اليموت يشوف
يسمـع
يلتفت
ينكسر كلبه ويعرف اليبچله





كاظم اسماعيل الكاطع

تصيح افيش ياباب الدفو المسدود
يا ما بكل صبح ثلج الملامه يطيح
يا ما  بليل شبت وانطفت نيران
ولوجه الصبح تلكه الرماد نهود




كاظم اسماعيل الكاطع

على المايسوه تطيح الروس جملة والشوارب تنفتل



كاظم اسماعيل الكاطع

مادامك يكلبي فوك الارماح
لاعندك حبيبه
ولا الك دار
شيفيدك لو تجر كل المواويل
شيفيدك لو تردد كل الاشعار





كاظم اسماعيل الكاطع

اعتبروها جكارة

جنت انه الوم النخل
لو من ادين السعف بالريح يوكع عثگ
بس جربتهه وشفت
شفت العطش لو هجم اول ضحية العرگ



كاظم اسماعيل الكاطع
قصيدة زعلان

انه وكلبي الينافسني عليج
انعيش بالسكته
ويمر بيه الدفو بردان
ياخذني التعب للنوم
وبكل ليلة اشوفج مزهرية
تورد بنومي
وتغطيني بعطر نيسان





كاظم اسماعيل الكاطع

موش صوجك

صوج كلبي اليظن هاي الناس مثله



كاظم اسماعيل الكاطع

هم اجيتك؟
شفتك تبيع الحسن للعالم
وكلك شريتك
يالشريتك حنطه
ونخاله لكيتك
هم اجيتك ؟
وشنده كلبي لمحبتك
نايم بفي الصبر عود ونسيتك
هم لكيتك صبخه..
وانه امطر دمع سنتين
جا هلبت رويتك؟
اه ياكاع الملح
يالماصفت وي وردي نيتك
اه يالماي الوكح
وك......يالماي الوكح
يالماصفت وي شط نيتك




كاظم اسماعيل الكاطع

اتذكرچ
يم ليل احبه
انتِ ليلية عليج تسير النجمات
كل نجمة تجيب من السنا وصلة صغيرة
انت جمعتي السماوات الصغار
من النجم والتاس..
لمن كبرن وصارن سما ودنيا چبيرة
گطرة گطرة
تطيح چلماتج بدينه
قفل ينشد ع الكلب
گطرة كطرة
الدم يخطني وانرسم بسمار
واندك ع الدرب
.

بعيوني بچي
بگد الحجي المضوم عد النَّاس
وبگلبي حجي ، بگد البچي الراكَد
بعيّن النَّاس ..
وأمشي ودورت عنكَ
مدينة ، وبادية ، وكل شي
وصعد دخان گلبي الغيمّة الوهواس
وأمشي وخلص باكَيت الجگاير بالدرب
گمت اشرب بروحي ..

- كاظم اسماعيل الكاطع

صلبو عله عيوني حلمك

وانت يالمجروح خاف احچي والچمك




كاظم اسماعيل الكاطع

تظل انت جرح مدفون بالعين




كاظم اسماعيل الكاطع

انه اهتز العمر بيه

ولگيت عيونك مرايات مكسورة



كاظم اسماعيل الكاطع

الگمر مثل الطفل نايم على ايدي





كاظم اسماعيل الكاطع

أخاف هواي..
اخافن لاعطش هاي السفن
يشرب بحرنه ونوگع عله الگاع
و أوهوس.. والضنون هواي
وهواي الضنون هواي
خوفي عله الشمس تگطع حبلهه
وتوگع عله الگاع
اخاف هواي..




كاظم اسماعيل الكاطع