في القرن الحالي الذي ينشر فيه الإعلام حماقات لا حصر لها أصبح الرجل المثقف يُعرَف مما يتجاهله وليس مما يعرفه..!

هذا ما قرأتهُ من كتاب ( شذرات فلسفية وسياسية )
- نيكولاس غوميز داڤيلا

مرحبا أكو صديق جان هيج يقدسني لدرجة
يحجي بيه يم الرايح والجاي من نلتقي يصور
وهيج فرحان طول الطلعة رغم هو سوداوي
هنا بشكل أني بكل مشكلة وظرف وخطأ وياه
بالسراء والضراء كل شيء يسولف لي يكول
للناس أحمد أنظف أنسان بحياتي أيام خطأت
بحقه عذبته تحملني بقى سند المهم كل هذا
وكل الايام وكل العشرة أنتهت ببلوگ على
العموم : لا تثقون بالكلام الحلو بگد المواقف
ولا تقربون ناس مو مثقفين ابدا بس مظهر
ميعرفون يكتبون مشاعرهم الحقيقية وعايشين
على النسخ واللصق مرة أخرى لا تسامحون
إذا رجعوا لكم نعم تذكروا البقاء للرب

إن شِعركَ جيد ولكن ما الذي تريد
أن تقوله للناس في شعرك غير إنك شاعر ؟

هذا ما قرأتهُ من كتاب ( السنجة )
- أحمد خالد توفيق

شوف مهما جان وضعك المادي صعب
لا تتخلى عن أنسانيتك واليجيك يكول
لك محتاج شيء كول له أنطيك عيوني
أصدقائك فتش جيوبهم واذا ما عندهم
أنطيهم حتى لو جان اللي بجيبك ١٠٠٠ دينار
تشوف طفلة بالشارع تتسول روح لها
أتشاقة وياها شوف فلوس جيبك شكد
لو جانت ٥٠٠ دينار وأنت رايح تشتري
بيهن جكاير استغنى عنه وأنطي لها
خليها أنسانيتك مفرطة إذا جنت تصلي
أو تثمل بكل الصفات " صير أنسان "
راح تموت وحفرة صغيرونة تبقى بيها
وأنت من تحتاج فلوس دير بالك تروح
وتطلب منهم أبداً " راح يفتحها الرب
بوجهك حقيقة يجي يوم يرجع لك
كل شيء " الحمد للرب على كل شيء "

في النهاية ليس بمقدور أحدٍ أنْ يحظى بمعرفةٍ تامةٍ حولَ الأشخاصِ أو الأشياء لأننا ببساطة لا نستطيع أن نرى الشخص أو الشيء من جميع زواياه إن نظرتَ الى وجهِ أحدهم فليس بوسعك أن ترى كتفيه لأن رؤيتك جزئية وتقريبية دومًا

هذا ما قرأتهُ من كتاب ( كلهم على حق )
- باولو سورنتينو

تمام راح تجي أيام لك متصدك بشيء
صديقك يكول أحبك تكول له تسلم
صديقتك تكول أحبك تكول لها تسلمين
بحيث تفشل تنجح تربح تخسر تسهر تنام
تطلع متطلع تنعاف تنكسر تجيك شتيمة
ينافقون عليك كل شيء ميهمك هذهِ الفترة
ممكن تخليك عظيم وقوي وناجح ومهم بعد
أعوام هذهِ النتيجة الفترة عشتها قبل أعوام
وأعيشها الآن وممكن بعد أعوام أعيشها وأي
شخص كذلك إذا مثلي " تمضي " حقيقة هي
اللي راح تخليك " تنحسد " الرب وياك هنا

‏أنا لا أبرر للمنتحرين لكن تمر على المرء بعض الأوقات التي يتمنى بها لو لم يكن موجودًا لأن وجوده صار حِملاً على الجميع وبالأخص نفسه
‏
هذا ما قرأتهُ من كتاب ( نبتة الرصيف )
- وجدان حسين

الله والشيطان يقاتلان معاً
وساحة المعركة هي قلوب الناس ..؟

هذا ما قرأتهُ من نص ( القيامة )
- حسين الطائي

الميستر واليفضح ويشهر هذا يحس
دائما بنقص بشخصيته مثل الينافق
مهما كان المقابل على خطأ أساساً
كلنا نخطأ وصدكوني اليسوي هيج
الرب راح يترك له أيام " قوم لوط "
معذبهم بدنيتهم لهذهِ الدرجة يعني
ليش كلنا نستشرف منو بينا مشاف
فيلم أو منام باتصال ويا أبنية منو
بينا شريف وطاهر وما عنده خطأ
كافي " الرب ساترنا وأحنا منستر "
أي إنسان يأذي إنسان آخر صدكوني
له حوبة كل من حياته الخاصة لا
تستشرفون يا " مرضى وجهلة "

لا تطلبون شيء من أحد وجود حب
رسالة اهتمام فلوس اليريد ينطيك
كل شيء ينطيك بدون متطلب نعم
"اليحب أفعال" الميحب "يخلصها
عليك أحبك" كتابة " تمام .. ؟ 🤍

ربي امنحني القوة لأقبل
تلك الأمور التي لا يمكنني تغييرها

هذا ما قرأتهُ من كتاب ( ملائكة وشياطين )
- دان براون

داهمت الموسيقى البيت وانطلقت محلقة، عبر النوافذ المفتوحة، بإتجاه الليل، بإتجاه الأرض التي ليس فيها أحد، وظلت حية في الهواء بعد أن توقفت الأسطوانة عن الدوران

هذا ما قرأتهُ من كتاب ( أفواه الزمن )
- إدواردو غاليانو

ممكن وأنت جاي تفكر تأذي أحد
تموت وأنت جاي تفكر تكسر أحد
تموت وأنت جاي تفضح أحد تموت
متعرف شكد راح تبقى تتنفس أو
شوكت راح تنشال على تابوت ها
والحلوة حتى جادر ما لك بالوقت
الحالي " راح تموت بهدوء " لذلك
حاول تسوي حاجات زينة تنذكر
بيها بالخير وأنت تحت قبرك هنا
أعظم شيء تخرج من الدنيا بوجه
أبيض من كفنك هنا أعظم شيء
من اليبجون عليك حتى الناس
الما تعرفك بس جانت تسمع هي
أسمك " فلان ساعد هواية ناس "
فلان مات ومات شيء أكبر وياه "

بعد ما عشت تجارب لدرجة القرف
عرفت حاجة مهمة لازم تعرفوها
اللي يتجاهلك بتعمد هو اكثر
شخص بالدنيا هذهِ مركز عليك
أساساً يومه يبدأ بيك وينتهي
بيك لذلك أبتسم خسرك..! 🤍

نحن نتخلى عن ثلاثة أرباع
أنفسنا لكي نصبح مثل الأخرين

هذا ما قرأتهُ من كتاب ( عن معاناة العالم )
- ارثر شوبنهاور

‏فرانز أوبنهايمر مخترع القنبلة الذرية سأله عبد
الوهاب المسيري : ماذا فعلت بعد اكتشافك معادلة
القنبلة الذرية ؟ ‏فأجاب " تقيأت " ورأيي الشخصي
هنا القيء لم يحرر العالم من خطايا الإنسان ولا دفن
قابيل لهابيل لن يمحى اي شيء سيبقى العار والغربان تحلق فوق فضاعتنا وهذا الكوكب تصرخ بصوتها المتألم !

اكو حاجات بحياتك مراح تكدر
تعترف بيهن لأي إنسان يمك يبقى
صعب ظهورهن وصعب اخفاهن
رغم هذا الضعف التعيش بهِ وكمية
الحزن الرهيبة " تحاول تكون ناجح
مثل الطيور بالشتاء من تمطر السماء
تطير للعش بس هي عندها امل راح
ينتهي المطر وترجع ترفرف بالسماء
مع السرب أو بدونه " عندها طموح "
راح تنجح بالطيران مرة أخرى حقيقة
أنت كذلك بهذهِ الطريقة تجيك أيام
تضعف بيها وتحزن لدرجة تريد تموت
لكن الرب يمنع موتك وبعد أيام تكول
رغم الجاي أمر بهِ راح انجح وأفتخر
بيه " دائما كول لوجهك وأنتَ تشاهد
بالمراية راح تكون وجه الكل تتمنى
ملامحه لذلك نصيحة من إنسان عاش
وممكن يعيش الفترة حالياً وأسوء حب
مني لكم وطلب غريب وحاولوا تحققوا
لا تموتون وممسوين شيء فخم وعظيم "

أحمد ملآذ من احدى الحوارات
هو وصديقه كال ببحة صوت حزينة
" هواية ناس ما تسوى جكليتة
انطيتها زنود الست " !

لا تفرح ابدا بوصولك لشيء ما وصل له
غيرك وأنت تعرف أنه أفضل منك وبس
يتحرك خطوة واحدة راح تكون خطوة قدمه
بكد عشرة خطوات قدمك أجتازتها وبالأخير
من يتحرك ويهزمك بعقله بشخصيته بثقافته
وممكن جدا بموهبته راح يكول لك بكل ثقة
وكدام كل الناس جملة مو صغيرة تبقى وياك
وتندمك ندم عظيم واكبر من منطقة المنصور
هذهِ الجملة راح تكون بالفصحى البالغة من المضمون يا مراهق " إنتصاري عليك هو سبب هزيمتي " صورة من اعظم مكان في بغداد 🤍