#قصائد_استشهاد_العسكري_(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .      جيت البابك يابو المهدي      دمعاتي تتجاره بخدي
ــــــــــــــــــــــــــــــــــــــــــــــــــــــــ
في ذكرى استشهاد الإمام العسكري (ع)

شيعتك يالعسكري ابدمع المصاب
مُستَهَل كتبت على عيون السَّحاب

سافر ابن الهادي مسموم او غريب
و الحبيب افراكه يصعب عالحبيب

&&&&&

الـ كبرك اتعنَّت تونِّ الرافضيه
ابفكدك اتواسي النبي او حامي الحميه
بالمدامع يالحسن نصبت عزيه
او جابت اوياها بجي امن الغاضريه

باللطُم ويه الروافض و البُكاء
يا أبو المهدي اعتِنَت لك كربلاء

او يعتِلي منها ابألم صوت النحيب
و الحبيب افراكه يصعب عالحبيب

&&&&&

عالوعد حضرت إلك هاي الغياره
او كل فرد منهم شِعَل بدموعه ناره
بالوِفه خَط عالسِّمه هاي العباره
ما تطيح انته إذا اتطيح المناره

إحنه نحجي و الحجي كلش صريح
جِبَل إنته و الجِبَل مَيْهِزَّه ريح

شمسك اشما حاوِلَوا لا ما تغيب
و الحبيب افراكه يصعب عالحبيب

&&&&&

بالنعِش لمَّن صرت بانت علامه
المهدي يعني او شيعتك تصبح يتامه
عالفَرَح من بعدك اقرينه السلامه
او فوكـ نعشك حسره هاي او مو عمامه

إبنك المهدي صُفه بعدك يتيم
واليِتِم يالعسكري أكبر جحيم

المهدي مجروح او رحل عنه الطبيب
و الحبيب افراكه يصعب عالحبيب

&&&&&

ياللي جبدك مرّدوها وسفه بالسَّم
صلى بارينه ابعَظَمْته اعليك او سلَّم
مرقدك يوم الذي شفته تهدَّم
شفته فوكـ الغبره جَن طايح مُخيَّم

كبِّتك ما طاحت الطاح الحسين
رجعَوا ايذبحونه بالحقد الدفين

اللي هِوَى ابسامره ذو الخدِّ التريب
و الحبيب افراكه يصعب عالحبيب

&&&&&

ياللي روحك طاهره او حلوه صفاتك
بالمآسي بس عِشِت والله حياتك
هالبَشَر للآن تجهَل تضحياتك
و انته يالغالي خَذِت كل شي ابمماتك

كل حياتك خَلَّصِتْها نايبات
و ابمماتك كل شي يبن الهادي مات

بالنوايب عمرك الطاهر خَضيب
و الحبيب افراكه يصعب عالحبيب

&&&&&

خادم العسكري (ع) : إبراهيم الدريس


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد_استشهاد_العسكري_(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .      جيت البابك يابو المهدي      دمعاتي تتجاره بخدي
ــــــــــــــــــــــــــــــــــــــــــــــــــــــــ
سيدي يالعســـــكري اعليك عينـي جاريه
اليوم ألطم بالحـزن واقره هاي التعزيه
واهدي هالمجلس ثواب امن اذكر الظل عالتراب
واقره هاي التعزيه
***
والله مخنوك الكلب هاي المسيه
اليوم بمصابك حزن لطمت أديه
آه ياعاشـــــــــــر أمل للجعفريه
ابعز شبابك ياوسف شفت المنيه
راح انصبلك عزه وانعه قصة كربله
للشباب وللخـــــيم وزينب اوي العايله
وابجي لجروح المصاب امن اذكر الظل عالتراب
واقره هاي التعزيه
***
يا إمامي العسكري انعه اعله جاسم
ياشبابه وشمعته وحـــــزن الفـواطم
طيحته كسرت ظهر كل الهواشم
شاب مثلك لأجن اعلــه الغبره نايم
وعلي الاكبر هم وكــــع وراسه من عنده انطبر
وحال ابو الاكبر صعب ايكــــــوم كلساع وعثر
لأنعه وانحب عالشباب امن اذكر الظل عالتراب
واقره هاي التعزيه
***
من بده المقتل بعــــد كل الظحايه
شال جوده اعله النهر متعني مايه
ذاك عمك سيدي البجفـــوفه رايه
مايهاب الموت خــــواض المنايه
كل خواته واجفــــه امن الخيم تتنطره
ايعود بالماي ويجي جود سبع الكنطره
صعب واويلي الجواب امن اذكر الظل عالتراب
واقره هاي التعزيه
***
رد اخو العباس مكســـــــور الخيامه
دمعه جاري احسين من ذب العمامه
طيح الخيمـــــــه اذن ما مش سلامه
يعني يازينب بعـــــــد صرتو يتامه
العمتك يالعســـــكري كالـــهه انطيني الفرس
بعد ما عندي ظهــر ضاك من عندي النفس
اشكد صعب ذاك العذاب امن اذكر الظل عالتراب
واقره هاي التعزيه
***

طاح جدك يبو محمــــد بالصحاري
بذاك ظهر العاشــــر بذيج البراري
امسلب ومذبوح ويلي وجفنه ذاري
ظل على الرمله الجسد لامن يواري
حيل سحكَنه بثكل ترفس الخيل وطحن
انمرد ويلي العظم لا اجفوف ولا متن
امسلب وعاري الثياب امن اذكر الظل عالتراب
واقره هاي التعزيه
***

وعمتك لمصابه اتهــــون المواجـع
وانته لأجل اجروحه اتهل المـدامع
بعد ماعدهه اخو العنـــــهه يـدافع
راحت اعله التل تحشم بالمصارع
اخيامهه احتركت دوت اتسلبت كــــل النسه
وانته تعرف ســــــيدي شحالهه بذاك المسه
تلجم اجروح الغياب امن اذكر الظل عالتراب
واقره هاي التعزيه
***


أبو علي الركابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد_استشهاد_العسكري_(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .      جيت البابك يابو المهدي      دمعاتي تتجاره بخدي
ــــــــــــــــــــــــــــــــــــــــــــــــــــــــ
نزال ذكرى استشهاد الامام الحسن العسكري

         نرفع تعازينه ...… للمهدي والينه
              بمصاب ابوه العسكري

ابنار الحزن ننعه .. والغائب أنسمعه ــ هذا البكاء
ليلة عـزه اونه .. يالمهدي سجلنه ــ نحيي العزاء
بسامره نتحـزم .. يا سيدي ونلزم ــ بـاب الدعاء
بمصاب ابومحمد .. دمعتنه تجـدد ــ دمعة وفاء

     نلطم على امصابه … ودمعتنه سچابه
                بمصاب ابوه العسكري


آه اشكــثر بيـــنه ... لهفه اعله مهدينه ـــ زاد الهــرج
حتى الجرح يندب .. وبدمه ضل يكتب ــ يمته الفرج
چن بالحلــم شفته .. متحــزم ابخته .. ومهره انسرج
ويلـوح ابســيفه .. كلشي اصبح ابكيفه ــ ولعدا خرج

       چايمته يجمعنه …… ويمسح مدامعنه
                 بمصاب ابوه العسكري


غاب الحسن نوره .... وليله عاشــــوره ـــ عالشيعه هل
فك الحزن بــابه ... ونفجـعت احبـــــابه ـــ ابليل الاجل
بمصيــبة الســاده ... ناعي الحزن نــاده ـــ الغـالي رحـل
افراگ الحسن جمره .. لوعه وبچي وحسره ــ لاموسهل

    سهم الهجر يجرح …… لو عالمحب صبح
                  بمصاب ابوه العسكري


كل الحواس اتحس .. مهدينه بالمجلس ــ اويــانه حـظر
يبچي اويدگ راسه .. وتخنگه انفـــاسه ــ وظهره انكسر
وبت النبي البضعه .. ويــاه اجـت تنــعه ــ وشبعت قهــر
الكـل منــــهم اليله .. أن ونهـــدم حيـله ــ وگلبه انفطـــر

  اويه للمهدي والزهره …… العـالم بچه بأســره
                 بمصاب ابوه العسكري


بذكره الصبح نبدي .. بـاب الله يالمهدي ــ يااحله باب
يمته الگلب ينسر .. وبن الحسن يظهر ــ طال الغيـاب
ناب الحقد كشر .. وزاد الظلم والشر ــ وشفنه العذاب
كل احنه انصاره ... ونطالب ابثـــاره ــ اليوم الحساب

     عجـل يغالينه …… كل احنه نادينه
            بنصاب ابوه العسكري

         
         الخادم
    كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
منهاج الليالي الفاطمية الثالثة

قصيدة { مرقد فاطمة}


المهدي من عالدنيه يسطع نوره
يبني مرقـــــد فاطــمــة ونزوره
...........................................................................................................................

يوم نور المــهدي عالعالم يشع
ياخــذ بأمــر الله ثارات الضلع
بيده من اخدودنه ينشف الدمع

والعدل بوجوده ياخذ دوره
...........................................................................................................................

هـاي دنـيــه أيامـــهـه حتماً تــدور
ما تظل طول الوكت يحكمهه جور
گلوبنه بجــمـــر الحــزن ظلت تفور

نريده يظهر يحكم المعموره
...........................................................................................................................

يظهر ويكــتـب فــصــول الخاتمه
نهــتــف اويـــاه يالثــارچ فاطـمــه
والظــهـــور يصــيــر يـــوم الغانمه

والمجد يكتب حروف سطوره
...........................................................................................................................

يعلن بصوته الشريف أعظم خبر
هذا قبــــر الطاهــرة يا هالبَــشــر
فاطمه والضلع مــن عدهه انكسر

طاحت بفعل الحقود وجوره
...........................................................................................................................

وهذا سيفي البيدي رد وعنده ثار
يشفي گلب الطاهــــره من الأشرار
إي وحق يمـنـــاه الشالت ذو الفقار

مهجة الزهره ترد مسروره
...........................................................................................................................

بيده ابن العسكري يبني الضريح
ما يظل مهـمـــوم بالكون الفسيح
والزياره بلــســم الگلــــبــه جريح

والرواية واضحه ومشهوره
...........................................................................................................................

واقع وما يختلف عنه الاثنين
يظهر الغائب سليل الفرقدين
وبعد ثار الطاهره ثار الحسين

لازم الموعود يوفي انذوره
...........................................................................................................................


خادم الإمام الحسين عليه السلام
عمار هليل الواسطي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
"كوم خليها الرواية امنشرة"
:
:
كوم يا حيد الزلم وابن الاسود
وخلي ذوالفقار لمجاده يعود
يا كلف يل ماكو مثلك بالوجود
انهض ابراية علي او قيم الحدود
فاطمة لليوم خدها ما بَرَه
:
:
يا صلد يل كاسر اخشوم الزلم
مامش ابكل الخلك مثلك شهم
يلي طود الكفر بيدك ينهدم
كوم واطلب ثارها او شد العزم
"واصلب الجبتين من فوك اشجره "
:
:
يا شديد القوة ما حان الأمر
او تشفي للزهره جرحها والكسر
لسه جفها بي أثر ذاك الجمُر
ما بگه بالروح يالمهدي صبر
يمتى سيفك عالضهدها تشهره
:
:
كوم يا ثار السمه او ثار الضلع
يلي عينك تصب من دم الدمع
انهض او اكصد تُهامة بالجمع
او خلها كلها عالظلمها تِطِّلع
او هوّ يحجي ابعظمة السانه الجره
:
:
امك اتناطر يمهدي جيتك
تِظْهِر او تبني كبرها ابيمنتك
او تِهْدِم اكبور السقيفة رادتك
اِقْدِم او شنها عليهم حملتك
يا عظيم الشان يا ذو المقدرة
:
:
يا سليل المجد يربات الفحول
يلي عجزت تُوْصِفك كل العقول
ماكو غيرك ياخذ بثار البتول
حكم خلفة هند بيمينك يزول
يمتى ترجع يا سليل الطاهره
:
:
يمتى يالموعود ميقات الوعد
عالعهد وياك نبقى عالعهد
نصبر اشما طال يومك وِشْبعد
الامل يالمهدي وحقك ما برد
نبقى يومك يابوصالح ننطره
:
:
فاضل عباس الخزاعي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ

قصيده نزله في رثاء فاطمه الزهراء عليها السلام وابنها الامام المهدي عجل الله فرجه الشريف

عَجّل اللهُ ظهورْ المنتظر
٠٠٠٠٠٠٠٠٠٠
لا يفرحون النواصب والطغاة
شما يطول الزمن ودّور الحياة
لابد المهدي يسل سيف النجاة
وياخذ بثار الظلع منّ الجُناة

عن رسول الله ثبت هذا الخبر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠
هذا وعد الله حتم لازم يصير
بسيف ذولفقّار وبأمر القدير
المهدي لازم ياخذ بثار الأمير
يشفي گلب حسين والظلع الكسير

للظلم وهل الظلم ميظل اثر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠
لابد المهدي يجي بحكم الرسول
يحاسب العافوا وصيّه والأصول
يصلب الجبتين يم باب البتول
الأسّسوا اصل الظلم ذلهم يطول

ومن بعدها ربنه يصليهم سقر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠٠
لا يأمنون الغفوا تحت التراب
الله يظهرهم اله وكت العقاب
الثاني والأول يحاسبهم حساب
عن كسر ظلع أمه وجروح المصاب

يحاسب الأذّه الزچية والحضر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠
من صفات المهدي اسمه المنتقم
ياخذ بثاراته منهم بالأسم
باجر يشوفونه واقع مو حلم
بالعدل يحكم الدنيا وبالعِلِم

ويله ياويله اليعادي امّ الغُرَر
عَجّل اللهُ ظهورْ المنتظر
٠٠٠٠٠٠٠٠٠٠٠٠٠٠٠٠٠٠٠
الكسر ظلع الزهره والصاب الجنين
هوه نفسه اسّس لقتل الحسين
من عقاب المهدي يهرب گلي وين
للقصاص ايطلعه مهدينه الأمين

يگطع چفوفه مثل گطع النحر
عَجّل اللهُ ظهورْ المنتظر

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://www.tgoop.com/+EYMpn6BKE-IxYmZi