فراعيه للسبـي { عرجه الناكه }
من ديوان #مواجع_الطف_الجزء_الثاني


عرجه الناكه ياعباس
جابوها اصعد اعليها

•───✧◐◐✧───•

من تعثر تهد حيلي
ومنها مانمت ليلي
عالشط طايح اكفيلي
حال الراح واليها

•───✧◐◐✧───•

الدرب بعيد ياخويه
وميوكفونه شويه
الناكه تأذي رجليه
واختك حيل مابيها

•───✧◐◐✧───•

كلما تعثر احنه نطيح
ياعباس خويه نصيح
ياذينه مهب الريح
والعدوان سابيها

•───✧◐◐✧───•

انه اختك العلويه
رحت للشام مسبيه
الناس تباوع اعليه
الحشمه بروحي اخليها

•───✧◐◐✧───•

هذ الحال ياعباس
يالغيرتك فوك الراس
ماقصرت يافراس
بروحك انت فاديها

•───✧◐◐✧───•

اعذرني من احشمنك
يالزاچي حليب امك
بعتبي خاف اجرحنك
وانت ماي عينيها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

قصيدة للسبي الكوفه والشام
من ديوان #مواجع_الطف_الجزء_الثاني

[ اكعدو يخوتي ]


عنكم ماشيه يخواني الأحنان
اروح شلون للكوفه اويه عدوان

شمر يحدي بضعنه
حرم وايتام كلنه

عنكم ماشيه يخواني الأحنان

•───✧◐◐✧───•

اخيتكم جبيره وحيل مابيها
وي ذباح اخوي نروح تاليها
وسفه رايحه وكوم التماشيها

الروس اوياها برماح
ماخذهن الذباح

غصبن رايحه عنكم يوليان
عنكم ماشيه يخواني الأحنان

•───✧◐◐✧───•

ناديت ولچن ماسمعو الصوت
صوتي من ظهر ناكه ومخفوت
تعبانه يخوتي وحالي مبهوت

حال الظيم حالي
روس اخوتي كبالي

امشي ويه العدو وافتر بالأوطان
عنكم ماشيه يخواني الأحنان

•───✧◐◐✧───•

صعبه امشي واعوفنكم على الكاع
وامشي اويه الذبحكم والكلب لاع
واودعنـكم يـخـوتي اخــر اوداع

اعذروني يخوتي
عكبكم ردت موتي

ولا يحدي بضعنه شمر خَوان
عنكم ماشيه يخواني الأحنان


•───✧◐◐✧───•

اذا عثرت الناكه توكع العيله
والسجاد ويانه انهدم حيله
ولو طاح الحمل مايكدر يشيله

عليل وهذا حاله
من ظيم الجراله

يشوف الي جره والحيل تعبان
عنكم ماشيه يخواني الاحنان

•───✧◐◐✧───•

من يوصل ضعنه كوفه والشام
ويصير الخدر عرضه بهالايام
هاي اصعب عليه الروس جدام

وعلينه الكل يسألون
هاي منين الضعون

واجر كوه النفس والدمع جريان
عنكم ماشيه يخواني الأحنان

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

قصيدة شدة للسبي الى الكوفه
من ديوان #مواجع_الطف_الجزء_الثاني

يبن امي راح نروح عنكم سبايه
للكوفه متعنين ماعدنه حمايه

•───✧◐◐✧───•

ماشين عنكم يخوتي غصبن علينه
ظلت جثثكم بالشمس لا مو بدينه
ماقبلو انغسل الجثث كلنه مشينه
يفرون بينه هالعده اولايه ولايـه

•───✧◐◐✧───•

لاتعتب اعليه وتكول اختي نستني
كوه رحت عنكم يلجثثكم عمتني
ذاري الترب بجروحكم حيل اتعبتني
من على الناكه وداعكم صار النهايه

•───✧◐◐✧───•

وياكم يخوتي الليوم ودعنه المحنه
ايسنه ماترجع بعد كعدات اهلنه
من اوداعنه هذا المسه نكطع الضنه
وداع المفارك مااله رجعه وبدايه

•───✧◐◐✧───•

ماشين عنكم بالعجل للكوفه والشام
ونشوف انواع الغصص كل هاي الايام
راح الدلال بوكته هسه احنه وي ظلام
لاعدنه خيمه ولاسكف بس العبايه

•───✧◐◐✧───•

تـوجع يهلـنه طبـت الكوفه عليـه
بت حيدر اني وادخل اعليهم سبيه
واسمع تكول الناس هاي الهاشميه
كل ديره اطبنها يسمعوني حچايه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

قصيدة للحسين (هله بطاريها)
تقرأ بطور المربع او الفزاعيه
من ديوان #مواجع_الطف_الجزء_الأول


هله بريحة الخوه وهله بطاريها
افدي اعيوني اله وبروحي اشريها

•───✧◐◐✧───•

هله بريحة اخيي الجايبته امي
باانفاسي يريحة ثوبه وبهدمي
من اذكر كعدته ينزاح كل همي
اشم اهدوم اخيي الريحته بيها

•───✧◐◐✧───•

على طاري الأخوه اليوم عينوني
حسين حنين بي عدوانه فجعوني
مااحمل غياب ابن امي تدروني
عشت اوياه عمر ويروح تاليها

•───✧◐◐✧───•

يروح ابن امي والروحه الوداعيه
يوحش منزله وتوحش مبانيه
شال الغالي عني ومـايرد ليه
على حسين الحنين عيوني اعميها

•───✧◐◐✧───•

مايتعوض ابن امي واعوضنه
والداسته الخيل منين اجيبنه
بعد ياروح ايسي وكطعي الضنه
خال ابني الحنين لروحي ياذيها

•───✧◐◐✧───•

ياذيني الفراك ابطولت المده
مااحمل فراكه وغيبته شده
وين الكاه الراح ومااله رده
عالحايط الصوره كبالي اخليها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

قصيدة للخوان شده او مربعة

من ديوان #مواجع_الطف_الجزء_الأول


الاخت اخلاف اخوها بيش تنهاب
لو طاح الحمل ما بين الاجناب

•───✧◐◐✧───•

الاخت خلاف اخوها محد يجلها
ومحد يعتنيها المشكله يحلها
شمحتاجه يجي للباب ويكلها
شال وخوته اندفنت بالتراب

•───✧◐◐✧───•

محلات الاخو بالبيت تلكاه
محله سوالفه ومحله حجاياه
وسفه اعله الحنين الضيعيناه
من البيت طوله بالعجل غاب

•───✧◐◐✧───•

تنهاب الأخت من تحظر الخوه
حنين بصف حنين وكلهم مروه
ياكعدات اخوتي بكل وكت حلوه
عباس وحسن وحسين الأطياب

•───✧◐◐✧───•

خوتنه شحلاها أبيت الحنين
كعدتنه سوه وبدار الحسين
شالو بالعجل خواني طيبين
غابو والكلب مثل الشمع ذاب

•───✧◐◐✧───•

ميفيد العتب لا ما يردون
عالخوان لعميجن يالعيون
خلاف الغربو ورمن يالمتون
راحو من وكت ميفيد العتاب

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

كلام هام حول شيعة الكوفة ودورهم في نصرة الحسين ع

ردادية نهاية عزاء المجلس

من ديوان #مواجع_الطف_الجزء_الأول

الج مذخور يالطم التلطمينه
ها يالخادمه هناكه تحصلينه


نختم كل عزانه بااسم أبوسكينه
والزهره الزچيه تنظر علينه
تون وتنوح وتسجل اسامينه
يهنيال الخدمها ودمعته بعينه
مهدودت الحيل وياها ونينه

(( تلوك الونه - للشالو راسه ))

•───✧◐◐◐◐✧───•
رباطات نهايات عزاء

ومطشره عظامه - ومطشره عظامه
شلون ابن الزچيه مطشره عظامه

•───✧◐◐◐◐✧───•
ويريد عوانه - ويريد عوانه
مصابك يبو سكينه يريد عوانه

•───✧◐◐◐◐✧───•
منچ يشيعيه - منچ يشيعيه
هوسه معدله منچ يشيعيه

•───✧◐◐◐◐✧───•
الماشارب اميه - الماشارب اميه
ماي عيوني اله الماشارب اميه

•───✧◐◐◐◐✧───•
#هوسة رباط

مسجل هذا النوح مسجل عند الزهره ومولانه

البيت النلطم بي تحظره الزهره

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

قصيدة للحسين عن لسان السيدة زينب {طور ملا باسم بالله يانهر }

#جديد_حصريآ🔥

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

كافي يادهر. خلّص الصبر
من شفت شمر. يكطع النحر
يبو الاكبر. يبو الاكبر خلّص الصبر

✧ــــــــــــــ ✦◈ ✦◈✦ ــــــــــــ✧

عالـــــــــكاع الاخو طايح عرفته
وفوكه ابن الدعي صاعد سمعته
آآآايحــــسين ماتنهــض نـــدهته
مــــــتارد عالـــسؤال اللي سألته

گلبي حس ترى هاي المنية
واليوم ابتدت عندي الرزية
گتله بداعت الزهرة الزجية
ميـت لوعدل بس رد علية

چنه يستمع لكن الوجع
والسهم نبت بعده ماطلع
گظه زينب. گظه زينب. مادرة القهر

✧ــــــــــــــ ✦◈ ✦◈✦ ــــــــــــ✧

أمشي للحرب واصـرخ يذخري
وانشد بالبــشر ودموعي تجري
محد شـــاف طايح وين عمري
يحسين اوكعت ياصوب مدري

طــــايح وين اخيي مـادريته
كالولي الســــــهم مزگها ريته
عفت اخيامنه واركض اجيته
ودربي يـــــاســنادي ضيعيته

فزعو ياهلي وحدي بالخلي
ماألي سند وانده لعلي

على راسي. على راسي ضربت الدهر

✧ــــــــــــــ ✦◈ ✦◈✦ ــــــــــــ✧

احچي وي الهوى بلكت يوصله
اختك حــــــــــــايره عني يگله
شتم اعـــــــداك ماتكدر تحمله
حگه يــــموت كلمن فاكد اهله

كالولي الشــــــمر يكـطع رگبته
وانة بالدرب وصــــــلتني ونته
بس يسمع نحيبي حسين ردته
لاچـــــــن مانهظلي من وگعته

آه يلوعتي. حيرة حيرتي
إه يكربلة. خلصت اخوتي

علي وينه. علي وينه. يمي ماحضر

✧ــــــــــــــ ✦◈ ✦◈✦ ــــــــــــ✧تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://www.tgoop.com/amAli30

قصيدة للحسين ليلة الوحشه

{حال السيدة زينب }

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

من بين المطاعين اجتني ريحة حسين

      اشمه وي الهوى الهاب
      غاب الــنفس من غاب
      يــالماخذ ضــوة العين
      اجــتني ريـحة حسين
  
✧ــــــــــــــ ✦◈ ✦◈✦ ــــــــــــ✧

يــوم الصاحت اعداي طاح حسين طلعي
طلعت وطلعتي شلون محني اعلية ضلعي
رجــلي تمشــي للكـون وكلبي يكلي رجعي
حسين موصي من طاح تحمين الصواوين

✧ــــــــــــــ ✦◈ ✦◈✦ ــــــــــــ✧

رحت اعثر بالاجساد ودموعي اعله خدي
مـن بــعيد نــاديــت اعليــك بجــاه جدي
دليـنــي مــكــانك غـــيرك مـــاكو عــندي
ارد اوصــل لجثتــك واَكعد واعمي العين

✧ــــــــــــــ ✦◈ ✦◈✦ ــــــــــــ✧

من دون المــجاتيل جن شميت عطره
ماكــو مثله بالـــكون بس امي الزهرة
ماكـــو راس ناديت بــس لاهذا نحرة
مـــكَطوع من الوّريد والطعنات الفين

✧ــــــــــــــ ✦◈ ✦◈✦ ــــــــــــ✧

ماضل حيـل بختك من وصلت لجثتك
تسمع صــوت ونات معــــروفات ونتك
من كل كتر مطعون ريت الطعن لختك
وانت تحامي الضعون من هاي الملاعين

✧ــــــــــــــ ✦◈ ✦◈✦ ــــــــــــ✧

جــن صوتك يـكلي ردي خيامج بساع
يازيــنب دصبري وعوفيني على الكاع
ردي يــم عليلي  هـــسة ضــــنة مرتاع
من شافج بعيدة   ومحروكة الصواوين

✧ــــــــــــــ ✦◈ ✦◈✦ ــــــــــــ✧

ردي لليــتامه هـــاي اوصـــية منــي
ولميـــهم بخـــيمة انتـي ابدال عني
ولاتبجــين يمي  دمـــوعج يوجعني
وعتبج مرد احشاي يازينب تعرفين

✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://www.tgoop.com/amAli30

قصيدة ليوم العاشر

جنوبية 🔥

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

اتهدي ياخيول حسين جواج
وهذا ابن النبي تدوسينة بحذاج

✧ــــــــــــــ ✦◈ ✦◈✦ ــــــــــــ✧

شبــيج وي الولي تسـحكين صدرة
ضلوعة اتكسرت من طيحة المهرة
وكل دوسة احسـها بضلعي اتكسرة
{ بضلوعي // واخيولك داست }

✧ــــــــــــــ ✦◈ ✦◈✦ ــــــــــــ✧

ثلث ساعات مغمي اعليه ابو اليمة
وكل الـــجيش،خــايف يقترب منة
ميــــت كــــالو وصـــارت عليه لمة
{ يحزونة // والنحرة اليوم }

✧ــــــــــــــ ✦◈ ✦◈✦ ــــــــــــ✧

متحــضرة الـــكفر وســيوفهم تلمع
كل واحـــد يصـــدلة يرهب ويفزع
كمت اصرخ واكول حسين مايرجع
{ ودوني // لمجان الوالي }

✧ــــــــــــــ ✦◈ ✦◈✦ ــــــــــــ✧

طـــايح وين ياسوري وعمد بيتي
ابو الســــجاد اموت وياك امنيتي
ادور بــــالجثث يــــــاخوي تاليتي
{ بالحومة // اركض واتعثر }

✧ــــــــــــــ ✦◈ ✦◈✦ ــــــــــــ✧

من ابعيد واسمع هوسة بالحومة
يــكولون السبط متسلبة اهدومة
الـدنيا متربة والخيل اجت كومة
{ يدوسونة // ولجسمك خوية }

✧ــــــــــــــ ✦◈ ✦◈✦ ــــــــــــ✧

اعاتبجن يعشرة الداســت ابن امي
ماعـــتنـنـدجن رحم واتركن بعظمي
احس جواجن المنسحك جن جسمي
{ تدوسوني // والساع ابدالة }

✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://www.tgoop.com/amAli30

قصيدة ثــــكيلة عن لسان

{حال مولاتنا زينب بعد واقعة الطف }

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

يادنيتي كافي بعد    
    خذتي الاخو وخذتي الولد
ماضل لعد زينب سند
بس يـــدنيه   بس يـــدنيه

✧ــــــــــــــ ✦◈ ✦◈✦ ــــــــــــ✧

زينـــب انــــة ومــأن زغر سني يتــيمة
مــني خــأذتي كل هـــلي والله حــريمة
وهسة بارض الطف وحيدة شكد هضيمة
بزغري راحت فاطمة
وتــالي حــماي الحمة
مني كافي بطلّي شضلي بعد
خذتي الاخو وخذتي الولد

بس يـــدنيه       بس يـــدنيه

✧ــــــــــــــ ✦◈ ✦◈✦ ــــــــــــ✧

جـــبير اخـــوتي الجان خيمتنة التلمنة
بســم كـــضة وحركة مصابة شمعضمة
وهسة كدامي الحسين امغركينه بالدمة
يمي سحكو جـــثته وفــرهدوها خيمته
وماسلم منهم رضيع البلمهد
خــذتي الاخو وخذتي الولد

بس يـــدنيه    بس يـــدنيه

✧ــــــــــــــ ✦◈ ✦◈✦ ــــــــــــ✧

جـــرح الـــبكلبي غـــميك ويــوجعه
جثة اوليـــدي انـــظرتها امــــكطعة
من رحــت لحــسين اشاهد مصرعة
بجثة ابني اتعثرت
يـالولد يمة صحت
لحضني يوليدي حلم يمتة ترد
خذتي الاخـــو وخــذتي الولد

بس يـــدنيه    بس يـــدنيه

✧ــــــــــــــ ✦◈ ✦◈✦ ــــــــــــ✧

مابـــقة عنـــدي ولي يبــــرد الـــجبد
ولااخـــو اليبــــرالي لاضـــلي ســـند
انــــة زينـــب يـــادهر كــــافي بــعد
راح اضل اميسرة  
بعد سبع الكنطرة
وبعد اخوتي الجانو احزام وسند
خــذتي الاخو وخذتي الولد

بس يـــدنيه    بس يـــدنيه

✧ــــــــــــــ ✦◈ ✦◈✦ ــــــــــــ✧

صـــعبة عـــالعافت اخـــوها بالشمس
وشـــافتة بـــجعب الـــحوافر ينرفس
وحتــة كافـــلها انـــكطع مـــنه النفس
بس جسد راحت تره
والـــكلب بــالمـــكبره
يم ابو فاضل على الشاطي كعد
خـــذتي الاخـــو وخـــذتي الولد

بس يـــدنيه     بس يـــدنيه

✧ــــــــــــــ ✦◈ ✦◈✦ ــــــــــــ✧

تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://www.tgoop.com/amAli30

قصيدة ثكيلة ليلة الوحشة

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

بتــك ياعلــي بهــل ليل محتارة بعشيرتها
مدري تلم بنات حسين مدري اتغسل اخوتها

✧ــــــــــــــ ✦◈ ✦◈✦ ــــــــــــ✧

عشيرتها كَضو هاليوم راحو كل بني هاشم
عــــالتربان مــــتوسدين واحد للحرم ماتم
تنخــــامن بقــــت زينب كفر مابينهم راحم
مصيبة اتشيب الاطفال  يامعظم مصيبتها

✧ــــــــــــــ ✦◈ ✦◈✦ ــــــــــــ✧

ماضل حيل بيها تروح توصل مصرع الوالي
ســمعت صوت نص الليل كلها لمي اطفالي
طلـــعت فارة بــــحركة وأتدور على الغالي
مــــابين الجثث طـــاحت وتتعثر بمشيتها

✧ــــــــــــــ ✦◈ ✦◈✦ ــــــــــــ✧

تكـــلة جــايتك وين دليني على مجانك
كلما اوصلك يحسين تدفع بية عدوانك
صار اللــــيل كوملنة شيسكتها رضعاتك
لابيـــكم تهيد الــــروح لا بالماي اسكتها

✧ــــــــــــــ ✦◈ ✦◈✦ ــــــــــــ✧

ياليل اهدعش يوجع ماصار واجة مثلة
متروسة الخيم نسوان كلها فاكدة وثكلة
جانت بــــالاهل تزهي هسة بنار مشتعلة
اريدنـــك تكــــوم وياي ولعيالك تسكتها

✧ــــــــــــــ ✦◈ ✦◈✦ ــــــــــــ✧

ماحــــيل البـــقة بية واكعد للصبح ابجي
حرمة وحيلي متهدم المن اشتكي واحجي
سبعين الاجو وياي وباجر للسبي امشي
وحيدة والعدو يصيحون  شدوها ضعينتها

✧ــــــــــــــ ✦◈ ✦◈✦ ــــــــــــ✧

      تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://www.tgoop.com/amAli30

قصيدة للوحشة

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

خلصو أهلي       عيوني هلي
بعمري شلي        بعمري شلي
أنـــه زيــنب يــاخــلك 
هسة راح ابجي صدك
خلــصو أهلي خلصو أهلي

✧ــــــــــــــ ✦◈ ✦◈✦ ــــــــــــ✧

الليله وحـدي بالمخيم احرس اطفال
هسة دهري وياي يبدي يراوي اشكال
أبگـه مـن دون الـكـفلني يـاهـو الـكال
حرمة مابين الزلم 
ماكعد راعي العلم
رجعي گلي              خلصو اهلي

✧ــــــــــــــ ✦◈ ✦◈✦ ــــــــــــ✧

ضـلمة لـيلي ومـااشوف دروب اخوتي
امـشــي وبلــيه سـند رايــح تـــجوتـي
من كثـر تعـبي وهظـمتي يخفة صوتي
اركض بنص الحرب   
من اصيحن انضرب
خوية ردلي            خلصو اهلي

✧ــــــــــــــ ✦◈ ✦◈✦ ــــــــــــ✧

مــدري اكمــل دربي واوصـل للميادين
بنفسي اشتم مره وحدة عطر الحسين
كبـــــل لاارجــــع واكــابل للنـــساويــن
واصبح انه الكافلة   
وانه ابـاري القافلة
ودمعي يهلي        خلصو اهلي

✧ــــــــــــــ ✦◈ ✦◈✦ ــــــــــــ✧

اللـــيلة اول ليـــلة من دونـــك يوالي
وانـــه مابيـــة كمــت اســحب ذيالي
حتـــه باحـــلامي ابد مـــااجه ابــالي
تضرب امتوني الكفر   
ولاحـــســين ولاكمــر
يبقة حملي        خلصو اهلي

✧ــــــــــــــ ✦◈ ✦◈✦ ــــــــــــ✧

اخ يـــاليل اهـــدعش حـــسرة بدليلي
شــــنهو صبري واكفـــل عيال وعليلي
هســـة بالله شلـــون امشي بلا كفيلي
كلفـــوني بعايلة      
وانه جنت مدللة
وثكيل حملي       خلصو اهلي

✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://www.tgoop.com/amAli30

قصيدة يوم احدى عشر محرم



*شال الضعن شال من كربلا شال*
*عالجثث مريت ومني الدمع سال*



شال الضعن يحسين وخويه عفتكم
وعالهزل مريت ما ودعتكم
عالغبره تونون يهلي شفتكم
وتكلفت يحسين ابحرم واطفال


الحادي ساك النوك وعنكم مشينه
محد سمعنه وكام من حشمينه
احبال خشنه اليوم حطو بدينه
وعيوني تبجي عليك والدمع همال



زينب تون يا ناس ونه خفيه
راحت تون بسكوت يهل الحميه
اخوته كضو ياحيف بلغاضريه
بهداي اون بهداي ومدوهنه البال



بهداي اون يحسين خافن يسمعون
لو سمعوابجانه علينه يزمخون
كلبي انفجع ياخوي ومغير اللون
نشكي الهظم عدمن لو بينه انعال



انه الفكدت اثنين وبيه الدهر مال
ضعن الهواشم لليسر اشلون ينشال
انظر جثثكم على الارض ودمعي سال
ومعلكه برماح ياروس الابطال



امشي والعدو ياهلي يبرالي
انه اخت الذبيح ومالي والي
وين الكابلتني و ونت اكبالي
اكعد يعباس مال الحمل مال


لخادمة اهل البيت العلويه ام اياد لايجوز حذف الاسم


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://www.tgoop.com/amAli30

فزاعيه للامام الحسين عليه السلام
وزن الانصاري


تكسراضلوع  اسمع خيل اميه
ترض فوك الصدر  سوده عليه


اسمع  خيلهم  كسرت   لضلوع
مات حسين تالي بهاي موجوع
فوكاها لمصيبه  لراس  مكطوع
اضل الطم   على  عيوني  بديه


مسابك بالركض وبصوت لصهيل
صار حسين  ملعب ساحه للخيل
من  كثر   الحوافر   رايح  الحيل
بوكت   غروب   ساعات   المنيه


عشره خيول ومسابك يركضون
فوك حسين  وبضلعه  يسحكون
بالحمه ع الارض بيه  ويعجنون
ومحد   من  هله   اهل  الحميه


من عمده  وحسافه تدوس بعناد
اجت تركض عليه وبدرب الابعاد
دارت  عله  حسيني   وكل  لبلاد
مو  يدرون   اخيي ابن   الزجيه


هذه اليوم يصعب هذه  لمصاب
جبد حسين  من العطش هالذاب
ميت   منشمر  فوك على  لتراب
نايم    بالشمس  حر    الوطيه


خادمة  الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراء

https://www.tgoop.com/amAli30

قصيده لمصرع الحسين عليه السلام
تقرا فزاعيه شده
وتقرأ شور
ــــــــــــــــــــــــــــــــــــــــــ ـــــــــــ
المستهل 👇👇👇

شلون تهوس براسه
يملعون
ــــــــــــــــــــــــــــــــــــــــــ
خايب كوم عن صدره
بــــالك لاتحز نحره
عوف عمامة الخضره
شلون تهوس براسه
ــــــــــــــــــــــــــــــــــــــــــ
وين اليرحم بحاله
راح الگاعده بجاله
عـــوفه ولا تدناله
شلون تهوس براسه
ــــــــــــــــــــــــــــــــــــــــــ
الحر يجوي بجروحه
اخيي ذايبه روحه
وانه عليه مذبوحه
شلون تهوس براسه
ــــــــــــــــــــــــــــــــــــــــــ
راســـــه لاتحز بي
حسيـني جاي تاذي
سيفك حاد يجوي
شلون تهوس براسه
ــــــــــــــــــــــــــــــــــــــــــ
بيدك تذبح حسين
وانه اصدله بالعين
وتبجي هل نساوين
شلون تهوس براسه
ــــــــــــــــــــــــــــــــــــــــــ
راسه شلته وتهوس
وبصدره گمت ترفس
اخيي جلمه مايهمس
شلون تهوس براسه
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له اهدي ثواب هذه العمل الى مولاي صاحب الزمان

https://www.tgoop.com/amAli30

#قصيده لمولاتي العقيله زينب ع
بدايتها نعي 
زينب بالحرب تشبه العباس
هوَ يقاتل وهوَ اليدك ساس
وهيه تنشر الثورة بين كل الناس

{ نزلة القصيدة }

لأرض المعركه  /  زينب اعلاميه
تكول ابطال هاشم زلم حربيه



تنقل قصة الطف الصريحه
بروايات القويه والصحيحه
سند عدهه العليل وكم جريحه
( من الراحن ... للشام وياهه )



تكول اخوان عندي ما يثنون
بضربة سيفهم نصين يصفون
هيج اولاد حيدر اخوة ام عون
( اعلى الغيره..... حيدر رباهم )



وعن صحبة حسين انطي روايه
من حاجيت اخوي  اقره النوايه
سمع بيه حبيب ودكلي ثايه
( ونفديهه ......الارواح بحبكم )



كالت عندي اخوي يعادل جيوش
اذا طب للحرب ايحوشهم حوش
ما تلحك السيفه طبكت رموش
( ايكص راسه ... وبطرفة عين )



وختاماً بالسبي القصة العجيبه
الاميرة مكيده وبنص خريبه
مامرت بواحد هل المصيبه
( اليسمع قصة زينب ... يشيب كلبه ياهلناس )


تمت بقلم الملا #مريم_الصدر
العمل مهداة إلى صاحبة العزاء
زينب عليها السلام
لا أجيز حذف الاسم 🚫 من القصيدة
https://www.tgoop.com/amAli30

انتي ملايه ومحتاجه برنامج يساعدج على تنظيم المجلس والكتب والدفاتر ويساعدج على معلومات للصوت والحنجره وامور كثيرة ودورات لتقوية الصوت والمجالس جبتلج قناة اكاديمية لتعليم الأطوار الحسينيه

اشتركي قبل الحذف من الرابط 👇🏻👇🏻👇🏻

https://www.tgoop.com/academy_mahhdawyat_allhawa

قصيدة لوفاة خدام الحسين ع
من ديوان #انوار_الشفاعه_جزء_الثاني

اهدي ثواب القصيدة للشاب خادم الحسين ع ابن النجف حسين بيان ابو صيبع

{ مستهل القصيدة }

حسين يزور خدامه / اليموتون
يحظرهم بيوم تغمض العيون

•───✧◐◐◐◐✧───•
الخادم من يموت حسين يلكاه
بالبرزخ ابو السجاد ويــاه
دنيه وآخره الخدام بحماه
{ المات بحبهم - هنياله }

•───✧◐◐◐◐✧───•
هنياله الخدمهم خالص النيه
وماينسه الحسين وكل غواليه
شفاعة ينال من فاطمة المرضيه
{ حسين واهله - يشفعوله }

•───✧◐◐◐◐✧───•
يشفعون الخدمهم نور ينطونه
وبالظلمه بحفرته مايخلونه
يوم الماينفعه أحد يحظرونه
{ حسين يحظره - وماينساه }

•───✧◐◐◐◐✧───•
هناك الماينفعك غير هالخدمه
أبشر يلخدمت حسين ابو اليمه
يوكفلك علي الكرار بالظلمه
{ بيدك هالخدمه - يخليها }

•───✧◐◐◐◐✧───•
ذره ماتضيع بخدمة الساده
ينطون الخدمهم بأكثر زياده
اولهم علي الكرار واولاده
{صك من الجنه - ينطونه }

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

#نصيحة

هذه الأيام صعبة على العزيزة الغالية قدوتنا سيدتنا العلوية بنت الأمير علي ع اللبوة زينب الحوراء ع

اخياتي الملايات قدمو التعازي والمواساة لها خلي تكون مجالسكم حزن ودموع وأنين وجزع العقيلة حيلها مهدود بفقد اعزازها كون نحس بوجعها ومصابها من نقره القصيدة نتمعن بيها نتخيل المصاب والسبي والحر والشمس وسجن الكوفة وسبي الشام ودخولهن للسوك الأكشر وقصر يزيد الملعون
وراها مصايب هواي يكسرن الظهر شيبنها وهدن حيلها ايام السبي 💔😭
عمت عيوني عليچ يالهاشمية ياغريبة يازينب 😭😭

كل مله كون هي تبدي بالنياحة والبكاء والجزع حتى المعزيات تاخذهن الرهبة والخشوع
مو المله تروح مصبغة وجهه مكياچ وتوريد عيب هذه الأمور خلي يصير عدنا حياء وعفة نحن بمحظر فاطمة واولادها
اهل البيت ساداتنا العظماء والعظمة لله كون نتأذب من ندخل مجلس الحسين ع

ندخل بأنكسار ونبرت صوتنا لايعلى احترامآ لأم الشهيد فاطمة الزهراء ع

#الملاية 👈🏻 كوني مخدرة بمعنى الكلمة اي عفيفة

#خادمتكم_ام_علي_الإمارة

@um_ali313