اصعب وجع ممكن كلبك يشوفه
من يجرحك شخص ما تكدر تعوفه


علي رحم 💜

بدا لوني يتغير هذا شي يكفي
بدا صوتي يتعثر وارتجف جفي

احبك ما كدرت اخفي


غني محسن 💜

رجع من كل گتر مخذول
أهله ودنيته وناسة

حاول يحجي بس مافاد
محد فاهم احساسة

ولا يكدر يعيش هواي
قرر يرجع لساسة
ركض جاب الحبل وتمرجح براسة


فاطمة محراب 💜

ممكن نختلف بس نفترك صعبة
انا وياك سيف مچلب برگبة

تبعد أنذبح تدنه أچلب بيك
مشاعرنة وطن واثنينه بغربة


سجاد الغريب 💜

أنت يل ما تدري عتبه بابي وين
وانا ادري بيا جفن طيفك يبات

انا احبك من طرف واحد أكيد
بس أموت عليك من كل الجهات


أحمد المطوري 💜

شلون انا رضيت تسافر بعيد
ودعتك أمس أدري شجاني

هداني الله وكلت الك الله وياك
انا ياريت ربك ما هداني


فاضل كريم 💜

جنت رغم العوز ابادر
وأحنه فقرة ...

وحتى أجيبلها هدية
أكطع التدخين فترة


أبراهيم مطر 💜

دوريــتك … ردت اكلك كلمة
اكبر من احبك مالگيـت

وردت اكلك …نزلت دموعي عليك
وأهلي ماتوا مابچيـت


حسين الصباح 💜

واذا تحرمنا منك قابل نعوفك
نصير أطفال من جوه الابواب اعيونه تشوفك


عزت عباس 💜

يدوس الغروب بگلب الاحنان
يا كون اموت و ما يجي الليل


أيهاب عيال الظالمي 💜

هذا الليل ما ينام
أمسح راسي خلي أغفه

هدوء وبالي ما مرتاح ...
بالي بهوستك يصفه


ياسر فليح 💜

أنا كائن من حرير
ينذبح عصفور أمـوت
وينولد عصفور أطير


عماد المطاريحي 💜

يسألوني وأكلهم بالبخت عفته
ويجي الليل ويچن كلهن
ضحكتك ، صورتك ، وأنت


مظفر النواب 💜

مشتاقلك بس أنت مو الاولي
مالك خلكنا وحيل صاير صعب

نخط الرسالة بدمنه مو بالحبر
وما تنقري وصارن برفك كتب


حيدر هواد 💜

الشيب يهون يترجع بجف حنة
الهضيمة الراح
دزينه چثير جفوف ماكدرن يردنة


رسول المنصوري 💜

حزين وياهو يوصلني ..
يبعد روحه من عندي

حقهم ما أللوم الناس
مرات الحزن يعدي


ليث ماجد 💜

لا تتوازة على ضله .. تريد تروح؟
أروح وياك .. ياهو اليسوة أبقالة

شفتلك محترك طايب وتبجي إعليه؟
وانا دخان كلبي يدلي رحالة


مصطفى ابو سمير 💜

راسة بحضن غيري ودزلي مرسال
متغير يكلي وأنت عايل !!


حيدر هواد 💜

شحجي لليسأل علينا؟
بعد ما ملگاك جان وياي شبگه
نرجع نسلم بـ أدينة !!


سجاد سالم 💜

ليل ويستحي التايه يدك الباب
أطلع شوف روحي أبابك شعدها


سجاد مجبل 💜