#محرم_الحرام_1447هـ
#عاشوراء_الحسين
#اللهم_عجل_لوليك_الفرج

#لسان حال مولاتي رملة وهي تخاطب القاسم عليه السلام....


يامسية العافية آعله عيونك..
بعــده يزهي لــو تغير لونك..

أسم الله من نوم التراب..
يمة يل بعدك شباب ..
بعــده يزهي لــو تغير لونك.. 

ـــ❀••❀ـــ❀••❀ـــ❀••❀ـــ❀••❀

أسم الله يابعد الحبايب نايم بحر الشمس
جيتك ودمعاتي تجري أدري بيه أنته تحس
ردت أشوفك يادليلي كمرة بثياب العرس
تالي ياجسام يبني كطعو بروحي النفس

يسعر بكلبي المصاب..
يمة يل بعدك شباب ..
بعــده يزهي لــو تغير لونك..

ـــ❀••❀ـــ❀••❀ـــ❀••❀ـــ❀••❀

لحظة ياموت وتمهل شماخذ أنته وشايل
بكلبي تحرك ذكرياته ماشي عني وراحل
نايم وليدي شحلاته و چنه وردة وذابل
شال من عيني اليباري واليرد كل عايل

بغيبتك كل راسي شاب..
يمة يل بعدك شباب..
بعــده يزهي لــو تغير لونك..

ـــ❀••❀ـــ❀••❀ـــ❀••❀ـــ❀••❀

عمت عيني من البواجي والبجي ماينفع
شفت جسمك  ياحبيبي بس وذر و مكطع
شكد أحاجي الروح يمة بلكي ليه وترجع
ماخذ أنته النَفس بية ريت روحي التطلع

عكبك العالم سراب..
يمة يل بعدك شباب..
بعــده يزهي لــو تغير لونك..

ـــ❀••❀ـــ❀••❀ـــ❀••❀ـــ❀••❀

أرد أسولفلك مصابي الصار من نتلاكة
ماغفت عيناي لحظة وآنه الك مشتاكة
نار الأخيام وجمرهن ونارهن حراكة
بطيحتك يانور عيني يركبوني الناكة

جم هضيمة وجم مصاب..
يمة يل بعدك شباب..
بعــده يزهي لــو تغير لونك..

ـــ❀••❀ـــ❀••❀ـــ❀••❀ـــ❀••❀
تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

#محرم_الحرام_1447هـ
#عاشوراء_الحسين
#اللهم_عجل_لوليك_الفرج
ختامية مجلس القاسم عريس الهواشم


واويلي على العريس••
واويلي على العريس••

طفو الليلة شمعاته.. واويلي على العريس
لطمن حيل عماته..
تكسر كلبي وناته..
يبني ويا نضر عيني..
واويلي على العريس..
⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​

رملة صاحت بلوعة.. واويلي على العريس
ببن الحسن مفجوعة..
تون بونة مسموعه..
وليدي لا تخليني..
واويلي على العريس..

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​

جابه للخيم عمه.. واويلي على العريس
مرة يقبله ويشمه..
يبجي بحرگة ويلمه..
طفو مهجة سنيني..
واويلي على العريس..

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​

ردتك للكبر تجوه.. واويلي على العريس
يابو سوالف الحلوة..
صارت موتتك بلوة..
وماضنيت تجفيني..
واويلي على العريس..

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​

بفيض دماك حنوني.. واويلي على العريس
ريت وياك ذبحوني..
شابت عكبك جفوني..
وطبراتك تأذيني..
واويلي على العريس..

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​

تيهت العقل والراي.. واويلي على العريس
يبني ويانضر عيناي..
مات وماتهنى بماي..
كوم أنهض وحاميني..
واويلي على العريس..

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​

يبني وثمر دلالي.. واويلي على العريس
هدمو بيك آمالي..
الموت وياك أحلالي..
هم ترد تلاكيني..
واويلي على العريس..

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​


تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

عزاء_القاسم (عريس الطفوف)


•شدي لطمة العريس أمه اليوم واسيهه•
•تبجي والدمع همال شال اللي يباريهه•

• ━━━━━━❪❆❫━━━━━━ •

شدي لطمة العريس والصيحات علوها
شمعات العرس ياحيف بالونات طفوها
مهموم الفكد شبان بس للهضمة خلوها
والونة على أم جسام وني وحيل عَليهه

• ━━━━━━❪❆❫━━━━━━ •

مذبوح الولد ياناس وين اللي تواسيني
غصن البان شال وراح عني من يباريني
يشبه هيبة العباس جاسم يانظر عيني
والتفكد ضناها بيوم نوم الليل يجفيهه

• ━━━━━━❪❆❫━━━━━━ •

حكهه أمه لو ناحت مهضومة على الغالي
شال ومابعد يرجع تكسر غيبة الوالي
موت الماخذك يبني ريته يصير جتالي
مكسورة كلب بجفاك ماترجع تسليهه

• ━━━━━━❪❆❫━━━━━━ •

شايل مني ياهل الناس روح ونفس بالريه
غيابك يابعد عيناي خله روحي محنية
رد ذبلان بيه كل موت راح الچنة جورية
رد يبني علية أجواب أمك ماتحاجيهه

• ━━━━━━❪❆❫━━━━━━ •

تبجي والدمع للشال من دم حنته خضابه
سهم البّين ماخلاه يجرح كلبي بصوابه
تبجي عالشباب الراح والدمعات سجابة
ظلمة دنيتي أبفركاك ردلي يمة حليهه

• ━━━━━━❪❆❫━━━━━━ •

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

#لسان حال مولاتنا ليلى تخاطب علي الأكبر


شيصير لو يطلع حلم ماميت أنته..
يالماخـــذ وياك العمر كلبي كسرته..
فك عينك وحاجيني..
ولوحدي لا تخليني..
كلبي كسرته.. كلبي كسرته
ــــــــــــــــــــــــــــــــــــــ
أكعد يبعد أمك ييمه وكـــوم وياي
أركض وأجيت امحيره يالبة حشاي
أرسومك ييمه يالولد متغيره هواي
أرجعلي يانبض الكلب ياكمره بسماي

وبروحتك تعميني..
ولوحدي لاتخليني..
كلبي كسرته.. كلبي كسرته
ــــــــــــــــــــــــــــــــــــــ
الراح من عدها الولد تكضيها حسرة
تدري الكلب من ينكسر شيجبره كسره
وانته جرحك يالرحت ماظنتي يبره
كل مغربيه آنه أنعصر والفركه مره

ماجنت اظن تجفيني..
ولوحدي لاتخليني..
كلبي كسرته.. كلبي كسرته
ــــــــــــــــــــــــــــــــــــــ
يا ناس المضيعة الولد ما نامت الليل
تبقى تون حد الفجر والمدمع يسيل
الفراك تذبح حسرته وايركد الحيل
التفكد ولدها ياخلك محنية وتميل

أفراكك سهم نص عيني..
ولوحدي لاتخليني..
كلبي كسرته.. كلبي كسرته
ــــــــــــــــــــــــــــــــــــــ
والراح من عدها الولد لاتضن ترتاح
تكضيهن سنين العمر بس ونة ونياح
شمحلاته من يجبل علي يالوجهه مصباح
طاح الحمل لمن رحت وشثكله من طاح

يالفركتك تجويني..
ولوحدي لاتخليني..
كلبي كسرته.. كلبي كسرته
ــــــــــــــــــــــــــــــــــــــ
مكسورة كلبي من الألم ماتطفى ناره
حاجيني ياكسرة كلب سويلي جاره
مابطل دموعي ويضل دمعي يتجارى
ياكسرة فراك الولد تذبح مراره

وبروحتك تاذيني..
ولوحدي لاتخليني..
كلبي كسرته.. كلبي كسرته
ــــــــــــــــــــــــــــــــــــــ
الفاتحه الى روح المرحوم الشاب أحمد جاسم والى ارواح المؤمنين والمؤمنات

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

نوحيـة حزينه لسان حال مولاتي الرباب وهي تخاطب ولدها المذبوح بسهم المنيه💔


افــز بليل وأركــــض للمهــد يمه
عين الما تشوفك من عسن تعمـه

آفز بليل وأسمع صوتك ابالي
أعاين للمهد وألكه المهد خالي
يـــــالجنك ورد ياكمره وتلالي
وأجر فراش مهدك بيه ألف هضمه..

أجر فراش مهدك والدمع سلوه
شلون أنساك يابو ضحكة الحلوة
من عندي خذاك الموت بالكوة
وحزني البلكلب ياوليدي شيلمه..

متعوده عليك ودومك أكبالي
تفاركني ابـــد ما جــــانت أبالي
عمت عين الزمان الما رحم حالي
كل مصباح يمه نحرك أشتمه..

يمه خلاف عينك حيل مابيه
صبر منين أجيبه وآصبر شويه
أشم وسادتــــك بضلوع محنيه
يالوجهك صبح وبغيبتك ظلمه..

شيريد الدهر كل يوم ياذيني
أخذ مني الحبايب زهره سنيني
رحت من أيدي يمة يابعد عيني
سهم نحرك تركلي بالكلب لجمة..

يايمه الصبــر مـن ويـــن أجيبنه
حسبتك تـضل وبشوفـك أتهنه
عليك النوح يحله ولايگه الونه
حسافه تنذبح يالمبسمك نعمة..

ــــــــــــــــــــــــــــــــــــــ
تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

#الوداع


◈هـــاي أخـــر ليلة كعدتنه سوية◈
◈ليــلة وداع الحبايب هل مسية◈

خوية مايكفي السهر.. كون الموادع دهر

══━━━━✥◈✥━━━━══

هاي أخر ليلة بيها ما أنامن ليلي
حيلي أنته وفاركتني يابعد كل حيلي
سولف شعندك يخوية شما يصير أحجيلي
الدنيه يالغالي بغيابك كل شي ماتعنيلي

خوية مايكفي السهر.. كون الموادع دهر

══━━━━✥◈✥━━━━══


خوية من دمعي البجيته ذابلات جفوني
أنثر سنيني وحياتي وأنطي هاي عيوني
كوم ردني للمدينة لوحدي لتخلوني
عشت وياكم حياتي صعبة لو عفتوني

خوية مايكفي السهر.. كون الموادع دهر

══━━━━✥◈✥━━━━══

روحي ملهوفة لوداعك كلبي يمك ضامي
يــا عمود الخيمة أنته وطيحتها أخيامي
أبد مــا أنساك لحــظة شما تمــر أيامي
لو غمض جفني اشوفه نحرك يظل دامي

خوية مايكفي السهر.. كون الموادع دهر

══━━━━✥◈✥━━━━══

يل وداعك كسر بية أرد أشمك بالنحر
باجر بسوح المنايا ذبحتك ويه الظهر
سرجك المكلوب دامي من يرد خالي المهر
والصبر عكبك يخوية يرتحل مني الصبر

خوية مايكفي السهر.. كون الموادع دهر

══━━━━✥◈✥━━━━══

حالي ما أكدر أوصفة الله يدري بحالي
الغالي لو شال وتركنه من يعوضة الغالي
لو غمض جفني يخوية أنته تتراوالي
ساكن بروحي وأحسك أقرب من آخيالي

خوية مايكفي السهر.. كون الموادع دهر

══━━━━✥◈✥━━━━══

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

#لطمية_عزائية
#ظهر_يوم_العاشر
#بعد قراءة المقتل الحسيني وحرق الخيام..


حسين من طاح الظهر .. محد أجاله وشاله
مذبوح ويلي من الكفه .. و تلكته الخيالة


طايح ولا واحد وصل .. وتلكته الخيالة
دمع الحزن طاح وهمل ..وتلكته الخيالة
ذبحو أبن خير العمل .. وتلكته الخيالة
ينزف دمة من أوصالة..

مصيوب ويلي براسه .. وتلكته الخيالة
و كوة يجر أنفاسه .. وتلكته الخيالة
ماظل تعب ماجاسه .. وتلكته الخيالة
تبجي السمه وتنعاله..

ألف وتسعمية جرح .. وتلكته الخيالة
ضامي أمامي ومنذبح .. وتلكته الخيالة
ينزف دمة وجه الصبح .. تلكته الخيالة
ويلاه ياطف كربله وأهواله..


ركضت وأجتله نايحة .. وتلكته الخيالة
نصبت عزية وفاتحه .. وتلكته الخيالة
بطيحة أخوها طايحة .. وتلكته الخيالة
ركضت تشوف أحواله..

صاحت يبوية حيدرة .. وتلكته الخيالة
الغالي ذبحو منحرة .. وتلكته الخيالة
مجتول سبع الكنطرة .. وتلكته الخيالة
مفزوعة ويلي عياله..

حركوها يابوية الخيم .. وتلكته الخيالة
ناديت شيال العلم .. وتلكته الخيالة
تنزف جروحي من الهظم .. وتلكته الخيالة
ودموع زينب ع الوجن همالة..

ركضن بنات أم الحسن .. وتلكته الخيالة
بنار الهظايم وجرن .. وتلكته الخيالة
ناحن على حسين وبجن .. وتلكته الخيالة
وباجر سبايا لليسر وحبالة..

ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ


تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

#عزائية
# تقرأ في ظهيرة يوم العاشر أو في ختام المجلس


أويلاه يافاطمة ..
أويلاه يافاطمة..

وحسين حزو منحره
أويلاه يافاطمة..
والدمه من راسه جرة
أويلاه يافاطمة..
أرضه وسمه متكدرة
أويلاه يافاطمة..
أويلاه يافاطمة..

والشمر حز راس الولي
أويلاه يافاطمة..
أفزعلي بوية ياعلي
أويلاه يافاطمة..
طايح عضيدي وكافلي
أويلاه يافاطمة..
أويلاه يافاطمة..

عباس ظل صوب النهر
أويلاه يافاطمة..
مصيوب يافارس مضر
أويلاه يافاطمة..
نيران كلبي تستعر
أويلاه يافاطمة..
أويلاه يافاطمة..

والخيل هدت ع الحرم
أويلاه يافاطمة..
بالنار حركوها الخيم
أويلاه يافاطمة..
كلهم ضحايه أهل الشيم
أويلاه يافاطمة..
أويلاه يافاطمة..

صحت بحزن يم الحسن
أويلاه يافاطمة..
بنياتج بنار أنجون
أويلاه يافاطمة..
ع الشوك والرملة مشن
أويلاه يافاطمة..
أويلاه يافاطمة..

ظليت وحدي أمحيرة
أويلاه يافاطمة..
والدمع من عيني جرى
أويلاه يافاطمة..
باجر بگيدي أميسرة
أويلاه يافاطمة..
أويلاه يافاطمة..


𓂃⊹𓂃⊹𓂃⊹𓂃⊹𓂃⊹𓂃⊹𓂃⊹𓂃⊹

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

#ختامية للمجلس


يبقى يهل دمع العين.. على حسين وأولاده

• ━━━━━━❪❆❫━━━━━━ •

يبقى يهل مني الدمع.. على حسين وأولاده
ضامي أمامي ومنصرع..على حسين وأولاده
مكسور منه چم ظلع.. على حسين وأولاده
منحور راسه ياچبير السادة..

• ━━━━━━❪❆❫━━━━━━ •

ألطم وأنوح مصابة.. على حسين وأولاده
نار الكلب لهابة.. على حسين وأولاده
يابو علي وصوابه.. على حسين وأولاده
رمل الترب صار لأمامي وسادة..

• ━━━━━━❪❆❫━━━━━━ •

مذبوح والمنحر يصب.. على حسين وأولاده
ماشرب من ماي العذب.. على حسين وأولاده
جمر الحزن فار ويشب.. على حسين وأولاده
وظلوعه صارت للخيل سجادة..

• ━━━━━━❪❆❫━━━━━━ •

جرح الكلب هد حالة.. على حسين وأولاده
متكطعات أوصاله.. على حسين وأولاده
محد فزعله وشاله.. على حسين وأولاده
هموم الكلب تتراده..

• ━━━━━━❪❆❫━━━━━━ •

والخيل داست صدرة.. على حسين وأولاده
نار الكلب متوجرة.. على حسين وأولاده
نصبت عزية الزهرة.. على حسين وأولاده
مخضب يرد أجواده..

• ━━━━━━❪❆❫━━━━━━ •


تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

#قصيدة_ساعه_مصرع_الأمام الحسين وصعود جبل الصبر السيدة زينب
الى التل
تقرأ في يوم العاشر وما بعدها..



صعدت التل يخويه وآنده اعليك..
أنجانــك عــدل أشـــرلي بيــديك..

ـــــــــ❀••❀ـــــــــ

أشرلي صحت ياحسين وينك
حركو خيمتي وهجت بنينك
شعدها الگوم بيمن طالبينك
اجيت المصرعك بلك الحك اعليك

✍🏻ام عيسى الدليمي

ـــــــــ❀••❀ـــــــــ

بلكت الحك الونات الاخيرة
وتدري بناظري المن اديرة
لاعباس لاشيخ العشيرة
ماضلي آمل حته اعتني ليك

✍🏻ام حيدر العبادية عمارة

ـــــــــ❀••❀ـــــــــ

ان جانك عدل اشرلي يحسين
حاطتنه العساكر خوية صوبين
انطيه الوجه يبن امي لاوين
اوصلك ردت بلكت اداويك

✍🏻ام مرتضى الخزرجي

ـــــــــ❀••❀ـــــــــ

أوصلك ردت وبصوتي صحتك
من ضرب الرماح وما عرفتك
ذَبحك من گفه يحسين شفتك
أكعد يالولي خليني أحاجيك

✍🏻آلــــّعــلّويِـــة آلّمٌوسويِــــة

ـــــــــ❀••❀ـــــــــ

اجيت محمله يبن امي اهموم
شفتك ياالولي امخضب ادموم
يخويه بخيلهم حاطتك الكوم
اجيتك بل عباية وردت افييك

✍🏻ام خضير المهدوية

ـــــــــ❀••❀ـــــــــ

تمت القصيده بأقلام شاعرات رابطه
قرابين الطف لانجيز حذف الأسماء للنشر

https://www.tgoop.com/alweyaamosaweyarrrr2626

#عاشوراء_الحسين
لسان حال السيدة زينب بعد مصرع الأمام الحسين روحي له الفداء 💔

أفزعلي بوية ياعلي
طايح جبير السادة..

طايح ذخرنه والسند.. طايح جبير السادة
والوالي مايرجع بعد..
يجروحه ماألهن عدد..
وصار التراب وساده..
طايح جبير السادة

خلاني أحير بلوعتي.. طايح جبير السادة
من دمه تنزل دمعتي..
كسرة جبيرة كسرتي..
شال وتركها أولاده..
طايح جبير السادة

طايح يقرأن الفجر.. طايح جبير السادة
خلافك ولاأريده العمر..
وبطيحتك ظهري أنكسر..
كلبي بجروحه ناده..
طايح جبير السادة

حركوها يحسين الخيم.. طايح جبير السادة
ياخوي والحيل أنهدم..
حتى الطفل هم ماسلم..
شيردهم الهداده..
طايح جبير السادة

كفالي مصيوب برمح.. طايح جبير السادة
وجروحي ملجومه بجرح..
وأخواني كلها تنذبح..
وحيل الجسد يتراده..
طايح جبير السادة

باجر نروح ويه الغرب.. طايح جبير السادة
وبسياط بتكم تنضرب..
أنهض ينايم عالترب..
زينب أجت نشاده..
طايح جبير السادة

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

ذبحو عزيزج يالزهره
واحسيناه واحسيناه 💔💔😭

عظم الله لك الأجر يامولاي ياصاحب الزمان 💔

#اللهم_عجل_لوليك_الفرج

#حضور الزهراء لمصرع ولدها الأمام الحسين


•الليلة أم الحسن هلت بواجيهه•
•خذت ذيج العمامة الهوسو بيهه•

• ━━━━━━❪❆❫━━━━━━ •

خذت ذيج العمامة وناحت بعبرة
أجيتك يالولد آنه أمك الزهرة
تعنيتك بكلبي وبالكلب حسرة
لأركان السمة وصلت نواعيهه
• ━━━━━━❪❆❫━━━━━━ •
نصبت هالعزة وناحت أله الليلة
تبجي آعله الكفل والمدمع تسيله
أجت للمشرعة وغطته بالشيلة
رادت من دمه العباس تمليهه
• ━━━━━━❪❆❫━━━━━━ •
ركضت للخيم وصلت لعد زينب
شافت بس حرم وأيتام تتعذب
نيران العده متوجرة وتلهب
أجت لأم الخدر يمهه وتواسيهه
• ━━━━━━❪❆❫━━━━━━ •
أجتهه والهظم وناته مسموعة
شافت بت علي بخوتهه مفجوعة
لوعات الأخو المتكسرة ظلوعه
شافت جثته ومحد يواريهه
• ━━━━━━❪❆❫━━━━━━ •
محزون الكلب وجروحي لهابة
أصيحن وأنتحب ياكلبي وصوابه
سجابه  و تظل دمعاتي سجابة
على حسين وعضيده عيوني أعميهه
• ━━━━━━❪❆❫━━━━━━ •

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

آه يازينب آه 💔

#ليلة_الحادي_عشر
#ليلة_الوحشه

هذه الليلة ليلة العزاء الحقيقية لمولاتي السيدة زينب عليها السلام وصلت الى أرض المعركه بعدما هدء صليل السيوف
وبقى فقط صوت الرياح يعم الأجواء ذهبت لتبحث عن أجساد أخوتها في أرض الميادين شافتهم وصاحت......



محتارة يخوية وداعتك محتارة
والكلب نارة تفور وماهدت ياكلبي نارة
دمعي يتجارى عليكم ياهلي دمعي يتجارى

جلجل الليل ولاواحد فزع مو جلجل الليل
مهدوم ياحيل على أحبابي المشو مهدوم ياحيل
دمعاتنه تسيل بجينه من الهظم دمعاتنه تسيل

مكسورة الكلوب وبليل أهدعش مكسورة الكلوب
وحشة هالدروب زينبكم وحيدة بنص الدروب
الفاكدله محبوب يموت وينطفي الفاكدله محبوب

ثكيلة ثكيلة ياعلة الفاكد ثكيلة
ليلة ليلة يومية جرح ودموع ليلة
خليله خليله يدور عن هله وضايع خليله

شلون حلهه هاي المصيبة شلون حلهه
ياهو ألهه عكب أبو فاضل ياهو ألهه
من يكلهه امريني يزينب من يكلهه

أبلاية والي زينب غريبة أبلايه والي
ضايع دلالي من راحو هلي ضايع دلالي
محد أجالي لا عباس لا أبو اليمة أجالي

قيامة قيامة ياليل أهدعش جنه القيامة
جف الشهامة مكطوع ويون جف الشهامة
واليتامة زينب تركض أتلم باليتامة


══━━━━✥◈✥━━━━══


تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626

#لسان حال السيدة زينب تخاطب جسد الأمام الحسين وهو على رمضاء كربلاء💔💔


نام خوية ارتاح تعبان من امس

عمت عيني اعليك اذاك الرفس
ــــــــــــــــــــــــــــــــــــــــــــــــــــــــــــ
فوك رفسات الشمر سحكات خيل
ارتاح خوية الذابحك اذاك حيل
لاتون يحسين فطرت الدليل
ريت ميتة وياك يابعد النفس..
نام خويه ارتاح تعبان من امس..

  ضحى البلوشي✍🏻
ــــــــــــــــــــــــــــــــــــــــــــــــــــــــــــ

شلون شفتك خويه محزوز النحر
فوك تربه كربله ابحر الظهر
عاينيتك ونعمه مني البصر
انطه للامه الحسين  اعظم درس..
نام خويه  ارتاح تعبان من امس..

ام خضير✍🏻
ــــــــــــــــــــــــــــــــــــــــــــــــــــــــــــ

ارتاح نام وجبل بعدك مو مره
انطيتكم للدين خويه بالسره
خلد التاريخ  راس ومنحره
نهدم حيلي من شفت ذاگ  الرجس..
نام خويه ارتاح تعبان من امس..

✍️ام بهاء الكربلائية
ــــــــــــــــــــــــــــــــــــــــــــــــــــــــــــ

عمت عيني وأنه أشوفن موتتك
بالنبل ورماح  ترسوا جثتك
جلمتك لسه بأذاني جلمتك
صيري للأيتام كافل والحرس..
نام خويه ارتاح تعبان من امس..

✍🏻آلــــّعــلّويِـــه آلّمٌوسويِــــۿ
ــــــــــــــــــــــــــــــــــــــــــــــــــــــــــــ

صيري للايتام كفال وحمه
وصبري لو مسبية رحتي مألمه
وذكري يختي شلون اذانه الضمه
وذبح عبدالله بسهم ذاك النجس..
نام خويه ارتاح تعبان من امس..

ام حيدر العباديه عماره
ــــــــــــــــــــــــــــــــــــــــــــــــــــــــــــ

خوية من ذبحوك ذبحوني انه
شيبولي اسنيني من راح الضنه
فاركيتك والظهر مني انحنه
بالهضم يحسين دلالي يحس..
نام خويه ارتاح تعبان من امس..

ضحى البلوشي✍🏻
ــــــــــــــــــــــــــــــــــــــــــــــــــــــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

https://www.tgoop.com/alweyaamosaweyarrrr2626