الخلق والناس من ماءً مهين
وخلق حيدر نور ربك قدرة
قطرة منة نسكبت وصارت حسين
وصار ضلها الگمر سبع الگنطرة
*************************
علي صيوان التميمي
@alisaioan

سماك الصميدة الحيد عباس
لأن وجه الزمان يريد شدة
وسماك الگمر يا ليث الطفوف
لأن وجه العقيلة خدود وردة
*************************
علي صيوان التميمي
@alisaioan

احبك يا علي وعيني        تراباك
وفدوة نروح لجدامك       تراباك
الابن بوالدة يفخر أو        تراباك
                افتخر بيك وسجد الله تحيه
لشاعر_علي_صيوان_التميمي
@alisaioan‎

گوم حيدر گوم ليث دمومها
غيمت دنيانة زيح اهمرمها

. ١.*****************************

يا فتى الطالب ومثلك لا فتى
حير الميدان سيفة برجفتة
حامل التوحيد ناشر رايتة
موسمة وحيدر علي موسومها

..٢*****************************

لا الاها من هتف طاها الرسول
صحت حية علا الفلاح شما تكول
وحطميت اصنام عباد العجول
وسيفك بوجه الكفر جيثومها

..٣*****************************
من بزغ نور النبوة وية الفجر
نمت بفراش النبي رغم الخطر
ورخصت دمك لأجل سيد البشر
ودست فوك ركابهم وخشومها

٤..*****************************

وجندل الكفار في بدر واحد
ولبن ود وجيشه هالخندق لحد
ومرحب وباب اليهود الماصمد
وبيدك الكفار تفري دمومها

.٥.*****************************
ويوم تم الدين من صاح التبي
توالي حيدر هاذا ديني ومذهبي
حكم من الله بكتابة موصي بية
عهد ربك ماتنالة خصومها

.٦.*****************************

حيدر البكاء في ليل العذاب
والصقيل القاطع بسوح الضراب
بحيدر الاضداد مشتبكة الحراب
طلگ الدنية ورضا بمقسومها

..٧*****************************

حيدر الشك الركن بولادتة
وشك ابن ملجم يويلي هامتة
وصار ثار الله ونون الطبرتة
التلطم علا الراس ياهو يلومها

.٨.*****************************

غاب نورك يا ولي الله غالب
وشوفتنا أعدائك ألوان العذاب
وعمت الضلمة وغشى الكون الضباب
وغاب عدلك وية نور نجومها

.٩*****************************
علي صيوان التميمي
@alisaioan

جدالك بالصميدة كفة كفة
لأن للفقرة حيدر كفة كفة
يحس والروس تعرف كفة كفة
لأن جف غيرة ذلة وعنجهية
*************************
علي صيوان التميمي
@alisaioan

اليوم شمس الدين ضوت على الرضا في طوسها
وشعت أنوار العدالة      الأرض دگ ناقوسها
الوليد الصار شعت الأنوار
هاذا أنيس نفوسها
. *************************
اليوم طار الفرح بينة بعيد حلق بل سمة
هاذا ابن ام ابيها هل رضا من فاطمة
هوة نور الله علا أرضه ثغرة درة وباسمة
الرضا سلطان البرية وحاكم علا نفوسها
بوجها الكمر لو دار شعت الأنوار
هاذا أنيس نفوسها
. *************************
اليوم بيها الطوس فرحة شفت نور الله نزل
حير الأكوان حسنة خصلة من نورالازل
صار وجه اليل ابيض واگمر غاب اعتزل
ورتل ويريح صوتة من التلاوة دروشها
باعذب لأوتار شعت الأنوار
هاذا أنيس نفوسها
. *************************
أو هللت هالناس صاحت بالولاية مبايعة
ورددو عيد المبارك العاشك البابة سعة
وزاحت اهموم اليالي الفرحة صارت ممتعة
الروح صارت طير يمك والقرب فدوسها
العشك يلهب نار شعت الأنوار
هاذا أنيس نفوسها
. *************************
الك مولاية الولاية الغيرك احنة رافضا
نبصم بدم المناحر الملك سلطاني الرضا
نهني فاطم ويه حيدر غصبن علا مارضا
زحف نزحفلك ياغالي وهل أعتاب نبوسها
بكل عزم وصرار شعت الأنوار
هاذا أنيس نفوسها
. *************************
نزل غيث الله علا ارضة من لمح ضل الولي
حامل جفوفة علا راسة ويدعى ربة يخجلي
الشمس ردت وية حيدر المطر در يحب علي
بيهم أركان الجلالة والبرية شموسها
بكل رواية أسرار شعت الأنوار
هاذا أنيس نفوسها
. *************************
بحبة حتة الطير غرد والغنة بالاحانة
وسحر گلب الناس كلها وسد حزن بيبانها
اليوم عيد الله علا خلقه مزين بالوانها
والندي علل الورد دنك من عطرها يبوسها
الودد حولك دار شعت الأنوار
هاذا أنيس نفوسها
*************************
علي صيوان التميمي
@alisaioan

اجت الرافضة   علي   تهني المرتضى    علي
                    بميلاد الرضا
. *************************
اجتك يا إمام            تهنيك الأنام
وطيور الحمام         الك تبعث سلام
وتحاجيك بهيام        يمعشوك الأنام
وتحلق بل فضة         بميلاد الرضا
. *************************
اجت المشهد         وزارت مرقدك
بحبها تعاهدك         ونشيد ترددك
صرح ونشاهدك         ربك خلدك
قبابك بل فضة        بميلاد الرضا
. *************************
اجيتك والگلب      ملهوف ويحب
عشگك يا عذب          نار ويلتهب
بابك من اطب        مذنب منصلب
أو ولائي اعرضة       بميلاد الرضا
. *************************
يمك لو اجت         روحي وعرجت
غيرك ما رجت       بعشكها تاججت
وحياء تحرجت      غريقة ومانجت
وبحر عشگك فضة    بميلاد الرضا
. *************************
الورد يهدي العطر    على جفوف الزهر
ويروح الكل كتر        انولد أجمل بشر
وكل عاشك سهر        الرضا وبيه نبهر
الرضا والمارضا           بميلاد الرضا
. *************************
عهدنة نرددة         نضل طول المدة
مثل وردة وندة        نطوف بمرقدة
ويمين نعاهدة         رغم أنف العدة
غيرك  نرفضا           بميلاد الرضا

*************************
علي صيوان التميمي
@alisaioan

دمعنة نهار                     مشة الكرار
          بحزن خل شيعتة تعزيه
..١...***__****___****___****___*.
من حكنة البجي لو صار 
طير وبلا جناح يطير
وحته الروح يصبغه.    
  سوده وحزن بيها جبير
لأن فكد اليحب يا ناس.
    يشل الروح والتفكير
   ويوجر نار                          مشة الكرار
.....٢....***__****___****___****___*.

اشوفآ جن رسول الله. 
  اجه ويمه الملك جبريل
وتله من الذكر آياته    
وختم وحي الله والتنزيل
تمام الدين من دمك     
  نزيف آياته والتاويل
  والأخبار                            مشه الكرار
...٣.......***__****___****___****___*.
ولاكن بعدك ندارت      
وشوفا كلشي كام وراح
دار الوكت والايام      
      والاحسبات والأفراح
وكلوب القست هاليوم  
  جانت يمنه بس ترتاح
    زمن غدار                       مشه الكرار
..... ..٤....***__****___****___****___*.
بثمن والصفقه مدفوعة
    نزيف المصطفى وآله
وشوفا كتب مرفوعة    
تحاكم صحبه و طفاله
وجتنه جيوش مشبوهه  
   بقبيح الفعل وقواله
     تنادي الثأر                        مشه الكرار
.٥....***__****___****___****___*...
هتف فرض الله والأذن      
   حيدر للوداع يريد
سجد وبسيف ابن ملجم 
  نشكت هامت الصنديد
تخضب من دماه ولصوت  
ربي الموت جنه وعيد
    الجنة ختار                          مشه الكرار
..  .....***__****___****___****___****__ *** لشاعر_علي_صيوان_التميمي
@alisaioan‎

حيدر مات بالمحراب.           هاليله يوالينه
   نجم وغاب كلنا زغار.        وين نروح دلينه
........***__****___****___****___*١
.ًًًطاح مخضب بدمة          بوكت الفرض والينه
مخضب صومة ماتمه       يون والونة تاذينه
وزينب بالدهر تحتار          الدمع بعدك يسلينه
                حيدر طيحتك شدة
                 وسيفك نايم بغمدة
  غريبة الدنية والينه            وين نروح دلينة
.....***__****___****___****___*.٢
كامت ترعد الكوفة           شافت بالفجر شوفة
شافت دين بس مطبور      ينزف شايله حروفة
قرة الإخلاص والكوثر         والافلاك مخسوفة
               شحدة الجان يتعدة
                وسيفك نايم بغمدة
  غريبة الدنيا والينه             وين نروح دلينه
........***__****___****___****___*.٣
أطفال ويتامة  تحوم      هاذا اليوم شو مشؤم
اكومن وعثر عللكاع     وشد حيلي ويرد مهدوم
وصبر روحي والشمات   ملح وندل جرح ملجوم
                كوم الشامتك ردة
               وسيفك نايم بغمدة
  غريبة الدنيا والينه            وين نروح دلينه
.......***__****___****___****___*...٤.
ماتم الصلاة بو حسين   عاف الفرض والمحراب
عاف لصوم وكت الصوم   وسد الباب داحي الباب
وعاف الفقراه والأيتام       غريب ودعوه أغرب
           خضيب وطاح جن وردة
               وسيفك نايم بغمدة
  غريبة الدنيا والينه             وين نروح دلينه
.......***__****___****___****___*...٥.
بين السيف والركعة          بين الفرص والدمعة
يتقلب وإلى الله                بعباده الله وشرعة
رادة الباري وصفاه       ورسول الله اصل فرعة
               الباري عللمله يشهدة   
                  سيفك نايم بغمدة
غريبة الدنيا والينا             وين نروح دلينه
*__**___****___****___****__ *** لشاعر_علي_صيوان_التميمي
@alisaioan‎

دستورهای سفارشی

أم البنين تنوح                   والطفل مذبـوح
شحمل مصاب جروح          گلي شيصبر الروح
*************************
اجت أم البنين الحرة وتنادي
ييمة بياذن أطفال مذبوحة
ييمة حسين وينه وين اولادي
احس گلبي نطعن والروح مذبـوحة
ودمع الجفن مسفوح        گلي شيصبر الروح
. *************************
احس صوت الحزن گطع شراييني
يهل هاي المدينة بطيحة الوالي
بقائن مالكم فيها اليناديني
على حسين الدمع سجاب مدراري
ناعي على راسة ينوح      گلي شيصبر الروح
*************************
يبن حذلم علينا بهون يل ناعي
الخبر سهم بدليلي وهيج ضنوني
يناعي الموت گلي شصار حاجيني
احس دموعي صارت نار بعيوني
فدوة الولد خت روح     گلي شيصبر الروح
*************************
نگتل عثمان وي عبدالله يالحرة
و اعزيج بخبر جعفر انة وياهم
ونزل عباس جاب العلگمي ونهرة
شهر سيفة ورگب ويروس ذراهم
وسيفة البعيد يلوح      گلي شيصبر الروح
*************************
تصيح اولادي دون حسين افديهم
أو في الزهرة هاذا اليوم بدماهم
وشيل جفوف ابو النوماس وهديهم
فدن لحسين وانة اروح وياهم
وني ويطير الدوح        گلي شيصبر الروح
*************************
تراهو حسين جسمة بكربلة موذر
وفوك رماح راسة وروس خوانة
وزينب سارت على الموت تتعثر
تنادي هنا يمن ارجاة وماجاني
وضل العلم مطروح     گلي شيصبر الروح
*************************
علي صيوان التميمي
@alisaioan

انه ام البـــنين انــــــي زماني كــــدر حزانــــــي
فكدت بكربله ياناس حسـين والدي والعـباس

والهــــــــــــــم غيـــــــــــــر الوانــــــــــــي
___ ١

ابد مافركـــــــــــج ونســاج
تكل الزينــــــــب اني وياج
احس احزاني وحــــــــزانج
بكبر هاي الارض وسماج
دخل نبجــــي دمــــوع العين
بزينب كومـــــي انـــــه وياج
يمه الدمــــع اذانــــــــي زماني كــــدر حزانــــــي

انه ام البــــــــــــنين انــــــي
____ ١
اكعدي هنانه يم عباس
يم الي يشيـــــــل الراس

بذاك اليوم خله الكوم
ناس تدوس فوك الناس

جن صولة علي الكرار
يحز الروس ولانــــفاس

من ابنـــج ماحصـــل ثاني زماني كــــدر حزانــــي

انه ام البــــــــــــنين انــــــي
____ ٢

تكل الزينب شســـــوو يمه
شـــــصار ذاك اليوم

شخطو ولدي بالحومه
فخـر لو ذله وسط الكوم
فداهم كبــــــله العباس
ونزل للحومه سوة علوم

ييــــمه حــسين عنواني زماني كـــدر حزانــــــي

انه ام البــــــــــــنين انــــــي
____ ٣

صاحت هذا الترجاه
ولدي ويانضـــــر عيناي

امكم رفعت الهــامه
وعالي النجم ضل جواي
ويوم المحشر الزهره
ابجـــي وتبجي هم وياي
علبنها وذبح ولياني زماني كـــدر حزانـــي

انه ام البــــــــــــنين انــــــي
_______ ٤

وبقه بكل وكت وصفه
الــــــسائل لايمـــد جفه
انطي الروح والمهجه
وكل عله ومرض يشفه

انه ام عباس معروفه
وحل المعضله الكلفه

وضهـــري من الـحزن حانـــي زماني كـــدر حزانـي

انه ام البــــــــــــنين انــــــي
____ ٥

وبقه بكل شهر عاشور
ادير الــــعين وين تدور

لاجعفر اجه وعثمان
ولا عبد الله رد مسرور

ولا جاني الكمر عباس
وحس الكون مابيه نور
وبعيني العمر فاني زماني كـــدر حزانـــي

انه ام البــــــــــــنين انــــــي
____ ٦



علي صيوان التميمي
#الشاعر_علي_صيوان_التميمي
@alisaioan

ولدك عقيل وجعفر        والساگي علل الكوثر
مؤمن جهودك خالدة   حامي الرسول وعاضدة
             يا بوطالب    يا بوطالب

.________________ ١________________

قدرك رفيع المنزلة          والجنة الك متاصلة
بكل المواقف ماثلة         من أحد الحد كربلة
ولدك شهامة ومرجله         نسلك ابد ماتكرر
للدين جهدك ساندة   حامي الرسول وعاضدة
             يا بوطالب    يا بوطالب

. .________________ ٢________________

ياكافل أول برعمة         نبتت بذن رب السمة
وحامي النبي وعاضدة      من الطغاة الغاشمة
ومثبت اصل المرحمة         للدين حارس اكبر
وتبقة المواقف خالدة   حامي الرسول وعاضدة
             يا بوطالب    يا بوطالب

. .________________ ٣________________

بل يمنة لو حطو گمر      والشمس باليسره نتظر
ومال وذهب وغلا الدرر  وجاه علا كل هاي البشر
مابعت دينك وللامر        وبالحمل ضهرك منكسر
وتبقة المحمد رافدة   حامي الرسول وعاضدة
             يا بوطالب    يا بوطالب

..________________ ٤________________

وبل شعب عفت الراحة    دين الله تشفي اجراحة
درع النبي وسلاحة         شاخص أسد بل ساحة
ونورك يشع مصباحة        علا وجوه ناسك تفتر
بجهدك الدين تساعدة    حامي الرسول وعاضدة
             يا بوطالب    يا بوطالب

..________________٥ ____________

من غمضت عين وجفن    وطيور روحك عرجن
ولعام سموة بل الحزن       والفقرة لمصابك تون
فركاك جن فركت وطن    خلافك نضل بل مهجر
يا ذكر نبقة نرددة        حامي الرسول وعاضدة
             يا بوطالب    يا بوطالب

.________________ ____________

الشاعر_علي_صيوان_التميمي
@alisaioan

مولد أمامي حسن
ابعث سلامي حسن
حبي وهيامي حسن
في مولدك أسرار ذرية الأخيار
..________________ ١________________
يافرقد الكون الك ابعث سلامي
ياعشك ولروح ترييدك يا هيامي
تسمو يمحبوب إلى اعلا مقامي
في قمة الشوك مقامك يا امامي
يا رابع الأقمار الوصف بيك احتار
في مولدك أسرار ذرية الأخيار
..________________٢ ____________
يا ناتج النور حيدر والزجية
ومن جدك أوصاف الك أعظم هدية
ونص الإمامة الك حق وهوية
للخلق مصباح تنور عل برية
من النبي إصرار راية علي الكرار
في مولدك أسرار ذرية الأخيار
..________________٣ ____________
هاذا أمام الروح والمهجة عدة
ونخلقت الحور من ثغرة ندة
وستنشق القداح من خدة وردة
وستانس الطير من قربة سعدة
وبحبة حط وطار طير السعد دوار
في مولدك أسرار ذرية الأخيار
. .________________٤ ____________
وللنبي فيك آيات يرقع دعائة
بوليدي هذا الدين يكمل بهائة
ويحرر الافكار علمة وعطائة
يغطي الأرض والكون نورة وضيائة
عينة البحر لو دار والشفة نور ونار
في مولدك أسرار ذرية الأخيار
..________________ ٥________________
هليلة الك مولاي زفينة الفراح
وسط السمة مرسوم اسمك نجم لاح
وليل الأمل لو طال وجهك المصباح
يا ابلج التاريخ ما عايز إيضاح
بصوم وسعى وفطار بنص الشهر مختار
في مولدك أسرار ذرية الأخيار
..________________ ٦________________
يا وارث الأسرار كونه الامامة
دين وعبادة وصوم لا بل زعامة
في وجه أهل السوء ابلج حسامة
وللفقرة جفة يصير عش الحمامة
علم وكرم ويثار ونار تهدي الخطار
في مولدك أسرار ذرية الأخيار
.________________ ____________

الشاعر_علي_صيوان_التميمي
@alisaioan

تعلة على العلة اسمك وسم بية
وريد اتفوه باسمك     وسم بية
نار وموت بحروفة      وسم بية
                 يراوي اعداك غصات المنية
*************************
✍ بقلم خادم الحسين ع
علي صيوان التميمي
@alisaioan

الدمع بوجوه مخطوفة   على المطور بل كوفة
        على الوالي             الحزن حالي
                حلم بعيونة نشوفة
.*****************************. ١
علي علا الكوفة انفاسة
الصباح كل روح تهديها
وكل بيت الصبح كل يوم
يفك عينة علا طاريها
وكل خطوة بطريق الله
جان بدربة يمشيها
وفكر بالي على الوالي         الحزن حالي
                حلم بعيونة نشوفة
. *************************. ٢
حلم فزينة من عندة
الصباح والكوفة مفجوعة
نزل عل هامة سيف الموت
بغدر وجفوف مطبوعة
نبذل للناس والفقرة
علي وكل روحة مبيوعة
بثمن غالي على الوالي           الحزن حالي
                حلم بعيونة نشوفة
.*****************************. ٣
هتف جبريل واذانة
وگع بيت الله وركانة
وجت كل اليتامة اليوم
طيور ببابة حزنانة
ربي تهدمت الاركان
وگع مذبوح مولانة
مشة الغالي على الوالي           الحزن حالي
                حلم بعيونة نشوفة
.*****************************. ٤
طر الفجر والهامة
عاقر ناقة الإيمان
وسد من الكتب تورات
ونجيل وحي قرآن
وخلة الكون يتحسر
بعد يلكة بصفاتة انسان
بقدر عالي على الوالي             الحزن حالي
                حلم بعيونة نشوفة
.*****************************. ٥
وجة الكون بكبر قدرة
بابك واليتامة تحوم
وتبجيلك دمع وعيون
ابو الأيتام عوف النوم
گوم الگاع عطشانة
وجلجل عل يتامة غيوم
نطبر تالي على الوالي             الحزن حالي
                حلم بعيونة نشوفة
*************************
✍ بقلم خادم أمير المؤمنين ع
علي صيوان التميمي
@alisaioan

بالقدر جبريل اجانة     بشهر رمضان واذانة
صاح صوت وخوفانة      نطبر ليث الله وامانة

************       *********

. هللة هللة الله أكبر     طاح ليث الله وتگنطر
حيدر الصديق الأكبر    ساگي الشيعة عل كوثر
نار علكفار يسعر            رگاب ويروس تطشر
              لو شهر حيدر حسامة

.****************       *********

مقلد من الله الإمارة         حلم لعيون الفقاره
ربح عمرة ومو خسارة       تاجر ويالله تجارة
طاح ودموعة تجارة       خبر من طه اواشارة
             يموت ميكمل صيامة

.****************       *********

وگع حيدر على طولة      نطبر مقياس الرجولة
ما يعوف الحق يگولة     ما تجذبة ابسط ميولة
جفة كل عايل تنولة           راح صگار الفحولة
               عشگك ربة بكل هيامة

. ************       *********

نطبر ناوي علا الركوع    وساجد بفرض الخشوع
مخضب بدم ودموع         ودينة گلبة ويالظلوع
ينور بكل الربوع              وجها ابلج كل شموع
                 گمر بس لابس عمامة

. ************       *********

في طريق الله دربة        عشگة حيدر وية ربة
بگلبة واضح يا هو حبة    بسلمة يترجم وحربة
الفقرة يمة وكلها گربة   ماي كل ضامي ويشربة
               ويسگي بدموعة اليتامة
.
************       ********* 

✍ بقلم خادم أمير المؤمنين ع
علي صيوان التميمي
@alisaioan

أن گلبي بغيابك أن بما أن
وضعت بعدك مثل دمعة بما أن
دعيت الله بأخذ روحي بما أن
الخيار الثاني بعدك هم عليه
*************************
هسه نگول باجر يرد عگباه
وسرة الآهات صفت آه عگباه
وگفلي شلون وگفة الدمع عگباه
المسة ينومني غبشة يرد علية
*************************
✍ بقلم خادم أمير المؤمنين ع
علي صيوان التميمي
@alisaioan