المگيّر...*

مشيت وياه للمگير اودعنه
مشيت وكل كتر مني انهدم
بالحسره والونّه
وعلى الرمله بضوه الگمره
يناشدني وانشدنه
اگله تروح ..؟
وگليبي بعد بيمن اهيدنه
بچه ودموعي لاگنه
بعد وعضاي زتنه
ويوميلي بطرف چفيته
من بعيد اشوفنه
و صاح الريل.....
وآنه وياه
يعت بيه واعتنه
يجرني بحيله ويصوفر
وآنه معرد واجرنه
ذمه برگبتك خلني ولك مشوار اشوفنه
ولك يا ريل لا تبعد
ولك ولفي واريدنه
وجزاني يجر فراگينه
ومامش حيل اردنه
واظل ارفس رفيس الطير
إدين زغار لزمنه
واهومش مادريت امنين
جدمي إو وين انگلنه
واحط گلبي على السچه
بلچي الزين اسمعنه
وعلى الدلال موش السچه
مشى الريل اهيسنه

واظل مناطر السچه واعد محاط للبصره
ها .. تل اللحم وصلو...
جزو...؟
نام وهدل شعره
ولك يا ريل لا تگعر
اخاف تفزز السمره
وارد للناصريه اردود
مخنوگ بألف عبره
ويراويني النخل
مو گاف حبنه وطيبة العشره
ويگلي اصبر
شهر ويعود
والمفطوم شيصبره..؟

*المگير :- هي زقورة اور وهي من آثار السومريين تبعد عن مدينة الناصريه مسافه 2 كيلو متر وعلى المسافر من الناصريه ان ينتظر القطار الصاعد والنازل منها

زامل سعيد فتاح

عطشتني بماي حبك
أمطر .. أمطر
خاف ربك


مظفر ألنواب

ولك خاف ربك

نسيم عوده

أعـاند روحي ما أشتاگ وآني الشوگ
كاتلني

عريان السيد خلف

وانه بلياك حالي يخاف من حالي

كاظم الكاطع

"أمس طشَّيتك على الأيام ، صم نسيان
وسمَّيتك ، حزن."


- مظفر النواب

‏الوحده لا تزرع شيئاً ، إنها تجعل الأشياء ناضجة .
‏
‏ فريدريك نيتشه


2:21 Am

و مضيت و كأنما أعجبك الفراق
و تركت الذي كان بيننا
للنار و الاحتراق !

محمود درويش

يالخذت كل الگمر لون ومشيت..
و آنة أخذت الليل لوني..

لطيف العامري

مو هضيمة خل يطشرك سهلة تتحمل ألم
بس هضيمة تكله لمني هوه هم محتاج لم


عبد الحسين الحلفي

إنّني أسمع صوتك في كل ضجيج العالم.


- بول إيلوار

وما رأيتُها يَوماً إلا وذَهب الهَم الذي كَان فِـ قَلبي ، ووالله مَا أغضبتُها قَط ، ولا أبكيتُها قَط ، ولا أغضَبتني يَوماً ، ولا أذتنِي يَوماً..
ووالله مَا وليتُها ظَهري أبَداً ، ووالله مَا رأيتُها يَوماً إلا وقَبلتُ يَداها..

حب علي لفاطمة🤍✨

ومدري ليش
الگاك يمي بكل حلم

ذياب گزار

وگع بطل الصبر وتطشر إگزازه؟


كاظم إسماعيل الگاطع

ياحبيبي انه كل ليله اموت
هواي اموت وما اكلك

صفاء الجبوري

ادورك
وين
وانته
المثلك…
يضمونه ع المثلي حرز
ب جيوب…..گلگامش
ادورك
وين
واحنه
ثنينه متيهين
مامش يفگد بـ مامش


محمد لفته العماري

فجر نيه الطريج وخاطرك تابوت
لم ليلك ولاترتاح
ماضل للسهر شراي


عزيز عسكر