🔴》 ليس من المنطقي أن تنتهي العلاقة لسبب ..
العلاقة تنتهي لضرر و لتراكم الأسباب .
و غالباً ما يحق لكلا الطرفين معرفة تلك الأسباب ..
و من الأفضل دوماً مناقشة فيما إذا كانت أسباباً قابلة للتعديل .. للتغيير .. أو أخطاء يمكن نسيانها
أو تصحيحها

لسا كل ما بدن شخصية سافلة بمسلسل

بحطولو علكة بتمو و بيعمل شعراتو و بيلبس سنسال ...

ياخي لااا .. في علكة كافيين مثلا
في علكة مننصح فيا كاذنية
في مسكة بينصحو فيا الاسنان
في حدا حابب يحط علكة بس هو ابن ناس و محترم
مو كل حدا لبس شي برقبتو صار مجرم او بلا اخلاق او تافه ..ظ
في كتير قامات بتلبس شي
و في كتير ما لبسوا و هنن مجرمي حرب

هي استقراءات غبية كتير


...

مثال اخر ... ياسر العظمة .. كل ما بدو يطلعنا وحدة فقيرة
بيخلع ضحى الدبس حجاب و بخليها تكنس ..

انو يحرق هالشغلة .. ما ضل فقرا غير جماعة الحجاب ...

ما ضل مزارع معتر غير يللي بيحكي بلهجة السويدا مثلاً و غالبا بكون بسيط

انو شو هالتعميم الغبي ...

...

هاد الغبا لازم يتعدل ...
و في كتير أمثلة .. بخاف احكيا .. لانو ح تنقرأ باسلوب مغلوط ...

وك حيهم جبلة

خلي الجيل كلو يعرف أنو في مجازر بحق الأطفال

اما الآن فهل حل السؤال صح ؟

في كتير أسباب جيدة لنكفي بشي مشروع مو حابينو
بس!
لما يكون السبب الرئيسي هو مراعاة استثمارك فيه (المصاري الي صرفتن، الوقت الي قضيتو ،  المشاعر الي عشتا.. )

هون القرار الي رح تاخدو ما رح يكون كتير عقلاني ، الأفضل أنو تاخد قرار بيخدم الحاضر أو المستقبل بغض النظر عن التكاليف الي صرفتا

كمان..  إذا تركت هاد الشي أنت كسبان الوقت عالأقل متل ما قال بعض منكن 💁🏻‍♀️❤️

آخر شي بدي قلكن اسم هي المغالطة هي "مغالطة التكلفة الغارقة" الي كتير منا منوقع فيها بمختلف المواقف

و يمكن معرفتنا فيها تخلينا ننتبه أكتر لاختياراتنا 🤷🏻‍♀️❤️

نتالي حيدر

دماغنا بيجي عبالو أسهل مثال و أكتر مثال بيعرفو ليناقش فيه ، و بصير يبني عليه آراء لهيك بكون جوابنا تابع لمعتقداتنا و تجاربنا الخاصة

وهاد اسمو الانحياز المعرفي.

لأن دماغنا بحب المعلومة الي بيعرفا و بيفهما و بيتعرضلا كتير  بس هاد ما بيعني انو عم يستخدما صح بالوقت الصح

كمان ..
اذا كان هدفك تثبت وجهة نظرك فهون كمان أنت ضحية الانحياز المعرفي

لهيك إذا بدنا نخفف منو ..

👈🏻 يفترض انو يكون الهدف من الإجابة على السؤال هو إيجاد الجواب الأكثر صحة و حقيقة وليس إثبات صحة وجهة نظرنا كخبراء

👈🏻 نكون مع أشخاص مختلفين عنا بمعتقداتن ممكن يفيد

الانحياز المعرفي بخلي تفكيرنا محدود و لتتوسع مداركنا لازم نخفف منو

بقلولنا بالطب لحتى تشخص هاد المرض لازم تحطو ببالك بالأول ، تكون بتعرفو لحتى يصير يخطر عبالك .. وبس 💁🏻‍♀️❤️
#أخطاء_التفكير

نتالي حيدر

أقرر أن آخذ "بريك سريع" عن أجواء المستشفى ..أخرج بلباسي الطبي احتياطاً لعودتي بسرعة إن أتت حالة إسعافية.
..البريك هو نزهة قصيرة لأرى الحياة خارج جدران العمليات والعنايات قليلاً.

خطوة..اثنتان..عشرة..يوقفني رجل خمسيني في عينيه لطف ممزوج بتعب سنوات..الرجل بائع خضار.. يسألني "عمو حضرتك طبيبة؟ أبتسم وأومأ برأسي أن نعم.  يسألني عن حال ابنه ويريني بعض التحاليل لأتأكد إن كان بخير أو لا بعد قصة آلام مفصلية مزمنة.

