إنا لله وإنا أليه راجعون.. الى جنات الخلد سيد حسن نصر الله 💔😔

أنحب ياگلب هاليوم حيل بلوعتك أنعه..
شال البي حميه وزود حفيد الطاهره البضعه..

#وداعآ
#سيد_حسن_نصر_الله

الكون في أمتحان
لا أمــــــن لا أمــان
ياصاحب الزمان
#اللهم_عجل_لوليك_الفرج
#أدركنا_ياصاحب_الزمان
💔💔

وحشه لفراق الزهراء عليها السلام
▪️▪️▪️▪️▪️▪️▪️
حن الگلب واشتاگ لمي الزچيه
وحشه وحزن وايتام هاي المسيه
▪️▪️▪️▪️▪️▪️▪️
راحت وخلتنه والدمع نهران
امنه مشت عنه ايتام بأحزان
بضلوعنه شبت يا ناس نيران
تسعر جمر بأحساس دمعه جريه

✍️هدى المطر ام محمد
▪️▪️▪️▪️▪️▪️▪️
حن الگلب واشتاگ لذيج الليالي
والي جرى والصار موش علبالي
زغيره ييمه ليش رحمي ابحالي
سمعي نياحي عليج ردي عليه

✍️ ام محمد الساري
▪️▪️▪️▪️▪️▪️▪️
رديلي يم حسين زودتي همي
ضاكت علي دنياي خل عيني تعمي
مري عليه بطيف يحبيبه سلمي
حن الكلب واشتاك نكعد سويه

*✍🏻أم عبــــــــــد اللـــــــــه العـــــــــابدي*
▪️▪️▪️▪️▪️▪️▪️
تسعر جمر بالروح وبصدري حسره
ليلي ونهاري اصيح وبكلبي جمره
رحتي ييمه بساع والدنيه مره
كل ليله اون اعليج والبيه بيه

✍️ خادمة الزهراء أم أحمد
▪️▪️▪️▪️▪️▪️▪️
كل ليله أون أعليج وبروحي لجمه
صغيره على التابوت يحبيبه يمه
خلافج دليلي ينوح واللوعه سهمه
يمه خذاج الموت من بين اديه

✍🏻آلــــّعــلّويِـــه آلّمٌوسويِــــۿ
▪️▪️▪️▪️▪️▪️▪️
ريته ييمه الموت ماخذني وياج
ما نرهم احنه دوم زهره بلياج
روحي ابحزن وأشجان يحبيبه تنعاج
ماخلت امنه ليش هاي الدنيه

✍🏻ام زين العابدين لمحمداويه
▪️▪️▪️▪️▪️▪️▪️
تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او يتلاعب بيها

https://www.tgoop.com/alweyaamosaweyarrrr2626

#لسان_حال_السيدة_زينب
بعد فراق أمها السيده الزهراء{نوحيه}

أسم الله من نوم اللحد..
بعدج بعمر الورد..
آه يايمه.. آه يايمه
آه يايمه.. آه يايمه
◇───────◇───────◇

يالمشيتي بغير وكتج وسفة حرموج الهوه
أنتي أول حلم عشته وجنتي لعيوني الضوه
أني وأنتي أنفاس وحده تصعد وتنزل سوه
خنكه صار الكون بعدج كلبي منج ما روى

وسفة وجهج يبتعد..
بعدج بعمر الورد..
آه يايمه.. آه يايمه
آه يايمه.. آه يايمه

◇───────◇───────◇

صرت محنيه بغيابج وأعثر بضلي كمت
جنت أسمع صوت ونتج يمه بثيابي متت
الدار وحشه خلاف وجهج بطيحتج يمه طحت
منين أجيبن كلب صافي يالعليج أتعلمت

باقيه خلافج جسد..
بعدج بعمر الورد..
آه يايمه.. آه يايمه
آه يايمه.. آه يايمه

◇───────◇───────◇

كلشي مات خلاف عينج كلبي ماينبض بعد
عكبج الدنيه حزينه وكلبي للهم أستعد
ريت وي نعشج ييمه نعشي للباري صعد
لسه أذكر صوت حزنج وأنتي تقرين الحمد

صعبة مثلج ينوجد..
بعدج بعمر الورد..
آه يايمه.. آه يايمه
آه يايمه.. آه يايمه

◇───────◇───────◇

نار الي يفارك حبيبه يختنك وكت العصر
وآنه مشتاكه لحنانج عكبج أيامي عسر
نار فكدج يالحنينه جمره بيه وتستعر
تذبح بكلبي المحنه وروحي تلهب جن جمر

طاح بيتي والعمد..
بعدج بعمر الورد..
آه يايمه.. آه يايمه

◇───────◇───────◇

من عكب شخصج ييمه كلبي ماعاشر فرح
عاشرت بس الهضيمه والجرح يتبع جرح
ردي خليني أشمج أهدي روحي لو يصح
خل أشوف أنوار وجهج ياشمس وجه الصبح

عيني لديارج تصد..
بعدج بعمر الورد..
آه يايمه.. آه يايمه
آه يايمه.. آه يايمه

◇───────◇───────◇

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://www.tgoop.com/alweyaamosaweyarrrr2626

((وزن الفائزي))
قصيدة ثقيله للزهراء عليها السلام..
لسان حال السيدة زينب تقول..


البيت ماينطب بعد عگب الحنينه..
هاليوم كلبي من الألم زايد ونينه..

⊹✿◌‌‌◌‌‌◌‌‌◌‌‌✿⊹​​​​

حملت بالليل ومشت ماردت النه
والبيت ضل يوحش عكب أم المحنه
ودعنة أيام الفرح من ماتت أمنه

الياخذة الموت بعجل شيردة لينه..
هاليوم كلبي من الالم زايد ونينه..
✍🏻ضحى البلوشي
⊹✿◌‌‌◌‌‌◌‌‌◌‌‌✿⊹​​​​

ودعنه أيام الفرح والبيت خالي
ليلية أصيح بحسرتي يمه تعالي
ردي يزهره بروحتج بس هم صفالي

يل جنتي خيمه النه وسند ردي علينه..
اليوم كلبي من الألم زايد ونينه..
✍🏻 آلــــّعــلّويِـــه آلّمٌوسويِــــۿ

⊹✿◌‌‌◌‌‌◌‌‌◌‌‌✿⊹​​​​

من راحت أمي من وكت آه ياعمرهه
ماخاف الله أبن الدعي لمن عصرهه
أيتام خلتنه ومشت يوجر قهرهه

الحالها يبجي الصخر بجي الحزينه..
هاليوم كلبي من الألم زايد ونينه..
✍🏻 ام مصطفى الاسدي
⊹✿◌‌‌◌‌‌◌‌‌◌‌‌✿⊹​​​​

الموت ماخذ ضحكتي وشيردها إليه
جن ماي صافي اطشرت من بين أديه
والتمشي أمه بهل السفر ما بيها جيه

وحتى العرش ناح وبچه يمه لبچينه..
هاليوم كلبي من الألم زايد ونينه..
✍🏻العلويه الاء
⊹✿◌‌‌◌‌‌◌‌‌◌‌‌✿⊹​​​​

للموت ياوسفة بعجل رحتي ييمة
مكسور ضعلج فاطمة وبالكلب هضمة
يمة المباني موحشة بلياج ضلمة

ضلينه من بعدج تره نصفك بدينه..
هاليوم كلبي من الألم زايد ونينه..
✍🏻ضحى البلوشي
⊹✿◌‌‌◌‌‌◌‌‌◌‌‌✿⊹​​​​

تمت القصيده بأقلام شاعرات رابطة قرابين الطف لا نجيز حذف الأسماء..

(اللهم عجل لوليك الفرج)

https://www.tgoop.com/alweyaamosaweyarrrr2626

عندما أراد الأمام علي دفن مولاتنا الزهراء نادى لأولاده هلمو لتودعو أمكم فاطمة الوداع الأخير (يعني هاي أخر ليلة تشوفون وجه الزهره)
لسان حال السيدة زينب 💔


تاني يدفان الحنينه شويه تاني
ثواني خليني أودعها ثواني
بلاني الدهــر بمصابج بلاني

آنه خليت خدي فوك خدج
يريت وياج وأتوسد بكبرج
ماتسوة الحياه يايمه بعدج

يمه المنيه بيه ولا بيج المنيه
جروح بيه يالخلفيتي جروح بيه
تصعب عليه ييمه روحتج تصعب عليه

يمه ميته خلاف عينج عسني
ولايبطل بعد يحبيبة وني
ليالي الضيم من عكبج لوني

يم ملگه الحلو ردت أكعد وياج
أحــن لسوالفج وأتسامر حذاج
سطر خدي الدهر من يوم فركاج

شلها ويانه هاي الدنيه شلها
وولدج يم حسن مدامعها تهلها
شــالـت دنيتي وأظلـم نزلها

دارج يم هلا وحشه وخليه
موحش والنزل خالي عليه
لأضل أنعاج كل صبح ومسية

بتابوت من شالوج يمه يمه
أحس غص الكلب والكون ضلمه
يالجنتي الهوه وعطرج أشمه

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://www.tgoop.com/alweyaamosaweyarrrr2626

#الليالي_الفاطمية
#لسان _حال_أولاد الزهراء

ودعنه الحنينه بدمعة وبحسرة
واليفكد حضن أمه أنكسر ظهره

ـــــــــ❀••❀ـــــــــ
ودعنه الحنينه والكلب بي آه
بقينه نصيح بغيابج ألف ويلاه
ياريت اليموت تموت أهله وياه
ولايبقى بألم الغياب والكسره..
ـــــــــ❀••❀ـــــــــ
ياكسرة غيابج تجرح الخاطر
نصيح بصوت يمة بدمع متناثر
بلجي ولن تجينه اليوم لو باجر
نكعد عالدرب والراح ننتظره..
ـــــــــ❀••❀ـــــــــ
عاشرنه الألم والأه من رحتي
يالجنتي الهوه والروح يالجنتي
مفكود الوطن يحبيبة من شلتي
يالحضنج وطن مذبوح لي يخسره..
ـــــــــ❀••❀ـــــــــ
يالكلج حنان وبيش أوصفنج
ياريت المنيه ألنه ومشت عنج
يحتـــار العقــل بيمـن أشبـهنج
يالجنج ورد آه ياضوه الكمرة..
ـــــــــ❀••❀ـــــــــ
نشتاك لحنانج يم هلا وملگه
نون يوميه نتحسر بألف شهكة
شيقنعه الكلب مايحمل الفركة
يانار الفگد تلهب مثل جمره..
ـــــــــ❀••❀ـــــــــ
شيقنعه الكلب من شلتي شيقنعه
صدك شايل يطولج مابعد رجعه
بثيابــج نشـــم نبجيـلج وننـعـه
نضل طول العمر نسجبلج العبرة..
ـــــــــ❀••❀ـــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://www.tgoop.com/alweyaamosaweyarrrr2626

ياقرة عين الرسـول 💔💔

#الليالي_الفاطمية
#عزائية_للزهراء


آويلاه يافاطمــــــــــة..
آويلاه يافاطمــــــــــة..


زينب تنوح الليلة .. أويلاه يافاطمة
وحسين دمعه يسيله .. أويلاه يافاطمة
والحسن طايح حيله .. أويلاه يافاطمة
شالت الزهرة العالمة..
آويلاه يافاطمــــــــــة..

حيدر يغسلها بدمع .. أويلاه يافاطمة
ودلاله بالفركه أنفجع .. أويلاه يافاطمة
مفجوع من كسر الضلع .. أويلاه يافاطمة
راحت حزينه مألمه..
آويلاه يافاطمــــــــــة..

جفنها أحمر منسطر .. أويلاه يافاطمة
ماتت تون من الكسر .. أويلاه يافاطمة
ماعاشت سنين العمر .. أويلاه يافاطمة
بلوعة حزنها محزمه..
آويلاه يافاطمــــــــــة..

گضت عمرها بالحزن .. أويلاه يافاطمة
ماغمضت لحظه الجفن .. أويلاه يافاطمة
حتى الصخر لأجلج يون .. أويلاه يافاطمة
وضلوع حيل مهشمه..
آويلاه يافاطمــــــــــة..

دنياج مابيها رحم .. أويلاه يافاطمة
حتى جنينج ماسلم .. أويلاه يافاطمة
گضيتي عمرج بالألم .. أويلاه يافاطمة
وعالدمعة دوم أمعلمة..
آويلاه يافاطمــــــــــة..

زينب تون لفركتج .. أويلاه يافاطمة
تفز وتروح لحجرتج .. أويلاه يافاطمة
صاحت ييمه وندبتج .. أويلاه يافاطمة
وأنهدت أركان السمه..
آويلاه يافاطمــــــــــة..


تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://www.tgoop.com/alweyaamosaweyarrrr2626

فزاعيه للزهراء سلام الله عليها
بأقلام شاعرات الحسجه الجنوبيه #رابطة الطفوف


••الج يحله اللطم يالبعدج زغيرة••

الج يحلة اللطم والنوح والونة
لجل ضلعج يزهره أرواح قدمنه
وللمجلس نجي وزينب تگابلنة

(اليوم الحرة.. نعازيها)

ماننساج يالضلعج مكسرينة
الحد اخر نفس مولاتي تدرينة
ونريدج عالسراط انتي تعبرينة

(تحضرينة وبذيج الحفره)
✍🏻ضحى البلوشي

نريدج عالسراط بهمه ويانه
نسمع صوت منج أنتو بحمانه
بينه ارواح من الضيم تعبانه

(اتحامينه وبيوم الشدة)
✍🏻طالبةالزهراء

بينه أرواح من فركاج ملجومه
نصيح بصوت يازهرة يمظلومة
يا بنت النبي يالشلتي مالومه

(عامينه ياالزهرة فراكج)
✍🏻آلــــّعــلّويِـــه آلّمٌوسويِــــۿ

عليچ من البواچي العين معميه
تسوين اللطم والنوح يوميه
انريد الرضا من عندج يمرضيه

(وعيونچ خليهه علينه)
✍🏻العلويه الاء

حگي اعلیچ لو ون العمرکله
ونوحي یلحنینه ابد مامله
موتچ بلگلب میت جرح خله

(تبچیلچ دم ضلت عیني)
✍🏻المیرزه ام ليلي الخاقانی

تمت القصيده باقلام شاعرات رابطه
#الطفوف
#منتدى_القلم الفاطمي
اللهم عجل لوليك الفرج

• ━━━━━━❪❆❫━━━━━━ •


https://www.tgoop.com/alweyaamosaweyarrrr2626

اللهم أحفظ مرقد السيدة زينب بعينك التي لاتنام.. اللهم بعين صاحب الزمان
#اللهم_عجل_لوليك_الفرج

السلام على زينب المضطهده المظلومه
ــــــــــــــــــــ

دارمیات بحق مولاتنا کعبة الاحزان ع

یازینب مکانكِ المهیب یعکس معاناة اهل البیت ع ویجسد القیم الانسانیه والنبیله من صبر وثبات أمام الظلم..


زينب تون اليـــوم عــمه يمهدي
بين العده ضليت محتاره وحدي

✍🏻ام عباس ابحسیني

▪️▪️▪️▪️▪️▪️▪️

بالك تكول اليوم زينب وحيده
بس يسمع العباس الطف يعيده

ام زهراء البصراوية

▪️▪️▪️▪️▪️▪️▪️

عمتك تون بالشام مسها الوكت حيل
بيهه العده يحيطون والمدمع يسيل

✍🏻ام محمد الحجاج

▪️▪️▪️▪️▪️▪️▪️

بس يسمع العباس صدكوني يزعل
ومو بالدمــع بالدم مرقدها.  ينبل

ام زهراء البصراوية

▪️▪️▪️▪️▪️▪️▪️

لا مو وحيدة اهناك وياها الكلوب
ومن تفزع العشاك تطويها الدروب

ام زهراء البصراوية

▪️▪️▪️▪️▪️▪️▪️

خل يسمع العباس بخته وهضمها
وازوها لبعـاشــــور حرگــو خيمها

✍🏻ام محمد الحجاج

▪️▪️▪️▪️▪️▪️▪️

عمتك يمهدي تريد فــزعه امنهلها
زحمه الشماته تشوف مايل حملها

ام محمد الحجاج

▪️▪️▪️▪️▪️▪️▪️

حشّم الساده وياك وافزع گبلهم
يتبعونك مفرعين موش بعِگلهم

ام محمد الحجاج
▪️▪️▪️▪️▪️▪️▪️

عمتك يمهدي اليوم طايح حملها
صيح الكفل الأيتام خل يفزعلها

✍🏻آلــــّعــلّويِـــه آلّمٌوسويِــــۿ

▪️▪️▪️▪️▪️▪️▪️

زينب تون وتصيح وينك يكفال
كوم ألحك أختك كوم من رجس الأنذال

✍🏻آلــــّعــلّويِـــه آلّمٌوسويِــــۿ

▪️▪️▪️▪️▪️▪️▪️

عمه يــنـور العيــن الحك لحالي
محتامه فزعه اليوم محد بگالي

✍🏻ام عباس الحسیني

▪️▪️▪️▪️▪️▪️▪️

ثار أمي والمظلــوم إنت تجيبه
نكسرت يعمه ضلوع وآنا غريبة

✍ زهراء اللامي

▪️▪️▪️▪️▪️▪️▪️

زینب بوسط الشام مرقدها محدود
هجمت علیها الگوم اظهر یموعود

زینب تون وتنوح ونتها صعبه
اظهر یراعي الثار والعدو رعبه

نسرین الفاطمیه..


#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tgoop.com/alweyaamosaweyarrrr2626

#ياأم البنين

نقره الفاتحه بسمج ونهديهه••
كل حاجه آعله بابج ماتخليهه••

                         ┈┉━❀•• ••❀━┅┄
نقرة الفاتحه لو طحنه بالشده
ابزودج يالوفية بساع تتعده
نكصد مجلسج والبيرغ أنشده
ماخاب الوفد حاجاته تكضيهه..

بسمج لو قريت الفاتحه الليله
واشعلج شمع وأعكدها هالشيلة
نقره مصيبتج والمدمع نسيله
الدمعه من دمة مولاتي نجريهه..

ياأم الكفيل الليلة أحضرينه
حضرنه مجلسج تعلى بواجينه
نحلفج بالذبيح ومدة أيدينه
كل علة ومرض بيدج تطيبيهه..

منزلتج جبيرة الله خلاها
تكضه الحاجه لو ذكرنه طرواها
هاي أم الكمر و الهم تولاها
جثيرات المصايب جلبن بيهه..

أجينه لمجلسج والروح عناية
نلطم عالجبين ونرفع الرايه
هاي أم البنين البيها الكفاية
لأجل أم الوفه الصيحة نعليهه..

ماخاب اليدك بابج يمهيوبة
ثكيلة همومنه والروح متعوبه
نحلفج بالذبيح السلبو ثوبه
كل هضمه وعسر بيدج تيسريهه..

                        ┈┉━❀•• ••❀━┅┄

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://www.tgoop.com/alweyaamosaweyarrrr2626

{{ فزاعية هوسة مع رباط }}
للسيدة زينب عليها السلام

ياهو الگال زينب وصلو الحدها
لون يدرون فزعة حيدره و جدها
------------------------------


ياهو الگال زينب صارت بشده
اخت ذاك البطل واليوصل اشحده
نگص ارگابهم لو واحد اتعده

(واليوصل يمچ ياويله)

✍#ام مهدي الفرطوسي
❀●❀━━━━•❀•━━━━❀●❀

ألج يم عون كلنه اليوم وفاية
نوصل وبضريحج نرفع الرايه
ياأخت الكفيل وكد الحجايــه

(ياويله واليوصل خدرج)

✍🏻#آلــــّعــلّويِـــه آلّمٌوسويِــــۿ
❀●❀━━━━•❀•━━━━❀●❀

هاي ام عون وشحده التدناها
موجود الحشد وبروح یفداها
کلها جنود عباس الي وافاها

(ام عون احدودچ، مآمونه)

✍#رافضیه وافتخر(نسرین الفاطمیه)
❀●❀━━━━•❀•━━━━❀●❀

الشيعة تصير سد وتحمي ثايتهه
زينب ساتره الشام بعبايتهه
عله المرقد ترف ام عون رايتهه

( مرقدهه سباع يحرسونه )

✍#ام محمد الحجاج
❀●❀━━━━•❀•━━━━❀●❀

اشحده اليوصل احدودچ يعلويه
عدنه ازلام عدهه الحرب كيفيه
حشدنه الخوف العدوان طاريه

(واليگرب مارايد روحه )

✍#ام مهدي الفرطوسي
❀●❀━━━━•❀•━━━━❀●❀

کریمــه والــنــسل عالـــي ومحياهه
تضــل ام الخــــدر تزهـــي یمحلاهه
بعــرش الله بگـه  دایــم لها  لــواهه

  ( ولواهـا ضل  دومه  عالي )

✍🏻#ام عباس الحسيني
❀●❀━━━━•❀•━━━━❀●❀
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tgoop.com/alweyaamosaweyarrrr2626