❤️❤️موال لأمير المؤمنين ع♥️♥️

ليلة الكرار يا مــــــحلاها
ليلة اصياره شكبر معناها

اشرقت دنيانه من نور الامير
ونورت كل الارض وسماها

انفتح بيت الله العلي وبالكعبه صار
وهالفظائل بس علي نالاها

كرّمه الباري ونطآه اعظم صفات
ولله حيدر كل حياته انطاها

وشال جف ايده النبي وللامه گال
هذا مولاهآ الجنت مولاها

حيدر الحق حيدر الحب والكمال
الدنيا ضلمه وبالعلم ضواها

وصار حيدر بالشجاعه اعظم مثال
ولعده انجوم الضهر راواها

يشهد التاريخ حيدر بالنزال
جفه ما واحد گدر لاواها

الاول الكرار من بعد الرسول
وحگنه بيه نتفاخر ونتباها

علي كاظم المنصوري

🌹🌹هوسات للامام علي عليه السلام 🌹🌹
ــــــــــــــــــــــــــــــــــــــــــــــــــــــــــ
الليله بيت الله فتح جدرانه
بأمر من رب العرش سبحانه
استقبل وضيّف علي مولانه

(بس حيدر موّلود ابيته)
ــــــــــــــــــــــــــــــــــــــــــــــــــــــــــ
حب علي جامعنه هاي اللـيله
واجب اجمل محفل انسويله
واحلا باقات الــورد نـــهديله

(ونزف الفرحه بكل ديره)
ــــــــــــــــــــــــــــــــــــــــــــــــــــــــــ
نصّبه الباري ولي وخــــــتاره
معجزه وبس الله يدري اسراره
الدين قام بهيبته وفـــــــــقاره

(ثبّت دين الله بفقاره)
ــــــــــــــــــــــــــــــــــــــــــــــــــ
حيدر الحق حيدر الحُب ولجمال
حيدر القران وايات الـــــــــكمال
وصار حيدر بالشجاعه اعظم مثال

(معروف ويشهد تاريخه)
ــــــــــــــــــــــــــــــــــــــــــــــــــــــــــ
هذا ابو الحمله علي والينه
بالشدد يحضرنه ويحامــينه
من جهنم باجر ينـــــــجّينه

(بالمحشر حيدر يحمينه)
ــــــــــــــــــــــــــــــــــــــــــــــــــ
علي كاظم المنصوري

رساله امن العقيله الهاشميه
إلى العباس سبع الغاضـــريه
رسالة شوگ وعتاب
الك يا اغله الاحباب
رساله امن العقيله الهاشميه
ــــــــــــــــــــــــــــــــــــــــــــــــــ
الك ابعث رساله وبيها مكتوب سلام امن الاميره
من بعدالسلام الحره شتريد من بدر العـــــشيره
مااريدن اموتن خويه بالشام وروحي اتضل اسيره
اريدن گبري كون بصف الحسين وشتمن عبـــــيره

گبري بكربلاء يصير
وعيني لگبتك اتدير

تردني لكربلاء ونتـلم سويه
رساله امن العقيله الهاشميه
ــــــــــــــــــــــــــــــــــــــــــــــــــ
تعال بعازتك وتريدك الروح انهض يا كــــــفيلي
وحدي بغربتي وبلايه وليان دنت ساعة رحــيلي
غيرك من يجي لزينب يعباس ويبرد غلــــــيلي
بفراش المنيه لوحدي ضليت ونهد خويه حيلي

تعال وشاهد الحال
سهم الغـــربه جِتال

اريدن شوفتك يا بو الحميه
رساله امن العقيله الهاشميه
ـــــــــــــــــــــــــــــــــــــــــــــــــ
گرب مني الاجل وتنازع الروح وانتظرك تجيني
اريدك تحضر بموتي يعباس وتغمضلي عيــــني
اتشيل اجنازتي وتشيّع ام عون وتسكّت ونيني
توسدني الگبر وتهيل التراب يا عزي وحنيني

