دمعات المفارك عطش ما تروي دلالي
واللي يفارك مثلي ام اشيصور ابحالي
منين اجيب امنين / مثل امي ام حسين
يالوديعه / يالوديعه
_
انه ابنج حسين/ وامغربه لاوين / يمه اعلى بختج لا يضل بيت امنه خالي
لسا بعدنه/ ننطر وردنه / نكعد ابفيج يم حسن طول الليالي
جلمة ييمه اشكد حنينه بصوتج
راحت وسافه وشيعت تابوتج
يا يمه صحنه ابصوت والكل تسمعه
ابعيد البله ولا كال نعشج نودعه
لالا بعد سن العمر ما يحمل اغيابج
ولا بينه واحد بي صبر وينزل ترابج
أيمنه يالزهره /نجري الدمع عبره
يالوديعه / يالوديعه
__
كمت اكره الباب / جي يحمل امصاب / اي حتى بيبان الأمل هم بيها بسمار
أمنه الحنينه / راحت حزينه /وضلينه ايتام ونفز من وحشه الدار
ما نلكه أمنه الجانت اتغطينه
ابكد رحمة الله حبها المدفينه
أيم ضلع مكسور وبعصرة الباب
كلب الحسن وحسين من عندج انعاب
يا يمه ضلعج منهشم والتمن اهمومي
والوجعه ضلت تستمر من يومج اليومي
من بعدج اسنيني / مدري اشتراويني
يالوديعه / يالوديعه
_____
يا بعد العيون / لفراكج اشلون / الساعه الاخيره وشبكت جفوفج علينه
العينج فتحتي / وضلعج لزمتي / ردتي تكولين انتهت روحي الحزينه
يا يمه وجعات الضلع جتاله
والزمت ضلعي ردت احطه ابداله
جن اباذني اسمع صوت ضلعك دخليه
باجر جموع الخيل هم تسحك اعليه
باجر الك بالطف صدر ضل انتظر باجر
بالغاضريه ادوس الك جم حافر وحافر
واعلى الترب مطروح / والجسم كله جروح
يالوديعه / يالوديعه
___
يم عتبه الباب /لمصابج اكتاب / كل جلمه من عنده تون ايالزجيه
بس فوك عنوان / اهات الاحزان / والعصره عصرت مهجتي يوم المنيه
عصرة اضلوعج رافكت ايامي
ونار البدارج منها حرك اخيامي
يا يمه بابج صار باب النوايب
منه اشكثر بيبان فتحت مصايب
واحد ذبحني من الكفه صاعد على امتوني
واحد يكص ابخنصري يايمه سلبوني واعيالي هجت وين / تنطي الوجه لاوين
يالوديعه يالوديعه
___
مجموعه صوبين / هجمت على حسين / نفس الايادي العصرتج ردت عليه
من دفعو الباب / ردو لااطناب / حركوها والزينب سبو والفاطميه
زينب سبوها اعلى الهزل تتجتف
ادموع اليتامه غركت كاع الطف
طلعت تصيح بصوت وينك يعباس
من يمك اويحدون بختك ينوماس
الما شايف الطولي يصد والكل يشوفوني
خطواتي تعثر بالهظم ويهلن عيوني
الما عدها مثلي اخوان / تمشي ابحمه العدوان
يالوديعه يالوديعه
ــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

يعباس المصايب بيك لاحن
ومكضمات الليالي اعليك لاحن
مثل حن الفصيل اعليك لاحن
كلب زينب يعباس الشفيه
ـــــــــــــــــــــــــــــــــــــــــــــــــــــــــــــــــــــــــــ
يصدع اجبال كلبي عليك لاون
أنه اجفوف المصيب هوياي لاون
انشدك عالضعن هاليوم لاون
سره بختك لوين ايريد بيه
ــــــــــــــــــــــــــــــــــــــــــــــــــــــــــــــــــــــــ
يزينب للعتاب اوياي كفي
تراني ازعل واكص اليوم كفي
لمن ترضين واسمع صوت كفي
صبح امرج فرض واجب عليه
ــــــــــــــــــــــــــــــــــــــــــــــــــــــــــــــــــــ
سالم شخصك وجفك ويدك
وزود البيك من عودك ويدك
اعرفنك سبع تسطر ويدك
وتلوك اوياك سبع الغاضريه


عليج اليوم كل همي وبالي
والج ما قصر ابروحي وبالي
سماي من ازعل اتنزل وبالي
مثل سجيل ينزل عالوطيه
ــــــــــــــــــــــــــــــــــــــــــــــــــــــــــــــــــــــــــــ
وحك حســـين يازينب وطفه
اصول اشما دنه العسكر وطفه
لهيب احشاج خل يبرد وطفه
انا العباس ابن حامي الخميه
ـــــــــــــــــــــــــــــــــــــــــــــــــــــــــــــــــــــــــــــــ
اخاف اعليك من غيهم وشرهم
وعليه اعداي من يوصل وشرهم
شفزع شحمي وبيمن وشرهم
اذا صار الفزع شيرده اليه
ــــــــــــــــــــــــــــــــــــــــــــــــــــــــــــــــــــــــــ
الدمه امجلجله ابعيني ولاجت
وروحي من القهر ذابت ولاجت
اصيحن وين ابو فاضل ولاجت
ولاصوتك اسمعه ايرد عليه
ـــــــــــــــــــــــــــــــــــــــــــــــــــــــــــــــــــــــــــــــــــ


شلون ابعيني أحد عينك وشوفك
واعاين منطفي ضيك وشوفك
مصابي شد فطر كلبي واشوفك
مثل طر البراسك صار بيه
ـــــــــــــــــــــــــــــــــــــــــــــــــــــــــــــــــــــــــــــ
على ام عباس احط روحي وفتها
لأن مايوم للطيبه وفتها
وفيه ونصرة الزهره او وفتها
ابليوث أربع ضحايه اعلى الوطيه
ـــــــــــــــــــــــــــــــــــــــــــــــــــــــــــــــــــــــــــــــ
شلون انسه فضايلها وانسه
فخور ومبتشر كلبي ونسه
اصلها طيب المنبت ونسه
نسل جود او وفه ابهاي الوفيه
ــــــــــــــــــــــــــــــــــــــــــــــــــــــــــــــــــــــــــــ
وحك الشايل الرايه وعلم جود
فلا مثله اخو وعنده علم جود
حسافه الدهر من يركض علم جود
مثل عباس ابو ذات الابيه


