#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
نزال ..
.
.
( بأبي انتي وأمي فاطمه )
**(١)*
خدمتج مولاتي .. عرفتّني بذاتي .. وكبرتني الخدمه
يطخ راسه الغيمه .. وما يمر بيه ضيمه .. القدراها النعمه

الصار خادمكم يهنياله بحياته
باجر تشفعوله لو صارت وفاته
الخادم المخلص تره يعيش بمماته

والشرب حبكم ولا مر بيه ضمه
(بأبي انتي وأمي فاطمه)
**(٢)*
بلا عزائج روحي .. تطلع وي جروحي .. مجلسج رباني
من الزغر سموني .. خادمج يعيوني .. واشكر السماني

جان عمري اجم سنه والحركَه بيه
واحسب احساب الليالي الفاطميه
طلب يالزهراء خل عينج عليه

حبج من الزغر يمشي ويالدمه
( بأبي انتي وأمي فاطمه )
**(٣)*
بمجلسج قبليني .. وين متخليني .. شرف ليه ورِفعه
اباب الحسينيه .. احضر اللطميه .. اطيح حمره الدمعه

شاعر تريدني لو رادود اواسي
خادم بكلهن وفوك الغيم راسي
وكون لطام افتخر ما بين ناسي


هاي خدامج لكلشي معلّمه
( بأبي انتي وأمي فاطمه )
**(٤)*
كل دعائي بليلي .. كون ينشد حيلي .. لخدمتج يالزهره
الما يخدمج خاسر .. شنو نفعه وباجر .. ظلمه حفرة كَبره

لو متت باجر بلا شك تحضريني
وانتي التغمضين بيدج جفن عيني
بالكَبر اقره الج لمن تجيني

يا مصابج بجه أملاك السمه
( بأبي انتي وأمي فاطمه )
**(٥)*
مو فقط بس ثوبنه .. لبّسينه كَلوبنه .. اسود اعله مصابج
البينه طالب حاجه .. ناس الج محتاجه .. بدمعه دكَو بابج

انتي ام ذاك الكريم الكله غِيره
وانتي ام حسينّه شيخ العشيره
حاشه اليدكَ بابج اتخليه بحيره

تنكضي لو كَلج بحامي الحمه
( بأبي انتي وأمي فاطمه )
*****
الخادم / ملا حازم البزوني



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


.
.
.اذا كـل مجلـس تحضـره
منو اليحضر عزه الزهره ؟
مـنــو يـدور عــزاهـا ويـن مـا جـان
ويجي لمجلسها يبجي بكَلب لهفان
*(١)*
منهو اليتعنه لمجلس فاطم
بعيونه التبجي وجفه اللاطم
يدخل مكسور الخاطر لازم!
بلا شك يحضر مجلسها القائم

رزق مــن رب الـسـمـه
الحضر مجلس فاطمه .. نرفع صيته عالي
اللـعـن قـاتـلـهـا شـهِـم
الخدم مو بس بالإسم .. ابـد مـا يـبالـي

بواجي الليله نكَضيها
على الكسروا ظلع بيها
لـزوم الـواسـه ام حسيـن حـزنـان
ويجي لمجلسها يبجي بكَلب لهفان
*(٢)*
اول دمعه الجانت عل الزهره
من حيدر غسلّها وكَض ظهره
وي فاطم ضيّع روحه وعمره
مـو كَـبر الزهـراء يـحفر كَبـره

عـشـكَ هــذا الاولــي
عشكَ فاطم وي علي .. ابد ماكو مثله
أميـر الحـب والـنعـم
عليـه تفصـال الاسـم .. هـواه ما امـلـه

الـبـجـفـوفـه قـلـع خـيـبـر
اعله حمل الزهره ما يكَدر
(اعـيـنـوني) يصيح الـقـلـع بـيـبـان
ويجي لمجلسها يبجي بكَلب لهفان
*(٣)*
اول مـن يحـضر ويشع نـوره
بلا منحر بضلوعه المكـسوره
يقره مـن القـرآن اجم سـوره
يوصـل للـكوثر بس منـحوره

للمصيبه ظل يون
بابـها اثكَيـلة وزن .. انطبكَ عل الزجيه
ورده مو مالت نعش
بعمر جان اثمنطعش .. ليها اجت منيه

الحسين ودمعته بطوله
يـتيـم النـاس صاحـوله
اجه من الطف عزيز الزهره عطشان
ويـجي لمجلسها يـبجي بكَلب لهفان
*(٤)*
ام الذبحوه بكَماطه وحـلمه
بحركَه اتعنت يا ناس وهمه
لأم الـسابح محسـنها بـدمه
ماي المحسن طايـح شيلمّه

اثنينهن فكَدن كَمر
كاسرين اجم ظهر .. الحضن باقي خالي
العاشوا بنـص الكَـلب
مو سهل كلش صعب .. تودع الغوالي

رباب تحاجي بالزهـره
انه ام المنـكَطع نـحره
احنـه اثـنـيـنه الــودعـنّـه رضـعــان
ويجي لمجلسها يبجي بكَلب لهفان
*(٥)*
اثنيـن يحـضرن مجلسها بدمـعه
زيـنــب وام الـمـا لابــس درعــه
وحـدتهن عـل الصار شـكَد تنـعه
حتى المحسن هم كسروا ضلعه

بلا سبب ليـش اندفن
المحسن بكلمة ( وأن) .. انذبح حلمه وسفه
فاطمه الشبعت بجي
منتظرته شكَد يجي .. على صوته تغفه

المشه ما يرجع بدمعه
دم لـو تبجـي ميرجعه
لـرب الـعـالـميـــن الــطـفـل قــربـان
ويجي لمجلسها يبجي بكَلب لهفان
****
الخادم | ملا حازم البزوني

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


گال ليش الليل مظلم
              والنهار انگطع ضيه
گتله حگه الوكت مظلم
          كل صباح وكل مسيه
گال شنهي الجره وگلبك
               بالحزن ناره سريه
گتله كلشي اليوم يبچي
           من الثرى الحد الثريه
گال وشفاگد  وتنحب
         شلك  من بلوه ورزيه
گتله بدموعي اواسي
           صاحب الطلعه البهيه
گال وضحلي كلامك
        واشجره وشنهي القضيه
گتله هذا اليوم بيده
        الموت أخذ روح الزچيه
ارحلت مظلومه وحزينه
           .  من بعد سيد البريه

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

نعي عن الزهراء  عليها السلام 

اتعنت   الزهره وحنين الجابها
يم گبروالدها   تشكي  امصابها
يامصيبه العنها تحچي  وتشتكي
شگد مصايب  ما اجن بحسابها
تشكي حيل  المنهدم من الصبر
لوربع للغدر   جمع  احزابها
لو الم عصرتها لو فگد الجنين
لوجدم  ملعون  يرفس بابها
لو الم سطرتها من چف اللئيم
الماخجل من فاطمه وماهابها
تشكي من ظلع التهشم ونكسر
ماشفه للموت   جرح اصوابها
لوغصب حقها بحجج ماتنقبل
والمقاصد واضحات اسبابها
وناتج الحسرات منهم والهظم
فارگت باول عمرها  احبابها

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


لاستشهاد الزهراء عليها السلام  ( ميمر )

البضعة محمد لوعتي للمحشر
حالي بحزن للدوم مايتغير
★★★★★
الرب السمه من كل ذنب  عاصمها
وجنة عدن فوگ الارض راسمها
ريت العمر طول العمر خادمها
وياخدي كون من الدمع يتحفر
★★★★★
اسباب الهدايه فاطمة ومحورها
عنصرها نور  الباري من صورها
ويله الكسر گبل الظلع خاطرها
ينصان كون الظلع  مويتكسر
★★★★★
ربي  الاكوان بقبضته مطويه
ماخلق نور ولاسمه  مبنيه
ولاشمس تضوي ولاارض مدحيه
الا لجل بيت الزهر بالكوثر
★★★★★
العابد صنم  يا ايه اليفسرها
ويعرف خفايا الدين  ويقدرها
ياسر إلهي وين يعرف سرها
ام الحسن كل فكر بيها أتحيَّر
★★★★★
فخر الكمال المقتدر أيَّدها
حجة الخالق والحجج من عدها
فوك العقل من يگدر يحددها
اسرار الزچيه يخوضهن من يگدر
★★★★★
قبل الخليقه اتكونت قبل آدم
يافاطمة فخر النسة بهلعالم
خير أنرفع منصوب لجله مأتم
ياخير مامثله  بعد يتكرر

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
زهرة نبيــنه ... إرضي عليــنه
___
يا خيــــمــة الله الأمِـنه ... الناشر حنانچ بيهـا
كل فاطــــميه برأفتــچ ... خدامــــچ اتلميــها
دعــوه اعله بابچ بالدمع ... وبكل عزه نخليها
هاي الگلوب الحبتچ ... يالزهره إرضي اعليها

لأن حبـــيـنــــاچ .. برحمته البــاري
رازقنه خيرچ
صحنه ما ننساچ .. و بدمـــع جاري
ما عدنه غيرچ

ابابچ دعيـــنه ... إرضي عليــنه
___
تـقديــر ربنــه برحـمته ... عالشيعه أنزَل نعـمه
گد ما نحبــچ من گلب ... الله رزقنـــه الخدمه
جاه البشر ما ينفعه ... و ميفيده ماله و أسمه
لو ما قِبَلتي فاطمه ... مَيقبــله رب الرحــمــه

بــاب نعمتنه .. اعلينه ما ينسَد
فاتحها ربـنه
بهاي خدمتنه .. و ثوبنه الأسود
أبيض گلبـنه

و لَطمَت إديــنه ... إرضي عليـنه
_
ما نوگف اباب العزه ... ليــلة قــدوم امصابچ
هذه مكانــچ فاطمه ... وشگد تعشگه احبابچ
نفسه لچن أثگل بعد ... لِـذتــي وراه بعتـابچ
طگ ضلعچ انسمعه لَمَن ... يالزهره دِفعوا بابچ

بخدچ المسطور .. و بحـَمــار العــيــن
و بحزن واضح
بضلعچ المكسور .. المحسن تشوفين
عالترب طايــح

يمنه الحزيـنـه ... أرضي عليــنه
___
( ما أُذيــت بنتُ نبي ) ... مثلچ وضاگت حسره
گوه تجرين النفس ... من ضلعچ و من كسره
الله يعيــنك يا عــلي ... عالمُـغتسـل يالزهــره
بيدچ زراگ ايشاهده ... و يشوف عينـچ حمره

يصب بدموعه .. يغسلچ بهــيده
گــوه يرفــعــچ
يلطم اضلوعه .. لَمَن حَس بيده
مِنكسر ضلعچ

بكَسـرَت وليــنه ... إرضي عليــنه
___
كل المصـــايب هوِّنـــت ... أصعبـــها مرّت عالكون
شفـــتي الحسين بكربله ... بالرمـــح راسه يرفعون
و زينب على باب الخيم ... رَد ليـــها خالي الميمون
مگلوب سرجك صاحته ... بلا خويه ترجعلي شلون

آنــه يالمــيـمـون .. بيدي جدمتك
و انخمش گلبي
من رحت بحسين .. والله ودعتك
والباري حسبي

بگَطعت وتيــنه ... إرضي عليــنه

الشاعر حاتم صبري الكاظمي



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

ماتَــن و ماكو فَـرِق بيـناتهِن
ضلوعهن متكسره ثنيناتهِن
وافاطمتاه ... وارُقيــتاه
__
امن اكتب فاطمه تطلَع عَلَي عصره
و من اكــتب رقــيه تـنرسـم سطره
أوجُـــه بالتشــابه مِـشَـن محــنيات
الضرب بمتونهن خــلاله چم حُـفره

تگوم كل وحده و ترد بس طايحه
و السيــاط اعليـــها جايه و رايحه
وافاطمتاه ... وارقيــتاه
__
الزهره البـاب ما قَـصّــر امچـــويها
و رقيه الجُــمر ماكـل لَحَم رجـليها
انطــبگت فوگها البــاب شيوخـرها
و رقيه الخيمه نار وطاحت اعليها

وحده تبچي دِمه ابيت أحزانها
وحده بالهــيمه تِــدور اخـوانها
وافاطمتاه ... وارقيــتاه
___
منو اليرضه عليها و گُصته ما تِعرَگ
أمـــام النــاس خَد أُم الحسن ينطَگ
يعــالــم والله صــعبه هـــاي عـلويه
اليبوسه حسين خدها من الضرب أزرگ

هاي شــافــت دَم أخــيـر ابنينها
و ذيچ ما شافت ضلوع حسينها
وافاطمتاه ... وارقيــتاه
____
الأميره بكل لَقب راقي ينادوها
و الزهــره بشــتم طه يرَجعوها
و من تِعثر رقيه بالحبل مَتگوم !
فوگ اسياطهم گاموا يشتموها

ضلع واحد فاطــمه موضوعها
و هاي كلها امكسرات ضلوعها
وافاطمتاه ... وارقيــتاه
___
الهَوَه امن الضَرُب چانت گوّه تِشتمه
امنين اتگــضُـها صاحـت آخ يا عمّـه
من ذاك الزمن والسوط أخو البسمار
و كَسُر أم الحسن بس حيدر ايفهمه

الزهراء : بهيده فاطم من تِسِد اعيونها
رقيه : عالتـــــراب البــارد اينومونها
وافاطمتاه ... وارقيــتاه
__
لفـــاطــم و لرقــيـه حَـگ إذا ننحِب
و اكو وحده عليها من البچي نتعـب
الأُمِّ و بت أخــوها ثنيــنــهن شافَـت
اشتِـحمل يا جــرح آ يا گــلُب زينب

مِنِ التَل صوب الأخو بأحساسها
رَكـضه وِحــده شَيبَتْ كِل راسها
وافاطمتاه ... وارقيــتاه


الشاعر حاتم صبري الكاظمي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


مِــن اصعــب جروحي فارگتچ بدمعه
الفاگد حضن أمه شيصبره يالبـضـعه
بيك شينسيني .. يا يمه كلميني
__
يا بعد العافيه وحچـايتچ نسـمه
و جرحي بفرگتچ يا بشر يفتهمه
منو ايعوِّض مكانچ يا أحن كلمه
على لســاني بعد ما گول يا يمه

من قصرت سنيـنچ انـه طِـوَل همّـي
من رحتي عن عيني صار اليتيم اسمي
شيسكت ونيني ... يا يمه كلميني
____
يخيمه وطحتي بس ما طحتي من بالي
يا هــو ايسِد مكـــانچ مـــوحش خالي
يشِـيب اللي سِـمـع وني و نِـظر حالي
شــالوا لـ الگــبر تـــابــوتـــــچ اگـبالي

شينشف دموعي يا الزهره من بعدچ
و گــبـــالي تتــراوه سطره على خدچ
احچي بدمع عيني ... يا يمه كلميني
_
تــمرني الذكريات المره والحلوه
و عليهن بالصــبر يالزهــره اتگوّه
شلون انسه السياطه اعليچ تتلوه
شلون انسه تجــــرين النفس گوه

أكبـــر جــــرح بيه يا فاطمه بوضعچ
عالمغتسل شفته حيدر لزم ضلعچ
ويا صحت تدريني ... يا يمه كلميني
_
بزوايا النوح صارت روحي مركونه
الفاگـــد امه بيش أهله يصــبرونه
حــنان الله اشوف مغمض عيونه
تمنـــيت بگــبر واحد يدفـــــنونه
الله يساعدها روحي على الفرگه
بلا أم يـزهـره حياة البشر خنگه
الهمومي عفتيني ... يا يمه كلميني
__
تفارگنه وبده لـ يوم العطش ينعَد
لـ ملـگـانــه جمر بالــروح ما يبرَد
إذا بالطــــف أنادي وماكو صوت الرَد
تجيني من على صدري الشمر يصعد

لمن تـشوفينـــي أرفـع الچ ايدي
عالشمر صحتيله لا تذبح اوليدي
و هنا أحضنيني ... يا يمه كلميني



حاتم صبري الكاظمي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

لن انحني .. ياهاجمي .. يا قاتلي
فبيعتي .. للافتى .. الا علي
بالضلع حتى البين .. افدي ابا الحسنين
فبيعتي .. للافتى .. الا علي
@@@
زهراء .. انه الزچيه الطاهره
الارجاء .. انخلقت لگلبي خاطره
يعداء .. جيتوا اعله داري امجمهره
إيذاء .. إيذاء
…
تثيرون .. بعد النبي ضيم وفتن
تردون .. اترك علي ابوالحسن
تهجمون .. حتى ضلوعي تفتتن
تكسرون .. تكسرون
…
رغم ضلعي انهشم .. وصفح خدي انلطم
مجروح
فده لحيدر انه .. اقدم له منى
هالروح
…
لن انثني .. لو تلجوا .. سم الخياط
علي السراط .. فكيف لي .. ترك السراط
عقيدتي بالدين .. افدي ابا الحسنين
فبيعتي .. للافتى .. الا علي
@@@
بالباب .. يالمجبل ابنار وحطب
ماطاب .. گلبك من الكفر اشسبب
وأنْصاب .. ويچوني بالنار اللهب
بلعتاب .. بلعتاب
…
تدرون .. بيتي الموده والوفه
تعرفون .. انه وصيت المصطفى
وشلون .. بيتي ويه ربعك تكشفه
تهجمون .. تهجمون
…
الهجم وابلا عذر .. ملك گلبه الكفر
بلسوات
انكشف شايل زعل .. على الصار ابهبل
واللات
…
بكم نفاق .. حتى النخاع .. ياهاجمون
اضنكم؟ .. بفعلكم .. ستنجحون
والنجم لا والتين .. افدي ابا الحسنين
فبيعتي .. للافتى .. الا علي
@@@
ابمسمار .. بابي عليه تعصره
وبسطار .. قرطي اعله وجهي تنثّره
اشما صار .. لي بيعه بس الحيدره
اقرار .. اقرار
…
مطبوع .. مني الحشا واشما انبضع
موجوع .. باجنين عالعتبه وگع
ممنوع .. لغير الولي گلبي خضع
بلضلوع .. بلضلوع
…
اشضرب سوطك متن .. الك اخضع تظن
يا عار
يضل عزمي جبل .. ابعلي خير العمل
جبار
…
رغم الجروح .. رغم النزيف .. ولوعتي
ليحيدره .. مهما جرى .. ذي بيعتي
لو مزق المتنين .. افدي ابا الحسنين
فبيعتي .. للافتى .. الا علي
@@@
ياگوم .. حيدر اشوفه ينضرب
مظلوم .. تجرونه للبيعه ابغصب
معلوم .. هذا الامر كلف وصعب
مالوم .. مالوم
…
تسحبوه .. لكشف حجابي للدعه
تدروه .. امري بسماء السابعه
خلوه .. لو تنخسف هالواسعه
عفوه .. عفوه
…
اذا تأذوا علي .. بدعا ربي العلي
تنحل
السبع تطبگ سبع .. ونسلكم ينگطع
اسأل
…
إن رضا .. ربي الجليل .. ليَّ رضا
والارض امحيها لعين المرتضى
اني ابنت ياسين .. افدي ابا الحسنين
فبيعتي .. للافتى .. الا علي
@@@
خناس .. بالخم نكرها بيعته
لرجاس .. وسفه وليها نزعته
ياناس .. انه لعلي من شيعته
نبراس .. نبراس
…
اتذبحون .. بالباب بت طه الرسول
تفتّون .. احشاء ام بوها البتول
ميكون .. اتخله عن فحل الفحول
مضمون .. مضمون
…
لون اذبح وذر .. وألف ضلعي انكسر
وانصاب
رغم خشم الظلم .. على الاول يتم
بوتراب
…
والله لا .. لن ارتضي .. قوم الفتن
وعهدي قد .. وقعته .. على الكفن
بالضلع والعينين .. افدي ابا الحسنين
فبيعتي .. للافتى .. الا علي
@@@
علي أحمد الحمود
٢٤-٩-٢٠٢٥
شهادة الزهراء ع


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
لليالي الفاطميه
كل دموعي كوثريه
يا زهراء يازهراء
.........
من تمر اول روايه انه استعد
بالقصائد اقره وبياطور أرد
الزهره تحظر بالمجالس واعتقد
لو قريت اعليهه اسمع منهه أعد
والأعد منهه الهويه
كل دموعي كوثريه
يا زهراء يازهراء
.........
مستحيل انساهه مكسورة ضلع
عينهه امورمه وتهل دم ودمع
من كثر ما تنعصر باصعب وضع
الا لحظه اتضل كَلبه وينشلع
واشكبر هاي الرزيه
كل دموعي كوثريه
يا زهراء يازهراء
..........
هوه مو بسمار نابت بالصدر
هاي نقطه اتوضح اذنوب الكفر
وياصدر هوه وتعرض للعصر
وره الباب الزهره لا يهل الغدر
اخ يا ضلع الزجيه
كل دموعي كوثريه
يا زهراء يازهراء
...........
كل روايات المصيبه اثلاثه لا
للي انطت عينهه ازغير العطا
فدك بيهه الكاف من ال كربلا
والهه حته اهتز عرش رب السما
الهه دمعاتي الجريه
كل دموعي كوثريه
يا زهراء يازهراء
............
ثالث اسباط الأمم طاح وهوه
من عرف ضلع امه مكسور التوه
ماكسر ظل عمره شو راح الضوه
صفحه وزغيره العمر جن وانطوه
والبجي لهاي القضيه
كل دموعي كوثريه
يا زهراء يازهراء
الشاعر
ياسر العارضي



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


يالزهره والله امصابج امأذيني
كل مغربيه أسمج ايبجيني
آه واويلاه آه يازهراء
.............
يم الحسن لمصابج اني احزاني
ياغيرة الله ومنهجي وقرأني
تتغير لأسمج يبضعه الواني
ومشتعله روحي لجلج ابنيراني
يارحمة الباري ويسِر اسنيني
كل مغربيه أسمج ايبجيني
آه واويلاه آه يازهراء
.............
كل ما قرولي اعليج ينزل دمعي
واتمنه لمصابج اكسره ضلعي
مختلف باحزانج وحكَج وضعي
طبعي الحزن والاه صاير طبعي
وايزيد نوحي كلمن ايواسيني
كل مغربيه أسمج ايبجيني
آه واويلاه آه يازهراء
.............
بحنجرتي هضمه وصوتي يطلع كوه
ولطمي لعذابج وادك ابصدري ابقوه
ارد اشعر ابعصرج واريد اتروه
من حزني واشرب من دموعي امروه
والكون كله يسمع من اونيني
كل مغربيه أسمج ايبجيني
آه واويلاه آه يازهراء
.............
موبس نواعي وساعه يخلص نوحي
لجلج يبضعه واضحات اجروحي
روحي المصابج والله اكَلهه روحي
فدوه الج خل تمشي واكتب لوحي
هذا البذل روحه الج كتبيني
كل مغربيه أسمج ايبجيني
آه واويلاه آه يازهراء
.............
لا ما أمل هذا الجزع واهاتي
وازغيره احس لمصيبتج دمعاتي
ماتطفي ناري واشكثر جلماتي
بحجم الفضاء اعليج اضن حسراتي
ابجي عليج وانتِ التهَّديني
كل مغربيه أسمج ايبجيني
آه واويلاه آه يازهراء
الشاعر ياسر العارضي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

#ماجرى للزهراء بعد شهادة رسول الله
(ص وآله)
#تخبرنا به #السيدة  (فضه).