وتگلي الله وياج
كفّالج مـينساج

وتقره الفاتحه وتنصب عزيه
رساله امن العقيله الهاشميه
ــــــــــــــــــــــــــــــــــــــــــــــــــ
تكتب على الگبر هاي اخت الحنان لماطوّل عمرهم
سبب موتي تكتبه مضيعه خووان ماتت من اثرهم
غالين اعله گلب الحره غالين ما حملت هـــــجرهم
سنه ونص تنتظر بلكت يعودون تتنطّر خـــــبرهم

منهم ماكو اخبــار
واعليها الزمن جار

تكتب عـــالگبر هاي الوصيه
رساله امن العقيله الهاشميه
ــــــــــــــــــــــــــــــــــــــــــــــــــ
سلامي لكل اخوتي وإهلي موصول بلغّهم كلامي
مثل گلب الرضيع لشربت الماي عليهم گلبي ضامي
احسن مستعر دلالي بالنار جن حرگة خيـــــــــامي
من كثر البواجي ذبلت الروح وجفني لهسه دامي

مشتاگه الكم اهـــواي
إغص ابشربت الـماي

بعدكم ما شفت غير الاذيه
رساله امن العقيله الهاشميه
ــــــــــــــــــــــــــــــــــــــــــــــــــ
بفاتحتي هلي گلهم يحضرون يبجون اعله حالي
يذكرون المصايب ولمعانات ولضيم الـــــــجرالي
محنتي وغربتي وجروح المتون واهات الــــيالي
هضم الهاشميه بطبت السوگ لضل دم اعله بالي

كلام ابالي ميــــــروح
هضمني وشيّب الروح


ينادون اعله اختكم خارجيه
رساله امن العقيله الهاشميه
ــــــــــــــــــــــــــــــــــــــــــــــــــ
https://www.tgoop.com/aliQ0Q
✍️علي كاظم المنصوري
اهدي ثواب القصيده الى
روح وآلدتي رحمها الله
ــــــــــــــــــــــــــــــــــــــــــــــــــ

https://www.tgoop.com/aliQ0Q

نزله

حره زينب والفخر عنوانها
سكّت ايزيد وزمرته السانها
ـــــــــــــــــــــــــــــــــــــــــــــــــــــــــــ
توراثت زينب شجاعت حيدره
بـــيها ينبع زود سبع الگـنطره
خــــلت العدوان كلها محــيره

رغم مجروحه وجثيره احزانها
ـــــــــــــــــــــــــــــــــــــــــــــــــــــــــــ
رغم مجروحه وجثيره النايبات
هزة اعروش النواصب ولطغات
كلها زود وما تدنگ يم شـــمات

ما تذل وذللت عدوانها
ـــــــــــــــــــــــــــــــــــــــــــــــــــــــــــ
ما تذل وتبقى اْميره مخدره
نكّست راية يزيد وعـــسكره
بت علي الكرار صارت مفخره

بالبلاغه وبالصبر ويّمانها
ـــــــــــــــــــــــــــــــــــــــــــــــــــــــــــ
بالبلاغه وبالصبر صارت مثال
كلها عفّه وهيه نبراس الجلال
هيبة الكرار وايآت الكــــمال

كلها ترجف من يطگ بركانها
ـــــــــــــــــــــــــــــــــــــــــــــــــــــــــــ
كلها ترجف من عقيلة حــيدره
مثل ابو فاظل يموت التنّضره
هيه قائد والجيوش ميـّـــسره

وال اميه زلزلت اركانها
ـــــــــــــــــــــــــــــــــــــــــــــــــــــــــــ
ال اميه ما بقت عدهم رجــال
ظلت اگبال الخدر بس الخيال
جن علي ونازل عليهم بالقـتال