العساجر كون المشدها واطفها
واريد اكسر حوافرها وطفها
واخلي كربله شاهد وطفها
واكر عينج يزينب بالحميه
ــــــــــــــــــــــــــــــــــــــــــــــــــــــــــــــــــــــــــ
ابزودك لو ردنه العسكر وطفه بيه
واحس نار الكلب تلهب وطف بيه
اشوفك كعبه احامي وطف بيه
واطفوف اعليك كل صبح ومسيه
ــــــــــــــــــــــــــــــــــــــــــــــــــــــــــــــــــــــــــــــــ
ابوي اجروح راسه يوجعنه
ودليلي ابنار يلهب يوجعنه
اخوي حسين يمه يوجعنه
اظن أيس واجاني وهاي هيه
ــــــــــــــــــــــــــــــــــــــــــــــــــــــــــــــــــــــــــــــــــــــ
وقليل الكون الكون من يحزن وكلبه
اريد اوصل لعد راسه وكلبه
واشوف السم البجرحه وكلبه
اضن نبضه سكت حامي الحميه

شهر عاشور ابونه وامنه شعبان
وتفجر بيه نور العدل شع بان
صار الشعب واحد موش شعبان
وحب حسين جامعنه سويه
ــــــــــــــــــــــــــــــــــــــــــــــــــــــــــــــــــــــــــــــ
الحزن بحسين رافكني وعاشر
لأن عاشور من اسمه وعاشر
المصيبه اتصير بالسابع وعاشر
اشد كل المصايب عالبريه
ـــــــــــــــــــــــــــــــــــــــــــــــــــــــــــــــــــــــــــ
بغير حسين جا تهنه وضعنه
وابد ما تنصلح حالة وضعنه
طلع هاليوم بعياله وضعنه
يريد حسين اصلاح البريه
ـــــــــــــــــــــــــــــــــــــــــــــــــــــــــــــــــــــــــ
دليلي ماعصر ولا راك
الزمان اوياي ماقصر ولاراك
يخويهشلون اعوفك ولا راك
واروح اميسره غصبن عليه


راسك عالرمح يمشي ويانه
ولا واحد نهض منك ويانه
أنه من الهضم اعتب وي أنه
واقص ابعلتي البيه عليه
ـــــــــــــــــــــــــــــــــــــــــــــــــــــــــــــــــــــــــــــ
ام الاكبر ليله
احس فكدك جمر يلهب واكابر
واشيط ابحسرة امصابك واكابر
يضل جرحك مع ايامي واكابر
وسط روحي ويوسدني المنيه
ـــــــــــــــــــــــــــــــــــــــــــــــــــــــــــــــــــــــــــــــــ
شهر عاشور بهلاله بدالي
وكسر جدم الصبر حزنه بدالي
لون يحسين لو ترهم بدالي
لحط روحي ابمجانك بالمنيه
ــــــــــــــــــــــــــــــــــــــــــــــــــــــــــــــــــــــــــــــــــــــــ
لكيت امطشره اوصالك وألم بيك
وألم بيه ابكبر جرحك والم بيك
القدر وياك متوالم والم بيك
عسه اولامه ييمه ايدور بيه

دهر زينب على الحسره علمها
وكلبها ابحزن يلجمها علمها
اجت شاطت فرد شيطه علمها
مثل ركضتها يوم الغاضريه
ــــــــــــــــــــــــــــــــــــــــــــــــــــــــــــــــــــــــــــــــــــــــ
الدهر للشام ودانه وردنه
وشربت الماي من خصمك وردنه
تمنيتك تصل لينه وردنه
وترد خصمك يخويه العال بيه
ـــــــــــــــــــــــــــــــــــــــــــــــــــــــــــــــــــــــــــــــــ
الشهيد الراح ناخذله سلاماً
ولابينه النسه العشره سلاماً
ابوه اللي اخذ روحه وسلامن
مع الشبان ماهو ابها الثنيه
ـــــــــــــــــــــــــــــــــــــــــــــــــــــــــــــــــــــــــــ
الشهيد وعلته كلفه عل امه
ومصابه علينه مومثل العلى امه
اجته شايطه ايلوعه على امه
تصيح ابصوت حطو ابني ابأديه

خذت منه ابنها وحيل صاحت
ومثل الفصيل اعليه ناصت
الليالي الحلوه يبني وياك راحت
وبعد هيهات ينعادن عليه
ــــــــــــــــــــــــــــــــــــــــــــــــــــــــــــــــــــــــــــــــــــــ
بعد هيهات والدنيه اتحلالي
ييمه واكعدابفيك يغالي
راحت هيبتي وعزي ودلالي
وراح الجان بس هوه اليه
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
يروحي اعيون شماتي تراجي
ولان وليان ماعدنه تره جي
رقيه اتسلبن منها تراجي
لان مذبوح سبع الغاضريه
ـــــــــــــــــــــــــــــــــــــــــــــــــــــــــــــــــــــــــــــــــ
الشمر يحسين رافكني وجنباي
واحس جمرات بضلوعي وجنباي
اجيت اليوم يم كبرك وجنباي
جروح وهظم وفراك واذيه



الا مخيم دوت ناره ولاطـــف
ولا من يطرد العسكر ولا طف
مثل يومك فلا يوجد ولا طف
من اهد أدم لحد الغاضريـــــه
ـــــــــــــــــــــــــــــــــــــــــــــــــــــــــــــــــــــــــــــــــ
الفواطم من طحت صاحن ولاعن
علينــه العــدو ماهــود ولاعـــن
بكيــت اوحيد لا ناصر ولاعــن
يخويه حسين وحدك بالمنيــــه
ــــــــــــــــــــــــــــــــــــــــــــــــــــــــــــــــــــــــــــــــ
المصايب طحنن ابروحي ولاجــــن
وزماني مابطل ظيمـــــه ولاجــــــن
اصيح ابصوت يبن امي ولاجــــــن
سمعت اختك تصيح ابهل المسيـــــه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

أحبتي الأربعاء يكون متمم لشهر ذي الحجة ٣٠ .. والخميس أن شاء الله أول أيام شهر محرم الحرام

عظم الله لكم الأجر 💔😭

عاشو هلالك أذانه
عاشور هلالك اذانه
ياذينه هلالك من تهل
جا شون ابكلبي ايضل يشعل
جم اه وجم ونه اتحمل
ايامك سود وحزنانه
** * ***
سود ايامك مرت بينه
ريتك لاهليت اعلينه
وين احسين ابن امي العينه
وانصاره وين وخوانه
** * ***
وين حسين واين اعلومه
وعباس الميهاب الحومه
وعياله الهجت مظلومه
وجاسم جاوينه وصيوانه
** * ***
بيك اذكر وابجي ابعبره
جسم حسين وبيه جم طبره
عريان ومرمي اعلى العبره
ومهشوم صدره ابميدانه

وبيك اذكر راعي الرايه
عباس البيه إامكفايه
واجع واعيونه امطفايه
من طاح أنه ابجي وحيرانه
** * ***
شذكر بيك وشرد انسه
وبين اضلوعي اصوابك عايش لسه
وين العز وعدمن أمسه
من زينب هاي الولهانه
** * ***
منك شفت الما شايفته
وما جان ابالي امحسبته
جسم ابن امي امسلب عفته
والراس اميسر ويانه
** * ***
للشام اخذوني ابها المده
ولكيت اهل الشام امعيده
جابوني للمجلس عمده
ويزيد الكيته وديوانه
** * ***

هذي العلليه البكت // تندب بواليها
واضعون ابوها السرت // محد يناهيها
تهدم الحيل وكفتها // يبويه حسين صيحتها
ــــــــــــــــــــــــــــــــــــــــــــــــــــــــــــــــــــــــــــ
طفله وعلليله وتضل // بالديره وحدها
لا اخوه عدها واهل // منهو اليساعدها
تصب ادموم دمعتها // يبويه حسين صيحتها
ــــــــــــــــــــــــــــــــــــــــــــــــــــــــــــــــــــــــــــ
خليني ويه الضعن // امشي ويه عماتي
وادموعي بويه جرن // حر اعلى دمعاتي
تذوب الروح ونتها // يبويه حسين صيحتها
ــــــــــــــــــــــــــــــــــــــــــــــــــــــــــــــــــــــــــــ
اصفن واكول ابحلم // هذه الجره ابحالي
من هالحياة انحرم // لو سارو اكبالي
الاهل لاوين نيتها // يبويه حسين صحبتها
ـــــــــــــــــــــــــــــــــــــــــــــــــــــــــــــــــــــــــــــ
كطع دليلي الضعن // من طوح الحادي
واضلوعي منه التون // والجمره بفادي
تفجع اكلوب غربتها // يبويه حسين صيحتها
يادار اسألج عجب // عافوني ولياني
يادار اريد السبب // من هذه حرماني
ترد وياي وحشتها // يبويه حسين صيحتها
ـــــــــــــــــــــــــــــــــــــــــــــــــــــــــــــــــــــــــــــــــــ
كلهم ضحايه جتل // اهله يبت حسين
ماضل غيور اونقل // ماطب عليها اللبين
اهالي الجود ذبحتها // يبويه حسين صيحتها
ــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

( الشامية ) لنصرة الشعائر

ياحسينيــون ياولائيـــــــــون
هلله تنهله ابحفظ هاي الشعاير
لازم انحافظ عليها من المخاطر
______
انه اوصي نفسي كبل الناس كلها
خل اعالجها واصلح كل خللهــــا
حتى من احجي انقبل وأصبح مثلها
وحتى تصبح جلمتي دوم ابمحلها
وانتم اتايدون يا حسينيـون
واليخدم احسين يحترم المنابر
لازم انحافظ عليها من المخاطــــر
______
هيه امانه ولازم انصون الامانـــه
وخلي نتنازل ابد عن جلمه انـــــه
تره حب حسين موش ابانه وانـه
كون كلشي مناسب انحطه ابمكانه
وانتم اتعانون ياحسينيون
خلي نرجع خطوه ونصفي الضماير
لازم انحافظ عليها من المخاطـــــر
_____


خل نضحي ونخلص ابهاي الخدامه
هيه مابيها مناصب لا زعامـــــــــه
كلمن ابدوره يحب يخدم امامـــــــه
بس شرطها اتليق بحسين ومقامه
حتى ماتخسرون ياحسينيون
واليغير نيته ويه حسين خاســــر
لازم انحافظ عليها من المخاطـــر
------------------------------------------
لا تكيل التهم لاصحاب القضيــــه
والمواكب عندك اتشكل اذيــــــــه
لا تدافع عني لاتهجم عليــــــــــه
حته توصل هل الرساله الجعفريه
للي ميعرفون يا حسينيون
احنه مبدانه حسيني ودوم ثائــر
لازم انحافظ عليها من المخاطر
_____




ارد اعاتب با لشعر بعض الرواديـــد
هذي الا لحان الدخيله الكلشي متفيد
بعد مانعرف محرم لواجه العيـــــــد
نغضب حسين ابعزانه ونفرح ايزيـد
المن اتوالون يا حسينيون
خلي لطمتنه حزينه اعلى المنابــر
لازم انحافظ عليها من المخاطــــر
______
هالخروقات وعلي من الناصبيــه
تريد تهدم ثورة حسين الابيــــــه
وحنه نلطم ما انفكر با لقضيــه
وعلى حس الطبل نركض لا وعيه
لازم اتمنعون ياحسينيون
وخل نرد اللي يايد هالمضاهــــر
لازم انحافظ عليها من المخاطـــر
انتهـــــــــــــــــــــــــــــــــــــــــت
الشاعر ابو سجاد الجنابي

لجلك يحسيـــــــن // ترخص هالعيــــن
وانادي ابثارك يالغالي // كلنه امضحين
ـــــــــــــــــــــــــــــــــــــــــــــــــــــــــــــــــــــــــــــــــــــــ
انصار احنه وما حبينه غير اسم حسين
باقين احنه اوما نتنازل عالخط ماشين
ماهلينه ولا جلينه ولا ردنه معين
هوه الحب بينه امغذينه وبي متغذين
وايضل للموت // يصرخ هالصوت
متفقين ايضل للتالي // كلنه امضحين
ــــــــــــــــــــــــــــــــــــــــــــــــــــــــــــــــــــــــــــــــــ
عاين شوف الناس ابعينك شوف الاصرار
من الفاو والحد الموصل تمشي الزوار
حتى للي فاقد رجلينه سد باب الدار
متوجه يزحف لحسينه ابهمه واصرار
تزحفله اترحوف ــ** // ماهمينه الخوف
جم ظالم مر ومنبالي // كلنه امضحين
ـــــــــــــــــــــــــــــــــــــــــــــــــــــــــــــــــــــــــــ




هاي الناس التخدم كلها اتحييك
يازاير طب البيتي اتفضل الله محييك
شاب وشيب وطفله اتدنك وتحب رجليك
كل هذا حسين امخليها ابلهفه اتلاكيك
هاي الاسرار // صنعت ثوار
بيهم معقوده الامالي // كلنه امضحين
ــــــــــــــــــــــــــــــــــــــــــــــــــــــــــــــــــــــــــــــــــــــ
حب احسين اتجمع بينه وجمعنه اعليه
والهذا الحب اتوصينه بالدم نحميه
صانع بينه الحشد الشعبي الله امحييه
والقايد هوه السستاني متعهد بيه
طب للميدان // ابقوه وايمان
ابساحات العز هوه العالي // كلنه امضحين
ــــــــــــــــــــــــــــــــــــــــــــــــــــــــــــــــــــــــــــــــــــــــ
احنه ارجال الحق نتباهه وماهمنه الخوف
ردينه الكاع الغزيه وكل عين اتشوف
بأسم العباس اتحزمنه وسوينه اطفوف
والجفين الراحن بالطف كطعنه اجفوف
ردينه الثار // بأسم الانصار
واثلث تنعام من ارجالي // كلنه امضحين
ــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

هاك العمر هاك \ دنيه واخره وياك
اني عمري اهم يوم \ واصبر ابلياك
خاف المنيه \\ تجبل عليه
واصبر بلياك \\ واصبر بلياك
ــــــــــــــــــــــــــــــــــــــــــــــــــــــــــــــــــــــــــــ
اليموت اجنازته \ لوتصح لوماتصح توصل للحسين
هسه عدنه امثبته \ الطرف مسدوده ودكلييعبر منين
امشي اعليك ابمحرم هالزياره اتعيدها
خاف اموت وما ازورك هاي ابد مارايدها
والامراض الطبت النه يالحسين اتبيدها ااااااااااا
صرنه من ابعيد نقره ازيارتك نرددبيها
ماشفه الجروح \ الا الكربله انروح
يم باب الحسين \ وانشبكه ونوح
هذا التريده \\ يبن الصميده \\ واصبر ابلياك







يالطبعت امحبتك \ فوك دلالي وصب فكدك عليه
شلون اعوف ازيارتك \ وروحي ماتقبل تعوفك مو بديه
واشيسموني من اعوفك شنهو اني اخلافك
او وين حضه اللي يجافي واشصبح من عافك
كل محب عافيته ترجع لو تعنه او طافك
أنه رايد بس ازورك اطلب من الطافك
متهمني دنياي \\ وبكلبي الك داي
من اعطش يالحسين \\ تعرضلي بالماي
بالماي اشوفك \\ واشلون اعوفك
واصبر ابلياك \\\ وصبر ابلياك
ــــــــــــــــــــــــــــــــــــــــــــــــــــــــــــــــــــــــــــــــ
سيدي العاشك صعب \ ينسه محبوبه ويأيس مايشوفه
دمعي مضه اعله الدرب \ ينتظر يوصل لعد كبرك يطوفه
يوسف الردو قميصه على يعكوب العمه
فتح عيونه وتشافه من سيد ذاك الضمه
وانته تدري اعله الزياره روحي بيها امعلمه
وجني طفله ابلا ابوها ابيوم عيد اميتمه
هيجي اني وياك \\ حيل اليهمني ملكاك
تدريني يحسين \ ماحمل اجفاك
كلبي اخذته \ وعقلي سلبته
واصبر ابلياك \\ وصبر ابلياك
انه رايد خدمتك \ من زغر سني اعلى خطك ماجزيته
مانسيت امصيبتك \ وابوسط دلالي مأتم بنيته
مو فقط عاشور ابجي اشما تمر ايامك
انه هم ايتيم منك حطني بين ايتامك
بين ذرات الرماد الضل من اخيامك
حتى بلكت تمشي نوكي واتسحك باجدامك
وبرجلك تدوس \ صدري الجدمك ايبوس
وين الكه من هاي \ واطيب النفوس
عمري اعله عمرك \\ فدوه اعلى صدرك
واصبر ابلياك \\\ واصبر ابلياك
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
اطلب اني امروتك \ سيدي نضره تصد منك عليه
فدوه اروح الشوفتك \ سجل اسمي ابدفترك يبن الزجيه
ابمحلك اتمنه اموت وتوكف انت اكبالي
حتى ملج الموت منك يرحم اباحوالي
ابدن ماعندي وسيله غيرك ابأعمالي
واني ادري الباري لجلك مايعز كل غالي
ابجاهك يمظلوم \\ كون اتشيل الهموم
وبالخدمه يحسين \\ وياك اضل دوم
هاي الخدامه \\منكم كرامه
واصبر ابلياك \\ واصبر ابلياك

ابو فاضل حضر // حمل الرايه ونهر
صاح بيهم هله // انه الج يا كربله
ابو فاضل حضر
ــــــــــــــــــــــــــــــــــــــــــــــــــــــــــــــــــــــــــــــ
زينب اتنادي الكفيل اتكله وصو والدي
من تمر بيج الكلافه بس تحشمين اولدي
انه علمته يبويه شلون بيهم يبتدي
بس تزعلينه بكلامج شوفي فعله ورددي
ابو فاضل اخو // ثلث تنعام وكفو
آنه كاتب عهد // ابو فاضل اسد
ابو فاضل حضر
ــــــــــــــــــــــــــــــــــــــــــــــــــــــــــــــــــــــــــــــــــــــ
من سمع زينب تنادي اعيونه صعدن هامته
طلع من عدهن شرار والكون كشفت كظلمته
صعد دخان وسواد واثاري فزعت غيرته
صار بالحومه انفراج ومستعده اتلكته
اخو زينب فزع // شال سيفه وطلع
وصار يوم الحرب // وشوف ياهو اليطب
ابو فاضل حضر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من وصل للحومه صاح وكلها كالتله بلي
ضنو الطب للحرايب هذا ابو الحمله علي
صعد سيفه اعلى الركاب وصاح ياهو اليدنه الي
غاصت الحومه بألها وكلها صارت تنولي
حين شاله العزم // صاح وين الزلم
من شهر صارمه // صارت الملحمه
ابو فاضل حضر
ـــــــــــــــــــــــــــــــــــــــــــــــــــــــــــــــــــــــــــــــــــــــــ
طب ابو فاضل يصيح وسيفه غار اعلى العده
كالب اليسره ابيمينه وعالمقدم ابتده
لهب تنور الحسام وبالمناحر برده
صاح انه بن الغضر جن صكر بيهم حده
آنه ابن حيدره // وتشهد الكنطره
منهو غيري وكف // وبالحرايب هتف
ابو فاضل حضر
ـــــــــــــــــــــــــــــــــــــــــــــــــــــــــــــــــــــــــــ
وزينب تعاين تشوفه شلون غار على الصفوف
وشاف ابو فاضل اخيته طلعت ابوادي الطفوف
كله يازينب يخويه حدي وي كطع الجفوف
آنه اخوج اهنا يزينب لا يمسج منها خوف

بيهم العب لعب // اسلب ارواح سلب
سيفي بيهم عله // منهو يكرب اله
ابو فاضل حضر
ــــــــــــــــــــــــــــــــــــــــــــــــــــــــــــــــــــــــ
من بعد حملاته كلها منهو يعبرها الحدود
تعنه رايد للشريعه وشايل بين جفوفه جود
يريد يروي الفاطميه ويروي اطفال الورود
بالغدر كطعو جفوفه وصوبو راسه ابعمود
ابو فاضل وكع // وابو الاكبر فزع
صاح ضهر انكسر // راح اخونه الكمر
ابو فاضل حضر
ــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

خويه يا خويه يا خويه
بيمن جبتني // وعدمن عفتني
خويه يا خويه يا خويه
ــــــــــــــــــــــــــــــــــــــــــــــــــــــــــــــــــ
خويه تدري بالليالي اشلعبن ابا حوالي
والنوايب والمصايب والمحن تبرالي
كلشي عندي وابحسابي كله صار ابالي
عني تجفي يبو فاضل لا ابد يالغالي
خويه دليني دليني دليني // من يحاميني دليني دليني
دلالي محتار // وانه ابوسط نار
خويه يا خويه يا خويه
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
اختك انه يبو فاضل والاخت مكلوفه
وكون اخوها والخدرها ينصب الها الحوفه
ولا شخصها ايمر واحد لا خياله ايشوفه
يوكف إلها ابكل المها وما يشح معروفه
وانت ناسيني ناسيني ناسيني // من تجافيني ناسيني ناسيني
شيفيد العتاب // يالفوك التراب
خويه يا خويه يا خويه


من لكيتك عالترايب واكع ابعامودك
والشيعه لبست اسود من تبده جودك
وجودك انت العالشريعه يلطم اعلى ازنودك
بصوت ناعي صاح مهرك عبرو اعلى احدودك
الجود ذب مايه ذب مايه ذب مايه // ابطيحة الرايه الرايه الرايه
ودلالي نصين // ياضنوة حسين
خويه يا خويه يا خويه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سهم عينك من وصلها كربله طفاها
سجه ضلمه ابعين زينب والعدو ابمكفاها
تبكه بعدك هالغريبه الياكتر ملفاها
خيل نار وزلم فزعت بيمن اتلكاها
ماكو اخو الزينب الزينب الزينب // والعدو يكرب الزينب الزينب
من سمعت الناس // ماعندي عباس
خويه يا خويه يا خويه
ـــــــــــــــــــــــــــــــــــــــــــــــــــــــــــــــــــــــــــــــــــــــ





حسين خويه من وصلك منهدم حيله
ظهره محني وابثباته امكابر ايتجيله
صاح خويه وياعضيدي ودمعه كام ايسيله
منهو غيرك يبو فاضل للاخو ايباريله
خويه عدواني عدواني عدواني // اضل وحيد اني عدواني عدواني
الموتي اتمنيت // تحظرني ياريت
خويه يا خويه يا خويه
ــــــــــــــــــــــــــــــــــــــــــــــــــــــــــــــــــــــــــــــــــــ
حسين يمك حضن راسك وصاح يابو الغيره
صاح زينب راح اخونه وحيره تسبك حيره
روحي ذابت كسر ظهري شلون اضل ابغيره
هذا حالي وحالج انتي وهالامر شيديره
راح عباسي عباسي عباسي // البيه نوماسي نوماسي نوماسي
بلوه على بلواي // شماتي وعداي
خويه يا خويه يا خويه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

عبد الله الرضيع
ايبني تدري بحالي // من شفت مهدك اكبالي
شاغت روحي / زادت نوحي / من شفت مهدك خالي
ما تدري بفراك الولد // وامه اشكثر لوعتها
وسهم النوايب ياترف // لامك مرد جبدتها
امك ابهاذي النايبه // ما تنوصف حالتها
هم ومصايب كربله // المهجتي صابتها
منها انجرح دلالي / حال الهظم ياحالي
كلبي اتألم / حيلي اتهدم / من شفت مهدك خالي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
لمن اجيت وعاينت // جرحك الينزف دمه
كمت اغرف ابدمك والم // حسبالي جفي ايلمه
ثاري الجرح منك غرز // وآنه اصرخت يايمه
مذهوله بيك امحيره // وعيني المصابك تعمه
شفتك ذبيح اكبالي / عيني انطفت يالغالي
ياحسرتي / ياويلاتي / من شفت مهدك خالي
ـــــــــــــــــــــــــــــــــــــــــــــــــــــــــــــــــــــــــــــــــ





بيك افرح انه وابتشر // من تصد وتناغيني
اعيونك اتهل بالفرح // وجهك حلو يسليني
صوتك يعبد الله صدح //بالحانه ايداويني
آتمنه سهم الصوبك // يذبحني ويرميني
يبني الذبح اشوالي / من انطفت آمالي
كلبي اتحير / بيش اتصبر / من شفت مهدك خالي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياورده كطعو من غصن // سيد شباب الحينه
والفرح ذاك المرتضى // كل صاير ليه اتعنه
اصلك نبع بالمصطفى // وللنبي نرجع كلنه
واشعجب راسك ينكطع // شنهو البده من عدنه
ابيا ذنب يالوالي / دمك يسيح اكبالي
يبني اشذنبك / ينزف دمك / من شفت مهدك خالي
ــــــــــــــــــــــــــــــــــــــــــــــــــــــــــــــــــــــــــــــ
هاموقف ابشع كل جرم // من السهم حز نحره
ياشيعه عبدالله طفل // وعلى العطش شيصبره
جايه الحسين وطلعه // للكوم يكشف أمره
ذبحوه ودمه للسمه // مارجع منه كطره
قربان الك بطفالي /يامطلع ياعالي
ابني اتصوب /بيه اتقرب / من شفت مهدك خالي ـــــــــــــــــــــــــــــــــــــ الشاعر المرحوم ابو سجاد الجنابي

خويه من شفت المصيبه // كلبي يتوجر لهيبه
وانه يبن امي غريبه // وانت عني رحت وين
***
خويه جسمك من تكطع // خويه ذاك اشلون مصرع
عليك ذيج الخيل تفزع // عليك كلهم فازعين
******
داست الخيل على صدرك // هشمو يا خويه ضلعك
همه كسرو ضلع امك // همه ليك امعودين
***
خويه من غارو علينه // فرهدو عزنه وحلينه
وليه ياخويه ولونه // علينه همه حاقدين
*****
خويه من رحت وعفتني // وللاعادي سلمتني
عدمن انت امنتني // واحنه عكبك ضائعين
******
ما دريت اشلون بينه // حركو اخيمنه علينه
عالنهر طايح ولينه // والجفوف امكطعين
******
شفت من جسمه تخذرم // والجسد مخضوب بالدم
صوبو سهم المحتم // منه طفه السهم عين

شفته وجفوفه كطيعه // من وكع يم الشريعه
صاحت امه اشها الفجيعه // هلت المدمع حزين
*******
خويه ومصاب الجرالي // من شفت هالمهد خالي
امه تتلوع اكبالي // اتصيح ايبني الحنين
****
خويه لمن شفت الاكبر // خويه صاحت الله واكبر
خويه كل جسمه توذر // بالسيوف امطبرين
******
خويه من انصاب كلبك // والسهم نابت ابجبدك
عالترب من سال دمك // كمنه نصرخ يا حسين
*****
عالترب من سال دمك // سال دم الهادي يمك
من انكسر ياخويه ضلعك // ضلع امك كبل حين
*******
صاح جبريل على ذبحك // والملك ناح على جثتك
ايوب متعجب ابصبرك // ولاسف الصالحين
******
خويه من عفتك سبوني // وعلى النوك ايرجبوني
بالحبال ايجتفوني // والضعن يحدي لوين

خويه فوك النوك نركب // وآنه اابوي الطبر مرحب
انه اخوي الجان كوكب // واحنه جنه امحدلين
*****
خويه والسجاد عندي // ايده مجتوفه لزندي
كوه تتلوه على جبدي // واحنه بيها املوعين
******
ريت لو تحظر اكبالك // بالضعن تنظر اطفالك
ابعد علينه وصالك // يبن امير المؤمنين
******
رحنه ياخويه ابضعنه من وصلنه الشام شفنه
بالاعياد استقبلتنه // بينه همه امعيدين
****
عيدو ياخويه بينه // تنشد الوادم علينه
منين انتم ويا مدينه كالو انتم خارجين
***
واحنه اولاد العداله // احنه اهل البيت واله
لاجن ايزيد ورجاله // كال طبو صاغرين
*****
خويه طبينه المجانه // خويه شفت الخيزرانه
على راسك صحت وانه // شيل ايدك عن حسين

خويه وين اهلي الجفوني // وين راحو فاركوني
للمصايب سلموني وين اغطي الوجه وين
******
وين راحو عني اخوتي // ريت كون ايصير موتي
أنه لما ينسمع صوتي // وهسه احنه اميسرين
*****
وين راح الي كفلني // وللخدر محد يصلني
خل يجي ويشوف متني // بالسياط املوعين
*****
خله يكعد وانه اسمعه // وبمصابي ارد افجعه
ما بكت بالعين دمعه // وعلى افراكه امعذبين
******
بعد شحجيلك مصايب // منها خويه الكلب ذايب
اليوم عدنه بدر غايب // جدك الهادي الامين
****
خويه جدك راح عنه // وانطفت شمعت املنه
فكدك يخويه كتلنه // واحنه بيه امصوبين
****
ابفكدك ياخويه انولينه // والمسافه اطول بينه
هالاحقاد اتحيط بينه // حين غاب النبي حين

حين غاب النبي صحنه // راح نستقبل المحنه
بيد هالظلام طحنه // علينه همه دائرين
***
بالحقد والحقد منكر // والظلام لودام دمر
كوم يا كرار واحظر // يا امام المتقين
***
كوم يا حاظر الشده // لامتك صفيها وحده
نعرف الحك وتسنده // وعلى نهجك سائرين
****
كوم يا عقد الولايه // ثبت حروف الهدايه
انت اول كل بدايه // انت مهدي المهتدين
********
الشاعر المرحوم ابو سجاد الجنابي ِ

الأمام الحسين في يوم العاشر عندما هوى على أرض كربلاء جاء جبرائيل ليضلل له فقال له الحسين عليه السلام دع الشمس تحرقني ليخفف الله العذاب عن شيعتنا 😭😭 🥺🥺😢😢

هذه محبة الحسين لكم ❤️ لا تعوفون أبو علي هوه فوز الدنيا والأخره وعضم الله اجوركم واحسن عزائكم

(نعي)
زينب كصدت اعلى حسين // تتراجف مفاصلها
تعثر نوبه نوبه اطيح // من دارت جحافلها
وصلت لاجن اشوصلت // كوه الحيل وصلها
هناك استغربت زينب // جسم حسين اذهلها
الف وتسعميت اصواب // ياهو اليكدر إيشلها
صاحت ها يبو السجاد // يابعد الاهل كلها
نايم بالشمس والحر // جسمك ذاب واتغير
الخيل عليك بس تفتر // شتريد وبعد شلها
ـــــــــــــــــــــــــــــــــــــــــــــــــ
الخيل اعداك يبن امي // ليش اعليك بس تفتر
من داست حوافرها // اضلوع وصدرك اتكسر
مات حسين وشعدها // ميت جابعد شكثر
ما كفاها ذبحك ليش // ذاك وكطعت المنحر
من صار الشمر فوكاك // متنومس ويتبختر
لازم لحيتك بيده // وسيفه اعلى النحر ينحر
صار ايذبحك ابسيفه
ومنك ياخذ ابحيفه
وايمتد على كيفه
يبن المرتضى حيدر

محد كبل سواها ولا وصلتنه اخباره
خيل وجيش شدو عالخيم غاره
زينب بين اخوها حسين بين اعياله محتاره
اطفال ابمخيمها ولعنان السمه ناره
واتعاين لخوها حسين مرمي ودمه يتجاره
ضامي اعلى الترب مذبوح بين اخوتها وانصاره
لا اخوه التساعدها / بس زينب لوحده / راح الجان ساندها
ويخطف روس بتاره
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صاحت وين ابو فاضل ليش اتعوفني لوحدي
موش انه عزيزتكم شنهو الصار من عندي
موش انتَ الكلت هيهات واحد يوكف ابضدي
انهض خل اشوفك زين جن منفطر جبدي
من ذاك الذبح لحسين واعلى اعياله متعدي
وجماله اعليه ايصيح وينه الكال متحدي
وينه الكالج بحماي // ما عوفج ابد وياي
ضل عباس يم الماي // خل يرجع الج يفدي
ـــــــــــــــــــــــــــــــــــــــــــــــــــــــــــــــــــــــــــــــــــــــ



الغيرك عارف ابحكنه ماتهمنه
اذا تحجي اعلى ابو فاضل ماتهمنه
من اهد مافده باجفوفه ماتهمنه
وصل حد الوفه وذاته ابيه
ـــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

(نعي)

كضه يومك يخويه وضل بعد يومي
ياشيال همي اشلون بهمومي
الوكت ذبني يخويه وغير رسومي
وسهم فكدك اشوفه ابصحوتي ونوحي
تمنيتك عدل واتعاين الكومي
من فزعت عليه ابنها
وين الي يجيني وياخذ علومي
لحماي الحميه المرتضى حيدر
ـــــــــــــــــــــــــــــــــــــــــــــــــــــــــــــــــ
يحظر والدي وايشوف حالي
واكله اشلون ذبني الليالي
تدري حسين اخوي وعندي غالي
جدامي اشوفه ايلوج بالبر
************
يلوج حسين ياريتك تنظره
وتشوف الخيل داست فوك صدره
يبويه الشمر كام وكطع نحره
وشال الراس عن جسمه وتكتر

شال الراس واني عاينته
ومدامع من حمر بالدم بجتله
يخويه حسين يبن امي صحتله
ششوف من المصايب بعد شكثر
*************************************
الشاعر المرحوم ابو سجاد الجنابي

عذبني علــى فكده اليالـــــي
هاجمني على عزي ودلالــي
يا حبيبي ياحسين // نور عيني ياحسين
ـــــــــــــــــــــــــــــــــــــــــــــــــــــــــــــــــــــــــــــ
خويه يحسين الوكت مابيه معونه
واليأمــن بالوكت حتمــاً يخونـــه
ضيع اعلينه الدرب من راح اخونه
راح عباس وغفن هسا عيونه
بعد بيــمن يلتفت لو هاجمونه
وشتكول وشنحجي لو ناشدونه
راح اخونه ولا اضن يجينه
آنه زينب يحامي الضعينه
ياحبيبي ياحسين // نور عيني ياحسين
ـــــــــــــــــــــــــــــــــــــــــــــــــــــــــــــــــــــــــــــــــــ
خويه يحسين الخو فكده مصيبه
منين اجيبن مثله والمثله اشجيله
بعد عباس شتضن تبكالي هيبه
لو يصير اسمي بعد زينب غريبه
باجر انت جثتك بالدم خضيبه
وعالترايب تبكه مرهونه وسليبه

وانه وحدي يروح احترامي
لا اخوتي ولامن محامي
ياحبيبي يا حسين // نور عيني ياحسين
ــــــــــــــــــــــــــــــــــــــــــــــــــــــــــــــــــــــــــــــــــــــ
خويه عباس اشكثر اثر عليه
من تركتني وحدي بارض الغاضريه
انه بالمدينه اشبكالي من تجيه
بعد عباس التكطع بالمديه
راح ابو فاضل يخويه من اديه
خويه كلي شسوي ابحياتي
وانه افضل عكبكم مماتي
ياحبيبي ياحسين // نور عيني ياحسين
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر المرحوم ابو سجاد الجنابي

يا دار انشدج لاوين ساير ضعن ولياني
واشمعنه ابوي ابها الحال من سافر وخلاني
________
يا دار انشدج عالمصاب البيه
بس انه وانتي او يه الحزن ضلينه
راحو اهلنه وما دورونه اشبينه
ياهو اليجينه وعد من امخلينه
يا نار اطفي ويا نار من تشتعل نيراني
_______
يادار اسألج جاوبيني يا دار
يا طفله مثلي تحمل هاذه الصار
ويا نار اطفي ومن يطفيلي النار
من يا مصاب ابدي ابدليلي المحتار
من المرض لو وياج اشعل مصاب احزاني
_______
ضلمه وخليه وموحشه ومهمومه
وانا اعلى بابج حايره ومالومه
لايمي سكنه وزينب وجلثومه
اتشتت شملنه من الزمان ويومه
ما بعد يلتم هيهات وايعود الي الماجاني
_________
اشيصور ابحالي ابوي ويعلم
طفله وعليله والمرض مايرهم
راح ونساني وبيه ماظن مهتم
اتسله بدموعي واعالج بالهم
خزن جرح بالدلال فوك المرض اذاني
_________
شابحه اعيوني اعلى الدرب ليل انهار
ولا طارش من اهلي ولا جتني اخبار
يادار انشدج ما تكليلي اشصار
خرسه وحزينه وما تحاجيني الدار
والله انمرد حالي وياج وتغيرت الواني
_______
يادار اضنج ما تعرفين احسين
ولا بالمصيبه الفاجعه ما تدرين
راحو عمامي وكل اخوتي الطيبين
للغاضريه وانه اظنهم ميتين
خاف الدهر بيهم صاب واتشمتت عدواني
_________


المرحوم خادم الحسين الشاعر ابو سجاد الجنابي

كافلي كافلي \ بيه الكفايهِ
كافلي كافلي \ حامل الرايه
--------------------------------
غيره وحميه \ الكل هاشميه \ هوه املنه \ راعي الكفاله
يسلملي عباس \ تارسني نوماس \ والغانمه دوم \ صارت حلاله
بيرغ عراضه \ بالطف فراضه \ بين الكتايب \ محد يناله
بي عز اهلنه \ رافع علمنه \ من سيده حسين \ ماخذ وكاله
هذا ابن حيدر علي \\ بيه الكفايه
كافلي كافلي \\ حامل الرايه
---------------------------------------------------
فخر الهواشم \ حامي الفواطم \ للذله هيهات \ما تمتد ايده
من زغره مهيوب \ ترجفله الكلوب \ ياهوه اللي رباه غير الصميده
سبع الكناطر \ واعلى المعابر \ واليكدر ايفوت يكطع وريده
واختاره حيدر \ الزينب معسكر \ واليوم الطفوف \ كافل يريده
ايباري المحملي \\ بيه الكفايه
كافلي كافلي \\ حامل الرايه


عباسي وياي \ ولخدري حماي \ حته الهوه المار عني يديره
من احترامه \ هاي العلامه \ ماسمه بسمي اينادي الاميره
عنوانه وفاي \ ماقصر اوياي \ من جدمه للراس خانكته غيره
بس ياوسافه \ اخر مسافه \ خان الدهر بيه سبع العشيره
وابوادي الطوفان \ كلبي انمله خوف \ اخرها وياي حيره اعلى حيره
مني راح الوالي بيه الكفايه
كافلي كافلي \\ حامل الرايه
------------------------------------------------------
بالطف عماني \ فكده ودهاني \ من شفته مصروع فوك الشريعه
ناديته عباس \ والطم على الراس \ياخويه مطروح شنها لفجيعه
يمه انشمر جود \ وابراسه عامود \ من ازنوده الجفوف طاحن كطيعه
بالطف ينوماس \ مابين الارجاس \ عدمن تخلي زينب وديعه
لا عمامي ولا هلي \\ ابهاي الولايه
كافلي كافلي \\ بيه الحمايه





نار الصواوين \ بيد المجرمين \ شعلوها بينه \ ننطي الوجه وين
فوك اليتامه \ صارت خيامه \ نار وحرايب واهلي مطاعين
اركض على النار \ مدري اعلى الازغار \ لو انحر الخيل عن جثة حسين
اعثر بالهموم \ كل حيلي مهدوم \ ما هجعت الروح لا غمضت العين
كل امل ماضل الي \\ بيه الكفايه
كافلي كافلي \\ حامل الرايه
-----------------------------------------------------
الشاعر المرحوم ابو سجاد الجنابي
نسالكم الفاتحة

مسلم سفير حسين \\ زوده من ابو الحسنين
يالرافع الرايه \\ يالبيك الكفايه
-----------------------------------------
هله باسمك ياسفير اهل المعالي
يابو طاهر والنعم منك يغالي
انته للمذهب بنيت السور العالي
وانته حيرت الكتايب بالنزال
من سيفك البتار \\ ضنوه علي الكرار
يالبالمثل ايه \\ يالبيك الكفايه
-----------------------------------------
انت ينبوع الغضب يوم الحرايب
مايهمك لو كثر جمع الكتايب
سيفك يوم الوغه يشهر نوايب
يعجز الواصف يوصف هالعجايب
بالكوفه طب زلزال \\ مسلم يهد اجبال
سابيهم اسبايه \\ يالبيك الكفايه
--------------------------------------------

منك اتعلمنه نعبر عاليعبرون
ناخذ الحك من اديهم نكلب الكون
احنه تربية علي مابينه اليخون
وابعلي السستاني نمشي شما يلومون
سيد علي ونعمين \\ تشهد اله الصوبين
ماعنده غايه \\ يالبيك الكفايه
----------------------------------------------
شرفنه ساحات الشرف لمن نزلنه
ماعدنه ابدا تفرقه ولا ماعزلنه
الوحده عدنه اعضم هدف صافي غزلنه
صرنه عجيب وما لكو حل لغزلنه
لو ردت تعرف زين \\ علمنه حب الحسين
واطينه اله احجايه \\ يالبيك الكفايه
------------------------------------------------





عدنه الشهاده بالاصل اجمل هديه
باب الجهاد الله فتح للبي حميه
واحنه السيوف المشرعه للمرجعيه
ضحينه واضحي بعد لجل القضيه
لو تضل بس اثنين \\ وانادي ثار حسين
هم تحمل الرايه \\ يالبيك الكفايه
-------------------------------------------------
عدنه الشهيد الوكع ماننسه دوره
كل موكب وكل هيئه اله علكنه صوره
بالدينه ماراد الجر ياخذ اجوره
من الحسين وبالكبر كلسا يزوره
والي يزوره حسين \\ هالرحمه هاي امنين
ليها احنه عنايه \\ يالبيك الكفايه
---------------------------------------------
الشاعر المرحوم ابو سجاد الجنابي
نسألكم الفاتحـــــــة