ها انا السيف الذي لا يستعين
الا بالمعبود اله العالميـــــن
قسم بالله وامامي ارد اجمع الخيول
انه مسلم احامي لجل دين الرسول
ها انا السيف الذي لا يستعيــــــن
ــــــــــــــــــــــــــــــــــــــــــــــــــــــــــــــــــــــــــــــــــ
احنه من يوم انوادنه بالعالم الذر تلكه اسمنه
حتى كل مخلوق يعرف صارت الدنيه الاجلنه
حتى ذرات الحماد ويه الشجر حفظت شكلنه
عذر ماضل للخليقه كلها تعرفنه وتخصنه
الله ســواها \\ وكله ياطـــه
بلغ بما أنزلت لك في هذه الرساله
ان لم نجب لا يكتل دين الهدى محاله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لكي احيي العباد \\ من دواهي الجهل واشرار الفساد
لحسينا سفيرا للتحرير العقول
انه مسـلم احامي لجل دين الرسول





على هذا الضوء اجيت ورافع ابايدي العقيده
انه مبعوث الحسين وثورته الحره المجيـــده
انه جابتني كتبكم واللي يتنكر يســأل اليـــده
ايكللها يا ايدي اشكتبتي والمن البيعه الاكيده
ابدل الشاهـــد \\ المن تعاهـــد
سـتبتلى في يوم الحشر كل هذه الضمائر
سـتشهد أيديهم بهذه الكبائر

يوم ينفع مال لا بنيــــــن
الامن داله امير المؤمنين
شرط عنده هويه البتــول
انه مسـلم احامي لجل دين الرسول
ــــــــــــــــــــــــــــــــــــــــــــــــــــــــــــــــــــــــــــــــــ










رجعت للكوفه طبعها – العايش اعله الجاهليه
نذلت دين السـماحه – بالاطباع الدنيويه
من اجل الكراسي الرئاسه – والخلافه السلطويه
شهرت سيوف الكباحه – بوجه ابن سيد البريه
واضع للكوفه \\ حاله معروفه
ثبت يدا ابي لهب ومن رضى بفعله
سـيصلى نارا من لهب يوم الحشر تشعله
ومسـلم اذن اذان الســلاح
يا حسينا ناده في جمع الرماح
مثل حيدر عليهم بكه بسيفه سيول
انه مسلم احامي لجل دين الرسول
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ









شهر سيفه وصاح واغضب – مسلم ايطب اللكتايب
بسيفه مكتوبه المنيه – وكام يفزع عالحرايب
عشره في عشره يذيها – شوف الكوفه المصايب
جنه أبو الحملات حيدر – واليصل يم سيفه خايب
شاعت اخباره \\ ابصيت بتاره
وزلزل الميدان اذ تقدم الصفوف
ثم دعى الكربلاء لينقل الطفوف
نثر الاشلاء نثرا في الهواء
وجرت في الكوفه انها الدماء
من يروف الدماها ويسد مجرى السيول
انه مسلم احامي لجل دين الرسول











شافت الكوفه حربها ويه مسلم ما تأثر
كام يشورد شثثهم والسقر سيفه بصدر
رجعت الدور الخديعه وللحظيره انوب تحضر
طاح أبو طاهر يشيعه والسيوف اعليه تسيطر
طاح ولينه \\ وفارك حسـينه
ومن على قصر الوغى يرمى اعلى الوطيه
وصاح صوتا سيدي السـلام والتحيه
نور عيني يا حبيبي ياحسين
قتلوني الناس اهل البيعتين
عذروني وامش اعليك من الوصول
انه مسـلم احامي لجل دين الرسول
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم خادم الامام الحسين
أبو سجاد الجنابي

يازماني \\ المارحمني ولارحم اهلي الاطايب
يازماني \\ الحملت منه اشكثر نوح ومصايب
قتل تشريد وسبي \\ الكل اهل بيت النبي
واختفيت ابمذهبي \\ ايازماني
ــــــــــــــــــــــــــــــــــــــــــــــــــــــــــــــــــ
رايه الحك اختفت \\ وراية الباطل اجت \\ ودارت اعلينه المأسي
ابكل مدينه وكل بلد
هدر دم الهاشمي \\ وللي ليهم ينتمي \\ قرر الظالم يذبحه
حتى لو ابن المهد

وانه ابن موسى ابن جعفر اسمي عالي
القاسم انه وشارد ابعزي ودلالي
امشي بالسجه واحاذر من خيالي
خايف اعيون الظلم تعرفني تالي
انه وحدي \\ امشي وادروب الغدرمليانه حيره
انه وحدي \\ وحيرت الفاجد اهل كلش جبيره
والتهيت بحيرتي \\ وحدي امشي ابغربتي
صعبه صارت سفرتي \\ ايازماني
ـــــــــــــــــــــــــــــــــــــــــــــــــــــــــــــــ


طاوعت حكم الدهر \\ وصافحت جف القدر \\ وركبت جنح الليالي اويه الطيور الهاجره
امشي واعيون الزمن \\ ترمي بسهام المحن \\ وانه السجه البعيده \\ حاير يزت حايره
جني اسمع بالدرب صوت المحبين
وافتهمت من الحجي كلهم موالين
واحد الواحد قسم اسمع ببو حسين
ولاجت الدمعه اعله ذكر اهلي الميامين
ياموالين \\ ارد اضيفنكم واحملكم امانه
ياموالين \\ راحو اهلي وانكطع غصني وحنانه
وانه اجيت ابلا اهل \\ وانكسر عود الامل
ارتجي عدكم عمل \\ ايازماني
ــــــــــــــــــــــــــــــــــــــــــــــــــــــــــــــــــــــــــــــــ
اجه شيخ الحي الي \\ ناشداني عن هلي \\ كتله مشروطه الضيافه \\ لاسؤال اعلى الاهل
سيرتي تثبت الك \\ بكل صفاتي تخبرك \\ تكدر اتقيم سلوكي \\ بالضيافه وبالعمل
انه من اعمل تجي وتعرف صفاتي
وتعرف اشكد على الوفه مبنيه ذاتي
انه امي الرضعتني الطيباتي
وعلمتني العزه متفارك حياتي
من حنيني \\ حنت الناكه الحنيني وعاشرتني
وابونيني \\ ونت الخنسه اعلى وني وعودتها
من اروح اعلى النهر \\ الكه بيه طايح كمر
والله دلالي انعصر \\ ايازماني
ـــــــــــــــــــــــــــــــــــــــــــــــــــــــــــــــــــ
اترس الماي واصد \\ عالنهر اقره الحمد \\ واذكر الجدي بو فاضل\\من وكع عالمشرعه
طر عمود الهامته \\ والرماح اتلكته \\ اخذت اجفوف الشفيه \\ وعالرمال امكطعه
وجني اسمع زينب اتنادي اعلى خوها
هايعباس الحرم عكبك ولوها
عكبو احدودك يخو زينب جزوها
اوصلو الخدر يخويه اتحاوطوها
يامصابي \\ من اشوف الماي احس مأسات اهلنه
ياعذابي \\ بعد ابدا مايرد ويتم شملنه
ارسم ابجرف النهر \\ علم وزنود وكمر
وابكه انوح اعله الصور \\ ايازماني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كلمات الشاعر خادم الامام الحسين ع
المرحوم البوسجاد الجنابي

