#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

قصيده لسيدة نساء العالمين
فاطمة الزهراء عليها السلام
لسان حال السيده زينب عليها السلام
🔸🔸🔸🔸

اه يمه فاطمه اه يمه فاطمه
🔸🔸🔸🔸◽◽🔸🔸🔸🔸
١
شـلون يمـه نفـتـرگ وباب حضنج ينطبگ
والله ماشبعت شبگ زيـنـبـج تـبـجـي دمـه

اه يمه فاطمه اه يمه فاطمه
٢
يمـه ناري بفرگـتج تسعـر اعله مصيبـتج
تبجـي دم ابنـيـتج بـجـت امـلاك السـمـه

اه يمه فاطمه اه يمه فاطمه
٣
بيتج لمهبط وحي وجـان محـروس ابنبي
هسه طبه الاجنبي وبـسـهـم حـقــده رمـه

اه يمه فاطمه اه يمه فاطمه
٤
النار بعـيوني شفـت لذت خلفج من خفت
منين ماصد والتفت عيونهم تحجي ضمه

اه يمه فاطمه اه يمه فاطمه
٥
يمه اشم ريحة دخان وفارگت حضن الحنان
راح ويـاج الأمـــــــان وروحي ضلـت هـايمـه

اه يمه فاطمه اه يمه فاطمه
٦
بلاطعم تبقى الحياة عيشه بس شبه الممات
بلايه امي الـنايبـات گــلــبـي راح اتـألــمـــه

اه يمه فاطمه اه يمه فاطمه
٧
ستنتجت من الهجـوم حقدمدسوس بسموم
يرجـع يحـاربـني يوم متني سـوطه يورمـه

اه يمه فاطمه اه يمه فاطمه
٨
بـدت مـدعـات الـفـتـن تـنـتـقـل عـبر الزمـن
ضـد علي وام الحسـن ثوره ضـدهـم قائمـه

اه يمه فاطمه اه يمه فاطمه
٩
بس غريبه اعله العقول تنضرب بنت الرسول
ويـحـتـرگ دار البـتـول الـبـيـتـهـا الله كـرمـه

اه يمه فاطمه اه يمه فاطمه
١٠
ورثت من عـندج عـبي تفيدني بدرب السبي
يطگني سوط الناصبي مـن اضـل ابـلاحـمـه

اه يمه فاطمه اه يمه فاطمه

🔸🔸🔸🔸🔸🔸🔸🔸🔸
تمت بعون الله تعالى

عقيل حسين الگرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


الـى فـاطـمـه الـزهـراء عـلـيـهـا الـســلام
〰〰〰〰〰〰〰〰〰〰〰〰

بـعـد عـيـنـك عـيـنـي مـتـفــارگ دمــع
بـعـد عـيـنـك انـكــســر مـنـي الـظـلــع
بـيـتـي مـهـبـط لـلـوحـي وحـتـرگ بـعـد الـنـبـي
بـعـد عـيـنـك بـعـد عـيـنـك

➖➖➖➖➖➖➖➖➖➖➖➖
1
بـويـه عـجــلـت ابـرحـيـلـك مـن عـفـتـنـي
بـدنـيـه مـابـيـهـــا امــان انـتـه اتـركــتـنـي
مــن بـعــد عـيـنـك يـبـويـه لــوشــفــتـنـي
ضـلعـي مكـسـورواثـرسـوط اعـلـه مـتـنـي

ادنـيـا ضــلـمــه نـورك الـيـضـوي انـطـفـه
ادنـيـا ضــلـمــه جـرحـي بـعـدك مـاشـفـه
وكـشـر انـيـابـه الـزمـان مـاشـفـت بـعـدك امـان
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
2
بـويـه شـأشكـيـلـك مصـايـب قصـه الـبـاب
دفـعـــو الـبـاب اعــلـه بـتـك ام الـحـجــاب
وقـدمـت اول شـهـيـد الـمـحـسـن انـصـاب
والله يـابـويـه جـريـمـه اتـسـمـو اصـحـاب

اشــم گــبـرك واحــبـس ابـريـتـي الـهــوه
اشــم گــبـرك واضــلـم بـعـيـنـي الـضــوه
الـدنـيـا بـعـدك مضـلـمـه ويـنـسـطـرخـدفـاطـمـه
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
3
ارتــفــع صــوت الـمــؤذن بـالـشــهـــــاده
اشـــهــدو ان مـحـمـد بـســــمــه نــــــاده
وانـي اغــرگـهـا بـدمــع عـيـنـي الوسـاده
مـــارعــو بـتـك يـبـويـه بــكـــل جــــلاده

دفـعـو الـبـاب وبـنـتـك الـصـارت مـصـد
دفـعـو الـبـاب ونـبـت بـسـمـــار الـحـقـد
بضلعي واسقطت الجنين وصحـت يارب المعـين
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
4
انــضــر اولادي وبـنـاتـي يــمــي يـبـجــون
وانـضـرلـزيـنـب حـزيـنـه وحـمره الـعـيـون
تـگـلـي لـيـش الـنـار يـم بـابـج يـشـعـلـــون
يـمــه ويــضــربــوج بـسـيـاط اعـلـلـمـتـون

يـمـه زيـنـب گـــعــدي ارويــلــج خـــبــر
يـمـه زيـنـب عــن مـصـــايـب هــالــدهــر
الـي عـالـزهـره هـجم يحـرگ الـزيـنـب خـيـم
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
5
گـــعــدي يـازيـنـب اوصــيـج اواســمـعـي
نـفـسـه بـسـمـار الضـربـنـي وكـسـرضـلعي
يـكـبـر ويـصـبـح ســهــم ويـصـوب ابـنـي
يـخـلـي لـحسين عـله اخيه ضهـره محني

مـن يـصـدلـه نـابـت ابـعـيـنـه الـســـهــم
مـن يـصـدلـه واگـــع ابـصــفـه الـعـــلــم
ينكـسـرضـهـرالحـسـيـن من يصدلـه بلايه ادين
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
6
يـمـه ســوط الـيـضــرب الـطـفـلــه رقــيــه
نـفـسـه هـذا الطـگـنـي مـن هـجـمـو عـلـيـه
بـــس الــوجـــوه اتــغـــيــر بــالــقـــضــيـه
هـــذا يـمــنـه وذاك بــرض الــغــــاضــريــه

نـفـسـه هـذا الاسـقـط الـمـحـسـن جـنـيـن
نـفـسـه هـذا طــفــل يـذبـح لـلـحـــســيـن
يـسـتـمـر هـذاالـعـداء مـن الـمـديـنـه لـكـربـلاء
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
7
سـمـعي يـازيـنـب اسـولـفـلـج مـصـايـب
تـمـرعلـيـجـن مـن بـعـد ذبـح الحـبـايـب
تـنـسـبـن وســفــه وتـبـاتـن بـالـخــرايـب
بــس نـعــم مـنـج تــراويـهــم عـجــايـب

بـكـل صـلابـه واگــفـه بـمـجــلـس يـزيـد
بـكـل صـلابـه هــمــه صــارولــج عـبـيـد
مـن تـخـطـبـيـن ابـعـزم ادنـگ الـروس الـزلـم
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
تـمـت بـعـون الله