أكملت نزهتي... أسمع صوت من خلفي..."عمو هاد انتي!" أنظر للخلف ..إنه جارنا ..أو جار أهلي حالياً.. أفرح برؤيته..تمر بعض الذكريات المضحكة واللطيفة عنه وعن أسرته... يخبرني أنّ أخاه الأصغر ..شاب ثلاثيني مصاب بورم رئوي وقد أتوا دمشق للعلاج.. على رصيف الشارع يريني صورة شعاعية له ..الورم واضح ومكانه خطير..لم أقل ذلك بل دعوت له بالشفاء وأخبرته أني سأتصل للاطمئنان .

أقرر أن أتناول القليل من الحلويات ..أدخل ..وأشتري بوظة كالعادة كبديل عن الحلو ☺️ وأقول جملة بسيطة للبائع "بتضل أقل سكريات من القطر "... تسألني امرأة أيستطيع ولدي المصاب بالسكري أن يتناولها كونها أقل سكر..فيكون جوابي "حسب آخر قيمة سكر عندو خالتو"
تريني آخر تحاليه على هاتفها وأقول نعم ليأكل .

لم أكمل نزهتي.. لأن ذاك الرداء الأبيض لم يسمح لي... كان خارج المشفى كمشفى مصغّر... هنا اكتشفت أن الطب رحلة حياة وليس عمل.. هو مهنة داخل وخارج المشفى...هو منهج روحي فكري إنساني.. وأن آثار ذاك الرداء الأبيض ستلاحقني...حتى في أحلام اليقظة أحياناً....😄💜

د. لجين عبود

الحياة غير قابلة للتنبؤ

تنين انفصلوا :
"اي واضحة كانو كتير يحكو مع بعض كل اليوم "
"اي واضحة ما كانوا كتير يحكو "
"اي واضحة كانو بيشبهو بعض بكل شي "
"اي واضحة ما كانو بيشبهو بعض بشي"

مع انو لما صارت القصة تفاجئنا + لا يمكن الاسباب الي ذكرناها فوق كافية لنتوقع انفصالن على سبيل المثال

وهالخطأ حاليا كلنا عم نوقع فيه ، كل ما بتصير قصة ( اي واضحة انو كان رح يصير هيك) بس لو ترجع بالزمن و تتذكر حالك بتشوف انو هي النتيجة ما كانت اولى توقعاتك بالغالب

خطأ النظرية الاسترجاعية

مو كتير ضروري  نتخلص منو
و مو بهالسهولة يعني منتخلص منو

بس اذا بتحب اعرف انو نحنا متنبئين سيئين

(ما رح انسى مشرفي الي قلي بيخلص بحثك ب شهرين زمان .. و الو أكتر من سنة ولهلّا ما خلص ، ما رح اجي قول "كانت واضحة" لا والله ما كانت واضحة ولا شي 😂)

بالمناسبة بتعرفو دكتوري بأي خطأ وقع؟ 👀

#أخطاء_التفكير

المريض مانو نبي ... و لا الطبيب هو المخلّص .


مريضك مش نبي و ما ح يلتزم بالتعليمات التزام الصالحين و الأوليا ..
مريض الضغط بيشتهي الملح مع اللحمة
و مريض الكسر بتديق خلاقو و بفكر يفك الجبيرة أبكر
و مريض الالتهابات ح ينسى حبة اليوم و لما يطيب ح يترك اخر حبة
مانو ولي و ح يغلط .. اتحملو و دبروا الأمور افضل ما يكون

كذلك الطبيب ... يعجز أمام الكثير من الأمراض ... يعجز أمام الأمراض المزمنة
يكافح أمام الوبائيات .. و قد يفشل
متل ما فشلت دول بكورونا و فشلت اليمن و فشلت اميركا بالكوليرا
...
الشهر الماضي كان في مريض إنعاش .. شب حادث ..
عشريني
عم افتح وريد و الشباب شي عم ينبب و شي عم يمسد ..
رفعت عن إيدو لقيتو واشم
" اكرهوني مو مشكلة .. بس لا تحبوني كذب "

قد يكون انتحر .. قد يكون حادث فعلاً
لا أدري ..
لكني وصلت لعندك بالوقت المتأخر ...
يمكن كنا تناقشنا كتير حول هالجملة يللي واشما
و حبيتك لأنك أكيد متأذي ... افهم تماماً معنى انك توشم هيك ...

بس حب لا جدوى منه

ما لحقناك يا صديقي ما لحقناك
و الله يرحمك

الله ليس بفضله يخرب البيوت
و الله يحب منك ان تغفر و تسامح
و الطبيب يتحمل رعونة المريض و رعونة مرافقيه
هذا ما يجعله متعالياً .

إلا في الأذى .. و من يغفر عن الأذى فهو أفضل

سامي أدهى و أذكى و أفطن و أكثر حكمة من قيصر ...
لكن المجازفات القوية تقودها المشاعر و الانفعالية .. و بالغالب تفشل
لكنها قد تنجح و تنجو و تنال إعجاب الجميع ...

القنبلة كانت مشاعر قيصر و انفعاله
نقل الصور الانشقاق السفر ..

و الحكمة هي إيصالها للمحكمة الدولية و الكونغرس .. و كانت قشرة سامي الدماغية التحليلية .

