قصیده لیلة الأولي
کل ما تهل یهلال اتذکر الأهوال
اتمنه نورك لا يشع بعيوني مرسوم الدمع
*******
اشعندك تهل وسط السمه ريت اتغيب
من انظرك كل ظني يهلال ايخيب
غیر الحزن و الحسره گلي شتجیب
رمح المصیبه جایب ابگلبي اتصیب
و ابجيتك اتحسر ما ادري شتذكر
كلبي ابطلعتك منفجع بعيوني مرسوم الدمع
**********
اشما نورك ابعالي السمه ايظل ايلوح
چني احس سهمك يسدد بالروح
یاریت لا تطلع علیه و اتروح
ارحم دموعي و گلبي هاذه المجروح
من تطلع اگبالي اتذکر اطفالي
ابروحي المصایب تجتمع بعیوني مرسوم الدمع
********
انه العقیله ام الحزن من یومي
و النایحه متفصله اعله اهدومي
من شفتك اتذكرت ذیچ اهمومي
یهلال ونته الخذت کل انجومي
و اتذکر الحاله و الدمعه هماله
بالسکته ابچي چالشمع بعیوني مرسوم الدمع
*******
كل ما اشوفك ابقه بس اتحسر
اتمنه نورك عالمله ما أسفر
من انظرك اذكر جمال الأكبر
من طاح عالغبره و حسافه اتوذر
گلبه یبس شفته زرگه اصبحت شفته
بالحومه تالي ینصرع بعیوني مرسوم الدمع
*******
يالطلعتك تحمل مواجع و الام
ياريت نورك يختفي ابهل ايام
من شفتك اتذكرت بالطف جسام
بالدم تحنه انهدم بيت الأحلام
مهد الطفل خالي ما ینوصف حالي
عبدالله نحره ینکطع بعیوني مرسوم الدمع
*******
ذرة وفه ما تمتلك لا احساس
فرحان و اتشع ابضواك الهل ناس
تدري انته لازم منك ايشيب الراس
من طاح اخویه اعله الشریعه العباس
حسین انکسر ظهره عگبه اگطعو نحره
ابصدره الحوافر تنطبع بعیوني مرسوم الدمع
********
لخادم الحسین علي فلاح الواسطي
محرم الحرام
1444
کل ما تهل یهلال اتذکر الأهوال
اتمنه نورك لا يشع بعيوني مرسوم الدمع
*******
اشعندك تهل وسط السمه ريت اتغيب
من انظرك كل ظني يهلال ايخيب
غیر الحزن و الحسره گلي شتجیب
رمح المصیبه جایب ابگلبي اتصیب
و ابجيتك اتحسر ما ادري شتذكر
كلبي ابطلعتك منفجع بعيوني مرسوم الدمع
**********
اشما نورك ابعالي السمه ايظل ايلوح
چني احس سهمك يسدد بالروح
یاریت لا تطلع علیه و اتروح
ارحم دموعي و گلبي هاذه المجروح
من تطلع اگبالي اتذکر اطفالي
ابروحي المصایب تجتمع بعیوني مرسوم الدمع
********
انه العقیله ام الحزن من یومي
و النایحه متفصله اعله اهدومي
من شفتك اتذكرت ذیچ اهمومي
یهلال ونته الخذت کل انجومي
و اتذکر الحاله و الدمعه هماله
بالسکته ابچي چالشمع بعیوني مرسوم الدمع
*******
كل ما اشوفك ابقه بس اتحسر
اتمنه نورك عالمله ما أسفر
من انظرك اذكر جمال الأكبر
من طاح عالغبره و حسافه اتوذر
گلبه یبس شفته زرگه اصبحت شفته
بالحومه تالي ینصرع بعیوني مرسوم الدمع
*******
يالطلعتك تحمل مواجع و الام
ياريت نورك يختفي ابهل ايام
من شفتك اتذكرت بالطف جسام
بالدم تحنه انهدم بيت الأحلام
مهد الطفل خالي ما ینوصف حالي
عبدالله نحره ینکطع بعیوني مرسوم الدمع
*******
ذرة وفه ما تمتلك لا احساس
فرحان و اتشع ابضواك الهل ناس
تدري انته لازم منك ايشيب الراس
من طاح اخویه اعله الشریعه العباس
حسین انکسر ظهره عگبه اگطعو نحره
ابصدره الحوافر تنطبع بعیوني مرسوم الدمع
********
لخادم الحسین علي فلاح الواسطي
محرم الحرام
1444
قصیده لیلة الثانیه
امر من رب السماء امشي راح الکربلاء
شاء ربي ایشوف اهل بیتي ضحایه
زینب اویاها الحرم یرحن سبایه
**********
رزم ضعن النبوه و ماکو ظل مُهله
گطع حجته و گاصد کربله ابأهله
یزید الطاغي صَدر حکمه و ایقتله
گال حسین اذبحو سیفه لو سله
حسین یعرف بالیصیر الکربله صار المسیر
یهل بیتي صاح اعلم بالخفایه
زینب اویاها الحرم یرحن سبایه
*******
تعنه الکربله حسین ابگلب عازم
قران و تحیطه کل بني هاشم
عباس و اخوته الأکبر و جاسم
ربیبات الشرف بیها و خدر فاطم
گمر هاشم عن یمین بالشداید ما یلین
و ابوفاضل رفت ابچفینه رایه
زینب اویاها الحرم یرحن سبایه
**********
بجدام الصبر گاع الله یطویها
محطات اشکثر بات و یمر بیها
بیها الناس شاف و سلم اعلیها
یعرف صار عن حاضرها ماضیها
اتحاوطه اهل الأُبات لو یحل وکت الصلات
و الضیاغم چانو الصدره حمایه
زینب اویاها الحرم یرحن سبایه
**********
التقه ویه الفرزدق گله و انشدك
عن حال اهل كوفه هات ما عندك
ناده سيدي رد طالما بعدك
اگلوب اوياك و اسيوف الحقد ضدك
البعثو آلاف الکُتب بس حقد منهم یصُب
سیدی و ابکربله اتشوف المنایه
زینب اویاها الحرم یرحن سبایه
********
ساعه و لن خبر مسلم یهد حیله
گالوله انچتل و المدمع ایسیله
لزم ظهره و ابوفاضل یتچیله
عله امصیبةِ مسلم ناحت العیله
هاني بن عروه انچتل هاذه یحسین الحصل
ونته تعرف شنهو یحصل بالنهایه
زینب اویاها الحرم یرحن سبایه
*******
وصلها الکربله و نوخهّن ارچابه
و یدري اهنانه کلها توگع اصحابه
و یدري القاسم الیتحنه بخضابه
علي الأکبر یشیب راسه بمصابه
یوگع ابکتر النهر وسفه عباس الگمر
اهل بيتك عكب ابوفاضل ضمايه
زينب اوياها الحرم يرحن سبايه
*********
لخادم الحسین علي فلاح الواسطي
محرم الحرام
1444
امر من رب السماء امشي راح الکربلاء
شاء ربي ایشوف اهل بیتي ضحایه
زینب اویاها الحرم یرحن سبایه
**********
رزم ضعن النبوه و ماکو ظل مُهله
گطع حجته و گاصد کربله ابأهله
یزید الطاغي صَدر حکمه و ایقتله
گال حسین اذبحو سیفه لو سله
حسین یعرف بالیصیر الکربله صار المسیر
یهل بیتي صاح اعلم بالخفایه
زینب اویاها الحرم یرحن سبایه
*******
تعنه الکربله حسین ابگلب عازم
قران و تحیطه کل بني هاشم
عباس و اخوته الأکبر و جاسم
ربیبات الشرف بیها و خدر فاطم
گمر هاشم عن یمین بالشداید ما یلین
و ابوفاضل رفت ابچفینه رایه
زینب اویاها الحرم یرحن سبایه
**********
بجدام الصبر گاع الله یطویها
محطات اشکثر بات و یمر بیها
بیها الناس شاف و سلم اعلیها
یعرف صار عن حاضرها ماضیها
اتحاوطه اهل الأُبات لو یحل وکت الصلات
و الضیاغم چانو الصدره حمایه
زینب اویاها الحرم یرحن سبایه
**********
التقه ویه الفرزدق گله و انشدك
عن حال اهل كوفه هات ما عندك
ناده سيدي رد طالما بعدك
اگلوب اوياك و اسيوف الحقد ضدك
البعثو آلاف الکُتب بس حقد منهم یصُب
سیدی و ابکربله اتشوف المنایه
زینب اویاها الحرم یرحن سبایه
********
ساعه و لن خبر مسلم یهد حیله
گالوله انچتل و المدمع ایسیله
لزم ظهره و ابوفاضل یتچیله
عله امصیبةِ مسلم ناحت العیله
هاني بن عروه انچتل هاذه یحسین الحصل
ونته تعرف شنهو یحصل بالنهایه
زینب اویاها الحرم یرحن سبایه
*******
وصلها الکربله و نوخهّن ارچابه
و یدري اهنانه کلها توگع اصحابه
و یدري القاسم الیتحنه بخضابه
علي الأکبر یشیب راسه بمصابه
یوگع ابکتر النهر وسفه عباس الگمر
اهل بيتك عكب ابوفاضل ضمايه
زينب اوياها الحرم يرحن سبايه
*********
لخادم الحسین علي فلاح الواسطي
محرم الحرام
1444
قصیده لیلة الثالثه
ضیعوني روحي گطره و بالصحاري عطشوني
ضیعوني اشحصلت غیر البچي و یمکن نسوني
دمعه دمعه فارگتهم والأحبهم عاتبتهم
********
اهلي من یوم الي راحو و الهوه زاعل نسیمه
چلمة الــ یمته تجوني ماتت ابگلب الیتیمه
عاشرت طیف الضهاري اسنیني صبخه و گاع هیمه
لا اخو لا ابو لا عم ابقه وحدي یاهظیمه
بیه حسره اکتب اعله الباب عافوني الحبایب