عـقـيـل حـسـيـن الـگــرعـاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


قصيده لفاطمة الزهراء عليها السلام

الامام علي ع بعد فراق اعز اصحابه واحبابه
فاطمه ع والنبي محمد (ص)
القصيده فيها رساله عن الصاحب
🔸🔸🔸🔸

ياكسرتي بأحبابي ادفن بديني اصحابي
بحقد وغدُر سهم الهجُر
سـهـم الـهـجُـر دگ بابي

🔸🔸🔸🔸◽◽◽🔸🔸🔸🔸
1
يبقى بألم طول العمُر اليدفن بدينه الصاحب
عـالحلوه والمـره مشو عشرة العين وحـاجب
صرنا مثل عند العـرب وطاعة نهجـنه واجب
صحـبة محمد وي علي الأنجـيل عنهـا كـاتب

وبـحـيدره والزهـره كل الخلگ متحيره
لهذا الامُر سهم الهجُر
سهم الهجُـر دگ بابي

🔸🔸🔸🔸◽◽◽🔸🔸🔸🔸
2
عشـرة علي وي فاطمه تبقى مـثل للأجـيال
بيهادروس اعله لخدر ودروس تصنع ابطال
يالتقره عن حيدر علي طبق كـلامه الينگـال
الصاحبك فَـدَّي العمُـر لـوردت تصـبح رجال

اخذل محمد حاشه اني النمت بفراشه
مفَدّي العُمر سهم الهَجُر
سـهـم الـهَـجُـر دگ بابي

🔸🔸🔸🔸◽◽◽🔸🔸🔸🔸
3
بس موقياس الصحبتي ويه اليحرف القرأن
اهل السقيفه الي انكرو بيعة علي موصحبان
اتـأمـرو ضـد الـنـبـي مـات وعلـيـهـم غـضـبان
وتالي بحقدهم فاطمه تموت ابضلعهـا نيشان

يبقى اثرهـا العصره ابگـلـبي مـوبالزهـره
بگلبي جمُر سهم الهَجُر
سهـم الهجُـر دگ بابـي

🔸🔸🔸🔸◽◽◽🔸🔸🔸🔸
4
بعد النبي صـار الغَـدُر منـ ليدعـون الانصـار
واني ابوصيه من النبي لـتسل علـيهـم بتـار
اِحقن دمـاء بهالوضع واصبر عليك شماصار
وتـجـرئـو وبـلاخـجـل ابـابـي شـبـوهـا النـار

بگـرابه ضل فقـاري بگلبي وابيتي ناري
ماضل صبُر سهم الهَجُر
سـهـم الهَجُـر دگ بابـي

🔸🔸🔸🔸◽◽🔸🔸🔸🔸
5
بيتي صُـفـه بلافاطمه بس بـي ورث للملگه
بـي زينب بلهـفه وهلـه تتلگـه ابوها ابشبگه
تلبس عباة امها وتجي يمي وگليبي تحرگه
من اتگلي صبري اتهدمـه مااحتملهـا الفرگه

يبقى الدمع يحجيلي والسهر عاشر ليلي
بحلمي اليمُر سهم الهَجُر
سـهـم الـهَـجُـر دگ بابـي

🔸🔸🔸🔸◽◽◽🔸🔸🔸🔸
6
لمـن اعـيد الذاكـره تخنـگـني حـيل العـبره
وگـلـبـي يضـل ابلـهـفـته يذكـر ايام لزهـره
الجـانت ابعـيني ضـوه وبليلي هـيه الگمره
زغرت ابعيني دنيتي اوحزني صار اشكبره

الفـارگ اعـز احبابه تضل دمعته سجابه
يموت ابغدُر سهم الهَجُر
سـهـم الـهَـجُـر دگ بابـي

🔸🔸🔸🔸🔸🔸🔸🔸🔸🔸🔸
تمت بعون الله تعالى


عقيل حسين الگـرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

قصيده لمولاتي فاطمة الزهراء عليهاالسلام
سألو سلمان المحمدي ماللذي يجري
في بيت علي ابن ابي طالب ع
وهوه يجاوب
🔸🔸🔸

احجي ياسلمان شنهو الي جره
اباب حيدر شـفـنه نار امـوجـره
ناس متجمعه وتگول أحرَقو دار البتول

🔸🔸🔸🔸◽◽◽🔸🔸🔸🔸
1
ابلاتحفظ اني اسولـف عن فعل هـاي العبيد
اتجمعو اهل السقيفه ضدعلي ومنصب تريد
بس غـفت عـين الرسـاله بين الحقد الشـديد
ونـكـرو شـوصـه نـبـيـنـه لاكــن ابـداً مايـفـيد

الينكـر الأيه الـعضـيمه بالغـدير
يريديصبح عالخلگ هوه الامير
اليوم سل سيفه ويصول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
2
لاذت الزهـره ودفعـهـا ويدخـل ابلايه اِذِن
فاطمه يگـلوله خلفـه وهـوه جـاوبهـم واِن
شهـالصلافه وهالوقاحه يسمع الزهره توِن
وخلـه بسمـار المنـيه بدفعـته يخضر حزِن

ويسقط المحسن ضحية انقلاب
استشهد برتبة مدافع عالحـجاب
وماقبل عمره يطول أحرَقو دار البتول
احجي ياسلمـان شنهو الي جره

🔸🔸🔸🔸◽◽◽🔸🔸🔸🔸
3
اني شاهد عالجريمه القشعرت جلد السِمه
نهدم ركـن من الرسـاله بكسر ضلع الفاطِمه
ومصحف الزهره الزجيه اصبح ملطخ دِمه
وبَّخـرَت ارض المـدينـه بـاب حمـاي الحِمه

امست الدُخان عنبر جن يفوح
الأفق ابشـع مواقف بـي تلـوح
قررو مرضى العقول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
4
الجان يتسمـه صحابي هسه كشرها النياب
قام ثوره عله الرساله واسس بحقده نقلاب
ومن بعـد عـين النبـوه يحـترگ للزهـره باب
من اثردفعة حقدهم استشهدت ام الحجاب

وحيدر اموصه ابد ميسل فقار
وبقى مجتفته الوصيه بالـ صار
ماخلف امر الرسـول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
5
شَّيـع الدنيـا اعلـه جـتفـه بليل وبلايه علِم
رجـع ويگـلـي يعـمـي اضـن مو واقـع حلِم
غصن من بيت النبوه جنت من عطره اشِم
هسه اشم ريحه هجرها التارك بروحي ثلِم

بيتي ياسلمان صار المگبره
الصبر فارگني بعد الطاهره
دمعي يجري كالسيول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
6
بيت حيدر گمت اطبه مضلم وغايب ضواه
وحيدرالعظم المصيبه محدب وضهره حناه
يگلي جرحي اعله الزجيه مااضن الگه دواه
جـرح البگـلبـه شيجـبره الدفـن زهـرة صباه

يلـي تسأل كـف سـألك والحجي
خلي اواسي حيدرابدمعه وبجي
لوضعه مااملك حلول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
تمت بعون الله تعالى


