وردة كبر، ،محد يشمك

احمد عجيمي




.

#ولادف_النعر_بالسلف

تُعد هذهِ الكلمات بحث ورسالة ماجستير في حينها للمطالبة بحقوق المرأة

جابوها دفع للدار
لا ديرم ولا حنه ولا صفگه
ولا دف النعر بالسلف لا هلهوله لا ملگه
نشدت الناس عن قصه هالبنيه

اشعجب جاروا عليها بغير حنيه
ورديت بگلب حزنان من گالولي فصليه
العنت ظلم التقاليد بألف حرگه
عمنها الأخضر الهرفي بسعر اليابس تحرگه
جابوها دفع للدار
لا ديرم ولا حنه ولا صفگه
احديثه تگول حوریه
بربیع العمر میاله
حرام دموعها الطيبات عالخدين هماله
وين العطف والرحمه يفصاله
لاسوت ذنب لا هي چتاله
چاهیچي حكم ديوانه المهيوب ودلاله
علي تحرم فناجينه وگهوته وگعدت ارجاله
لون يبگه الظلم والجور من اطباعه وعماله
ولون يبگه اعلى هالحاله
غصبتوها.....هضمتوها......حرمتوها
وهبتوها الشخص ظالم
حتى من العگل ما يملك وشاله
يحاچیها بدفرته وگال فصلیه
وبالکفخه تخدمه وتخدم عياله
عساها ابخت من فصلوا
واطوا مهرة الفارس الوادم ماهي خياله
حوبتها وراهم دوم تحرگهم بکل شهگه
جابوها دفع للدار
لاديرم ولا حنه ولا صفگه .

انه عاشگ ضيم وأطرب للنحيب
هم شفت شجرة بحياتك تهوى فاس !

فاضل عبد السادة

چنت حلمان بيك وفززوني

عليّه شجابهم ومنين إجوني.؟

فاضل عبد السادة💜

لا تصور لي العدو بصورة حبيب
ولا تكلي الورد اقسى من الرصاص
ولا تكلي النار مابيها لهيب
أنه شاعر لا تصير براسي قاص

فاضل عبد السادة

من وعيت وانه ضايع
ماكو عنوان اعتنيله

ولاكو واحد دگلي صدره
وگلي ذب حملك واشيله

بيه حزن الناس كلهه
وعيني بالدمعة بخيله

الراحل فاضل عبد الساده

بيه هم...
الناس كله...
وعيني بالدمعه بخيله.
وهمي ماسولفته لأحد !
خاف....
يحسبني أشتكيله !!

الكبير فاضل عبد السادة

🌸🎬
تـــدرون.....!?
تــدرون التــعب منتــﭼـي علـﯽ ضلــوعي
تــدرون....!?
تــدرون انــا مامفــتهم مــوضوعي
تــدرون انـي بيـش مخــلص ســبوعي
عــسـﯽ وياريت لاتــدرون ...
ســاعات امــسـح صــوركـم
وســاعات امــسح دمــوعي
عــوينـات اخـوي تــراب طمـهن
وبــيه الصـور شــدن لــطمهن
هــديماتكم ﭼـااا وين اضمــهن
جــويعــد بحــيره وهـي حــيره
غــريفــه وسمــل عــندي حـصيره
ريـت الــوجع عــنده عــشيره
تـلگــه التـفگ سـاگـف الـديره
هـذا الــهوه يفــوت علـﯽ خشــمي
شـلفايده كــون انت يمـي
انا الــ بعــينه نكــتل حــلمه
يصــويحبي اكـعد يابن امـي
زتــيتهم بــس وين حــدي
يم بابـنه ونمــرد ﭼــبدي
الــساعي مات شــلون اودي
ومكــتوب واحد ضال عــندي
كاتبـلك شــلونك يـلوني
يكصار گلبي ويامــتوني
تابــوتك مـركض عــيوني
وحتـﯽ انا ماميـز شلوني
جانا الولد مبحوح ريـجه
وكتــبوله بالوصفــه حريـجه
الـزلمـه كون تمره ضــيجه
شيگـضيهه اذا ميت صـديجـه

لــ علي مالك المـوسوي....🖇💚

رسالة للـحسين (ع)

ماتقره الحياة اجدام ياهو الچان
لا ..
ولا يبقى ابصدرها آثار
كلمن مر

وانته بدم وريدك زوكيت الگاع
هاثگل السنين اعليك من تمر
ها ثگل الجرح لمن يمر بالروح
يوميه الدموع اعليك تتفجر
تنذل الرجوله ... وبيك تتحرر
حررت الزمن من قبضة السجان
تتعدى السنين وبيك تتسمر
چانت كربلائك اول البيبان
بس حر الرياحي
چان اخر حر

شعر / غانم هاشم الفياض... 💜

اذا جتك رسايل منه يحسين
بعد يحسين لتصدك الرسايل
كل احنه اشتركنه بيوم عاشور
مو بس الشمر يحسين قاتل

_كاطع

تباوعله نذبح مفتوحه عينه
باچر تحرك الدنيا اربعينه

ميت بس اذا حشمنه تدرون
يلم روحه وعدل يرجع علينه

وهو بعالم الذر فازع النوح
قراله الفاتحه وسوه السفينه

#علي_نافع

حَارة سيوف العَطش شربت وريدك
و استحت حد ما جواهَا الدم ندم

واكُف بذاك العَطش كلبك ثواب

ومحد ندِل نبعَ كلبك بس حقدهَم و السهَم

صحت " لا " و استغربوهَا
هَاي نّاس تعلمت تصرخ نعم

واكفة اعله حجاية جانّت
" وذروك " ومَا كلتها

وسولف بكل حيلة دمَك
صاح هيهَات
وليومك

ماكو سيف اليفك حلگة كبال دم

عقيل العرد

بطراف اصابعهم من مشوو بهداي
شلون المحترگ لمن دوه يخلي

مرثية الشاعر العراقي الراحل زيد السومري

خبر غَيّر اطباع الريح
حتى الخيل...
ما تعرف تعاند گاعها وتِهذب

گطرات المطر بالسيف
والدم نَگَّط من (الحب)

خبر والغبشة مو غبشة
ولا نفسه الهدوء الرافگ التمثال
الهوى بي شمرة المغرب

خبر اتمنى أسمعه بـ صوت اليچذب

بچه الـصدگ عيون الناس
والـ ما صدگ متانيك ترجع تبچي ويانا

هَم يحلم نهر ؟ والجثث تحلم؟
يحلم الجتال ؟
والأُم ؟
انا المرعوب من كلهن
واجيت انت وسكوت جنازتك يرهب

عطلت الضحك والثورة ...
خليت اليحبك ما يعرف يحب
وصلة تفگة مدفونة الگلب مترب

النجوم الـ تطفه وحّدها
ترى وحّدها من تِشب

بالگوة النفس بالگوة دورة عين
تنكث چفك من قيودك وتكتب

مشلوعة الأظافر نبتة من الگاع
واصبع اصبع ألوان العلم تحسب

لاگيت الرصاص وعينك مكاسر ارماح ونار

خطواتك (رسم كوفي)

قميصك أوضح من الدنيا بالدخان ...
أصفى من الثلج عالصخرة من يذوب

شحلات معاندك متبسم وچتالك مغندب

ما تركد...
تدور عن وطن بي تِنرسم مذبوح
وطن مخلوق الك....
من ظلمة الصحرة وضوه الدفان
من مرورة الكاس وبچي المُذنِب
وطن متعوب ويتعب

بحة صوتك التوه خِلْص ويـ النشيد...
وكَمَّل ويـ الناعيّة التِندب...

ويلاااه....... يالگلبك حنين
يخفگ گلوب بحجرة طين
كل عمرك التايه بـ السنين
لميته ثورة وشتا بتشرين

(( أخذني وياك ))
جملني بعد كطره وخذني وياك
هناك الفيض كلبك
حتى روحي تنام
عصفورة جرف بلل جنحها الكيض
اخذني وياك
امشي ابغير واهس
والطواري كصار
وعيوني غرب وجفوف اديه اوداع
واسمي ابغير معنى
وميل كحلك غاب
وتنشدني اعله كلبي !
كلبي حب وذاب
ياكلبي حلك تنور لو سرداب ؟
صوغني ولو من ليلكم نجمه
تبات وياي
ومن تشبع سهر
ويجيسها الوهواس
اطفيها ابصبح
والغبشه رشكه ماي
واشعلني ولع
يدوي العطش بالعود
حتى انزع جلد روحي
وارد لصباي
أملني الفرح بسمك ورد عالباب
فاحت ريحته ولنك بعد ماجاي
بعد ماجاي !!
من ياصوت أصيحك ؟
والصدى ايجاريك
واكلك : مكدرت يالتكدر ابلياي ,

يمر الموت بينه ومايمرون

عريان سيد خلف

مضنوك يابو علي
ودي اغفى عد گبّتك وشكيلك الحالك

حاير ثوابك نقص
ماعندي غير البچي اخذ شيجي ابّالك

واحچيها مامستحي
بنفس القميص وعلي ثالث سنه اقرالك

بالبيت قاصه الك
كل مانعوز دوه انمد ايدنا الخيرك

فطره من اهلنا گبل
من انريد نخطب مره هم نگعد نشيرك

- محمد شهد

راسك من تعله فوگ الرماح
ضل راس الزمن لليوم نازل


الگاطع

عاتبتهم حتى يهتمون بيه
زعلو ورديت اصالح .