بیه حسره انکسر ظهر الیل گد ماني اعاتب
روحه هیه و ماشفتهم والأحبهم عاتبهم
********
الگاع اذا عطشت و یبست تبقه اتزاعل سماها
الورده لو محني غصنها اتعیش مکسوره ابجفاها
المثلي عافوها اهلها و الیتم یرکض وراها
الناس تسئل لیش ابوها الطفله ویاه ما خذاها
بس اکابر والحزن ماخذ تفاصیل الطفوله
بس اکابر یمته اشوف اکبالي بس اهل الحموله
بالمدامع صافحتهم والأحبهم عاتبهم
********
الیکسر اشراع السفینه ینکسر واهس بحرها
السُنبله المحنیه تبقه ماکو شي ایعدل ظهرها
المثلي صح طفله ولاکن ناشر المخلب دهرها
حسین اذا یرجع الیه روحي ترتاح ابــ مقرها
وین ابویه خل یجي یشاهدني من دمعي اسیله
وین ابویه یعني ما یدري ترك طفله و عليله
وین رحتو ناشدتهم والأحبهم عاتبتهم
*******
عالدلال امعودیني اشلون ابقه وحدي کلفه
الصفنه تاخذني و تردني و عین لیلي اشکثر صلفه
انه بجفاهم علیله و روحي عالأحباب ترفه
وين ذاك الدللاني الخير جان ابوسط چفه
خلص عمري استوطنت کل المدامع بالعیون
خلص عمري عشت بین الیجي و حسبات الضنون
بالزچیه حلفتهم والأحبهم عاتبتهم
********
اشگال گلبه علي الأکبر لمن خلاني وحیده
جاسم ابن الحسن صارت شوفة کلش بعیده
وانه الــ عمي الگمر هاشم هسه مشتاگه واریده
شفت ابویه حسین رکب عاتکه و سکنه و حمیده
دمعي یجري حته عبدالله مشه ابذیچ المسیه
دمعي یجري اشکثر مشتاکه انه الأختي رقیه
اهلي یامه حشمتهم والأحبهم فارگتهم
********
الوحده تکسر ظهری گامت من تجیني المُغربیه
ابقه اذکر عمتي زینب چنه من نگعد سویه
حلوه چانت کل حچینه اتخلي ادیها ابأدیه
الدهر فرقنه حسافه و هسه مدري ابیا نویه
وانه جرحي صایر ابطول السمه وبصدري حسره
وانه جرحي یکبر اگبالي و بقت دنیتي صحره
تالي کلهم ضیعتهم والأحبهم فارگتهم
*******
لخادم الحسین علي فلاح الواسطي
ضیعوني روحي گطره و بالصحاري عطشوني
ضیعوني اشحصلت غیر البچي و یمکن نسوني
دمعه دمعه فارگتهم والأحبهم عاتبتهم
********
اهلي من یوم الي راحو و الهوه زاعل نسیمه
چلمة الــ یمته تجوني ماتت ابگلب الیتیمه
عاشرت طیف الضهاري اسنیني صبخه و گاع هیمه
لا اخو لا ابو لا عم ابقه وحدي یاهظیمه
بیه حسره اکتب اعله الباب عافوني الحبایب
بیه حسره انکسر ظهر الیل گد ماني اعاتب
روحه هیه و ماشفتهم والأحبهم عاتبهم
********
الگاع اذا عطشت و یبست تبقه اتزاعل سماها
الورده لو محني غصنها اتعیش مکسوره ابجفاها
المثلي عافوها اهلها و الیتم یرکض وراها
الناس تسئل لیش ابوها الطفله ویاه ما خذاها
بس اکابر والحزن ماخذ تفاصیل الطفوله
بس اکابر یمته اشوف اکبالي بس اهل الحموله
بالمدامع صافحتهم والأحبهم عاتبهم
********
الیکسر اشراع السفینه ینکسر واهس بحرها
السُنبله المحنیه تبقه ماکو شي ایعدل ظهرها
المثلي صح طفله ولاکن ناشر المخلب دهرها
حسین اذا یرجع الیه روحي ترتاح ابــ مقرها
وین ابویه خل یجي یشاهدني من دمعي اسیله
وین ابویه یعني ما یدري ترك طفله و عليله
وین رحتو ناشدتهم والأحبهم عاتبتهم
*******
عالدلال امعودیني اشلون ابقه وحدي کلفه
الصفنه تاخذني و تردني و عین لیلي اشکثر صلفه
انه بجفاهم علیله و روحي عالأحباب ترفه
وين ذاك الدللاني الخير جان ابوسط چفه
خلص عمري استوطنت کل المدامع بالعیون
خلص عمري عشت بین الیجي و حسبات الضنون
بالزچیه حلفتهم والأحبهم عاتبتهم
********
اشگال گلبه علي الأکبر لمن خلاني وحیده
جاسم ابن الحسن صارت شوفة کلش بعیده
وانه الــ عمي الگمر هاشم هسه مشتاگه واریده
شفت ابویه حسین رکب عاتکه و سکنه و حمیده
دمعي یجري حته عبدالله مشه ابذیچ المسیه
دمعي یجري اشکثر مشتاکه انه الأختي رقیه
اهلي یامه حشمتهم والأحبهم فارگتهم
********
الوحده تکسر ظهری گامت من تجیني المُغربیه
ابقه اذکر عمتي زینب چنه من نگعد سویه
حلوه چانت کل حچینه اتخلي ادیها ابأدیه
الدهر فرقنه حسافه و هسه مدري ابیا نویه
وانه جرحي صایر ابطول السمه وبصدري حسره
وانه جرحي یکبر اگبالي و بقت دنیتي صحره
تالي کلهم ضیعتهم والأحبهم فارگتهم
*******
لخادم الحسین علي فلاح الواسطي
قصیده لیلة الرابعه
حته الصبر مني خلص اجرع صرت هَم و غصص
لحد یگلي ام البنین انه صرت ام الونین
********
عن عیني راحو کل بني عمرو العُله
عگب الهواشم ارض یثرب قاحله
رزمو ضعنهم گطعو افجوج الفله
خوفي علیهم من مفاوز کربله
ابقه انعه کل صبح و مسه ابوجهي الیالي امعبسه
ادعي یرب العالمین انه صرت ام الونین
********
اعیوني مثل غیمه و تکت کت المطر
یوم الیمُر اعلیه ینعد ابشهَر
اشبه صرت مثل الورد غصنه انکسر
و اشخلت ابحالي الیالي و السهَر
انه الحزینه الوالده اربع ضیاغم فاجده
اتمنه موتي بس یحین انه صرت ام الونین
*********
حالي مثل طیر الگطه ابلایه وکر
روحي حمامه و حایم اعلیها الصگر
عگب الي راحو والله ماراح استقر
لا ظل امل عندي ولا عندي صبر
طول الوقت متلوعه عگب الأحبهم ضایعه
محد یرد عندي یقین انه صرت ام الونین
*********
کل اُم اذا ینفگد من عدها الولد
ما یبقه عدها رجوه و اتأیس بعد
و المثلي عندي اربعه و گلبي انمرد
کل واحد ابعیني اشوفه چالأسد
بحشایه نار اموهجه ماظل أمل لاظل رجه
والصخر من وني یلین انه صرت ام الونین
*******
کل یوم تتکاثر علیه لهفتی
اصرخ یلاهي اتشوف انته حسرتي
مو عالبنین الأربعه اتصب دمعتي
ابچي عله حسین الي ساکن مهجتي
فگده ابد ما ینحمل و ابدمعتي ارسم طفل
ریت الي ایعود الحنین انه صرت ام الونین
********
عندي نذر ازرع طریق الطف ورد
بس کون سالم من سفرته اعلیه یرد
یومیه عیني امشبوحه و تبقه تصد
مذبوحه سکته اعله الأبن هاذه القصد
انحب مثل حن الورك گلبي عله الحافه انترك
گلبي بفراگه حزین انه صرت ام الونین
*********
لخادم الحسین علي فلاح الواسطي
محرم الحرام
1444
حته الصبر مني خلص اجرع صرت هَم و غصص
لحد یگلي ام البنین انه صرت ام الونین
********
عن عیني راحو کل بني عمرو العُله
عگب الهواشم ارض یثرب قاحله
رزمو ضعنهم گطعو افجوج الفله
خوفي علیهم من مفاوز کربله
ابقه انعه کل صبح و مسه ابوجهي الیالي امعبسه
ادعي یرب العالمین انه صرت ام الونین
********
اعیوني مثل غیمه و تکت کت المطر
یوم الیمُر اعلیه ینعد ابشهَر
اشبه صرت مثل الورد غصنه انکسر
و اشخلت ابحالي الیالي و السهَر
انه الحزینه الوالده اربع ضیاغم فاجده
اتمنه موتي بس یحین انه صرت ام الونین
*********
حالي مثل طیر الگطه ابلایه وکر
روحي حمامه و حایم اعلیها الصگر
عگب الي راحو والله ماراح استقر
لا ظل امل عندي ولا عندي صبر
طول الوقت متلوعه عگب الأحبهم ضایعه
محد یرد عندي یقین انه صرت ام الونین
*********
کل اُم اذا ینفگد من عدها الولد
ما یبقه عدها رجوه و اتأیس بعد
و المثلي عندي اربعه و گلبي انمرد
کل واحد ابعیني اشوفه چالأسد
بحشایه نار اموهجه ماظل أمل لاظل رجه
والصخر من وني یلین انه صرت ام الونین
*******
کل یوم تتکاثر علیه لهفتی
اصرخ یلاهي اتشوف انته حسرتي
مو عالبنین الأربعه اتصب دمعتي
ابچي عله حسین الي ساکن مهجتي
فگده ابد ما ینحمل و ابدمعتي ارسم طفل
ریت الي ایعود الحنین انه صرت ام الونین
********
عندي نذر ازرع طریق الطف ورد
بس کون سالم من سفرته اعلیه یرد
یومیه عیني امشبوحه و تبقه تصد
مذبوحه سکته اعله الأبن هاذه القصد
انحب مثل حن الورك گلبي عله الحافه انترك
گلبي بفراگه حزین انه صرت ام الونین
*********
لخادم الحسین علي فلاح الواسطي
محرم الحرام
1444
قصیده لیلة الخامس
حایر مسلم ظل بالکوفه ياريتك حاضر و اتشوفه
ياحيدر الكرار هاك اسمع الاخبار
**********
الك انقل صور عن حادثة مسلم
سفیر حسین هاذه أکرِم و أنعِم
لجل الدین راید مهجته ایقدِم
لسان الجرح عن الفاجعه ایترجِم
یاحیدر من نکرو عهده هاي الأمه صارو ضده
هاذه الجره والصار هاك اسمع الأخبار
*******
للکوفه تعنه و واضحه الأسباب
عله الموعد وصل مسلم یداحي الباب
بعد کل الجره انقلبو عله الأعقاب
و ابوجه الحقیقه امکشره الأنیاب
خانو مسلم اهل البیعه گالو امرك احنه انطيعه
متقصده الأشرار هاك اسمع الأخبار
*******
عگب ما بایعو مسلم یبو الحسنین
تالي نقضو البیعه و عهود الدین
ابچتل هاني سمع و ایدیر ظل العین
حایر بقه ابأمره یتجه لا وین
اهل الکوفه عافو وحده نار الغربه تچوي ابچبده
حایر بقه و محتار هاك اسمع الأخبار
********
وصل یم دار طوعه الحره یتفکَّر
مواقد ظلت ابنص گلبه تتسجَّر
یفت صم الصخر من یبقه یتحسَّر
ياريتك تجي و اتشوفه ياحيدر
حالة مسلم شافت طوعه و ایحشمها ابنار اللوعه
ابخده الدمع مدرار هاك اسمع الأخبار
**********
طوعه شافته و منها الگلب مرتاب
تگله شنهي هاي الوکفه یم الباب
یگللها غریب و ما الي اصحاب
اریدن ماي احس گلبي تراهو ذاب
منچ راید هاذه المطلب راید منج ماي الأشرب
و ایشابح الأنظار هاك اسمع الأخبار
********
شرب ماي العذب ظل الگلب محتار
تگله منهو انته الما الك انصار
گاللها تراهُم اهلي ناس اطهار
عقیل الوالد و عمي علي الکرار
لا معرفتك ارد اتعذر ادخل أمن لا تتحسر
و انکشفت الأسرار هاك اسمع الأخبار
********
تگله الدار دارك و اعتبرنه اضيوف
ادخل بیها ذره لا يمسك خوف
طلع وجه الفجر مسلم و لنه ایشوف
عله دار الوفیه طوگتها اصفوف
وسفه اتیسر عگب الهمه من قلعتهم ذبو جسمه
من زادت الأخطار هاك اسمع الأخبار
********
لخادم الحسین علي فلاح الواسطي
محرم الحرام
1444
حایر مسلم ظل بالکوفه ياريتك حاضر و اتشوفه
ياحيدر الكرار هاك اسمع الاخبار
**********
الك انقل صور عن حادثة مسلم
سفیر حسین هاذه أکرِم و أنعِم
لجل الدین راید مهجته ایقدِم
لسان الجرح عن الفاجعه ایترجِم
یاحیدر من نکرو عهده هاي الأمه صارو ضده
هاذه الجره والصار هاك اسمع الأخبار
*******
للکوفه تعنه و واضحه الأسباب
عله الموعد وصل مسلم یداحي الباب
بعد کل الجره انقلبو عله الأعقاب
و ابوجه الحقیقه امکشره الأنیاب
خانو مسلم اهل البیعه گالو امرك احنه انطيعه
متقصده الأشرار هاك اسمع الأخبار
*******
عگب ما بایعو مسلم یبو الحسنین
تالي نقضو البیعه و عهود الدین
ابچتل هاني سمع و ایدیر ظل العین
حایر بقه ابأمره یتجه لا وین
اهل الکوفه عافو وحده نار الغربه تچوي ابچبده
حایر بقه و محتار هاك اسمع الأخبار
********
وصل یم دار طوعه الحره یتفکَّر
مواقد ظلت ابنص گلبه تتسجَّر
یفت صم الصخر من یبقه یتحسَّر
ياريتك تجي و اتشوفه ياحيدر
حالة مسلم شافت طوعه و ایحشمها ابنار اللوعه
ابخده الدمع مدرار هاك اسمع الأخبار
**********
طوعه شافته و منها الگلب مرتاب
تگله شنهي هاي الوکفه یم الباب
یگللها غریب و ما الي اصحاب
اریدن ماي احس گلبي تراهو ذاب
منچ راید هاذه المطلب راید منج ماي الأشرب
و ایشابح الأنظار هاك اسمع الأخبار
********
شرب ماي العذب ظل الگلب محتار
تگله منهو انته الما الك انصار
گاللها تراهُم اهلي ناس اطهار
عقیل الوالد و عمي علي الکرار
لا معرفتك ارد اتعذر ادخل أمن لا تتحسر
و انکشفت الأسرار هاك اسمع الأخبار
********
تگله الدار دارك و اعتبرنه اضيوف
ادخل بیها ذره لا يمسك خوف
طلع وجه الفجر مسلم و لنه ایشوف
عله دار الوفیه طوگتها اصفوف
وسفه اتیسر عگب الهمه من قلعتهم ذبو جسمه
من زادت الأخطار هاك اسمع الأخبار
********
لخادم الحسین علي فلاح الواسطي
محرم الحرام
1444
قصیده لیلة السادس
نتلاگه ابأرض المیدان
حزب الله و حزب الشیطان
ابدم الشریان نکتب عنوان
********
ابعالم الاهوت سیدي اعشگناك
الله خالقنه و احنه نتمناك
عفنه دنيانه عالعهد جيناك
ابساعة الحومه احنه عد عيناك
غيرك صَدك مانختار
انصارك احنه الأحرار
اي والقران نكتب عنوان
*********
سیدي گبلك ندخل الميدان
والحرب هايه فرصة الفرسان
عدنه اطلابه وي بني سفیان
صار قائدنه الگمر عدنان
من تهجم اصحاب الفیل
و اعلیهم نمطر سجیل
فوگ التربان نکتب عنوان
*********
نافع ایهوس شعت اعلومه
اجه بن ظاهر ینتظر یومه
والشجاعه البي ابعینه مرسومه
بالعشگ عابس ایمزگ اهدومه
جون و شوذب وي جُندُب
واحدهم لو بس ایطُب
ایقدم برهان نکتب عنوان
*******
سیدي صاحو عدنه هالواجب
ندخل المیدان دونك انحارب
نگلب الدنیا ابسیفنه انحاسب
احنه لو هُمه یا تره الغالب
باچر احنه انخوف الخوف
من انسل بیدینه اسیوف
عدنه الأیمان نکتب برهان
********
حلفو الأنصار ابفارس الأنزع
ابد منعوفك لوَن نتگطع
نفرض انعوفك للوطن نرجع
المصطفه شنگول ابساعة المفزع
هیهات انعوفك هيهات
عدلين اوياك و اموات
ضد العدوان نكتب برهان
**********
لو صبح باچر و ابفرد نزله
نهجم اعله الگوم والذبح یحله
سیدي مثلك نرفض الذله
نغلب الکثره ابأول الحمله
باچر لو طَر المصباح
تتزاحم بالطف ارواح
ابأمر الرحمن نکتب برهان
*******
لخادم الحسین علي فلاح الواسطي
محرم الحرام
1444
نتلاگه ابأرض المیدان
حزب الله و حزب الشیطان
ابدم الشریان نکتب عنوان
********
ابعالم الاهوت سیدي اعشگناك
الله خالقنه و احنه نتمناك
عفنه دنيانه عالعهد جيناك
ابساعة الحومه احنه عد عيناك
غيرك صَدك مانختار
انصارك احنه الأحرار
اي والقران نكتب عنوان
*********
سیدي گبلك ندخل الميدان
والحرب هايه فرصة الفرسان
عدنه اطلابه وي بني سفیان
صار قائدنه الگمر عدنان
من تهجم اصحاب الفیل
و اعلیهم نمطر سجیل
فوگ التربان نکتب عنوان
*********
نافع ایهوس شعت اعلومه
اجه بن ظاهر ینتظر یومه
والشجاعه البي ابعینه مرسومه
بالعشگ عابس ایمزگ اهدومه
جون و شوذب وي جُندُب
واحدهم لو بس ایطُب
ایقدم برهان نکتب عنوان
*******
سیدي صاحو عدنه هالواجب
ندخل المیدان دونك انحارب
نگلب الدنیا ابسیفنه انحاسب
احنه لو هُمه یا تره الغالب
باچر احنه انخوف الخوف
من انسل بیدینه اسیوف
عدنه الأیمان نکتب برهان
********
حلفو الأنصار ابفارس الأنزع
ابد منعوفك لوَن نتگطع
نفرض انعوفك للوطن نرجع
المصطفه شنگول ابساعة المفزع
هیهات انعوفك هيهات
عدلين اوياك و اموات
ضد العدوان نكتب برهان
**********
لو صبح باچر و ابفرد نزله
نهجم اعله الگوم والذبح یحله
سیدي مثلك نرفض الذله
نغلب الکثره ابأول الحمله
باچر لو طَر المصباح
تتزاحم بالطف ارواح
ابأمر الرحمن نکتب برهان
*******
لخادم الحسین علي فلاح الواسطي
محرم الحرام
1444
قصیده لیلة السابع
یابالفضل جیب النهر من گاعه
عبدالله من عمره بقت بس ساعه
خویه الوعد حان و اگصد المیدان
********
العطش غیر ملامح کل الأطفال
ما یرحم یخویه طبعه چتال
ضاعت یبوالغیره کل الآمال
بعد ساعه و تحوم اعلینه الأجال
جيتك يخويه و جمرتي بحشايه
للشاطي روح اترف بيديك الرايه
یاگمر عدنان و اگصد المیدان
**********
أئمه اربعه باسوها ايدك
تره اختك الهل ساعه تريدك
مو سهله علیه گطعة وريدك
اذا توگع یجي ابدمعه عضيدك
اتوکل عله الله یابعد انفاسي
خویه ابرحيلك شيب يترس راسي
و ابگلبي نیران واگصد المیدان
*******
حچي عندي الك آنه الوديعه
شیل الجود و اگصد للشریعه
جیب الماي لحسین و رضیعه
ابسیفك اخنك انفاس الوسيعه
یاخویه اطفال و حرم عطشانه
من العطش یابالفضل ذبلانه
وحسین حیران واگصد المیدان
*********
رحت للمشرعه و الحاله صعبه
اشوف حسین بیده لزم گلبه
چانت طیحتك ياخويه رهبه
ابوالأکبر بقه میشوف دربه
شفته اجاني و بیده لازم ظهره
گلي اخوچ المات ضحه ابعمره
یاخویه لهفان واگصد المیدان
*******
بعد ساعه و اشوف حسین مذبوح
تدوسه الخیل فوگ الغبره مطروح
الشمر یضربني یبقه وین ماروح
احشم بيك اظل و دمعي مسفوح
للشام اروح و یمشي جرحي اگبالي
ابدیوان امیه یبقه دمعي ایلالي
اتباوع العدوان واگصد المیدان
**********
لخادم الحسین علي فلاح الواسطي
محرم الحرام
1444
یابالفضل جیب النهر من گاعه
عبدالله من عمره بقت بس ساعه
خویه الوعد حان و اگصد المیدان
********
العطش غیر ملامح کل الأطفال
ما یرحم یخویه طبعه چتال
ضاعت یبوالغیره کل الآمال
بعد ساعه و تحوم اعلینه الأجال
جيتك يخويه و جمرتي بحشايه
للشاطي روح اترف بيديك الرايه
یاگمر عدنان و اگصد المیدان
**********
أئمه اربعه باسوها ايدك
تره اختك الهل ساعه تريدك
مو سهله علیه گطعة وريدك
اذا توگع یجي ابدمعه عضيدك
اتوکل عله الله یابعد انفاسي
خویه ابرحيلك شيب يترس راسي
و ابگلبي نیران واگصد المیدان
*******
حچي عندي الك آنه الوديعه
شیل الجود و اگصد للشریعه
جیب الماي لحسین و رضیعه
ابسیفك اخنك انفاس الوسيعه
یاخویه اطفال و حرم عطشانه
من العطش یابالفضل ذبلانه
وحسین حیران واگصد المیدان
*********
رحت للمشرعه و الحاله صعبه
اشوف حسین بیده لزم گلبه
چانت طیحتك ياخويه رهبه
ابوالأکبر بقه میشوف دربه
شفته اجاني و بیده لازم ظهره
گلي اخوچ المات ضحه ابعمره
یاخویه لهفان واگصد المیدان
*******
بعد ساعه و اشوف حسین مذبوح
تدوسه الخیل فوگ الغبره مطروح
الشمر یضربني یبقه وین ماروح
احشم بيك اظل و دمعي مسفوح
للشام اروح و یمشي جرحي اگبالي
ابدیوان امیه یبقه دمعي ایلالي
اتباوع العدوان واگصد المیدان
**********
لخادم الحسین علي فلاح الواسطي
محرم الحرام
1444
قصیده لیلة الثامن
من دم نحرك تتحنه عرسك باجر بالجنه
عکب السهر یاجسام ضاعت جمیع الأحلام
********
لساني دوم يبني يلهج ابذكراك
تعبني يبعد امك ليالي ارباك
چنت یبني تجي ترعاني و انه ارعاك
هسه راح اشوفك تمشي صوب اعداك
عافيتي ابجالك يبني تعب ارباك الشيبني
اشسوت ابحالي الأيام ضاعت جمیع الأحلام
*******
کل اُم تحسب الزفت ابنها احساب
عمامه و ولد عمه و جَمعة الأحباب
و انه عرسك ییمه ایخلی بیه اصواب
ازفك للحرب يبني ابدمع سچاب
اترفرف روحي و ما تهجع اجري دم ابقه المدمع
و ابگلبي تبقه الألام ضاعت جمیع الأحلام
*********
کل ما اذکر اسمك يالولد اشهگ
جرح گلبي ابغيابك يكبر و یغمگ
الزمن هیهات مثلك یالولد یطلگ
ولا عگبك تره باب الگلب یندگ
احچي ابدمعات اعیوني لا تسئل عني اشلوني
گلبي ابفركتك ينضام ضاعت جمیع الأحلام
********
یجاسم من ارید امشي اظل اعثر
اتذكر ايامك و ابقه اتحسر
کل ظني گلت گدامي من تکبر
الساعات الشدد ویایه تتحضّر
والحسره الذبحت روحي عكبك راح ابقه ابنوحي
لا تنسه ذیچ الأیام ضاعت جمیع الأحلام
**********
یالتشبه ابوك الحسن يايمه
شایل هیبته و قوته مثل عزمه
لا تنسه وصيته ابركبتك ذمه
تضحي ابروحك الخاطر ابواليمه
اتضحي ابروحك يوم الطف من كلها اكباله تسطف
عمك تشوفه جدام ضاعت جمیع الأحلام
*********
یجاسم یبني ارید العمك اتعنه
اخذ رخصه ييمه للحرب منه
گله اعله الشهاده روحي تتمنه
و الهل موته عمي والله اتهنه
گله اتشجعني امي انطت سيفي وي هدمي
اوگف ابوجه الظلام ضاعت جمیع الأحلام
********
لخادم الحسین علي فلاح الواسطي
محرم الحرام
1444
من دم نحرك تتحنه عرسك باجر بالجنه
عکب السهر یاجسام ضاعت جمیع الأحلام
********
لساني دوم يبني يلهج ابذكراك
تعبني يبعد امك ليالي ارباك
چنت یبني تجي ترعاني و انه ارعاك
هسه راح اشوفك تمشي صوب اعداك
عافيتي ابجالك يبني تعب ارباك الشيبني
اشسوت ابحالي الأيام ضاعت جمیع الأحلام
*******
کل اُم تحسب الزفت ابنها احساب
عمامه و ولد عمه و جَمعة الأحباب
و انه عرسك ییمه ایخلی بیه اصواب
ازفك للحرب يبني ابدمع سچاب
اترفرف روحي و ما تهجع اجري دم ابقه المدمع
و ابگلبي تبقه الألام ضاعت جمیع الأحلام
*********
کل ما اذکر اسمك يالولد اشهگ
جرح گلبي ابغيابك يكبر و یغمگ
الزمن هیهات مثلك یالولد یطلگ
ولا عگبك تره باب الگلب یندگ
احچي ابدمعات اعیوني لا تسئل عني اشلوني
گلبي ابفركتك ينضام ضاعت جمیع الأحلام
********
یجاسم من ارید امشي اظل اعثر
اتذكر ايامك و ابقه اتحسر
کل ظني گلت گدامي من تکبر
الساعات الشدد ویایه تتحضّر
والحسره الذبحت روحي عكبك راح ابقه ابنوحي
لا تنسه ذیچ الأیام ضاعت جمیع الأحلام
**********
یالتشبه ابوك الحسن يايمه
شایل هیبته و قوته مثل عزمه
لا تنسه وصيته ابركبتك ذمه
تضحي ابروحك الخاطر ابواليمه
اتضحي ابروحك يوم الطف من كلها اكباله تسطف
عمك تشوفه جدام ضاعت جمیع الأحلام
*********
یجاسم یبني ارید العمك اتعنه
اخذ رخصه ييمه للحرب منه
گله اعله الشهاده روحي تتمنه
و الهل موته عمي والله اتهنه
گله اتشجعني امي انطت سيفي وي هدمي
اوگف ابوجه الظلام ضاعت جمیع الأحلام
********
لخادم الحسین علي فلاح الواسطي
محرم الحرام
1444
قصیده لیلة التاسع
ابحرگة گلبج ادعي الربچ
سالم یرجع لا یتکطع
بسیوف الأشرار
***
یــ لیلي ابدمعة اعیونچ ادعي الواحد الرحمن
شبیه المصطفي الهادي تعنه ابسیفه للمیدان
احسّه گلبي لاچمني من ایواجه العدوان
ابنچ یابس السانه عمت عیني علیه عطشان
ابچي ابحرگه حان الفرگه
ابعیني المدمع لا یتگطع
بسیوف الأشرار
***
طبي الخیمه یالیلي و اعرف گلبچ المحتار
ادعي ربچ ابدمعچ یحمي ابنچ من الأشرار
علي الأکبر مثل حیدر ابساعات الوغه مغوار
یخنگها و یطب بیها یکر بیهم مثل کرار
ایصول اعلیهم و ایبچیهم
یفني الأجمع لا یتگطع
بسیوف الأشرار
***
برز للمعرکه اولیدچ صگر نازل علیهم ضیف
اشوف الجیش یتزاحم اسمع بس صلیل السیف
لنها سلهمت عیني شفت موقف ابذاك الطيف
علي الأكبر وكع شفته اتكطع علأرض ياحيف
لمن شفته زرگه شفته
جرحي اتوسع لا یتگطع
بسیوف الأشرار
**
ابن غانم برز شفته یلیلي الله بس یستَر
ابجاه الزهره و السطره یرد سالم علي الاکبر
ابنچ اعرُفه قسور شجاعه عنده من حیدر
لچن من العطش شفته لون ابني تره اتغیر
چبده اتوجر ابني الأکبر
گلبي اتلوع لا یتکطع
بسیوف الأشرار
*****
رجع ابراس ابن غانم النصر بعیونه یبراله
العطش غیر تفاصیله و یلهب صار دلاله
یگلي بویه شربة ماي اتقوه عله الحاله
گلتله امنین اجیب الماي دمعتي ابعیني هماله
نار ابروحي هاي اجروحي
گتله ارجع لا یتگطع
بسیوف الأشرار
**
رجع للمعرکه اولیدي و اعلیه گلبي شیصبره
شفته طاح من مُهره وگع ابني عله الغبره
علیه دارو بني سفیان تشب ابمهُجتي الجمره
یلیلي عمت عیني اعلیه ابراسه شفت چم طبره
راح اولیدي راح من ایدي
امصابه یفجع لا یتگطع
بسیوف الاشرار
ابحرگة گلبج ادعي الربچ
سالم یرجع لا یتکطع
بسیوف الأشرار
***
یــ لیلي ابدمعة اعیونچ ادعي الواحد الرحمن
شبیه المصطفي الهادي تعنه ابسیفه للمیدان
احسّه گلبي لاچمني من ایواجه العدوان
ابنچ یابس السانه عمت عیني علیه عطشان
ابچي ابحرگه حان الفرگه
ابعیني المدمع لا یتگطع
بسیوف الأشرار
***
طبي الخیمه یالیلي و اعرف گلبچ المحتار
ادعي ربچ ابدمعچ یحمي ابنچ من الأشرار
علي الأکبر مثل حیدر ابساعات الوغه مغوار
یخنگها و یطب بیها یکر بیهم مثل کرار
ایصول اعلیهم و ایبچیهم
یفني الأجمع لا یتگطع
بسیوف الأشرار
***
برز للمعرکه اولیدچ صگر نازل علیهم ضیف
اشوف الجیش یتزاحم اسمع بس صلیل السیف
لنها سلهمت عیني شفت موقف ابذاك الطيف
علي الأكبر وكع شفته اتكطع علأرض ياحيف
لمن شفته زرگه شفته
جرحي اتوسع لا یتگطع
بسیوف الأشرار
**
ابن غانم برز شفته یلیلي الله بس یستَر
ابجاه الزهره و السطره یرد سالم علي الاکبر
ابنچ اعرُفه قسور شجاعه عنده من حیدر
لچن من العطش شفته لون ابني تره اتغیر
چبده اتوجر ابني الأکبر
گلبي اتلوع لا یتکطع
بسیوف الأشرار
*****
رجع ابراس ابن غانم النصر بعیونه یبراله
العطش غیر تفاصیله و یلهب صار دلاله
یگلي بویه شربة ماي اتقوه عله الحاله
گلتله امنین اجیب الماي دمعتي ابعیني هماله
نار ابروحي هاي اجروحي
گتله ارجع لا یتگطع
بسیوف الأشرار
**
رجع للمعرکه اولیدي و اعلیه گلبي شیصبره
شفته طاح من مُهره وگع ابني عله الغبره
علیه دارو بني سفیان تشب ابمهُجتي الجمره
یلیلي عمت عیني اعلیه ابراسه شفت چم طبره
راح اولیدي راح من ایدي
امصابه یفجع لا یتگطع
بسیوف الاشرار
قصیده لیلة العاشر
باچر اشوف اعظم مصیبه وامنین ابوفاضل اجیبه
کل الاهل انظر ضحایه والشمر بس یرکض ورایه
**
باچر تنذبح انظر زلمنه
الشمر حالف یجي یحرگ خیمنه
عله شاطي النهر یوگع عَلَمنه
بالهیمه تفر وسفه حرمنه
باچر اشوف المُهر یصهل
و السرج خالي و دمعه یهمل
و احزاني هایه ابلا نهایه والشمر بس یرکض ورایه
*****
اودع اخواني بدموع المُصیبه
غریب ایفارگ اللیله الغریبه
حبیب ایودع ابدمعه حبیبه
عسه لا تگضي هاللیله الکئیبه
وکت الظهر اصعد عله التل
و ابدمعي ابقه اقره مقتل
تتذبح اخواني ضمایه والشمر بس یرکض ورایه
**
اجه حسین و یودع الفاطمیه
اجه الخیمتي بدموعه الجریه
یگلي یبت حماي الحمیه
یخیتي ارد اوصیچ ابوصیه
و ابرگبتچ زینب عیالي
خدرچ یخویه عندي غالي
و ادري تشوفین المنایه والشمر بس یرکض ورایه
****
گلتله خویه ما ترضه شیمکم
احیر ابخدري لو احرس حرمکم
شگولن لو شفت عالغبره دمکم
شگولن لو شفت حرگو خیمکم
یاخویه و الجمره ابدلیلي
عالشاطي لا یوگع کفیلي
و النهر ما ینطینه مایه والشمر بس یرکض ورایه
*****
اجاني الگمر بدموعه الفجعیه
گلتله اختك انه و عندك وديعه
باچر انظر الصوب الشریعه
چفَينك يبوفاضل گطیعه
و السهم بعيونك اشوفه
و اشلون اذا جسمك اعوفه
سکنه تظل تنحب اویایه والشمر بس یرکض ورایه
****
باچر انظر ابدمعاتی مَنظر
یتگطع اگبالي علي الأکبر
جاسم بالدمه وسفه ایتعفر
عبدالله یصوبونه بالمنحر
و حسین اشوفه عالوطیه
و اتدوس فوگه الأعوجیه
و انروح من عگبه سبایه والشمر بس یرکض ورایه
***
لخادم الحسین علي فلاح الواسطي
محرم الحرام
1444
باچر اشوف اعظم مصیبه وامنین ابوفاضل اجیبه
کل الاهل انظر ضحایه والشمر بس یرکض ورایه
**
باچر تنذبح انظر زلمنه
الشمر حالف یجي یحرگ خیمنه
عله شاطي النهر یوگع عَلَمنه
بالهیمه تفر وسفه حرمنه
باچر اشوف المُهر یصهل
و السرج خالي و دمعه یهمل
و احزاني هایه ابلا نهایه والشمر بس یرکض ورایه
*****
اودع اخواني بدموع المُصیبه
غریب ایفارگ اللیله الغریبه
حبیب ایودع ابدمعه حبیبه
عسه لا تگضي هاللیله الکئیبه
وکت الظهر اصعد عله التل
و ابدمعي ابقه اقره مقتل
تتذبح اخواني ضمایه والشمر بس یرکض ورایه
**
اجه حسین و یودع الفاطمیه
اجه الخیمتي بدموعه الجریه
یگلي یبت حماي الحمیه
یخیتي ارد اوصیچ ابوصیه
و ابرگبتچ زینب عیالي
خدرچ یخویه عندي غالي
و ادري تشوفین المنایه والشمر بس یرکض ورایه
****
گلتله خویه ما ترضه شیمکم
احیر ابخدري لو احرس حرمکم
شگولن لو شفت عالغبره دمکم
شگولن لو شفت حرگو خیمکم
یاخویه و الجمره ابدلیلي
عالشاطي لا یوگع کفیلي
و النهر ما ینطینه مایه والشمر بس یرکض ورایه
*****
اجاني الگمر بدموعه الفجعیه
گلتله اختك انه و عندك وديعه
باچر انظر الصوب الشریعه
چفَينك يبوفاضل گطیعه
و السهم بعيونك اشوفه
و اشلون اذا جسمك اعوفه
سکنه تظل تنحب اویایه والشمر بس یرکض ورایه
****
باچر انظر ابدمعاتی مَنظر
یتگطع اگبالي علي الأکبر
جاسم بالدمه وسفه ایتعفر
عبدالله یصوبونه بالمنحر
و حسین اشوفه عالوطیه
و اتدوس فوگه الأعوجیه
و انروح من عگبه سبایه والشمر بس یرکض ورایه
***
لخادم الحسین علي فلاح الواسطي
محرم الحرام
1444
قصیده لیلة الوحشه
من عدها راح الحیل صلت صلاة اللیل
دمعتها نیشان ماعدها ولیان
*******
گضه العاشر و الجثث عالگاع صرعه
و الشمر عن الضرب محد یمنعه
بقت زینب حایره اتریدلها فزعه
شافت حسین الأخو گطعو اصبعه
تصفج بقت بالأید فزعة عشیره اترید
متگطعه الأبدان ماعدها ولیان
*******
العدها اخوه امذبحه و الناظر اتدیر
اتلم تظل بجروحها و عالمذبح اتسیر
العدها اطفال و حرم هالحُرمه شتصیر!
من عگب عباس زینب ظلت اتحیر
دمعتها ترسم ماي لاظل فکر لا راي
و تبچّي الأکوان ماعدها ولیان
*******
صعدت اعله التل و مدمعها اعله خدها
الخیل تاخذ تبقه الأطفال و تردها
چن تحس سهم الرضیع ابنص چبدها
بس علي السجاد محد بقه عدها
تسمع تصیح الناس الیوم انذبح عباس
و ابلایه ذرعان ماعدها ولیان
********
من بعد گطع النحر حرگو خیمها
لطمت اعله الراس من ذبحو زلمها
لا ابوها و لا اخوها الأجو یمها
ابنار المخیم وسف مچوي جدمها
رد السرج خالي صوت المُهر عالي
دارت العدوان ماعدها ولیان
*******
اللیل صار و صلت ابدمع المصیبه
لیلة الحادي و صفت زینب غریبه
حسین مگطوع النحر جثته سلیبه
اتصیح انه امنین ابوفاضل اجیبه
تصرخ یحامي الجار ماترحم الأشرار
وابگلبي نیران ماعدها ولیان
**********
ابیوم واحد فگدت الحره اهلها
و الدهر بالطف اجه و شتت شملها
عگب ابوفاضل تره فگدت املها
من المصایب و البچي اتغیر شکلها
من تمشي عالهزّل تقره ابدمع مقتل
ویاها نسوان ماعدها ولیان
**********
لخادم الحسین علي فلاح الواسطي
لیلة الحادي العشر
محرم الحرام1444
من عدها راح الحیل صلت صلاة اللیل
دمعتها نیشان ماعدها ولیان
*******
گضه العاشر و الجثث عالگاع صرعه
و الشمر عن الضرب محد یمنعه
بقت زینب حایره اتریدلها فزعه
شافت حسین الأخو گطعو اصبعه
تصفج بقت بالأید فزعة عشیره اترید
متگطعه الأبدان ماعدها ولیان
*******
العدها اخوه امذبحه و الناظر اتدیر
اتلم تظل بجروحها و عالمذبح اتسیر
العدها اطفال و حرم هالحُرمه شتصیر!
من عگب عباس زینب ظلت اتحیر
دمعتها ترسم ماي لاظل فکر لا راي
و تبچّي الأکوان ماعدها ولیان
*******
صعدت اعله التل و مدمعها اعله خدها
الخیل تاخذ تبقه الأطفال و تردها
چن تحس سهم الرضیع ابنص چبدها
بس علي السجاد محد بقه عدها
تسمع تصیح الناس الیوم انذبح عباس
و ابلایه ذرعان ماعدها ولیان
********
من بعد گطع النحر حرگو خیمها
لطمت اعله الراس من ذبحو زلمها
لا ابوها و لا اخوها الأجو یمها
ابنار المخیم وسف مچوي جدمها
رد السرج خالي صوت المُهر عالي
دارت العدوان ماعدها ولیان
*******
اللیل صار و صلت ابدمع المصیبه
لیلة الحادي و صفت زینب غریبه
حسین مگطوع النحر جثته سلیبه
اتصیح انه امنین ابوفاضل اجیبه
تصرخ یحامي الجار ماترحم الأشرار
وابگلبي نیران ماعدها ولیان
**********
ابیوم واحد فگدت الحره اهلها
و الدهر بالطف اجه و شتت شملها
عگب ابوفاضل تره فگدت املها
من المصایب و البچي اتغیر شکلها
من تمشي عالهزّل تقره ابدمع مقتل
ویاها نسوان ماعدها ولیان
**********
لخادم الحسین علي فلاح الواسطي
لیلة الحادي العشر
محرم الحرام1444
لسان حال الأمام السجاد علیه السلام
في دفن الأجساد الطاهره
الچنت کلش أودهم اجیت احفر لحدهم
بعد ما ظلّي أحد اصیح الله و لحّد
*******
تره الیفگد عزیز ایامه حیره
و انه ابظهریه فاگدلي عشیره
عفت عماتي یمشن دیره دیره
و اشیلن جیت ابویه بالحصیره
اصیحن انه السجاد اجیت ادفن بالأجساد
دمعتي ابطارف الخد اصیح الله و لحّد
**********
انطوتلي الگاع بدموعي الحزینه
اصیح ابصوتي وین حسین وینه
عمت عیني ابویه امگطعینه
مشه عني ابو روح الحنینه
ارید ادفن حیاتي و اشیع ذکریاتي
جروحي ابگلبي سُجد اصیح الله و لحّد
*******
انه احفرت الگبر بثنین ادیه
شلت حسین من فوگ الوطیه
تره یا ناس صعبه والله هیه
الیجي یدفن ابدمعاته اخیه
علي الأکبر دفنته ابکسر ظهري شبگته
شبيهك مات ياجد اصیح الله و لحّد
********
عله الغبره شفت مذبوحه الأحلام
الچان ابنوره ضاوي کل الاخیام
ابن عمي و حبیبي الوفي جسام
عرسه صار دمعه و حسره والام
ادفنه یم الأکبر و انه دلالي یسعر
جرح گلبي مینعَد اصیح الله و لحّد
*********
دفنت انصار ابوالیمه بالحسره
سمعت ابصوت خله ابروحي جمره
ابویه حسین هاذه و نطق نحره
الرضیع ایرید اوسده فوگ صدره
یرید الطفل یمه ابویه اشکبر همه
ابروحي الحزن یلبَد اصیح الله و لحّد
*********
رحت للمشرعه و مجروح الأحساس
بچیت ابگد جروحه و شیب الراس
گلتله گوم لــ اختك عمي عباس
تره زینب وحیده ابلایه حراس
دفنته ابلایه الزنود شبگت ابدمعتي الجود
النفس بالگوه یصعد اصیح الله و لحّد
********
لخادم الحسین علي فلاح الواسطي
12محرم الحرام
1444
في دفن الأجساد الطاهره
الچنت کلش أودهم اجیت احفر لحدهم
بعد ما ظلّي أحد اصیح الله و لحّد
*******
تره الیفگد عزیز ایامه حیره
و انه ابظهریه فاگدلي عشیره
عفت عماتي یمشن دیره دیره
و اشیلن جیت ابویه بالحصیره
اصیحن انه السجاد اجیت ادفن بالأجساد
دمعتي ابطارف الخد اصیح الله و لحّد
**********
انطوتلي الگاع بدموعي الحزینه
اصیح ابصوتي وین حسین وینه
عمت عیني ابویه امگطعینه
مشه عني ابو روح الحنینه
ارید ادفن حیاتي و اشیع ذکریاتي
جروحي ابگلبي سُجد اصیح الله و لحّد
*******
انه احفرت الگبر بثنین ادیه
شلت حسین من فوگ الوطیه
تره یا ناس صعبه والله هیه
الیجي یدفن ابدمعاته اخیه
علي الأکبر دفنته ابکسر ظهري شبگته
شبيهك مات ياجد اصیح الله و لحّد
********
عله الغبره شفت مذبوحه الأحلام
الچان ابنوره ضاوي کل الاخیام
ابن عمي و حبیبي الوفي جسام
عرسه صار دمعه و حسره والام
ادفنه یم الأکبر و انه دلالي یسعر
جرح گلبي مینعَد اصیح الله و لحّد
*********
دفنت انصار ابوالیمه بالحسره
سمعت ابصوت خله ابروحي جمره
ابویه حسین هاذه و نطق نحره
الرضیع ایرید اوسده فوگ صدره
یرید الطفل یمه ابویه اشکبر همه
ابروحي الحزن یلبَد اصیح الله و لحّد
*********
رحت للمشرعه و مجروح الأحساس
بچیت ابگد جروحه و شیب الراس
گلتله گوم لــ اختك عمي عباس
تره زینب وحیده ابلایه حراس
دفنته ابلایه الزنود شبگت ابدمعتي الجود
النفس بالگوه یصعد اصیح الله و لحّد
********
لخادم الحسین علي فلاح الواسطي
12محرم الحرام
1444
قصیده موشح في حق دفن الأجساد الطاهره
علي السجاد اجه بدموعه و یون
ایصیح بویه جيتك انه للدفن
**********
ايصيح اجيتك بويه بدموعه التصب
الك ثالث یوم مرمي اعله الترب
من الکوفه جيتك و اطوي الدرب
گلبي بفراكك يبويه منسحن
*********
عمت عیني ایگله نايم بالشمس
ونته جسمك شابع اجروح و رفس
الشمس تصهر بيك من اول أمس
جسمك الف و تسعميه منطعن
********
شاف جثت والده متطشره
بالحصیره ایجمعه من فوگ الثره
لطم راسه و ظل یقبل منحره
صدره من دوس الحوافر منطحن
*******
ایگله عفت اعيالك ابذاك اليسر
جيتك ابدمعاتي احفرلك گبر
عمتي زینب هسه مذهولة فکر
اتدور اعلیه و عله افراگي تحن
********
ایگله بویه جبت بچفوفي الحصیر
گمت اشیل اوصالك و حگي احیر
عله امصابك بويه حزني اشكد جبير
راح اموت اوياك يابويه اظن
*******
جسمك الوسدته بدموعي التهل
و اعله صدرك كلت خلولي الطفل
لسه عبدالله ابوسط نحره النبل
دمعته میته شفت فوگ الوجن
**********
علي الأکبر حرت انه ابدفنته
بویه يم رجليك صارت حفرته
احس روحي شلت ويه جثته
حزني وي یعقوب ماظن یقترن
*******
ذوله انصارك السبعين الوفه
ادفنتهم بالجروح النازفه
جاسم اوياهم الضي وجه اختفه
عكبه جرحي ادري ماظن يستچن
*******
ضاقت ابعیني هذیچ الواسعه
رحت محني الظهر صوب المشرعه
شفت ابوفاضل اچفوفه امگطعه
اجروحه ویه اجروحي عالشاطي التقن
*********
لخادم الحسین علي فلاح الواسطي
13محرم الحرام
, 1444
علي السجاد اجه بدموعه و یون
ایصیح بویه جيتك انه للدفن
**********
ايصيح اجيتك بويه بدموعه التصب
الك ثالث یوم مرمي اعله الترب
من الکوفه جيتك و اطوي الدرب
گلبي بفراكك يبويه منسحن
*********
عمت عیني ایگله نايم بالشمس
ونته جسمك شابع اجروح و رفس
الشمس تصهر بيك من اول أمس
جسمك الف و تسعميه منطعن
********
شاف جثت والده متطشره
بالحصیره ایجمعه من فوگ الثره
لطم راسه و ظل یقبل منحره
صدره من دوس الحوافر منطحن
*******
ایگله عفت اعيالك ابذاك اليسر
جيتك ابدمعاتي احفرلك گبر
عمتي زینب هسه مذهولة فکر
اتدور اعلیه و عله افراگي تحن
********
ایگله بویه جبت بچفوفي الحصیر
گمت اشیل اوصالك و حگي احیر
عله امصابك بويه حزني اشكد جبير
راح اموت اوياك يابويه اظن
*******
جسمك الوسدته بدموعي التهل
و اعله صدرك كلت خلولي الطفل
لسه عبدالله ابوسط نحره النبل
دمعته میته شفت فوگ الوجن
**********
علي الأکبر حرت انه ابدفنته
بویه يم رجليك صارت حفرته
احس روحي شلت ويه جثته
حزني وي یعقوب ماظن یقترن
*******
ذوله انصارك السبعين الوفه
ادفنتهم بالجروح النازفه
جاسم اوياهم الضي وجه اختفه
عكبه جرحي ادري ماظن يستچن
*******
ضاقت ابعیني هذیچ الواسعه
رحت محني الظهر صوب المشرعه
شفت ابوفاضل اچفوفه امگطعه
اجروحه ویه اجروحي عالشاطي التقن
*********
لخادم الحسین علي فلاح الواسطي
13محرم الحرام
, 1444
قصیده في حق استشهاد الأمام السجاد علیه السلام
الليل شيبته ابونينك
خلصن يبوالباقر سنينك
عمرك قهر حزنك دهر
*******
الذبحو اهله اگباله ما تنشف دمعته
المثلك انته اهل السمه تسمع حسرته
العنده اخوه امذبحه یا هو الیسکته
اشحاله ذاكه البالسبي ضربوها عمته؟
و ابحالك اشعملت الظلام
لمن رحت للكوفه والشام
کسرة ظَهر حزنك دهر
**********
ياعلي السجاد ليلك ما تنامه
ابالك من ايمر سبي و دمع اليتامه
الشاف ابو فوك الثره و ابلا عمامه
حزنه ما يخلص الي يوم القيامه
لي هسه تسمع كسر الأضلوع
راسك تلطمه و تجري الأدموع
تحمل قهر حزنك دهر
**********
ونته بجفوفك أثر گید السلاسل
ارماد المخیّم ابصدرك دوم شايل
من مشیتو و رکبوکم عالهزایل
بقن عماتك ینادن یابوفاضل
ابعينك شفت حركو خيمكم
والشمر ظل يضرب حرمكم
اتطیل النظر حزنك دهر
*********
ياعلي السجاد كلبك شايل اهموم
من المرض نحلان بس وابیا علي اتگوم
امذبحه اعله الگاع تنظر کل الأنجوم
شفت ابوك حسين سلبو منه الأهدوم
یم النهر طایح علمکم
فوگ الثره ذبحو زلمکم
یبچي الحجر حزنك دهر
**********
الهسه عماتك تره تسمع بچیهن
و نار المخیم اجت حرگت عبیهن
بالحبل یا وسفه شدو کل ایدیهن
بالقصر و الناس تتفرج علیهن
من عگب کل ذیچ المهابه
مأواکم اتصیر الخرابه
دمعك نهر حزنك دهر
**********
الليله يسري ابجسمك السم المنيه
ینختم عمرك يبن سيد البريه
اتصیح شیبني مصاب الغاضریه
عالطشت موتي ردت ویه رقیه
و اترتل ایات المصیبه
ابعينك بقت جثه سلیبه
گطع النحر حزنك دهر
*********
لخادم الحسین علي فلاح الواسطي
23محرم الحرام
1444
الليل شيبته ابونينك
خلصن يبوالباقر سنينك
عمرك قهر حزنك دهر
*******
الذبحو اهله اگباله ما تنشف دمعته
المثلك انته اهل السمه تسمع حسرته
العنده اخوه امذبحه یا هو الیسکته
اشحاله ذاكه البالسبي ضربوها عمته؟
و ابحالك اشعملت الظلام
لمن رحت للكوفه والشام
کسرة ظَهر حزنك دهر
**********
ياعلي السجاد ليلك ما تنامه
ابالك من ايمر سبي و دمع اليتامه
الشاف ابو فوك الثره و ابلا عمامه
حزنه ما يخلص الي يوم القيامه
لي هسه تسمع كسر الأضلوع
راسك تلطمه و تجري الأدموع
تحمل قهر حزنك دهر
**********
ونته بجفوفك أثر گید السلاسل
ارماد المخیّم ابصدرك دوم شايل
من مشیتو و رکبوکم عالهزایل
بقن عماتك ینادن یابوفاضل
ابعينك شفت حركو خيمكم
والشمر ظل يضرب حرمكم
اتطیل النظر حزنك دهر
*********
ياعلي السجاد كلبك شايل اهموم
من المرض نحلان بس وابیا علي اتگوم
امذبحه اعله الگاع تنظر کل الأنجوم
شفت ابوك حسين سلبو منه الأهدوم
یم النهر طایح علمکم
فوگ الثره ذبحو زلمکم
یبچي الحجر حزنك دهر
**********
الهسه عماتك تره تسمع بچیهن
و نار المخیم اجت حرگت عبیهن
بالحبل یا وسفه شدو کل ایدیهن
بالقصر و الناس تتفرج علیهن
من عگب کل ذیچ المهابه
مأواکم اتصیر الخرابه
دمعك نهر حزنك دهر
**********
الليله يسري ابجسمك السم المنيه
ینختم عمرك يبن سيد البريه
اتصیح شیبني مصاب الغاضریه
عالطشت موتي ردت ویه رقیه
و اترتل ایات المصیبه
ابعينك بقت جثه سلیبه
گطع النحر حزنك دهر
*********
لخادم الحسین علي فلاح الواسطي
23محرم الحرام
1444
قصیده في حق أستشهاد الأمام السجاد علیه السلام
خامس النوح صُبح بوابة حزن
گلبه مجروح گضه کل عمره یون
لئن شاف ابکربله ذبح العشیره
*********
اکو جمرة حزن من عاشر محرم
الهِسه ابن حسین دمعه یجري من دم
گالو السجاد مات ابجرعة السَم
و انه اگولن مات من الغصص و الهَم
و الدلائل اترید تسمع مطلبي
عالهزایل شاف عمته تنسبي
و اعله عمته ابحسرته الناظر یدیره
لئن شاف ابکربله ذبح العشیره
**********
یسرح ابعالم خیاله و ناظره ایطول
کربله اشسوت ابحالي ابدمعته ایگول
چم عزیز اگباله شاف ابعینه مچتول
و صدر ابوه حسین فوگه اتدوسه الاخیول
ابحرگ الأخیام صَدّر ابأمره القرار
ویه الأیتام صاح علیکُن بالفرار
شاف اخته ترکض ابحَر الظهیره
لئن شاف ابکربله ذبح العشیره
*******
علي الأکبر شافه فوگ الگاع مصروع
و اعله عبدالله لزم من عنده الاضلوع
شاف جسام الي طفّو منه الشموع
نحر عمه الگمر یم الشاطي مگطوع
راسه شیب من نظر اعظم مُصاب
گلبه یلهب شاف ابو فوگ التراب
ضربو اگباله وسف اخته الزغیره
لئن شاف ابکربله ذبح العشیره
********
ابروحه تسعر نار المخیّم لظاها
اهناكه روحه الموت عجبه ماخذاها
شاف اخته سکنه الظالم سباها
و الشمر بالسوط بس یرکض وراها
علي السجاد الجامعه ابنص رگبته
ابحزنه ینگاد تجري ظلت دمعته
و الیضربون اخته اگباله چبیره
لئن شاف ابکربله ذبح العشیره
*********
کل ثواني تنولد بعیونه دمعه
من حیاته تنطفي یومیه شمعه
عله حسین ایون بقه یلّي تسمعه
لئن شاف ابعینه من گطعو اصبعه
جسمه ناحل یجرع ابکاس الألم
ابن کاهل صوب ابگلبه السهم
الشمر گله عمتك تمشي اسيره
لئن شاف ابکربله ذبح العشیره
**********
علي السجاد الي شاف اشگد اذیه
اللیله بعروگه سره سَم المنیه
اینازع ابروحه و دمع عینه جریه
عله امتونه باقیه اسیاط آل امیه
مات مسموم والگلب منه انفطر
چبده مخذوم و انکسر ظهر الدهر
جرح گلبه الأبد ما یحصل نظیره
لئن شاف ابکربله ذبح العشیره
*******
لخادم الحسین علي فلاح الواسطي
23محرم الحرام
1444
خامس النوح صُبح بوابة حزن
گلبه مجروح گضه کل عمره یون
لئن شاف ابکربله ذبح العشیره
*********
اکو جمرة حزن من عاشر محرم
الهِسه ابن حسین دمعه یجري من دم
گالو السجاد مات ابجرعة السَم
و انه اگولن مات من الغصص و الهَم
و الدلائل اترید تسمع مطلبي
عالهزایل شاف عمته تنسبي
و اعله عمته ابحسرته الناظر یدیره
لئن شاف ابکربله ذبح العشیره
**********
یسرح ابعالم خیاله و ناظره ایطول
کربله اشسوت ابحالي ابدمعته ایگول
چم عزیز اگباله شاف ابعینه مچتول
و صدر ابوه حسین فوگه اتدوسه الاخیول
ابحرگ الأخیام صَدّر ابأمره القرار
ویه الأیتام صاح علیکُن بالفرار
شاف اخته ترکض ابحَر الظهیره
لئن شاف ابکربله ذبح العشیره
*******
علي الأکبر شافه فوگ الگاع مصروع
و اعله عبدالله لزم من عنده الاضلوع
شاف جسام الي طفّو منه الشموع
نحر عمه الگمر یم الشاطي مگطوع
راسه شیب من نظر اعظم مُصاب
گلبه یلهب شاف ابو فوگ التراب
ضربو اگباله وسف اخته الزغیره
لئن شاف ابکربله ذبح العشیره
********
ابروحه تسعر نار المخیّم لظاها
اهناكه روحه الموت عجبه ماخذاها
شاف اخته سکنه الظالم سباها
و الشمر بالسوط بس یرکض وراها
علي السجاد الجامعه ابنص رگبته
ابحزنه ینگاد تجري ظلت دمعته
و الیضربون اخته اگباله چبیره
لئن شاف ابکربله ذبح العشیره
*********
کل ثواني تنولد بعیونه دمعه
من حیاته تنطفي یومیه شمعه
عله حسین ایون بقه یلّي تسمعه
لئن شاف ابعینه من گطعو اصبعه
جسمه ناحل یجرع ابکاس الألم
ابن کاهل صوب ابگلبه السهم
الشمر گله عمتك تمشي اسيره
لئن شاف ابکربله ذبح العشیره
**********
علي السجاد الي شاف اشگد اذیه
اللیله بعروگه سره سَم المنیه
اینازع ابروحه و دمع عینه جریه
عله امتونه باقیه اسیاط آل امیه
مات مسموم والگلب منه انفطر
چبده مخذوم و انکسر ظهر الدهر
جرح گلبه الأبد ما یحصل نظیره
لئن شاف ابکربله ذبح العشیره
*******
لخادم الحسین علي فلاح الواسطي
23محرم الحرام
1444
قصیده موشح في حق مولاتي السیده رقیه سلام الله علیها
عاشرت درب السبي ابــ آلامها
عالطشت ذبحو جمیع احلامها
****
طفله بالطف ضیعت اعظم حنان
عگب عباس الگمر مات الأمان
ظلت اتعاتب رقیه اعله الزمان
کلشي ما شافت تره من ایامها
*****
ابعینها شافت مآسي کربله
بقت دمعتها اعله خدها هامله
اشگد یعذبها ابکلامه حرمله
گطعو انحور الأهل جدامها
**
عدها بس من العمر اربع سنین
و اعله ابوها اشکثر ذابحها الحنین
بالدرب ما هده من عدها الأنین
و العده حرگو علیها اخیامها
**
اتصیح وینه والدي طول الدرب
و المتن ازرگ صُبح من الضرب
وصلت الشام ابدمعها الي یصب
امورمات من المشي اجدامها
**
ابلیل فزت و الدمع منها یکت
ایزید ناده اشعدها تبچي ابهل وکت
اخذو راس حسین ابوها البالطشت
خل تموت و یترفع اعلامها
***
جابو الراس العلیه کومة دمه
کون عیني اعليك صاحت بالعمه
او لا اظل عگبك تراني اميتمه
ابحالتي اشسوت الکوفه و شامها
****
ماتت اعله الراس منها الگلب شاط
بچت عمتها بچي ایگطع النیاط
المتن اسود من کثر ضرب السیاط
ال امیه انعرفت ابأجرامها
***
لخادم الحسین علي فلاح الواسطي
2صفر
1444
عاشرت درب السبي ابــ آلامها
عالطشت ذبحو جمیع احلامها
****
طفله بالطف ضیعت اعظم حنان
عگب عباس الگمر مات الأمان
ظلت اتعاتب رقیه اعله الزمان
کلشي ما شافت تره من ایامها
*****
ابعینها شافت مآسي کربله
بقت دمعتها اعله خدها هامله
اشگد یعذبها ابکلامه حرمله
گطعو انحور الأهل جدامها
**
عدها بس من العمر اربع سنین
و اعله ابوها اشکثر ذابحها الحنین
بالدرب ما هده من عدها الأنین
و العده حرگو علیها اخیامها
**
اتصیح وینه والدي طول الدرب
و المتن ازرگ صُبح من الضرب
وصلت الشام ابدمعها الي یصب
امورمات من المشي اجدامها
**
ابلیل فزت و الدمع منها یکت
ایزید ناده اشعدها تبچي ابهل وکت
اخذو راس حسین ابوها البالطشت
خل تموت و یترفع اعلامها
***
جابو الراس العلیه کومة دمه
کون عیني اعليك صاحت بالعمه
او لا اظل عگبك تراني اميتمه
ابحالتي اشسوت الکوفه و شامها
****
ماتت اعله الراس منها الگلب شاط
بچت عمتها بچي ایگطع النیاط
المتن اسود من کثر ضرب السیاط
ال امیه انعرفت ابأجرامها
***
لخادم الحسین علي فلاح الواسطي
2صفر
1444
قصیده في حق مولاتي السیده رقیه سلام الله علیها
یعمه التقي اویه والدي ابخامس صفر
یعمه الله یقسملي اموت اعله النحر
یعمه گلبي ما یحمل بعد ضیم و قهر
***
الأبو خیمه و ماکو شي ایعوض حنانه
الدنیا وحشه اتصیر اذا فارغ مکانه
عمه زینب لیش ابویه ما اجانه
عالطشت گلبي یگلي ملتقانه
