع له اجره
والبچه اعليها ابسجلها..تكتبه هالحُره
ماتخيّب من طلبها ..طلبته متيسره
هذي من بيت الكرامه..يكفي أمها زهره

نصيح ابكل شجن..على سمع العلن
اوترى عين الزمن
بچه الطول الغياب
---
عادل العبد الله
14/2/2022
https://www.tgoop.com/adela313
رحم الله من قرأ سورة الفاتحة واهداها لروح الوالدة آمنه العبد الله

زينب اشگد انفجع بمصابها
والله ذنبي اعليها زاد اصوابها

* * *
انطبع ذنبي ابسجل الخاطئين
وين اودي وجهي ما ادري لاوين
صوب زينب لو لعد صوب الحُسين
ودمعة اعيوني اطلعت لغيابها
..
* * *
وچنه ذنبي خله زينب عالهزل
وخله دمعتها على خدها تهل
بسوط يقهرها ويلوعها النذل
ومختشى منها بعد سلابها
.
* * *
ابذنبي گلب الطاهره ظل منفطر
عالمكارم صرت ما عندي صبر
شلون وآنه الانفجع من تنذكر
واملي صفحات الحزن بكتابها

* * *
والله خجلان امشي مابين الانام
روحي ليها امقصره بنت الكرام
حگي ابچي وليلي كله ما انام
وليّه زينب حگها تبدي اعتابها

* * *
ياعجيبه لوّن جسمي ابمغتسل
الله عوني شلون ابگه ابلا امل
وعندي حب الحره بت خير العمل
محور الكون وجميع اقطابها

* * *
چني اتخيل مسيت ابحفرتي
وبس احاتي من يردها وحشتي
وتنجلي بعد الاماني شدتي
وزينب التاخذني صوب ارچابها

* * *
شلون روحي لو اجا وگت الحساب
شايل اذنوبي وعلى امتوني الكتاب
شنهو عذري بالله شنطي من جواب
وادري زينب ماترد طلابها

* * *
ولوّن بالمحشر بگيت آنه وحيد
وآنه بين الظلمه والوحشه طريد
غير بت المرتضى الگلبي تهيد
ما تخليني وأنا عد بابها

* * *
من فرط ذنبي بعد خف الوزن
ولا عمل عندي واموتن مطمئن
اتذكرت دمعي على زينب يحن
اليوم بدموعي لذت بترابها

* * *

عادل العبد الله
1436هـ

رحم الله من قرأ سورة الفاتحة واهداها لروح الوالدة آمنه العبد الله

https://www.tgoop.com/adela313

حزين اوانتحب ماعندي حيله
واجيت ابابچ اصرخ يالعقيله
---
اجيت آنه الحزين اوظهري محني
اوعلى اعتابچ يزينب ابدي وني
هموم الدنيا وشگد مرمرتني
اوروحي اصبحت وسفه عليله
---
اجت ليّه المحن حتى اعله بيتي
اوصفت من البلا مخنوگه ريتي
أمل عندي تفرجي لي قَضِيْتي
اوتصيرين اعتمادي والوسيله
---
توسلت ابحروفچ آيا زينب
واتذكر مصابچ وابگه انحب
يهل شفتي أخيّچ من تخضب
اوشمر ابن الخنا راسه يشيله
---
عليچ ابدي حَسرْتي اوگلبي منظام
والطم عالصدر والطم على الهام
تجرعتي الهضم ياويلي بالشام
اوصرتي امن الرزايا اشگد نحيله
---
صور حرگ الخيم ظلت على البال
يل شفتي القهر من ضرب لنذال
اوظليتي بعد من غير كفّال
إلچ گلب المحب زايد عويله
---
تمنيتي الگمر وكت المنيه
يلفي لچ يخفف كل رزيه
اوينزلچ بالگبر ويّه الشُفيه
لچن محد إجالچ يالجليله
---

عادل العبد الله
6/2/2023
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
https://www.tgoop.com/adela313

زينب ابأرض الشام شيعوها
ياعجب والوليان ما جاوها
---
ابلا أهل زينب..اعليها بس ننحب
الموقف الأصعب.. ما حضر عباس

اتمنت ايجيها..ابونه يرثيها
مادرى اشبيها..من اذى الارجاس

مادرى ذيچ الگوم ضربوها
---
انجرت ابلحبال.. اوشافت الاهوال
اوتسمع الانذال..تشتم الزهره

من بعد لطفوف..الستر لچفوف
والدمع مذروف…تنحب ابحسره

ياعجب فوگ اجمال يسروها
---
الشمر حادي..واظلم الوادي
اوظلت اتنادي..وين اخويه احسين

من نزف لجراح.. شافته ابلرماح
وانطفى المصباح..من سهام البين

والعدا ابراس احسين أذوها
---
ابلوعه والالام ..طبت ارض الشام
والگلب منظام..وگفت ابديوان

شافت ابن العار ..اعليها يصرخ صار
وراس ابن لطهار..بالضرب ينهان

ياوسف بنت الحيد هضموها
---
آخر اللحظات..ظلت ابحسرات
تنعى بالآهات.. آ يبواليمه

بربعينه جات..بيها چم لوعات
تذرف الدمعات ..الگبره اتضمه

وللگمر راعي الجود وَدْوها
---
اظن ذاك اليوم ..ماتت ابلسموم
اومن فعال الگوم.. اندفت ابحيره

وشعظم لمصاب ..مااجو لطياب
وينه ليث الغاب..وين ابوالغيره

بالغرب چيف اشلون خلوها
---
عادل العبد الله
25/1/2024

الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
https://www.tgoop.com/adela313