ولعزم ماخدته من خووانها

علي كاظم المنصوري

من سجن السجن خلصهن اسنينه
بقيود الحديد العده مــــــــگيدينه
عاش ابحسره واهات / شاف اشگد معانات
من سجن السجن خلصهن اسنينه
ـــــــــــــــــــــــــــــــــــــــــــــــــــــــــــ
الكاظم بالسجن خلصهن ايـــامه
عايش بالمأسي وليله مــــــينامه
مجِتفين ابسلاسل ايده واجدامه
جار اعليه زمانه ويرمي بسهامه

ويّآه الزمن جار / شأت بيه الاقدار
يگضيها ابسجن والعده امجتفينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
خلّص كل حياته امهاجر اديــاره
لاشايف هله ولا وشايف انصاره
بطاموره وميدري بليله ونهــاره
من گيد السلاسل دمّه يتــجاره

بيده الگيد مطبوع / منّه هوايه موجوع
من كثر ألالم ما غمضت عيـــــنه
من سجن السجن خلصهن سنينه
ًـــــــــــــــــــــــــــــــــــــــــــــــــــــــــــ
من كثر العذاب امغيره الــلوانه
وحده ابلايه ناصر عايش احزانه
ابلا ذمه وضمير وقاسي ســجّانه
واعليه ابحقد مفتره عــــــدوانه

بيه اتحيط الاشرار / زمره وكلها كفار
وحده ابّينهم ما واحد ايـعـــــينه
من سجن السجن خلصهن سنينه
ًـــــــــــــــــــــــــــــــــــــــــــــــــــــــــــ
مغيّب بالسجون ومحد ايشوفه
ممنوع اليزوره ويعرف اضروفه
گلبه اشتاگ لّهله وروحه ملهوفه
ايون اعله الاهل والدمعه مذروفه

منعو حتى اليزور / اهل الضلم والجور
أنــواع العذاب العـــده مشوفينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
عايش بالسجن ومفارگ اوطـــانه
وجسمه اصبح نحيل وروحه ذبلانه
گلبه اعله الاهل مستـــعره نــيرانه
روحه الشوفت الاحباب عــطشانه

روحه محمّله اهموم /خلّص عمره مضلوم
خلونه ابألم نبجي اعله والـــــينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
خلونه ابألم يا شيعه نـــبجيله
دمــعات الحزن خلونه نجريله
من سم الطغات انهدم كل حيله
ميت بالسجن ياويلي هاللــيله

موسى الليله مسموم/ مات وگلبه مهموم
فراگك والبعد يا موسى يـــاذينه
من سجن السجن خلصهن سنينه

اهدي ثواب القصيده الى
روح وآلدتي رحمها الله
✍️علي كاظم المنصوري

https://www.tgoop.com/aliQ0Q

نزله للامام موسى الكاظم (عليه السلام)

للكاظم الــــــــطم عالوجه خلوني
وبجيله حدما يگضي ماي عيوني
ـــــــــــــــــــــــــــــــــــــــــــــــــ
خلوني انوحن للخلص كل عــمره
بزنزانه ضلمه وما رحم بيه دهره
منّ السلاسل ايده صارة حــــــمره
ضيم السجن ياويلي حدّب ضهره

لجله امن انوحن وابجي لـ تلومني
للكاظم الــــــــطم عالوجه خلوني
ـــــــــــــــــــــــــــــــــــــــــــــــــ
شاف شكثر ضيم وإلِـــــم مولانه
منّ السجن روحه اصبحت ذبلانه
ومنّ العذاب امغــــــــيرات اللوانه
حاقد عليـــه ما بيه رحم سجانه

ابلا ذمه يحكم ولحـــكم هاروني
للكاظم الــــــــطم عالوجه خلوني
ــــــــــــــــــــــــــــــــــــــــــــــــــ
عاش ابسجن وبعيده عنّه انصاره
ابطاموره ما واحد يعرف اخــباره
ضلمه وميدري ابليله من انهـــاره
ومنّ السلاسل دمّه ضل يتــجاره

لمصابه اريدن ادمي حتى اجفوني
للكاظم الــــــــطم عالوجه خلــوني
ـــــــــــــــــــــــــــــــــــــــــــــــــ
للــــكاظم ابدلالي عــبره وحسـره
وناري لمصابه تلهــب ومــــتوجره
دمعة حزن من عيني تنزل حـمره
روحي اجزعت لبن الزجيه الزهره

يوميه اموتن يا خلگ تـدروني
للكاظم الــطم عالوجه خلوني
ــــــــــــــــــــــــــــــــــــــــــــــــــ
موسى ابن جعفر إلِماني صوابه
روحي تضل تبجي وتون لمصابه
تتعنه كل عام وتنــــــــــوح ابابه
ودمعاتي عالخد هامله وسـجابه

امصيبه جبيره وبيه جن اجنوني
للكاظم الــــــطم عالوجه خلوني 
ـــــــــــــــــــــــــــــــــــــــــــــــــ
اطبرله راسي الــــــكاظم وادمـــيله
مثل اربعين احسين ممشه امشيله
وانصبله ماتم بالدرب وانـــــــعيله
حدي البدو بالمجلس انه احـــديله

بطور الفواجد من اون بشّـجوني
للكاظم الــــــــطم عالوجه خلوني
ــــــــــــــــــــــــــــــــــــــــــــــــــ
اهدي ثواب القصيده الى
روح وآلدتي رحمها الله
✍️ علي كاظم المنصوري

لحن القصيده 👆

https://www.tgoop.com/aliQ0Q

قصيده بحق الامام موسى ابن جعفر ع
ع الحان مجنونك ملا عمار الكناني

يالكاظم
متعنيه ليك احبابك يالكاظم
هلت دمعها ابابــك يالكاظم
تبجي وتون لمصابك يالكاظم يالكاظم
ـــــــــــــــــــــــــــــــــــــــــــــــــــــ
لما يواليكم هـــــلك
مأتم ابكل بيت الك وقرايه

السني والشيعي اعتنه
يمشي ليك ابكل سنــه مشّايه

ازحوف اجينه لحضرتك
ما نفــووّت ازيـــــارتك مولايه

نحسب احساب الرجب
نمشي ماهمنه التعـــــب وفّـايه

مولانه
للحضره اجو خطارك مولانه
سجـــــلنه من زوارك مولانه
متعنيه ليك احبابك يالكاظم يالكاظم
ـــــــــــــــــــــــــــــــــــــــــــــــــــــ
اتحزم الزاير بّخــــوه
جايب امه وجاب ابوه وعياله

لو تعب يمشي اعله ديه
تشهد الزاير علــــــــــيه افعاله

تمشي ممشى وما تمل
البصره من يوم اليــهل اهلاله

نصبت الموصل عزاء
دم بجتلك كربـــــلاء ودياله

مشتاگه
ذي قار اجت هاليله مشتاگه
يمك دمعها اتسيله مشتاگه
متعنيه ليك احبابك يالكاظم يالكاظم
ـــــــــــــــــــــــــــــــــــــــــــــــــــــ
يملي بغداد السواد
ولنجف تعلن حداد ابيومه

حله وعماره تجيه
والسماوه تعتنيه مألومه

الزاير المتعني ليه
تنجلي لمن يجيـه اهمومه

يمشي ولمدمع يسيل
مُتعب ومتّغيره حيل ارسومه

ياموسى
لجلك يهون الغالــي يا موسى
يالعايش بدلالــــــي يا موسى
متعنيه ليك احبابك يالكاظم يالكاظم
ـــــــــــــــــــــــــــــــــــــــــــــــــــــ
تبجي سامره وتـــون
الكوت غطّاها الحزن بمصابه

الدوانيه امن اجوه
بالمدامع شيّـــعوه احبابه

اتعنت ابلهفه وعـــــزم
توصل البابه وتــــشم اترابه

لحضرتة انرخص الرگاب
اللتقت شيب وشـــــباب ابابه

زوارك
من كل خطر حاميها زوراك
تحفضها وتراعـــــيها زوارك
متعنيه ليك احبابك يالكاظم يالكاظم
ـــــــــــــــــــــــــــــــــــــــــــــــــــــ
ناذر آنه الحضــــرتك
كل حياتي ابخدمتك وسنيني

عمري فدوه يروح الك
گلبي غيرك ما مـَــــلك تدريني

انه ضامي لشوفتك
هيه بس ازيارتــــك ترويني

بيدي شايل رايتــــــــك
كل سنه امشي لحضرتك خليني

من دونك
شنهي العمر وسنيني من دونك
والدنيا ضلمه ابعيني من دونك

متعنيه ليك احبابك يالكاظم يالكاظم

اهدي ثواب القصيده الى
روح وآلدتي رحمها الله
✍️علي كاظم المنصوري

https://www.tgoop.com/aliQ0Q
نعي للامام الكاظم ع

الكاظم بالسجن خلصهن ايـــامه
عايش بالمأسي وليله مــــــينامه
مجِتفين ابسلاسل ايده واجدامه
جار اعليه زمانه ويرمي بسهامه
ـــــــــــــــــــــــــــــــــــــــــــــــــــــــــــ
خلّص كل حياته مهاجر اديــاره
لاشايف هله ولا وشايف انصاره
بطاموره وميدري بليله ونهــاره
من گيد السلاسل دمّه يتــجاره
ًـــــــــــــــــــــــــــــــــــــــــــــــــــــــــــ
من كثر العذاب امغيره الــلوانه
وحده ابلايه ناصر عايش احزانه
ابلا ذمه وضمير وقاسي ســجانه
واعليه ابحقد مفتره عــــــدوانه
ًـــــــــــــــــــــــــــــــــــــــــــــــــــــــــــ
مغيّب بالسجون ومحد يشوفه
ممنوع اليزوره ويعرف اضروفه
گلبه اشتاگ لّهله وروحه ملهوفه
ايون اعله الاهل والدمعه مذروفه
ـــــــــــــــــــــــــــــــــــــــــــــــــــــــــــ
عايش بالسجن ومفارگ اوطـــانه
وجسمه اصبح نحيل وروحه ذبلانه
گلبه اعله الاهل مستـــعره نــيرانه
روحه الشوفت الاحباب عــطشانه
ـــــــــــــــــــــــــــــــــــــــــــــــــــــــــــ
خلونه ابألم يا شيعه نـــبجيله
دمــعات الحزن خلونه نجريله
من سم الطغات انهدم كل حيله
ميت بالسجن ياويلي هاللــيله

✍️ علي كاظم المنصوري

نعي للام الله يحفظ جميع امهاتكم ويرحم الاموات منهن



اناطر جيتج وغفه اعله طاريج
وعاين عالدرب وگليبي مالـوم

اصبّر بالكَلب لو صبّر الروح
ترجعين شوكت وتروح الهموم

اتاني من الصبح للعصر ورجاج
من يوم لمشيتي وشلتي لليوم

نمتي بمگبره وخليتي العيال
ييمه وداعتج موش الج هالنوم

فزّي امن الگبر يالشوفتج عيد
ترى احنه بغيبتج ما نگدر انگوم

اخذتي الحيل كله بمشيتج هاي
و نصين الگلب يحبيبه مجسوم

منّ انظر ييمه ايشيّب الراس
على اصورّج الضلت بس الّرسوم


ما حسبيت من عيني تغيبين
رفيجت دربي گلت وياي للدوم


✍️ علي كاظم المنصوري

قصيده للام على لحن
يمه ذكريني من تمر زفت شباب


يمّه تانيني گلبي بموآدعج ذاب
ويّاج اريّدن اندفن حدر التراب

جروحي بغيابج من يداويها
فدوه حاجيني اندّه وما من جواب
يمّه تانيني گلبي بمـــــوآدعج ذاب
ــــــــــــــــــــــــــــــــــــــــــــــــــ
يمّه بفراگج دنيتي صارت جحيم
بس المدامع والجزع طبع اليتيم

روحي بغيابج من يسلّيها
فدوه حاجيني اندّه وما من جواب
يمّه تانيني گلبي بمــــوآدعج ذاب
ــــــــــــــــــــــــــــــــــــــــــــــــــ
جلمة اليّمه خلّصت وراح الدلال
ولّهم عليه نازل بثــــگل الجبال

نار المفارگ من يطفيّها
فدوه حاجيني اندّه وما من جواب
يمه تانيني گلبي بموآدعــج ذاب
ــــــــــــــــــــــــــــــــــــــــــــــــــ
بشوگ لحجرتج ادخل وگلبي لهفان
وانظر مجانج شصبر وخالي المجان

وين الگه مثلج حنيّه بيها
فدوه حاجيني اندّه وما من جواب
يمه تانيني گلبي بمـــوآدعج ذاب
ــــــــــــــــــــــــــــــــــــــــــــــــــ
عگب الحنينه اصبحت مرّه الحياة
وضليت اتاني وانتظر يوم اللممات

امي وحياتي متعلگه بيها
فدوه حاجيني اندّه وما من جواب
يمه تانيني گلبي بموآدعج ذاب
ــــــــــــــــــــــــــــــــــــــــــــــــــ
يا دنيا تــــسوه ويا عمر هذا اليفيد
وامي العزيزه شالت وصارت ابعيد

شلون افارگها وراهم عليها
فدوه حاجيني اندّه وما من جواب
يمه تانيني گلبي بموآدعج ذاب
ــــــــــــــــــــــــــــــــــــــــــــــــــ
تختنگ ريتي من يمر طاري الحنان
ونبع المــــحنه منّه حرماني الزمان

اتضّمني الصدرها جانت بديها
فدوه حاجيني اندّه وما من جواب
يمه تانيني گلبي بموآدعج ذاب
ــــــــــــــــــــــــــــــــــــــــــــــــــ
اهدي ثواب القصيده الى
روح وآلدتي رحمها الله
✍️علي كاظم المنصوري

🌹🌹بذيات شعبانيه🌹🌹

يشيعي ابحب ابو اليمه تمسك
ونار الاخره لتّظـــــــــن تمسك
الجنه من عطر گبّــــره اتّمسك
وترحب ياهلا بالجعفريه


وحگ السبعه ال ارتفــعن ولملاك
غيرك كلشي ما عنـــدي ولملاك
اجمّعلك دمع عينـــــــي ولملاك
وهلهن من يمر اسمك عليه


نضل وياك ما نخلف وعدنه
من خدّامك احسبّــنه وعدنه
وبيدك سيدي مـــــرنه وعدنه
الصراط. و وقعنه اعله الهويه


نذرت العمر وسنيـــــني ولا مال
لخدمتك وابد ما اتعب ولا مال
عليك ابنيت كل حلمي ولا مال
اريدك تحضر ابيوم المنيه


علي كاظم المنصوري

https://www.tgoop.com/aliQ0Q

 ♥️ (سر ولادة الامام العباس( ع) ❤️

اسولفلك فضيله العگل بيها احتار
للعباس شبل المــــــرتضى الكـرار

حريص اعله الاخوه وبالاخص لحسين
من يوم الولاده وهوه عـــــــنده ايــثار

ابطن امّـــه وقرر ينـــــــولد يا  يوم
وفّي و وقّت ايامه  وإله بهاي اسرار

جزم ما ينولد الا بشـــــــهر شعبان
امن الباري كرآمه بكيفه گلّه اختار


رغم فارق عمر بين الگمر وحسين
لــٰٓــكن رفض يبعد عن ابو الاحرار


ولا  يسبگ اخيّه ولا بيومه ايصــــير
ورى حسين ابو ليمه بيوم واحد صار

حتى بضهره يبقى احزام للكلفات
درع يوگف لخيّه منــين ما يندار

(ولغايه ايشد ضهر حسينه)


✍️علي كاظم المنصوري

https://www.tgoop.com/aliQ0Q

للكاظم اللطم عالوجه خلوني
ادا الرادود. تحسين الماجدي
كلمات خادمكم