بالليل المناجل تنغسل بالماي
ودم يابس عليها..
وبالغسل ماراح!
فزيت الصبح
شفت الحلم مذبوح
وبعيني نسه سچينته الذباح



كاظم اسماعيل الكاطع
مامرتاح

احاول اكتم اسراري
واضم اوراقج بناري
واذا صح للعشگ شراي
ابيع شلون ما بعتي



كاظم اسماعيل الكاطع
احاول

زين ماشافو زنودي

چا لگو شبگة وداعك



كاظم اسماعيل الكاطع
وين صبح

فاتك قطار الهوى
وبعيد عنك صاح
والشيب حنه الزلف
والنوب ع الخد لاح
امشي عله حد الحزن
لن الحزن ذباح
يادم شحصلت من شجرة التفاح؟



كاظم اسماعيل الكاطع
وياك اني حرب

Listen to عبادي العماري | قطار الشوگ _ كلمات كاظم الكاطع by أحـــــمد on #SoundCloud
https://soundcloud.com/ahmed-taha-102138225/febedqlibbmu?p=a&c=1

الجرح لو طاب هم يترك نياشين




كاظم اسماعيل الكاطع

منهو بحالنه احنه المساكين؟
احنه المحد النه المدري منين
ومن يسأل علينا لمن نغيب؟
حتلو غياب يطول سنين
خلصنه عمرنا بالمحطات
سفر
وبيوتنا سطوح الفراگين
مرسومة بجلدنا ذيج الانياب
الجرح لو طاب هم يترك نياشين
وين اهلي علي مادگوا الباب
تره صحتي عليلة وگلبي موزين
خسارتنا جبيرة غشمة ع السوگ
وبعنه عقولنا بسوگ المجانين
من يستاهلج يادمعة العين؟
مسكين اليداين دمعة العين
تمنينا نموت بغير تعذيب
وعلى المذبح نطرنا صارلنه سنين
فض الازدحام وقلت الناس
وماگدامنا بس واحد.. ثنين
يوصلنا السره ويتأجل الموت
ويم رگابنا تعمه السچاچين





كاظم اسماعيل الكاطع

غني..
ديرتنه بربيع اذار
مر بيه الحلم
غني.. غني
غني كل فرحة زمانك
للفرح.. للناس.. للحب..
للنخيل الدوم فاتح گلبه لطيور السلام
غني.. للنسمات للگاع الحبيبة
واظفر خيوط الشمس
اظفر خيوط الشمس لجبالنه الحلوة گصيبة
واضحك
اضحك غروب الشمس وجنة حبيبة
اليوم دنيتنه جديدة
مزوگة بفرحة واغاني
اليوم دنيتنا عروس
چفوفها شموع وصواني
كحل ايام العراق الجاي
بعيون الاغاني
وافرح بكل فرح وامرح بكل مرح
وغني للحب للسلام
غني كل فرحة زمانك
للنخيل الدوم فاتح گلبه
لطيور السلام




كاظم اسماعيل الكاطع

المناير ها كثر تهوه المواعيد




كاظم اسماعيل الكاطع

احس گلبي اليحبك طير
طاح بشبچة الغربة
بعيد انت
وبعيد انه
وكل واحد نصب تمثال للثاني بوسط گلبه




كاظم اسماعيل الكاطع

طرگنه چفافي الغيم خضره
وبس نشرها الصيف يمطر



كاظم اسماعيل الكاطع

انه اشوفك شمس كل غبشة
وگمر كل مغربية
ونسمة جايبهه الربيع
ودرب ماخلاني اضيع



كاظم اسماعيل الكاطع
ورود مفتحة

انه انسان مااقبل اشوف انسان متعذب
البلبل مايغرد من يشوف غراب
فوگ التيل متكهرب



كاظم اسماعيل الگاطع

غشمة احنه وبلاية گلوب
ونأمن بدنيانه
نضحك وي كل الناس ثاري الماي جوانه
شبينه وماحسبنه حساب
لا انتِ ولا انه
بنادم گلبه يدليه
بنادم عينه ميزانه
دنيا موالفه للغير گوه نريدها ويانه
كافي من العتب واللوم چا شيفيد يفلانه
من شفنه القطار يصيح
طير وشاف جنحانه
شال الناس كل الناس وانه وياچ خلانه
تعبان شكثر تعبان
وانتِ وياي تعبانه
رجعنه من المحطة بليل
چنه وجوه دفانه



كاظم اسماعيل الكاطع

من طاحت الراية من ايد عباس
بحضرته اليوم تنشال بهلاهل


كاظم اسماعيل الكاطع

من اعظم الرسائل التي كتبها الكاطع
.
.
نلــــم وجوه
نلم وجوه
الوجه الصدگ والچذب والمصبوغ توه
ونمتحن بالماي..
نسبح والنظيف يفوج
والوجهه كواغد ينمرد بالماي
والوجهه كواغد ينمرد بالروج
والوجهه كواغد مو صديج الماي
والوجهه كواغد مايرحمه الماي




كاظم اسماعيل الكاطع

شكبر نعش النهر لو مات
ويا سدة التصير لرگبته وسادة



كاظم اسماعيل الگاطع عندما يصف شهيداً
قصيدة نعش النهر

نكتب.. ونغني... ونرسمكم
لوحة ثورة اعله الحيطان



كاظم إسماعيل الگاطع