یعمه صار مده ما شفت وجه الأبو
یعمه انه بنته ارقیه محتاجه الدفو
یعمه من الهجر تعبانه مو ظهري انکسر
****
شرط لو شفته ثواني ما اهده
و انه متاکده اموتن والله بعده
انه بنته اتعودت اغفه اعله زنده
بس اشوفه بوسه اترك فوك خده
یعمه ایگلي جرحي اصبري و الله الکریم
یعمه و انه اگله اچبیره دمعات الیتیم
یعمه و الونیني یبچي ظل حته الحجر
***
لو وصلنه الشام یاعمه ابسلامه
اهناك اشوفن والدي و اسمع كلامه
ابقه احومي اعلیه مثل طیر الحمامه
جرحي یشفه لو شفت منه ابتسامه
یعمه ما اگله اشصار بینه بالسبي
یعمه شرط ما احچي عله حرگ العبي
یعمه الشمر لمن گلي لا وین المفر
****
طفله انه و بعد مااحمل غیابه
وین ابویه حسین ارید اسمع جوابه
من بعد ذاك الدلال اويه المهابه
عالتراب انبات کل احنه ابخرابه
یعمه اللیل کله انه اون من الضرب
یعمه الشمر یسحلني یظل اعله الترب
یعمه شوفي ازرگ صار من عندي الظهَر
***
اشعجب های الفتره ما سائل علیه
او لا یگول اشلونها ابنیتي رقیه
من السیاط امورمه حته ادیه
یعني مایدري اشجره بالطف علیه؟
یعمه و الشماته اتصیح وینه الدللچ
یعمه خل یجلیچ هسه یمسح دمعتج
یعمه طفله انه و شایفه انواع الخطر
*****
ارد اگله ابنيتك الظالم دفعها
الله لي راويك ترجيتي شلعها
و اعله خدها حیل اجه ابخدها صفعها
فوگ عیني السطره ظل بویه طبعها
یعمه من عسه میته ولا شفت الجره
یعمه شفت اجساد الهوت فوگ الثره
یعمه چم بدر شفته انکطع منه النحر
**
لخادم الحسین علي فلاح الواسطي
2صفر
1444
یعمه التقي اویه والدي ابخامس صفر
یعمه الله یقسملي اموت اعله النحر
یعمه گلبي ما یحمل بعد ضیم و قهر
***
الأبو خیمه و ماکو شي ایعوض حنانه
الدنیا وحشه اتصیر اذا فارغ مکانه
عمه زینب لیش ابویه ما اجانه
عالطشت گلبي یگلي ملتقانه
یعمه صار مده ما شفت وجه الأبو
یعمه انه بنته ارقیه محتاجه الدفو
یعمه من الهجر تعبانه مو ظهري انکسر
****
شرط لو شفته ثواني ما اهده
و انه متاکده اموتن والله بعده
انه بنته اتعودت اغفه اعله زنده
بس اشوفه بوسه اترك فوك خده
یعمه ایگلي جرحي اصبري و الله الکریم
یعمه و انه اگله اچبیره دمعات الیتیم
یعمه و الونیني یبچي ظل حته الحجر
***
لو وصلنه الشام یاعمه ابسلامه
اهناك اشوفن والدي و اسمع كلامه
ابقه احومي اعلیه مثل طیر الحمامه
جرحي یشفه لو شفت منه ابتسامه
یعمه ما اگله اشصار بینه بالسبي
یعمه شرط ما احچي عله حرگ العبي
یعمه الشمر لمن گلي لا وین المفر
****
طفله انه و بعد مااحمل غیابه
وین ابویه حسین ارید اسمع جوابه
من بعد ذاك الدلال اويه المهابه
عالتراب انبات کل احنه ابخرابه
یعمه اللیل کله انه اون من الضرب
یعمه الشمر یسحلني یظل اعله الترب
یعمه شوفي ازرگ صار من عندي الظهَر
***
اشعجب های الفتره ما سائل علیه
او لا یگول اشلونها ابنیتي رقیه
من السیاط امورمه حته ادیه
یعني مایدري اشجره بالطف علیه؟
یعمه و الشماته اتصیح وینه الدللچ
یعمه خل یجلیچ هسه یمسح دمعتج
یعمه طفله انه و شایفه انواع الخطر
*****
ارد اگله ابنيتك الظالم دفعها
الله لي راويك ترجيتي شلعها
و اعله خدها حیل اجه ابخدها صفعها
فوگ عیني السطره ظل بویه طبعها
یعمه من عسه میته ولا شفت الجره
یعمه شفت اجساد الهوت فوگ الثره
یعمه چم بدر شفته انکطع منه النحر
**
لخادم الحسین علي فلاح الواسطي
2صفر
1444
قصیده في حق مولاتي السیده رقیه سلام الله علیها
تموت ابهل مسیه عله المنحر رقیه
ابگلب مجروح الیتیمه اتنوح
**********
عمرها ما تجاوز اربع اسنین
عله خدها الدمع باقي نیاشین
ابوها و عمها عالغبره مطاعین
متنها ازرگ اهواي ضربها الرایح و جاي
عله المذبوح الیتیمه اتنوح
*********
رقیه ابکربله شافت مصایب
ذبحو کل اهلها اعله الترایب
عگبهم تالي تگعد بالخرایب
عله الهزّل خذوها الأعادي عذبوها
ابدمع مسفوح الیتیمه اتنوح
*********
العدو ابقوه شلع منها التراچي
ابد من عدها ما کف البواچي
الابوها حسین بالمدمع تحاچي
چووها ابنار الأخیام تنوح اویاها الأیتام
بلایه روح الیتیمه اتنوح
*********
ابنار الخیم محترگه ادیها
عله الغبره انذبح وسفه ولیها
طول الدرب عالي ظل بچیها
تظل تلطم عله الراس تحاچي عمها عباس
ابنظر مشبوح الیتیمه اتنوح
*********
ورده و عاشت المده القصیره
عله الهم و الحزن کلش زغیره
ویه العایله راحت اسیره
عله نوگ الهزیله الدمع صارت تسیله
ابجرحها اتروح الیتیمه اتنوح
********
اجت للشام و اشگد شتموها
تالي بالخرابه گعدوها
ابطشت متغطي جابو راس ابوها
بقت تصفج بالأیدین تنادي بویه یحسین
المناحه اتفوح الیتیمه اتنوح
**********
لخادم الحسین علي فلاح الواسطي
2صفر
1444
تموت ابهل مسیه عله المنحر رقیه
ابگلب مجروح الیتیمه اتنوح
**********
عمرها ما تجاوز اربع اسنین
عله خدها الدمع باقي نیاشین
ابوها و عمها عالغبره مطاعین
متنها ازرگ اهواي ضربها الرایح و جاي
عله المذبوح الیتیمه اتنوح
*********
رقیه ابکربله شافت مصایب
ذبحو کل اهلها اعله الترایب
عگبهم تالي تگعد بالخرایب
عله الهزّل خذوها الأعادي عذبوها
ابدمع مسفوح الیتیمه اتنوح
*********
العدو ابقوه شلع منها التراچي
ابد من عدها ما کف البواچي
الابوها حسین بالمدمع تحاچي
چووها ابنار الأخیام تنوح اویاها الأیتام
بلایه روح الیتیمه اتنوح
*********
ابنار الخیم محترگه ادیها
عله الغبره انذبح وسفه ولیها
طول الدرب عالي ظل بچیها
تظل تلطم عله الراس تحاچي عمها عباس
ابنظر مشبوح الیتیمه اتنوح
*********
ورده و عاشت المده القصیره
عله الهم و الحزن کلش زغیره
ویه العایله راحت اسیره
عله نوگ الهزیله الدمع صارت تسیله
ابجرحها اتروح الیتیمه اتنوح
********
اجت للشام و اشگد شتموها
تالي بالخرابه گعدوها
ابطشت متغطي جابو راس ابوها
بقت تصفج بالأیدین تنادي بویه یحسین
المناحه اتفوح الیتیمه اتنوح
**********
لخادم الحسین علي فلاح الواسطي
2صفر
1444
قصیده موشح في استشهاد الأمام الحسن علیه السلام
الحسن عن الدنیا غاب اهلاله
سدو امضیفه و چفوها ادلاله
*****
هاذه ابن التشهد اعلیه الأنبیاء
الزهره امه فاطمه خیر النساء
رحمة الله الحسن هوه من السماء
الدنیا تشهدله اعله کل افعاله
****
الحسن ماخذ علمه من المصطفه
ابراسه غیرة علي و عنده المعرفه
ابو محمد دوم شایل هالصفه
بالکرم محد گدر یدناله
**
حاتم اگباله صُبح کلش قلیل
الحسن ندري بالکرم ماله مثیل
هاذه ابوالکفلات و الحمل ثگیل
و الیتامه اتعیش دوم اباله
****
الوادي طبعه ناصي عینه اعله الجبل
الناس هیچي و الحسن مثل الفحل
عاشت ایده بیها ذَل ام الجمل
الفتنه چانت هیه ویه ارجالها
**
الحسن یمشي اعله الصراط المستقیم
رابع اهل العصمه و السر العظیم
مثل ابو حیدر علي ایداري الیتیم
مثل عین الشمس هنه اقواله
*****
تالي وسفه مات مسموم الچبد
ینختم عمره و یوسدو باللحد
و اعله نعشه تنرمي اسهام الحقد
تبقه دمعات الحزن تبراله
****
عگب عینه الشمس ظلت غایبه
الوحي ناده الیوم مات المجتبه
انشال نعشه رابع اصحاب العبه
یالحسن فگدك صعب یقراله
*****
و ابوالأکبر گعد یم گبره و ینوح
یقره تسبیحة الزهره من الجروح
زین ظلت عند ابوالأکبر الروح
اویه الحسن ودع جمیع اماله
*****
لخادم الحسین علي فلاح الواسطي
3صفر
1444
الحسن عن الدنیا غاب اهلاله
سدو امضیفه و چفوها ادلاله
*****
هاذه ابن التشهد اعلیه الأنبیاء
الزهره امه فاطمه خیر النساء
رحمة الله الحسن هوه من السماء
الدنیا تشهدله اعله کل افعاله
****
الحسن ماخذ علمه من المصطفه
ابراسه غیرة علي و عنده المعرفه
ابو محمد دوم شایل هالصفه
بالکرم محد گدر یدناله
**
حاتم اگباله صُبح کلش قلیل
الحسن ندري بالکرم ماله مثیل
هاذه ابوالکفلات و الحمل ثگیل
و الیتامه اتعیش دوم اباله
****
الوادي طبعه ناصي عینه اعله الجبل
الناس هیچي و الحسن مثل الفحل
عاشت ایده بیها ذَل ام الجمل
الفتنه چانت هیه ویه ارجالها
**
الحسن یمشي اعله الصراط المستقیم
رابع اهل العصمه و السر العظیم
مثل ابو حیدر علي ایداري الیتیم
مثل عین الشمس هنه اقواله
*****
تالي وسفه مات مسموم الچبد
ینختم عمره و یوسدو باللحد
و اعله نعشه تنرمي اسهام الحقد
تبقه دمعات الحزن تبراله
****
عگب عینه الشمس ظلت غایبه
الوحي ناده الیوم مات المجتبه
انشال نعشه رابع اصحاب العبه
یالحسن فگدك صعب یقراله
*****
و ابوالأکبر گعد یم گبره و ینوح
یقره تسبیحة الزهره من الجروح
زین ظلت عند ابوالأکبر الروح
اویه الحسن ودع جمیع اماله
*****
لخادم الحسین علي فلاح الواسطي
3صفر
1444