…… وزن ثلاث ارباع الشيعتي……
.
.
.
آنه فضه وگلـبي ماطاب
عالزچيه دمـعي سـچاب
ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ
.
خـادمـه للـزهــره وافـخـر بالخـدامـه
حاضره وشفت اشجره ابيت الامامه
والله چوّت جـرحي جمـرات الملامه
فاطمه انصـابت وأنه اطلع بالسلامه
.
لا جـرح لا لطـمه بالعـين
والصفع بس بم الحسين
ماچواني جمر العتاب.. ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
ما أطيب من الهظيمه گلبي مصدوع
السطر مولاتي چفه ابخـدها مطبوع
يدري بيـها لاذت وما شـاف الدمـوع
بيها يعــصر وآنه أسمع كسر الضلوع
.
ناده فاطم طلعوها
الها ما يفـزع ابوها
مايجيها الحدر التراب ..
        ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
فاطمه اليوم اصبـحت اول سبيه
ماتنادي ادركني يا حـامي الحميه
تدري حـيدر چتفه حـبل الوصـيه
ماتحرجه وتهظم اجـروحه الابيه
.
تگلي يافضه ادركيني
اسّـقط الظالم جنـيني
انظرلها امخضبه خضاب..
          ريته كاسر ضلعي الباب
.
ـــــــــــــــــ ❁ ❁ ❁ ـــــــــــــــــ
.
ما اوفـي لـو گضـيت اسنـيـني انعه
من نختني الزهره رادت مني فزعه
تحيـرت باب الزچـيه شـلون ارجعه
وبالصدر بسـماره نابت بيش اطلعه
.
لـــوردت الــزم اديـــها
تختنگ كل شهگه بيها
مانسيته ذاك الصواب…
         ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

أسنـدتها وظـمت العـبـره ابحـزنها
تمشي محـنية ظهـر مـذبوح ابنها
قنـفذ ابسـوطه غده يظرب متنها
من لطمته ويلي ظل ازرگ وجنها
.
عالترب ظل دمها مسفوح
بـويه بـويه گـامـت اتنوح
من حزنها ايشيب الشاب..
            ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

أظلمت شمس السمه برض المدينه
غمـضـت مـن الالم أمـنه الحـنـيـنه
بيها اسـمع كل عظـم ينعى ابونينه
چفي گامت تنچوي ابخد الحــزينه
.
بيها تسري كل الآلآم
وبدمعها نــار الخيام
گمت اشم ابخدها عطاب
         ريته كاسر ضلعي الباب

ـــــــــــــــــ ❁ ❁ ❁ ـــــــــــــــــ

ودعتني وگبري گالت رايـح ايضيع
وبمصيبة ضلعي تحــتار المواضيع
گلبي لبحـور الـدمه اصـبح ينابيــع
عمـري يافـضه بعـد ينعـد بســابيع
.
منـــها تــم ١٨ عــام
بالگبر مولاتي اتنام
تنحرم من الهوه الهاب
        ريته كاسر ضلعي الباب

ـــــــــــــــــ ❁ ❁ ❁ ــــــــــــــــ

تارك ابروحي الهظم ياشيعه نيشان
فاطــمه گـالت اريــدن اقـره قـــرآن
لوخفت صوتي يفضه مـوعدي حان
يعني للبـاري رحت اشكيله الاحزان
.
من خفت صوت الزچيه
ارتـفـع صـــوت المـنـيـه
ماتت الزهره بهالسباب
           ريته كاسر ضلعي الباب
.
.

حسن الموالي الفاطمي
.
.

.


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

عالمغتسل خليها والماي ديره اعليها تدري الضلع ماذيها
فاطمه فاطمه
*
يا علي ودع الزجيه وجهز الماي
لان من عصرت ضلعها تعبت اهواي
فاطمه روحي وحياتي وهيه دنياي
بلكي بويه اتفك جفنها وتحجي وياي

اتفاركني ما حسبالي فكلي الجفن يالغالي دمعي اليصب يجويها
فاطمه فاطمه
****
بطيحت المحسن يبويه دموعي طاحت
الزهره الحكيني يفضه اهوايه صاحت
انه مو بس راسي حته ارموشي شابت
فاطمه امي وما اصدك امي ماتت

فصل الجفن بالحيره والماي بيدك ديره وبعيونك انضر ليها
فاطمه فاطمه
*

راح من تلزم ضلعها اتشوف الاثار
نابت بصدري الزجيه تلكه بسمار
هجمو اعله الدار بويه وشبو النار
وثكل ذاك الباب كله اعله الضلع صار

بصوط اشكثر ضربوها والزهره ما راعوها كل حيل ماضل بيها
فاطمه فاطمه
***
يا علي ارحم دمعتي وفك جفنها
روحي ما شبعانه تدري اودع منها
بيت الاحزان البنيته مل حزنها
تبجي يا حيدر عليها لو لبنها

سلمان عاين حالك وبسك متت كلالك كل ما تحن تبجيها
فاطمه فاطمه
****




انه زينب والمصايب شيبتني
ليل اوداع الحبايب حيرتني
شو مشت عني الحنيه وفاركتني
شوغة المغرب يبويه عذبتني

بحجرتها صارت روحي كلي اشيطيب اجروحي احزاني شينسيها
فاطمه فاطمه
**
ليش اللنحبهم يدنيه بسرعه يمشون
نامو بنص المكابر ما يكعدون
اعزاز والله ومن بعدهم نصبر اشلون
راحو وضلت صورهم بين العيون

يا ناس يذبل عمره الدافن حبيبه بكبره هالكلمه اريد احجيها
فاطمه فاطمه
****
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


يا علي فـــاطمه
رحمه من السمه
ليش أمي تبتعد    ينكسر غصن الورد
⭕⭕⭕⭕⭕
آنه زينب يا علي وعشـــت ابغطاها
اغفـــه فــوگ ايديها واتنفــــس هواها
ڪــل صباح اعيوني افتحها ابضواها
ايلقــب امــــي ام ابــــوها جــــدي طه
هاذي ام الصبر
سـر ليالي القدر
ها يبسملة الحمد     ينكسر غصن الورد
⭕⭕⭕⭕⭕
هاذي چان المصطفى ايقبل اديها
روحه واخلاقه ورحمتة وعطره بيها
اشلـــون اجــو للباب دفعـــوها عليها
حــرگـــوا الدار ابحــقد نكــروا نبيها
بابهــــا الينــدفع
منها يهشم ضلع
اشلون تالي باللحد    ينكسر غصن الورد
⭕⭕⭕⭕⭕
 18 وردة 🌹 صبح امـــي عمرها
وينبت البســمار ياوسفـه ابصـــدرها
عاشــت ابروحي سـوالفها وصورها
امـي وابعــز الشـــباب ابنص گبرها
آه مــــــن الزمن
اشسوه بم الحسن
آ يويلي ابكل حقد    ينكسر غصن الورد
⭕⭕⭕⭕⭕
يم گبـــرها ياعلي ســـــويلي خيمه
مــــا أريد آنه احس روحـــي يتيمه
امي هـــاي ام الترافه اشگد رحيمه
راحت وخلـتني وحـــدي ياهضيمه
ابصدري چانت هوه
ابعيني امي الضــوه
وسفه ياراعي المجد  ينكسر غصن الورد
⭕⭕⭕⭕⭕
ياعلي امصلاية امي اعليــها اغفه
وابعبــايتـــها اضـل جســــمي الفه
اشگد حنــونه امي طيبه امي ترفه
لعنة الله اعله الظلمها وعينه صلفه
هاذي ام النبي
بالضلع تنسبي
چنت لا ما اعتقد     ينكسر غصن الورد
⭕⭕⭕⭕⭕
يمه يلي الشــــرف ماخذ من صفاتچ
انتي ام تسبيـــحة الزهـــره اشغلاتچ
صوتچ الله ايحب يسمعه في صلاتچ
انتي عالسجــــــــاده خلصتي حياتچ
الطاغي ما اصلفه
ينڪر المصـطفى
وابچفوف المستبد     ينكسر غصن الورد
💢💢💢💢💢💢💢💢💢💢💢💢💢💢
وليد المندلاوي
 

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

#اهوازيه
#الله_ايعين_ابو_الحسنين


.       الله ايعين ابو الحـسـنـيـن يوم الغسّل الزهره
        شاف الضلع شاف العين تنزف بالدمه وحمره

                          *---------------*---------------*

        تخفي الزهره عـن حيدر خـاف اتألمه هالحاله
        حملت عـصـره حملت نـار حملت دمعـه همّاله
        بت طـه النبي الـمـخـتـار ياهـو الـچـانـت أبآله
        بيهه ابحقد هيچي ايصير مـن الرجس وفعاله

                       ماتت بـالـجـفـن نـيـشـان
                       وما يدري عـظـيـم الشان

        حيدر دره بهذا اليـوم و مـا يـجـبـر بعد كسره

                          *---------------*---------------*

        يـوم الدره بهذا الصار غـسـلـهـه ابدمع عـيـنـه
        ليش ابيا ذنب ياناس عصروا زهـرة اسـنـيـنـه
        مثل ام الحسن وحسين اليفگد الله الـيـعـيـنـه
        بلكي ايخف على الـكـرار من يسمع بـواچـيـنـه

                       ماينحمل هيچي امصاب
                       ويحمله الـدحـاهـه الباب

        هايه اشگد چبيره اعليه زين وما نفذ صـبـره

                          *---------------*---------------*

        ينسه شلون داحي الباب ضلع الطاهره ويومه
        من يـنـحـب على الزهراء ماظن واحـد ايلومه
        أثر للسطره فوگ العين شاهد فارس الحـومـه
        هذا الحال حيل أذاه وظلت روحه مـلـچـومـه

                       للمـوت ويـظـل مـلـچـوم
                       ما يـنـسـه فعل هـالـگـوم

        حگه اتظل دمعته اتسيل ودوم امعاشر العَبره

                          *---------------*---------------*

        بـس الحزن خلت ليه اخـذت كـلـشـي ويـاهه
        هدت حيل ابو الحسنين يـوم البضعه شالاهه
        ام النبي وأم بـيـتـه ويـلـي اشـلـون يـنسـاهـه
        وي روحه اسمهه ايعيش وسط الگلب ذكراهه

                       ذكـره الـبـضـعـة المختار
                       ظل الـضـلـع والـبـسـمـار

        اشما تغمض علي عينه هشم الصدر يـتـذكـره

                          *---------------*---------------*

        شيّب مـن نظر كسره الچانت عنه تـخـفـيـهـه
        گوه ايكابر اعله الصار وحگـه الدمعه يجريهه
        لـ فاطم جرحه ظل ملچوم ماتت والأثـر بيهه
        هيچي انتهت ليله ويـوم عشره وحـزن تاليهه

                       إتـحـمّـل ألــــــم وجـروح
                       تـركت حـسـرتـه والـنـوح

        المنظر هذا هد حيله وبعده الحـزن يـنـتـظـره

                          *---------------*---------------*

        ابلون الدم بُقى مرسوم منظر فـاطمه ابروحه
        لو طال الـغـيـاب اعـلـيـه حيدر تكثر اجروحه
        من يرجع يشوف البيت ترجع حسرته ونـوحه
        حزنه بكل وكت للموت وألهه الدمعه مسموحه

                       امصابه يـشـيّـب الــراس
                       مـعـذور الـوصـي يا ناس

        اليدفن بيده اعـز ناسه ابحزنه الوادم اتـعـذره

                          *---------------*---------------*

✍️خادم فاطمة ع
الشاعر رعد الچريخي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


على طور (سدوا الماي ) للرادود حمزة الزغير
لاستشهاد فاطمة الزهراء عليها السلام

گصدوا  الدار الدار   ليش حرگوها
الدار بيها أم الحسن   حقد منهم لوثار
ليش حرگوها
★★★★★
جمعوا الوادم حطب  الوادم اشيردون
شنهي غايتهم
لكل امر لازم سبب  لمن أيطبون 
بيوت سادتهم
ياسبب هذا الوجب  بلحطب يلفون
الزهره شافتهم

ام حسن ليش الگوم  برهبه خلوها
الدفع باب وضرب  والجمع بيده الحطب
بدارها شبت نار    ليش حرگوها
★★★★★
والحقد هذا الحقد  بهلشكل موجود
شنهي اسبابه
ظالم يروح ويرد   ايهدد ابكل زود
كشر أنيابه
يحرگ الدار القصد  بالنوايا السود
حشم اصحابه

رحمة الباري شلون    ليش أذوها
حاربوا ليش الستر  ودار وجت كل كتر
بيها كل هذا الصار    ليش حرگوها
★★★★★
ظالم وطبعه الجفه   الرحمه موطبعه
بالغدر خبره
يرهب الزهره لفه   ما إله رجعه
من حزم أمره
نكر بنت المصطفى  عذب البضعه
الطاهره الزهره

يازمرة الاحقاد   تنوح عافوها
علضلع باب أنطبگ    وكل كتر بيها أحترگ
دار التشع انوار   ليش حرگوها
★★★★★
بگلبه مايملك أسف   المعدنه الخذلان
شلون بيه رحمه
الخافي اصبح منكشف   هجمت الغربان
تنشر الظلمه
ينهدم بيت الشرف  تقصد العدوان
وينجلي رسمه

ام الرحم گصد الگوم   مايرحموها
ابفدك حقها انحجب   وحق ابوحسين انسلب
دار بنت المختار     ليش حرگوها
★★★★★
ليل چن صار الصبح  من يمر بيها
هاذي حالتها
بعد ماطاب الجرح     عگب واليها
تشكي غربتها
بگوم ابد ماتنصلح    صفوا تاليها
اسباب  لوعتها

النكروا الهادي شلون   ماينكروها
ليش ظالم مارحم   بزمرته لمن هجم
ودار الوصي الكرار     ليش حرگوها

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


لاستشهاد  فاطمة الزهراء عليها السلام  على طور ( يقاروره) لباسم الكربلائي

يمظلومه       شكثر عانت 
شكثر منهم     ظلم شافت
ولاواحد رعاها   الزمن لمن جفاها
يمظلومه
★★★★★
ارعد على الزهره الزمن  جحفل لياليه ولفه
يلچم جرح بعد الجرح   لوجرح من عدها غفه
ماجاز عنها ولارحل    ماگال بنت المصطفى
لملم رعيد من الغدر   سجيل صار  وعاصفه
القهر عجل    على الزهره
سهم دمعه   وسهم جمره
ولاسهم الخطاها   الزمن لمن جفاها
★★★★★
اتبضَّع گلبها من الحزن  بضعة رسول الله وصفت
تودع جرح ويرد جرح   شگد الوديعه  اتعذبت
ذبلت نظر عين النبي   ياشمعة البيت الطفت
مات الفرح بيه وجفه  وعاش الحزن  يوم المشت
صفه حيدر    يودعها
بهظم ينظر   مواجعها
جفه الراحه ونساها    الزمن لمن جفاها
يمظلومه
★★★★★
املاك السمه وگفت حزن   لمن جره المدمع يصب
لامن رعايه  ولاحفظ     حال وصفه  حال  الغرب
جهلوا قدرها اهل الحقد    شلون الارض ماتنگلب
من بيت قرآن  أو وحي      ومهبط رسالات  وكتب
جمع ظالم   وگف ضدها
وبشر حاقد   سطر خدها
منع حگها ونهاها    الزمن لمن جفاها
يمظلومه
★★★★★
وبليل مظلم تندفن   حيدر ينفذ هلطلب
بهلطلب تحتج فاطمه   واعلنت علسلطة الغضب
فضحت دسايس كل عدو   كلمن نهب حگها وسلب
الكتبت  مظامين العلم   عليها الهظم ليش انكتب
على الزادوا    مواجعها
ارفظت واحد   يشيعها
عمد طفوا ضواها     الزمن لمن جفاها
يمظلومه
★★★★★
مهجة حبيب الله النبي      وسلوة وصيه المرتضى
عشرين  ماتم  العمر     حسره وهظم تالي گضه
بالمحن  وايام  الفتن   عمر الورد  وسفه  مضه
ياجفن ماغمض  ابد   بليل  ودمع  يچوي حضه
اسف حيدر     گضه عمره
حزن دايم      على الزهره
بدمع من دم  نعاها   الزمن لمن جفاها
يمظلومه

الشاعر حسن لعيبي الحريشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

قصيدة گعده للزهراء ع
.
.
.
.

غربيل الزچيه ايغربل الناس / ومايخطي بحسابه
وضح موقفك وين
لو ويه ام الحـسين
لو وي العـــصـــابه

***

عيش وتحرر بفكــرك وبـــحــث بحكـــمه ورويه
وبالك انتـــه فــي دماغـــك تبني عش للجاهليه
اتـــوكل ودقــق وحـــقق في خظم هـاي القضيه
واسئل العقـل الباطــني .. والفكــره منــا تنـــبني
اثمنطعش عام وتنحني .. ليش شمسويه الزچيه
 
باچر من رسول الله يحاچيك / شتحظر جوابه
جاوب هالكلمتين
لو ويه ام الحسين
لو وي العــصابه

***

رقــم مايقــبل القـسمه فاطــمه بظـــعة الـهــادي
حـدد وبــت ابــقرارك مـَن تـــوالـي ومــَن تعـادي
لو الاســود لو الابيــض مــاكو شـي اسمه رمادي
ولو طبــعت ويه الـــربع .. معــناتها كاسر ضـــلع
احـــذر وبالـــك تــنــدفع .. ولاتگـول الامر عادي
 
عادي شلون ومكسر ضلعها / تحچي ابيا صحابه
منهــو عندك الزين
لو ويه ام الحسين
لو وي الــعــصــابه

***

بــدد الظلمه بضــياء العقــل وبحــث بالــمـساند
ومــيـز الطرح النــظــيف بفكر واعــي ولاتعــاند
الدنيه سبحه الخرز بيها اهواي وشويه الشواهد
مــليار مــسـلم بالاسم .. مـــليار بس ماتفـــتهم
زرعو زرع بــس للعــلم .. كــل زرعها طلع فاسد
 
اليترضه على قاتل الزهراء / بشماله كتابه
هاي الدنيـه يومين
لو ويه ام الحسين
لو وي الــعــصــابه
***
اعرف الحق تعرف اهـــله بهالامر خلــيك واعي
وصيــر ملاچ ابصفاتك مــاتلــوگ اعليــك راعي
لاتلــمــع صــور وادم قـــذره صـدگ مــاله داعي
الكسرو ضلع من فاطمه .. چفهم جريمه اتسالمه
باچـــر ابيــوم الخـاتمه  ..  ماتفـيدك اي مساعي
 
حيدر عالسراط ايعاتبك غاد / وشتجاوب عتابه
تلعـب على الحبلين
لو ويـه ام الحسين
لو وي العـــصـــابه

***

لاتشكك بالقضيه وســـالفة كســـرة ضلـعها
من يغــث الزهره فكرك تزعل وينزل دمعها
فاطمه بيا حال هيه والله لو تدري بوضعها
بسمار نابـت بالـصدر .. والظلع منها منكسر
للنفس بالگــوه تجـر .. والنفس زاد بوجعها
 
مكسور الظلع يتنفس اشلون / منهو ايحس عذابه
من تشهگ شهگتين
لو ويه ام الحــسين
لو وي العــــصـــابه
***
حيدر تركي الكربلائي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

على طور (سدوا الماي ) للرادود حمزة الزغير
لاستشهاد فاطمة الزهراء عليها السلام

گصدوا  الدار الدار   ليش حرگوها
الدار بيها أم الحسن   حقد منهم لوثار
ليش حرگوها
★★★★★
جمعوا الوادم حطب  الوادم اشيردون
شنهي غايتهم
لكل امر لازم سبب  لمن أيطبون 
بيوت سادتهم
ياسبب هذا الوجب  بلحطب يلفون
الزهره شافتهم

ام حسن ليش الگوم  برهبه خلوها
الدفع باب وضرب  والجمع بيده الحطب
بدارها شبت نار    ليش حرگوها
★★★★★
والحقد هذا الحقد  بهلشكل موجود
شنهي اسبابه
ظالم يروح ويرد   ايهدد ابكل زود
كشر أنيابه
يحرگ الدار القصد  بالنوايا السود
حشم اصحابه

رحمة الباري شلون    ليش أذوها
حاربوا ليش الستر  ودار وجت كل كتر
بيها كل هذا الصار    ليش حرگوها
★★★★★
ظالم وطبعه الجفه   الرحمه موطبعه
بالغدر خبره
يرهب الزهره لفه   ما إله رجعه
من حزم أمره
نكر بنت المصطفى  عذب البضعه
الطاهره الزهره

يازمرة الاحقاد   تنوح عافوها
علضلع باب أنطبگ    وكل كتر بيها أحترگ
دار التشع انوار   ليش حرگوها
★★★★★
بگلبه مايملك أسف   المعدنه الخذلان
شلون بيه رحمه
الخافي اصبح منكشف   هجمت الغربان
تنشر الظلمه
ينهدم بيت الشرف  تقصد العدوان
وينجلي رسمه

ام الرحم گصد الگوم   مايرحموها
ابفدك حقها انحجب   وحق ابوحسين انسلب
دار بنت المختار     ليش حرگوها
★★★★★
ليل چن صار الصبح  من يمر بيها
هاذي حالتها
بعد ماطاب الجرح     عگب واليها
تشكي غربتها
بگوم ابد ماتنصلح    صفوا تاليها
اسباب  لوعتها

النكروا الهادي شلون   ماينكروها
ليش ظالم مارحم   بزمرته لمن هجم
ودار الوصي الكرار     ليش حرگوها

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

لاستشهاد فاطمة الزهراء عليها السلام

يوم الزهره. ويوم العاشر  اصعب يومين
بين السطره. وبين الحافر اصعب يومين
اهناك المحسن مطروح. وعبدالله هنا مذبوح
           اصعب يومين
★★★★★
هذا حال الطاهره الحره الزچيه
الدارها من كل كتر تلفي المنيه
نشطر نصين الگلب نوح ورزيه
التمن احزان الوكت كلهن سويه

بيوم الرهبه   ويوم الغربه مهدوم الحيل
مابيه رحمه.  ليل الظلمه . آه من الليل
اهناه نوح وآلام.   وهناه محروگه اخيام
                اصعب يومين
★★★★★

وزينب تشوف  الهواشم علترايب
حسين بين الگوم وسهام النوايب
ضل وحيد وعنه صار الگمر غايب
نهب لسيوف العده   كل الحبايب

انوار العتره.  فوگ الغبره. صاروا ياحيف
ولاكافلها. .  اليفزع الها. امگطع بالسيف
هناك الضلع المكسور.  وهنا راس المنحور
           اصعب يومين
★★★★★
الموخليفه شلون يتسمه خليفه
المنهجه مصنوع من يوم السقيفه
كشرت انيابها وجوه الاليفه
فرضوا الاحكام بالحجة الضعيفه

اطباع الصلفه.    لاموصدفه   ولاهذا الراي
الناتج ظاهر.     طف وعاشر. وي منع الماي
يوم الباب المحروگ. ويوم الراحت علنوگ
                اصعب يومين
★★★★★
للجريمه اهواي ابعاد واسامي
يا امامي الحجه تعلم ياامامي
الزهره مهظومه گضت وحسين ضامي
ومثل محسن علترب  عبد الله  دامي

من اهل البدعه  واهل الخدعه  شافوا اهوال
هاي الزمره.    نفس الفكره   ونفس الاحوال
يوم الهم  واللوعات.  ويوم الشر  والويلات
                اصعب يومين

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA