الله يجزاهم مثل ماجزوني
وما ذقت من هجر النياله يذوقون
اقفو وانا ماظنتي يرجعوني
وانا نحيل الحال من دون في دون
واليوم عنهم مقفيات ظهوني
ولا ظني عقب المفارق يردون
بدو على نو الحيا يتبعوني
وان لاح براق الحيا له يشدون
لاشك انا بوصيك وانته تموني
وصية وانتم عليه تمنون
اوصيك يامشكاي لا تذخروني
واحفظ وصاه راعيه منك ممنون
اليا مت في راس الطويل ادفنوني
اغدي في ديرتي ينزلوني
يمكن تجي ناس على القبر يقفون
وان شفت جني رادعات الوجوني
انته من اللي طلبنا يثارون
لاترحم اللي بالهوى مارحموني
ترى الجروح اقصاص وانتم تعرفون

الزله اللي ضيقت صدري وانا صدري وسيع
من واحد ما كنت متوقع على يزلها
لونها ماهي منه قلت شرهاتي تضيع
لاكنها جت من قريب والدروب تدلها
نويت اعديها لاكن القلب عيا لا يطيع
ادور لمخرج لها وحلها وملها
لقيت حل ان اعديها لوني مستطيع
وعلمه اني رضيت ابها وهو يفطن لها
ماقصدي احسب الزلات للراس الشجيع
ولاقصدي اني اكسر الرياجيل ولا اذلها
لاكن عشان افهمه راسي ترا راس رفيع
ماكل زله جاتني يقول ميده خلها
الاوله والثانيه والثالثه بتذب ريع
والرابعه بعرف علومه دقها من جلها
والخامسه والله لاعرضها على خط السريع
الكبد ماهي فاضيه في كل ليل يعلها

ياطول صبرك ليت الاوجاع تنزاح
باهت ملامح حاطف الحزن لونك
يتعبني اسال كيف حالك ومرتاح
وانا ورب الكون عارف شلونك
مذبوح ذات واقرب الناس ذباح
غدرة قريب الله يثبتت ركونك
طيب وقلبك شاره كلك جراح
مفضوح من حكيك ونظرة عيونك
مايرجع اللي من عيون الوفا طاح
والله ما اصدق لو يصدقونك
ب اهديك راي وخابرك شخص لماح
لاجلك كتبته واقضب العلم دونك
احذر تنزل قيمتك للذي راح
لو كان يقدر قيمتك ما يخونك

بهذا الوقت انا ياكم تالمت
وهمي عن هموم الناس زايد
عن اوجاعي حرام لو قد تكلمت
حرام لا ينشروها بالجرايد
ولكني مع الواقع تاقلمت
وقمت انسخ من الواقع قصايد
وحاشاء الله اني قد تظلمت
لغير اللي اليه الكل عايد
الاهي من اليه الامر سلمت
وامره فوق كل الخلق سايد
يكفيني من الدنيا تعلمت
بان الجيد يظهر بالشدايد

اثر الزمن لا دار من سبت لا سبت
في كل يوم تشوف فرق وعلامه
من كثر ماشافت عيوني وجربت
يرخص مقامك من تجمد مقامه
ماطاب علمك يارفيقي ولا طبت
وش جاك مني غير فعل الكرامه
ياشينها لا قلت ياصاح وش جبت
والعمر انا معطيك ذروة سنامه
ان جا الصحيح تشوفني ماتهربت
وادمح خطاك بدون عذر وملامه
اذكر زمان فيه تهت وتغربت
من ثبت اقدامك بعزم وصرامه
تحتاجني واجيك ف الحال ماغبت
كله عشان العز يبلغ مرامه
ترى الضمير الحي في جوفه اذنبت
ومسامحك من غير ذنب وندامه

لعنبوو قصة غرام كل ابوها كلمتين
بتدينا عند احبك وانتهينا عند باي
تونا ما مشينا فالهوى لوخطوتين
وانت هالموضوع كله حتى ماعرف وش خطاي
وانتهت قصة حياتي بكل سهوله تحكمين
وين احبك وين اريدك وين ساكن في حشاي
يمكن انك ماوفيتي يوم جيتي تعشقين
ويمكن انك تحسبيني بتبعك من دون راي
ويمكن ااصلا ماعشقتي بس كنتي تلعبين
ويمكن انك ماوصلتي في هواك لمستواي
ويمكن اني ماعرفتك فالحقيقه وش تبين
ويمكن اني خنت نفسي يوم اعطيتك وفاي
علميني فالهوى ياجاهله وش تعرفين
تعرفين انك غديتي شي يجري في دماي
علمتيني فالعطاء والتضحيه وش تفهمين
لعنبو حيك عشانك بعت اقرب اقرباي
كنت احطك في عيوني تسرحين وتمرحين
كنت اشيل هموم قلبك وارمي همومي وراااي
كنت اطير من السعاده يوم اشوفك تضحكين
كنت ذايب في هواكي مثل سكر وسط مااي
كنت نايم فالعسل وارسم من الفرحه سنين
كنت اظنك قلب عاشق ماسكن وسطه سوااي
ماوعيت الا وانتي في خفوقي تطعنين
ماوعيت الا وسيفك بالحشا رايح وجاي
وردة ايه والله ورده بس عرفتي تجرحين
كل شي فيني جريح الا فخامة كبرياي
ما تاثرت بغيابك ويش يعني دمعتين
بكره انسى صدقيني ارجع بكامل قواي
ادري ان حنا افترقنا بس ابفهم حاجتين
علميني وش كسبتي وعلميني وش خطاي
اصلا الموضوع كله ماتعدى كلمتين
التقينا عند احبك وافترقنا عند باي

ياصاحبي الله يمسيك بالخير
عقب البطا بنشدك وشلون حالك
من بيننا رفقه ومعزه وتقدير
وقل اتصالي يوم قل اتصالك
اقفت بك الايام من دون تبرير
وجعل الفرح وطيب فالي وفالك
وان بعتني من شان هرج المعاثير
ياما حكو بك واحتمينا مجالك
مانقرن ارفقه من شان دنانير
وفرتنا جنيهك وموفر اريالك
لا تامن الدنيا وصدوف المقادير
تعيش البشر مابين ناجي وهالك

يالله ياللي تعلم بخافي الناس
بالواحد اللي كلبونا عبيده
يامحيي عروق الشجر عقب الايباس
ويعالمن غيب الليال المديده
تفرج لحال اللي طوا حاله الياس
وصارت حياته من همومه زهيده
هذي اربع سنين مطاب مجلاس
ولاشفت للراحه مواري سعيده
ماغير اكن الهم والفكر منحاس
واقول ياوقتي وش اللي تريده
صبت لي الايام من مرها كاس
ولا لي على الايام حيل ومكيده
من ضيقتي صارن يضيقن الانفاس
كن الضماير فوق نارن وقيده
وين انت عني غبت ياطيب الراس
راحتبك صدوف الزمان الشديده
بعدك لو اشرح حالتي فوق قرطاس
بكيت جمهور الشعر في قصيدة
كني بعدك الزير والوقت جساس
معاهدك روحي بدربك شهيدة
تلاشت احلامي وانا اقول لاباس
وفارقت لذات الحياه الرغيدة
من يمنع الشاعر لياصار حساس
لايبدع بحرقه ويكتب قصيده
عزاه ياقلبي من الوقت والناس
وانشهد اللي غاب عني فقيده

لا تعتذر وان غبت عادي ومسموح
لا بشتكي منك ولا بشتكي لك
حاولت ولكنك تبي تغيب وتروح
وانا بعيني واضحه حاجتي لك
تشوف ولا انعميت وانا انازع الروح
وشلون اوصف بالجفاء حالتي لك
وابتسم لك وانا منك كلي جروح
باقي على اشوي واصبح قتيلك
مهما خفيت الجرح للناس مفضوح
كلن درى بالجرح من نظرتي لك

على الزعل والضيق حنا كبرنا
ما عاد في اشياء تستاهل الضيق
واذا اعتزلنا الكل محد جبرنا
العزله اصدق من وجيه المخاليق
حتى على صد الحبايب صبرنا
الحلم لولا الصبر مافيه تحقيق
من كثر خيبات الحياه اعتبرنا
العمر لحظه و اليالي توافيق

مابقى لك في مشاويري مسافه
اعتقد حنا  وصلنا ل الاخير
الندم والعذر ودموع الحسافه
مالها قيمه بعد موت الضمير
البحر هادي وتغرينا ضفافه
بس لا هاج البحر موجه غزير
خايف من البعد لا لا تخافه
لاتخاف البعد واحبابك كثير
اشكر احساسك على قل الكلافه
ياكبير طحت من عيني صغير

الله اكبر كيف صدقت الاوهام
وانا من اصحاب العقول البصيره
غرتني ادوار المحبه بالافلام
اللي تمثيل للشعور وتثيره
اصحى وادون سيرة الحب وانام
ياليت ما دونت للحب سيره
احلم ولا لي في تفاسير الاحلام
لين ابتدا الواقع يبيح الشريره
اخذت مع درب المحبين درهام
ورجعت بشداد الصويب وبعيره
قام الندم يمشي على روس الاقدام
ما وده ان القاع يعرف مصيره
خاب الامل كله من الالف ل اللام
ياصعب جبرك يا الظنون الكسيره
يا مسقى قلبي بخذلانك السام
رح واعتبرني عايش بقلب غيره
اللي يضيم الناس لابد ينظام
هاذي هي الدنيا رحاء مستديره
والعشره اللي راحت اوصال واكوام
لعلها يا ناقص العهد خيره
راجع كلامي لك قبل خمسه اعوام
وارجع واخذ مني عباره قصيره
احبك اللي قلتها هاك الايام
كانت خطاء فادح وغلطة كبيره

قفلت باب العاطفه والمحبه
وسلمت للعقل الرزين الامانه
ترى القلوب الخاليه مستتبه
من كل جرح وكل طعنة خيانه
قلبك اذا تقدر تخيبه خبه
لا تكشفه للناس ويقل شانه
مافيه احد حبك عشانك تحبه
من شاف عندك شي حبك عشانه

اقتنعت ان الليالي متاحف ذكريات
يوم تبطي سجة البال بين اسوارها
اللي ظاهرها سعادة وباطنها شتات
وحشة ما ملت النفس من تكرارها
ما لفقدك غير نعمة وحيدة فالحياة
باحث الدنيا بعدك ب جميع اسرارها
العيون تداري الدمع من كل الجهات
مثل الام اللي تداري شعور صغارها
يانديم الذات ماكنت ذات من الذوات
انت وجهة دربي اللي عرفت اختارها
وقفتني بين التماسك وبين الانفلات
حيرة مع كل لهفة شعور احتارها
جاد بك عمر مقفي وحظ في سبات
وابتسمت. البسمة اللي دفعت اضرارها

خلوني اوصف حالتي في كذا بيت
لعل منكم شخص يقدر يداوي
في داخلي فوضى وزحمة توابيت
موتى وجرحى وناس تبكي وتداوي
مشغول فاضي م احترم اي توقيت
كل البشر في مجمعي بالتساوي
عايش به الدنيا على كف عفريت
لكن بفضل الله صابر وقاوي
احيان من المسجد على طول للبيت
واحيان لا والله راعي بلاوي

البارحه شبيت روس الزقاير
وحرقت جرح داخل الصدر مدفون
قصدي اخفف من كنين الضماير
واليا الجروح تزود والقلب مغبون
وقامت هواجيسي ردود وصداير
واصبحت انا والقوت داين ومديون
ومن العنا والجور ذقت العزاير
والوقت الاقشر صار من دون في دون
لولا الحيا هليت صاف العباير
لاشك م ودي هلا الحسد يدرون
اللي على النمه تسوق البشاير
واشكالهم م بين صاحي ومجنون
وسجيت مع فكرا من الناس حاير
يلعب بي الهاجوس والصدر مشحون
يوم انتبه الياء الزقاير نثاير واليا
الجماعه ف المساجد يصلون
وحثيت رجلي يم صوت المنابر
وصليت فرض الفجر وابليس معلون

سامح الله طعنتك قبل الغياب
انتظرتك ترجع ومالله قسم
ماهقيت البعد بس الظن خاب
انحسم بعدك ووصلك م انحسم
من غيابك ما جنيت الا العذاب
ضاق صدري مابقى فيني نسم
موحش غيابك وعايش باكتئاب
صورتك في كل حاجه تنرسم
افتح ل الحزن من غيبتك باب
جرح غيرك عادي وجرحك دسم

ان كانت الفرقى تريح ضميرك
وانا ضميري بالجفاء كيف يرتاح
ماعاد لي رغبه على حب غيرك
حتى لو انه يملي ايامي افراح
كرمت ودمت وكثر الله خيرك
على كثر ما زدت في قلبي اجراح

ماحزنت الا على هقواتي وطيبي وظني
يوم كنت اظنه اطيب من على الدنيا لقيته
كنت اشوفه قطعه من قلبي وروحي ومني
وكنت اشوفه كل حلم وكل شي قد بغيته
ما هقيت انه بيحزني وعاده بيعيني
في وفاي اللي وفيت وفي غلاي اللي عطيته
ابتعد عني وهو ناذر نذر مايبغيب عني
يلعن الله كل عهد وكل طيب قد هقيته

غيبي شهر غيبي سنه غيبي أعوام
تراك صرتي في حياتي ولا شي
قلب حوى حبك غدى كله الام
لو جاتك الأشواق تبغى الوصل عي
قلتي تعال وقلت حتى بالأحلام
والله لو كنتي بتموتين ما اجي
ياسود الله وجهك ووجه الأيام
طويتوا دروب الأمل داخلي طي