من الباطل تشيب لحايا الناس
موش من الكبر هالوادم تشيب



كاظم اسماعيل الكاطع
قصيدة ابو الطيب

انه انسان مااقبل اشوف انسان متعذب
البلبل مايغرد
من يشوف غراب فوك التيل متكهرب




كاظم اسماعيل الكاطع

عرفنه فراك هالسفرة علينه يطول
من طاحت اديك
وكاسك تبدة
يا هالكاس..
لو ندريك ماتحمي النديم وتنكلب ضدة
كاطعناك من مدة
ياشباج
لو ندري سمومك حار
سوينه جلدنه من الصبح بردة




كاظم اسماعيل الكاطع
قصيدة رثاء للفنان رياض احمد

الليله كاظم مايمره الليل نايم
الليله جايبله مسيح
الليله ارد خيول وحشه
بحيل چلمه
چلمة الحگ ماتطيح
يافراگين الصبه شحملج هم
طلگي حملچ
مسيچين حمال المتن
خل يستريح
ولترس حبوب الفراگ
حنه احمر
من دمه جروحي اليسيح
الليله شيلة امي تنشد
مطرزه نجوم وگمر
الليله ناطور على بابك
عندي موعد ويه نجمات الظهر
الليله طور محمداوي
يفتت گلوب الصخر
من غفوته يگوم كاظم
وياي ياهييي يصيح
الليله جايبله مسيح
اليله نيسان المحبه
ينسي نشغات المطر
الليله جلد السما صافي
وصدر ديوانه الگمر
الليله حظي وياي يگعد
حسب چلماتي ازر
الليله روحي الغرگاها الروج
تنتفض
تطلع
تشگ حلگ النهر
عركه واهزم شبح عمري
ملاوه ايدين ويطيح
كاظم اليشهد عليه
روحه رجعها المسيح
الليله هور الونسه يوفيلي بچلمته
من بعد حزمة شوارب من كصب روحه فتل
الليله راكوب الموده
ينهض بروحي نخل
الليله مشحوف المسامر
يطول مرديه ويصل
الليله هاي الليله تطلگ
الگمر اسم الطفل
الليله كاظم طيف صاحي
نگعد ونحجي شحصل
حتى غربان الحروب
تنصبغ ابيض صريح
من غفوته يگوم كاظم
الليله جايبله مسيح




القصيدة لاحد محبين كاظم اسماعيل الكاطع

انت تدري.. وانه ادري
الخيل ماتلحگ عشگنه
بعيد..
فوك الدنيا.. دنيا
شكثر ماتعلى المنارة
ماتصل جدم الشمس



كاظم اسماعيل الكاطع
قصيدة جنحان شموع

انت تدري.. وانه ادري
انه احب بيك
المكابر
والصبر
والمستحه
وانت حب بيه
القصايد
والمصايب
والبطاقات الغريبة بسد جوازات السفر
.
وانت تدري.. وانه ادري
ماتظل لليل خيمة بهالهوه
ولاتظل للكاع گطرة من المطر
ولو يمد حبله العطش ويشد ادينه
نگوم نرضع مي شجرنا
ولانبوس ايد البحر!
.
كاظم اسماعيل الكاطع
قصيدة جنحان شموع

لاحبيبي
الدنيا بالهجران ماتبقى زهية
النهر مايبقى نهر من ينسى ميّه
وانه اشوفك
شمس كل غبشه
وگمر كل مغربية
ونسمة جايبهه الربيع
ودرب ماخلاني اضيع
وبينه وبينك ورود مفتحة
وبينه وبينك حنين ومستحه




كاظم اسماعيل الكاطع
قصيدة ورود مفتحة

شيفيد تمر نهر بولاية مهجورة؟
شيفيد تمر محابس بيد مبتورة؟
شيفيدك..
يايول
ياشنهي.. ياكلبي
تظل مثل الارض يومية الك دورة
شتظن الليل يكصر لو نوج بخور؟
ونسوي الحزن شباج
نربط بي قفلنه ونبقى يمه ندور
مامش للسواجي عيون
لو تدري الشجر
صاير حطب للنار
جا مثل الحياية تلم نفسهه وتغفه بين الزور
.
.
.
كاظم اسماعيل الكاطع

كاظم اسماعيل الكاطع واصفاً الشتاء الحزين الذي يمر على بغداد



حبات المطر..

تنزل على الحايط جرح

وتغسل الوجنات بدموع البعد

جاك البرد.. جاك الثلج

جاك الضباب يجفن الفانوس

ياشباجنه الينسه السنين

يضيع جرحه

لو كلشي اليصير.. يصير

ولو كل الشجر يحترك واتيه العصافير

تبقى انت وطن واحنه عراقيين



كاظم اسماعيل الكاطع

غلطان كلمن يظن
طحنه بشواطي الحزن
لو نمشي كل العمر
كل العمر
لانتعب ولنطيح




كاظم اسماعيل الكاطع

جرفين النهر شفة مغني





كاظم اسماعيل الكاطع

ضنيت العشك ورگة رسالة وتاهت ويا الريح 💜




كاظم اسماعيل الكاطع

بعد لتكول انتلاگة انه وانت على الصدف
كلمن يروح بطريقة
دربك ودربي اختلف




كاظم اسماعيل الكاطع
قصيدة الندامة
وايضاً اغنية للفنان ياس خضر

گلوبنه من اول عشك شبن سوه





كاظم اسماعيل الكاطع

من جنت مجروح
جنت ارسم بدم جرحي على الحايط
حمامات السلام




كاظم اسماعيل الكاطع

هذا اليحب الگاع من شلناه
بقه على الگاع كلبه
وطلعت من شگوگ تابوته
تصاوير الوطن




كاظم اسماعيل الكاطع