🌟🌟🌟🌟🌟🌟🌟

Yozgi talabalar festivali: faol yoshlar Xonobodda jam bo‘ldi

Bugun, 28-iyun kuni Andijon viloyatining so‘lim go‘shalaridan biri — Xonobod shahridagi “Turizm laboratoriyasi”da viloyatimizdagi oliy ta’lim muassasalarining faol va tashabbuskor talabalari uchun “Yozgi talabalar festivali” tashkil etildi.

Festival doirasida oliy ta’lim muassasalari rektorlari boshchiligida talabalar o‘rtasida o‘zaro hamjihatlik, do‘stlik va ijodiy muhitni mustahkamlash maqsadida elimiz suygan san’atkorlar hamda iqtidorli yoshlar ishtirokida kechki konsert dasturi bo‘lib o‘tdi.

Kechki ovqat chog‘ida talabalar o‘z rektorlari bilan birga dasturxon atrofida suhbatlashib, samimiy va iliq muhitda hordiq chiqarishdi. Bunday uchrashuvlar rahbariyat va talaba-yoshlar o‘rtasidagi ochiq muloqotni yo‘lga qo‘yish, o‘zaro ishonch va hurmat muhitini mustahkamlashga xizmat qilmoqda.

Konsert dasturi davomida tantanavor kayfiyat, jo‘shqinlik va shukuh hukm surdi. Talabalar o‘zlarining ijodiy chiqishlari, raqs va kuylar orqali salohiyatini namoyon etishdi. Turli interaktiv o‘yinlar, viktorinalar va tanlovlar festivalga yanada fayz bag‘ishladi.

#Dolzarb90kunlik #Yoshlaroyligi

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🌟🌟🌟🌟🌟🌟🌟

Xonobodda Yozgi talabalar festivali unutilmas lahzalarni taqdim etdi

Andijon viloyatining go‘zal maskani — Xonobod shahridagi “Turizm laboratoriyasi”da viloyatimizning turli oliy ta’lim muassasalarida tahsil olayotgan eng faol, ilg‘or va tashabbuskor yoshlar jam bo‘lishdi. “Yozgi talabalar festivali” doirasida ular ijod, do‘stlik, madaniyat va samimiy muloqot ruhida birlashishdi.

Festivalning eng yorqin va unutilmas lahzalari aks etgan fotolavhalar taqdim etiladi. Suratlarda talabalar ishtirokidagi ijodiy chiqishlar, samimiy suhbatlar, konsert dasturi va interaktiv o‘yinlardan lavhalar o‘z ifodasini topgan.

#Dolzarb90kunlik #Yoshlaroyligi

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🌟🌟🌟🌟🌟🌟🌟

“Dolzarb 90 kunlik”: Oromgohning ikkinchi kuni badantarbiya mashg‘ulotlari bilan boshlandi

Xonoboddagi talabalar yozgi oromgohida ikkinchi kun sog‘lom turmush tarzini targ‘ib qiluvchi ertalabki jismoniy mashqlar bilan boshlandi. Bu yilgi oromgohda Andijon davlat universiteti talabalari ham faol ishtirok etib, o‘zlarining sportga bo‘lgan ishtiyoqi va jamoaviy ruhini namoyon qildilar.

Ishtirokchilar toza havo bag‘rida chiniqish mashqlari bajarib, kunni ijobiy kayfiyat va energiya bilan qarshi oldilar. Mashg‘ulotlar nafaqat yoshlarning jismoniy salomatligini mustahkamlash, balki ularning do‘stona muhitda birlashishi, jamoaviy ishlarga faol qatnashishi va o‘zaro hurmatni oshirishga xizmat qildi.

Bu kabi mashg‘ulotlar yoshlarda nafaqat sog‘lom turmush tarzini shakllantirish, balki jamoaviy ishlay olish ko‘nikmalarini oshirishga xizmat qilmoqda.

#Dolzarb90kunlik #Yoshlaroyligi

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube