يابحر وشگد وسيع
ومن كثر خوفي ردت بچفوفي المك
يابرد عاشر ضلوعي وماكرهته وماشكتلي الروح همك
انت ياجرح العشگته ومن تطيب النوب الچمك
لاتگول انساني يسمر شنسى منك
حزني عيد يصير من يبتسم سنك
هالبعد كل هالمسافة وانت بين ضلوعي چنك
.
.
.
.
قصيدة كون يمك
كاظم اسماعيل الكاطع
.

روحي ع الشاطي حمامة والسمه نفرشت حرير
والفرح جنحانه عشرة
ياجنح وياه اطير
العشگ بيبانه عشرة گلي يامفتاح اصير
حيري ياروحي
شحلاته البالفرح گلبة يحير
على جرف الليل اتاني
والهوا المر بيه دافي
ومر خيالك چف حرير وذب على عيوني جفافي
بشفتي چلمات المحبة خضرت مي وقوافي
على جرف الليل اتاني
وهمستك روجه بجرف كلبي تفيض
شوگنه بلون الثلج وچفوفنه عصافير بيض
ياحبيبي حبنه صفصافة وانه بفيهه گعدت اكتب شعر
گالي الشوك الاجه منك عگب باجر تمر
وفتحت بيبان كلبي وعلى جرف الليل ضليت انتظر
.
.
.
.
.
كلمات كاظم اسماعيل الكاطع
غناء قحطان العطار
.

چـني ألتذ بأذيتك

كاظم اسماعيل الكاطع
يلجأ الى اللغة_الحسچة ولا يستخدم الكلمات المنقرضة التي وضعت على الرف من زمن (فاللغة تتطور حالها حال الانسان) بل_ يأخذ المفردة الشعبية ويجلسها في حضنه، وبعد ان ينظف لها ملابسها، ويقلم اظافرها، ويمشط جدائلها الطويلة، بعدها يسمح لها ان تخرج للناس متباهية بثوب قصيدة الكاطع الذي جعلها جزءاً من الجمال العام.


ولگيت مرسى بجرف
بحر العيون الزرگ
ولگيت فيّ وعطر عند الشعرها فرگ
بس مالگيت الوفه
والله عشگنه عشگ


قصيدة زعلان

كون اذب ثوب الحزن وانه بشبابي

والحزن ع الخد اسطرة



كاظم اسماعيل الگاطع
(مرة مرة)

شكبر نعش النهر
لو مات
ياسدة التصير لرگبته وسادة؟




كاظم اسماعيل الكاطع
(نعش النهر)

الحچي ممنوع
اهل هذا الدرب خرسان
وبوجهي الضوه قفل شبابيچه
وظلام الليل غلف وحشة الحيطان
ذباني بدرب شاتل رصيفه سيوف
وسيوف الرصيف وسادة التعبان






كاظم اسماعيل الكاطع

Listen to نقطة النهاية | مزج by أحـــــمد on #SoundCloud
https://soundcloud.com/ahmed-taha-102138225/r6lsznjoagh1

اسمعوا وان شاء الله يعجبكم

انا وليلي الكبر ذنبه
خنگ كل الضوه بعيني
ولا فرگس ضوه بخده
وبعدني بظنة الردة
اصبر بالعمر.. تاني
اصبر بالعطش.. تاني
اصبر بالدرب.. تاني
ثگل ذنب الظلام وگاعة جاي تدوس
جاي تهب مساحي الريح
وتكْسر عناد الباب
وتفك الضوه المحبوس
جاي تهب هلاهل ليل المعرسين
وترد لجسمها الروس
يمته؟
يمته تهب هلاهل ليل المعرسين وترد لجسمها الروس؟



كاظم اسماعيل الكاطع
رسالة الى بريد الغرباء

الشرفة كمين
وخوفي من عدها يطل
حتى هذا الگمر لعبة
من خلص دورة ورجعنه
نزلوه اهله بحبل


كاظم اسماعيل الكاطع

ويــن الگــاك ؟
ويــن اشهــگ وامــوت ويــاك


كاظــم اسماعيل الكاطع

چنه نلعب بالرصاص
ونشرب البارود
ماندري عله اهلنه بوحشة الميتين
يتلم
چنه شبعانين
ماندري الخبز ياهو اليجيبة
صافي مثل الماي املنه
وبطرگ لعب الشوارع
لاجگاير.. لاسياسة... ولاحبيبة
وبطرگ حلم الشوارع
وبطرگ لعب الحدايق
يوم صاحبنه الفخاتي
وصارت الشجرة حبيبة



كاظم اسماعيل الكاطع

مجبور افضي الخلگ
واتكاتل وي الحچي




كاظم اسماعيل الكاطع

كلساع اريد انكسر

مثل الگلاص البيد سكران

ومثل الگلادة البالدرب
بس اغفل انباك



كاظم اسماعيل الكاطع

كون اشوفن مريمك مابيها لولة
ومن صدك نلگاهه عذره
هي حسرة
وعِشرة مرة
والمرارة تزيد للمايلگه فيّ
وينتچي على الشيب عمره



كاظم اسماعيل الكاطع

حلاة امنا.. انتذكر يوم شيبنا من الزلف
طاحت
وفاضت گمرة ع الچرغد



كاظم اسماعيل الكاطع

جرح المحب فرحه



كاظم اسماعيل الكاطع

راسك من تعله فوگ الرماح
ضل راس الزمن لليوم نازل



كاظم اسماعيل الكاطع