السيده زينب ع تخاطب الامام الحسين ع
ـــــــــــــــــــــــــ
بجيت عيون الك من شفتك موذر
ياساگي العطش والعطش بيك اثر
سنينك طشن بلحضه
المهن ماتصح ركضه

حيل اختك سبگها بذبحة المنحر
ــــــــــــــــــــــــــــــــ
أتنفس اخو مكسور ظهره طاح
واشهگ شهگة لغرگان ماكو صياح
حروف اسمك قلم ويدون الالواح
بوريد الدم كتب مامات لاماراح

ياميت عدل نبضه
المهن ماتصح ركضه
حيل ختك سبگها ابذحةالمنحر

ام حسين المحمداويه
ــــــــــــــــــــــــــــــــــ
شهگتي كبرتني وراح مني الحيل
من شفت الصدر مسحون تحت الخيل
ودم نحرك نزف يبن امي مثل السيل
مصيبه ماجرت ولا الها امثيل
الك ذكرى والك ومضه
المهن ماتصح ركضه
حيل اختك سبگها ابذبحة المنحر
✍️ ام مهدي الفرطوسي
______
العبره امكسره بصدري واجر ونه
اذبيح وضامي شفته سيد الجنه

ومن دم النحر الشيب اله اتحنه

اموذر على الترب اعيوني شافنه

المهن ماتصح ركضه

الخيل بحافر اتسحكه

حيل اختك سبكهه ابذبحه المنحر

✍ام مرتضى الخزرجي
___
المكتوب خويه كون الي يندار
ولاشوفك امگطع والگلب يحتار
يوالي لويصح القدر بيه اختار
وگف من الهضايم والسبي والنار

الحوافر جسمك اترضه
المهن ماتصح رگضه
حيل اختك سبگها ابذبحة المنحر

ام علي المالكي
______
راح الحيل مني اوين ادورنك
اشتم ريحه امي من اشمنك
مكلوب اعله وجهك خويه اشوفنك
اصيح بصوت بسمك ارد اندهنك
گلبي اعليك يتلظه
المهن ماتصح ركضه
حيل اختك سلگها ابدبحه المنحر
زهره الكناني✍🏼
____
اخاف احچي يخويه اتزيد بيك اجروح
مو بس الگفى خاطر الي مذبوح
يريت اليوم روحي ليك فدوه تروح
يا عطر الاخوه شلون كلي ايروح

حلم ياريته مو يقضه
المهن ماتصح ركضه
حيل اختك سبگها ابذبحة المنحر

ام حوراء البركاوي
___
ياغصن الورد مگطوع من شجره
گطعو منحرك يامهجة الزهراء
ماي الله تبده بوسطت الصحره
ويتامك عطاشه وماتصح گطره

صله الماي الك فرضه
المهن ماتصح ركضه
حيل اختك سبگها ابذبحه المنحر


الشاعره ام روكان الشمري
ــــــــــــــــــــــــــــــ
تمت باقلام شاعرات رابطة كفيل زينب عليهما السلام

ــــــــــــــــــــــــــــــــ
https://www.tgoop.com/alikerem

بسم الله الرحمن الرحيم
اللهم صل على محمد وال محمد
نعي لسان حال العليله

حارمني نومي ولذه الزاد
وداعه صعب للگلب مراد
ابن الزچيه اجبير الاسياد

حمل الليله اجبير اخوته
وماينسمع باالبيت صوته
اشلون الولي تقبل نخوته
✍ام مرتضى الخزرجي
🍃🍃🍃🍃🍃🍃
حمل وياه العيله راحت
ماتت الروح استراحت
وبتك عليك بونه ناحت

ناحت يبتك رايده اليوم
الحيد ابوها يزيل الهموم
ماچلچلت هالعين للنوم

ام حسين المحمداويه
🍃🍃🍃🍃🍃🍃
ماهودت ماغمضت العين
تبچي وتون وتصيح يحسين
وينك يبو گلب الحنين

حنين وابد ماكو بحنانه
ابوي يالخيره غطانه
شال وبقى خالي مكانه
✍️ ام مهدي الفرطوسي
🍃🍃🍃🍃🍃🍃
ابوي يلتعجب صفاته
لوكال بوية وشحلاته
وسفه يفكدنه بناته

