#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

الله ألچ يا فاطـمة مخَلينه
حرگ بابچ لسه مـا نـاسينه
**
الزاد حنظل والشرب ما ينشرب
لسه من ظلعچ تشب نـار الكَلب
احنه يوميه نتـاني على الدرب
بلكي يظهـر يّم حسـن مهدينه
**
حتى ياخذ ثارچ من أهل اللَحه
دين ما عدهم ولا كل مستَحه
لسه من عدهم جثثنه مذبَـحه
وكَلب زينب بنتـچ مروعينه
*
أنتي ما يخفيچ يالزهرة السَبب
كلهـا من الحركَ بابـچ بالحطب
بفتوِته يذبحون يوميـه الشعب
((وَإِن)) لَمـن كَـال ما تعنينه؟
*
تشَرَع الإرهـاب من ذاك الزمن
من الخليفة ورَبعَه كل هاي الفتن
احنه هم ظلمونه مثلچ يَّم حسن
چـم جفن يـا فاطـمة مبجـينه
*
كل مصايبنه يزهرة من الظلع
احنه مثلچ ما نشف مِنه الدمع
لـون بابـچ فاطمـة مـا ينـدفع
چان ضعن حسين مـا سـابينه
****
من السقيفه هناك صارت كربله
بيوم ظلعچ سلبوها العايلة
بفتوة الثاني.؟تجاسـر حرمله
وابو فاضـل كَطَعـو چفيـنه
*
يالله يالمهدي نتانيـك شكثـر
منينلنه مثلك يبو صالح صبر
شيل يا مولاي رايـات النصـر
خاف تبطي وتالي ما تلكَينه
*
يالله واحد واحد اسحلهم سحل
لسـه يالمهدي يعبدون العِجـل
انتَ بـس بسيفك يعم العَــدل
العنده ثار شلون ينسه حسينه
*
حيدر حسين الكَرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
لاستشهاد فاطمة الزهراء عليها السلام ( وزن الفايزي)

يالوعة الدار   بيها الوكت دار
بياحال تشكي للنبي  وتخبره بالصار
★★★★★
بياحال دار المصطفى  الما إلها كل لون
تشكي هظيمة فاطمه  وضربات المتون
وتگول ياخير البشر.  ياسلوة الكون
هانت العشره على الصحابه المايرحمون

عنها الفرح غاب   يادار الاحباب
وظلوع بت خير البشر   صَوَبَّها بسمار
★★★★★
ونتها ماتخلص بعد  يادار الأحباب
من بعد ونت فاطمة   عنها الابو غاب
قران صارت للحزن والبسمله الباب
ظلت عليله الطاهره   من ذاك المصاب

جور على عدوان   جازوه الاحسان
حد جنة الله الواسعة  من وصلت النار
★★★★★
من راح مايدري النبي   لويدري من راح
تنهظم بعده فاطمة    ولاساعه   ترتاح
مابين مجرم طاغيه  ومابين  سفاح
علدار گوم أتوجهت   بسيوف ورماح

كل مگصد الگوم    ماخافي معلوم
من بيت ال المصطفى  أيطفَّون الانوار
★★★★★
مضروبه بسياط المتن  مكسوره الظلوع
يشهد ونين الماگضه   وجمرات الدموع
وباب انطبگ فوگ الظلع  بالحقد مدفوع
رادوا يظل بيت النبي   كل وكته مفجوع

دمعتها بالعين        تنظر لبوحسين
لوشهر سيفه ماتظل     للباطل اثار
★★★★★
يلماتَعدَّاها الهظم    سورة الإنسان
آياتها صارن دمع   تترتل  احزان
لدين الله هي القاعده فاطمه واركان
شجرة اصول ومعرفه  معروفه الاغصان

يا ام الاطياب   ظلموها الاصحاب
للظالم بيوم الحشر   ماتنفع اعذار

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
ابوذيات

رُوحِي چم خَبَر محْزِن وَرَدهَا
مِنْ دُونِ الْوَرْد ذابِل . وَرَدهَا
الچلمه للحلگ تَوَصَل وَرَدهَا
اخافن تسْمَع الشمَّات بيه

خَفيَّات الْوَكْت ظيمي وَرَاهنّ
أَجْزْم رَاحَه  مابيهن . وَرَاهنْ
الْمَنَايَا اتخاطفن يمي وَرَاهُنّ
الخَذَنْ أَهْلِي شوَكْت يلَّفَن عَلَيْه

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

لاستشهاد فاطمة الزهراء عليها السلام بحر الطويل (طور اهوازي )

