قصيده الى مولاتي العقيله وهي تخاطب بنات اخيها الحسين ع
.....
سافر وراح عمه ابوجن ما يجي
بطلن انياح عمه ما ينفع بجي
لا تزيدن بالعتاب سلبو منه الثياب
عمه ما ينفع بجي عمه ما ينفع بجي
............
يلله من هسه استعدن للنوايب
هاي ساعتنه الاخيره ويه الحبايب
عن ابوجن لا تسألن كلبي ذايب
من بعد ذيج الوسامه عالترايب
فوك الاتراب راح ابو الوجه السمح
كافي الاعتاب خاف ابوجن ينجرح
دمه يا عمه خضاب سلبو منه الثياب
عمه ما ينفع بجي عمه ما ينفع بجي
............
منذبح فوك الترايب راعي الإحساس
عيونه صدت للمخيم اخر انفاس
الليله راح انبات عمه ابلايه حراس
بيه لوذن من يطكجن سوط الارجاس
ابلايه خيمه عمه راح انضل ترى
يا هضيمه اكبالي حزو منحره
بعيني شفت انه المصاب سلبو من الثياب
عمه ما ينفع بجي عمه ما ينفع بجي
.................
الليله نكعد بالخرابه ماكو اخيام
وانه محتاره برقيه بيمن اتنام
لا علي الاكبر اجانه ولايه جسام
لا ابو فاضل اشوفه غربه الازلام
شيب الراس عمه شيبني الحزن
ابلايه حراس من يكابلني ويون
اسأل وماكو جواب سلبو منه الثياب
عمه ما ينفع بجي عمه ما ينفع بجي
.................
كافي يا سكنه البواجي لا تلوجين
ارقيه نامت خاف تكعد من تونين
شرد اكللها لونها رادت حسين
معوده ارقيه تنام بحظنه الزين
خافن اتموت من تشم ذاك النحر
يختفي الصوت يزعل اعليه الكمر
راس ابوها عنها غاب سلبو منه الثياب
عمه ما ينفع بجي عمه ما ينفع بجي
.....................
عمه خليني اروحن بيدي اغطيه
ارد اشمنه بوريده وانحب اعليه
سكنه اكللهه يغالي بدمعه احاجيه
انه اعرف حسين عمه وكل معانيه
شنهو صاير مختلف عن الامس
كلبي حاير غيرت رسمه الشمس
لكيته غافي اعله التراب سلبو منه الثياب
عمه ما ينفع بجي عمه ما ينفع بجي
...................
للخادم ناجي الصالحي ونسألكم الدعاء



هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee

ملا علاء الدفاعي
بقلم الشاعر مصطفى البديري
المونتاج سامي العيساوي


@alldafaee

ليالي القدِر ياحيدر حزينه
تِنادي ابصوت وين امشيعينه
ماتستاهل اتكون .. دنيا ابمثلك اتخون
................
ياعلي أشمعظم سجودك هدَّم ابليس وغروره
بضع لحظات ابصلاتك زلزت عرشه اعله سوره
الله بصرارك تباها وگله يا جبريل زوره
وبلغه من ربه التحيه وگُله بيثارك سروره
تِنومس بيك ربك ياولينه
سجودك اعظم اياته المتينه
خي عون اليشيعون .. دنيا ابمثلك اتخون
.................
تارك ابكلشي فراغ و تارس اعيون المنيه
وحشة كل الدنيا بعدك هيه مو بس ليلة هيه
ياعلي أبشوغة مصابك منعصر گلب الزجيه
بالگبر نادت يحيدر نادت إوياها الثريه
ولا عالبال دم راسك يحيدر
حِسبت افديك وابضلعي غده الشر
تسلم ياعلي كون .. دنيا ابمثلك اتخون
...................
انت يا اول فريضه السجدتك صارت مصيبه
القدُر وحشه عله صوتك والصلاه بعدك غريبه
يلي محرابك توضه من بحر دمك عجيبه
زينب احتارت يحيدر ياهو التسكن نحيبه
جرح فوك الجرح واكبر جرحها
دمع يغسل دمع فايض دمعها
حگهم من ينوحون .. دنيا ابمثلك اتخون
.....................
ظهره قرأنك تكّسّر وي طَبُر راسك يحيدر
يالربيتوا أيه أيه انت اخوه ويمكن اكثر
طبرتك هزت كيانه مايظم احساسه يكدر
انت راسك دمه يجري وهو باياتك تحير
صعدت انت لسمائه ابهاليالي
ونزل قرأنه محتاجك يغالي
بيك اتحير الكون ... دنيا ابمثلك اتخون
......................
انت مابعد المعاجز الله بس الله اليفهمك
والعجيبه الي تِعجِب يا ارض تكدر تلمك
ياعلي العالي ابصفاتك وانت اكبر منها اسمك
بعده رمضان ابسواده وبي حزن لسه اعله دمك
الدنيه الخانتك حتما دَنِيه
عَليش الناس عبدتها خطيه
ما تنحط بالعيون .. دنيا ابمثلك اتخون
.....................
انكسر عود اليتامه ودمعة اغيابك تهزهم
باتو ابصحرة فرگتك والسموم اتحاوطتهم
والعلى اسوالف چفوفك ليلة ليلة العودتهم
كاصدين الهفه دارك وابأملهم ترجع الهم
اليتامه اتصيح وينك ماتجينه
اجانه العيد يالمبعد علينه
والجيتك ينطرون .. دنيا بمثلك اتخون
....... #زهير الابراهيمي



هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee

فراق الاحباب

مسافرين
خلافكم ما ضگنه طعم الابتسامه
مسافرين
وداعة الله يا هلي وألف السلامـه

مسافريــن وذابـت الروح بجفاكم
روحي ماظنها بعــد تشتم هواكـم
تنچــوي بنـار الهجــر ظلت وراكم
تدعي كون يصيبها سهم الرماكـم

مسافرين
روحي صارت للحزن مرمى لسهامه
مسافرين
وداعة الله يا هلي وألف السلامـــه

مسافريـن وأدري سفرتكــم طويلـه
وأدري شوفتكـم بعينــي مستحيله
يمــر يومــي إعلَيَّــه ساعاته ثجيله
ودمعــي ليليــه على الوجنه أسيله

مسافرين
بعــد مــا ينفــع عتبنـــا والملامــه
مسافرين
وداعة الله يا هلي وألف السلامـه

مسافرين وچم عزيـز الفـارگ الدار
مـا بقت بس الصور والدمعه تذكار
حگهــا عينـي من تهل الدمع مدرار
وحگه گلبي من هجركم يستعر نار

مسافرين
أون وانحــب مثــل ونّات الحمامه
مسافرين
وداعة الله يا هلي وألف السلامــه

مسافريــن وطالت الغيبــه يلحبــاب
ريــت لـو تاخذني إلهم ياهوى الهاب
اگعــد ابسدهم وسولف عَـنِّ الغيـاب
شلون جرحه بالگلب ينزف ولاطاب

مسافرين
بعيني كل ليله الحزن يكشف لثامه
مسافرين
وداعة الله يا هلي وألـف السلامــه

مسافرين ولسه ذكراكم علــى البـال
والحــزن يرمــي دليلي بسهم چتال
يمتــه نتلاگـــه يغاليــن الهجر طـال
دمعي عالفرگه يظل عالوجنه هَمّال

مسافرين
بدونكــم ليــل الهجر يجرح ظلامه
مسافرين
وداعة الله يا هلي وألف السلامـه

مسافرين وگلبي خابت كل ظنونه
اتذَكـَّـر اليــوم الذي بــي ودعونــه
يـــا گلب بســك تراهـم مـا يجونه
لچــن يــا گلبي بدعاهـم مانسونـه

مسافرين
راحوا احبابي وصبح حزني علامه
مسافرين
وداعة الله يا هلي و ألف السلامـه


كلمات عمار الراشدي


هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee

حزنچ يالعقيله .. ياگبر اليشيله
زينب زينب
____
يزينب گلبچ شگد بيه مواجع
يالشاهدتني بالطف المصارع
حزنچ ويــن يازيــنب يدفنوه
وشـبرين الگبــر واربع اصابع

يالدمعچ مسيله.. ياگبر اليشيله
زينب زينب
____
الحــزنــچ مــو گــبـــر يــراد ديــره
يالمـضــيعه اخــو متــروس غيـره
الله ايساعـــدچ بــس اعلــه عباس
اجيتي اوياه اميره ورحتي اسيره

ردتي اتعدديله .. ياگبر اليشيله
زينب زينب
____
المثــلچ حيـــره زينـب تـندفن وين
ومنو ايدفنچ واخوچ ابلايه چفين
حسيــن شلون اذا رايــد يــواريچ
الرمل خافنه يلچـم خنـصر حسين

والماكو مثيله.. ياگبر اليشيله
زينب زينب
____
ياگــبر اليـشـيل اهمــومچ اثــگال
ابثگل السنسله البچفوف الاطفال
مـــن صاحــو يعـمه بالــدرب ذاك
ثگيله السنسله عمـــه ومتنشال

وياهو التشتكيله.. ياگبر اليشيله
زينب زينب
____
حزنچ بحــر واكــبر مـن البحور
وماسمع بحــر شايلـــته الگـبور
رايـــدلچ گـــبر كـبر الـسماوات
يلله يشيل محنة عشره عاشور

الجرح التنتميله.. ياگبر اليشيله
زينب زينب
____
الــشــام بگلبــچ امخــلف اذيه
خاف اهـــنا يصيــحولچ سبيه
يمكنچ رجعتي البنت الحسين
عــن لاتبقــه وحـــدها رقـــيه

والماصح بديله .. ياگبر اليشيله
زينب زينب
____
حيدر تركي الكربلائي




هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee

حرت مدري شلون اردلك هل جميل /
جنت بدويه وصرت ام الكفيل /
بكل مسيه اتوجه ال الله واكول /
الله اليطولي عمرك ياعقيل /

"""""""
جانت امنيتي بحياتي
اطب بيتج فاطمه

والله الانطاني على نيتي
تزوجت حامي الحمه

احجي واكعد ويه زينب
بالحلم ما حالمه

الهسه مامقتنعه اصيرن
مرت ابوهه وخادمه

راح اخلص عمري بس صوم وصلاة /
جنت ميته وهسه ردتلي الحياة /
خادمه ابيتك علي جا شرد اصير /
واخدم اولادك بعد عمري الطويل /

الله اليطولي عمرك ياعقيل

@@@@@@

هيج واكعد ويه زينب
بعد بالجنه شلي

وتامر اعليه واكلهه
يمه ابشري ادللي

وتلتم الكعده الجبيره
وفوكنه يسولف علي

مدري اضحك مدري ابجي
اهل بيت الله هلي

ماتمر ع البال ماتخطر ابد /
راح اخلف وي ولد حيدر ولد /
يكفل النسوان واطفال وخوات /
حيدر اختاره يصير الهن كفيل /

الله اليطولي عمرك ياعقيل

@@@@@@

سامعه بحنيه كبلك
ماشفت مثلك حنين

ياعلي عندي وصيه
الحسن خيگل الحسين

لحد يسميني يمه
غايتي تعرفهه زين

فدوه خيصيحون اليه
الخادمه ام البنين

فاطمه لحد يناديني ويصيح /
خاف يتذكرون والمحسن يطيح /
اعزاز عندي وحك شيبك يالحنين /
بس مكان الزهره ماحصل مثيل /

الله اليطولي عمرك ياعقيل /

@@@@@

هواي طولت بقدومك
يمه عباس الكمر

زينب اشتاكت تشوفك
اعليك عطشان النظر

يمه كل ساعه تكلي
بعد باقي شجم شهر

حضرت رايه وشريعه
الكافلي وجربه ونهر

هواي مشتاكتلك اختك واشكثر /
كاعده اكبالي وطلعتك تنتظر /
تدري انت الراح تكفلهه وتصير /
حامي كل خدر الضعن من اليعيل /

الله اليطولي عمرك ياعقيل /

@@@@@

يمه من تطلع اريدك
تعيش وي زينب خيال

تصيح اجيتج يالعقيله
كبل لاتسمع تعال

مدللات ومايعرفن
يمه بس جلمت دلال

صوت ماسمعن عمرهن
فقط جبريل وبلال


عد خواتك اي سؤال انت الجواب /
يبني ماوصيك يارب الحجاب /
حط خواتك يمه بعيونك ضواك /
ومن يجيك السهم حطهن بالدليل /

الله اليطولي عمرك ياعقيل

@@@@@@@@




موسى البطلي



هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee

ابوذيات حسينيه


غضب ضهضب ابو فاضل  ولمها
اوتصيح الغوث عدوانه.    ولمها
فدائي  الزينب الحره.     ولمها
ولاجل احسين اساوي الغاظرية

الذبح شيمات عدواني،،،، وحاله
اويهل تسأل على حسيني وحاله
الشمر، شيطان وسوسله.  وحاله
يگله اذبح سبط خير، البريه


غديت اوصال ماتلتم.  يجسمه
اوحز راسه الشمر منك يجسمه
احرم الماي، من اشرب يجي اسمه
انذبح عطشان روح امي الزچيه


ادموعي، اتسيل سچابه. وهلهم
ومحنتي بيش، اساديها. وهل هم
اليتاما اتريد واليها. وهلهم
اوبنات احمد بلا والي، او تچيه


الدهر مالي، عتب وياه   وشرها
على اهلي اسيوفه جردهن وشرها
يناعي ارثي ابلوعاتي  وشرها
صيح ابصوت مضلومه الأبيه
~~~~

الشاعر الشيخ /عبدالأمير الكعبي




هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee

على بابك وگف ركب الحياره
الوِداعك يذرف دموع انكساره
يحيدر والگلب ما تطفه ناره
--------------
يا من علّاك الباري * وخصّك عن كل انسان
يا من ابدع من صاغك * يا ابداع الرحمن
انت القران الناطق * انت لسان القران
وانت اللي اختارك ربك * تنصر سيد الاكوان
الك رب العرش صار اختياره
ولعد كل البشر بيك اختباره
يحيدر والگلب ما تطفه ناره
------------------
يا من ربك خط اسمك * بعرشه وخلاه سراج
وشاف اسمك سيد الأمة * ويشهد بيهه المعراج
انت العون لكل سائل * والغوث لكل محتاج
وحبك من ربك واجب * لكل مؤمن اصبح تاج
يمن حبك صبح اعظم تجاره
وتعزَّز للنبي بيك انتصاره
يحيدر والگلب ما تطفه ناره
------------------
غيرك ما عشگت روحي * مغرم بيك الدلال
يل بيك الدين تشيّد * وللدين انت الامال
ناديت وتلهب ناري * والمدمع من دم سال
شلون يصيبوك الليلة * ويغدروك الأنذال
عزيز و فرگتك أعظم خسارة
اومصابك اربك الكون ومداره
يحيدر والگلب ما تطفه ناره
------------------
چني بليلة توديعك * حلّت أصعب ساعات
ساعات مصابك حانت * بالحسرة وبالدمعات
وانظر للعيلة تنادي * ابونّة وتجذب حسرات
رايح يا حيدر رايح * وهيهات ترد هيهات
صدگ ليل الحزن يطلع نهاره ؟
عگب حامي الدخيل اليحمي جاره
يحيدر والگلب ما تطفه ناره
------------------
وتنظر نعشك أيتامك * وصارت كل الايتام
تذكر ايام الماضي * بل حسرة وبالآلام
صاحت يل غالي وتنشد * راحت ذيچ الايام
من تتفگد حالتهه * وتغفه ابحجرك وتنام
تِنادي والدمع مِن دم تجاره
صِدِگ حامي الحمه ايفارگ دياره
يحيدر والگلب ما تطفة نارة-----------------
#عقيل_الكاظمي بغداد




هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee

والله حـاير ----------- يل غريبه
أنـعـه يمِّـچ ------------ يامصيبه

كِلـهــن ايعـــــزَّنْ علـيه
وانتي عِشتيهن سِـويه
گـلبج أكــــبـر من رِزيه .. يالغريبه
______________

مُصـــابج رِمـــاني ابســــــهم ذكرياتج
طِحِت مِنْ سِمَه احلامي لحظة وَفاتِج
بِـدون ٱهْـلـج اشتِـسوه زينب حـيـاتج
يلِ امْخَلْصَه عمـرج جِلــوس ابصلاتچ

اشگد بچـيتي --------- اوما رِوَيتي
چِـنتي شـمعه --------- وِنطـفـيـتي

عگب أخوتج والله هَضْمَه
كل حيــاتج عِشـتي ظَلْمَه
حتى لو رحـتي ســـــــبيه
گلبـــــج أكــــــبر من رزيه .. يالغريبه
______________

وحيــده وغريبـه او زمــانج تِمــرَّد
عليج المصــــايب فِتَحـهن بِلا حَـد
إلـچ خيمه بِعيوني وِبروحي مَـرقد
يِعِين الله گلبج عَله امصابه الٱسود

ســاعدَ الله -------- گلـب إخُوتِج
من وِصلهم -------- طاري مـوتج

بلَـه شـنهو حسـين حـاله
من ســـــمـع مـاتت دَلالَه
والحسن فوگـــج رمـــيه
گلبـــج أكــــــبر من رزيه .. يالغريبه
______________

أنشــدج يزينب شنو أخبـــار كفيلج
إجه ايشيعج اشلون أخوج برحيلج
يِنـــادي يزينب سَــــــلامـة دليـــلج
إذا ماكو چفين عَلى الراس أشـيلج

ناده يخــــتي --------- مـا أعـــــوفج
اعيوني ماهِنْ --------- بس أشــوفج

يختي صِدمَتني مِنيــتچ
جيت أشــيعج مانسيتج
والجِــــنـازه اتريـد إديـه
گلبــــج أكـــــبر من رزيه .. يالغريبه
______________

يـ مَن شِلْتي الِحمول بِديچ الشريفه
وَكت بي تصيرين جـنـازه اوخفيفه
يلِ امرَبيَّه عبـاس أشـــوفج ظعيفه!
تِضلـين أبِـيَّــه اوشجاعه او عـفيفه

شلتي بيرغ ---------- ثورة الـدم
حزنج أكــبر ---------- من محـرم

جم شـمـر ذابـح فَرحـتِج
يغرف الشط من دمعــتج
امحمّلَه امن الطف وصيه
گلبـــج أكــــــــبر من رزيه.. يالغريبه
______________

ســلاماً عَـليـــج ابكــــثر ما نَحـبتي
ســلاماً عَله اجروحج اشگد صُبرتي
تِمـنِيتي، لاكِـنْ يوســفـه انحــرمتي
ابغُرب عَنْ أُخُوتِـج بِعــيده اندِفَنتي

ابعيده صرتي --------- مِن يعــينج
يـاغُـــــرُبـتِـج --------- يا حــــنينج

عن قريب المهدي يطلع
رايـه فوگ الگُبــه يرفع
وْياخـذ لصــبرج تَحــيه
گلبج أكـــــــبر من رزيه ... يالغريبه
____________
خــــادم الزهراء ع
مرتجى الحَسَّاني


هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee

نعي كرناوي بحق مولاتنا زينب ع



منين ابدي واسولف قصتي وياك

يدرب الشام حيلي من التعب راح

عيال بلا زلم بس حرم ويتام

وراح الي يشيل الحمل لو طاح

من بعد الاهل نمشي ويه كفار

ونسحك عالجمر وتهيج الاجراح

شسولف يا الم والكلب متروس

ومن يوم الاهل ودعت الافراح

عجب شفت العجب منج يدنياي

لا خليتي اخوتي ولا بعد صاح

فرغ ضعني من اخوتي وكلبي منطر

ودمعي ما نشف فوك الوجن ساح

اسامر بالوجع وتحمل اجروح

وغير الحزن للدلال ما لاح
بقلم ✍الشاعره ام كرار الساعدي


هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://www.tgoop.com/alldafaee