عالغبره ذبيح احسين طايح محد ايشيله
بالحر بالشمس مرمي ولاواحد يفييله
محد كعد يم راسه وحفنه ادموع يبجيله
ولا اخوه البكت عنده التنوح اعليه وتنعيله
حتى اعياله اخذوها وعنه الضعن شد حيله
راحو للسبي وحسين ضل محد يباريله
-------------------
ماصارت كبل من هاي مثل امصاب ابو اليمه
ثلث تيام عالغبره اولا واحد كعد يمه
من عنده النحر مكطوع سال اعلى الترب دمه
صدره اتكسر امن الخيل من صارت عليه لمه
حتى احتار ابو الباقر منه وزاد كل همه
يوم الدفنه ضل محتار جسم احسين شيلمه
كل وصله ابكتر صارت كون ايلمها وي جسمه
حضرله الحصيره وكام يجمع وصلت الوصله
وجاب الخنصر المكطوع للجف رجعه وشله
رد جاب الرضيع اوياه ذاك الفطمته النبله
ومن هال التراب اعليه صار ابكلبه الف عله
صاح ابصوت ابو الباقر حتى الصخر يخشعله
اخ الفركتك يحسين تدري ابخلتك خله
ماتنسد يبو السجاد لونفدي العمر كله
خل بينه الدهر يحسين غيرك عدنه ماخله
غير الونه والاهات يااعز امن العمر واغله
-------------------------------------------------------
الشاعر المرحوم ابو سجاد الجنابي

واحسينا واحسينا واحسينا واحسينا
ياشفيع المذنبين
يالغلاتك تسوه كل ما بالوجود
ومستحاتك بيضت وجه الخلود
رحمة الله انت الوسيعه ابلا حدود
جنة الله العطرت كل الــــــورود
نحن لا نرضى سواك \\ لاولا نترك هواك
ان رحلنا او بقينــــــــــــــــــــــــــــــــا
واحسينا واحسينـــــــــــــــــــــــــــــــــا
احنه لوماانت شنهو ابهالحياة
انت كاع واحنه خضرنه نبات
احنه من مايك شربنه الامنيات
وانت بينه الباقيات الصالحات
نحن قد كنا هباء \\ انت اوهبت البقاء
وبفضل الله فينا \\ واحسينا وا حسينا
اشلعبت ابجسمك يبو اسكينه السيوف
وداست الخيل اعلى صدرك بالطفوف
هاك اخذ عيني الك واشبعها شوف
يومك اسود عالبشر واصبح كسوف
كيف تعطش في العراء \\ وانت للظمان ماء
منهلا للشاربينا \\ واحسينا وا حسينا
شلون صدرك داسته ذيج الخيول
وهشمت اضلوعك يبن طه الرسول
ومن لهيب الحر على اشفافك ذبول
والعقيله اكبالك اتنادي وتكــــــول
ربي خذ كبش الفداء \\ هذا قربان السماء
عارف الحق يقينا \\ واحينا واحسينا



من بكت لا اخوه عدها ولاعمام
هجمت الخيل اعلى زينب بالخيام
عالفواطم شبو النار اللئـــــــــــام
وابو فاضل نايم ابمسك الختـــــام
ساع الله النساء \\ من مصائب كربلاء
شربو الحقد الدفينا \\ واحسينا واحسينا
تنبض اكلوب اعلى فكدك بالعزاء
اي يبو اليمه يمن كلك عطــــــــاء
فدوه اروح الجدمك الداس العنـــاء
لاتضن ننسه جروحك والدمـــــــــــــــاء
نحن صحنا في ثبات \\ ياقتيل العبرات
خذ نداء العاشقينا \\ واحسينا واحسينا
خادم الحسين الشاعر ابو سجاد الجنابي

صوت الشعب هيهات تكدر تمنعه
متندم اعلى الفات من غط اصبعه
مايدري الانسانيه في منهجكم وقتيه
صوت الشعب هيهات تكدر اتمنعه
انه صوت الشعب احجي الك يربات الكراسي
كافي تركص عالجروح وانه بس اشرب ماسي
كافي مو دمعه يتيمه عد علي اتهز الرواسي
والله بدموع اليتامه ينغسل حظ كل سياسي
هذا الشعب صابه الملل \منكم ياقادات الكتل
ماكصه ندت بالخجل \ للفقير وليه التواسي
الماعركت اعلى العيب من وجه كصه
من وزع الله الماي ماجته حصـــــــــه
خالي من الوجدانيه \\ معدوم من الوطنيه
صوت الشعب هيهات تكدر تمنعه
---------------------------------------

اتريد اذكرك خاف ناسي من كرب يوم انتخابك
جنت تفتر عالبيوت تريد بس نسمع جوابك
كلت اضحي من اجلكم كاتب القطعه اعلى بابك
هسه شنهي اللي تغيربعد ما توصل جنابك
شفت الحمر بيدك زهن \\جكساره تصعد يازمان\\
شنهي الشعب شنهي الوطن\\بالبنك اصبح حسابك
عبرته بالخنياب يركس واجره
بس ما وصل للراك اطاني طره
اخ من المصلحجيه \ماخلو كل شي اعليه
صوت الشعب هيهات تكدر تمنعه
---------------------------------------------





عدنه خيرات الله كلها وعدنه مهجوره المعامل
عدنه خريجين كثره اعلى الرصيف ابلا مشاغل
نفط عدنه بس تصدرللاكراد وبي نجامل
مدخل الشاميه يزهي العاف طساته المقاول
يبن المدينه الفاخره \ عينك عليها امدمره
لشوكت تبقه امحفره \ولشوكت هاي المهازل
شاميتك ابها الحل غير انته ابنها \من ارضعت جاليش تنكر لبنها
هم شيعي وهم شيعيه \بطل جلمت شعليه
صوت الشعب هيهات تكدر تمنعه