حتى قيصر نفسه اعترف بدماغه المنطقي انه ربما كان سيكون رقم ... لانه يعي أنها مشاعر .

لا أنكر طبعاً دور باقي المجموعة المساعدة
و لن انسى أن الثقة بينهم هي أساس للنجاح.

و أرجح جداً كون سامي INTP

اشترى أحدهم سيارة مستعملة أعجبته بعد الكثير من (ال مكاسرة بالسعر) حيث لم يرضَ أن يدفع 50 دولاراً ووجده غالياً ، إلى أن اشتراها ب 40 دولاراً (الأرقام افتراض)

بعد شهر طلب صاحب الكازية منه أن يبيعها ب 53 دولار، فرفض ووجد هذا السعر قليلاً في سيارته الجميلة 

و كثيراً ما يجد البعض سعر درس الخصوصي لابنه غالياً ..  في حين لو كان أستاذاً لوجد السعر نفسه قليلاً و لا يتناسب مع تعبه 😐

شو هالخطأ أو هالتأثير ؟
بسموه تأثير الملكية

فكرتو شي مرة هيك؟ 💁🏻‍♀️

#أخطاء_التفكير

مجموعة من هيئة المحلفين ، 12 واحد ، بيجتمعوا ليقرروا اذا أحدهم مجرم ام لا ؟
11 واحد منن قرروا بالإجماع أنو هالحدا مجرم بناء على افتراضات وتحليلات معينة للأدلة ، و واحد بسس كان الو رأي تاني ، افتراضات وتحليلات أخرى للأدلة
بس تجرأ و قال رأيو و خالف الجماعة و رئيس القضاة ، و شوي شوي الكل وافقو الرأي و طلع المجرم بريء 😯

الغلط الي كان يمكن يتسبب بحكم مؤبد على إنسان صار بسبب انحياز اسمو :
التفكير الجماعي

حتى مخططات أميركية كانت بموافقة الرئيس فشلت بسبب قرارات بالإجماع 😐

ليش هيك بصير و نسبة كبيرة من الناس ما بتحكي اللي ببالا أو بتعترض ؟

يمكن بسبب خوف الرفض و الإقصاء عن الجماعة ، أو لاعتقادا أنو رأيها غلط و كمان خوفاً من الهجوم على صاحب الرأي المخالف 💁🏻‍♀️

إلك بالعادة تقول رأيك الي خايف منو؟

وبالمناسبة القصة فوق قصة فيلم
12 angry men

#أخطاء_التفكير

إذا بدنا نجي عالاحتمالات منلاقي أنو نسبة شوفيرية التكاسي أعلى من المعيدين بالمعهد العالي بغض النظر عن شكلن أو شو بيسمعو  🙈

وين الغلط ؟
الغلط أنك أهملت المعلومة فوق و رحت عالتفاصيل الأقل أهمية

و لنفس الخطأ أنت بتبني توقعات (سلبية أو إيجابية) متجاهل الإحصائيات ..

مثلاً في ناس بتطمح لحياة جداً سعيدة و ناجحة من كل النواحي ..حب و أموال .. متجاهلين نسبة الحيوات الناجحة من كل النواحي ، ومتجاهلين كمان نسبة الحيوات العادية ...

اكيد هاد ما بيعني أنو ما نحلم 💁🏻‍♀️❤️

بس لما نعرف المعدل الاساسي بتصير نظرتنا معقولة وواقعية أكتر لحياتنا و خططنا ❤️

#أخطاء_التفكير

بالمناسبة عنا بالطب.. بدربونا على تجنب إهمال المعدل الاساسي .. 😁😌

يعني مثلاً ..
إجاك مريض منحني بألم بطني شديد بلش فجأة حول السرة و انتشر لتحت وعاليمين ..
فوراً فكر بالزايدة وانفيها (لأنها الأشيع) بعدين بتروح عالاسباب النادرة .. 💁🏻‍♀️

الطقس دمشق و ريفها
العليا ٣ او ٤ .. الدنيا قد تصل ٦ تحت الصفر

امراض القلب .. امراض الأوعية ..السكريين .. سكتات دماغية
دفوهن منيح و ممنوع يطلعو الا للضرورة

خلي موبايل معك لحالات الطوارئ
سجل رقم الهلال تبع منطقتك و رقم الاسعاف



البس عدة طبقات مو طبقة سميكة وحدة
مو عيب تلبس تلت كنزات او تلت بنطلونات .
يقضل قطن و صوف و طبقة نايلون خفيفة عازلة .

خليك دفيان بالسرير .


لفحة و طاقية او قبوعة للطلعة لبرا . كتير حرارة من جسمك بتضيع عبر الراس


كول منيح و وجبة سخنة وحدة عالاقل باليوم .

مشروبات سخنة طول النهار

غسل ايديك منيح و البس كمامة و اعتزا المرشحين ..بيتضاعف احتمال العدوى .

حاول تدبر تدفئة بالمنزل بالمستطاع و سكر شبابيك و تاكد انو ما في تيارات هوا رايحة جاية .

الله يحمي الجميع .