tgoop.com/alzmqpa/26296
Last Update:
🍀 قصيده لفراق الاحباب🍀
اسبوع مامرو علينه احبابنه
نعتب ومافاد والله عتابنه
راحو لدرب النجف
دمعي ابدا مانشف
نعتب ومافاد والله عتابنه
😔😔😔😔😔😔
نبجي ونكظي العمر حسره ونون
اه ويلي علئ المشو كلبي يحن
راحو. ومني خذاهم هالزمن
كلبي عليهم يرف
دمعي ابدا مانشف
نعتب ومافاد والله عتابنه
😔😔😔😔😔😔
ظلمه والله علينه هاي ديارهم
محمل انه فراك كون وياهم
بلكبر. ياناس كون. حذاهم
حالي لا ماينوصف
دمعي ابدا مانشف
نعتب ومافاد والله عتابنه
😔😔😔😔😔😔
ماينوصف حالي تره بفراكم
كلساع اشمن ياهلي بمجانكم
بلطيف كون يمرني انه خيالكم
كلبي مايحمل ترف
دمعي ابدا مانشف
نعتب ومافاد والله عتابنه
😔😔😔😔😔😔
نعتب ومافاد نامو بلكبر
اه ياروحي شتحمل ياصبر
دمعي علخدين صدكوني اجر
جرحي عليهم نزف
دمعي ابدا مانشف
نعتب ومافاد والله عتابنه
😔😔😔😔😔😔
تانيت انه ايام. هَمه مااجو
انده انه عليهم. ابدا ماكعدو
تاليهه حدر الرمل همه هلصفو
نامو بارض النجف
دمعي ابد مانشف
نعتب ومافاد والله عتابنه
😔😔😔😔😔😔😔
تمت والحمد لله ب ✍ الشاعره
ام احمد شهد الرضوي
https://www.tgoop.com/alzmqpa
BY قناه رقيه للشاعره ام احمد شهد الرضوي
Share with your friend now:
tgoop.com/alzmqpa/26296