الله ايعينچ على الظيم   واحزانچ يمظلومه
گضيتي الباقي من عمرچ  حزينة حال مهظومه

★★★★★
أمتحن بعض الذمم ربها. حتى ايشوف تاليها
من يرحل رسول الله.    شتسوي الخلگ بيها
ويبَيَّن  ياهو يخذلها.  الزچيه ومن يراعيها
ذمم كل خير مابيها . طلَّعَت حيل مذمومة
★★★★★
استَوَّه  بلگبر مدفون.  ماجف النبي اترابه
من ابن عمها الحكم سلبوه والشر واضحه اسبابه
وما إلها ورث گالوا.    طلعوا گوم سلابه
هيچ الحال بيها يصير. ترد علدار مهمومه
★★★★★
للواضح طلب توضيح. وعلشاهد يريد اشهود
حديث المنع كله اوهام   لابيه سند لاموجود
خايف لانفوذ الها.   الزچيه وبلعطايا اتجود
وخايف شوكه الكرار تقوه.   وتنجمع گومه
★★★★★
ويل على الشباب الراح.  بين اللوعه والحسره
بين العصره والبسمار. ودفع الباب.  والكسره
ماخافوا غضب ربهم.  وماندموا.  ولا مره
ولاخجلوا من المختار. ومن يلفي الحشر يومه
★★★★★
ضلت لوعه بالتاريخ.  وجروح اشيضمدها
قصه حزن ماترحل.   الوكت دومه يرددها
المحسن والكسر والباب  ولوعتها وسطر خدها
يشهدون على حرگ الدار بفعلة زمره مأثومه

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
لاستشهاد فاطمة الزهراء عليها السلام

لفتلك ياعلي وحشه المسية
وحيلك منهدم. ونتك خفيه
★★★★★
وحدك ياعلي مهموم رديت
بحال المايسر كل حال ضليت
بجروح التطيح الگلب ونيت
اشتسوه الدار من بعد الزچيه
★★★★★
حياة  بلانفع من بعد الأحباب
احباب الماتجي ولاتوصل الباب
بدر أسماك عن هاي الأرض غاب
شوف اسوت اچفوف المنيه
★★★★★
چفوف اهل الغدر گصدت مكانك
گطعت للأسف. زهرة. زمانك
چم مره الزمن بالدنيا خانك
رزية عشت من بعد الرزيه
★★★★★
عادتها المنايا تخطف ابدور
على دار المجد من ضلت أدور
خذت جنة علي لتراب الگبور
صفت وسط الثرى أنوار الثريه
★★★★★
لازمها السهر عينك والدموع
من كل الجهات الكلب مفجوع
ياحبل الوصل للدوم مگطوع
ولدار الاهل مابعد جيه

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

نعي للزهراء عليها السلام

انصاف ماله الدهر  من زمرته الظالمه
فوگ المصايب حمل   شافت هظم فاطمه
من يوم گالوا هجر   طه المرض  لازمه
عافوه بلايه دفن    بس يمه حامي الحمه
ومن يوم سلبوا فدك  منها ابحجج واهمه
ومن يوم لم الحطب  وضلوعها امهشمه
شلون من الجره     علارض ضلت سمه

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

لاستشهاد الصديقة الزهراء عليها السلام

ضَيَّعُوهَا. ولَّوعوُها. ومارعوها
فاطمة يافاطمة يافاطمة
★★★★★
توالت عليها المحن زادن عليها
الحزن من بعد الاهل شمخلي بيها
تشگف سياط العده ظلت بديها
يساعده الله اموصه يتحمل وليها

حاربوها وغربوها وعذبوها
فاطمة يافاطمة يافاطمة
★,★★★★
علربيع شعجّل الشيب وعذابه
بالزجر صار الزمن لهجة خطابه
لچمة تندل لچمة من حرگة غيابه
يوم ابوها هجمت الگوم على بابه

ياجمرها. ياصبرها و ياكسرها
فاطمة يافاطمة يافاطمة
★★★★★
مانساها الحزن ماتّيه دربها
والشكه ونتّها والجّرح گلبها
والغصب منها المواريث وسلبها
شكثر الله ستر دنيا وماگلبها

شگد جفوها من لفوها وارعبوها
فاطمة يافاطمة يافاطمة
★★★★★
ظالم ابوجه الزچيه صوته يعله
ماالچ ميراث گاللها وتگله
بياقوانين وشرع حكمك وأصله
الماتقبله عليك ولغيرك تقبله

مارحمها ومافهمها من ظلمها
فاطمة يافاطمة يافاطمة
★★★★★
نظره علتاريخ ياهو العنده نظره
وكل عذاب الي جره اعليها يفسره
ليش ماتت فاطمه وبالگلب حسره
وليش بالسر تندفن فاطمه الزهره

يادمعها ياصدعها ياضلعها
فاطمة يافاطمة يافاطمة

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

لاستشهاد فاطمة الزهراء عليها السلام
(وزن الحدي )

يامحنه أشد  من هلزمن
بلدنيا شافتها ام حسن
يامحنه أشد من هلزمن
★★★★★
يوم الرزية ابلاحذر
عن النبي گالوا هجر
مو أول ايام الخطر
ولا آخر ايام المحن
يامحنه أشد من هلزمن
★★★★★
ياگلب طاهر ضيعوا
للهادي كل حق مارعوا
يوم السقيفه اتجمعوا
وتآمروا اهل الفتن
يامحنه أشد من هلزمن
★★★★★

وياهي أشد كل موزمه
من جفوا حماي الحمه
وسلبوا فدك من فاطمة
يمشون گالوا علسنن
يامحنه أشد من هلزمن
★★★★★
وياهو أشد كسر الضلع
لوجيش علشر  منجمع
لوگلب ذايب منفجع
وأيام بالونه گضن
يامحنه أشد من هلزمن
★★★★★
ياصعب مامثله صعب
طاح الجنين من الضرب
وللدار  طاغيهم يطب
ظالم صلف عابد وثن
يامحنه أشد من هلزمن
★★★★★
ياعلة اشد كل العلل
لمن لفه لأمها الأجل
لو يوم والدها رحل
الچانوا سند إلها او وطن
يامحنه أشد من هلزمن
★★★★★
اصعب وأشد وأكثر عسر
طلبت گبرها   يندثر
ولاتحضر وجوه الغدر
النعش لوليل اندفن
يامحنه أشد من هلزمن

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
قصيدة عگيلي في السيدة الزهراء ع




ثــآرچ ما ننســــاه يالزهـــرة
الله يلعن هــــــاي الزمــــرة
*
يبــــدي الأرهـــاب مــن الأول
وي ما مــات الهـــادي تبـــدل
شمسويـــة الزهــراء وتُقتَــــل 
عليهم يشـــــهد دم السَـــــطرة
*
منهـم لســــه الديــن يعـــــاني
الطَيَـح محســـن هوه الجــاني
كلهــــه مـن الأول والثــــاني
من بدؤهــــه ببهـــاي الغــدرة
*
همــه المـاحفظــو أي حُرمـه
همــــه الخـانو هـــاي الأمـــة
عِلـــه على الأســـلام ونِقمـــة
عليمن ظلــع الزهرة تكســـرة
*
ذولاك أول من تجـــــــــــــاسر
من العتـــرة كلشـــي تصــــادر
ما مدفــــون الهــــادي التقهـر
منهم حتــــى الديـــن اتبــــره
*
شگـدمـاتت نـــاس بذمتــــهم
كل دمنـــه الســــال بركَبتـــهم
من شـــــالو داعـش رايتــــهم
رادو تتــــهدم كــل حضـــــرة
*
چــــي مبــدأهُم مبـــــدأ باطـل
حتــى العـــالِم عدهم جـــاهل
مُوت بحُـب العتــــرة وقــــاتل
هنيـــــاله الينطيــهم عُمـــــرة
*
لـــو فعــــلاً دين الله تحِبـــــه
چـــا حيـدر مــا شلـــعو كَلبــه
عليهم راح شيحچـــي لربـــه
راحت تشــــهد حتى الطبـــرة
*
اشتركو حتــى حسين بدمـــــة
حركَـو بالطـــف همـــه اخيمــة
منهم لســـه علينــــه الهَجمـــة
يمته القــــائم يخلص صبــــرة
*
باچــــــر حكَهه المهدي يـــرده
قــــاتل فاطــــم ينعـــــل جـــده
من يكَـــدر يشــــرد من عنــده
ويطَـلــــعِ المُجرم مــن كَبــــرة
*
حيدر حسين الكَرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
نزال_لمولاتي_فاطمه

يازهراء .. يافاطمه
#####################
احنه تربات المجالس يم حسن وفايه
ما نحس بالدنيـا كلها نحس بس بقرايه
من بقاع الدنيا جينه وترف بينه الرايه
كلشي ماعدنه يزهره وانتي النه هوايه

دوم اعيش ابونـه .. وما اعيش ابمنه
انتي ام الجـنه .. يافاطمه
#######################
مصيبة الزهراء عظيم وفـاز ليواسيها
كون ذني عيوني دوم الخدمتج اعميها
الدمعه لو رادت تطيح اليـا وجه ننـطيها
وانتي بادرتـي بدمعنـه وكلتـي انه اشريها

يالخدمتج تسوه .. نارج اشكد حلوه
من رحتلج فدوه .. يافاطمه
#########################
للأمام الهادي جينه وبالمدامع نحـدي
والحسن ياخذ بدينه وصرنه مثل الجندي
شما يطول العمر بينه نرد بسمج نبـدي
لأرض سامره اجينه انواسي امام المهدي

بالضلع والحسره .. جينه ننعه الزهره
وتبقه بيـنه الكسره .. يافاطمه
##########################
العاشك الخانگته نارج ما يحس ابحالـه
واحنه يالزهراء بعـزائج كل وكت رحاله
اليموت ابدرب عشگج هذا الف هنياله
الخادم بوكت الشدايد تحجي بس افعاله

ما يحس بجروحه .. ودمعته مفضوحه
انتي صرتي بروحه .. يافاطمه
##########################
صرتي بس انتي حياتي والعمر ما اذكره
وبس الج تحله المدامع والج تجري العبره
اهلي ربوني اعلى حبج يم حسن عالفطره
وابد ما سموني بسمي كالوا ابن الزهـره

اسمج العلاني .. وبيج رافع شاني
جرحج الربـاني .. يافاطمه
##########################
ابد ما يبرد حزنه توج دوم الحرگه
لچن يالزهره الحزينه متنه من الفرگه
يمه من نذكر المهدي تضل بينه الشهگه
هم يجي يوم ونشوفه ونحضنـه ونشبگه

نقبـل ابرجلينه .. ونمسح ابچفينه
والنه تنـظر عينه .. يافاطمه ############################

#سيد_محسن_الجابري
#ونسألكم_الدعاء


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

حيدر امفارگ حيــاته
وبالنهايه الهم جـــزاته
كسرو اضلوع اليحبهه
اخ من غــدر الشماته

بيده دافـــــن اغله ناسه
اتزاحم الشيب اعله راسه
البيده قالــــع باب خيبر
حيله باد وضيم جــاسه

