#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


دافن اعز ناســـي
گوه الفظ انفاسي
بس للعزه ظل بيتي خالي
يوميــــه دافن بيدي غالي
ــــــــــــــــــــ
انا اول انســـــــــان انظلم
وفجعوني بأغله احبـــــابي
قالع حصن خيبـــــــر لچن
حيلي انهدم يم بابـــــــــي
فارگت ابن عمي النبــــــي
وظهري انحنه امن امصابي
بس عندي چف ام الحســن
بلســــــــــم يداوي اصوابي

من هجمو اعليّه
وگفت درع ليـّــه
اگربلي جانت من خيالي
يوميه دافن بيــدي غالي
ــــــــــــــــــــ
بيدي ادفنت اول سند
بگبره النبـــــــي واريته
وگتله يذخري وملجئي
المن علي خليتــــــــــــه
والزهره الي ثاني سنــد
ليها اشتكي العانيتـــــــه
من هجمو اعليــها العده
عَلمي فگد ســـــــــاريته

طاحت تون سكته
اتگلي المهم انتـــه
وامدوهن اعله الزهره بالي
يوميه دافن بيــــــدي غالي
ــــــــــــــــــــ ــــــــــــــــــــ
من زهرتي كســـــرو ضلع
وظهر وگلب كســـــــرولي
اعله اولادي ابجي اتيتّمو
واتغرّبِت يبچـــــــــــــــولي
عين امنه ليش اتصب دمه
ذبحوني من گالــــــــــولي
المحسن عليه من ناشدو
طحت وصحت تچّولــــي

عدله امهم وغربه
من تنفگد صعبــه
حگي انتحب واونيني عالي
يوميه دافن بيـــــــدي غالي
ــــــــــــــــــــ ــــــــــــــــــــ
انا اللي من شاف الضلع
حد موته حمره اعيــونه
واليندل ادروب الســـمه
بولده انتخـــــــه يدلونه
والمثلي خِلانه اشكثــــر
مو وحّــــــــــــده يخلونه
والبيــــــده يدفن فاطمه
لحّـــــد يگله شلونــــــــه

اوياها ادفنت روحي
ماتت دوه اجروحـي
خلتني حال ايتامي حالي
يوميه دافن بيــــدي غالي
ــــــــــــــــــــ ــــــــــــــــــــ
لو مااولادي الدار ابــــد
لا اچهب الــــهه او لا رِد
يم گبر فاطمتـــــي اون
اگضي العمر ون فاگــــد
اعيون التنسيني التعب
بس نظره منهن رايـــــد
مدفونـــــه وبزينب تهِم
لا والـــــــده ولا والـــــد

شگد روحي تهظمها
زينب تريـــــــد امها
الحالي العدو من صد بجالي
يوميه دافن بيـــــــدي غالي
ــــــــــــــــــــ ــــــــــــــــــــ

علي محسن الزيادي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

شهادة الزهراء ع. ميمر

من فاطمه كل الخير. خدمتها اعظم نعمه


شكراً يربي على النعمه الكبره
الخيمه الجبيره ام الحسين الزهره
بخدمتها هنياله اليخلص عمره
يمها قبول الاعمال. وللخدم باب الرحمه

……….

يل خادم بحبل الز چيه تمسك
باجر جهنم بالحشر متمسك
يوم القيامه الخدمه هيه تحرسك
والترضه عنه الزهراء. هذا ابن ابوه وامه

…………

عالصدر خليلك علامه تفيدك
تتبره منك كلها حتى وليدك
باچر عليك هواي تشهد ايدك بس فاطمه ما تنساك. لو الك ساعة خدمه

………..

علمهه روحك عالمجالس هايه
وحضر بدمعك وين ماكو قرايه
هاي الليالي الفاطميه الغايه

بدرب العزه جدمك كون. رايح وراد تعلمه

………..

ياصاح دنيانه بعجل مكضيه
اتوكل على الله واعقد الها النيه يشهدلك المنبر والحسينيه

ومحسوبه كل الانفاس. تنور الكبر لو ظلمه

…………

يفلان يبن فلان باچر منكر
يسألك كضيت العمر بيش اتحضر
كله اني خادم فاطمه والمنبر

والزهره من تسمع بيك. تحضرلك ومتحزمه

…………

أرجع الزهره بالختام اشكرهه
والله يلعن من كسر خاطرهه
مسجل الخادم بالسجل ناصرهه

لايبرد ولا يحتار. وللخدمه شد الهمه

…………

نسألكم الدعاء
حسين صادق العقابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


شهادة الزهراء ع (نزال)

يافاطمه. عالم الخدمه
يافاطمه. نعمة النعمه

…………

خدمتج مولاتي والله. تسري وي الدم
وكلبي بالشريان الابهر. فاطمه تحزم
وانه طفل ازغير احضر. بالعزه ومهتم
جان ابوي يكود اديه. ونحضر المأتم

ما رايد من دنيتي. لحد يوم المنيه
بس حاجه ومديت الج. بالدمعات اديه
كفليني يافاطمه وارضي انتي عليه

يافاطمه. خدمتج رحمه
يافاطمه. نعمة النعمه
......................

ياامان الدنيا كلها.. وعالخدم خيمه
ومنبرج سواني زلمه. الله اليديمه
كبل جانت روحي صحره. وشافتج غيمه
ورتوه كلبي بخدمتج. مرجله وشيمه

اسمج مثل البسمله. مطبوع بلساني
بكل شده اذا طحت. گلبج مانساني
دربج ماعوفه قسم. بالسبع المثاني

يافاطمه. منج الهمه
يافاطمه. نعمة النعمه

........................

عله المنبر يالزجيه . انتي سالفتي
وبالليالي الفاطميه. حسن عاقبتي
وين مااسمع عزيه. احضر بهمتي
التارس اجفوفي يزهره. والله بس انتي

هوسه الدنيا والعمر. ركضه وماكو راحه
ومرات أشعر بالكلب. يحتاج استراحه
بذكرج الكه راحتي. ياام السماحه

يافاطمه. مو فقط كلمه
يافاطمه. نعمة النعمه
.......................

فاطمه الف انعم الله من دعيتيني
وحضر بهذا العزاء ودمعتي بعيني
مانسيتج اني وادري مانسيتيني
ووين ماتردين اخدم انتي وديني

تغرني الدنيا مرات. تفتحلي اديهه
واسمع صوتج يصيح. لاتسمع حجيهه
والسالفه الي ترضيج. والله انه أرضه بيهه

يافاطمه. روحي متحزمه
يافاطمه. نعمة النعمه
............. ............

بلاجمال الدنيه وانتي خدمتج حلوه
وانه لوما انتي والله كلشي مااسوه
الله بسمج قبل توبة ادم وحوه
واشرقت شمس الله منج والكمر ضوه

بسمج ترتوي الروح يانبع الكرامه
مشكوره يزهراء يارزق الخدامه
ماعوف العزائات واليوم القيامه

يافاطمه. كلمه من زلمه
يافاطمه. نعمة النعمه

…………..

حسين صادق العقابي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

شهادة الزهراء ع

ينكسر كلبي اويه الغروب
بيني مابين الله متعوب
فاطمه راحت حرامات
وابتده شلعان الكلوب
.....................

الليله مذبوحه البرائه. ومختلف نبض الگلب
الليله اول مره حيدر. طايح بموقف صعب
ابيتي كاعد وحس روحي. كاعد بديرة غرب
راحت الكوه الله حيلك. والهلا بداري امن اطب

اني فاكد ام الحسين
وحكهه دم لوتهمل العين
بعد مانتلاكه هيهات
وماترد الدمعه ميتين
........................


وسدتهه رحمة الله. بوسط تابوت الحزن
ثكل كل الدنيه احسن. مونعش فوك المتن
وبيدي شيعت الشهيده. الماتت بكلمة وان
ام ضلع مكسور راحت. وأثر سطره اعله الجفن

هاي اخر مغربيه
وبيتي ضل بلا زجيه
بعيده بالموت المسافات
بحلم ريت تمر عليه
.......................

ابجي وارجع ابجي واسكت. وارجع ابجي ومنكسر
واصبر الحد مايملني. من كثر صبري الصبر
الله يدري اعله الزجيه. بگلبي الجروح شكثر
وكبل لاادفنهه اني.. تمددت وسط الكبر

اتاكدت واسع كبرهه
حته لايلجم كسرهه
عايش بهاي المعانات
الحسره البكلبي شكبرهه
........................

عالكبر كون ابني خيمه.. واسهر الليل بدمع
واقره ايات الموده. واعلك بصفهه الشمع
شكد حجيت وياهه. لاكن صوتهه ولا ينسمع
وعالكبر اغفه بدمعتي. بضيم كلبي المنفجع

امنيات بكلب مكسور
واعله كلشي الصار مجبور
بكلبي من الضيم اهات
وصارو احبابي بالكبور
..........................

من كثر ماتعبتني. الفركه وبكد ما اهم
نمت يم الكبر لحضه. وشفت فاطم بالحلم
كالت ارجع علي لزينب. فزت اتشم بالهدم
وهيه متعوده اعله حضني. شلون تتحمل يتم

وضلت الحسره والجروح
ويم كبرهه عايف الروح
وبقت حسرات اعله حسرات
واشتياق وعمر مذبوح

……….

نسألكم الدعاء
حسين صادق العقابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
قصيده ..گعديه.. 
لشهادة الزهراء..  ع
بلسان السيدة زينب
.
هاذي حالت أمي ياناس
تختنگ ابشهگ الانفاس
راح اختصر وضعها..
          ينزف دمه دمعها
امي الحنونه

ـــــــــــــــــ ❁ ❁ ❁ ـــــــــــــــــ

كل فجر لوطر علينه
       الشمس يظلم ظواهه
لأن أمي ابخدها لطمه
          والهظم ولّيه ولاهه
عالوجه دمعتها تنعى
        أمي والونّه ابدماهه
چن 100 موش 18
عمر أمي وتنام ابنعش
غصن الورد دمه انفرش..
            بلسم وضايع دواهه
.
ويه كل شهگات الدموع
نستمع صرخات الضلوع
من انكسر ضلعها..
ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

هايشيعه  آنه زينب
         خدي  من  الدمعه  شابع
فتحت عيني اعله حزني
              وبهظم جرحي اتابع
ياخلگ خد أمي شفته
           بي طبع خمسة اصابع
.
شـــــوغة المها تنســمع
من تسجد أيطگ الضلع
نزف الدمه من ينجمع .
        .يطفح ابخدها منابع
.
ياألـم ياعبـــــــره يانــــوح
كل نفس من عدها مجروح
گصده الذي صفعها ..
ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

آنه كل هظمي وجروحي
                 تبدي وي أمي الزچيه
بالحزن اسمعها تهمس
                توصي حماي الحميه
ياعلي محسن ادفنه
             وخفي گبره ابهالمسيه
.
راح ابني بيت الدمعتي
اذرف جروحي وعبرتي
من گبره تبدي غربتي..
         حد ما يحل يوم المنيه
.
أمي شوصف منها ياحال
كل مصيبه اتهد الاجبال
فگد الولد فجعها
ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

نامت أعيون الحياره
                وآنه فزت نايباتي
أمي گالت يُمه زينب
        هالفجر تخلص حياتي
حسين ما أگدر أشمه
     حضنه صارمن امنياتي

بلطف اذا حل الخطر
يايمه شمـــيلي النحر
لوحافر ابصدره استقر
      يبدي سبيچ وي بناتي
.
يُمه تطفى جمرة البين
من اقبل صدر الحسين
كسر الضلع منعها
ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

يُمه من چتفوا كفيلي
           وآنه يم بابي صريعه
عيني نظرت عد كفيلچ
      چن هوا بجرف الشريعه
يفگد حسين ابطفوفه شبله
             وانصاره ورضيعه
.
يبدي السبي بالعايله
تنشد اديچ ابسنسله
انتي وعليل ابكربله..
        ويذبل الورد ابربيعه
.
من كفيلچ قبلي الچفوف
بالولاده ويوم الطفوف
لچفوفه اولگطعها
ينزف دمه دمعها
أمي الحنونه

ـــــــــــــــــ ❁ ❁ ❁ ـــــــــــــــــ

يالعقيله لا يهمچ هظمي
                     ودموع احتظاري
ينولد من ولدي قائم
             ينهض وياخذلي ثاري
شمايطول ابغيابه
               لابد ايرد الدياري
.
يحيي الشرائع والسنن
يگطع لسن اهل الفتن
والي نطق كلمة وأن .
   . أيصلبه ويطفيلي ناري
.
هذا حال امي وأمرها
هم تتاني منتظرها
غايب لچن سمعها
ينزف دمه دمعها
أمي الحنونه
.
.
نسألكم الدعاء
.
حسن الموالي الفاطمي
.


.



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

#نعمة #المجالس
.
.......بحر طويل.........
.
.

الف شكراً يربي اعله  المجالس
ظلت عالـزمن أعظـم  مـدارس
بالسر چنّه نحييها
والزهـره نواسيها
.......من هاي المجالس....
.
.ـــــــــــــــــ ❁ ❁ ❁ ـــــــــــــــــ
.
قبل   2003       
         هاي الخدمه ممنوعه
على امتون الخدم چانت
       سياط السلطه مطبوعه
همس كلمتنه نلفظها.
       علينه اسيوف مرفوعه
حكمنه عد بني سفيان.
          عشنه بعبره وبلوعه

.
على باب الخدامه نخلي ناطور
خافن تدري بينه زمرة الجور
.
بهيده الدمعه نجريها
والزهره نواسيها
من هاي الجالس.
.
.ـــــــــــــــــ ❁ ❁ ❁ ـــــــــــــــــ
.
گبل چانت مجالسنه
    باب اعله الخدم مسدود
منبر چان ماعدنه.
.     كرسي ويصعد الرادود
جهاز الناعي حنجرته .
      چان بصوته كله ايجود
قصايد كلها مسموعه
        .نقراها اونرد اردود 
.
طعم الها الخدامه بذيچ الايام
نساهر للصبح مانغفى وأنّام
.
نحفظها  ابلياليها
والزهره نواسيها
من. هاي المجالس
.
.ـــــــــــــــــ ❁ ❁ ❁ ـــــــــــــــــ
.
قصه وكان ياماكان
حلم بي عشنه جيل بجيل
ترد تطلع مواكبنه
     برايه ومشعل وزنجيل
وكون بكل فجر عاشور
     . نطبّر والدماء اتسيل
يربي أهلك الظالم
     ذاك البلخدامه ايعيل
.
دعينه وابتهلنه بدمعة العين
يربي اهلك عدونه الحارب احسين
.
هاي الخدمه علّيها ....
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

بعد      2003    .
             اللّه اهلك الظلام
ركضنه للحسين اركاض
          نقبل منحره والهام
اذا نخلص له بالخدمه
   من جسمه نطلع اسهام
وذا  نيتنه مو وياه
       نرد ونسلب الأيتام
.
عليكم لاتزعلون الشعائر
اخافن يوم أمس يرجعلي باجر
.
خدمتنه ونهم بيها
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

المجالس هايه بيت الله.
          بيها من النبي نظره
يحظرها علي الكرار
       وتخصها البضعه بالعبره
اول مجلس اتأسس
          چان بساعة السطره
قصيده من دموع حسين
         قرتها الحره عالزهره
.
قوافي الغاضريه بيوم المصاب
نعت ضلع الزچيه بعصرة الباب
.
هاي القصه نرويها
والزهره نواسيها
من هاي المجالس
.
.ـــــــــــــــــ ❁ ❁ ❁ ـــــــــــــــــ
.

شعائرنه كرامتنه 
       ودولاب الزمان ايدور
اذا زعلت علينه ايجوز
      ترد تحكمنه اهل الجور
خل نخدمها إيد بإيد
    سوه چن حمزه والمنظور
سفر نكتبها للاجيال .
… . آيه من حروف النور
.
مجالس والله خصها بالكرامات
الخدمها يظل ثوابه حتى لو مات
.
عشنه كل مآسيها
والزهره نواسيها
من هاي المجالس
.
.
حسن الموالي الفاطمي


.


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


الله يعين گلبه الگابل امه
مكسورة ظلع مهظومه يمه
نظــرات علـى امـهم اه وشـلون
وكلمن ظام دمعه بطرف الاعيون
ــــــــــــــــــــــــــــــــــــــ
سكتو كلهـم وظل الگلب ملچوم
ومن اتگٕوم امة حسين چان يگوم
الله يعين گلبه اشگد يظل مهظوم
التون يم أذنه امه من الوجع كل يوم

المصيوبه أمة گربه ايشوف صعبه
وساكــت لچـن يـنزف چـان گلبه
ومن حرگت الدار اتغير الون
ــــــــــــــــــــــــــــــــــــــ
امه الألم بيهه وهوه بيهه ادره
مـن تتنفس امه يخـتنگ صدره
الحسن يوجعني گال اليوجع الزهره
ويريت ابدال امي ظلوعي متكسره

ذبل ذاك الــدلال وذيـچ الاحـظان
وعلى دمعه وحزن ملتمه الاخوان
صوت امهم سكت حيره شيگولون
ــــــــــــــــــــــــــــــــــــــ
زينب تگظي يمهه الوكـت بالمدمع
على شـوغات امهه الگـلب يتگطع
اتروحلهه من تدعي وتوصل وترجع
ابچف واحد تشوف الزهره من ترفع

ابچف ترفع وچـف تلزم كسرهه
بتهه اتشوفهه اشيبقى ابصبرهه
تدعي الزهره چانت على الملعون
ــــــــــــــــــــــــــــــــــــــ
وام كلثـوم يمهه والـدمـع ينـهل
كلما جاي حيل الزهره ظل يذبل
صفت مثل الخيال ابكثر ما تنحل
شلونچ يمه هسه ابكل صبح تسئل

على كيفچ ويه روحچ نشفي الادموع
ويبعد ظلوعي يـمه شلـون الاظـلوع
يعصرون الگلب لمن ينشدون
ــــــــــــــــــــــــــــــــــــــ
يطب بيته علي واهمومه حانيته
ومحـنيه وعـليله يـلگه ام بيــته
بيته اظلم الچـان الزهره ظاويته
وام الملگه ساكـت صـوت حنيته

ذبل حيل وسكت صوت المحنه
ويدري وتظم چـان الصطره عنه
ومن اتگول يمه اليمهه يبچون
ــــــــــــــــــــــــــــــــــــــ
والـينگط محـنه يشـاهد اگباله
ابعبره وخنگه صاير ملگه لعايله
ظـهره ينكـسر كـلما يـجي اباله
صطرت فاطمه ومحسن وچتاله

خلص ذاك الوداع وغمظت العين
وكـله اتصـيح گبلچ كـون ميـتين
بفرد صوت على امهم ظل يصيحون

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


لو وكت الحرب حان يطلع للحرب جان بس حيدر
****
برز مرحب والعصابه وره الصخره لبدت
محمد ناده وذنهم ولا جنها سمعت
طلع بس حيدر يقاتل واله الحومه شهدت
شطر مرحب والكتايب علي امن اسمه رجفت

والنبي شال ايده وكله تسلم ايدك
علي الله يريدك والإسلام يريدك
انته ليث الحومه والحرايب عيدك

حاجيني الربع وين من طب ليها ابو حسين وتبختر
لو وكت الحرب حان يطلع للحرب جان بس حيدر
****
صدگ ساحرني بجماله. ومو بيدي احبه
گمر وعيونه قصيده. وبحساسي اكتبه
انه بتصنيف المشاعر خذت اعلى رتبه
علي بالضيج امن اطيحن. بس هوه اندبه


انه عاشگ واحد. بالنجف تدروني
ماكو مثل احساسه. واغله من عيوني
بقصتي شعليكم. وي علي خلوني

مشغول بغرامه. ومالكني هيامه وتصدر
لو وكت الحرب حان. يطلع للحرب جان. بس حيدر
***
دخيل الله الدرع الاصفر علي من يلبسه
علي خيال المنيه الحرب عنده ونسه
هله بتربات ابو طالب فده الهادي نفسه
علي المفروض المدراس كتبها تدرسه

علي انته القائد ورايتك منشوره
والأسد يتباها اوياك ماخذ صوره
بيك كل الشيعه يا علي منصوره

بجفك كلشي يندار كرار ليسه فرار يا قصور
لو وكت الحرب حان يطلع للحرب جان بس حيدر
*
زلم صارت عالزجيه الما عدها عركه
اذن لو منطيه محمد حلكهم يفركه
جبل ثابت والمضارب ابد ما تحركه
علي من زغره المنيه امشاركها شركه

حرگ بابه العمره سيفه ابد ميلوحه
والنبي لو صاحه اتموع جانت روحه
بس علي يعرفونه غيرته مملوحه

استاذيه بحرگ بوب ما دخلو للحروب وتصور
لو وكت الحرب حان يطلع للحرب جان بس حيدر
**
علي ومن ادخل ضريحه كل شده تنحل
علي اشما عديته رابع علي يبقه الاول
علي مضهر للعجايب. والعافه ينذل
علي بالسيف اشحلاته ومن يهجم اجمل

وانه نبضي وكلبي بس علي محتله
يجلي كل همومي. حيدر امن ادخله
وعلي حته الاعمه. بالنجف يندله

اوكف يم علي وصيح خلي دموعك اطيح وتأثر
لو وكت الحرب حان يطلع للحرب جان بس حيدر
*
الك يا تاج الزعامه تلوگ القيادة
رعب ترعبهم خزرتك يرمز السياده
قسم مولاي امن اشوفك احس بالسعاده
غشيم اهواي اليضنها. تموت الإرادة

من تأشر بيدك كلهم يهابونك
نرجسيه عيونك واشحلات عيونك
انته فخر الشيعه يا علي ايسمونك

قاهر كل الأحزاب جفك قالع الباب والعسكر
لو وكت الحرب حان يطلع للحرب جان بس حيدر
*
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


لسان حال الامام علي ع
يقول لسلمان المحمدي

الضَّيع زهـرة اسنينه يسل من
تعــال وشـوف حـالتنا يسلمان
علي بلافاطمه حتمـاً يسل من
السهر ومرادف الونه الخفيه

عقيل حسين الگرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


ابوذيات للزهراء (ع)




١
مجلس بي ذكر للزهره عقده
وحبلك وي ابوها وعلي عقده
الثاني بگلبه چانت الف عقده
لذلك غصب حق من الزچيه

٢

حضر للدار شب ناره ورثها
وحرمها الزهره من حقها ورثها
شلون انعاها انه اگدر ورثها
واحس طايح محمد عالوطيه
٣

ابوذيه الزهراء تقول لسلمان المحمدي



ضلوعي من العصر ما أضن سلمان
ضلوعي عالعرش من طحت سلمان
ضلوعي اتهشمن ياعمي سلمان
ومحسن طيحوه فوگ الوطيه



وحك من انزل الآيه عصرها
بعد فكد النبي اظلم عصرها
اجاها الثاني مايرحم عصرها
وطاحت فاطمه فوك الوطيه



يگلبي بحزن روحك دوم ضلعين
ولا ترمش بمجلس أبد ضلعين
من عصروا الزهره انكسر ضلعين
ضلع حيدر وفاطمة الزچيه



لاتنسون والدي ووالدتي وابني عباس من الرحمه والغفران
خادمكم رياض الرسل الجابري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


(ابوذيات)
تقول الزهراء ع

بـعـد مـاغـاب نـور الـنـبي. وجـهــا
نــار ابــاب بـنــتـه الـيـوم. وجـهــا
وسهم حقد ال اميه عليه. وجـهــا
ومـحـسـن قـدمـت اول ضـحـيـه

🔸▪🔸▪🔸▪🔸

تقول زينب ع بعد استشهاد امها الزهراء ع

عـگـبج مـاحـلت عـيشـه. ولاذات
السـطرهـا غـيره ماعنده. ولاذات
رادت مـــنـــه تـتـســـتــر. ولاذات
عـصـرهــا ومـارحـم حـرمـة نـبـيـه

✏ عقيل حسين الگـرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ



قصيد لسيدتي ومولاتي فاطمه الزهراء. ع
👇
السيده زينب ع. تستقبل والدها بعد رجوعه
من دفن امها الزهراء. ع. واويلاه
▪▪▪▪▪▪▪▪▪

بـويـه الله يعـيـنـك بهـاي المـسـيه
مـن رجعـت ودافن الزهـره الزجيه

رديت دمعك دمـه. وتصيح يافـاطمه

◾◾◾◾◾◾◾◾◾◾◾◾
1. السيده زينب. ع
هـايبويه البگـه براسـك منحني اتجر حسره
لاتـگـول احـنـه يـتـامـه بـعـد امـنـه الـزهـره
مـو يتيم الـعـنده مـثلـك ابـو الـكـل الـفـقـره
صـعـبه وادريهـا يبويه الفـرگه مـثل الجـمره

تـســعــر بـگـلــبـي وكــابـر والـدمــع نـار
مـن اذكر بضلع امي نابت شفت بـسـمـار

تنادي يحـامـي الحمـه وتصـيح يافـاطـمـه

◾◾◾◾◾◾◾◾◾◾◾◾
2. الامـام علي. ع
اي يبويه الزهره راحـت والهـا يكثر نوحـي
الوديعه اني ادفنتها وجيت اجـر بجـروحي
ضاگـت الدنياعـليه واحـس طـلعت روحـي
حـالي من بعد الزجـيه عـالمصـايب يوحـي

وانـي ادفـن واذكـر لـجـدج وصـيـه
هـاي امانه وگـلي تحـفظهـا الزجـيه

بيدي الخـدر سـلمـه وتصـيح يافـاطـمـه

◾◾◾◾◾◾◾◾◾◾◾◾
3. السيده زينب ع
من وصـاياهـا الحـنينه تگـلي زينب صـبرج
بنيتي من بعدي مصـايب يمه تكسر ضهرج
صـيـري بالـمـوقـف قـويه الله يعـلـم قـدرج
بـس وصـيه كـررتهـا تـگـلـي خـدرج خـدرج

تگـلي سـهله يمـه هـايه عصـرت الباب
گـبالج اتشـوفين صرعه اغلى الاحباب

بين الـنهـر والضـمـه وتصـيح يافـاطـمـه

◾◾◾◾◾◾◾◾◾◾◾◾
4. الامـام علي. ع
كـافي دمعـاتج يزينب صبري هذا اول سهم
ينـطـلـق مـن السـقـيفه ويـزرع بگـلـبـج الـم
تكـبر وياج المصايب توصـل الراعـي العـلـم
من يضحـيلج جـفوفه لجـل خدرج والحـرم

الـحـرگ بـاب الـزجـيه يـحـرگ خـيـام
والذبح محسن يجـيلـج شـايل سـهـام

بـغـضـن الـي لورمـه وتـصـيح يافـاطـمـه

◾◾◾◾◾◾◾◾◾◾◾◾
5. زينب. ع
امـي وصـتني وصـيه لـوگـرب يوم الخـطـر
بصدره شميلي الحسين ويمه بوسي بالنحر
وبالحجي گام اتهضم والدموع اتصب قـهـر
صعدي عالتلـه يزينب عـينج الصـوب النهـر

شـوفـي شنهـو اعله الشريعه يمه يجره
شلون الحسين اعله اخيه انكسر ضهره

وراسـه رفعـه وكـلمه وتصـيح يافـاطـمـه

◾◾◾◾◾◾◾◾◾◾◾◾
6. الامـام علي. ع
تبقى بويه اخـر مصـيبه تمر عليجن بالسبي
تـمـشـن ابـلايه كـفـالـه السـاتـر الله والـعـبي
بس تضـلـين العـقـيلـه بالـضـعـن هـيـبه نبي
تسـجـلين اعظـم بطـوله يافخـر كل طـالبي

مـفـخـره بنت الزجـيه واخت الابطال
موقـف اترسـمين يوذكـر مر الاجـيال

عطشـتي نهـر بضمه وتصـيح يافـاطـمه

◾◾◾◾◾◾◾◾◾◾◾◾
تمت بعون الله تعالى


عـقـيل حسـين الگـرعـاوي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


قصيد لسيدتي ومولاتي فاطمه الزهراء. ع
👇
السيده زينب ع. تستقبل والدها بعد رجوعه
من دفن امها الزهراء. ع. واويلاه
▪▪▪▪▪▪▪▪▪

بـويـه الله يعـيـنـك بهـاي المـسـيه
مـن رجعـت ودافن الزهـره الزجيه

رديت دمعك دمـه. وتصيح يافـاطمه

◾◾◾◾◾◾◾◾◾◾◾◾
1. السيده زينب. ع
هـايبويه البگـه براسـك منحني اتجر حسره
لاتـگـول احـنـه يـتـامـه بـعـد امـنـه الـزهـره
مـو يتيم الـعـنده مـثلـك ابـو الـكـل الـفـقـره
صـعـبه وادريهـا يبويه الفـرگه مـثل الجـمره

تـســعــر بـگـلــبـي وكــابـر والـدمــع نـار
مـن اذكر بضلع امي نابت شفت بـسـمـار

تنادي يحـامـي الحمـه وتصـيح يافـاطـمـه

◾◾◾◾◾◾◾◾◾◾◾◾
2. الامـام علي. ع
اي يبويه الزهره راحـت والهـا يكثر نوحـي
الوديعه اني ادفنتها وجيت اجـر بجـروحي
ضاگـت الدنياعـليه واحـس طـلعت روحـي
حـالي من بعد الزجـيه عـالمصـايب يوحـي

وانـي ادفـن واذكـر لـجـدج وصـيـه
هـاي امانه وگـلي تحـفظهـا الزجـيه

بيدي الخـدر سـلمـه وتصـيح يافـاطـمـه

◾◾◾◾◾◾◾◾◾◾◾◾
3. السيده زينب ع
من وصـاياهـا الحـنينه تگـلي زينب صـبرج
بنيتي من بعدي مصـايب يمه تكسر ضهرج
صـيـري بالـمـوقـف قـويه الله يعـلـم قـدرج
بـس وصـيه كـررتهـا تـگـلـي خـدرج خـدرج

تگـلي سـهله يمـه هـايه عصـرت الباب
گـبالج اتشـوفين صرعه اغلى الاحباب

بين الـنهـر والضـمـه وتصـيح يافـاطـمـه

◾◾◾◾◾◾◾◾◾◾◾◾
4. الامـام علي. ع
كـافي دمعـاتج يزينب صبري هذا اول سهم
ينـطـلـق مـن السـقـيفه ويـزرع بگـلـبـج الـم
تكـبر وياج المصايب توصـل الراعـي العـلـم
من يضحـيلج جـفوفه لجـل خدرج والحـرم

الـحـرگ بـاب الـزجـيه يـحـرگ خـيـام
والذبح محسن يجـيلـج شـايل سـهـام

بـغـضـن الـي لورمـه وتـصـيح يافـاطـمـه

◾◾◾◾◾◾◾◾◾◾◾◾
5. زينب. ع
امـي وصـتني وصـيه لـوگـرب يوم الخـطـر
بصدره شميلي الحسين ويمه بوسي بالنحر
وبالحجي گام اتهضم والدموع اتصب قـهـر
صعدي عالتلـه يزينب عـينج الصـوب النهـر

شـوفـي شنهـو اعله الشريعه يمه يجره
شلون الحسين اعله اخيه انكسر ضهره

وراسـه رفعـه وكـلمه وتصـيح يافـاطـمـه

◾◾◾◾◾◾◾◾◾◾◾◾
6. الامـام علي. ع
تبقى بويه اخـر مصـيبه تمر عليجن بالسبي
تـمـشـن ابـلايه كـفـالـه السـاتـر الله والـعـبي
بس تضـلـين العـقـيلـه بالـضـعـن هـيـبه نبي
تسـجـلين اعظـم بطـوله يافخـر كل طـالبي

مـفـخـره بنت الزجـيه واخت الابطال
موقـف اترسـمين يوذكـر مر الاجـيال

عطشـتي نهـر بضمه وتصـيح يافـاطـمه

◾◾◾◾◾◾◾◾◾◾◾◾
تمت بعون الله تعالى


عـقـيل حسـين الگـرعـاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

قصيده لسيدة نساء العالمين
فاطمة الزهراء عليها السلام
لسان حال السيده زينب عليها السلام
🔸🔸🔸🔸

اه يمه فاطمه اه يمه فاطمه
🔸🔸🔸🔸◽◽🔸🔸🔸🔸
١
شـلون يمـه نفـتـرگ وباب حضنج ينطبگ
والله ماشبعت شبگ زيـنـبـج تـبـجـي دمـه

اه يمه فاطمه اه يمه فاطمه
٢
يمـه ناري بفرگـتج تسعـر اعله مصيبـتج
تبجـي دم ابنـيـتج بـجـت امـلاك السـمـه

اه يمه فاطمه اه يمه فاطمه
٣
بيتج لمهبط وحي وجـان محـروس ابنبي
هسه طبه الاجنبي وبـسـهـم حـقــده رمـه

اه يمه فاطمه اه يمه فاطمه
٤
النار بعـيوني شفـت لذت خلفج من خفت
منين ماصد والتفت عيونهم تحجي ضمه

اه يمه فاطمه اه يمه فاطمه
٥
يمه اشم ريحة دخان وفارگت حضن الحنان
راح ويـاج الأمـــــــان وروحي ضلـت هـايمـه

اه يمه فاطمه اه يمه فاطمه
٦
بلاطعم تبقى الحياة عيشه بس شبه الممات
بلايه امي الـنايبـات گــلــبـي راح اتـألــمـــه

اه يمه فاطمه اه يمه فاطمه
٧
ستنتجت من الهجـوم حقدمدسوس بسموم
يرجـع يحـاربـني يوم متني سـوطه يورمـه

اه يمه فاطمه اه يمه فاطمه
٨
بـدت مـدعـات الـفـتـن تـنـتـقـل عـبر الزمـن
ضـد علي وام الحسـن ثوره ضـدهـم قائمـه

اه يمه فاطمه اه يمه فاطمه
٩
بس غريبه اعله العقول تنضرب بنت الرسول
ويـحـتـرگ دار البـتـول الـبـيـتـهـا الله كـرمـه

اه يمه فاطمه اه يمه فاطمه
١٠
ورثت من عـندج عـبي تفيدني بدرب السبي
يطگني سوط الناصبي مـن اضـل ابـلاحـمـه

اه يمه فاطمه اه يمه فاطمه

🔸🔸🔸🔸🔸🔸🔸🔸🔸
تمت بعون الله تعالى

عقيل حسين الگرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


الـى فـاطـمـه الـزهـراء عـلـيـهـا الـســلام
〰〰〰〰〰〰〰〰〰〰〰〰

بـعـد عـيـنـك عـيـنـي مـتـفــارگ دمــع
بـعـد عـيـنـك انـكــســر مـنـي الـظـلــع
بـيـتـي مـهـبـط لـلـوحـي وحـتـرگ بـعـد الـنـبـي
بـعـد عـيـنـك بـعـد عـيـنـك

➖➖➖➖➖➖➖➖➖➖➖➖
1
بـويـه عـجــلـت ابـرحـيـلـك مـن عـفـتـنـي
بـدنـيـه مـابـيـهـــا امــان انـتـه اتـركــتـنـي
مــن بـعــد عـيـنـك يـبـويـه لــوشــفــتـنـي
ضـلعـي مكـسـورواثـرسـوط اعـلـه مـتـنـي

ادنـيـا ضــلـمــه نـورك الـيـضـوي انـطـفـه
ادنـيـا ضــلـمــه جـرحـي بـعـدك مـاشـفـه
وكـشـر انـيـابـه الـزمـان مـاشـفـت بـعـدك امـان
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
2
بـويـه شـأشكـيـلـك مصـايـب قصـه الـبـاب
دفـعـــو الـبـاب اعــلـه بـتـك ام الـحـجــاب
وقـدمـت اول شـهـيـد الـمـحـسـن انـصـاب
والله يـابـويـه جـريـمـه اتـسـمـو اصـحـاب

اشــم گــبـرك واحــبـس ابـريـتـي الـهــوه
اشــم گــبـرك واضــلـم بـعـيـنـي الـضــوه
الـدنـيـا بـعـدك مضـلـمـه ويـنـسـطـرخـدفـاطـمـه
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
3
ارتــفــع صــوت الـمــؤذن بـالـشــهـــــاده
اشـــهــدو ان مـحـمـد بـســــمــه نــــــاده
وانـي اغــرگـهـا بـدمــع عـيـنـي الوسـاده
مـــارعــو بـتـك يـبـويـه بــكـــل جــــلاده

دفـعـو الـبـاب وبـنـتـك الـصـارت مـصـد
دفـعـو الـبـاب ونـبـت بـسـمـــار الـحـقـد
بضلعي واسقطت الجنين وصحـت يارب المعـين
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
4
انــضــر اولادي وبـنـاتـي يــمــي يـبـجــون
وانـضـرلـزيـنـب حـزيـنـه وحـمره الـعـيـون
تـگـلـي لـيـش الـنـار يـم بـابـج يـشـعـلـــون
يـمــه ويــضــربــوج بـسـيـاط اعـلـلـمـتـون

يـمـه زيـنـب گـــعــدي ارويــلــج خـــبــر
يـمـه زيـنـب عــن مـصـــايـب هــالــدهــر
الـي عـالـزهـره هـجم يحـرگ الـزيـنـب خـيـم
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
5
گـــعــدي يـازيـنـب اوصــيـج اواســمـعـي
نـفـسـه بـسـمـار الضـربـنـي وكـسـرضـلعي
يـكـبـر ويـصـبـح ســهــم ويـصـوب ابـنـي
يـخـلـي لـحسين عـله اخيه ضهـره محني

مـن يـصـدلـه نـابـت ابـعـيـنـه الـســـهــم
مـن يـصـدلـه واگـــع ابـصــفـه الـعـــلــم
ينكـسـرضـهـرالحـسـيـن من يصدلـه بلايه ادين
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
6
يـمـه ســوط الـيـضــرب الـطـفـلــه رقــيــه
نـفـسـه هـذا الطـگـنـي مـن هـجـمـو عـلـيـه
بـــس الــوجـــوه اتــغـــيــر بــالــقـــضــيـه
هـــذا يـمــنـه وذاك بــرض الــغــــاضــريــه

نـفـسـه هـذا الاسـقـط الـمـحـسـن جـنـيـن
نـفـسـه هـذا طــفــل يـذبـح لـلـحـــســيـن
يـسـتـمـر هـذاالـعـداء مـن الـمـديـنـه لـكـربـلاء
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
7
سـمـعي يـازيـنـب اسـولـفـلـج مـصـايـب
تـمـرعلـيـجـن مـن بـعـد ذبـح الحـبـايـب
تـنـسـبـن وســفــه وتـبـاتـن بـالـخــرايـب
بــس نـعــم مـنـج تــراويـهــم عـجــايـب

بـكـل صـلابـه واگــفـه بـمـجــلـس يـزيـد
بـكـل صـلابـه هــمــه صــارولــج عـبـيـد
مـن تـخـطـبـيـن ابـعـزم ادنـگ الـروس الـزلـم
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
تـمـت بـعـون الله


عـقـيـل حـسـيـن الـگــرعـاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


قصيده لفاطمة الزهراء عليها السلام

الامام علي ع بعد فراق اعز اصحابه واحبابه
فاطمه ع والنبي محمد (ص)
القصيده فيها رساله عن الصاحب
🔸🔸🔸🔸

ياكسرتي بأحبابي ادفن بديني اصحابي
بحقد وغدُر سهم الهجُر
سـهـم الـهـجُـر دگ بابي

🔸🔸🔸🔸◽◽◽🔸🔸🔸🔸
1
يبقى بألم طول العمُر اليدفن بدينه الصاحب
عـالحلوه والمـره مشو عشرة العين وحـاجب
صرنا مثل عند العـرب وطاعة نهجـنه واجب
صحـبة محمد وي علي الأنجـيل عنهـا كـاتب

وبـحـيدره والزهـره كل الخلگ متحيره
لهذا الامُر سهم الهجُر
سهم الهجُـر دگ بابي

🔸🔸🔸🔸◽◽◽🔸🔸🔸🔸
2
عشـرة علي وي فاطمه تبقى مـثل للأجـيال
بيهادروس اعله لخدر ودروس تصنع ابطال
يالتقره عن حيدر علي طبق كـلامه الينگـال
الصاحبك فَـدَّي العمُـر لـوردت تصـبح رجال

اخذل محمد حاشه اني النمت بفراشه
مفَدّي العُمر سهم الهَجُر
سـهـم الـهَـجُـر دگ بابي

🔸🔸🔸🔸◽◽◽🔸🔸🔸🔸
3
بس موقياس الصحبتي ويه اليحرف القرأن
اهل السقيفه الي انكرو بيعة علي موصحبان
اتـأمـرو ضـد الـنـبـي مـات وعلـيـهـم غـضـبان
وتالي بحقدهم فاطمه تموت ابضلعهـا نيشان

يبقى اثرهـا العصره ابگـلـبي مـوبالزهـره
بگلبي جمُر سهم الهَجُر
سهـم الهجُـر دگ بابـي

🔸🔸🔸🔸◽◽◽🔸🔸🔸🔸
4
بعد النبي صـار الغَـدُر منـ ليدعـون الانصـار
واني ابوصيه من النبي لـتسل علـيهـم بتـار
اِحقن دمـاء بهالوضع واصبر عليك شماصار
وتـجـرئـو وبـلاخـجـل ابـابـي شـبـوهـا النـار

بگـرابه ضل فقـاري بگلبي وابيتي ناري
ماضل صبُر سهم الهَجُر
سـهـم الهَجُـر دگ بابـي

🔸🔸🔸🔸◽◽🔸🔸🔸🔸
5
بيتي صُـفـه بلافاطمه بس بـي ورث للملگه
بـي زينب بلهـفه وهلـه تتلگـه ابوها ابشبگه
تلبس عباة امها وتجي يمي وگليبي تحرگه
من اتگلي صبري اتهدمـه مااحتملهـا الفرگه

يبقى الدمع يحجيلي والسهر عاشر ليلي
بحلمي اليمُر سهم الهَجُر
سـهـم الـهَـجُـر دگ بابـي

🔸🔸🔸🔸◽◽◽🔸🔸🔸🔸
6
لمـن اعـيد الذاكـره تخنـگـني حـيل العـبره
وگـلـبـي يضـل ابلـهـفـته يذكـر ايام لزهـره
الجـانت ابعـيني ضـوه وبليلي هـيه الگمره
زغرت ابعيني دنيتي اوحزني صار اشكبره

الفـارگ اعـز احبابه تضل دمعته سجابه
يموت ابغدُر سهم الهَجُر
سـهـم الـهَـجُـر دگ بابـي

🔸🔸🔸🔸🔸🔸🔸🔸🔸🔸🔸
تمت بعون الله تعالى


عقيل حسين الگـرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

قصيده لمولاتي فاطمة الزهراء عليهاالسلام
سألو سلمان المحمدي ماللذي يجري
في بيت علي ابن ابي طالب ع
وهوه يجاوب
🔸🔸🔸

احجي ياسلمان شنهو الي جره
اباب حيدر شـفـنه نار امـوجـره
ناس متجمعه وتگول أحرَقو دار البتول

🔸🔸🔸🔸◽◽◽🔸🔸🔸🔸
1
ابلاتحفظ اني اسولـف عن فعل هـاي العبيد
اتجمعو اهل السقيفه ضدعلي ومنصب تريد
بس غـفت عـين الرسـاله بين الحقد الشـديد
ونـكـرو شـوصـه نـبـيـنـه لاكــن ابـداً مايـفـيد

الينكـر الأيه الـعضـيمه بالغـدير
يريديصبح عالخلگ هوه الامير
اليوم سل سيفه ويصول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
2
لاذت الزهـره ودفعـهـا ويدخـل ابلايه اِذِن
فاطمه يگـلوله خلفـه وهـوه جـاوبهـم واِن
شهـالصلافه وهالوقاحه يسمع الزهره توِن
وخلـه بسمـار المنـيه بدفعـته يخضر حزِن

ويسقط المحسن ضحية انقلاب
استشهد برتبة مدافع عالحـجاب
وماقبل عمره يطول أحرَقو دار البتول
احجي ياسلمـان شنهو الي جره

🔸🔸🔸🔸◽◽◽🔸🔸🔸🔸
3
اني شاهد عالجريمه القشعرت جلد السِمه
نهدم ركـن من الرسـاله بكسر ضلع الفاطِمه
ومصحف الزهره الزجيه اصبح ملطخ دِمه
وبَّخـرَت ارض المـدينـه بـاب حمـاي الحِمه

امست الدُخان عنبر جن يفوح
الأفق ابشـع مواقف بـي تلـوح
قررو مرضى العقول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
4
الجان يتسمـه صحابي هسه كشرها النياب
قام ثوره عله الرساله واسس بحقده نقلاب
ومن بعـد عـين النبـوه يحـترگ للزهـره باب
من اثردفعة حقدهم استشهدت ام الحجاب

وحيدر اموصه ابد ميسل فقار
وبقى مجتفته الوصيه بالـ صار
ماخلف امر الرسـول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
5
شَّيـع الدنيـا اعلـه جـتفـه بليل وبلايه علِم
رجـع ويگـلـي يعـمـي اضـن مو واقـع حلِم
غصن من بيت النبوه جنت من عطره اشِم
هسه اشم ريحه هجرها التارك بروحي ثلِم

بيتي ياسلمان صار المگبره
الصبر فارگني بعد الطاهره
دمعي يجري كالسيول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
6
بيت حيدر گمت اطبه مضلم وغايب ضواه
وحيدرالعظم المصيبه محدب وضهره حناه
يگلي جرحي اعله الزجيه مااضن الگه دواه
جـرح البگـلبـه شيجـبره الدفـن زهـرة صباه

يلـي تسأل كـف سـألك والحجي
خلي اواسي حيدرابدمعه وبجي
لوضعه مااملك حلول أحرَقو دار البتول
احجي ياسلمان شنهو الي جره

🔸🔸🔸🔸◽◽◽🔸🔸🔸🔸
تمت بعون الله تعالى


عقيل حسين الگرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


قصيدةللزهراء عليها السلام
الزهراء ع توصي الإمام علي ع
في اخر يوم من حياتها واويلاااه
🔸🔸🔸

ٌإگـعد يبو حسين. عندي وصيتين
الأولى اريد اجنازتي تشيعها بالليل
والثانية خليني اوضحها بتفاصيل
وصيتي. وصيتي

🔸🔸🔸🔸🔸🔸🔸🔸
1
بخـفـية بالليل وتوكل هاي الأولى اوصيتي
تحزم ابصبرك يحيدر من تحطـني بحفرتي
انته واللـيل وجـروحـك شيعـوهـا اجـنازتي
اخفي گبري عله لضلمني وسبب صاربموتتي

اسـمع كـلامي. كـل الأسـامي
الهجمو على الدار وشفت من عدهم الويل
والثـانـية خـلـينـي اوضـحـهــا بتفـاصـيل
وصيتي. وصيتي

🔸🔸🔸🔸🔸🔸🔸🔸🔸
2
گـربت سـاعة منيتي من الألم ماگمت انام
ياعلي لـثاني وصيتي اسـتمـع مني الكـلام
التّدعي جانت صحابة هسه ترميني بسهام
خلي ابينلك سوالف صايرة ابگلبي ازدحام

كـل الّـي شـارك. وطب اعله دارك
ماابري ذمته ولايجي لجنازتي ايشيل
والثـانية خلـيني اوضحـهـا بتفـاصيل
وصيتي. وصيتي

🔸🔸🔸🔸🔸🔸🔸🔸🔸
3
استمـع ثاني وصيتي واني احجيهـا بألم
خلي اوضحلك اسامي بلگلب زرعو سهم
ياعلي بهـايه سبحـتي راح اعدهم بالإسم
فلان وفلان اهضموني وبينهم صارلنه دم

المحسن ضحـية. لاگـــه الـمـنـيـه
والزهرة من بعد النبي دمع ودمه يسيل
والثانـية خـلـيـني اوضحـهـا بتفـاصيل
وصيتي. وصيتي

🔸🔸🔸🔸🔸🔸🔸🔸🔸
4
ماردت واحد يصلي عـالجنازة الخائنين
ذوله تربات السقيفة من بعد طـه الامين
علنبي يهجـر تجـرء يلـفظ المـاعنده دين
وبعده عالزهرة تطاول ياعلي هذا اللعين

ماكـو شفاعة. الذوله الجماعة
لخلو ضهر حامي الحمه بجنازتي ايميل
والثانية خلـينـي اوضـحـهـا بتفـاصـيل
وصيتي. وصيتي

🔸🔸🔸🔸🔸🔸🔸🔸🔸
5
الله اليعينك يحيدر صعبة هالفرگة احس
ابـتـلائك فـي محمد دافـنـه بأيـدك امـس
وباجر الوحشة جبيرة ليلك ايشيع شمس
من ضمن هاي الوصية رايده بجيك همس

عن لايحسون. بگبري اليضدون
وخلـي البواجي ياعلي الهدنلك الحيل
والثانية خـليني اوضـحـهـا بتفـاصـيل
وصيتي. وصيتي

🔸🔸🔸🔸🔸🔸🔸🔸🔸
6
ياعلي دَّون وصـيـتي كـلـهـا وكـتبـهـا بكـتاب
شيعتك خل تقره قصتي تسمع شمرني عذاب
اكـتب الزهـرة شـهـيدة ومـاتت بعـمـر الشباب
ليقره قصتي مااعوفه واحضروياه كل مصاب

اكتب كتابي. وبين مصابي
وخلي المصيبة تنذكر جـيـلاً بعد جـيل
والثانية خـلـيني اوضحـهـا بتفـاصـيل
وصيتي. وصيتي

🔸🔸🔸🔸🔸🔸🔸🔸🔸
تمت بعون الله تعالى

عقيل حسين الگرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ

قصيده للزهراء عليها السلام

اربعة شهود عيان على جريمة الهجوم على
دار علي ع وفاطمة الزهراء ع
يطلبهم الزمن كشهود عيان كل من
الحسن ع والحسين ع وزينب ع وفضه رض
🔸🔸🔸

اتلث شهود اعله الجريمه وفضه رابعهم
شـاهـدو عـين المصـيبه من اضربو امهم
الزمـن رايد كـلام مَـروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
1
الـزمــن يـســأل يـتـانـي رايـد اجـواب
عـن جـريمـه بـلاجـريـمـه يحـترك باب
رايد يوضح الدوافـع واصـل الاسـباب
يبـين اصـحـاب النبي لـوذولـه ارهـاب

رايـد التـاريخ يكـتـب شـنـهـو اسـبـابـه
ينجـتف حـامي الحمـيه ويحترگ بابـه
بنارهم يصبح حُطام مَروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
2
الحـسـن اول شـهـود بـعـيـنـه ينـضُـر
امـه خلـف الباب مجـرم بـيهـا يعـصُر
يگول شـاهـدت اللعـين بخدها يسطُر
يازمـن سجـل ضلعـهـا بدفـعـه يكـسُـر

امـي مـن اشـتـد الـمـهـا يـاعلي صــاحـت
گمت احس ارض لمدينه نشالت وطاحت
وصارت الدنيا ضلام مَروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
3
الحسـين الـشـاهـد الـثـاني سـمـعـهـا
امـه خـلـف البـاب وتـون مـن الـمـهـا
يگول انه بعيني اشاهد من صفـعـهـا
لـسـه بذني صـوت تكـسـيرة ضلعـهـا

بـعـد مـااگـدر اكـمــل حــدب الـســانـي
زيـنـب اتـكـمـل مـصـيـبـة ذبـح قـرأنـي
هذاحجيي وسلام مَروي من بيت الأمام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
4
زينب اتكمـل الشهـاده بعد الحسين
تگـول بسمـار المـنيه صـاب الأثنين
امي والمحسن سويه تشـاهد العين
طاحو ومـنهـا تكَّـسر اضـن ضلـعـين

النار شبت بالعبايه وشبگت المصحف
طفـته وگـلـتلـه عـذراً حـيدر امـجـتف
ياورث خير الأنام مَروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
5
فضه احجيلي اشسمعتي وشنضرتي
صرخـت امن الزهره ياعـالـم فشـلتي
ريت كل اضلوعي فدوه لضلعج انتي
والله مـادام انـي عـدلـه تبـقـه ونـتي

كل الاسماء انه عندي الهجـمـو اعليهـا
باجـر ابـيـوم القـيـامـه لـلنـبي انطـيهـا
عيني بعدج ماتنام مَروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
6
يلَّـي مـاعـندك درايه بهـجمـت الدار
وَضَّحَـو اربع شهـود الَّـي جره وصار
كل تفاصيل الجريمه وفعل الاشـرار
مـارعـو حرمة نبـينه وحامـي الجـار

عـوف تأريخ ال امـيه والنضـر غـضـه
الحسن وحسين شهدو وزينب وفضه
عن جريمه اقتحام مروي من بيت الامام
اعله الجريمه اعله الجريمه

🔸🔸🔸🔸◽◽◽🔸🔸🔸🔸
تمت بعون الله تعالى


عقيل حسين الگرعاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ فاطمه الزهراء_♥ _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•‏بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ


قصيده للسيده فاطمه الزهراء عليها السلام
لسان حال الامام علي عليه السلام
🔸▪🔸▪🔸▪🔸

انـزف اجـروح ومصـايب
مـن بعـد فـگـد الحـبـايب
ودعـت تـونـي الرسـول. هـسـه ادفـن بالبـتول
يامصـابي. ياعـذابي

🔸▪🔸▪🔸▪🔸▪🔸▪🔸
1
ياحلـم داهـمني فجئه واصبح الواقـع سـراب
ثـمـن باب الي قـلعـته يحـترگ من عندي باب
مـن بعـد روح النـبـوه اسـتعـد لعـظـم مصـاب
بيدي زهرة روحي ادفن وابقى بالهم والعذاب

عــاده الـيـفـارگـلــه غـالـي
يـعـاشـر اجـروح الـلـيـالـي
يگـضـي ليله كـلـه هم. وتخلص احـلامه وهم
يامصـابي. ياعـذابي

🔸▪🔸▪🔸▪🔸▪🔸▪🔸
2
نزلـت فاطـمـه بأيـدي وروحـي ضلـت بالگـبر
مـااكـف دمـعـي اونيـني والله لـبجـيلـج عمـر
رحـتي عـني ويبقى لـيلـي مظلم وماكو فجر
انضر احسين اعله امه من البجي عيونه حمر

والـحـسـن لـيـلـيـه يـنـحـب
واني كل خـوفي اعله زينب
بيهـا وصـت فـاطـمـه. ونــهـا گـلـبـي يألـمــه
يامصـابي. ياعـذابي

🔸▪🔸▪🔸▪🔸▪🔸▪🔸
3
زينب اتشـم ابعـباتج مسـويه للمحسن مهـد
تگـلـي بويه شـهـالمصـيبه والـده نودع اولـد
شلـون جـبره يازمـاني تنطـي للفـارگلـه جـد
بسهـم المثلث رمـاني ونسطر من عندي خـد

بـويـه قــبـل الـغـــاضـريـه
زيـنـبـك هــســـه ســـبــيـه
اتمرنت اشهگ دخان. من الزغر صار امتحان
يامصـابي. ياعـذابي

🔸▪🔸▪🔸▪🔸▪🔸▪🔸
4
كـوثر الجـنـه اتركـتني اجـري دمعـاتي دمـه
ونار الفـراگ الجـوتني زرعت ابروحي ضمـه
وكلمه بذني ظـل صداها علي مـاتت فاطمـه
وموقف الي بعيني شفته واني حماي الحمـه

المـافـزع لـلـزهـره سـيـفـه
وينضـر افـعـال السـقـيـفـه
يعـاشـر الـون والدمـع. وينتهـي مـثل الشمـع
يامصـابي. ياعـذابي

🔸▪🔸▪🔸▪🔸▪🔸▪🔸
5
اشـعـر يسـولـف فـقـاري ويحـجـي وياي ابعـتاب
يگـلي معقـوله انته ساكت بالهجوم اعله الحجاب
ارخصني بس حطني بيمينك روس ماخلي بركاب
يگلـي شنهـو الي جـرالك احـجـي يالـيث الحـراب

گـتله مجـتوف ابوصـيه
امــــر مـــن الله ونـبـيـه
مـااسـل سـيـف الـحـرب. امـر مـوهـين صـعـب
يامصـابي. ياعـذابي

🔸▪🔸▪🔸▪🔸▪🔸▪🔸
6
سـجـل الـتـاريـخ بـابـج يـحـتـرگ اول حـرم
وثاني حـرگـه بعـدبابج يحـرگ لـزينب خـيم
تبقـى متكلـفـه بيتامـه من بعـد راعـي العـلم
اتركه غافي اعله الشريعه نابت ابعينه السهم

وتبـقـى زينـبـنـه وحـيده
وتمـشـي بدروب البعـيده
محزمه بحبل الصبر. مكلفه بأعظم امـر
يامصـابي. ياعـذابي

🔸▪🔸▪🔸▪🔸▪🔸▪🔸
تمت بعون الله تعالى

عقيل حسين الگـرعاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA