https://www.tgoop.com/tt665ffgy

تم نشر قصائد شهر محرم للخادم حيدر ناجي الدراجي

نعي للسيدة العليلة محرم 1446
------------------------------------------

رايح ابوي أبعيد رايح
گمت أسال بدمع النوايح
ينفع وره المجفين صايح ؟
طايح يگلبي الليله طايح

ونيت اريد اوجوه الاحنان
فارغ البيت يريد وليان
يا گلبي عيش شلون ما چان
ساعه العمر والنوب خلصان

هذا الدهر هاي المصيبه
بالدار واتسمى الغريبه
الرباني هسه منين اجيبه
گلبي اليون فارگ حبيبه

ليهسه بذني اصوات الاحباب
ظليت أون ومگابله الباب
من الفرگه چني چفوف شياب
يا ضيمي گعد حدر التراب

يلفون ما يلفون حيره
بالبيت بس حال الاسيره
ديرة هلي ما چنهه ديره
ظلمه ونواعيهه چثيره

كلمات الخادم / رعد الفريجي
محرم الحرام 1446

أبوي الفارگاني وراح چا وين
وأصيح الحادي تاني شواي چا وين
هلي ها يلمشيتو بنار چاوين
عليله بمگفى ضعن الغاضريه

كلمات الخادم / رعد الفريجي
محرم الحرام 1446

نعي ( عبد الله الرضيع ) 1446

********

تعب الضنى وسهر الليالي
خلاني حال الضيم حالي
غالي الولد يا يمه غالي
للشيب مامش بعد والي

لوليت وانطر تغفى وتنام
بس العطش للنحر محتام
ها يا عبد بالروح تنسام
يمه الولد ما تحمل سهام

يا ماي سير لابني رويه
يرجف عطش لا لا تخليه
موت وحرب چا وين أوديه
غمض عيونه وماد رجليه


فرفح لحد ما طلعت الروح
مذبوح رد وليدي مذبوح
بچف الحسين الغالي مطروح
هسه اللطم ينراد والنوح

موهيچ تالي لا يلولد مو هيچ تالي
تعبي ودلالي رايح بعد تعبي ودلالي
شمسويه بيه هذا السهم شمسوي بيه
هاي المنيه خلصت ترى هاي المنيه


مصايب كربله يحسين شلحال
عطش عبد الله شنهي الراي شلحال ؟
اذا تنشد يبو السجاد شلحال ؟
الرضيع بطرگ نفسه أبين أديه

كلمات الخادم / رعد الفريجي
محرم الحرام 1446
ثوابها الى روح والدتي

# عيد -الغدير الاغر

علي مولى علي مولى علي مولانه علي

*********

علخير هذا اليوم يا ناس
عيد الغدير وأحلى احساس
يا شيعه فرحه من السمى اليوم
هنو الحسين وهنو عباس

هنو العقيله ام الخدر هنو العقيله
والمجتبى الضوه السمى وامه الجليله
ياهو الولي يبقى علي ياهو بديله ؟

الما والاه النار اتريده

********

يوم الولايه وربنه اليگول
علكون حيدر صار مسؤول
بلغ ي طه وفرح الناس
والحزن يصبح بس للذيول

للوالى شيطان الارض وانكر وعوده
للنيته وي المصطفى من الاصل سوده
گبل الغدير اعله الولي حضر جنوده

خسران اليتبع شيطانه

******

بلغ أمير الناس معروف
حكمه العدل ومخوف الخوف
والد حسن وحسين وام عون
هذا الچفوفه اتذل الچفوف

من كنت مولاه صبح حيدر أمامه
بيوم الغدير المصطفى واضح كلامه
أنصر اللهي إلي نصر هاي العمامه

واخذل كلمن خان البيعه

******

للطبر مرحب قالع الباب
اليوم الولايه تريد ابو تراب
للخله ابن ود جسد ممدود
بيوم الجماعه لبسو حجاب

ياهو اليريد الجنه شو محد سمعهه
صارت صدگ حيدر برز وايده رفعهه
والوادم گبور اصبحت شنهي نفعهه

ظل يردم واحد بالثاني

*******

فحل الفحول القائد العام
معروف حيدر حظن الايتام
فلاح خير الناس يمناه
والغيره بس تنام وتنام

لو نحچي يرتاح الگلب بس هيه بلوى
چندوب نسكت للستر والعذر خوه
الاول وكافي بعد مولانه هوه

ما ينعد حتى يعدونه


كلمات الخادم / رعد الفريجي

لمناسبة عيد الغدير

*********


هواي عذروني اذبن ضيم گلبي
لا تلوموني شفت هليله دربي

********

اليوم تنشف دمعتي وگلبي يدگ
الليله جاساني العشگ بويه العشگ
هالغدير الليله يا عالم صدگ
الليله يبرد گلبي ابد ما يحترگ

صاير بگلبي واريده
بهاي الايام السعيده
الدمعه من عيني بعيده

فدوه خلوني ازيح اليوم تعبي
لا تلوموني شفت هليله دربي

******


عطوه يا دمعات تنصيب الورد
قل هو الكرار عنوان الحمد
والله كون يصير ننثرله الولد
فارس الهيجاء حاضر مستعد

من سمى العلياء قادم
انه السيف المقاوم
عند لقيا الموت باسم

بسمه سموني دعيته وزال كربي
لا تلوموني شفت هليله دربي




******


تعباني الضيم ما شايف فرح
الليله بس هليله دلالي انشرح
نور ابو الحسنين بالعالم وضح
بعد ظلمة عمري كل همي انمسح

عيد المبارك يشيعه
فرحت الدنيا الوسيعه
حيدر انحبه ونطيعه


يمه ودوني واگله اهواك حبي
لا تلوموني شفت هليله دربي

********

يا غدير الخير يلكلك ستر
اليوم فرحة زينب وحامي الخدر
شتكتب الاقلام عن هذا الامر
ما تكفي اوراق لا كفى الحبر


لو كتبت سنين عمري
وادري ما وفيت ادري
يا حبيبي ولون فجري

بدمعة عيوني شكرت الباري ربي
لا تلوموني شفت هليله دربي


*******

بله شنهي تعيش ما عندك علي
اتصور انته بلا ولايه ولا ولي
بيوم لا ينفع سوى النور الجلي
ياهو امامك بالحشر باوع ألي

خاف ذاك ألي فضحكم
الما ستر روحه وستركم
أشتعل صفحة صنمكم

لا تسكتوني ديله چفوفي اكتبي
لا تلوموني شفت هليله دربي



********


يله سوي افلام واصرف ما يفيد
شلون تمدح واحد امخلف يزيد
هيه هند شخلفت مجرم وحيد
جابت الملموم من كومت عبيد

يا مسلسل يا دراما
والله شوهتو العمامه
بس علي هوه السلامه

يمه تلگوني عليه اعيوني تربي
لا تلوموني شفت هليله دربي

كلمات الخادم / رعد الفريجي

نعي عن استشهاد الامام الباقر (عليه السلام )
******


بداية عمرك بطف تبدي واويلاه
طفل وگبال عينك شفت ما شفته
العاشر مر عليك شلون يا مولاي
يا سيدي الباقر تذبح السكته
شفت بعيونك الاكبر زغر بسيوف
وعليه ارماح چلت فوگ خاصرته
مر بيك الكفيل الراح بس من راح
كسر ظهر الحسين وگلب عايلته
حالك حال سكنه الواعداهه ومات
وظلت واگفه ويرجع امناطرته
شفت وداع زينب للحسين شلون
باخر لحظه چانت حيل شابگته ؟
سمعت اضلوع تتكسر بعيد هناك ؟
شفت حسين خيل وناس ساحگته ؟
دورت اعله خنصر من اديه مبتور ؟
ولو هيه السيوف بعيد ناثرته
حسين شلون حاله وهالسؤال أجزيه
مولاي احچي بله شلون حال اخته ؟
زينب شنهي ركضت طاحت اعللگاع
راحت يم اخوهه وعون عابرته ؟
ما لحگت تنوح گباله وتحاچيه
لان بالحجر هاي الناس دافنته
اه يا حزن زينب يا جرح عاشور
مو وكته العمر بس الحزن وكته
يا درب السبايا ويا ونين الشام
ويا گلبك الدامي وموت سالفته


كلمات الخادم / رعد الفريجي

قريبآ لمناسبة عيد الغدير
قصيدة والله نعمه

@لمناسبة_عيد_الغدير


والله نعمه ،، شيعي وموالي علي
والله نعمه ،، بالشدد حاضر ألي
علي ،، علي

********

الف شكرآ علولايه الحيدريه
ربي أسجدلك شكر وارفع أديه
هاي اكبر نعمه متفضل عليه
موالي حيدر وأفتخر بالرافضيه

ما تبعت الماهو گدهه
چم حرب خايف شردهه
شرد أگول شلون أعدهه
ردهه يبن الوسفه ردهه

والله نعمه ،، قائدي امبچي الزلم
والله نعمه ،، الاسم يا محلى الاسم
علي ،، علي

*******

رفع ايده المصطفى بيوم الغدير
وصاح شيخ الديره حيدر والچبير
الله ينصر كلمن ايوالي الامير
الما رضى بهايه أله نار السعير

كلمن ايحبه ويريده
يدخل الجنه السعيده
الحسره من گلبه بعيده
خله بيد الوالي آيده

والله نعمه ،، رافض الزمره صرت
والله نعمه ،، أبد ما تهت وحرت
علي ،، علي

********


هوه صار البسمله للبسمله
هوه ياهو المثله حتى انبدله
بالقتال وبالسلم ما أجمله
كمل الدين بعلي اي كمله

ربنه واضح في كتابه
تمم النعمه بخطابه
بحضرة الكل والصحابه
علي باب الرحمه بابه

والله نعمه ،، لا فتى الا هوه
والله نعمه ،، صاير لناسه دوه
علي ،، علي

*******


صار والي وشهدت اصحاب السقيفه
صرت مولانه علي انته الخليفه
بالولايه انميز الناس النظيفه
اليتبع الكرار اصلابه شريفه

واليبغضه ايروح ينشد ؟
ياهو أبوه الاصلي ويرد
ويسأل امه النوب ويعد
علأمير شلون يحقد ؟

والله نعمه ،، نعرف الطاهر بعد
والله نعمه ،، رافضي ابطن المهد
علي ،، علي

*********

يا تمام الدين يلحبك هدايه
احنه واليناك مو قصه وروايه
يا علي القرءان عمرك آيه آيه
بياعلي الشيعي ايتنخه من البدايه

من المهد للموت شيعه
تسمع الدنيا الوسيعه
حيدر الوالي نطيعه
هوه ابونه وما نبيعه

والله نعمه ،، بالحشر يوگف حمى
والله نعمه ،، اي علي وفاطمه
علي ،، علي

كلمات الخادم / رعد الفريجي
7 / ذو الحجه/ 1445

#لمناسبة_عيد_الغدير

ابا الغوث علي
ابا الغوث علي

*****

عن الوصف تعالى
جمالآ في جمالا
جوابآ للسؤالا
أميرآ للقتالا

علي نور الاله وسيفه واسلامه
علي قبلة الكعبه وتاج العمامه
علي أول رئيس الينطي بلثامه
علي كلهه وراه وياهو گدامه

محمد في محمد
ولي الله أوحد
علي لليوم والغد ابا الغوث علي

علي كهف اليتامى
غرامآ في غراما
سلامآ للسلاما ابا الغوث علي


******

أميرآ هاشميا
إمامآ رافضيا
عرفناه جليا
نعم ذاك عليا

علي قدرة الباري بخلقه واوصافه
علي هنيال كلمن قابله وشافه
علي شيگول لمن تهمس اشفافه ؟
علي وكلمن يذكره اتهنى واتعافه


علي سبع المثاني
علي نور الزماني
علي في الله فاني ابا الغوث علي


علي للماء ساقي
شديدا في التلاقي
علي حزن عراقي ابا الغوث علي

*******


علي قلب الخليقه
علي لب الحقيقه
ستسأل عن رفيقه ؟
اخوه أم صديقه ؟

محمد وي علي بشجره وأصل واحد
گبل آدم علي تحت العرش عابد
علي قائد گبل لا ينوجد قائد
علي كل ذني عنده وبالحكم زاهد


عليٌ لا يجارى
علي غوث الحيارى
علي أمن ودارى ابا الغوث علي

علي سر الوجودي
ومضمون الخلودي
علي ضد القيودي ابا الغوث علي



******


وحيدآ في سلاحه
رفيقآ للسماحه
قديمآ في كفاحه
من الفقر جراحه

صلي وصوم دهرك واعبد سنينك
واسجد طول ليلك لا تسد عينك
اذا متوالي حيدر ياهو اليعينك
تمام الدين هوه وما نفع دينك


كتاب الله صرح
بمن والاه افلح
ومن ناداه ينجح ابا الغوث علي

ومن عاداه خاسر
فلا يلقى مناصر
علي دين الضمائر ابا الغوث علي


******


علي لله دائم
علي النهج المقاوم
علي في الحرب باسم
علي عش الحمائم


أذا توگع بشده اوصعب تحملهه
واذا مالك معين اليگدر يفلهه
اندب يا علي وهوه علي يحلهه
كل صعبه علي يابو الحسن ألهه


علي ختم النجاتي
حبيبي بل حياتي
قريب في مماتي ابا الغوث علي


علي في القبر حامي
اذا شح الكلامي
سأهتف يا امامي ابا الغوث علي


كلمات الخادم / رعد الفريجي

لمناسبة_عيد_الغدير


يا حيدر  ويا  حيدر   ويا   حيدر
يلعيدك     ايسمونه    عيد الاكبر

****

هنياله     كلمن   يفرح    بتنصيبه
اكتبله   ميمر   فايزي     وتجليبه
عيد  الولايه   وصك نجاة  نجيبه
من چفوف ابو الحسنين ما يتأخر


****

واليت   حيدر    والنبي     والعتره
خادم   زغير   اباب   بيت   الزهره
صاحب بخت  والله  اليبارك  عمره
بالمحفل الليله اليهني ويحضر


****

عيد   الامامه    وهالأمر      رباني
مرسوم  كوني    مو   أمر  ديواني
حيدر   الاول   ما   يصير    الثاني
هوه الچبير وهمه كلهم اصغر


**

انصر  اللهي الينصره   وهم اخذل
كلمن  يبغضه  وما يواليه     الكل
حيدر علي مكتوب  لتگول   أكمل
كامل مثل طه الامام الاطهر 


*

بالمائده   التصريح  سبعه   وستين
الايه الكريمه   ويا شرح    يا تبيين
بلغ   ي طه    بهالأمر  كمل    الدين
الله اليگول المرتضى خط أحمر

*

الف   الحمد  لله     والينه     الحيد
والما يعجبه  ايروح  من  عدنه بعيد
لولد الحلال اليوم  مخصوص  العيد
فرحة عمرنه اليوم  حيدر حيدر


كلمات  الخادم  /  رعد الفريجي

قريبا ان شاء الله

لمناسبة عيد الغدير قصيدة ولد الحلال

#لمناسبة_عيد_الغدير

والله ما بيهه مجال
طاهر اصلك ؟ اي تعال
عيد بس ولد الحلال الليله الليله

********

ياهو اليوالي علي للموت كلنه
ياهو البروحه علي اي والله احنه

ياهو يا ناس الامير
ياهو مضمون الغدير
ياهو اليطفي السعير علي اي علي

ياهو اليحبه شريف
وگلبه بالعتره نظيف
ياهو الچفوفه رغيف علي اي علي

هذا حيدر مو كلام
هذا من الله الامام
ارد اسلم علسلام الليله الليله

*******

شنهي احنه بلا ولي لا والله صحره
دنيا ما بيهه علي مكروهه مره

محلى اسمك بالشفاه
يا علي ذكرك صلاه
هناكه بالمحشر نجاه علي اي علي

يا سراط المستقيم
الجنة حيدر والنعيم
بالحرب سيفك جحيم علي اي علي

يا وطن مالك حدود
قائد ورايه وجنود
شرد أكول وشرد أزود الليله الليله

********

شلون حاله الما يحب حيدر خطيه
امبين الطاهر أصل عدنه وصيه

الما يحب فحل الفحول
لاله قيمه ولا أصول
واضح المعنى وشگول الما يحب علي

خله ينشد ياهو أبوه
خاف بلهيمه لگوه
ها لقيط وسجلوه الما يحب علي


هذا تحليل الولاء
نص كلام الانبياء
انته سيد الاوصياء الليله الليله

******

النوب صارت عطله يا اهل السقيفه
انتو يا اهل اللحايا المو شريفه


الله ليساعد گلبكم
بشرو صار شگد ضغطكم ؟
كون حفره وهيچ اطمكم من فده لعلي


الخيبر وخندق نسيتو ؟
مو لبدتو ؟ مو بچيتو ؟
الهه بس حيدر دريتو من فده لعلي

يا نواصب هذا عار
بالحرب عدكم فرار
كون احچي الكلشي صار الليله الليله

******

نحمد الله بحب علي يخلص عمرنه
من الزغر نسمع علي والصوت لأمنه

صك نجاتك في يمينك
غير حيدر هوه دينك
بخدمة المولى سنينك علي اي علي

شيعي هنيالك موالي
غالي عند العتره غالي
يلي حالك هوه حالي علي اي علي


عيد الاكبر والله عيد
فعلا امبارك سعيد
وارد اهني من جديد الليله الليله


كلمات الخادم / رعد الفريجي
14 / ذو الحجه / 1445

گلُ عآم ۆآنْتٌم بْحٍـفَظّ آلُلُہ ۆرعآيَتٌہ
گلُ عآم ۆآنْتٌم علُى
حًبً عٌلَيِّ
ۆلُآيَةّ علُيَ
نْہجٍ علُيَ
سرآط علُيَ
آنْسآنْيَةّ علُيَ

آلُحٍـمدِ لُلُہ علُى آگمآلُ آلُدِيَنْ ۆآتٌمآم آلُنْعمہ
لَکْ آلَشُـکْر آلَلَهّـيِّ عٌلَى حًبً مًحًمًدٍ وٌآلَ مًحًمًدٍ
نِسِـآلَ آلَلَهّـ لَکْمً وٌلَنِآ آلَثًـبًآتٌـ عٌلَى آلَوٌلَآيِّة وٌحًسِـنِ آلَخِـآتٌـمًة وٌآلَفُـوٌﺰ بًآلَشُـفُـآعٌة

رعٌدٍ آلَفُـريِّجّـيِّ

هل اهلال شهر الموت والكون اختلف وضعه
جبريل بقميص حسين ومغطي السمى السبعه

---------------------------------------------


هليت وصبح عاشور
يلچم كل جرح بينه
مر ضعن الشرف علبال
واحنه أگباله ونينه
ردت كربله وي الشام
ردت حيرة سكينه


وهاي ام الحسن يا ناس وگبال النحر تنعه
جبريل بقميص حسين ومغطي السمى السبعه

-----------------------------------------

هل شهر الدمع والنوح
والموت اعله كل ديره
هذا امدمه ثوب حسين
هاي اللوعه والحيره
ونت فاطمه الزهراء
هاي ايام ابو الغيره

هم ترجع الخيل اردود تسحگ منحره وضلعه
جبريل بقميص حسين ومغطي السمى السبعه

-------------------------------------------

ردت زينب اعله الموت
رد السوط والمنحر
ردت خيمه بيها النار
ردت لوعة الخدر
آه يا كربله وعاشور
هذا العطش وي الحر

والعباس طاح هناك واخته بعيد واتودعه
جبريل بقميص حسين ومغطي السمى السبعه

----------------------------------

هل أهلال ياخذ روح
ميخلي الولي إبحاله
عشر أيام ويذبحون
راسه وتنسبي أعياله
صوب اخيامه ركضة نار
سوط ايعذب اطفاله

يركض طفل مدري لوين من سوط العده إيوجعه
جبريل بقميص حسين ومغطي السمى السبعه

--------------------------------------

نلبسلك سواد اهدوم
ونخلي الدمع رايه
نلطم علصدر لحسين
من نحضر للقرايه
نذكر عطش ذاك اليوم
لمن ما شرب مايه

ذاك النهر هم مسجون چبد الوالي ميسمعه
جبريل بقميص حسين ومغطي السمى السبعه

------------------------------------------

هاي إيام للمظلوم
للمحد وگف دونه
بآخر لحظة من ذبحوه
شنهي الشاف بعيونه
شاف أم عون يا هلناس
علتل ماهي مامونه

هذا المنظر الاذاه ضيم الشام شيجرعه
جبريل بقميص حسين ومغطي السمى السبعه


كلمات الخادم / رعد الفريجي
محرم الحرام 1446
ثوابها الى روح والدتي

يابو صالح يا ألم
هل محرم كله دم
نار گلبك ندري والله
كلهه من نار الخيم

---------------------

شلون حالك يابو صالح من تشوف هلاله
آه يمهدي وكل محرم هيه نفس الحاله
حسين بعده بخير هسه ويمه كل عياله
ليش يا عاشر محرم ؟؟ ليش يلخياله ؟؟
يا مصيبه :: لو تفوت ايامك
يا مصيبه :: تبقى بس ايتامك
يا مصيبه :: بس جثث گدامك
ندري محني من الدمع
لازم بچفك ضلع
كلشي منك ما سلم
هل محرم كله دم

----------------------------

هل نصبنه احنه المجالس والسواد بكل كتر
هاي رايات المصيبه وهايه رايات النصر
والله ما يوگف دمعنه ولا لطمنه اعلى الصدر
ندري يا مهدي اتألم من يمر طاري الخدر
يا غريبه :: زينب بلا والي
يا غريبه :: بلا حسين الغالي
يا غريبه :: بس دموع تلالي

باچر بولية غرب
والله هالموقف صعب
حيره شيگول القلم
هل محرم كله دم

------------------------------

هل محرم وانته حاير ما ردت يمشي الوكت
احنه ما شفنه وعرفنه شلون صبرك يلشفت
بكل صباح الطف تشوفه وصيحه من گلبك صحت
يا حسين الله واكبر يابو الاكبر ها متت !؟
يا حبيبي :: جثتك مخضوبه
يا حبيبي :: بالحجر مصيوبه
يا حبيبي :: والرماح النوبه
بكل كتر منك جرح
ليش يا وجه الصبح
يا ضوه الكون انعدم
هل محرم كله دم

---------------------------------

علشريعه هناك فارس كافل لزينب شهم
چانت الحره العقيله تگله فدوه لهالاسم
آه يمهدي وفارگاهه وهيه تتأمل حلم
ما يموت الواعداني ارد اغطيه بالهدم
يا كفيلي :: يلنمت علمشرعه
يا كفيلي :: تدري بيه أملوعه
يا كفيلي :: گلبي ريتك تسمعه
ارجع اختك هالبچت
عالنهر والله انتهت
ادري ماذيك السهم
هل محرم كله دم

--------------------------------


الماي سر الموت صاير لا اجاه ولا روى
المهدي قرر انته تحشر ويا ظالمهم سوى
يا نهر حكمك نهائي بعد متشم الهوى
تروح ترگع يم حضرته وبلكي تلكالك دوى

يم ضريحه :: تنحني وبدموعك
يم ضريحه :: تبچي كل اسبوعك
يم ضريحه :: ننظر بموضوعك

ياذنب ما ينغفر
روح دورلك عذر
يلعشت عمرك وهم
هل محرم كله دم

------------------------------

للخادم / رعد الفريجي

لأستقبال شهر محرم الحرام باللغه الفصحى :-

مشـــــــــروع الله تـكلم
انطق  يا شهر محــــرم
فلتسمع كل الاكـــــوان
في العاشر ما قال الدم
،،،،،،،،،،،،،،،،،،،،،،،

فلتصمت كل الاصوات
فحسينآ   روح الايات
سيف الله  نراه قريبآ
يــــهتف للذلة هيهات

يا  صوتا  علويا  قادم  نحو  الناس
كيف يموت الحق اذا عاش العباس

اضرب افكارآ  ورؤوس
فالظلم طريق ميؤوس

وحسين   نور  اعظم
انطق يا شهر محرم

،،،،،،،،،،،،،،،،،،،،،،،،،،،،،،

فلتأتي    من   بعد    شهور
والكون   الى  السبط يدور
يشفي  الله المرضى قطعآ
من  اجل    دماء   المنحور

عن  اي  كرامات  نبحث  في   ذكراه  
ان  الدمع  شفاء  المرضى     يا  الله

في المجلس دين ويقين
هيا    فلنحيا     بحسين

من  يقصده   لا  يندم
انطق  يا  شهر  محرم

،،،،،،،،،،،،،،،،،،،،،،،،

يا    نبض    الثوار  أكيد
احرارآ      لله      عبيد
في   كل   زمان   نعرفه
لا يخفى  مشروع  يزيد

انصار  حسين  مدرسة  نهج   عطاء
وطريق الظلم   طريقا  لبن  الطلقاء

في الطف دماء ودموع
وخيام ثكلى   وشموع

ونفوس   لا  لن   تهزم
انطق  يا  شهر  محرم

،،،،،،،،،،،،،،،،،،،،،،،،،،،،،،،،،


ثورة طف سوف تعود
فيها   رايات   وجنود
فيها  حق  الله  تعالى
ونفوس كفرت بثمود

سيهز     الاسماع    نداءآ    للاحرار
حي  على  ثورة  قائدكم   يا   ثوار

اهلآ  بشموخ  الاجيال
ومحطم كل   الاغلال

للباغين    فلا  ترحم
انطق  يا شهر محرم 

،،،،،،،،،،،،،،،،،،،،،،،،،،،،،


نصر   آت        للمظلوم
بظهور المهدي المعصوم
سوف يعود الطف ولكن
لن يذبح قمرآ   ونجوم

سنردد   فليحيا   علي   في  البلدان
ويعم   الاسلام  الحق على  الاوطان


انهض يا ابن الزهراء
فلدنيا   موت   وبكاء

بقدومك  خير  ننعم
انطق  يا شهر محرم


للخادم  / رعد الفريجي

الى كل خدام الامام الحسين عليه السلام الذين فارقونا ورحلوا الى الرفيق الاعلى مع وافر الدمع والاشتياق
------------------------------------

هنا گعدنه هنا خدمنه
هنا بچينه هنا لطمنه

*******

يابو المجالس واللطم يابو الدمع والحرگه
يا موت گوم من اللحد مو هذا وكت الفرگه
اليختنگ من كلمة سبي جوه الگبر شيخنگه ؟
رد المجالس رادتك وتگول ماني مصدگه

رد اعله بيتك وافتح الباب
ولدك لهسه بذاك النگاب
مر بالحلم ما نحمل غياب
من كون احنه الجوى التراب

رد يشمعه ،، الفرگه دمعه
ما نسمعه ،، يله ننعه

******

حضرنه مجلس والخدم واحد يگول الواحد
صاحبنه يتأخر ؟ يجي ؟ يل بلمجالس قائد
يا صاحب الدمعه الصدگ شو صار دمعك بارد ؟
مو تدري تحضر فاطمه وانته اعله ابنهه اتجاهد

ذب الچفن مجلسنه حاضر
والبس سوادك شنهي باچر
رادود انته وقلم شاعر
يلحزنك امبچي المنابر

اي نريدك ،، ترفع ايدك
يلنشيدك ،، من وريدك

*******

علگنه صوره لخدمتك هم بچت خويه الصوره
ما تحمل ابيات النعي البيهن خيم مجموره
بالمجلس حسين انذكر وضلوعه المكسوره
وطفله وسياط اعله المتن طفله بحقد مسطوره

موجود يمنه وگبرك هناك
تنعه اعله زينب واحنه ننعاك
يخلص المجلس خذنه وياك
ما ينحمل يلغالي فرگاك

من نذكرك ،،، هم نعذرك
جنه گبرك ،،، شنهي سرك

*******

مشاية مرو هلسنه وسألونه كلهم عنك
چا وينه ابو الملگه الحلو؟ وعيونهم يردنك
ما نگدر انگلهم متت ويانه حاضر چنك
مرحوم بس بخدمتك ما ردنه خويه ندفنك

ياهيل عطرك حلى الگبور
گبرك امان لكل الطيور
مشتاگ تبچي بيوم عاشور
من ما تجينه هواي معذور

ها يخونه ،، تعب أبونه
ردنه عونه ،، ما تجونه ؟

*******

تنتهي الناس ويه الدفن بس يختلف خادمهه
أم الحسن مثل الهوى و تحت التراب نشمهه
تراب الگبر ماي الورد لو نزل ميألمهه
كل روح والت فاطمه بچلمة علي نسلمهه

بليله الاولى نسوي موكب
ومنكر نگله شنهوى ونحب
خدام لكن كلشي نطلب
والجنه يم گبورنه تهب

نحب ولينه ،،، كلشي بينه
هم يجينه ،،، اي علينه

*******

كلمات / رعد الفريجي

نعي ليلة الامام العباس عليه السلام
------------------------------------

عباس كون تروح ناوي
خليني ادگن علچلاوي
ها يلچفيل الوجه ضاوي
لا من جرح ترجع واداوي

لو رحت يبقى حسين وحده
عدوان اخوك هواي شده
خويه الشمر ياهو اليرده
عباس هذا العمر حده

رف شاربك والغيض يلهب
وسكينه ظلت ليك تگرب
عمي نريد الماي نشرب
انته علي والعطش مرحب


رحت وبواچي بكل الخيام
وما ندري درب المشرعه شضام
هناك العطش ورماح وسهام
شو چنه فيٌ الخوه ما دام


كونك عدل رد لخيمنه
ها يبن ابونه وعين لمنه
تحت اللوى عباس ضمنه
يمنه العدى يا خوي يمنه

شيبت راس حسين من رد
يا خويه بلوه الله ولحد
ظهر الحسين اشلون ينشد
عباس اخوك يصيح محد


كلمات الخادم / رعد الفريجي
محرم الحرام / 1446
ثوابها الى روح والدتي

قريبا ان شاء الله تعالى
قصيدة يوم العباس