عقيل حسين الگرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


قصيدةللزهراء عليها السلام
الزهراء ع توصي الإمام علي ع
في اخر يوم من حياتها واويلاااه
🔸🔸🔸

ٌإگـعد يبو حسين. عندي وصيتين
الأولى اريد اجنازتي تشيعها بالليل
والثانية خليني اوضحها بتفاصيل
وصيتي. وصيتي

🔸🔸🔸🔸🔸🔸🔸🔸
1
بخـفـية بالليل وتوكل هاي الأولى اوصيتي
تحزم ابصبرك يحيدر من تحطـني بحفرتي
انته واللـيل وجـروحـك شيعـوهـا اجـنازتي
اخفي گبري عله لضلمني وسبب صاربموتتي

اسـمع كـلامي. كـل الأسـامي
الهجمو على الدار وشفت من عدهم الويل
والثـانـية خـلـينـي اوضـحـهــا بتفـاصـيل
وصيتي. وصيتي

🔸🔸🔸🔸🔸🔸🔸🔸🔸
2
گـربت سـاعة منيتي من الألم ماگمت انام
ياعلي لـثاني وصيتي اسـتمـع مني الكـلام
التّدعي جانت صحابة هسه ترميني بسهام
خلي ابينلك سوالف صايرة ابگلبي ازدحام

كـل الّـي شـارك. وطب اعله دارك
ماابري ذمته ولايجي لجنازتي ايشيل
والثـانية خلـيني اوضحـهـا بتفـاصيل
وصيتي. وصيتي

🔸🔸🔸🔸🔸🔸🔸🔸🔸
3
استمـع ثاني وصيتي واني احجيهـا بألم
خلي اوضحلك اسامي بلگلب زرعو سهم
ياعلي بهـايه سبحـتي راح اعدهم بالإسم
فلان وفلان اهضموني وبينهم صارلنه دم

المحسن ضحـية. لاگـــه الـمـنـيـه
والزهرة من بعد النبي دمع ودمه يسيل
والثانـية خـلـيـني اوضحـهـا بتفـاصيل
وصيتي. وصيتي

🔸🔸🔸🔸🔸🔸🔸🔸🔸
4
ماردت واحد يصلي عـالجنازة الخائنين
ذوله تربات السقيفة من بعد طـه الامين
علنبي يهجـر تجـرء يلـفظ المـاعنده دين
وبعده عالزهرة تطاول ياعلي هذا اللعين

ماكـو شفاعة. الذوله الجماعة
لخلو ضهر حامي الحمه بجنازتي ايميل
والثانية خلـينـي اوضـحـهـا بتفـاصـيل
وصيتي. وصيتي

🔸🔸🔸🔸🔸🔸🔸🔸🔸
5
الله اليعينك يحيدر صعبة هالفرگة احس
ابـتـلائك فـي محمد دافـنـه بأيـدك امـس
وباجر الوحشة جبيرة ليلك ايشيع شمس
من ضمن هاي الوصية رايده بجيك همس

عن لايحسون. بگبري اليضدون
وخلـي البواجي ياعلي الهدنلك الحيل
والثانية خـليني اوضـحـهـا بتفـاصـيل
وصيتي. وصيتي

🔸🔸🔸🔸🔸🔸🔸🔸🔸
6
ياعلي دَّون وصـيـتي كـلـهـا وكـتبـهـا بكـتاب
شيعتك خل تقره قصتي تسمع شمرني عذاب
اكـتب الزهـرة شـهـيدة ومـاتت بعـمـر الشباب
ليقره قصتي مااعوفه واحضروياه كل مصاب

اكتب كتابي. وبين مصابي
وخلي المصيبة تنذكر جـيـلاً بعد جـيل
والثانية خـلـيني اوضحـهـا بتفـاصـيل
وصيتي. وصيتي

🔸🔸🔸🔸🔸🔸🔸🔸🔸
تمت بعون الله تعالى

عقيل حسين الگرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

قصيده للزهراء عليها السلام

اربعة شهود عيان على جريمة الهجوم على
دار علي ع وفاطمة الزهراء ع
يطلبهم الزمن كشهود عيان كل من
الحسن ع والحسين ع وزينب ع وفضه رض
🔸🔸🔸

اتلث شهود اعله الجريمه وفضه رابعهم
شـاهـدو عـين المصـيبه من اضربو امهم
الزمـن رايد كـلام مَـروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
1
الـزمــن يـســأل يـتـانـي رايـد اجـواب
عـن جـريمـه بـلاجـريـمـه يحـترك باب
رايد يوضح الدوافـع واصـل الاسـباب
يبـين اصـحـاب النبي لـوذولـه ارهـاب

رايـد التـاريخ يكـتـب شـنـهـو اسـبـابـه
ينجـتف حـامي الحمـيه ويحترگ بابـه
بنارهم يصبح حُطام مَروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
2
الحـسـن اول شـهـود بـعـيـنـه ينـضُـر
امـه خلـف الباب مجـرم بـيهـا يعـصُر
يگول شـاهـدت اللعـين بخدها يسطُر
يازمـن سجـل ضلعـهـا بدفـعـه يكـسُـر

امـي مـن اشـتـد الـمـهـا يـاعلي صــاحـت
گمت احس ارض لمدينه نشالت وطاحت
وصارت الدنيا ضلام مَروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
3
الحسـين الـشـاهـد الـثـاني سـمـعـهـا
امـه خـلـف البـاب وتـون مـن الـمـهـا
يگول انه بعيني اشاهد من صفـعـهـا
لـسـه بذني صـوت تكـسـيرة ضلعـهـا

بـعـد مـااگـدر اكـمــل حــدب الـســانـي
زيـنـب اتـكـمـل مـصـيـبـة ذبـح قـرأنـي
هذاحجيي وسلام مَروي من بيت الأمام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
4
زينب اتكمـل الشهـاده بعد الحسين
تگـول بسمـار المـنيه صـاب الأثنين
امي والمحسن سويه تشـاهد العين
طاحو ومـنهـا تكَّـسر اضـن ضلـعـين

النار شبت بالعبايه وشبگت المصحف
طفـته وگـلـتلـه عـذراً حـيدر امـجـتف
ياورث خير الأنام مَروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
5
فضه احجيلي اشسمعتي وشنضرتي
صرخـت امن الزهره ياعـالـم فشـلتي
ريت كل اضلوعي فدوه لضلعج انتي
والله مـادام انـي عـدلـه تبـقـه ونـتي

كل الاسماء انه عندي الهجـمـو اعليهـا
باجـر ابـيـوم القـيـامـه لـلنـبي انطـيهـا
عيني بعدج ماتنام مَروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
6
يلَّـي مـاعـندك درايه بهـجمـت الدار
وَضَّحَـو اربع شهـود الَّـي جره وصار
كل تفاصيل الجريمه وفعل الاشـرار
مـارعـو حرمة نبـينه وحامـي الجـار

عـوف تأريخ ال امـيه والنضـر غـضـه
الحسن وحسين شهدو وزينب وفضه
عن جريمه اقتحام مروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
تمت بعون الله تعالى