المدينه اتريد واحد ينزل ابنص الشوارع
يخدم اهله بكل تفاني مو وره الجام ويباوع
مو وره التبريد يحجي وبالحر الوادم تنازع
خلي كون الله يحبه وترتضي منه المراجع
خل ينضر السيره علي \ شنهو الاله وشنهو الالي \
ذاك الوكت يصبح ولي \ يترك الكل المطامع
من تشتغل باخلاص مو للكراسي \ ذاك الوكت يفلان انت اعله راسي
اشحصلنه امن النفعيه \ غير الدجل يوميه
صوت الشعب هيهات تكدر تمنعه






نظره للمسؤول رايد يوصل الصحه ويعاين
البعض مو كلها احجي اتحاول اتهين المواطن
لو تراجع للعياده لو كبل تلكط اللاين
واللي ماعنده علاقه مايطيب وحظه فاين
قسم الاشعه العاطله \\ والريحه بيها قاتله
والمرضه كلها امعلعله \\ بسبب تعطيل المكاين
والدوه الماموجود بالصيدليه
الماعنده امنين ايجيب للعمليه
والدكتور الجراح وياك ايدور ارباح صوت الشعب هيهات تكدر تمنعه
ابو سجاد الجنابي الشاعر المرحوم

ياحجة السماء نسالك الدعاء
تنادي كربلاء حي على العزاء
سيدي قائم محمد نفتتح بيك اللطم
ناخذ الاصرار منك والتفاني والعزم
ترفع الهذا الوباء بجاه جدك ينهزم
ابلايه عاشوراء تدري الشيعه كلهه تنهضم
افكارها تجول كانها الخيول
جميعها تقول حي على العزاء
هذي قدسيت الشعائر دوم تبقى وتستمر
هو ثبتها الاله اليقهر وما ينقهر
حاولو اهل الظلاله ابكل قواهم تندثر
زرعو اشواك ابدربنه بيها ضنو ننكسر
وتعجز الاباة على رد الطغاة
وصحنا في هيهات حي على العزاء
يبو صالح نشتكيلك احنه كل عام اليمر
قبل مايوصل محرم تطلع اوجوه الغدر
وكفو ابدرب القضيه ابميت الف حجة وعذر
كالو الينصب عزاء ويكطع الشارع كفر
لا يعرق الجبين لفعلها المشين
وصحنا ياحسين حي على العزاء
ابحجه الصحه او وقايه كون مانطلع عزه
حسين مو الا بلطمتك حتى تاخذ جائزه
انترست المولات كلها وماشفت كل نفرزه
والملاعب تشهد الها اشكد مقاعد حاجزه
بس في عزه الحسين المرض اللعين
ونحن في يقين حي على العزاء
احنه غير حسين شلنه وحتى مانلطم بعد
ومنهو يضمن عمره باجر حتى يوفي عالعهد
حسين لولا حسين صرنه خيمه مابيها عمد
وجان كل واحد تشوفه للصنم خر وسجد الارض والسماء \\ لاجل هؤلاء
فواجب الولاء حي على العزاء
حسين من ضحه بدمائه وطاح محزوز النحر
وداست الخيل اعله صدره جم ضلع منه انكسر
يعني ليش وشنهي رايد بالله وضحلي الخبر
غير ضحه من اجلنه وشاف هالامه ابخطر
وناده للسيوف هاتي مع الحتوف
ونادت الالوف حي على العزاء
الشاعر المرحوم ابو سجاد الجنابي

ماخيب ارباج / وبعهدي وياج
من مهدي وعرف غايتج المن تسهرين
ورضعتي عباس // من صدرج احساس
خاطر اضحي ابكربله من دون الحسين
وانه ابنج ابهاي // يا امي الوفيه
متهمني دنياي //على ابن الزجيه
يمه يايمه وحياتج اعرف اسنين الربــــــــــــه
ونتضرهن ساعه ساعه ونتضاري اشمصعبه
اقره بعيونج سوالف من جنت وكت الصبـــه
جنج اتكولين يبني اني انطيتك هبــــــــــــــه
للكلبه عطشان // عايف للاوطان
دارت عليه ابكربله اعظم مصيبه
حملتك ابهاي// وامنتك ارباي
ماريدن اسمع زينب اتصبح غريبه
هذا اخر وداع // يعباس اليه
متهمني دنياي ///على ابن الزجيه






سمعي يم عباس يمي اخر وداع السفر
التتعب وتنطر ليالي اتشوف ابنها لو كبر
محسبه موقف يكون ابزود عالي وبي فخر
راسها بي يبقى عالي ويرتفع علو الكمر
يبكه اسمه عنوان \\ وبراسه دخان
كون اعلى اخوته ايدخن وناره سريه
وانه ابنج اهناه //ياهو اللي رباه
غير انتي والوالد علي حامي الحميه
هسا تسمعين بالطف عليه
متهمني دنياي على ابن الزجيه
من زغر سنك اعرفك واعرف ابطبعك صعــــــب
شلون ام متحس بابنها وهوه سباح الكلــــــــــــــب
وجنت اسولف ويه روحي خاف من دهري انغلب
تجي يم للماي تشرب كوه تهوه اعلى الشــــــــــرب
لاحضتك ابهاي // من تشرب الماي
مطبوعه بشفافك جمر مو ماي اشوفــه
جن عينك اتكول // مو مني مقبول
انه اشرب وعطشان اخوي اشلون اعوفه
عمري انه قربان \\ اقدمه هديه
متهمني دنياي \\ على ابن الزجيه

يمه بايام الطفوله مو طفل شــــــــــــــــدة ورد
عطرك ايفوح اعلى امك تحتمي ابحر وبـــــرد
جانت الاطفال تلعب وانته عنهم مبتعـــــــد
ترسم على الكاع بيدك معركه وتطلع تهد
ترسملك اسهام // وبصفهن اخيــــام
وهناك تل الزينبي يعني ام الخــــــــــدور
وترسم وبعد جود // راعيه ممدود
او واحد تخوصر منحني ضل ضهره مكسور
هذه الرسم جان // ياسس قضيه
متهمني دنياي // على ابن الزجيه
يمه سار الضعن عني وادري زينب تنتظر
طيني راسج خل ابوسج اخر وداع العمر
ادري المفارك ييمه جوي احر من الجمر
وادعت الله واندعيلي ودعوتج تسهيل امر
باب الله مفتوح // للكلبه مجروح
وام البنين انتي لدعائج ينفك الباب
عندج براهين // الكل المحبيـــــــــن
ما واحد الينخاج ابد وبنخوته خاب
عن شيعتي اليوم \\ تزيل الاذيه *
متهمني دنياي \ على ابن الزجيه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ الشاعر المرحوم ابو سجاد الجنابي

اوكف يشيال الرمح لا تبتعد تانيني
راس ابو فاضل بالضعن جن اسمع ايحاجيني
––––––––––––––––––––––––––––––
اهنا يمن شلت الرمح راسه ويلوح اكبالي
انه ادري راسه مايطخ فوك النجم يبرالي
موش انت شجيته وصعد هو اختياره العالي
خاطر يشوف البالضعن بيه اشعمل جتالي
رافكني بايام اليسر\\ خايف علي واحد يمر
لو يدنه ويمس الخدر \\ هو الذي ايحاميني
-----------------------------------------------
جني اسمع ابصوتها ايهمس باذني وتكرب مني
يازينب انه البالضعن حارس الج متعني
ميهمج انه اعله الرمح عنج فلا يمنعني
نفخة اسرافيل ابغضب احرك صورهم عني
انفخ بشر اكلب صور \\ كلهم اوديهم سقر
وانه ابن فارس مظر \\ يازينب اشتدريني
**************************************


يازينب ويلهب جمر لسا بعد بعيوني
احركهم انه ابخزرتي واشحدهم ايطفوني
ياهو اليمرابعرضتج وابنصهم ايشوفوني
بس الوي بيهم حاجبي يازينب ايعرفوني
دخاني لسه ابغيرتي \\ وبراسي ضلت نخوتي
بس لاتكولين اخوتي \\ محد بكه ايباريني
-------------------------------------------------------------
كالتله ياحادي الضعن وادري الضعن كفاله
انه ادري لو اصبع يضل خصمك يخاف اكباله
بس راسك الفوك الرمح والشايله جتاله
اتمنه اموت ولا اصد شمر النذل يبراله
رحلة عذاب اويه الدهر \\ والدنيه ظلمه ابلا كمر
وين اختك او وين السفر \\ عالهزل امركبيني
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\





انه الجنت بين الخلك محد يعاين طولي
حتى النسه لمن تطب حاجب الي ايسوولي
هسه اني مابين الغرب باسم السبي ايصيحولي
ماردت منهم بس طلب راس الولي ايدنولي
راس ابو اليمه من ابتعد \\ عن عيني ما شوفه بعد
لا راسه عندي ولا جسد \\ محرومه ضلت عيني
-------------------------------------------------------------
ضليت اعالج محنتي طول الدرب بالامي
بضلوعي يتلاهب جمر حسبالي حرك اخيامي
اسمع انين اعله الهزل حفر دليلي الدامي
عاينت لن خوله اصبحت بحالة خطر جدامي
اسبلت اديها ومددت \\ الجف المنيه اتسالمت
ماتت على ايدي او ودعت\\ وابغربتي اتاذيني
--------------------------------------------------------------------------------------
(وزن المجرشة) -------------------
----------
خادم الحسين المرحوم ابو سجاد الجنابي

بالشام ايضل عنواني كبرج يم الاحزاني
اسمج هويه للجعفريه
بالشام ايضل عنواني
--------------------------------------------------------------
كبرج راده الرحمن – مصدر نور الايمان – بالشام ايصدر ثوره
ثبت كبرج بالشام – خله افكار الظلام – ابمدرستج تدخل دوره بالعفه انطيتي ادروس – واضح درسج ملموس– بس العاداج ينكره
فصلتي الدنيه احجاب – وزعتيها اعلى الباب – حره انتي واسمج حره
مستوره المراه ابابج ****محجوبه العدها احجابج
يالفاطميه ------------------ اسمج هويه
-------------------------------------------------------------

بالشام ازرعتي افكار – صارت زلزال ونار—عالحاقد والمايرضه
من طبيتي اعلى ايزيد – بالوعد والتهديد – واشحده ايزيد ايرفضه
بديوانه ويرجف كام – وبالمجلس اهل الشام – والشام اهتزت ارضه
من كلتي اخت العباس – ضاعت بالكاع الناس – بس اللي حافض عرضه

وينه العاداكم وينه------------------ خل يظهر ويراوينه
افعاله الرديه-------------------------اسمج هويه
--------------------------------------------------------------
وينه العاداكم وين – ذوله احنه انصار حسين – والزينب سيف ورايه
مدينه الزينب سور – سطرناه الها انحور – دكينه احدود الثايه
جبنه الجود وجفين – وبيرغ من كبر حسين – بيج احنه انطينه احجايه
حشد السستاني اسباع – ماضاعت منهم كاع –ردت لينه امحنايه
خلف الله اعلى السستاني --------------سوه اعليهم طف ثاني
عزه وحميه اسمج هويه
--------------------------------------------------------------يازينب عد عيناج – روح وجسد نفداج – انه واهلي واخواني
اقسمنه ابحب حسين – مايسبونج مرتين – والله اكطعهن ذرعاني
احنه اولاد الكرار – يمج طب المختار-- رد اباسم السستاني
والحجه اويانه ايصيح – عالظالم كلنه انطيح – وين ايروح السفياني
وين ايروح الياذينه ميهمنه اشما ضحينه
لجل القضيه***اسمج هويه
------------------------------------------------------------
يوم امصابج هاليوم – صحنه ابصوت المظلوم – يازينب يالمظلومه
جينه ابثوب الاحزان – شبت بينه النيران – من هالساعه المحتومه
هاي اخذيها الاهات – مرسوله من العزيات –لارض الشام الميشومه
صحنه اباب العباس – وصاحت ويانه الناس – يازينب يالمحرومه
حظرت هاليوم انصارج تبجي اتنوح اعلى امصابج
من هالرزيه** اسمج هويه

ـــــــــــــــــــــــــــــــــــــــــــــــــــــــــــــــــــــــــــــــــــــــــــ
خادم الحسين الشاعر المرحوم ابو سجاد الجنابي

خويه رديت اليتامه ابهل مسيه
وماتن ابديرة غرب خوله ورقيه
ــــــــــــــــــــــــــــــــــــــــــــــــــــــــــــــــــــــــــــ
غركانه بدموع الصبر \ مجروحه بهموم اشكثر \ ومنين اسولف يامصيبه
شحجيلك اهواي الحجي \ ماينفهم من البجي \ والصبر كلي منين اجيبه
ياخويه يبن امي المحن \ كلهن على زينب لفن \ والكلب شاجر من لهيبه
بعيوني تتوارد صور \ بين السبي وكطع النحر \ والجثتك ذيج السليبه
وانه مسبيه ورحت ماعندي كافل
وكلفتني اعلى اليتامه والارامل
امنتهن \ وما جبتهن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لمن سبوني اعلى الهزل \ ثمانين بس طفله وطفل \ ريتك تعاين من سبوها
هذي تنوح اعلى الابو \ وذيجه تنوح اعلى الاخو \ واتعذبت من راح اخوها
طفله تكع طفله تهوه \ صاحو فرد صيحه سوه \ ياعمه زينب لوعوها
من كثر ضيم البالسفر \ خوله اعتنه ليها القدر \ ومن الحامل نزلوها
خوله ماتت بالدرب وانه ادفنتها
واعتذر هذا السبب من ما جبتها
وحده منهن \ ما جبتهن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


واتماشه انه ومحنتي \ بهمومي طخت ناكتي \ومحمله اهمومي الثجيله
امشي وسولف بالدرب \ وكلسا على بالي يطب \ فارس املثم اشتكيله
شايل ملامح من علي \ حاجاني كال ادللي \ كتله انته حن من ياقبيله
جاوبني يازينب نعم \ ضيعتي وجهي من السهم \ خويه انه اخيج يالعقيله
وانه راسي اعلى الرمح هيهات اعوفج
الكطعتهن \ ماجبتهن
ـــــــــــــــــــــــــــــــــــــــــــــــــــــــــــــــــــــــــــــــــــــــــ
ي يحسين اردلك بالحجي \ ايزيد اعلى راسك منتجي \ ويظرب اعليه بالخيزرانه
هالمنظر اشبيه من الم \ واشسوه بكلوب الحرم \ وحته الصخر ذاب البجانه
صاحت رقيه ونادته \ جا وين ابوها طلبته \ هسه ابحلم شفته اجانه
جابلها راسه البالطشت \ شبكت عليه وانه اصرخت \ واهنا نصبنه احنه العزانه
صاحت أبو الباقر تره ماتت رقيه
اخذيها ياعمه اجت ليها المنيه
وضيعتهن \ ماجبتهن
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم أبو سجاد الجنابي

الما ضايك اسنين الهجر يوم \\ مايعرف الغربه وشكلها
والقاسم اشكد شايل اهموم \\ خايف طلع بهمومه كلها
ـــــــــــــــــــــــــــــــــــــــــــــــــــــــــــــــــــــــــــــــــ
خايف طلع يترقب من الظالم \\ جانت بيوت اهله تأمن الوادم
شارد ابدينه الهجر ابن الكاظم \\ ياوسفه حيف ضل غريب القاسم
ياهو اليبيعه وياهو يشريه \\ شمعرفه بالناس او وضعها
خايف يطيح ابين الماديه \\ بالكسرو الزهره ابضلعها
ــــــــــــــــــــــــــــــــــــــــــــــــــــــــــــــــــــــــــــــــــــ
خايف يطيح ابواحد العدوانه \\ ويطلع نسل عمر ابن ود واعوانه
يأخذ ابثاره من خسر ميدانه \\ ويه الصميده من شمر جثمانه
هاي المظالم كلها ثارات \\ ثار الوليد وعتبه لساه
كلها من اجل للذله هيهات \\ صاح الحسين وصحنه وياه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صاح الحسين كلمتي المسموعة \\ انطه لجلها ركبته المكطوعه
داست حوافر خيلهم مجموعة \\ طحن الرحي حيل اطحنت بظلوعه
ماضل ضلع بظلوع الحسين \\ سالم واكلك واكلك ظلعة صاحي
سحكت بصدرة الخيل صوبين \\ وراسة تعلك عالرماحي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
القاسم غريب وغربته تبراله \\ كلسا تجي صورة حزن بخياله
بالاخص من عباس غاب اهلاله \\ من ضربت العامود اله جتاله
منم ضل غريب ويسكي الضيوف \\ وماي الفرات يشوفه يجري
عاتب الماي ابكص الجفوف \\ يكله عل عمي انكسر ضهري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ساعة تجي صورة عليله اباله \\ من كربت ساعة وداع احبابه
تشبه ابنيته الحنت اعله اغيابه \\ ضلت يتيمه بحسرة اليا بابه
مثل العليله الضلت اتنوح \\ ومحد اجاها ولا وصلها
ضل الحلم من عدها مذبوح \\ وين الاهل كطعت املها
ــــــــــــــــــــــــــــــــــــــــــــ
خادم الامام الحسين
أبو سجاد الجنابي

للقاسم اجينه انجدد احزانه واهات الحزن تتسابك ويانه

باهات الحزن تتجد الذكره دمع من دم ننوح ونسبي العبره
اجينه ابلهفه واتقينه يم كبره واكباله وكفنه او لوح الوانه

لوانه على الغيب الخايف الهايم مثل موسى طلع يترقب الظالم
مأسي الطف تسير وتتبع القاسم طر يد ابن الامام وتبعته اعدانه

هذا ابن الامام وشارد ابدينه من جور الطغات وشارعادينه
يتنقل بكه ولا واحد ايعينه وبحكم الدهر متغيره الوانه

ذهره والنوايب كلهن التمن سافر والطريج ما اله مأمن
ودموع المأسي على الوجه صبن خايف من طريجه اتكمشه عدوانه

خايف لليعرفه وينكشف اسمه لان يحمل رسالة جده أبو اليمه
اخذ يمشي ابطريجه وحاير بهمه يدروب البعيده التعبت ابدانه

ودروب البعيده القاسم اترده ولن يسمع قسم بالمرتضه جده
ولنه ابنص عشيرة ايودها وتوده من شيعة ابوه وجده ةاعوانه
من شيعة ابوه ورحبهة جيته نشدو عن هله وعن طلعته وقصته
جاوبهم سكوته وحارو بصمتته ماعرقو قضيته ونكر عنوانه

ضل يسكي العطاشه ومحد يعرفه وعنوانه اندفن حدما وصل حتفه
وشيخ الحي اجاه وكايله ابلهفه للقاسم يسال وروحه حيرانه

حيرنه ابسؤاله وخايف يسأله بنتك لو عفتها وبكت هالطفله
جامنك ابوها وموطنه وأهله وين بياكتر دليني باوطانه

كله القاسم ودمع الحزن هلهل باجر لورحت للحج فلا تسأل
اخذها ابصحبتك ياعمي اهي تنذل تدليك على أهلها وتوصل احمانه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خادم الامام الحسين ع الشاعر
المرحوم أبو سجاد الجنابي

