وين تريد !!

تعال وگتلك ومبخوت
ل أفرشلك ضنا اسنيني..
واسگييك بشعِر خنياب
واچشفلك مچاميني...
واعاند كل جرح مغلوگ
واصبغ شيب عشريني!!
يا ''عشبة مرز'' ملگاك
مزنة اتبخ چوانيني...
عطشان الگلب 'صيهود'
حسوه بچفك وراضين
ديرة حول ترويني...
ي حنطة ب عِز مطر تشرين
اناطر سنبلات الديم
أطني من ''الدريخ اگشاش''
حتى الماكو يرضيني..
انه الماكو يرضيني!!!!!

محمد حبتر

شاعر شعبي عراقي
من مواليد الاعظمية بغداد ١٩٥٠
جذوره جنوبية التربة ، تخرج من الجامعة المستنصرية ، كلية الآداب قسم اللغة الانگليزية سنة ١٩٧٤
حصد أيضاً شهادة الماجستير في الادب الانگليزي من احدى الجامعات الهندية

عضو جمعية المؤلفين والموسيقيين العالميين(باريس) عضو الاتحاد العام للشعراء الشعبيين في العراق ورئيسه في دورتين انتخابيتين عام 1993 و 1994.

من قصائده ( قيود الهم ، يصبرني ، ريحة الحنطة ، والكثير من القصائد الرائعة )

عُرف الشاعر بمواقفه الوطنية المناهضة للنظام الحاكم بسبب انتمائه للحزب الشيوعي العراقي الممنوع وقتها مما سبب له الكثير من المتاعب. كتب العديد من القصائد التي غناها الكثيرون اشتهر بالكثير من قصائد الرثاء

* لم نعتمد على سيرة الشاعر بالكامل فقط قمنا بالتركيز على نبذة بسيطة

طالب السوداني
القصيده
لشاعر الكبير كاظم اسماعيل الكاطع

هجم بيت الزمان اليشل چف حاتم
يگمط اشباب بيته اشباگ ب احباله
وهجم بيته اليحش العنبر بچفه
ويحير بلگمه اعياله..

اي والله يا #كريم الجسار

انا وخلي تسامرنا وحچينا
نزهة والبدر شاهد علينا ..
والعّذيبي يتنسم عبير الورد نشتم

چاااا نسيتي فلان انا الماصح
ورق وبورد چنتي اتكاتبيني
وچاااا نسيتي فلان انا ذاك الأجي
ولو جووا هلج تحت العبايه تلبديني

عبادي العماري
(سامحيني )

ترنيمه...*

يهون عليچ يا سمره
العواذل خاطري تكسره
يعيروني من أون عليچ
واذكر طيبة العشره
واشوف الدنيا بردي وهور
لا معيبر ... ولا عبره
تهت والروج دولبني
يمنه يجيني ويسره
يا سمره....
والف شهگه
والف شوغه
والف حسره
اشبگها بزبون الليل
اگله بداركم شرها
وتحوم عليچ ونّاتي
شبه فراشه عالزهره

وانتي بلذة احلامچ
وبفي الگمر نمتي
وسعاده معبعبه اكتارچ
وآنه بناري اتچوّه
واشمن ريحة انسامچ
واگولن بلچي تالي الليل
طيفي يخفگ جدامچ
وتشوفين الصواب البيه
وچم چويه انچوه بنارچ

ويمر الليل والعصفور
بخيوط الصبح بشّر
والصفصاف غنتله الطيور وراح يتبختر
والناعور ناغه البير غنه وصبّح البيدر
ويساسلني طري النسمات يگلي شمالك مكدر
اگله هناك ذنبي بعيد ماطور الهوى وحدّر
وآنه وحيد .... مالي عضيد
دربي بعيد واتعثر

زامل سعيد فتاح

الناصريه...*

*مدينة الحب والوفاء والجمال*

يالناصريه تضمين طيفي وخيالي ودنيتي المنسيه
يمشرغده بحضن النخل ومطوّگج
ماي الفرات وغافيه بشاطيه
مديتي زلفچ للچبايش والزلوف هناك
سابت بالحِسن مرچيه
تتنعثر بهور وگصب
والبردي والعگّيد صافي النيّه
ولجنوبه الناگل حسن
شذره انتي صرتي وصارلچ ترچيه
يالناصريه مضايف الما بطلت عاداته مبنيه
ترفع هواوين وتدگ گهوة جواد مهيله ونجديه
يا صنگر يناطح وكت
ما ينسم
ما ينثلم
عالي وثخين بفيه
يا بنت سومر من گبل
من اور من زقورته وماضيه

يم العذارى السابحات بفلك وردي وحالمه بگمريه
لو جفلچ برد الصبح هلهلتي بأنغام الهوى العذريه

ولو كلبدون المغرب يشر حمرته
نعيش الف ليله وليله هارونيه
ياهورنه الكلك حچي بشرابعك
ولدن سواليف الهوى العذريه
لا تنقهر لو عين شامت عابتك
ياهورنه وكل جدح ينضح ميه
يا ديرة الحلوين بكحيلة فريج
منبته وبدوبه

زامل سعيد فتاح

وانا منسي معلگ علئ ارفوف صبري
وحته صارررر اتراب بيه

الگاطع

ردت اغنيلك وگطعوا كل وتر
غافلتهم واعزفتلك ع الضلع

كاظم خبط

زعلان بس يازعل لمن ترد لصدگ
گبل المنادئ اجي وشلون جيه اجي
اركض ركض محترگ

"أمي طشت غيبتي بماي العصر ، والطيرة المعرسة أستحت"

علگت أبليل ألسطح شمعة وبخت
حنت ألسدرة وتحت فيها غفت

تغرف ألگمرة فرح بالشيلة
صادت بماي ألگمر نجمة جميلة

سولفت همي وبچت
غابت ألنجمة وعمت

-الشاعر ألراحل علي ألشباني-1967-

گالو اگوه تحملت تصبر سنه
وماهزتك لهواك طروه
ومادروني اسحن سحن بالروح
واخزن هالعذاب بسمل چلوه
ومادروني اضحك ضحك مچبود
چالمگيود گوه
خايف لساني البطر واضحك چذب
والنار جـوه
وصابر ...
وروحي بملام اللايمين ابتلت بلوه
حارت وياهم يذكروها المضه
وگالو شدعوه؟
واصبحت مثل اليهد وحيد جدام الزلم
واهو بعازة الخوه
ينولي وخالي الظهر مهظوم بدموعه يتچوه


عريان السيدخلف