عقيل حسين الگرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


قصيده للسيده فاطمه الزهراء عليها السلام
لسان حال الامام علي عليه السلام
🔸▪🔸▪🔸▪🔸

انـزف اجـروح ومصـايب
مـن بعـد فـگـد الحـبـايب
ودعـت تـونـي الرسـول. هـسـه ادفـن بالبـتول
يامصـابي. ياعـذابي

🔸▪🔸▪🔸▪🔸▪🔸▪🔸
1
ياحلـم داهـمني فجئه واصبح الواقـع سـراب
ثـمـن باب الي قـلعـته يحـترگ من عندي باب
مـن بعـد روح النـبـوه اسـتعـد لعـظـم مصـاب
بيدي زهرة روحي ادفن وابقى بالهم والعذاب

عــاده الـيـفـارگـلــه غـالـي
يـعـاشـر اجـروح الـلـيـالـي
يگـضـي ليله كـلـه هم. وتخلص احـلامه وهم
يامصـابي. ياعـذابي

🔸▪🔸▪🔸▪🔸▪🔸▪🔸
2
نزلـت فاطـمـه بأيـدي وروحـي ضلـت بالگـبر
مـااكـف دمـعـي اونيـني والله لـبجـيلـج عمـر
رحـتي عـني ويبقى لـيلـي مظلم وماكو فجر
انضر احسين اعله امه من البجي عيونه حمر

والـحـسـن لـيـلـيـه يـنـحـب
واني كل خـوفي اعله زينب
بيهـا وصـت فـاطـمـه. ونــهـا گـلـبـي يألـمــه
يامصـابي. ياعـذابي

🔸▪🔸▪🔸▪🔸▪🔸▪🔸
3
زينب اتشـم ابعـباتج مسـويه للمحسن مهـد
تگـلـي بويه شـهـالمصـيبه والـده نودع اولـد
شلـون جـبره يازمـاني تنطـي للفـارگلـه جـد
بسهـم المثلث رمـاني ونسطر من عندي خـد

بـويـه قــبـل الـغـــاضـريـه
زيـنـبـك هــســـه ســـبــيـه
اتمرنت اشهگ دخان. من الزغر صار امتحان
يامصـابي. ياعـذابي

🔸▪🔸▪🔸▪🔸▪🔸▪🔸
4
كـوثر الجـنـه اتركـتني اجـري دمعـاتي دمـه
ونار الفـراگ الجـوتني زرعت ابروحي ضمـه
وكلمه بذني ظـل صداها علي مـاتت فاطمـه
وموقف الي بعيني شفته واني حماي الحمـه

المـافـزع لـلـزهـره سـيـفـه
وينضـر افـعـال السـقـيـفـه
يعـاشـر الـون والدمـع. وينتهـي مـثل الشمـع
يامصـابي. ياعـذابي

🔸▪🔸▪🔸▪🔸▪🔸▪🔸
5
اشـعـر يسـولـف فـقـاري ويحـجـي وياي ابعـتاب
يگـلي معقـوله انته ساكت بالهجوم اعله الحجاب
ارخصني بس حطني بيمينك روس ماخلي بركاب
يگلـي شنهـو الي جـرالك احـجـي يالـيث الحـراب

گـتله مجـتوف ابوصـيه
امــــر مـــن الله ونـبـيـه
مـااسـل سـيـف الـحـرب. امـر مـوهـين صـعـب
يامصـابي. ياعـذابي

🔸▪🔸▪🔸▪🔸▪🔸▪🔸
6
سـجـل الـتـاريـخ بـابـج يـحـتـرگ اول حـرم
وثاني حـرگـه بعـدبابج يحـرگ لـزينب خـيم
تبقـى متكلـفـه بيتامـه من بعـد راعـي العـلم
اتركه غافي اعله الشريعه نابت ابعينه السهم

وتبـقـى زينـبـنـه وحـيده
وتمـشـي بدروب البعـيده
محزمه بحبل الصبر. مكلفه بأعظم امـر
يامصـابي. ياعـذابي

🔸▪🔸▪🔸▪🔸▪🔸▪🔸
تمت بعون الله تعالى

عقيل حسين الگـرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


الليالي الفاطمية
ميمر كربلائي

هي العناوين هواي يظل فاطمي عنواني
"""""""
عنواني ما يشبه عناوين الناس
اختلف عنهم بالهوه وبالاحساس
لن فاطمي من جدمي ولحد الراس
بهاي الهوية يظل دوم مرفوع راسي وشاني
"""""""
عن شغلي لو عن اسمي لتسألوني
سألوني شنهو مذهبي ومضموني
تلگوني خادم فاطمة تلگوني
بهذا الاسم حد ما موت يلهج يظل لساني
""""""""
يبقه انتمائي فاطمي وما بدله
هذا اللقب من أب وجد امحصله
هم شفتوا واحد ينسه اصله وفصله
شگد عندي حظ ومبخوت للزهرة اتبع اني
""""""""
عدنه يقين وماكو شك بهايه
من عدها نسمع بالقيامة حچايه
للجنة تدخل شيعتي ويايه
للجنة ويه الزهراء ندخل بامر رباني
"""""""""
تدروني بالسرّاء لو بالضرّاء
فاطمي ابقه امن الالف حد الياء
احيى واموت بحب علي والزهراء
ابقه اعله خطهم والله ما ريد اي خط ثاني
"""""""""
ما دام خادم فاطمة ايسموني
انه برغد باچر تنام اعيوني
ان شاالله وي فاطمة ايحشروني
يومية اسجد لله إلهُه عبد سواني
""""""""
گول وفعل احچيها والكل يدري
عنواني هذا يبقه لاخر عمري
ومن الـظلمها انه اظل متبري
امن فلان ابره وفلتان هيچ اعتقد بايماني
"""""""
معلومه عندي وسجلوا هالمعلومه
للزهرة أرجع .. هاي اظن مفهومه
يعني هويتي ابيدها مختومه
متيقن وادري هناك حاشاها ما تنساني

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


الليالي الفاطمية

شلونه الامام المنتظر هاي الليالي شلونه
شمسوي بي كسر الضلع الله يكون بعونه
عايش على الاه .. وچبيرة بلواه
الله يكون بعونه
""""""""
والله صعبة .. يعيش غربة
الـعنده أُم ميتة ويظل عايش وراها
دموعه حمره .. على الزهره
الشمس شيردها اذا كسروا ضواها
الشيب يترس وجهه لمفارگ حبيب
وعلى فراگ الزهرة ابو صالح غريب
الله يعينه الـعنده أُم كسروا ضلع من عدها
ولـضربوا امه عالوجه خده انسطر لو خدها
شلون اغلى لاحباب .. عصروها بالباب
الله يكون بعونه
"""""""""
وصلت النار .. بيت كل جار
الباب محترگة وطرفهم كله دخان
المهدي حاير .. شنهو صاير
لبت محمد ليش ما فزعوا الجيران
المهدي يتخيل المحسن من وگع
النار يم وجهه ولا واحد فزع
يتخيل الزهرة زحف راحت لابنها تشيله
يا فضة صاحت فاطمة مات الطفل لحگيله
من طاح لحظات .. ما طوّل ومات
الله يكون بعونه
""""""""""
المهدي ينعه .. ويجري دمعه
فاگد أُم وفاطمة هالأُم اسمها
والله حگه .. بصدره شهگه
النار مو بس ايدها حرگت جدمها
الزهرة يتخيلها ودموعه تسيح
شويه تمشي لكن هوايه تطيح
بالگوة تشتم الهوه وما بيها تمشي خطوه
تتچه ما تگدر لأن بالنار چفها اتچوه
ما تگدر تگوم .. ضلع امه مهشوم
الله يكون بعونه
"""""""""
من اجوها .. ومن ولوها
اولادها وحيدر اوياها بس وحيده
علي موصه .. والله غصه
لعبد تالي على الزهرة يرفع ايده
فاطمة تصد ظلت ايسار ويمين
تگول عني إبن عمي علي وين
تنضرب عالخد فاطمة وگدام حيدر توگع
لام الحسن والله وكت ساكت علي وما يفزع
يا حيدر شلون .. مو زرگة لمتون
الله يكون بعونه
"""""""""
من يذكره .. يموت حسره
باب من اجذوع واعله الزهرة طيحوه
والـيألمه .. والـيهظمه
جابوا اهوايه حطب والدار حرگوه
وره الباب الزهرة والظالم طُلَب
على الباب يصيح كثروا بالحطب
والزهرة طاحت عالارض والنار تحرگ بيها
تطفيها بيديها صعب وحدها شـتطفيها
مچويه لايدين .. والسطرة بالعين
الله يكون بعونه
"""""""""""
طه وصه .. ورجع وصه
من معزته إلها وصه هوايه بيها
اي يدنيه .. ناس عميه
بالعصي وسياط شو هدّوا عليها
الگوم تدري فاطمة گلب الرسول
وصوبوا ببسمارهم گلب البتول
بسمار نابت بالصدر ومكسور ضلع الزهره
بس الله يدري المنتظر مكسور يمكن صدره
بضلع امه بسمار .. بسمار من نار
الله يكون بعونه
"""""""""""
الزهرة غربة .. المهدي غربة
وغربة ماتوا اهله كلهم يا مصيبه
المهدي ينحب .. على زينب
تبقه عمته بكربله اوحيدة وغريبه
تطيح كل لحظة السبب مو لأن ليل
لن بديها الحبل ويجروها حيل
ولآذه زينب مو حبل آذتها بس حچايه
المسبية هاي اعله الهزل اخت ابو فاضل هايه
بدرب السبي تروح .. وعباس مذبوح
الله يكون بعونه

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


الليالي الفاطمية

من تغسلني أوصّي بـهايه
يا علي مي لا تدير اهوايه
بكربله باچر يموت ابنك ضمه
""""""""
يالعايشة بأمانك .. راح افتقد حنانك
امي وابويه يالچنت إلي
شگد انته دللتني .. ووسط الگلب شلتني
ونعشي تشيله هسه يا علي
سوه  عِشرتنه  چانت  يا  علي  بكلشي
ومشيت بموتي لاخر لحظة وي نعشي
دمعك بتغسيلي دم يتفجر
حسين يبقه بلا غُسل تتذكر
راح تبچي هواي يا حامي الحمه
بكربله باچر يموت ابنك ضمه
"""""""""
يابا الحسن وصيه .. من فاطمة الزچيه
جسمي اذا بالمغتسل رقد
لو گلبتني بايدك .. ولو غسلتني اريدك
مي لا تدير اهوايه عالجسد
علي بتغسيلي بالله الماي لتكثره
تره المذبوح يبقه بعازت الگطره
كون من هالمي تضمله شويه
ضامي يبقه اوليدي سوده اعليه
امن العطش للغالي محد يرحمه
بكربله باچر يموت ابنك ضمه
""""""""
لا تنفجع يغالي .. ما گتلك الجرالي
راح اعترفلك يا علي استمع
احچي الخفيته عنك .. بس الاريده منك
يالغالي هالله هالله بالضلع
علي  بهداي  كلش  من تغسلني
تره ضلعين مو ضلع انكسر مني
بس يظل حال ابني ماخذ بالي
چم فرس يسحگ حبيبي الغالي
للصدر خيالة عشرة اتهشمه
بكربله باچر يموت ابنك ضمه
"""""""
تغسلني هالمسيه .. وتقره الحمد عليه
وچفّني بايدك يا ابا الحسن
وابنك تره يحيدر .. بالطف اذا توذر
يظل عاري لا غسل ولا چفن
جسمي بأيدك انته اتغسله واتچفنه
وتشيعني    وتظل    ويايه     للدفنه
تلث ليالي جثه ابني اوحيده
مسلب ومگطوع اصبع ايده
ليگطع اصبع ايده يسلب خاتمه
بكربله باچر يموت ابنك ضمه
""""""""
ما تخلص المواجع .. بعيني اذا تباوع
تلگه اثر سطرة على الجفن
ولو عاينت لمتوني .. تلگه ينور عيوني
ليهسه بعده ازرگ المتن
مو  بس  متني   لو  عيني   يبن  عمي
تراني امرضرضة من راسي حد جدمي
هذا حالي بس حبيبي شلونه
بالحصيرة حسينك ايلمونه
وراسه يبقه عالرمح يگطر دمه
بكربله باچر يموت ابنك ضمه
""""""""
حيدر اريد اگلك .. اخر طلب اسألك
ادري الطلب هالمرة مو سهل
بالمغتسل لو تبدي .. اخذ الطفل من عندي
ابدي بحبيبك محسن الطفل
سگط مني بوكت مشتعلة باب الدار
وزحفت اعله الجمر خلصته من النار
ابني ما كملهه تسع شهوره
وبالسهم عبد الله نفس الصوره
ظلت لهالمحنة دم تبچي السمه
بكربله باچر يموت ابنك ضمه

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

الليالي الفاطمية

ندعي ويه الزهرة للمهدي سويه
عجّل اللهم بالطلعة البهيه
"""""""
ندعي يا رب فاطمة  وبحق سترهه
سهّل    اللّهمّ    طلعت  منتظرهه
الزهرة تنتظره يجي ويجبر كسرهه
ربنه عجّل فرجه  واشفي  صدرهه
هاذي دعوات الليالي الفاطميه
""""""""
خل يجي لامه يشوف شصار ما صار
باب دار الطاهرة حرگوها بالنار
ودفعوا الباب اعله امه ودخلوا الدار
انعصرت الزهرة ونبت بالصدر بسمار
نادت الزهرة يمهدي الحگ عليه
""""""""
بهالليالي   نندعي ونرفعها لايدين
كون  ابو صالح  يجي يشوف النياشين
اثر    بسمار    وزراگ   المتن    والعين
ومو ضلع مكسور لاُمه يشوف ضلعين
يبچي دم المنتظر صعبة الرزيه
"""""""
من يجي المهدي يجر حسرات واهات
يلگه   بچفوف   الزچية   اثر    چويات
ويلگه    بالعتبة   اثر    ايدين    ترفات
اثر محسن هذا وچفوفه  الزغيرات
ظل اثر ايدين عمه اعله الوطيه
"""""""
وبتفاصيل  الجريمة  الغايب  ايخوض
عفا  الله عما  سلف  للجاني  مرفوض
بأي ذنبْ ايگله ضلع الزهرة مرضوض
الزهرة   تتقدس  يگله  چان  مفروض
بالفرج ندعيله كل صبح ومسيه
"""""""""
بهالليالي الفاطمية ندعي يحضر
يأمر ابمعروف  ينهي  عن المنكر
يصير يعني  للزچية كلمن  انكر
(صمٌ وبكمٌ)  اذا   مهدينه  يظهر
يمته يظهر ياخذ بثار الزچيه
"""""""
انظلمت الزهرة يمهدي وانظلمنه
من  زيارة  فاطمة   ليش  انحرمنه
انغمض  انفتح   يريتك  انته  يمنه
وشحلاهه   يم   گبر   امك   تلمنه
ندعي نوصل فاطمة گبل المنيه

