ليس من التقدّم الروحيّ في شيء أن أتعلم نصف دزينة من اللغات. لقد قابلت أناسًا يتكلمون عدّة لغات ولم أكتشف عندهم من الحكمة ما يفوق حكمتنا ما لم تكرّس حياتك كلها فلن تستطيع أن تتعلم لغة غريبة إلى درجة الكمال إنني أعتقد أنّ التعمّق في تعلم اللغات الأجنبيّة ليس إلا هدرًا للوقت.

هذا ما قرأتُه من كتاب ( الخاطئة )
- سومرست موم

دائما وبكل وقت أختلف عن الشفتهم بحياتك
الحجوا يمك بس مسمعوك جنت شيء عادي
بحياتهم مجرد شخص يحتضنهم إذا حسوا
بفراغ أني عكسهم راح أخليك تشوفني أنطيك
شيء موجود بالافلام أما بالدنيا لا مموجود
ومن تسألني ليش كل هذا أحمد ملآذ الجواب
أحب أكون هذا الانسان اللي توكف الدنيا عليه
اذا خسرته " من يروح مرة بعد ميرجع ابدا..!"
ووصف أدق "مثل فيلم الرسالة ما الي جزء ثاني

حر : تعرف وين أقبح مساحة بهذا العالم
د.أكرم : لا لذلك لازم تجاوبني أريد أعرف
حر : مساحة جربايتي الزايدة والفارغة..!
د.أكرم : شوكت جانت الحياة حلوة عندك ؟
حر : جانت الحياة حلوة عندي من جنت
ما أعرف الكمر ليش يمشي ويايه واني بالسيارة

هذا جزء من كتاب لم يكتمل إلى الآن
( الحب في زمن السكرين شوت )
- أحمد ملآذ

يعني دائمآ مو أنتَ الصح ولا الشخص
اللطيف ولا المحترم ولا أي صفة حلوة
يعني دائمآ مو أنتَ المظلوم ولا الفقير
ولا أي شيء " أعترف للجميع أنا أسف"
لا تخليهم مجرمين وأنتَ أجرم بأضعاف
لا بأس ‏انظر إلى نفسك جيدا ربما وأكيد
عذر الغائب "معك" أنتَ السبب أفهم...!

نحن جميعاً فارغين الا تعتقد هذا ؟ نأكل، نتبرز، نعمل بوظيفة بائسة لكي نحصل على راتبنا البائس، ونمارس الجنس من حين لآخر، إذا حالفنا الحظ. ومع هذا هناك أشياء شيقة تحدث في الحياة كما يحدث معنا الآن. لا أعرف لماذا. جدي يقول دوماً إن الأمور لا تسير أبداً كما نتوقع، وهذا ما يجعل الحياة شيقة.

هذا ما قرأتهُ من كتاب ( كافكا على الشاطئ )
- هاروكي موراكامي

أسوء شيء ممكن يصير الك من أنتَ
تريد شيء وتصبر ومبقى بس شوية
وقت ويصير " بس بعد متريد ابدا..!

لقد نجح في جعل الناس يعتبرونه شخص
غير مثير للإهتمام على الاطلاق تركه الناس
وحده وكان ذلك كل ما يتمناه

هذا ما قرأتهُ من كتاب ( العطر )
- باتريك زوسكيند

أنا وحدي في السليمانية ومصدوم
نظام رهيب عند هؤلاء الناس بطريقة
تخليك تفتخر بالكرد يعني محترمين
ميسوق سريع ينتظر عند الاشارة من
تكون حمراء اللون ماكو تحرش ابدا
الشوارع نظيفة طول الوقت من تكول
لهُ " كاكا " يفرح ويبتسم ويعاملك أنهُ
هو الضيف وأنتَ اللي تستقبله نسيت
حتى أكو بارات يشترون خمر بهدوء
السكارى " يمشون عدل " طبيعي جدآ
ماكو سني وشيعي ولا هذهِ بدون حجاب
عايشين صح وفاهمين صح " شكراً

كان البلوغ قد انتزع منه عذوبة صوته، وحوله إلى صموت ومتوحد ، لكنه أعاد إليه بالمقابل، التعبير الزخم الذي كان لعينيه لحظة مولده

هذا ما قرأتهُ من كتاب ( مئة عام من العزلة )
- غابرييل غارثيا ماركيث

الشهرة ليست حكراً على أحد
وليست مخصصة لفئة معينة من المجتمع
لكن عندما تريد طرق باب الشهرة والأنغمار في تفاصيلها يجيب عليك اختيار محتوى باهظ
ومفيد ومميز يكون للمتابع فالشهرة أصبحت
شهرة مستهلكة ورخيصة ولا تنفع في مجتمع
شرقي متعطش للثقافة والعلم والمعرفة باللهجة العراقية " زين المحمداوي في الشعر اساءة
أساساً وبقية أسماء هواية على هذا النهج " سعدون
الساعدي في الطرب اساءة أساساً وبقية أسماء هواية عبودي ابن الدورة في التمثيل اساءة أساساً
وبقية أسماء هواية..! أخير شيء التيك توك خطر
على أطفالنا والمراهقين " جاي يصورون حاجات
تقلل من قيمة تاريخ العراق العظيم أتمنى ينحذف
هذا التطبيق..!

عكال،نعال ترى أثنينهم نفس الوزن
الفرق بينهم بس التفخيم والترقيق
في الحرف الأخير هذهِ للعشائر التي
تتقبل " دعوة مقتدى الصدر لإيقاف
حركة المظاهرات أنا مع العراق فقط

تخليت عن سعيي لأن أكون أحداً كان
هدف حياتي أنتشال نفسي من محيطي
وأن أعيش في مكان لا يؤذيني فيه شيء
بعدها وحاولت أن أهجر ارتباطاتي الواحد
بعد الآخر وأن أهمل الأمور التي كانت أهتم
بها وكانت الفكرة الأساسية هي أن أحقق
وأدرك اللامبالاة..!

هذا ما قرأتهُ من كتاب ( في بلاد الأشياء الأخيرة )
- بول أوستر

راح توصل مرحلة صعبة بحيث
تستغرب لدرجة " صامد أمام الكل
بارد من تجيك رسالة حلوة ومن
يكولون الك شلونك ؟ جوابك عايش
محد يعرف شبيك وشنو صاير الك
ما توضح وحتى من يريد شخص
عزيز على قلبك ينسحب أمر طبيعي
ماكو شيء يستفزك مثل الموتى
ولو الكل ينسحب تتقبل الموضوع
راح تتغير يوم وراء يوم إلى أن
تموت موتة هادئة وعظيمة حقيقة

جسدي المريض ليس له في الرأس عينان
مجردُ حجرتان صغيرتين وفمي أكذوبة ولعنقي
حظ الفراغ لا أنا، أنا ولا للخراب ورود
"
لا مذاق
لا غيمة تنزل على سطح البيت
لا وتد يشتعل
لا ضفة في الأصل لأي نهر
يكفي أن يكول لك في الظاهر فم..!

هذا ما قرأتهُ من كتاب ( غرق طفيف )
- وحيد أبو الجول

كل ما تريد توكف " لازم أكو شيء يمنعك "
كل ما تريد تثق " لازم أكو شخص يخذلك "
كل ما تريد تضحك " لازم أكو ذكرى تبجيك "
هنا راح تكون غريب حتى أنتَ متعرفك..!
تبدأ تفكر تنتحر وتنهي هذهِ الحياة بسهولة
تكون بعيد عن الكل ونادراً تخرج من البيت
تكون مهمل لدرجة اليشوفك يكول جملة
" مثل العراق أنسرق لحد ما بقى فارغ "
ثق هذهِ فترة وراح تقوة بيها الوكف وياك
تحتفظ به الما وكف وياك هو يخسرك
المهم أبقى بهذا حزنك لكن وأنتَ نظيف
حقيقة الرب مراح يتركك لا " يوكفك 🤍

ينبغي تعليم البشر
أن يعيشوا الصمت والعتمة

هذا ما قرأتهُ من كتاب ( عجلة مشتعلة تمر فوقنا )
- لويز غليك

أغلبية المجتمع العراقي اليوم ميكدر
يكمل اليوم الواحد اذا ميشَتَمَ وهذهِ
مشكلة كارثية وطامة كبرى الشتيمة
مرض ما لها علاج سوى " المريض "
هو اليكدر يتغير ما أعتقد أكو أفضل
من أَدَب الانسان " أتذكر موقف عظيم
بيوم من الايام جالس في مقهى من
مقاهي المتنبي مجموعة شباب ماكو
كلمة إذا هي مو " شَتَمَ " طول الوقت
أخير شيء ابو المقهى طلب منهم الدفع
والخروج " أكو هواية ناس ميتقبلون "
الشتيمة مو حضارية " عدوى فيروسية "

وجهة نظري المفروض كلمة
" عراقي " تتحول من جنسية
إلى حالة نفسية المعنى مثلا
من واحد يسألك شبيك جوابك
يكون ما بيه شيء مجرد شوية
عراقي..! " هيج أفضل وأرتب "