قصيده فزاعيه جنوبي
الى مولاتي الزهراء عليها السلام
,ــــــــــــــــــــــــــــــــــــــــــــــ ـــــــــ
المستهل 👇👇👇

وي زيـــــنب/ لطمتنه سويه
ننوح ويـــاها لمصاب الزجيه
ــــــــــــــــــــــــــــــــــــــــــــــ ــــــــــــــ
ننوح ويــــاها والونه نعليها
يــــفراگ العزيزه مأثر عليها
اليــــوم الفاتحه لمها نسويها

( فاتحة البضعه/ نسويها)
ــــــــــــــــــــــــــــــــــــــــــــــ
زغيرونه يزينب جرعت هموم
تبجي عالزجيه وگاضيه اليوم
يالورثت من امها الصبر وعلوم

(هموم بزغرج /يالعشتي)
ــــــــــــــــــــــــــــــــــــــــــــــ
تعبانه على امج حالتج حاله
تونيـــن بهضم والونه جتاله
وبوج الحيد هالممرود دلاله

(وناتــج زيــــــنب /جتاله)
ــــــــــــــــــــــــــــــــــــــــــــــ ـــــــــ
اريـــــد اللطم ودگ بثنين اديه
على الزهراء الشوفـــوها الأذيه
مكسورة ضلع راحت النشميـه

(ضلوع الزهره /مكسريها)
ــــــــــــــــــــــــــــــــــــــــــــــ ـــــــــ
مكسريها الضلوع وشالت بليل
عافت بيـتها وعافت مداليـل
بس يبجون رايح منهم الحيل

(ياحيل البعدج/ ضل بيهم)
ــــــــــــــــــــــــــــــــــــــــــــــ ـــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

https://www.tgoop.com/ma_x72w

(قصيده فزاعيه رباط هوسه) لسيده الزهراء عليها السلام
عند الهجوم على دارها وكسر ضلعها
ــــــــــــــــــــــــــــــــــــــــــــــ ـــــــــ
المستهل 👇👇👇👇

والبسمار /ضل نابت بالضلوع
ونت فـاطمه ونت المـوجوع
ــــــــــــــــــــــــــــــــــــــــــــــ ـــــــــ
ونت فاطمه مـــن الرزيـــــه
صاحت لحگـي يافضه عليه
محسن راح ياويلي امن اديه

(والمحسن طاح /وسطروني)
ــــــــــــــــــــــــــــــــــــــــــــــ ـــــــــ
صطروني يفضه وطحت بالگاع
ارد اشكي لبوي ويحضر الساع
ريته كون ويــــــانه ابن السباع

(ياخذني بحضنه /وشكيــله)
ــــــــــــــــــــــــــــــــــــــــــــــ ـــــــــ
اشكيــله وگله اشصار بعده
لعد داري اجه الضالم تعده
ريتك حاضر وشفت الي يسده

(والنار ابابــــي/ شبوها)
ــــــــــــــــــــــــــــــــــــــــــــــ ـــــــــ
حرگو بابي ماراعو حرمتك
گتلهم يـــــبويه آنـــه بـتك
طگاني بحقد بويه ويسبك

(شال ايده الضالم /طگاني)
ــــــــــــــــــــــــــــــــــــــــــــــ ـــــــــ
لله اشتكي هـــاي الهضيمه
أذونــــي العده اكبر ضليمه
خلـــــوني اون ونه ألـــــيمه

(وناتي تسعر /بضلوعي)
ــــــــــــــــــــــــــــــــــــــــــــــ ـــــــــ ـــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

https://www.tgoop.com/ma_x72w

قصيده عن لسان حال السيده زينب وهي تخاطب امها الزهراء عليها السلام

الوزن دارمي


كلما اصد للباب يوجعني ضلعي
واصرخ بعالي الصوت يايمه ارجعي
***

كلما اشوف الباب دمعاتي تجره
خله بدليلي جروح ماترضه تبره
مصابچ كلف ومچيد يهضم يزهره
من عده ضل يسيل يايمه دمعي

ام مرتضى الخفاجيه
*

كلما نظرت الباب اذكر مصابج
عذبني يم حسين يايمه بابج
جود ويهد الحيل يكتل غيابج
ياوضع بعدج صار يازهره وضعي

العلويه ام مرتضى الموسوي

****
شخلت بروحي مصاب ياعتبته هاي
ونيرانه ضلت دووم ماتطفه بحشاي
خلت بضلعچ دآي مامثله ابد دآي
وتركتني اون عليچ گعدي واسمعي

ام مرتضى الخفاجيه

****
بكل ركن من البيت خليتي تذكار
دمج العل حيطان وبصفه بسمار
ومايبعد امن العين يامنظر النار
وصوتج باذني يصيح يافضه افزعي

العلويه ام مرتضى الموسوي
****
كاتلني هذا الباب لو بيدي اشيله
بسماره صاب ضلوع حامي الدخيله
وخله الحسن مهضوم دمعه يسيله
يبچي بهداوه عليچ وبسدي ينعي

ام مرتضى الخفاجيه
***
بابج فتح بالروح للنايبه باب
ومصابج الماصار مثله وجره مصاب
عتبي على دهري الخان وشوده وشجاب
خلالي بس غصات ويگلي اجرعي

العلويه ام مرتضى الموسوي

تمت بأقلام🖊

المله والشاعره ام مرتضى الخفاجيه

العلويه ام مرتضى الموسوي

لانسمح بحذف الاسماء او التلاعب بالكلمات❌❌❌



من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

نعي  لزهراء  ع  عن لسان حال زينب ع

ادور  حنانج   مالكيته
موت الخذه امي عاتبيته
والبيت  عنها    ناشديته
جاوين  وجه  السامريته
استعجل الموت وفاركيته
رحتي  وزمانج  ضيعيته
دمعي عله الوجنه جريته
ضعنج مشه  ومارافكيته
واليفكد امه انهجم بيته
اعتب عله المانشدن عليه
...........
لاوين    وداها  زماني
سدر ضعنها وصحت تاني
ويه  الحبايب  ماخذاني
انه واكفه  وضعنج جزاني
طكني عله عيوني وعماني
يزهره بغيبتج غابت الواني
يالشايله  عله البيت ردي

...........
سدر ضعنها بليل  وعميت
وانه  بعبرتي  لدار   رديت
صبت دمعتي بعتبه البيت
جا ماحملت وياج وامشيت
بدارج  يزهره شلون ضليت
خالي مجانها وبالعين صديت
ييمه شلون  عالفركه  تكويت
امي  بنار  فركاها   تجويت
خايب  يدهري شلون سويت
نارج  سريه   وخمدتني
...........

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي الفاطميه الجزء  الثامن عشر


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

قصيده للزهراء عليها السلام

الوزن دارمي

كلما اصد للباب يوجعني ضلعي
واصرخ بعالي الصوت يايمه ارجعي
***

كلما اشوف الباب دمعاتي تجره
خله بدليلي جروح ماترضه تبره
مصابچ كلف ومچيد يهضم يزهره
من عده ضل يسيل يايمه دمعي

ام مرتضى الخفاجيه
*

يصعب عليه انساه يمه مصابج
عذبني هد الحيل يحبيبه بابج
بيه الالم مو بيج ريته وعذابج
ياوضع بعدج صار يازهره وضعي

العلويه ام مرتضى الموسوي

****
شخلت بروحي مصاب ياعتبته هاي
ونيرانه ضلت دووم ماتطفه بحشاي
خلت بضلعچ دآي مامثله ابد دآي
وتركتني اون عليچ گعدي واسمعي

ام مرتضى الخفاجيه

****
بكل ركن من البيت خليتي تذكار
دمج العل حيطان وبصفه بسمار
ومايبعد امن العين يامنظر النار
وصوتج باذني يصيح يافضه افزعي

العلويه ام مرتضى الموسوي
****
كاتلني هذا الباب لو بيدي اشيله
بسماره صاب ضلوع حامي الدخيله
وخله الحسن مهضوم دمعه يسيله
يبچي بهداوه عليچ وبسدي ينعي

ام مرتضى الخفاجيه
***
بابج فتح بالروح للنايبه باب
ومصابج الماصار مثله وجره مصاب
عتبي على دهري الخان وشوده وشجاب
خلالي بس غصات ويگلي اجرعي

العلويه ام مرتضى الموسوي

تمت بأقلام🖊

المله والشاعره ام مرتضى الخفاجيه

العلويه ام مرتضى الموسوي

لانسمح بحذف الاسماء او التلاعب بالكلمات❌❌❌

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

فزاعيه للزهراء عليها السلام
=============


ودگن  حيل / للطاحت وره الباب
ماهمها صدرها همها الحجاب

============

دگن  حيل  للعافتهم  ازغار

وايتام  بگلبهم  تلهب  النار

ضل  البيت مظلم خاليه الدار

ومحزونه ...  والدار تون

♾♾♾♾♾

كلف يوم الزچيه وموش بلهون

تستاهل لطمنه وعلى  المتون

علمچ  يلزچيه  طفه  العيون

وطفاها  .... وعيوني لعلمچ

♾♾♾♾♾

دگن  حيل  للماتت  شبابات

ياوسفه يسهم  البين مافات

وبعمر الورد سكنت  مگبرات

وگطعوها  .. والورده الحلوه

♾♾♾♾♾

شمسويه ام حسن چاليش تنصاب

هجمو دارها ولاذت وره الباب

حفضت بيتها وراعته الحجاب

ومحجوبه  ... احا يلماتت

♾♾♾♾♾

دگن  حيل  للعافت  ابنيات

زغار  وعلمناحه  مامعلمات

ضلن بلحزن  يجرن الدمعات

ومالومه  ... يازينب ضلت

♾♾♾♾♾

چنچ يازچيه  ماشيه ابليل

عفتي عيال بيتچ والمداليل

وسفه الزاچيه من بيتها اتشيل

يون عليچ  .. بيتج خالي

♾♾♾♾

دگن حيل للماتت ازغيرونه

ياعونه اللطم علراس ياعونه

اريد الطم عليها وانه ممنونه

وعلّوها  ..  والصرخه لفاطم


=============
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

ابوذيه للزهراء تخاطب الامام علي عليه السلام


دمع ايوب روحي ،، مايليها
بدوها بضلع وانظر،، مايليها
شعجب گلي ابوها،، مايه ليها
شتضن ما وصلته علوم الزچيه؟

ام مرتضى الخفاجيه

صليت الفرض گوه، اوشكت بيه،، (الشكوى)
اعله كلمن شارك بهضمي،، اوشكت بيه
ضربني بضلعي والضربه،، اوشكت بي
لحد ماوصلتني للمنيه

ام مرتضى الخفاجيه

الزهراء عليها السلام تخاطب باب دارها



ياباب الدار بسمارك،، شكوتاه
بصدري وهمي للباري،، شكوتاه
چنت للضيع الچاره،، الشكو تاه
دليل وبالعسر ينغاث بيه

ام مرتضى الخفاجيه

ارماح الدهر حددها وسنها
ومن عيوني طيرلي وسنها
زينب بعد ما غرب وآسنها
وصبرنها وعازنها عليه
العلويه ام مرتضى الموسوي

شمالك ماحفضت ام حسن يابيت
وره عتابك طفل مفطوم يابت
عصرت ابابك الميشوم يابت
بنت المصطفى وسيد البريه

مصاب الما جره الواحد علي حل
طحت والوادم تصيح علي حيل
كلت بنت النبي وكالو على اي حال
وان بنت النبي وشتموا بيه

تمت بأقلام🖊

المله الشاعره ام مرتضى الخفاجيه

العلويه ام مرتضى الموسوي

لانسمح بحذف الاسماء او التلاعب بالكلمات❌❌❌


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

https://www.tgoop.com/tufdyhryggddg

عندما ضعف حال مولاتي الزهراء ع. ذهبت  الى الذبن اخذو ارثها وحرقو دارها واسقطو جنينها 😭
وضع ستار اي حجاب بينها وبين الكفره الدعيه   أنة الزهراء بأنه.اي بحسره  سمعها كل الحاضرين واخذت تخطب خطبتها البليغه فيهم بعد ان حمدت الله وثنت ولكن القوم لم يستمعو الى كلامها وخطبتها البليغه.حرموها من.فدك..  وجميع الحقوف.اصبحت كالقوس المنحني من شده المصاب ورجعت الى دارها حزينه باكيه.وهي تقول
اه اه اه


😭😭😭
👇👇👇

ونت الزجيه تهدم جبال
ولدمع منها اليوم جن سال
تشكي لبوها   الصار ولحال

〰️〰️〰️〰️

  طلعت ومنها طايح الحيل
الزهره ضلت عينها سيل
  وسفه الدهر بلزاجيه يميل
〰️〰️〰️〰️
اصيح بويه  يامحمد
عدوانكم .داسو ترى الحد
الكفر ولعدوان هل الرد


〰️〰️〰️〰️〰️
ام الحسن طلبت بحكها
     حتى فدك اخذو منها
   ومن الهضم واكد جمرها
〰️〰️〰️〰️
نورج طفه من حركو البيت
ولمصيبتج اليوم ونيت
واجب الج  يلزهره حنيت
〰️〰️〰️
اهل السقيفه مارعوها
  تدمع مدامعها ولوها
  من مات ابوها عذبوها
〰️〰️〰️〰️〰️
محد وكف وي الزجيه
ضلموها اولاد الدعيه
الزهره ونتها شجيه
〰️〰️〰️〰️
رجعت مدامعها جريه
وتكول محد نغر ليه
ويلي على الزهره الزجيه
〰️〰️〰️〰️〰️
امست لا ناصر ولا معين
بدار  ابوها دير بلعين
وصيح يابويه ترد وين
〰️〰️〰️✍🏻بقلمي الفقير المله ولشاعره ام نادين المحمداويه.خادمه البتول


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

في استشهاد الصديقه الكبرى السيده الزهراء عليها السلام

#هوسات
طور سحگته الخياله



ماتهدا البواجي والدمه انسيله
ابليل اشلون يمه نعشج انشيله
هدّم للوصي تدرين كل حيله

(ابليل شيعوها ليش امنا الزچيه)
———
دفنها اشلون حيدر والله بترابه
وهيه الروح كلها وكلهم احبابه
ماتدرين بعدج ما هدا اصوابه
(انصاب دلاله بمْصابج ييمه)
———-
كسر واحد يايمه وانخنه ضلعه
مابطل ونينه ولا نشف دمعه
اشلون
اشلون حسين باجر ونه ايسمعه
(تسحگ اضلوعه خيل الاعوجيه )
———
✍️ #بنت_الشمري


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

#من_ديوان_عبرات_وأنين_ج9
*فزاعيه مع هوسات للزهراء (ع)*
❥━──➸➽❥❂❥━──➸➽❥❂
اگبال الباب زينب گاعده شعدها
وامها الحملت للدار شيردها
❥━──➸➽❥❂❥━──➸➽❥❂
المن ناطره والمات شيعوده
اليوم الطاهره امن الدار مفگوده
زينب گابعه بهدومها السوده
*(وحزنانه لفراگ الشالت)*
❥━──➸➽❥❂❥━──➸➽❥❂
حزنانه وتهل دموع عيناها
الله يساعد الحره اعله بلواها
امها غابت وما بعد تلگاها
*(راحت لبعيد المهيوبه)*
❥━──➸➽❥❂❥━──➸➽❥❂
راحت وابعدت ما اظن ترد ليهه
عله افراگ المشت خلنه نعازيها
تون وتنتحب والدمعه تجريها
*(وتريد التلطم وياها)*
❥━──➸➽❥❂❥━──➸➽❥❂
تريد التلطم وياها عله الزهره
ماتت وبصدرها مكسره العبره
وگلبچ يالعقيله شنهي اليصبره
*(فارگتي امچ يا محزونه)*
❥━──➸➽❥❂❥━──➸➽❥❂
فارگتي الحنينه اودعيتهه
عليها اليوم دمعاتچ هملتيهه
بالتابوت حطوها  نضرتيهه
*(شالوها ابساع المضلومه)*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

مقطوعة لمولانا امام زماننا الغائب الحاضر
الامام المهدي عجل الله فرجة الشريف
ـــــــــــــــــــــ

شلونك. جيت اگلك سيدي شلونك
يـل كـل جمعه انصـــارك ينطرونك
بعدك للغريب حسين ادري مايفل نوحك
دمعاتك بتالي اليل تگعد. تبچي وي روحك.
گـواگ الله مـحد. گال محد. شال مذبوحك
مانعنة الذنب عنك  تمشي  وما يعرفونك
شلونك جيت اگلك سيدي شلونك

ام وليـــ✍ــد الموسوي

اللهم عجل لوليك الفرج واجعلنا من انصاره واعوانه
جمعه مباركه على الجميع



من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

▪️لاتعوفينه▪️

في استشهاد سيدة الوجود الزهراء عليها السلام


يايمه الزجيه لاتعوفينه
احنيتي ضلوعه علي والينه
——-
احنيتي ضلوعه وشيب الليله
يايمه وغصب شايل ترى حيله
دمعه بالخفيه عنًه ايسيله
ونت هالارض من سمعت اونينه
———
ونينه الونينه مدري لغيابج
مدري من اثرها النار بابوابج
ياهمج يايمه ولوعة احبابج
تتباچى لغيابج كلها واحزينه
——-
احناه الظهر من شالج اجنازه
وتدرين القلب اتفطره اعزازه
يايمه بعدنه لحضنج ابعازه
وانت اعلى الزمن حيدر تصبرينه
———
يا يمه الحزن خيم على دارج
ماتطفى ابمهجنه فاطمه نارج
غابت هلمسيه ليش انوارج
تونه ازغار واحضينج يخلينه
———
✍️ #بنت_الشمري


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

ام جعفر:
فزاعيه حول تشييع الزهراء

من عادت اليغمض جفنهه
للمگبره يشيعهه ابنهه
وحبيباتهه تمشي بنعشهه


نزله


حيدر زت نعشه. ومحد وياها

اتريد من الحبايب. ينعن احذاها



مشت بت الحموله بليل يا وسفه
وجاوين الحبايب ينعن بعرفه
تستاهل مناحه الماتت بعفه
وحته بليل ابو الحسنين زتاها



يكون ويه النجيبه اتروح نعايه
ومن توصل كبرها تنصب قرايه
تستاهل عليهه تنشر الرايه
بت حيود هيه ونبي الرباها



اشلون ابليل من راحت اجنازتهه
لا حضرت حبايب لا مشت بتهه
يكون ام الحسن صرخات تاخذهه
تطلع بالنعش وتعلي مبچاها



تستاهل مناحه الربت الساده
ويمشون ابنعشهه وكون جنازه
داحي الباب حيدر هوه واولاده
وابوها ام الحسن مريود ينعاها



تنعاها الطوايف لو مشت هيه
عراضه وياج ما راحت يعلويه
ولا ويه النعش صرختلچ ابنيه
بس حيدر يون مهظوم شالاها



لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له م


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

فزاعيه لزهراء ع

الساده بليل الاضلم  حملو بيها
مكسورة ضلع حيدر   اموديها

(بليل مغرب حاديها)
................
مشه بتابوتها والدمع بعيونه
ماراد الكسر ضلعج يشيعونه
والسطرو عيونج  لايشوفونه
دفنها بليل عن عيون اعاديها

(الساده الفكدج مهظومه)
..............
دفنها بالحزن  والنار  بفاده
ون عالزجيه  اونت  الساده
يانار الهضيمه وتيهت اولاده
ماعنده كلب يمشي ويخليها

(تسيل دموم من عيونه)
............
هال اترابها وبالكلب حسراته
ذب عمامته  ويجذب  بوناته
لحسين وحسن يذرف بدمعاته
سمع صرخاتهم والعين يجريها

(ايجر  ونات عله اولاده )
............
يجر ونات عالشالت  بونتها
وسفه ام الحسن بليل دفنتها
مهظومه مشت بضلع كسرتها 
شلون اكبال حيدر عالو عليها

(الكاسر ضلعج هد حيله)
...........
المأتم  خن ننصبه بحزن بونه
ونعازي الصميده وحيل دكتنه
لساده تعازي وحيل   صرحتنه
الزينب خن نون والونه عدليها

( اليوم عله امها انعازيها)

✍ام زينب كربلاء غير مبري الذمه من ياخذ الكلام وينسبه له او يحذف الاسم  المآسي الفاطميه الجزء التاسع 



من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

هــوســات ل فاطـمه الـزهـراء ع

❥❥ـــــــــــــ❁❂❁ـــــــــــــ❥❥

يـا ضـيــم الكسـر زهره تحملينه
يــمــه وداعتج كل حيل ما بينه
استعجل بيج ما ريض يحادينه
{ امـوديـهه // لــكبــور الضلمـه}

❥❥ـــــــــــــ❁❂❁ـــــــــــــ❥❥

امودين ام حسـن وسفه لـلكبور
مـا تحمــل رمل والضلع مكسور
شــالت بالعجل وسفه ام البدور
{ وحزنانه دارج // يــالــزهــره}

❥❥ـــــــــــــ❁❂❁ـــــــــــــ❥❥

دارج مــوحـشـه وتـريد راعيهه
مـن عكبج بعد محد يضل بيهه
وتــراب الـدار يـازهراء غاطيهه
{ ولهــابـه نارج // مــا تـطـفـه}

❥❥ـــــــــــــ❁❂❁ـــــــــــــ❥❥

هيـهات اليموت تــرده بواجينه
حـزنــان الحسن وطـفـت عينه
تــره طشر شملنه وما تجمعينه
{ مـكسوره // يالروح اخلافج}

❥❥ـــــــــــــ❁❂❁ـــــــــــــ❥❥

حــزنـان الـكلــب وروح مالومه
وزينـــب بــس تـــون مهضومه
دارج يـالــزجـيـه ليوم مهدومه
{ يــردوهـــه // ايــتـام ونــت}

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

قصيده الزهراﻋ عليهاالسىلام


وزن التچلیبه من بحرالهجزج
مفاعیلن مفاعیلن مفاعیلن


عفتینه ییمه زغار ویتامه
نكظي الليل بالآهات منامه


عفتينه بحزنه ونار نتجوه
نبجي عليج ونجر نفس كوه
بالينه الوكت ولموت يابلوه
ياعملت دهرنه وعملت يامه


تعبنه الزمان شلون ياتعبه
كلمن بالقهر متحسر بكلبه
دمع العين من دموم ونصبه
نحسب بالعمر ماکملن عوامه


ظلينه بألم ولدمعه نجريها
بناتج بالهظم منهو اليمر بيها
بعدألمن نصيح اليمه نحجيها
مكدرهالفضه بكوانه وسلامه


صوتج هالخفه مانكدرنسمعه
نذكر دوم يمه ارباج بالدمعه
نجي بالليل ونضويلج لشمعه
كلمن زادت جروحه وي آلآمه


تعبانين مري ارجوج شوفينه
نهل دموع ونزود بواجينه
نريد وياج يم حسين دخذينه
ندك عالروس ماننساج لطامه



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الخميس/2024/11/14
١١جمادي الاولى سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

فزاعیه الام البنین علیهاالسلام

وزن النصاری


کون اولادهاتحضرهاهالیوم
یوصلها خبر وطش العلوم
ماتت یاحسافه لحیل مهدوم


کون لیوم آبنها ویحضر هناه
يجيب حسين والخوان وياه


كون ليوم يمها هنانه عباس
يظل يلطم عليهايدك عله راس
امهم ماتت نكطعت ألأنفاس
عله فراك لحنینه لحیل هداه


يجيب حسين ويمرون بيها
كل واحد بالهفه يكظ اديها
يشيلون الجنازه كل بنيها
يهل ادموع كلمن بين عيناه


کون ابساع واحد یوصللها
خمس اولاد وبعیدین اهلها
وین الحید ابو فاضل یکلها
یمه ام البنین ینادی وآحاه


كون بالحضة اموادعهاموجود
یشوف شلون منهالكلب ممرود
وبصف الجنازه يكعد اكعود
وبو السجاد یمه یصیح اویلآه


یشیعون الحنينه لربت اجیال
آه یاموت امهم حیل جتال
کلمن یبچی وتغیر تره لحال
طول آمه ندفن وشلون ینساه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الاربعاء/2024/11/13
١٠جمادي الاولى سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

#جديد_متوفر_2024

👈🏻ديوان مواجع أم البنين

👈🏻الجزء الثاني

🔥خاص بسفرتها ووفاتها الديوان راقي

للشاعرة والمله ام علي الإماره

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش

للطلب او الاستفسار
07832535076
07830861950


https://www.tgoop.com/hrmrm7