ويلي يفراك الزجيه خله حيـدر حيله راح
يحدب الفارگ حبيبه وعينه ماضن تستراح
من يذكره همه يكثر وتلتم اعليه الجراح
اخ يفراك النحبهم بعالي صوته گلبه صاح

شيحمله الهجــر شيحمله
مايحله العمـــر مايحله
يزهـــراء
شيسكته الدمع شيسكته
هاظمته علــــي هاظمته
يزهـــراء
ـــــــــــــــــــــــــــ



كلشي هين اله انتـــي
يامن ابروحي سكنتي
انه جنت وياج عايش
هسه ميت من رحلتي

والله يازهــــــرة حياتي
شفته بفراگـــــج مماتي
تعودت روحي اعله روحج
ليش هجرانــــج جزاتي

انتي جوه اتراب صرتي وانه عايش ياهظيمه
روحي يالزهـــره بغيابج عايشه بدور اليتيمه
صافيه جـــانت حياتي بروحتـج مرتني غيمه
الدنيه صارت من رحلتي موحشه ومرّه وأليمه

بعيوني الحجي بعيوني
لاموني اشكثر لاموني
يزهــــراء

شيصبره بعد شيصبره
من دونج علي يالزهـره
يزهــــــــراء
ـــــــــــــــــــــــــــ


ادعي الله يحن عليه
حيل ماضل دوم بيه
عايش المن كون ميت
ولاشفت موت الزجيه

كلشي وحشه وداري غربه
وما اطيـــق العيشه صعبه
اليندل ادروب الخفيـــــه
ابيته گــــــــام ايتيه دربه

فرگتج صعبه عليه وبِين ابحالي انكسار
من اذكرج گلبي احسه تشتعل ابنصه نار
وصفن بروحي واسولف بلكي اصدك كلشي صار
روحتج يالزهره حيره فكري بيهه وعقلي حار

كاسرني البعد كاسرني
ياروحي الفگد هاظمني
يزهــــــــراء

موضوعي الحزن موضوعي
ماتخلص عليج ادمـــــوعي
يزهــــــــراء



روحـي يالزهره عليله
فرگتــــج كلش ثجيله
انتي جـوه اتراب صرتي
وحيدر امفارك خليــله

هذا حــــالي انه بغيــابج
مستحيــل انسه مصابج
ليش ماخـذ مني روحي
كاعد واحجي وي ابابج

ليش ياباب المنيه ليش ماخذ مني روح
مني ماخذ كلشي احبه وبيه تارك بس جروح
مابقه بس ذكــرياتج ابالــــي ماتقبل تروح
ردي يامن عفتي حيدر ينحب اعليج اوينوح

رديله علـــــــي رديله
اشكيله منو الاشكيله
يزهــــــــراء

كاسرني يكسر اضلاعج
بوداعـج متت بوداعج
يزهـــــــراء

ـــــــــــــــــــــــــــ
محمد المشعلاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
الصعب وضعك سهل وضعي
الدمع نشفه الكسر ضلعي
يمه يحسين .. يمه يحسين
......
؛١
بس ضلع واحد منكسر ...من عندي بطل ادموعك
باجر اشوف ابكربله ... متكسره كل اضلوعك

ضلعي ايهون يالبلطف تضل دامي
وكل اضلوعك ايكسروهه كدامي
وما واحد يرحمك والجبد ضامي 

ظلع  أمك سهل  يبني
كسر ظلعك يألمني
طول الاسنين
يمه يحسين

......
؛؛٢
ألباب اهون من سحك ... خيل العده يوليدي
بعاشر محرم من اجي ... بلكَوه المك بيدي

ايطشرونك مثل سبحه البدي هايه
واصير اتعب ييمه ابجمعك هوايه
وتضل فوكي الحوافر رايحه وجايه

ييمه ابكل اثر حافر
دماك ودمي متناثر
واحنه ميتين
يمه يحسين
......
؛؛؛٣
الحمد لله والشكر ... هسه انه ما عطشانه
بس انت ضامي تنذبح ... واشفايفك ذبلانه

راسك عالرماح اتشيله عدواني
واظل اركض وراهم يمه بحزاني
وارد بخيبتي يم منحرك اني

اجي بكسري وألم جسمك
واخضب شيبتي بدمك
وحدي يا زين
يمه يحسين
.....
؛؛؛؛٤
نار العله دار اشعلو  ... مو نفس نار الخيمه
عيلتي ما تطلع ركض..امن الخوف صوب الهيمه

لا طفلي بدي يبني ويذبحونه
واكَماطه يفك ويغمض اعيونه
محسن مات ما شايفته تدرونه

يعينك الله تنضرله
رضيعك منذبح كله
اه يالحنين
يمه يحسين
......
؛؛؛؛؛٥
هسه انه بيه بس جرح.. بس انته كثره اجروحك
بذاك الظهر أنظر ألك ... جم سيف موت ايلوحك

أجروحك تعبر الالف وتسعميه
ياجرح الأضمده  ابساعت الجيه
واسمع صوت بجي اسكينه وارقيه

السهام ابصدرك امطشره
اجر عشره بعد عشره
مالك امعين
يمه يحسين
......
؛؛؛؛؛؛٦
لا يوم مثل امصيبتك ... لا يوم يابو اليمه
من راسك الحد الجدم ... كلك تصير امدمه