انيس الخفاجي الكربلائي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ



استشهاد مولاتنا الزهراء (عليها السلام)

شلون ليله... كل سوالفها دمع
شلون ليله... وجارح الريِّه الضلع
گاعدين وننظر أمنه شكبر همها
نريد نحضنها ونخاف يزود ألمها
شلون ليله

الشمس تنحب لمن غربت... واجه المغرب ينحب اكثر
والظلام اليخفي كلشي... الليله جاي ودمعه أحمر
والنجوم الحلوه صارت... بالسمه مفجوعه تفتر
كلشي ما ظل بمكانه... وكلشي صوت الله اكبر
الزهره تتنفس تحاول... من الكسر ما چنها تگدر
وتخنتگ وتضم ألمها... حتى لا يتأذه حيدر

عنه تخفي...بچفها خدها المنسطر
عنه تخفي...وچفها أزرگ يِنِظّر
كل نفس تشهگ لأن تشعر لچمها
نريد نحضنها ونخاف يزود ألمها
شلون ليله
ـــــــــــــــــــــــــ١ــــــــــــــــــــــــ

من النهار المر علينه... بينه لوعه وبينه لچمه
أمنه چا يضربها قنفذ... ياهو يحمل هيچي صدمه
قنفذ الأهل المدينه... كلها تستزغر تكلمه
ايلَوّع أمنه بسوطه ننظر... وحتى محد گله زحمه
وخالد وحطاب وأول...اوين واحد ماله حشمه
بيهم تلثميه هجمو...وضربو أمنه والله هضمه

أمنه تنحب... ويضحك الجاوب وإن
أمنه تنحب... ويضرب اكثر من تون
اركضنه ليها وتشعر الاكثر هضمها
نريد نحضنها ونخاف يزود ألمها
شلون ليله
ـــــــــــــــــــــــــ٢ــــــــــــــــــــــــ

ننظر لحيدر أبونه... عينه مَتفارگ جفنها
وهذه أول مره أمنه... ما تسولفله بحزنها
وينهض ويگعد نشوفه... ويطلع نباوعله عنها
ومن وراه نطلع نشاهد... تهضم الونَّه اليونها
وتمشي محنيه وتگله... عيوني تحتاج لوطنها
من تفارگني يحيدر... روحي تطلع مني چنها

ابلا وجودك ... ما يظل يمي هوه
ابلا وجودك... تعطش عيوني ضوه
بهالحچي الدافي السمه تنادي بأسمها
نريد نحضنها ونخاف يزود ألمها
شلون ليله
ـــــــــــــــــــــــــ٣ــــــــــــــــــــــــ

سكته كلشي وبس دمعنه...يگدر يسولف ألمنه
نباوع لإيديها زرگه...ونختنگ من گد هضمنه
وننظر لنظرتها نعرف... ايديها تتمنى تلمنه
بس ضلعها مهشمينه... بيا حضن تگدر تضمنه
واحنه ننظر ليها صارت...تنلچم كلما تشمنه
ما نوِّن نكتم نحاول...وگوه تطلع لو كتمنه

الينظر أمه...گبال عينه وتنضرب
الينظر أمه... ينشلع منه الگلب
وصرخه تبدي الونَّه ما ينفع كتمها
نريد نحضنها ونخاف يزود ألمها
شلون ليله
ـــــــــــــــــــــــــ٤ــــــــــــــــــــــــ

شمثگل ايام التجينه...وأمنه وي كل لحظه تذبل
ونسمع الباب اعله محسن... من عذابه يقره مقتل
من خشب بس عنده غِيره... احسن من الويه الأول
دفعو وقاوم ولكن...بالحرگ مجبور وانحل
وهذا حال امنه بظلمهم... بكل نفس نشعرها تنحل
يغضب الباري ورسوله...ال بالجره اعله الزهره يقبل

دينه زائف...بهالظلم كلمن رضه
دينه زائف... الما يحب المرتضى
خصمه جدنه المن فدك كلمن حرمها
نريد نحضنها ونخاف يزود ألمها
شلون ليله
ـــــــــــــــــــــــــ٥ــــــــــــــــــــــــ

أحمد البصراوي العبادي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

يايوسف الزّهره حسره بأثر حسره
الضلع أُمّك وكسره والمحسن الرّاح
***
يافاجعـــــــه الماتنّسي و ياجمــــــــرة الماتبرد
للورى الباب تحيّرت محروگ وعلـــــيها انرد
ضلع انكسر طفل نصرع حيل الألم بيها اشتد
يالمهدي و الأكثر بعـد مهضومه مسطورة خد
راح الأثر بيها و العين طافيها
دمعتها تجريها وناعي الأجل صاح
***
من يامصــــيبه أبدي الك و عن يا ألم أحجيلك
وآنه أدري ذكره يألّمك حيل ويهــــــــدّم حيلك
حامـــي يبسمار النّبت بضلوعها شيوحيلك

الهالسّاعه أُمّك فاطــــــمه من شوغته تناديلك
ساعة الصّاباني يُمّه شگد أذّاني
ونخطفت ألواني ومنّي الحَمل طاح
***
من جذوع وثجـــــيلة وزن باب أُمّك الحرگوها
و بكل قساوه بلا رحم إعلـــــــيها من طبگوها
بدخان باب المشتعل و بعصرته خنگوها
وملگه ويه بسمار الأخذ روح أُم حسن لاگوها
من ألم عصرتها يافُضّه صيحتها
تفجع مصيبتها ولا منها ترتاح
***
مغشــــيّه طاحت عالثرّه بنار أحرگــــوا چفّيها
برفسته الظّالم من دفـــــــع باب المنيّه اعليها

عالگومه ماتگــــدر بعد كل حيل ماظل مابيها
ماچنها بت ســـــيد الرُّسل بيها أمّته موصّيها
موبس ضلع كسّر و نار الحقد سجّر
يالمهدي بعد أكثر بچعب الرّمح لاح
***
خَلف الوصي بذاك الألم بضـــــعة المختار أحمد
طلعت يمحجوب الزّمن وعلـــــــه الحسن تتسنّد
من شافها بعينه الرّجس أغضب وصد ليها ورد
وكل حيله شال ايده وسطر خــدها وعليها تمرّد
ماتت بغصتها ويلاه يمحنتها
وحيدر بدفنتها صك راحته براح
***
الشّاعر // أبو سجّاد الجعفري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


بين الگبور دمعي منثور وأنعه الأحباب
****
كسر ظهري مصابچ فاطــــمه الليله
وگلبي من الوداع انهــــد ركن حيله
العزيز المن هله لو سار بيه الموت
حگـــــــها أحباب گلبه العين تعميله
والله اليعين الدّافن اعزاز حدر التراب
****
كل جرح بمرور أيّامــــــــــه يتشافه
وترجــــع بسمته الچّانت عله شفافه
بس اللي إله بين الگـــــــبور أحباب
لتظن جرحــــــــــه يبره ويوم يتعافه

بثوب الأحزان يگظي السنين جرحه ماطاب
****
عله چتافي النّعش للمگـــــــبره شلته
وما بين الضّلوع مصــــــــابچ احملته
او وجه گبرچ بديّه احفرته يأم حسين
ولحدچ يالعـــــــزيزه بدمعـــــــي بللته
بهدوة الليل ودفنت بيه طولچ وغاب
****
لو شــــــال العزيز وللمگــــــابر سار
يبقه بكل كتر بالدّار الــــــــــــه تذكار
مشـــــيتي وذكرياتچ ظلّت اعله البال
ما بين الجـــــــدار وباب والبســــمار

ودمّچ السّال شفته مطبوع بعتبة الباب
****
كل فاگـــــــــــــد بروحه تكتل الفرگه
بعد ويّه المشــــــوا مايحصل الملگه
تشوفه بكل وكت بخدوده دمعه تسيل
وبسم اعزازه يلهج ويّه كل شـــهگه
من بعدكُم يالمبعدين چم گلب ذاب
****


الشّاعر
أبو سجّاد الجعفري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


يازماني راح أماني
ودهري من أُمّي الحنونه يتّماني
***
عشت بحضان المواجـــع كل حياتي
و بس ألم و أحــزان تحمل ذكرياتي
من كسر ضلع أمّي رحلــــة نايباتي
ابتدت و بروحتها راحت ؛؛؛؛ أُمنياتي
ويه الحبيبه الكلـها طيبه
شمعة سنيني نطفت والمن أتاني
***
خَلف باب الدّار طاحت من وجــــعها
اعليها من كل حيله حط رجله دفعها
چتل بحشاها طفلها وطــــگ ضلعها

ســــاعة البي لاذت الزّهره وسمعها
وج حطبها وناره شبها
و من ألم باب العصرها أخذت تعاني
***
سـاعد الله أُمّي الزّچيّه المن تصارع
بين باب و حـــــايط و نار و مواجع
أثر چف ذاك السّطرها بخــدها طابع
وماتت بغُصّتها بت ســـــيد الشّرايع
بعد أبوها مارَعوها
ونكروا القُرباها أوّلها ويه ثاني
***
ساعه ساعه الليل ذاك المــر عليها
المحسن المنها وگــــع أسمع بچيها

لا مهد هزّتلــــــــه لا لولــــــته بيها
شالته من الگــــــاع ميت بين اديها
يبني وينك فكلي عينك
نفسه بسمار الذّبح عُمرك رماني
***
عاشت أُمّي أيّام معدوده وقلـــــــيله
عله فراش الموت مطروحه ونحيله
يُمّـــــــه يازينب تگلّــــــــي يالعقيله
گرب موتي و سفرتي كلش طــويله
ضمّي دمعچ و اخفي حزنچ
الكربله ونوحي عله الضّامي بمكاني
***
الشّاعر // أبو سجّاد الجعفري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

براضه ويه النّعش لمّـــــن تشيعوه
وبهـــــــــيده عن الگـــــــاع شيلوه
أخافن كســـــر ضلع أُمّـــي تلچموه
العليها الباب شـــــب وحيل طبگوه
****
شفتها تلوج من شــــــــدّة العصره
وصوت الضّلع بذني اسمعت كسره
وشفت چف السّطرها شلون سطره
العين أُمّي طفـــــــــه والعين حمره
****
هـــاي أُمّي العشت بحظينها سنين
تاليها بنعش ومغمّضه العــــــــين
أصيح بصوت يُمّـــــــه ولا تردّين
مثلچ يأم حسن وين الگــه أُم وين
****
علـــــه مهدي شكثر لوليتي يامه
وليل اليمــــــــــــر عينچ ما تنامه
ترك تعب الرّبه بمتنچ علامـــــــه
تروحين وتخلّـــــــينه يتامـــــــــه
****
يريت بفـــــــــــــد گبر ويّاچ أنامن
ومن هظم الدّهــــر بلكي أستراحن
كل عظاي خَلف النّعـــــش صاحن
ليالينه انگظــــــــن وبساع راحن
****
الشّاعر // أبو سجّاد الجعفري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

يخويه حسين من عدنه أُمنه راحت
و من كســـر الضّلع چنها استراحت
زينب ســـمعته و للگــــــــاع طاحت
وعله بچاها الشّداد السّــــبعه ناحت
****
راحت والأجل غمّض جفـــــــــــــها
وأخذها الموت منّه وگطـــــــع ونها
چــــــنها ما ترد للــــــــدّار چــــــنها
أُمــــــــنّه الماشـــــــبعنه وداع منها
****
بظهر مكسور أهوى اعليها الحسين
يحاچيها ويقـــــــــــبل أجدامها بلين

شلون بســـــاع من عدنه تروحين
وتخلّينه يتامــــه ياضــــــوه العين
****
بعـــــــــدنه ازغار وبعازت حنانچ
يراحتنه المشت و نريد أمـــــــانچ
بعـــــد بالــــدّار ما نســــمع أذانچ
تروحـــــــين ويظل خالـــي مكانچ
****
من أعمارنه ريت اعلـــــه عُمرچ
و تگومين بسلامه و نشم عطرچ
يشـــــــــمعة بيتنه ويطيب كسرچ
ولا عــــــــنّه يظمّـــــچ لحد گبرچ
الشّاعر // أبو سجّاد الجعفري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

صار الغروب وذكرنه الغاليه
يُمّه وينچ ليش دارچ خالـــيه
وين ودّاچ الزّمان فاطمه يأم الحنان الغاليه
***
يزهرة بيتنه الموحش چنتي بكل وكت يمنه
مشـــيتي وغيّباچ الموت مظلومه يفاطمنه
اجه وكت الغروب وما رجعتي الدّار اليلمنه
ما ظنّينه هيچ بساع ترحــــــين بعجل يَمنه
مابقت بس ذكريات بدارچ
وباب محروگ ونزف بسمارچ
يروي كانَ ياما كان فاطــمه يأم الحنان
***
بدار المُرتضــــــى چانت أُم بيته اليسمّوها
البتول الطّاهره الزّهراء والكلـــهُم يعرفوها
الشّــــبّوا بابها بالنّار وبكل حيل دفعــــوها
عليها والضّلع كسروه وعله العين سطروها
طاحت و طاح الجنين وياها
سابحه بدمها وسبح بدماها
وعانق طيور الجِنان فاطـــــمه يأم الحنان
***
يمر الليل من دونچ وبينه تهــــــيّج الفرگه
حنين المِنّه ياخذ روح يايُمّه ويه كل شهگه
بمچانچ نشتم أنفاسچ ونصرخ وينچ بحرگه
يشمعة بيتنه شينساچ البيت بلايه أم خنگه
موت مو ليل اليمر من دونچ
يالغفت حــدر التّراب عيونچ
وين رحتي اليامكان فاطــمه يأم الحنان
***
من بيناتنه تگعدين يامحـــــلاها گعـــــدتنه
بُقت دمعه بجفن مذبوح وراحت ذيچ لمتنه
يريته وياچ أخـــذنه الموت وتلاگت منيّتنه
ولا عنّه بعجل رحتي وأخذتي وياچ راحتنه
من بعد عينچ يوجه العافيه
أظلم الدّار وسمانه الصّافيه
لاكو راحه ولا أمان فاطــمه يأم الحنان
***
بعد المن نصيح بصوت يُمّـــه من نطب للدّار
ويضمنه ياصـدر بعدچ وبصدرچ نبت بسمار
عليچ العــــــــبره تخنگنه ونتذكّر هذيچ النّار
الچوت چفّيچ يأم الخير وصار بحالچ الما صار
نازفه جروحچ هويتي اعله الثّره
العــــــين مطفيّه الضّلوع مكسّره
بين نيران ودُخان فاطمه يأم الحنان
***
عليچ الدّمعه ماتنشف وعزانه عليچ للمحشر
باقـــــــي وبالحزن ننعاچ آ يأم ضلع التكسّر
يوم الهجموا اعله الدّار أصحاب الفتن والشّر
ومابين الجدار و باب عصروا سورة الكوثر
بلا شعور اعليچ يتجّاره الدّمـــع
وصوت راعي الثّار وينك يرتفع
ويه كل تكبيرة آذان فاطــمه يأم الحنان
***





الشّاعر
أبو سجّاد الجعفري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


كل فاگد ودافن مُحب يبچي اعله گبره
بس آنه نعش أُمّي اندفن وبلايه حضره
ذبحوا عُمرها مخفي گبرها وبلايه حضره
***
عاده العد هله من يموت كل أهله يحضرونه
وعليه النّايحات تنوح بس ما تغمض عيونه
يشيلون النّعش بدموع والگبره يشيعونه
وعلامه عالگبر يبنون اله لمّن يزورونه
يوم أربعينه الكل تجي ويم گبره تگعد
وبچلمة شحالك يماي العين تنشد
وأُمّي دهرها مخفي گبرها وبلايه حضره
***
بلا تشييع نعش أُمّي طلع موحش هذاك الليل
عله چتاف الحزن شاله أبوي الرّاح منّه الحيل
مشه ويتعثّر بممشاه بخدوده الدّموع اتسّيل
ينظر زهرة سنينه وخليلة عُمره عنّه اتشّيل
يودعها راح المُرتضى وسار بنعشها
للمگبره ويم فاطمه أحزانه افترشها
وياونّه جرها مخفي گبرها وبلايه حضره
***
حُفر بيده الگبر حيدر ولحد الطّاهره الزّهره
تمدد بيه وتأوّه عليها وخنگته العبره
بظهر مكسور نزّلها علي الدّار الفلك بأمره
وبلحد الوداع هناك ويّاها دفن عُمره
قل صبري بعدچ فاطمه يگلها بخشوعه
حيدر وثگل الفاجعه أحنت ضلوعه
شيجبر كسرها مخفي گبرها وبلايه حضره
***
مو بس الضّلع شافاه شاف جروح مخفيّه
اله مابيّنتها بيوم وهيّه العين مطفيّه
وأثر چف العبد شافه بخد الكلها حنيّه
مطبوع وزراگ البيه عليه ضلوعه محنيّه
من حل علي زرار الكفن ساعة دَفنها
گلبه انكسر الها وبچت عينه المحنها
وطاح بكترها مخفي گبرها وبلايه حضره
***
دفنها ورد علي بجروح گلبه المالهن چاره
يسولف ويّه روحه شلون راح يطب علي داره
رجع بأنفاس تعبانه يلملم دمعة أنظاره
تاره يعاين المحراب ومچان الغاليه تاره
مابيه شمعة دنيته الطّفّوا ضواها
موحش مكانچ يأم حسن ويصد وراها
باب العصرها مخفي گبرها وبلايه حضره
***
سوه التمّينه وسط الدّار أبونه يظمنه لأحضانه
الدّفن روحه ويه أعز محبوب ماتتوصّف أحزانه
وگعدنه گعدت الكل ليل وأُمنه تگعد هنانه

بس هاليله بين گبور ظلمه وماهي ويانه
بعمر الورد عنّه مشت بين المگابر
ما أدري وين بيا گبر نعش أُمّي صاير
جهلوا قدرها مخفي گبرها وبلايه حضره
***




الشّاعر
أبو سجّاد الجعفري
22 ربيع الأوّل 1447هـ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


قسيم النار والجنه     ليش الباب تجمعنه
بيدك يا علـــــي محروكه اديه
رد باب الشمس واقره الوصيه
ليش الباب تجمعنه
..................................
روح العرش فاطم يا علي تدري
ورب العرش رافع هيبتي وقدري
آية نـــــــــور جاعل للبشر سري
ليـــــش أنحرم منك يا بعد عمري
يماي الكوثر وسره     عليك بداعة الزهره
ألحك يا علــــــي هجموا عليه
رد باب الشمس واقره الوصيه
ليش الباب تجمعنه
................................................
أصبر يا علي والله اليعضم أجرك
يا باب الصبـــر يالماجزع صبرك
بين الباب والحايــط خلص عمرك
من أتشوفني ضمني علـى صدرك
وبيدك محسنك شيله       أغسله النوب لوليله
من كثــر العصر طحنه سويه
رد باب الشمس واقره الوصيه
ليش الباب تجمعنه
................................................
من هجموا عليه وعاينوا وضعـي
واحــــدهم رفسني وكآلي رجعـي
شنو ذنبي كلتله وطيحت دمعــــي
بجذع الباب طكني وانكسر ضلعي
يحيدر فاطمة اتنادي    عليك اوصية الهادي
رد سيفك أذا جتنـــــــي المنيه
رد باب الشمس واقره الوصيه
ليش الباب تجمعنه
..........................................
حركوا باب بيتي ياعلي او عجبه
باب الجنه بابي الوحــــي ما طبه
ليـــــــش النار تحرك جنة الكعبه
ليش المحسن أعله الحايط اتصلبه
لا مريم ولا عيسى    المحسن وآنه قديسه
أنه فخر النسى ومتوصي بيه
رد باب الشمس واقره الوصيه
ليش الباب تجمعنه
...............................................
من أتشيلني يا حيـــــــدر أبهيده
شيل المحسن وشد معصبي بيده
نايم لا يفز والمكبــــــــره ابعيده
ألله ايــــــــساعده المفجوع بوليده
وانته يا علي بيدك      شلتني وشايل اوليدك
وتمشي للكبــــــر هاي المسيه
رد باب الشمس واقره الوصيه
ليش الباب تجمعنه
....................................
خادم خدمة الحسين
الشاعر
محمد الموالي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA