كل الناس تتباجه على مصابه
ناره بالكلب ياناس لهابه

يومك يهظم الدلال ويمرده

مفجوعين صعبه عليننه هالشده

احبابك نايحه والصبر يتعده

كلها مامصدكه صاير اغيابه

ام زينب السعداوي



صعب اغيابه والشيعه ياذيها

سيدها رحل والدمعه تجريها

ابن الزهره شال وعافه اراضيها

عليه مأتم الليله نصبت احبابه

✍️ام نور الزهراء الزينبيه



شهيد ولا نخاف اعليك سيدنه

رحت يم الأنصار وغبت من عدنه

نضحي أرواح للأسلام عاهدنه

وكل امريكه واسرائيل ما هابه

ام رافد العسكري



يومك يهظم الشيعه يقايدنه

خلصو بلقتل ياوسفه سادتنه

على الهامه بحزن خلوها لطمتنه

بگلبنه مثل جده صاير صوابه

✍🏻 الحجيه ام علي



ياهيبه جنت يمخوف إسرائيل

بعد ياهو اليرده للعدو من يعيل

يالمخلي عدو الله يصيح الويل

كل شيعة علي هاليوم مرتابه

ام رافد العسكري



شايل يازعيم وبطل من يومه

نصرالله انفگد والناس مهدومه

مثلومه الديانه اليوم مثلومه

بلايه وداع عايفنه وغلگ بابه

زمــــ✍🏻ــن حاتم الربيعي



بلايه وداع عايفنه نون اليوم

ملجوم الكلب لمصابه هل مالوم

وعدوانه علينه بكل وكت اتحوم

اضهر يبو صالح طول غيابه

ام روكان الشمري


مجموعة شاعرات ناعيات الطف


https://www.tgoop.com/almosoy2

نعي للزهراء عليها السلام

شيوجعج يمه وتونين
فجعيتي كلبي لا تلوجين
انه حايره والدمعه بالعين

تلوجين وانه خايفه عليج
عن المنيه وين اوديج
وانه تراني معلمه عليج

انه اسايلج رديلي الاجواب
يالغاليه ويااغلى الاحباب
تعوفيني بهظمه شنهي الاسباب

فراكج كلف لامانحمله
عكبج تره نشوف النذله
نبجي عليج الليل كله

اليوم اصبحت مكسور كلبي
ومن الحزن ماشوف دربي
على دهري ييمه صار عتبي

لو رحتي جاياهو الييه
وياهو اليحط عينه عليه
فكدج كلف شيسوي بيه

على ايامي وياكم حنت الروح
اذكر زماني ويعتلي النوح
بكلبي تراني مسطره جروح

عنج بعد شتكول روحي
الفركه يم حسن زيدت نوحي
عليج اليوم كله صار نوحي


احاجيج بس ردي عليه
عندج بقت هاي البنيه
ماكلتي. بنيتي. خطيه
لو تدرين يمه شصار بيه


احنيت الظهر واجريت الدموع
كلبي على فكدج حيل مفجوع
احس ضلعي انكسر وي كسر الضلوع



شماله الوكت كلش دهاني
طگني على الهامه وعماني
اصرخ واون من غير اواني


عنت عليه ملاكة امي
ومن ضيم كلبي كبر همي
عليها يبعد الروح هظمي


ام زينب السعداوي

https://www.tgoop.com/almosoy2

لطميه للزهراء عليها السلام


شنهو اليوجعج منه وتونين
حاجيني ييمه بداعة حسين



ادري بالضلع مكسور بالباب
ومصابج يزهره افجع مصاب
حاجيني يبعد الاهل واحباب
روحي تمرمرت لمن تلوجين


من ضرب النذل زرگات المتون
لو سطرة الگنفذ طفه العيون
بهذي ونتج تاخذني الضنون
بهيده يم حسن لمن تنوحين

انه بنيتج حاجيني يمه
صارت دنيتي بلياج ضلمه
حيلي ونج ونوحج يهدمه
ياسلوة حياتي وگرة العين

يبعد الروح كلبي مرديتيه
من ونج دليلي. ذوبيتيه
يانارج بگلبي الصوبيتيه
ملچومه عليج وانتي تدرين


يمه لا تخليني. وحيده
شخصج يمي يحبيبه اريده
حاجيني ولو يمه بهيده
وناتج تصدع كلبي نصين



ام زينب السعداوي


https://www.tgoop.com/almosoy2

نهنئ الامام صاحب الامر والزمان عجل الله فرجه وسهل مخرجه ومراجعنا العظام والامة الاسلامية بولادة امينة القيادة العامة للكون وسلطانة ال هاشم بطلة كربلاء هادمة عروش الطغاة زينب بنت علي ابن ابي طالب عليه

هوسه جنوبيه للزهراء عليها السلام

بسمار الي صابج جنه صوبني
يم حسين حدر الظلع والمني
انه حيدر يزهره ودهري دولبني
هم ضيعتج وهم ضيعيت ابني
شنهي دنيتي عگبج يبعد اسمي
اريد الموت كون وياج ياخذني

الهوسه
ماريد العمر والدار ماريده
شلي بدنيتي والزاجيه بعيده
جفني من البواجي عليج شيهيده
خليتيها زينب نوحها تزيده
اشوفنها تون والوجهج تريده


(تدريني ما احمل فكدج)

ام زينب السعداوي

https://www.tgoop.com/almosoy2

هوسه جنوبيه للزهراء

تراني من مشيتي ومانشف دمعي
وتمنيت الكسر مو ضلعج بضلعي
ولا لحضه هده روعي وسكن وجعي
عليج انحب والوج وليلي كله انعي
وعلى الصاباج يم حسين بس ادعي
من اشوف الحسن يبجي يختلف وضعي
ون حسين هذا ولوعته سمعي

الهوسه

مايهده الكلب وعليج حنينه
اه يم الحسن وحسين نادينه
نذكرج بالكلام وحيل ونينه
هنا يمنه كعدتي هنا تحاجينه
وحسينج يون ودمعته بعينه
بعدنه بعازتج جاليش عفتينه

(رديله دارج ضل موحش)

ام زينب السعداوي
https://www.tgoop.com/almosoy2

هوسه جنوبيه للزهراء عليها السلام

انه بنيتج ييمه شلون عفتيني
غريبه صبحت بالدار يمه ضيعيتيني
المن انطي وجهي ما تگليلي
اشوف اخواني يبچون وعمو عيني
واصد لوالدي وحاله يأذيني
مكسور ويهل دمعه ويبجيني
وانه زينب ابنيتج لا تخليني

الهوسه

زينب صبحت هليوم مهظومه
مالومة كلب والروح مهدومه
ينظر حالها وينحب الجيدومه
يم حسين بتج غدت مالومه
يانار الدليل عليج مضرومه

(هد حيلي يايمه غيابج)

ام زينب السعداوي
https://www.tgoop.com/almosoy2

هوسه جنوبيه للزهراء عليها السلام

يبجون الحسن وحسين يردونج
ميكدرون. يمه يفاركونج
جاليش بگبر غمضت عيونج
وعفتي اولادج بوحشه بدونج
يكضي نهارهم مايشوفونج
شلون عيونهم ينسن عيونج

الهوسه

يبجي حسين ويبجي اليونون
من يصيح يمه تهل العيون
على فراگج يگلج نصبر شلون
حيدر صبره ويكله بالهون
على فراك امي اصبر يوم تدرون

(فراكج يكتل هد حيلي)

ام زينب السعداوي


https://www.tgoop.com/almosoy2

هوسه جنوبيه للزهراء عليها السلام

تكلها زينب ودمعاتها تجري
تعاي وشوفي ابوي شصار بحواله
عليج نهاره ليله يون يبعد اهلي
ويكلج حالتي بفركاج ياحاله
يضل ينحب ييمه ومايهيد النوح
وأحاه منها ونة كلبه چتاله
شلون انضر لبوي وهو هذا الحال
ييمه تغير وجن كطعو اوصاله

الهوسه

حيدر يالزجيه عليج مهدوم
يهل دمعه غده يالزاجيه دموم
كلبه من مشيتي عليج مالوم
عمت عيني اصدله شلون مهظوم
محدب لو كعد مايكدر يگوم
من نسمع ونينه ينحب يكوم
شلي بالعمر وياج ميدوم


(يا حاله شلون تشوفينه)

ام زينب السعداوي
https://www.tgoop.com/almosoy2

لطميه ثكيله للزهراء

ماتت امي البارحه
وعدنه صارت فاتحه
بس بواچي ونايحه
ماتت امي.   ماتت امي


غمضتها العين وانه انده عليها
يمه اكعدي وانه اهز بثنين اديها
ماتحاجيني وصحت بويه شبيها
ماترد جوابي روحي هوديها
يمه اكعدي لخاطري
مو عميتي ناضري
وانه روحي رايحه
ماتت امي.   ماتت امي

كلها تبچي وانه مشدوهه وحزينه
شبيها امي وليش هاللمه علينه
شفت ابوي شلون ضل يصفك بدينه
عمت عيني عليج ينده يالحنينه
ما مصدكه عيوني
عليها لتعذبونيئ
لنص دليلي جارحه
ماتت امي.   ماتت امي

غسلوها وكلبي صاير وصله وصله
بهيده وياها يبويه فدوه كتله
لاتلفها بچفن خل الوجه خله
يمه كون انه المتت وانتي العدله
شلون بيه احجيلي
ياهو اليباريلي

بالمدامع سارحه.
ماتت امي. ماتت امي،

ماتت امي والكلب ياناس ممرود
واكفه انطر هلبت  امي الوالده تعود
والدمع مانشف مني نشف جرحلي الخدود
ليش من زغري لبست اثيابي السود
يمه ردي لدارج
رويحتي تبرالج
وروحي مني رايحه.
ماتت امي.  ماتت امي

راحت وبيتي غده مظلم عليه
انحب وابجي واون واصفك بديه
انضر اخواني يونون برزيه
يمه يمه تصيح والدمعه جريه
وانه اهل عيوني
وذابلات جفوني
وين عني رايحه
ماتت امي.  ماتت امي

ام زينب السعداوي /ناصريه

https://www.tgoop.com/almosoy2

لطميه.
  طور حزين.  لام البنين ع



تمنيت تحضر دفنتي      يمه يعباس
بيدك تشيل اجنازتي.      يمه يعباس


انه ام البنين.         وين الولد وين

💧💧💧💧💧💧💧💧💧💧💧


اتمنيت يوليدي تجي وي اليدفنون

بيدك تشيل جنازتي ياماي العيون

وسفه صفيت بلا ولد ووحيده بالكون

عباس وصلني الكبر وي اليشيعون


تمنيت هسه انه الولد.    يمه يعباس

ماضل عمر عندي بعد.    يمه يعباس

انه ام البنين.       وين الولد وين

💧💧💧💧💧💧💧💧💧💧💧💧





ماضل وكت يمه ارجعو جيبو النعش وين

وياكم بيوم الدفن خل يحضر حسين

هو العزيز وكل هلي وتفداه هالعين

جيب الحسين بدفنتي خيهود الونين



مو هو روحي ودنيتي.    يمه يعباس
لحسين فدوه ضنوتي.    يمه يعباس

انه ام البنين.        وين الولد وين

💧💧💧💧💧💧💧💧💧




جاليش تدفني الغرب عندي اربع اولاد

عندي ابو فاضل سبع ويطيب الافاد

صارو يكلبي بكربلا مو عني بعاد

من يوم ما عني مشو دلالي ما هاد


كلساع اكول انه بحلم.   يمه يعباس

هسه يرد راعي العلم.   يمه يعباس

انه ام البنين.       وين الولد وين


💧💧💧💧💧💧💧💧💧💧💧


ياليل خلص من وكت بلكت يردون

بلكت يرد ذاك الضعن وي اليرجعون

وافرح بولدي لو اجو وتگر العيون

ياليل كل يوم اليجي دلالي محزون


كربت منيتي ياهلي.      يمه يعباس
محد اجه ويحضر الي.   يمه يعباس

انه ام البنين.      وين الولد وين

💧💧💧💧💧💧💧💧💧💧💧💧




احاه  يادهر. الغدر. بعزاز كلبي

ضليت من كد الهظم ماشوف دربي

صبرني عالفركه اكولن اه يربي

لحد ما اجه يوم المنيه وزاد نحبي


ياهو اليفصلي الجفن.     يمه يعباس
ياهو الي يحضر بالدفن.  يمه يعباس

انه ام البنين.  وين الولد وين



💧💧💧💧💧💧💧💧💧💧💧💧💧💧
الام اذا سافر ولدها تهل دمعها

وكل يوم اذا مر تنتضر تحني ضلعها

وونينها بسكته ولا واحد سمعهاا

بلكت يرده هالوكت لوبي جمعهاا


وانه انتظركم كل وكت.   يمه يعباس
والدمع مابطل يكت.    يمه يعباس


انه ام البنين.     وين الولد وين

ام زينب السعداوي. ناصريه

https://www.tgoop.com/almosoy2


اضغط على الرابط للدخول للقناه

طور حزين لام البنين عليها السلام
تنعى اولادها وقت المنيه


ردتكم بس تجوني. . ييمه تودعوني
  حان الوداع.  حان الوداع



تحضروني ردت يولادي هليله
يجعفر نعشي على چتافك تشيله
يعبدالله يعون ترابي تهيله
يعباس انه اريدك
تنزل النعش بيدك
حان الوداع.   حان الوداع



انه يمكم يبعد الروح اطالبكم
تجون الليله يولادي ردت منكم
تشيلون النعش لومتت من يمكم
على نعشي تصيحون
ييمه وحيل تبجون
حان الوداع.   حان الوداع



ردتكم للكبر يولادي تدروني
تاليها بكبرتي وحدي عفتوني
اصيح بصوت يمه وما سمعتوني
عجب طول سفركم
عليه وانه امكم
حان الوداع.   حان الوداع



عيني ادور على احبابها الليله
وجفني مانشف والمدمع يسيله
على فراش المنيه روحي نحيله
ادير العين وحدي
واصيحن وين ولدي
حان الوداع.   حان الوداع



يعباس احضر وي اخوانك الليله
اريدنك تجي والمدمع تسيله
لو جتني المنيه ترابي تهيله
منو ايمدلي اديه
يسبع الغاضريه
حان الوداع.   حان الوداع



يشيلون الجنازه عندي كلت اولاد
كلت عباس يحضرني وابو السجاد
لچن كل الاعزاز الليله عني بعاد
ردتكم يالاطايب
تجون وي الكرايب
حان الوداع.   حان الوداع

ام زينب السعداوي

https://www.tgoop.com/almosoy2

وفاة ام البنين ع


جنازه تريد أهلها  خل يشيلوها
والربت ولد جاليش ماجوها

وين أولادها هليوم ناسيها
امهم على الكاع ومامشيعيها
خل عباس واخوانه التواريها
ليش جنازة امهم ما يدفنوها

جا ياهو الي يفزع للكمر عباس
خل يحضر يشيل الربته عالراس
تستاهل الحره يفزع النوماس
َما ينهض بسرعه وأمه يلفوهاا

من ماتت تصيح حسين اندبنك
ردتك تنزلني بالكبر بيدك
لحد الموت يبني ابقه اذكرنك
كون اعزازها رادت يشيعوهاا

ماعدها بنيه التبجي عليها
بس زينب وماتت من بواجيها
ياهي البالعزه تعدل تعازيها
كون احبابها الليل يجازوها

هاي ام البنين الماتت من الضيم
ماعدها اليواسيها بوكت  الهَم
ياهو العاش عمره كله متألم
مثلها ما مره صبرت وجازوها

ام زينب السعداوي /ناصريه
https://www.tgoop.com/almosoy2

هلت
علينه الزهره هذا اليوم هلت
وورود ازهرت والاقمار هلت
من الفرحه خديجه الدمع هلت
تنادي ياهلا ببنتي الزجيه

ام زينب السعداوي
https://www.tgoop.com/almosoy2

هوسه جنوبيه

ماتت بالدرب زينب المهظومه
زركه متونها والروح مالومه
لا وليان عدها وتفزع بهومه
تجهزها الكبرها احاه يمظلومه

وين وليان.ام عون  محد دفنها

ضلت بارض الشام ويزيد ونها

ويلي يم الأحزان زادو حزنها

لاحسين وعباس لاجاها ابنها

بس عليل ومحتار حار بدفنها


( يا نعش أم عون يشيلونه)

أم زينب السعداوي
https://www.tgoop.com/almosoy2

رباطات للسيده زينب
؛؛؛؛؛؛؛؛؛؛؛؛؛؛؛؛؛

وين اهلج يزينب مايحضرونج

؛؛؛؛؛؛؛؛؛؛؛؛؛؛

ماتت بالغرب  زينب المحزونه
؛؛؛؛؛؛؛؛؛؛؛؛؛؛؛

وين اخوان زينب خل يشيعوها
؛؛؛؛؛؛؛؛؛؛؛؛

بارض الشام ماتت مادرو بيها
؛؛؛؛؛؛؛؛؛؛؛؛؛؛

يالنايم على الشط  كوم واريها
؛؛؛؛؛؛؛؛؛؛؛؛؛؛

بجفك يبو فاضل  ادفن الحره
؛؛؛؛؛؛؛؛؛؛؛؛

هليوم الجنازه تريد واليها
؛؛؛؛؛؛؛؛؛؛؛؛؛

هنا يخوان زينب طرو الحومه
؛؛؛؛؛؛؛؛؛؛؛؛؛

هنا يالنايم عالشط كوم لزينب واريها

؛؛؛؛؛؛؛؛؛

أم زينب السعداوي
https://www.tgoop.com/almosoy2

هوسه جنوبيه للسيده زينب عليها السلام

من جتها المنيه اليوم زينب دارت العينين

صاحت من يشيعني وانه بغربتي هالحين

اذا حان الاجل يحضر ردت كون الكمر وحسين


خواني بالمنيه خل يحضروني

يشدون الجفن ليه وييشيلوني

يريت بكربلا وياهم يدفنوني

ولا أريد الغرب همه الينزلوني

ياعباس كوم ووافي ديوني

اخوتي حنان بغربه ما يعوفوني

(يدفنوها وتريد اخوان)

أم زينب السعداوي
https://www.tgoop.com/almosoy2

هوسات مولاتي زينب

اليوم احتار العابد شلون بدفن المظلومه

؛؛؛؛؛؛؛؛؛؛؛؛

هنا يمشيع زينب مرها على الحومه

؛؛؛؛؛؛؛؛؛؛؛؛؛

عون تريده الليله يزتها للمهيوبه

؛؛؛؛؛؛؛؛؛

زينب يهل الغيره الموت اليوم يمر بيها

؛؛؛؛؛؛؛؛؛؛

هاي اخوانج بالطف حيل تون عليج

؛؛؛؛؛؛؛؛؛؛؛؛

أم زينب السعداوي

https://www.tgoop.com/almosoy2

فزاعيه للسيده زينب

شو خالي الصحن جاوين زواري
موحش ياضريحي وانشبت ناري



جا وين الي جانو كل سنه يحضرون
ويوكت المنيه بالعزه يلطمون
شو محد اجه وفارغ صحنها أم عون
وين أهل المواكب تجي بأكتاري



من كبر الغريب تجيبلي رايه
اسمع نوحهم واسمع الوفايه
يم كبري تدك بنوحها الثايه
واسمع نوحهم لو ذكرو العاري



شو خالي ضريحي والصحن ظلمه
لا ناعي اليجي ويصيح ياعمه
لا من ناعيه التنعه على ابو اليمه
وين العلموني وبردو ناري



هنا يحباب زينب ليش عفتوها
اليوم تريدكم كومو تلكوها
اليوم مصابها بغربه تركتوها
بس من ال اميه اليوم ضل جاري



شو خالي الصحن وانه صرت وحدي
مثل ليلة الوحشه احباب ماعندي
ومثل الطف رجع داس العدو حدي
ومحد للغريبه الحايره يداري




أم زينب السعداوي
https://www.tgoop.com/almosoy2

مجالس السيده زينب عليها السلام