احاچي دروب ماتحجي
واگول..
شگد وكيحة الروح
خامة
ومارضت بدموع عيني تبيد؟
ولا هي تهيد
باچر بس خيالك ينزل بعيني
وتمر بيه الف حسبة
الف سالوفة
لايام انگضن ضحكات ومواعيد
واحس وحيد
انشف بيد
واكتب بيد
وشطوط الحزن وي دمع عيني تزيد
.
.
كاظم اسماعيل الكاطع
اقتباس من قصيدة باچر عيد
الصورة لسدير كاظم اسماعيل الكاطع مع قبر والده

Listen to كاظم اسماعيل الگاطع | مزج by أحـــــمد on #SoundCloud
https://soundcloud.app.goo.gl/nmXf

لگط لون القميص
وصرت كلي اسود
مثل عاشور
چني اعلام عشر بيوت





كاظم اسماعيل الكاطع

كل روجه بجرفها تنام
وانت تظل گمر عالي



كاظم اسماعيل الكاطع

كل وكت انه الضحية
كل وكت انه الجريح



كاظم اسماعيل الكاطع

يا سن الصخر لاتنكسر بالروج
مو چنت بزمانك ترهب الملاح




كاظم اسماعيل الكاطع

يمسافر بليلة مطر

تَعب اديه التلويح



كاظم اسماعيل الكاطع

غبشت بليل انا المشتاگ
عندي وي الجرح موعد


كاظم اسماعيل الكاطع

احنه هنا
اذا يشمر عباته الليل
من الخوف بين جلودنا نلَبد


كاظم اسماعيل الكاطع

زكية حچيت قصتها للدفان
لكن بالحچي الدفان ماصدگ
ياگاع النجف وشكثر بيج اسرار
نحسدها لصبرها شعجب ماتزهگ
ماعدنا ارض تاخذ جبل مكتول
واليدفن جبل ينرادله خندگ
ممصدگ غرفتج تبقى كلها تراب
واخشاب العرس تابوت الج تندگ
هالمرت علينا أجيال يابو اجيال
ظل باب الحزن مفتوح مايرضاش يتسرگ
ويظل ثوب الصبر مدروع
تخيطه الناس.. يتفتگ!!
بعدنا ننوح ونگدر اثياب السود
ويظل لون الحزن بگلوبنه ازرگ


قصيدة حگ الموت.. لكن!!
رثاء لزوجته المرحومة زكية


خندگ... خندق

يتسرگ... يُقفل

مدروع... ممزق

ياهيه..
دينت العمر
وشلون اردن ديني



كاظم اسماعيل الكاطع

ياحفنة شذر طرز وجنة الليل
ياضحكات مصباحه
لگيتچ
يالعله عيونچ تموت سنيني مرتاحه


كاظم اسماعيل الكاطع

لگيتچ دنيا مليانه وفه وراحة
ولگيتچ طير
شاير فرحة ايامي على اجناحه


كاظم اسماعيل الكاطع

ظلي يمي
اني اريدج ظلي يمي
وجهچ يذكرني بأهلي
وجهچ ينسيني همي
صوتچ بليل من اسمعه
چن بچت عد راسي امي
خل اشوفج
ماشبعت من امي شوف
روحي يمها
ابيتها ظلت تطوف
فاركتها وماشفتها
وهي غربة وليلة صعبة
وجية المشتاگ خووف


كاظم اسماعيل الكاطع