هاك اخذ عيني العينيك المصيوبه خاطر تشاهدني شكثر متعوبه
ومطفيه عينك شفتك ورتك تعاين لختك
ساعه ويجر ايدي الشمر مغصوبه
ـــــــــــــــــــــــــــــــــــــــــــــــــــــــــــــــــــــــــــــــــــــــ
عباس من شفتك طريح الميدان \ والعمد طر الهامه
حسيت لن الدنيه مابيها انسان \ يشفي الجرح والامه
زينب يخوها اتحاوطوها العدوان \ واعله البغض محتامه
وانه الكفلني نايم اعله التربان \ وعايفني بين ايتامه
ونار المخيم امثعوله ومحتروكه واختك على الناكه ابحبل مشبوكه
نايم صحت موكتك رتك تعاين لختك
خاطر تشاهدني اشكثر متعوبه
ـــــــــــــــــــــــــــــــــــــــــــــــــــــــــــــــــــــــــــــــــــــــ
عباس من عفتك تراني ابيا حال \ عفتك غصب مجبوره
اصفن عليك وصفنتي اتهد اجبال \ من الزمان وجوره
وين اني هسه اعله الهزل والجمال \ منه اشكثر مزجوره
راسك يخوي اعله الرمح يمي انشال \ يبره الصنعله ناطوره
راسك اعلى طول الدرب يبرالي ضنيت مو ميت عدل كافلي
وامنت خويه بختك ردتك تعاين لختك
خاطر تشاهدني شكثر متعوبه
ياخويه بعدك رافك تجتالي \\ واسمع يكل الرابعه
هاي التكلكم من يشوف اخيالي \\ واشر علي باصبعه
جاوين اخوها الزامطت كفالي \\ واعله الرمح نرفعه
شماتي لعبو ياعزيز ابحالي \\ حتى الصخر تجزعه
هاي التزامط هسه شو سبيه كل ديره من نوصل يلمها اعليه
خويه اشكثر حشمتك رتك تعاين لختك
خاطر تشاهدني اشكثر متعوبه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كل ديره اوصلها تجي ايشوفوني \\ يتفرجون اعليه
هاي السبيه من من ايناشدوني \\ ومنهو الضعن راعيه
واني اسمت ودمعتي بين اعيوني شنهو حجي المسبيه
شماتي عمدا باذني ويسمعوني \\ كل ساع تزجر بيه
جاوين اخوج الماثبت بوعوده ضل عالشريعه امكطعات ازنوده
يالعترب عايفتك رتك تعاين لختك
خاطر تشاهدني اشكثر متعوبه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ





عباس جم طفله وطفل معلوله \\ ماتنوصف حالتها
هاي التكلهم والدي صيحوله \\ تشرح عليه قصتها
وذيج التنادي بس اشوفن طوله \\واتصب جمر دمعتها
للشام اجينه استقبلتنه اطبوله \\ ومتهيئه الفرحتها
واحد ايقدم الواحد عيديه ويبشر وصلت زين مسبيه
واهنا يخويه افكتك ردتك تعاين لاختك
خاطر تشاهدني اشكثر متعوبه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم أبو سجاد الجنابي

الحزن بجفاك رافكني وجنباي
واحس جمرات بضلوعي وجنباي
على ابن امي اجيت اركض وجنباي
هظم واجروح وافراك واذيه
______
النوايب طحنن ابروحي ولاجن وزماني المابطل ظيمه ولاجن
كظت وياك لمتنه ولاجان
شملنه يالحسن نلتم سويه
______
الفواطم من طحت صاحن ولاعن
وضيفك يالحسن ينحب ولاعن
اشتكل لحسين لاناصر ولا عن
يضل عكبك وحيد الغاضريه
______
نعي مقفى
جبد الحسن شفته وعاينتله
يبعد اختك يخويه اشبيك كتله
سكت عني المنيه كربتله
عرفته ايريد يمشي وعني يسدر
_____
عني ايريد يمشي وكرب موته
واشوفه ملتوي ومخنوك صوته
اخوته اتناحبو كلهم اخوته
واحدهم يجر ونه وتحسر
___
انوح اعلى الزمان الخان بيه
منك كطع ضني وهاي هيه
عيني اعلى الاخو تتنطر اربيه
اعيوني المن بعد هاليوم تتنطر
_____
شتنطر بعد واني ايست منها
جثتك والمغسل كام غسلها
واتولم يريد ابكبر يدفنها
ونزلها وعليك الكبر كبر
______
كبر وانخشع حتى الكبر منك
واستنكر يخويه امن افتهم سمك
صاح شلون ترضه الكاع وتظمك
وانت الظاهر ومايوم
تتدثر
______
انت الظاهر ومايوم تتخفه وحبك بالظمير انولد موصدفه
انت ابن الرساله وشخصك انعرفه
المختار جدك والابو حيدر
______
حيدر والدك خل النبي المختار
مردم للكلافه ابليل فوك انهار
ياوسفه اختلت هاليوم هاي الدار
منك يالحسن بصواب المكدر
*****
ابو سجاد الجنابي

طال انتضاري الطلعتك // تنصب علينه ابخيمتك
هيمه احنه وانته افياي // ضلك نعتازه اهواي
طال انتضاري الطلعتك
_______

العاشك يضل/ بين الامل/ صبح ومسه جمرة محب ما تنطفي

اهوايه الوكت /وتأخرت / كلهن علاماتك تجي وهم تختفي

يوسف طالت اسنينك / جم يعكوب الك يعمه

بهلبت تطلك اعنانه / جوادك يوصل ابهمه

تفزع يابو صالح لنا/ حتى تزيح اهمومنا

واتبشر النخاي / ضلك نحتازه اهواي

طال انتضاري الطلعتك
_______

طير السعد /مارد بعد /طار من اهد طبرت علي خير العمل

درب العدل /صاير ممل/ والمصلحه اتعلت عليه وابلا خجل

الفقيرتسحكه رجلينه // وتدوسه وتفرك الامه

علي ماكو بعد عدنه // اليجينه ونقبل اصيامه

يالمهدي ماهو اليستحي // خلونه بحلوك الرحي

والدوله تعزف ناي // ضلك نحتازه اهواي

طال انتضاري الطلعتك
_______

أيالمهدي /جرحي اليدي// ينتضر ضمادك يجي وما ينلجم

نار البعد / وسط الجبد // محتازه اتشوف المنتضر لو بالحكم

عليك ابداعت البضعه // امك فاطمه الزهره

اريدن من طرف عينك // يبو صالح ولو نضره
خليني خادم كربله // اخدم حسين وكل هله

واملكفك انه ابهاي // ضلك محتازه اهواي

طال انتضاري الطلعتك
_______

يالمنتضر /رايه ونهر / تتنطرك يمته ترد الثارها

ليله وطفل / وفتح سجل/ ما سلم من الذبح ازغارها

الطفل عبد الله يتنطر // تصبخ رايتك عنده

لازم منحره ابجفه // لسا يرفس ابمهده

لسا النحر يكطر دمه // حسين اعلى ايده امنيمه

ضامي وما شاف الماي // نحتازك احنه اهواي

طال انتضاري الطلعتك
_______

تدري الضعن / يبن الحسن / يوم السبي والاجنبي كفالها

زينب مشت /وتعذبت / محتاره مابين العده واطفالها

مشت مكسوره الخاطر // ابهضم والمحنه توجعها

غريبه والا اخو العدها // المشه اوياها ويرجعها

يالمهدي زينب فاجعه // ودري بعيونك دامعه
عذرأ منك مولاي // نحتازك احنه اهواي
طال انتضاري الطلعتك
_______
الشاعر ابو سجاد الجنابي

دمعات المفارك عطش ما تروي دلالي
واللي يفارك مثلي ام اشيصور ابحالي
منين اجيب امنين / مثل امي ام حسين
يالوديعه / يالوديعه
_
انه ابنج حسين/ وامغربه لاوين / يمه اعلى بختج لا يضل بيت امنه خالي
لسا بعدنه/ ننطر وردنه / نكعد ابفيج يم حسن طول الليالي
جلمة ييمه اشكد حنينه بصوتج
راحت وسافه وشيعت تابوتج
يا يمه صحنه ابصوت والكل تسمعه
ابعيد البله ولا كال نعشج نودعه
لالا بعد سن العمر ما يحمل اغيابج
ولا بينه واحد بي صبر وينزل ترابج
أيمنه يالزهره /نجري الدمع عبره
يالوديعه / يالوديعه
__
كمت اكره الباب / جي يحمل امصاب / اي حتى بيبان الأمل هم بيها بسمار
أمنه الحنينه / راحت حزينه /وضلينه ايتام ونفز من وحشه الدار
ما نلكه أمنه الجانت اتغطينه
ابكد رحمة الله حبها المدفينه
أيم ضلع مكسور وبعصرة الباب
كلب الحسن وحسين من عندج انعاب
يا يمه ضلعج منهشم والتمن اهمومي
والوجعه ضلت تستمر من يومج اليومي
من بعدج اسنيني / مدري اشتراويني
يالوديعه / يالوديعه
_____
يا بعد العيون / لفراكج اشلون / الساعه الاخيره وشبكت جفوفج علينه
العينج فتحتي / وضلعج لزمتي / ردتي تكولين انتهت روحي الحزينه
يا يمه وجعات الضلع جتاله
والزمت ضلعي ردت احطه ابداله
جن اباذني اسمع صوت ضلعك دخليه
باجر جموع الخيل هم تسحك اعليه
باجر الك بالطف صدر ضل انتظر باجر
بالغاضريه ادوس الك جم حافر وحافر
واعلى الترب مطروح / والجسم كله جروح
يالوديعه / يالوديعه
___
يم عتبه الباب /لمصابج اكتاب / كل جلمه من عنده تون ايالزجيه
بس فوك عنوان / اهات الاحزان / والعصره عصرت مهجتي يوم المنيه
عصرة اضلوعج رافكت ايامي
ونار البدارج منها حرك اخيامي
يا يمه بابج صار باب النوايب
منه اشكثر بيبان فتحت مصايب
واحد ذبحني من الكفه صاعد على امتوني
واحد يكص ابخنصري يايمه سلبوني واعيالي هجت وين / تنطي الوجه لاوين
يالوديعه يالوديعه
___
مجموعه صوبين / هجمت على حسين / نفس الايادي العصرتج ردت عليه
من دفعو الباب / ردو لااطناب / حركوها والزينب سبو والفاطميه
زينب سبوها اعلى الهزل تتجتف
ادموع اليتامه غركت كاع الطف
طلعت تصيح بصوت وينك يعباس
من يمك اويحدون بختك ينوماس
الما شايف الطولي يصد والكل يشوفوني
خطواتي تعثر بالهظم ويهلن عيوني
الما عدها مثلي اخوان / تمشي ابحمه العدوان
يالوديعه يالوديعه
ــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

يعباس المصايب بيك لاحن
ومكضمات الليالي اعليك لاحن
مثل حن الفصيل اعليك لاحن
كلب زينب يعباس الشفيه
ـــــــــــــــــــــــــــــــــــــــــــــــــــــــــــــــــــــــــــ
يصدع اجبال كلبي عليك لاون
أنه اجفوف المصيب هوياي لاون
انشدك عالضعن هاليوم لاون
سره بختك لوين ايريد بيه
ــــــــــــــــــــــــــــــــــــــــــــــــــــــــــــــــــــــــ
يزينب للعتاب اوياي كفي
تراني ازعل واكص اليوم كفي
لمن ترضين واسمع صوت كفي
صبح امرج فرض واجب عليه
ــــــــــــــــــــــــــــــــــــــــــــــــــــــــــــــــــــ
سالم شخصك وجفك ويدك
وزود البيك من عودك ويدك
اعرفنك سبع تسطر ويدك
وتلوك اوياك سبع الغاضريه


عليج اليوم كل همي وبالي
والج ما قصر ابروحي وبالي
سماي من ازعل اتنزل وبالي
مثل سجيل ينزل عالوطيه
ــــــــــــــــــــــــــــــــــــــــــــــــــــــــــــــــــــــــــــ
وحك حســـين يازينب وطفه
اصول اشما دنه العسكر وطفه
لهيب احشاج خل يبرد وطفه
انا العباس ابن حامي الخميه
ـــــــــــــــــــــــــــــــــــــــــــــــــــــــــــــــــــــــــــــــ
اخاف اعليك من غيهم وشرهم
وعليه اعداي من يوصل وشرهم
شفزع شحمي وبيمن وشرهم
اذا صار الفزع شيرده اليه
ــــــــــــــــــــــــــــــــــــــــــــــــــــــــــــــــــــــــــ
الدمه امجلجله ابعيني ولاجت
وروحي من القهر ذابت ولاجت
اصيحن وين ابو فاضل ولاجت
ولاصوتك اسمعه ايرد عليه
ـــــــــــــــــــــــــــــــــــــــــــــــــــــــــــــــــــــــــــــــــــ


شلون ابعيني أحد عينك وشوفك
واعاين منطفي ضيك وشوفك
مصابي شد فطر كلبي واشوفك
مثل طر البراسك صار بيه
ـــــــــــــــــــــــــــــــــــــــــــــــــــــــــــــــــــــــــــــ
على ام عباس احط روحي وفتها
لأن مايوم للطيبه وفتها
وفيه ونصرة الزهره او وفتها
ابليوث أربع ضحايه اعلى الوطيه
ـــــــــــــــــــــــــــــــــــــــــــــــــــــــــــــــــــــــــــــــ
شلون انسه فضايلها وانسه
فخور ومبتشر كلبي ونسه
اصلها طيب المنبت ونسه
نسل جود او وفه ابهاي الوفيه
ــــــــــــــــــــــــــــــــــــــــــــــــــــــــــــــــــــــــــــ
وحك الشايل الرايه وعلم جود
فلا مثله اخو وعنده علم جود
حسافه الدهر من يركض علم جود
مثل عباس ابو ذات الابيه


العساجر كون المشدها واطفها
واريد اكسر حوافرها وطفها
واخلي كربله شاهد وطفها
واكر عينج يزينب بالحميه
ــــــــــــــــــــــــــــــــــــــــــــــــــــــــــــــــــــــــــ
ابزودك لو ردنه العسكر وطفه بيه
واحس نار الكلب تلهب وطف بيه
اشوفك كعبه احامي وطف بيه
واطفوف اعليك كل صبح ومسيه
ــــــــــــــــــــــــــــــــــــــــــــــــــــــــــــــــــــــــــــــــ
ابوي اجروح راسه يوجعنه
ودليلي ابنار يلهب يوجعنه
اخوي حسين يمه يوجعنه
اظن أيس واجاني وهاي هيه
ــــــــــــــــــــــــــــــــــــــــــــــــــــــــــــــــــــــــــــــــــــــ
وقليل الكون الكون من يحزن وكلبه
اريد اوصل لعد راسه وكلبه
واشوف السم البجرحه وكلبه
اضن نبضه سكت حامي الحميه

شهر عاشور ابونه وامنه شعبان
وتفجر بيه نور العدل شع بان
صار الشعب واحد موش شعبان
وحب حسين جامعنه سويه
ــــــــــــــــــــــــــــــــــــــــــــــــــــــــــــــــــــــــــــــ
الحزن بحسين رافكني وعاشر
لأن عاشور من اسمه وعاشر
المصيبه اتصير بالسابع وعاشر
اشد كل المصايب عالبريه
ـــــــــــــــــــــــــــــــــــــــــــــــــــــــــــــــــــــــــــ
بغير حسين جا تهنه وضعنه
وابد ما تنصلح حالة وضعنه
طلع هاليوم بعياله وضعنه
يريد حسين اصلاح البريه
ـــــــــــــــــــــــــــــــــــــــــــــــــــــــــــــــــــــــــ
دليلي ماعصر ولا راك
الزمان اوياي ماقصر ولاراك
يخويهشلون اعوفك ولا راك
واروح اميسره غصبن عليه


راسك عالرمح يمشي ويانه
ولا واحد نهض منك ويانه
أنه من الهضم اعتب وي أنه
واقص ابعلتي البيه عليه
ـــــــــــــــــــــــــــــــــــــــــــــــــــــــــــــــــــــــــــــ
ام الاكبر ليله
احس فكدك جمر يلهب واكابر
واشيط ابحسرة امصابك واكابر
يضل جرحك مع ايامي واكابر
وسط روحي ويوسدني المنيه
ـــــــــــــــــــــــــــــــــــــــــــــــــــــــــــــــــــــــــــــــــ
شهر عاشور بهلاله بدالي
وكسر جدم الصبر حزنه بدالي
لون يحسين لو ترهم بدالي
لحط روحي ابمجانك بالمنيه
ــــــــــــــــــــــــــــــــــــــــــــــــــــــــــــــــــــــــــــــــــــــــ
لكيت امطشره اوصالك وألم بيك
وألم بيه ابكبر جرحك والم بيك
القدر وياك متوالم والم بيك
عسه اولامه ييمه ايدور بيه

دهر زينب على الحسره علمها
وكلبها ابحزن يلجمها علمها
اجت شاطت فرد شيطه علمها
مثل ركضتها يوم الغاضريه
ــــــــــــــــــــــــــــــــــــــــــــــــــــــــــــــــــــــــــــــــــــــــ
الدهر للشام ودانه وردنه
وشربت الماي من خصمك وردنه
تمنيتك تصل لينه وردنه
وترد خصمك يخويه العال بيه
ـــــــــــــــــــــــــــــــــــــــــــــــــــــــــــــــــــــــــــــــــ
الشهيد الراح ناخذله سلاماً
ولابينه النسه العشره سلاماً
ابوه اللي اخذ روحه وسلامن
مع الشبان ماهو ابها الثنيه
ـــــــــــــــــــــــــــــــــــــــــــــــــــــــــــــــــــــــــــ
الشهيد وعلته كلفه عل امه
ومصابه علينه مومثل العلى امه
اجته شايطه ايلوعه على امه
تصيح ابصوت حطو ابني ابأديه

خذت منه ابنها وحيل صاحت
ومثل الفصيل اعليه ناصت
الليالي الحلوه يبني وياك راحت
وبعد هيهات ينعادن عليه
ــــــــــــــــــــــــــــــــــــــــــــــــــــــــــــــــــــــــــــــــــــــ
بعد هيهات والدنيه اتحلالي
ييمه واكعدابفيك يغالي
راحت هيبتي وعزي ودلالي
وراح الجان بس هوه اليه
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
يروحي اعيون شماتي تراجي
ولان وليان ماعدنه تره جي
رقيه اتسلبن منها تراجي
لان مذبوح سبع الغاضريه
ـــــــــــــــــــــــــــــــــــــــــــــــــــــــــــــــــــــــــــــــــ
الشمر يحسين رافكني وجنباي
واحس جمرات بضلوعي وجنباي
اجيت اليوم يم كبرك وجنباي
جروح وهظم وفراك واذيه



الا مخيم دوت ناره ولاطـــف
ولا من يطرد العسكر ولا طف
مثل يومك فلا يوجد ولا طف
من اهد أدم لحد الغاضريـــــه
ـــــــــــــــــــــــــــــــــــــــــــــــــــــــــــــــــــــــــــــــــ
الفواطم من طحت صاحن ولاعن
علينــه العــدو ماهــود ولاعـــن
بكيــت اوحيد لا ناصر ولاعــن
يخويه حسين وحدك بالمنيــــه
ــــــــــــــــــــــــــــــــــــــــــــــــــــــــــــــــــــــــــــــــ
المصايب طحنن ابروحي ولاجــــن
وزماني مابطل ظيمـــــه ولاجــــــن
اصيح ابصوت يبن امي ولاجــــــن
سمعت اختك تصيح ابهل المسيـــــه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

أحبتي الأربعاء يكون متمم لشهر ذي الحجة ٣٠ .. والخميس أن شاء الله أول أيام شهر محرم الحرام

عظم الله لكم الأجر 💔😭