ياحفار كبر الطاهره ام عون
وسع باللحد توجعهه الامتون
......
هاي اخت الذبيح الما شرب ماي
وسعلهه اللحد يا سامع ابجاي
لا تلجم متنهه اعليهه بهداي
انه امهه واجيتك فاكده الراي

من كبري اجيت ابدمع الاعيون
......
بهون اوياهه احلفنك يدفان
بيهه امن الاسياط الهسه نيشان
ماتت بالغرب ما يمهه خوان
الجابت كل عمرهه احزان بحزان

ما شافت فرح مثل اليفرحون
.......
زينب من محرم فكدت الروح
من شافت اخوهه حسين مذبوح
ما ضل حيل بيهه وشبعت اجروح
وليل انهار دمع العين مسفوح

عالراحو وعافوهه اويه الاضعون
......
جيت وجايبه امن الكافل أعذار
ما يكدر يجي ابلا يمنه ويسار
انه اوياك ندفنهه ابدمع حار
العاشت بالغرب ما يمهه كل جار

يا زين العباد الناس يحجون
.....
زينب ماتت امن الشام والشام
موش امن المرض ل أهل الإسلام
طبت السوك باكت منهه الاحلام
وضحكات الشماته بوجه الايتام

غير أحبالهم بيهه اليجرون
......
زينب وينهه اوين الدواوين
هاي الهاضمتني يبن الاحسين
من سئلو على اخوتهه الميامين
اشكالت روحهه ابين الملاعين

اشلون اهناك زينب صبرت اشلون
.....
كلمات
موسى الخادم



https://www.tgoop.com/alalladafaeei

ربي يحفظكم

في حق السيده زينب ع

شطوله اليل بالغربه
شينومه المنكسر كلبه
يخلص اليل كله بحسره ونوح
مثل الطير من تشوفه. مذبوح
شينومه المنكسر كلبه

--------------------
يليل الغربه مالك تلجم اجروحي
اشوفك من اون تتونس بنوحي
حكي لو لطمت حسين. مذبوحي
ضلي بحسرتج محتاره ياروحي

اليل شطول ساعاته
حسبت حساب نجماته
اموتن من يجيني وكت الغروب
يضل مالوم كلمن فكد محبوب
شينومه المنكسر كلبه

-------------------
ياهو المثلي شاف بعينه وليانه
واحد وره واحد ذبحو اخوانه
تنام الناس كله وانه سهرانه
عله شوفت احبابي الروح لهفانه

عفتهم عل ترب نومه
يروحي ضلي مالومه
يكلولي يزينب كافلج مات
ومن كثر الهضم شبعانه شوغات
شينومه المنكسر كلبه

-------------------
اذكر يامصيبه. المرت عليه
نار الخيم تحرك روحي يوميه
حافي عله الجمر وجدامي مجويه
من صياط الشمر امتوني مدميه

عمري بكربله عفته
اخوي حسين فاركته
ماضل حيل بيه بعد ياليل
اجه عاشور وانه دمعتي سيل
شينومه المنكسر كلبه

--------------------
انه الشام ياهل ناس عذبني
وين الفاكده خل تجي تكابلني
لو ونيت هيه تنوح وي وني
شماته والحجي بسهام صوبني

حجي الشمات اسمعنه
وحسه. بلكلب. طعنه
اهل الشام عدهم عيد وفراح
وراس ابن امي عالي فوك الرماح
شينومه المنكسر كلبه

------------------
لو هليت يهلال الحزن عدنه
تلكه الدمعه تجري تحفر بخدنه
بلا وليان احنه. بغربه. وحدنه
ريت الكمر. يمي يشوف حالتنه

كلمن عاين الحالي
جرح الشام. جتالي
بعد نيشان بيدي من الحبال
ركبت انه وخواتي فوك الجمال
شينومه المنكسر كلبه

-------------------
الخادم
رحيم الصالحي



https://www.tgoop.com/alalladafaeei

لبيك ياحسين ع
السيدة زينب عليها السلام
.
وينك يابو فاضل الحك الها
الماتت غريبه بدون اهلها
ماتت زركه لمتون
الحك لختك ام عون
«««««»»»»»
زينبكم غريبه ابديرة الشام
مكسوره الاميره كسرة الجام
بقت نار بهدمها من الخيام
من يوم السبي ماكدرت اتنام
عميه اعليك العيون
الحك لختك ام عون
الما غمض ولا ساعه جفنها
«««««»»»»»
يعباس الجنازه تريد دفان
ليش ام عون ما وياها خوان
زينبكم وحدها و ماكو عوان
يدفنوها الغرب من غير عنوان
وانته ماكو اشلون
الحك لختك ام عون
ولا اخوان يمها و ماكو ابنها
«««««»»»»»
وين حسين عنها وينه عباس
تناديكم اختكم ها ينبراس
بديار الغريبه تموت يا ناس
دفنوها بشماته رفعت الراس
عليها اشلون ترضون
الحك لختك ام عون
و بديار الغريبه ابلا كفلها
«««««»»»»»
هاي اختك يعنوان الكفاله
ادتها ابفخر دور الرساله
ذلت عرش اميه و احتلاله
جليله الله خص الها الجلاله
الليله مضلم الكون
الحك لختك ام عون
طش بعدك يبو فاضل شملها
«««««»»»»»
تعال وشوفها مالومه لليوم
السوط امتنها تارك ارسوم
ما تكدر الحره بحيلها تكوم
زينب بالنهار الشافت انجوم
اضن ما بيها تدرون
الحك لختك ام عون
جبل لو شاف همها ماحملها
«««««»»»»»
حسن صالح العيساوي




https://www.tgoop.com/alalladafaeei

هاي خيمه لو سجن..
بيها ابن جعفر يون. ..
جنها ونة ام الحزن.. ونة الكاظم…

///////////

من سجن موسى ابن جعفر تحجي الدموع…

سجني وحشة خيمه جنه إوني مسموع…

إتخليت ليلة العاشر زينب اتلوع.…

ارماح من زفت  القاسم مو بالشموع…

فاتحه يصير العرس

صدري لوعه منترس

بخيم زينب انه احس

ونة الكاظم

////////////

كال وي زينب عشتها بكربله الصار

ونار خيمتها احسها بكلبي تندار

انده ومحد سمعني طفوا النار

كَلبي احسه صار خيمه وبيه الزغار

ويالخيم نار الكلب

يستعر جمره ويشب ..

اخ من نار الغرب

ونة الكاظم

/////////////

من احس ثكل الحديد وصعبه ينشال

وابد متفارك خيالي وتبقه عالبال

شلون زينب جتفوها بذيج الحبال

وخلت حسين ابو اليمه يون  عَالِرمال

بقه يون امنل عطش

لخده رمل الي انفرش

وحافر  بصدره نهش

ونه الكاظم

////////////

انه سجني صار عندي جنه الخيام…

ونفس مازينب غريبه ابين ظلام…

ضلت اتصيح اعله اهلها يهلي الاكرام..

العيله ماعدها ابد والي بغربه تنضام

نلبس ثياب القهر

بده منل ضلع انكسر

وصل للكاظم اثر

ونة الكاظم

//////////

ريت اهلي اليوم يمي وغربتي اتهون

ولون يم الميت اهله اتغمض العيون

ماتضل مشبوحه عينه عل يمرون

يدور الناس اليحبهم بلجي يلفون..

اتغمض عيونه وتسد

ابلا اهل حسره يهد ...

وينكم طال البعد..

ونة الكاظم

////////////


نسالكم الدعاء

احمد الطيب الحلي


https://www.tgoop.com/alalladafaeei