من راح ابد مانام ليلي
تتواكد النار بدليلي
ماينكطع لحظه عويلي

ام عباس السكيني
🍃🍃🍃🍃🍃🍃

النوم عيني ماخذتها
روحتكم يبويه ماردتها
اضعونكم لمن شفتها

راحت ابعيد وراحت الروح
وظلت وراكم عيني اتلوح
لفرگاك ضل الگلب مجروح

ام علي المالكي

🍃🍃🍃🍃🍃🍃
تمت بأاقلام شاعرات رابطة كفيل زينب عليها السلام
https://www.tgoop.com/alikerem

قصيدة للسيده زينب في يوم العاشر عندما رأت الامام الحسين.ع. في ساحة الميدان. الوزن تجليبه



مو واقع حلم خويه تمنيته

جسمك بالسيوف موذر الكيته

؛ ؛؛؛......................................

جسمك عالتراب اموذر ودامي
مو هين عليه تنذبح ضامي
واشوفن جثتك تنسلب جدامي
والمختار جدي بصوتي ناديته.
الگريشاوية
؛؛؛؛؛.........................................

ميته ولا اشوفن هذا المنظر
من شفت الشمر ايگطع المنحر
من هول المصيبه گلبي اتفطر
وماادري مصيري اشلون تاليته
✍️ ام مهدي الفرطوسي
ــــــــــــــــــــــــــــــــــــــــــــ
عميه اعيوني ريت ولااشوفنه
مجفي على الوجه والخيل سحكنه،،
مو واقع حلم الصاير اتمنه،،
ويكعد ابو اليمه ويرجع البيته،،
✍ام مرتضى الخزرجي
ــــــــــــــــــــــــــــــــــــــــــــــــ
ناديته يجدي حسينك رميه
شفافه مفطره ولا گطره اميه
على حر الرمل طايح الشفيه
بيدك عالنحر چف ماي رشيته
✍🏻ام محمد باقر آل عبيد🌿
ـــــــــــــــــــــــــــــــــــــــــــــــ
تمنيته حلم ما اصحى من نومي
وكون اعله الوطيه الدم على اهدومي
ترميني السهام وتنزف ادمومي
حتى ارتاح اني وأبقه بهمومي
فزيت وشفت عطشان حاچيته
جسمك بالسيوف
موذر الگيته

ام علي المالكي
ــــــــــــــــــــــــــــــــــــــــــــــــ
تمت بأاقلام شاعرات رابطة كفيل زينب عليها السلام
https://www.tgoop.com/alikerem

قصيده   للامام   الحسين  ع  الوزن  دارمي.  


   كلما يهل   عاشور  يبن   الزجيه
   حيل اللجم  وانهار  وانصب عزيه

    انته  الذي  ضحيت  مولانه  بدماك
واني الاخدمك  دوم  مالحضه  انساك
الطم  واون  وانعاك  واتعاهد  اوياك
لاخر نفس ما عوف  هاي  القضيه
الخادمة زينة الگريشاوية
«««««««««««««««
لاخر نفس ماعوف خطك ياالحسين،،
روحك وعيله انطيت النصرت الدين،،
واجب تنوح اعليك تبجي الموالين،،
وتنصب عزه ورايات حد المنيه،،
✍ام مرتضى الخزرجي
«««««««««««««««
ننصب عزه وكل عام نحيي الشعائر
نقره بحزن لحسين فوگ المنابر
من تكتب الي صار اكتب يشاعر
ابين السطور اتروح زينب سبيه
✍️أم حوراء البركاوي
«««««««««««««««
ابچي وون اعليك ودموعي تجري
ومقصره انه اوياك يحسين ادري
ياريت خيل اعداك داسته صدري
لكن اسف مولاي ماصح بديه
✍️ ام مهدي الفرطوسي
«««««««««««««««
طول الزمن يحسين وذكرك ابالي
راسمته بالوجدان وصوره ابخيالي
شماطالت الأيام أومرت لليالي
لا أبد مانساك يبن الزچيه
ام علي المالكي
«««««««««««««««
لا ابد ماننساك  ماننسه ثارك
للذله لا هيهات  نردد شعارك
تحيي الشريعة تريد ربنه لختارك
بالطفل من ضحيت واخته رقيه
✍🏻ام محمد باقر ال عبيد
«««««««««««««««
تمت بأاقلام شاعرات رابطة كفيل زينب عليها السلام

تمت باقلام شاعرات رابطة كفيل زينب عليهما السلام

https://www.tgoop.com/alikerem

موشح  مقصور    وداع  الحسين  والعليله  المقاصير  فعلاتن فاعلن

وداعت الله يا أبو كلب الحنين

رايح ونتلاكه جا يابويه  وين

  عيني تبقى  عالدرب

  واتنضر  ليه  تطب

؛...................................
انتضر    ياوالدي  يمتى   تعود
تدري  لو ماجيتني   العله  تزود
خل انام  ابحضنك اشويه الودود
تمسح  ادموعي  التصب
وانتضر  ليه    تطب

الخادمة زينة الگريشاوية
،،،،،،،،،،،،،،،،،،،،،،،،،،،،،،،،،،،،،،،،،،،،
خل انام ابحضنك والكه حنان

وعطرك اشتمه و احسن باالامان

گسر ظهري وداعك اصعب امتحان

يكتل وداعك صعب

وانتظر ليه تطب
✍ام مرتضى الخزرجي
،،،،،،،،،،،،،،،،،،،،،،،،،،،،،،،،،،،،،،،،،،،،،
ماتردلي ادخيل خافن ماتجي
وانه بدنياي عكبك شترجي
نايحه عليك بونين اشكد شجي
يابعد هرش الكلب
وانتظر ليه تطب
ام حسين المحمداويه
،،،،،،،،،،،،،،،،،،،،،،،،،،،،،،،،،،،،،،،،،،،،،،
هرش گلبی حاضن اجروحه ابشعف،
مثـــــل شمعه جــــای اذوبن  بالکهف
اسطوره اکتابی بدمعي  ما نشف
یذبح ابروحی الرعب
وانتظـــــر لیه تطب،،

ام مهدی مجدم✍🏻
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گاعده وتنطر ودمعي يهل
من ونيني عليك ابدا ما امل
اتمنه يابويه لون يمك أصل

فركتك نار  وتشب
وانتظر ليه تطب

✍️ أم حوراء البركاوي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه انطيني وعد يمته ترد
وداعك اذاني ومرد چبدي مرد
وداعت الله ياحبيبي  والسند
يلي اعز من العذب
وانتظر ليه تطب
✍️ ام مهدي الفرطوسي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت بأاقلام شاعرات رابطة كفيل زينب عليها السلام


https://www.tgoop.com/alikerem

بسم الله الرحمن الرحيم
اللهم صل على محمد وال محمد

يوميه بذنب وارجع فلا اتوب
وظهري منكسر من كثر الذنوب
🍃🍃🍃🍃🍃🍃
يوميه اتوب وارجع اردود
على يميني وشمالي تكتب اشهود
اريد ذنوبي يغفرها المعبود
ونفسه على جسمي باقي الثوب
✍ام مرتضى الخزرجي
🍃🍃🍃🍃🍃🍃
انام اعله المخده وتجري الدموع

وتاخذني النومه ابحلم مفزوع

ارحمني ياألآهي وصوتي مسموع

بكل صبح ومسيه ادعي الغروب
وظهري منكسر من كثر الذنوب
ام علي المالكي
___
اخافن لا اموت وذنبـــــــي وياي
مصيبه مصيبتي وياعظــــــم بلواي
ماعندي بعد بس علي رجواي
بحفره مضلمه ومسدده البوب

الشاعره ام روكان الشمري
_\\_

الهي محي اذنوب برحمتك
بجاه المصطفى واله سألتك
بدنيه واخره اني طلبتك
تريح البال وتكشفلي الكروب
✍️ ام مهدي الفرطوسي
🍃🍃🍃🍃🍃🍃
تمت باقلام شاعرات رابطة كفيل زينب عليهما السلامhttps://www.tgoop.com/alikerem

مذنبين احنه يربي مقصرين
تغفرنه نريد وبجاه الحسين

غير ماعدنه وسيله
نسال بحق العليله

تغفرنه نريد وبجاه الحسين

ــــــــــــــــــــــــــــــــــــ

ياعظم هاي الذنوب لكن انعرفك رحيم

باب مفتوح العبادك اليسلكه يستقيم

المشه بمنهج قضيته نجا وبدربه يقيم

عاصي وذنوبي ثجيله
نسال بحق العقيله
تغفر النه نريد وبجاه الحسين

ام حسين المحمداويه
ـــــــــــــــــــــــــــــــــــــــــــ

رحمتك الله وسيعه وانت القل هو احد
وانتَّ قادر وانتَّ واحد وكلشي بيدك ياصمد
صورتنه بصور حلوه ياجلال ألم تلد
أعفوا عنا ذا خطئنا نسبح وليك الحمد

بجاه فاطمة الزچيه
أغفر الذنب العليه
تغفرنه أنريد وبجاه الحسين
ام علي المالكي

ـــــــــــــــــــــــــــــ
نسالك ياباري سامح بيدك الحق والمصير
امسح اذنوب الخلايك بجاه مولانه الامير
احنه متمسكين بيكم وباسمكم نستجير

الذنب صعبه نشيله
نسال بحق العقيله
تغفر النه نريد وبجاه الحسين

✍☘ام فراس الساعدي ☘
ـــــــــــــــــــــــــــــــــــــــــــــــ
ادخيل يارب البريه اغفر اذنوب البشر
لاتخلي العبد حاير ابجاه مگطوع النحر
بحق ابواليمه نخيت بحق التسع الدرر
ربي مااطن مستحيله
نسال بحق العقيله
زهره الكناني✍🏼
ــــــــــــــــــــــــــــــــــــــــــــ
انت ارحم من ابونه ومن حضن امنه الحنون،،

رحمتك اوسع ياربي اتكول لشي كون يكون،،

تغفراذنوب العلينه ونشرب بكاس المنون،،

مالنه ياربي حيله،،
نسأل بجاه العليله،،

تغفر النه انريد وبجاه الحسين،،

✍ام مرتضى الخزرجي
ـــــــــــــــــــــــــــــــــــــــــــــــ

جيتك وكلي معاصي وادري كل ذنبي يزول
مرتكب ذنب وخطيئه مستحي منك شگول
العـفو اطلب تسامح منك بجاه الرســول

انت كل دربي سبيله
نسأل بحـق العلــيله

تغفر النه نريد وبجاه الحسين

أم صـــ✍️ـــادق المنصوري
ـــــــــــــــــــــــــــــــــــــــــــــــــــــ
ندري وابرحمتك واسع انت غفار الذنوب
ابد بابك ماتسده اترحب ابكلمن يتوب
انت تهدي من تشاء شما قست بينه الگلوب

ندعي والمدمع نسيله
نسأل بحق العقيله
تغفرلنه انريد وبجاه الحسين
✍️أم حوراء البركاوي
ـــــــــــــــــــــــــــــــــــــــــــــ
اسألك ياربي رحمه انستر حد الممات
ماازول منالعقيده اريد يارب الثبات
تعمي گلبي وتعمي عيني من جميع المحرمات
ارحم العبد الضعيف منالمعاصي والشتات
ماكو غيرك اشتكيله
نسأل بحق العقيله
تغفرلنه انريد وبجاه الحسين
✍️ ام مهدي الفرطوسي
ـــــــــــــــــــــــــــــــــــــــــــــــــــ
تمت بأاقلام شاعرات رابطة كفيل زينب عليها السللام
https://www.tgoop.com/alikerem

علماً ان رايات آل محمدٍ في التاريخ الاسلامي لم تكن يوماً رموزاً طائفية، بل كانت علاماتٌ للحقِ تُرفع في ميادينِ الثبات. رايةُ السيدة زينب عليها السلام ليست راية مذهب، بل راية امة واجهت الطغيان بكلمة الحق. هي امتداد لراية الاسلام حيث وقفت زينب شامخةً مدافعةً عن الاسلام الحقيقي. والمساس بهذه الراية هو مساسٌ بإرثِ النبوة، وبقيم دينية انسانية تجمعُ المسلمين لاتفرقهم!!!

قصيده للسيده زينب عليها السلام
☆▪︎☆▪︎☆▪︎☆

اکتب عتاب ویاخذه الریح

هلبت یوصله للمذابیح

ایگلهم اختکم وصلت الشام

وتسامرابونات الایتام

چاوینکم چاوینکم

☆▪︎☆▪︎☆▪︎☆

اکتب رساله وعتب بدموع

وارویحتی ابوناتها اتلوع

بیدالهوه المرضوض الضلوع

من فارگیته اگلیبی مشلوع

السانی بلهاتی یبس

محبوسه بلریه النفس

محشوک گلبی ومملی اسهام

وتسامرابونات الایتام 

چاوینکم چاوینکم

✍🏻المیرزه ام ليلي الخاقانی
☆▪︎☆▪︎☆▪︎☆
يلرحتو چا وين الملاگه
ياشوگكم للشوف باگه
خريف من طاحن اوراگه
طارش بطه مدري شعاگه

هيچ الگلب جرحه ميلتام

وتسامر بونات الايتـــــام

للعظم ياهمي ركس
محبوس بالريه النفس
چا وينكـــــــــم/٢
ام حسين المحمداويه

☆▪︎☆▪︎☆▪︎

بحرالشمش بم عون يسرون
والسوط يتلوه اعله المتون
كلساع بيه هم يشتمون
ولية ولوني وبيه اشلون

حدبت من كثر التعب
انا العزيزه بالغرب

من يومكم ياعيني متنام
وتسامر بونات الايتام

ام عباس السكيني
  ☆▪︎☆▪︎☆▪︎
والسفر طول يالحبايب
هم وقهر اشبع مصايب
ظليت اون والگلب ذايب
ونگطعت اخبار الاطايب

ممرود  گلبي ونحمس
محبوس بالريه النفس

وشلون تگضي هاي الايام
وتسامر   بونات    الأيتام
چاوينكم  چاوينكم

ام علي المالكي
☆▪︎☆▪︎☆▪︎

مشتاكه لعزازي اليونسون
عمري بعدهم يخلص شلون
حبابي وعليه موش بالهون
وفارگهم  عاميلي العيون


اتمنه شوفتكم بالاحلام
وتسامر بونات الايتام

عالنامو بحر الشمس
محبوس بالريه النفس
چاوينكم /٢
ام مهدي الفرطوسي
☆▪︎☆▪︎☆▪︎
تمت بأاقلام شاعرات رابطة كفيل زينب عليها السلام منتدى القلم الفاطمي
https://www.tgoop.com/alikerem

☘لاستشهاد سفير الحسين ع☘

الوزن //تجليبه
مفاعيلن مفاعيلن مفاعيلن

كاني  بلسان حال مولاتي  السيده طوعه ع


مسلم صال من طب زلزل الكوفه
بطل مغوار كل حملاته معروفه

🏴🏴🏴🏴🏴

يصول اعله الزلم يعجب بصولاته
يشبه حيدره   ابسيفه و ابحملاته
يخزرهم  خزر  يرهب  شمحلاته

بهّتها الجيوش وبگت مصفوفه...
مسلم صال من طب زلزل الكوفه

✍☘ام فراس الساعدي ☘
🏴🏴🏴🏴🏴

طب كوفانها وطشرها طشار
خله اجيوشهم بفعاله تحتار
من ماخذ زوده من حيدر الكرار
وعدوانه صفت بگلوبهم خوفه...
مسلم من طب زلزل الكوفه

✍️ ام مهدي الفرطوسي
ــــــــــــــــــــــــــــــ

سبع مثل الصميده صال عالجيمان
وبصولاته تشهدله ارض كوفان
وبفعاله العدو ضل صافن وحيران

فدوه الهدته والشمره اچفوفه...
مسلم من طب زلزل الكوفه

✍️ام مهدي الفرطوسي
__

خله العدو حايروالله بفعاله
يگص راسه اليجي يمه وتدناله
راوهم افنون الحرب واشكاله...

ريت حسين حاضر يمه ويشوفه
مسلم من طب زلزل الكوفه

✍️ام مهدي الفرطوسي
___
تمت بعون الله
بأاقلام الشاعرات ام مهدي الفرطوسي
وام فراس الساعدي
غير مبري الذمه من يحذف اسماء الشاعرات او ينسبها اليهhttps://www.tgoop.com/alikerem

في رحاب منتدى القلم الفاطمي، حيث يجتمع عبق الولاء بنبض الكلمة، وعطر الرسالة وحرارة الإيمان. هنا تتفتح الزهور الفكرية على ضفاف حب أهل البيت عليهم السلام، فتُضيء حروفنا ظلمة الجهل وتحيي أرواحنا بمعاني الولاء.


#شعبة_الخطابة_والتبليغ_النسوية
#منتدى_القلم_الفاطمي
https://www.tgoop.com/almokbalfitmy313

قصيده حال مولاتنا زينب عليها السلام

يوم اكشر علي يايوم عاشر
شفت حسين بيه ادوسه حافر
مات بحسره الماي
نظر عيني ورجواي 
انهد حيلي عليه والفكر حاير

اخوي حسين طاح ابين عدوان
يصيح يريد ماي ومات عطشان
ومرمي اعله  النهر  ياگمر عدنان
وجربته يمه بالگاع
واحنه صرنه اضياع
وجيش ازيد  عالنسوان داير
يوم اگشر علي يايوم عاشر

ــــــــــــــــــــــــــــــــــــــ

شفت شيخ العشيره اكبالي مدمي
بعد ماشالني من الارض  جدمي
ويبس بعروگ جسمي حته  دمي
من عاينت حاله
اويلي عله الجراله
وسهم گلبه اعله ضهره شفته عابر
يوم اگشر علي يايوم عاشر
ـــــــــــــــــــــــــــــــــــــــــــــــ
وفرهود العده صاحت بالاخيام
وماعدهم رحم  لا دين    ضلام
ابد ماصابر   هايه     بالاسلام
حته الطفل ذبحو
قطره ماي منطو
وشنهو اعذارهم  من الله  باچر
يوم اگشر علي يايوم عاشر 
ــــــــــــــــــــــــــــــــــــــــــــ

رضعان اتلاعه  وبس  نساوين
محتاره بقيت اصفگ بالايدين
ويديه اعله راسي ودمعي بالعين
غريبه بين هالناس
واندب خويه عباس
صعبه حالتي اكسر الخاطر
يوم اگشر علي يايوم عاشر

ــــــــــــــــــــــــــــــــــــــــــــ

عطاشه اطفالنه وتبچي على الماي
من ضيم العليه  اصرخ   يرواي
عليك وداعت امي گوم   وياي
على بختك ياوالي
تسكت عالجرالي
وحق امنه الزچيه  انعمه الناظر
يوم اگشر علي يايوم عاشر

ــــــــــــــــــــــــــــــــــــــــــــــــــ
✍ خادمه ام الحسن
ام مهدي الفرطوسي
غير مبري الذمه الي يحذف الاسم
او ينسبها له
https://www.tgoop.com/alikerem

الى الاخوات المبتدئات يرجى تطبيق هذه المفاتيح التي سنقوم بنشرها في هذه القناة...



تطبيق درس اليوم
#مفتاح_طور_الجنوبي

#شعبة_الخطابة_والتبليغ_النسوية
#منتدى_القلم_الفاطمي
https://www.tgoop.com/almokbalfitmy313

فزاعي للسبي

مشونه الكفر ياحيف مايدرون
خواني
من ضيم العلي حشمت عدواني

وحشم ونده الخوان
يخويه عفتو النسوان
حيلي من الهظم ركدان

وعدوكم والله اذاني

ــــــــــــــــــــــــــــــــــــــــــ
دربنه بعيد يالوالي
وشمرهم عذب احوالي
وسفه النذل يبرالي
بسوطه يطگ رضعاني
ــــــــــــــــــــــــــــــــــــــــــــ
العدو ماعنده كل رحمه
يرافگني بدرب زحمه
صحت يازهره يايمه
مصاب اعزازي  هدماني
ـــــــــــــــــــــــــــــــــــــــــــــ
هدمني  وماشلت جدمي
اثگل من جبل  همي
صفه بس القهر سهمي
وعليه زدات احزاني
ـــــــــــــــــــــــــــــــــــــــــــــ
الدنيه جارت اعلينه
اخلاف عيون والينه
والكافر يسب بينه
وشدني بحبل جراني
ــــــــــــــــــــــــــــــــــــــــــــــ
طريق الشام اذانه
اتشمت بينه اعدانه
ريتچ حاضره اويانه
صار الصبر عنواني
ـــــــــــــــــــــــــــــــــــــــــــــ

✍ام مهدي الفرطوسي
https://www.tgoop.com/alikerem

هوسه اليوم عاشر


يوم العاشر بعاشور زينب ضلت بحيره
تصيح بصوت خويه حسين وتحشم ابو الغيره
على التل واگفه الحره لخوها الناضر اديره
انچانك عدل يحسين اگعد ردني لديره

(اگعد يبن امي حدكم وصلو ليه)

✍ام مهدي الفرطوسي
https://www.tgoop.com/alikerem

تسمع بكلبك لولا 😭

ما اكثر المحافظات العراقية التي تود ان تسكن فيها او تزورها بأستمرار، اختر واحدة 👇🏻👇🏻

لو ظهر الامام المهدي عجل الله تعالى فرجه، فهل انت فعلا مستعد لنصرته؟