يصير احمر ييمه امن النزف لونك
وعلى الغبره تضل وما يشيلونك
بلا غسل ودفن عاري يخلونك

على الجسم الي يتسلب
اظل اتلث ليالي انحب
يا ضوه العين
يمه يحسين
.......
✍️ كلمات موسى الخادم


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

((حلمچ يفززني))


عـــام انگــــضه بحـزني
يكسرني شوگي ودمعتي
وحـــلمــچ يـــــفــــززني
منـــــچ اريــــد زيــــارتي .. يازينب

"""""""""""""""""""""""""""""""""""

مرت سنه وآنه انتظر چايمته اكحل عيوني
يمته اعــــله شباچـچ أون وبالگوه ويميلوني
من العام احسـب بالوكت مشلول ويمشوني

نضرات أودي ويه الصور
وحســـرات بيـــهن ياقهر
ماخذني شيبي ودمعــتي
نورس غــديت بـــــلا نهر

شوگ الرضـــــا وشوگچ
شوگــــين يازينـب متت
شگــــد شـــــاد بعلـوگچ
گلبي اعله شباچچ عفت .. يازينب

"""""""""""""""""""""""""""""""""""

ذيچ السنه لا مامتت مولاتي روحي اخذيها
مـو كافي اموت بفرگتچ بيا حسره وتخليها
ويَم الرضا واشـــتاگلچ والحسره أنه شاريها

وعــــازلچ دموع وهضم
ومحــــضر ابابــــچ لطم
امنـيتي مـــن ذيچ السنه
يمته اكسر بصدري عظم

أنــــــدل درب عمــــري
بــــس ويه دمعاتي تهت
يـــــابابـــــــچ ويـــــدري
گلبي اعله شباچچ عفت .. يازينب

"""""""""""""""""""""""""""""""""""

ياروحي موتي بكل حبل بكل هزله من تتعده
بكل چلمه من جرح السبي ذبلت اوراق الورده
هــــذا العمر يبدي بحزن الحد ما ازورن لحده

لمــن ينــــــزلوني بگبر
مـــــاينگطع مني الذكر
اسمــــــچ يمولاتي حزن
وهذا الحزن يسوه العمر

حــزنچ عـــلى عيـــوني
بــــــزيارتچ كلش حرت
الـــــــمادرو لامـــــــوني
گلبي اعله شباچچ عفت .. يازينب

"""""""""""""""""""""""""""""""""""

بين الرضا وبينچ صرت وادري الهجر مو گدي
بكل ذكره اضن اكبر سنه مودمعه ذكره بخدي
ماعندي بـــــس حبكم كــنز لا ماگلت ماعندي

بــــس ألكم آنه الأنحني
المــــاعنده بيكم يغتني
مو عن بُعد لا عن قرب
آنـــــــه الازورن واعتني

مكتــــــوبي بشــــــواگي
مـــــولاتي احسنها قرت
من عمــــــــري وشباگي
گلبي اعله شباچچ عفت .. يازينب


عبد زينب
محمد الابراهيمي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
((الروايه امنشره))


ياحسرتك .. والدمــوع بناضرك
ياجمـرتك .. والضلوع بخاطرك
ياشهگتك .. والضهور بفـــاكرك

أظهر وخـــلّي الــــروايه امنـــــشره
واصلب الجبـتين من فوگ اشجره
وصيـــح ضلع امّي الزجيه اشكسره
او من غصب حگها او هاج أحزانها

گــوم بچفـــك وطرها
يــالمخسف خواصرها
وبحبال الصدگ شرها .. ابو صالح

گــوم اطلب بثآر امك
يــادم العشـــگ دمـك
سيفــك بالغمد شمك .. ابو صالح

العجل يالمهدي ابو صالح ...

"""""""""""""""""""""""""""""""""""

وبعـــيونك .. ياسـوالف ماضيه
وبشجونك .. نـار منــهم حاميه
وبضنونك .. الهسه امك داميه

من غصب حگـها اوشگ كتـــــابهـا
اومـن گرب لحدودها او مـــا هابها
اومنهو جـاب الحطب واشعل بابها
وبگـــت للســا بــــالگلب نيـــــرانها

گوم وارچي ميلتها
امك صــعبه علتها
بگد الدنيا حيـرتها .. ابو صالح

امـــك دوم تربـــيلك
تدري الغيره وتشيلك
چــــم حسره توديلك .. ابو صالح

العجل يالمهدي ابو صالح ...

"""""""""""""""""""""""""""""""""""

ياحنينك .. يابـــــو صالح لوعتك
يـــاونينك .. تچوي گلبك جمرتك
واليعينك .. هــــــــاي امك نادتك

گـــوم محّـــد غيرك ابهــاي انوتر
وانشد اعله الباب ياهو اللي جسر
وانشد امك يا ضــــلع منها انكسر
وانظــــر المتنيــــــنها واشجـــانها

ياسالف بني هاشم
گوم وجرد الصارم
كلها كتانيه الـوادم .. ابو صالح

من اغيابك انعاني
هذا الجيش ويتاني
غيرك ماحصل ثاني .. ابو صالح

العجل يالمهدي ابو صالح ...

"""""""""""""""""""""""""""""""""""

ياهضيمه .. والعــــــــيال بيا فله
ياجـــريمه .. الصارت بطف كربله
چم يتيمه .. وچم سهم من حرمله

گـــوم لــــم عيــــــالك المتشرده
گوم حط سيفك بنحر اهل الرده
الماسده يالمهدي بحسينك سده
وعمتــــك بــــالغربه يــــا وليانها

گــــوم العمتك زينب
محزونه وجفن شيب
هذا الحــــال وترتب .. ابو صالح

گوم اگصد مــنازلها
عگده وچفك يحلها
اهل الشـــام وتذلها .. ابو صالح

العجل يالمهدي ابو صالح ...


كذلك الخادم المرحوم
عبود فلله

عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

شايل تابوت لوعمري نشال
دمعات العين تشرح هالحال
نعشج هادل متوني
دمعه اتغرگ عيوني
شايل تابوت

****
العشرتها حلوه للقبر راحت
تعاند سكوتي دمعتي الطاحت
غير الهضم واللوعه ماشافت
فاطمه لچمات اشكثر شافت

ياصبر يفيد ومضيع اعزاز
بنعش الزهراء طالع جناز
مايل ضهري شافوني
دمعه اتغرگ عيوني
شايل تابوت

****

مثل الجمر يسعر وسط روحي
بغيابج شمكثرهن اجروحي
بعدج تره ماينگطع نوحي
كلبي نذبح سميته مذبوحي

عاشرت النوح بغياب النور
ضلع الزهراء وگلبي المكسور
اشهگ حسره سمعوني
دمعه اتغرگ عيوني
شايل تابوت

****

فكيت ريجي بدمعة عيوني
نعش الحبيبه شالته متوني
درب المقابر غيره لو ني
مكسور ضهري وحيلي شافوني

ذاك البسمار تاركلي آلام
بس الحسرات وبالدار أيتام
ولدج من يسألوني
دمعه اتغرگ عيوني
شايل تابوت

****

دافنها بيدي وراجع بدمعه
الفارگ حبيبه ينكسر ضلعه
اگعد حزين ابداري أو انعه
النايم بگبره لبيته شيرجعه

الدافنله احباب يرجع مكسور
راحت ياناس قنديل النور
بفگد الزهره كسروني
دمعه اتغرگ عيوني
شايل تابوت

****

انضر ايتامي ودمعتي بخدي
مكسور گلبي تيتمو ولدي
عام الحزن بفگد ام حسن يبدي
راحت أم روحي وباقي لوحدي

زينب بالنوح شبتلي النار
لأمي اشتاقيت ترجع للدار
عنها لاتمنعوني
دمعه اتغرگ عيوني
شايل تابوت

****

بالدمعه ذابت عيني بغيابج
يوميه ايتامج تجي لبابج
فكدچ يزهره هاظم احبابج
ليليه امشي واشتم اترابج

كل حسره دگول بگلبي المصيوب
الشيعله احباب دلاله يذوب
ميت إني شيعوني
دمعه اتغرگ عيوني

****
علي محسن الفرطوسي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

الليالي الفاطميه
قصيده گــعــده
وتقرء لطــم

.
.
.

يالمنكـسـرلك ضـلع … حقـك اذا تنـفجع
اهمومـك اكبار
ابگبلـك شصار
وشسوه بيك الدمع … يالمنكسرلك ضلع

------------------------

عله ياهي التجري عينك يابو صالح هنه كثره
عالذي كسرو ضلعها وفوگ خدهه اثار سطره
لو على الداست ابصدره اعوجيه خيول عشره
بصدرك يمهدي شنغرس
بسـمار لو حـافر فــرس
ثغــرك امبــلل لــو يبـس
عله حسين اليبـس ثغره

مو عن كبر حَدبت ... چيه لهلك اتعذبت
ابگلبك الام
بكـثر الايام
شتتحمل ابهالوضع … يالمنكسرلك ضلع

------------------------------

ابكثر مامحروگ گلبك من وره باب الزچيه
صارن اضلوعك رماد الصار بمك مو اشويه
النار ما ترحم يمهدي واسأل اعليها السبيه
الشافت خيمها اموجره
وبالنار هــيه امـحاصره
شتسوي يالمهدي المره
وكـل اهـلها عالــوطـيه

ياهو الذي اتفَزعه … وكافلهه عالمشرعه
اتطفي الكبار
مـدري الزغار
محنتهه ما تنجرع … يالمنكسرلك ضلع

--------------------------------------

أبچي يالمكسور ضهرك والبچي لازم تدومه
واليـلومك عالبـواچي الله يالمــهدي اليلومه
السَلبو لمك فدكها حسين هم سلبو اهدومه
الــبالـسهـم چـبـده منــثلم
ضل عاري مسلوب الجسم
عالرمل مـرمـي ابــلا هـدم
والــرمــل غــيـر ارســـومه

بگد ما طعن منترس … مچوي گفاه بالشمس
ضل عالتراب
اغله الاحباب
حقه الگلب منشلع … يالمنكسرلك ضلع

---------------------------------------

يابو صالح عله اهلك حـقك اتزيد النوايح
خلص گلبك عالزچيه لو عله البطف ذبايح
المثلث صاب چبدك لو المحسن هوه رايح
حرمـله مـاعــنـده عقـل
لمـن رمــه نحـر الطــفل
نحـره زغير اشيحـتمل
هالسهم چن بيك طايح

بگلبك يزيد الالم … كل ما سمعت بسهم
تنحني شبيك
چــن يـأذيــك
من حرمله منصدع … يالمنكسرلك ضلع

----------------------------------

الدنيه ماشالت الشلته عفه صبرك يابو صالح
حزن امك بيـك ياكـل عله وجهك صار واضح
يا جرح وتعـيش انـته ابهالزمـان الحيل مالح
بجــروحك اشــــسوه المــلح
عالـــراحت اويـــه الــمنــذبح
چيه تحچي هيه اويه الرمح
بيــها يتــشـمــت الــــذابــــح

بوجهه شماته شكثر ... لمن يطـگها الشمر
زورگ ايــدين
اخت الحسين
عمتك تره تنوجع … يالمنكسرلك ضلع
--------------------
لخادمكم حيدر تركي الكربلائي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

قناة حيدر تركي الكربلائي:
الفاطميه
.
.
.

عـاشــوراء .. الــزهـــراء
قــد اقــبل
يابو صالح

_____

ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه

متبدي من عـينك نهر بس الله يدري اشكبره
يالخلصت عمرك بچي مـاذيــك جـرح الزهره

يــوما أت .. لــلاهــات
قــد اقــبل
يابو صالح

_____

حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات

اهاتك اتفطر الصخر بسمار چن بضلوعك
خدك امصـلاية دمع صلت عليها ادموعك

حزن الآل .. في الأصال
قد اقبل
يابو صالح

_____

شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها

انته الحزن بس حصتك وعطر المجالس عطـرك
بسمار لــو حافر فــرس يالمهدي شنهو ابصدرك
واويلاه .. سمهم الاه
قد اقبل
يابو صالح

_____

تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب

لو طحت تذكر فاطمه من طاحت اعله الغبره
تتبده يالچـنك دمــع من تذكــر انته السـطـره
دمـعً لاح .. فيك وصاح
قد اقبل
يابو صالح

__

اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي

ابدلالك اشسوه السبي وهيچي تهل دمعاتك
چيه عالهزل يالمنتظر راحــن ســـبي عماتك

صوت عزاء .. صوت بكاء
قد اقبل
يابو صالح

_____

سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب

يم مذبح حسين السبط لو بالبقيع انته اتنوح
لجــل الزچــيه وَنــتك لو عالذي ظل مطروح
جرحا بات .. لامامات
قد اقبل
يابو صالح

_____
تمت والحمد لله
حيدر تركي الكربلائي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

ياعلي اعله البـــاب خطيت الوصيه
بظلعي المكســـور ودموعي الجريه
لوقريت اقره اعله كيفك بيه
خـاف تسمع زينب وتــاذيهه
بيهه مذكور المصاب المر عليه
ـ;;;;;;;;;;;;;;;;;;;;;;;;;;;;;;;;;;ـ

شفت آثار الظلم مـــــن غسلتني
عصـــــرت الباب وألمهه عذبتني
لا تسولف ياعلي وچن ماشفتني
ياگلـب يتحمـل وتحچيــله عـني

لا تســولف خايفه ايشبعون اذيه
انته صـــــــــــبرهم اذا حنو عليه
قصتي اويه الباب الك ارويهه
خــاف تسمع زينـب وتــاذيهه
        ـ;;;;;;;;;;;;;;;;;;;;;;;;;;;;;;;;;;ـ

عن وصيتي اوصيك اي شي لاتگلها
لان تمــــــرد بالگلب كلمـــــاتي كلها
ما أريــــــــد اسمــع ابـد ونت زعلها
اجروح كلب الحـــره اريدنك تشلها

ياعلي شوف الزمان اشســــوه بيه
وانه بت اشرف نبي وسيــد البريه
يـاعلي اهمومي الك احجيهه
خــاف تسمــع زينب وتاذيهه
         ـ;;;;;;;;;;;;;;;;;;;;;;;;;;;;;;;;;;ـ

بالحسن وحسين ياحيدر وصيتي
تحملو لــوعه ومصايب كَد اذيتي
أثلث نجــوم تأملت يضولي بيتي
لاكـن المحسن وگع ساعة منيتي

بعده ماشاف اخوته وفارگ حياته
شنهو ذنبه ياعلــــــي ورادو مماته
لجله دمعات الألــم اجـريهه
خـاف تسمع زينب وتاذيهه
       ـ;;;;;;;;;;;;;;;;;;;;;;;;;;;;;;;;;;ـ

لو بچو يالمرتضى هـــود عليـــــهم
تهيــــج آلامـــي أذا اسمــع بجـيهم
ميته بس ارويحتي اترفرف عليهم
الهم اشتاقت وما تكَدر تجــــــيهم

كلهم ايحرســون زينب يالصميده
لايخلـــــوهه يـبن عمي وحــــيده
عالمصايب والحزن مابيهه
خاف تسمع زينب وتاذيهه
             ـ;;;;;;;;;;;;;;;;;;;;;;;;;;;;;;;;;;ـ

مـن طحت يالمـــرتضى رتك تجيني
ضلوعي كلهه مكسره وطايح جنيني
مطـــــرت اعيـون السمه دم الونيني
صحت يافضه اعله صـدرج سنديني

ليش ماسليت سيفك مــن شفتني
خدي احمر صار يشبه لــون متني
اسياطهم بمتوني أشكَف بيهه
خــاف تسمــع زينب وتاذيهه
         ـ;;;;;;;;;;;;;;;;;;;;;;;;;;;;;;;;;;ـ

                           الخادم
                       كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
نادت الزهره ابدمعهه -- ساعة الكسرو ضلعهه
بويه طه الحك عليه
ذوله ماعـدهم حميه
         بويـــــه ........  بويــــه
                      ***
بويه شحجيلك وخبرك يصعب اعليك الأمر
عن عذابي الشفته لمن هجمت اعليه الكفر
لذت خلف الباب بويه وبيه عصروني عصر
صوب البسمار صدري وضلع مني انكسر

بويه راووني المنيه-- ذوله ماعدهم حميه
        بويـــه ......... بويـــه
                       ***
نفس القتصبو حقوقي اونكرو اشهود الوفاء
ردو ابكل حقد بويه ابلا ضمير اولا حياء
ماكفاهم ضلمي ردو هاجمو دار العطاء
شبو النار اعله بابي ما خشو رب السماء

وانه بت سيد البريه-- ذوله ماعدهم حميه
             بويـــه ....... بويـــه
                     ***
دخلو الداري يبويه ابدون ما يستأذنون         
يدعون اسلام لاكن همــه ابد مـو مسلمون
جتفو حامي الحميه اوبيه اسمع يشتمـون
وانه صطروني اعله عيني ذوله للحق قاصبون

التزم حيدر بالوصيه-- ذوله ماعدهم حميه
           بويــــه ......... بويــــه
                    ***
بويه والمحسن جنيني من عملهم ما سلم
وكَع ميت عالوطيه والعمـر بعــده انعــدم
بويه والملعون اسمعه بيك يا طـه شتـــم
وامر العبده اوضربني ابلايه رئفه اولا رحم

نادبت حامي الحميه-- ذوله ماعدهم حميه
              بويـــه ........ بويـــه
                  ***
ذوله اصحاب السقيفه غيره ماعدهم ابـد
بعد موتك يامحمد مجلس الشوره انعقـد
نصبو منهم خليفه اوحيـدره عنهه انبعــد
بويه خانوهه الأمانه اوخالفو ذاك الوعــد

بويه باعوهه القضيه-- ذوله ماعدهم حميه
            بويــــه ....... بويــــه
                    **
جرعتني الدنيه همهه اوصبت اعليه المحن
اولبستني اثياب حزني وتوهن اسنيني ابتدن
آه  من قـدر اليالـي آه  منـــك يـــــازمن
شاهدت آلام كثره وصرت مركز للحزن

نشـأن الحسرات بيه-- ذوله ماعدهم حميه
           بويـــه ....... بويـــه
                       ***

          الخادم
     كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
عن لسان المحسن ع… .

يمــــه بسـمار الضلع أذاني حيل
قبل ليصيبج احس صاب الدليل
       آه مــن عنده صحت
       عالأرض قبلج طحت
         *

اهتزت اركان الهـــدايه يوم حرگو بابچ
مااهــم بمصــــابي آني ألماني امصـابچ
مــن كثر دمعــــچ ييمه امبللات اثيـابچ
حتى جبرائيل نازل ينحب اويه احبابچ

ليلة احزان ومعــــــــانات اوعــويل
هايه اصعب ليله عد حامي الدخيل
        وآني حــــيل تئلمت
       عالأرض قبلج طحت
          *

يمه ماعشت ابحيـــــاتي اولاشفت خـــواني
والقصــــب حق الولايـه ابعصــــــرتج أذانـي
اسنيني خلف الباب خلصت كلهه من صاباني
شنهو ذنبي انه اوزماني ابهل وضـــع خلاني

يمه اسمع صوتج اينـادي بأنين
ياألاهـي ابيا ذنب طاح الجنين
       اتكدرت يمه اونحت
      عالارض قبلج طحت
           **

ساعة الهجمو علينه ابنار اصحـــاب الفتن
گالو ابهل دار فاطم عمــــــر ناداهــــم وأن
خلصيتي اسنين عمرج بالمصايب والمحن
وسفه ومتــونج ييمه بالسيـــــاط اتلوعن

ضالمج يازهـــره مايملك ضمــــير
والله مثل امصيبتج ماضن تصير
         اجروح بيهه اتفتحت
         عالارض قبلج طحت
          

ليش يايمه الصمـــــــيده ماشهر فقــاره
ساعه الكسـرو اضلوعج والدمـــع يجاره
ليش ما رد العصــــــابه الهاجموه ابـداره
حكمه عنده ابهالوصيه وماعرفنه اسراره

گوه صابر والحمل كلش ثجيل
شبــت ابدلاله نيــــران الخليل
     مضلمـه داره اصبحت
      عالارض قبلج طحت
            

موطفل اسمي جنين اومنحرم من العمر
قبل ايام الولاده وســـــدو جسمي الگبر
البايعو طــه ابزمانه طلعو انذال اوكفــر
ابلارحم اهل السقيــفه تركو ابخدج اثر

بغضن الحيدر علي وطه الرسول
هاجمونه اوصوبو ظلــع البتــول
       اگلوب بالشـــر انملت.
       عالارض قبلج طحت
          ----------------------------------

          الخادم
      كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA