#الزهراء ع

قصيدة فزاعية جنوبية بحق الزهراء عليها السلام


على ام حسين دگن يالحنينات
وسونه اللطم للزهره يازات


يا زات اللطم هيچ ابعداليه
لام زينب لخلي اضلوعي محنيه
اجت وحاضره وتلطم العلويه
عينيني......... اتگلچ زينب

عينيني على امي حيل ما بيه
شالت جده ابني وانگطع بيه
الف هنيالها الشالت اللطميه
اتخسفينه........ صدرچ للزهره

اخسفي اعظام صدرچ حيل اخسفيها
مصيبة فاطمه بالدمعة ذكريها
يوم الگوم اجوها وهدو اعليها
كسروها.........اضلوع ام زينب


كسروهاالضلوع اوطاح محسنها
هنا گالوا الزهره اوما رجع عنها
يالجيتن عزاها الحره اذكرنها
طلبيها......... امراد ابدمعچ

اطلبي امراد يالجيتي المجالسها
انريد اولادنا ام حسين تحرسها
والعله الثجيله الزهره تلمسها
اتشافيها..... كل علة ابچفها

ام علي رضا الشريفي الحسيني

الفاتحة لروح والدي خضير بن زوينه

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

ثكيله للزهراء س نفس طور يعباس فكدك هضمنه للحاج باسم الكربلائي
***
يجناز         نعش إمي رده
يجناز         وبروحي وسده
****
يامن تحمل التابوت        انشدك تستمع هالصوت
أخذ أمي الحنينه الموت     عكبهه موحشه البيوت
بعد يافرحه إلنه تفوت      تشيعوهه بعجل بسكوت
إجه الليل       دمعه إعله خده
إجه الليل       نعش امي رده
****
يتيمه وكسرتي بالعين    عكب ام الحسن وحسين
وجه أمي اشوفه وين         بحلم ألزمهه للجفين
لون جارت علي السنين    حضنهه منين اجيبه منين
يكرار        فركتهه شده
يكرار        نعش امي رده
****
جانت من تون بالدار           عليهه انهضم واحتار
بضلعهه نابت البسمار       تصب دمعتهه ليل انهار
الوجه من تستره بخمار    عرفتهه العين بيهه آثار
العمر راح       بلحظه وتبده
العمر راح       نعش امي رده
****
اموتن لو صحت يمه        شكبر كلبي وحمل همه
صدرهه ينزف بدمه          واذا تتنفس تلجمه
علي صار الصبر سهمه      الوصيه بركبته ذمه
بقه السيف         يبجي اعله غمده
بقه السيف         نعش امي رده
****
عله الباب شكثر عتبي      عصرتي أمي ونبض كلبي
شفت ام الحسن تحبي    انعميت وضيعت دربي
صحت ادركني ياربي        عله الظلموهه ألف حسبي
حرامات       كطعو الورده
حرامات       نعش امي رده
***
أريدن انصب قرايه       وتجيني الليله نعايه
وحنينه تلطم ويايه       عله الشالت بلا رايه
زغيره زينب بهايه         ومصيبة فاطمه هوايه
الجرح صاح            ياهو اليضمده
الجرح صاح            نعش امي رده
***
أم علي الكاظمي

https://www.tgoop.com/amAli30

شده للزهراء س
**
شمالج وتمشين جنج مايله
الباب لو دنيانه بيج العايله
*
من اشوفج يمه محنية ظهر
يمه والعباس اشبع بالقهر
وشكثر لجمات راواج الدهر
لملم جيوشه اعله كلبج صايله
*
رحمة الله يالزجيه الواسعه
شبيج من تمشين جنج راكعه
عينج السطروهه حمره ودامعه
تنزف الدمعات عالخد سايله
*
بأجمل سنين العمر وايامه
يمه يم حسين عدلي الكامه
ضلعج المكسور شد احزامه
وياخذج للموت باجر شايله
*
ليش ياوجه الصبح تعبانه
ورده بالهم والحزن ذبلانه
كوثر الله وللنهر عطشانه
زهرة المبعوث رحمه ذابله
*"****
مشيتج يمه خذت عافيتي
إنتي أعز من الهوه البريتي
شلون خالي يصير منج بيتي
وبعدج اليايمه إلمن كايله
*
بموتتج يايمه دلالي انجوه
راحت الكعدات واللمه سوه
زين وعيوني بعد بيهه الضوه
ماعمت من البواجي يم هله
*
أم علي الكاظمي

https://www.tgoop.com/amAli30

فزاعيه جنوبيه للزهراء س
**
إجوج أولاد     حيدر يالزجيه
فكي العين     من كبل المنيه
****
أول مايطب الحسن للدار
متعود يشوفج يم الاطهار
يدير العين هاي الليله محتار
امي وين         صاح بهالمسيه
*****
إجاج حسين يايمه يناديج
فكي العين خليني احاجيح
اكعديلي ابوس تراب رجليج
خبر موتج        فجعني شلون بيه
*****
بجوهه الملايك بالسمه صفوف
دمعهم عالحسن وحسين مذروف
صاحو ياعلي نحيهم وعوف
شيل اجنازة       الحره الوفيه
**
صاحت زينب بهالصوت يمه
كلبي ياهو غيرج يجلي همه
كبل موتج يريت العين تعمه
ييمه شوفتج          عنت عليه
*****
بعدنه ازغار فاركنه الحنينه
شباب وراحت امي من ادينه
مكسورة ضلع والنوح بينه
سطرهه عالوجه        أبن الدعيه
*****
مظلومه وتون من ماتت امنه
دفنهه بليل ابونه بنار حزنه
بعد هيهات مايلتم شملنه
طشرنه الزمان          وهاي هيه
*****
تمنيت العمر يايمه ينباع
لشريج بحياتي يم السباع
اودي وين بزرج بعدج ضياع
كعدنه عالكبر          نلطم سويه
*****
أم علي الكاظمي

https://www.tgoop.com/amAli30

ثكيله للزهراء س نفس طور زينب بنت منابر للحاج باسم الكربلائي وتنقري شور
***
إبابي احترك دلالي          وغالي يتبعه غالي
من تبتدي الليالي           فاطميه فاطميه
*****
باب أمي لمن يحترك وإتنظره عيني
حركو دلالي البي عشت أجمل سنيني
صوت أمي لمن أسمعه فضه أدركيني
مابيه أكوم من الألم طايح جنيني
إسمعتهه للوديعه          ويفز كلبي بونينه
اذا ماتنهض بساع         أموت إعله الحنينه
بغربه بدت حياتي          والنايبه لوفاتي
حال اليتيمه حالي         فاطميه فاطميه
*****
زمرة عصابه مجرمه هجمو عله الباب
ولاجنهه هاي ام الحسن نكروهه الاصحاب
بالحايط وباب انعصر صدر أم الاطياب
خلوهه يوميه تون من جرح المصاب
عمرهه اثمنطعش عام    تون ليله إعله ليله
مثل عمر الورد ليش        يخلوهه عليله
ليش امي عذبوهه          وبزغري موتوهه
والدهشه البسؤالي        فاطميه فاطميه
*****
ويانه ظالم يازمن تحرمنه منهه
يوميه جنه من الصبح نشتم حضنهه
تفرح اذا نكعد سوه ويلتم شملنه
ضحكتهه ماتت والبقه عالخد حزنهه
زراك السطره عالخد       ترك بيهه علامه
وعرفنه من مشيهه         بعد ماكو سلامه
محنيه تمشي كوه          بلوتنه بيهه بلوه
دمع اليتامه هالي          فاطميه فاطميه
*****
صوبني ضلعج يم حسن خلاني أنحب
ماكلتي من هول المصيبه تموت زينب
بسمارج بوسط الضلع بكليبي يلهب
ماعندي لجروحج دوه بس دمعي ينصب
بجيت الدمعه من دم      بصحوتي وبمنامي
تفاركنه وبعد وين           أناغيج بكلامي
واليمه فاركتهه               تجرحني لو كلتهه
مابارحت خيالي               فاطميه فاطميه
****
نعش الحنينه من يشيل انشال عمري
وين ألكه وجه أمي بعد وين ألكه صبري
ظليت انوح إعله النعش دمعاتي تجري
إتمنيت أنه بساعة وداعه انحفر كبري
خذيتي روحي وياج          تعوفيني بلا روح
وداعج يشبه الموت       بغيابج كلشي مجروح
ياأول الحبايب               عكبج تجي المصايب
ولا واحد البقالي            فاطميه فاطميه
**
أم علي الكاظمي

https://www.tgoop.com/amAli30

ثكيله للزهراء س نفس طور ياعيد الفطر للرادود محمد الجنامي
***
كسر كلبي الزمن من راحت أمي
بعد إلمن أسولف وأشكي همي
منو يعوض مكانج يم الحسين  
وياهو اللي ينشف دمعة العين
**
يازمن طعناتك بدت         بأول سهم ترميني
ودعت أمي فاطمه          وتوه العمر بسنيني
بالليل من شال النعش    طفه الضوه البعيني
ظليت انادي بحسرتي        يايمه لتعوفيني
راحت بالعجل من بين إديه
شباب وللكبر تمشي الزجيه
عمرهه اثمنطش ماوصل عشرين
وياهو اللي ينشف دمعة العين
**
جرح اليتم ماله دوه       نسمة إعذيبي إتلجمه
مثل الملح فوك الجرح     تصبح حجاية يمه
إبنادم شما يكبر يظل        دم أمه يجري بدمه
والفارك أمه من وكت      جرح العقيله ايفهمه
وكلمن فاكد أمه ينوح وياي
نتكابل سوه وخل نبجي بهداي
ياروحي بعد إلمن تظلين
وياهو اللي ينشف دمعة العين
**
نعشج يمر مثل الحلم      كدامي لا ممصدكه
إزغير كليبي عالحزن         وكلش جبيره الفركه
بعدج أنام بياحضن          صدرج إذا ماشبكه
ياجنة الله بدنيتي             مثلج بعد وين ألكه
ياهو اللي مثل كلبج يحبني
ومن جور الوكت ياهو اليلمني
بجروح الكلب بس انتي تدرين
وياهو اللي ينشف دمعة العين
**
مظلومه ماتت فاطمه        وإعداهه مارحموهه
هاي الوديعه الطاهره        ليش بغدر جازوهه
بس غمضت عين النبي       حته البجي منعوهه
هجمة الدار بياسبب         لأم الحسن عصروهه
يعصرهه الرجس بالحايط وباب
بالبسمار ضلع الزهره ينعاب
تجر كوه النفس بآلام وونين
وياهو اللي ينشف دمعة العين
**
أيام عاشتهن ألم              صبح ومسه وليليه
وتلوب بفراش الأجل         بضلوعهه المحنيه
كسر الضلع ماينحمل        وتموت كل يوميه
سطروهه عالعين العده     تخفيهه جي مدميه
أزرك خدهه امي وحمره العيون
إبهيده بالجنازه  يالتشيعون
زعلانه مشت أم الميامين
وياهو اللي ينشف دمعة العين
***
أم علي الكاظمي

https://www.tgoop.com/amAli30

قصيده للسيده زينب ع{يندبج دمع العيون}...💔
تقرأ بلحن (عليمن جايني العيد) والحان اخرى

يندبج دمع العيون
اريدن منج العون
الهم ما خله بيه// يبت حامي الحميه
اريدن منج العون...
ـــــــــــــــــــــــ✿ــــــــــــــــــــــــ
انت ِام عون والعون من عندج اريده
جا جيت لحضرتج بس عني بعيده
ما اريدن احلفج بالحسين وعضيده
خاف الجملج جروح وبيج الهم ازيده

حرت احجيهه لو لاه
أذكرج خاف بالآه
ثگيله اعرف جروحج//حنينه ادريهه روحج
اريدن منج العون...
ـــــــــــــــــــــــ✿ــــــــــــــــــــــــ
حطي بيدي المراد فرحي گليبي ليه
حيل تريده روحي طلبته بصافي نيه
اذا ماشفتي حالي دموعي تظل سبيه
نخيتج وانت تدرين حزن الليل بيه

وحگج روحي تنعه
شكبرهه بعيني دمعه
بنوحي اكسرلي خاطر// وكلبي بهمه حاير
اريدن منج العون...
ـــــــــــــــــــــــ✿ــــــــــــــــــــــــ
بيه تهيج الجروح و أصبر من اذكرج
انت للصبر ام، جنتي كله عمرج
قدوه النه يزينب مَثل صاير يأمرج
اعظم مرأة بالطف رغم ماطافي جمرج

يا نار المصايب
منهه الراس شايب
لجن ظل عالي الراس//صبرتي يخت عباس
اريدن منج العون...
ـــــــــــــــــــــــ✿ــــــــــــــــــــــــ
الحاجه بيهه تدرين مو سهله وثگيله
بس سهليهه انخاج بدموعي الهميله
وحگج مالي غيرج اندبه يالعقيله
بروحي عَثرت هموم تذكرج بالهزيله

بيه معاثر هموم
تخنگني احس دوم
والجأ بس للحنان// الج انت وللاخوان
اريدن منج العون...
ـــــــــــــــــــــــ✿ــــــــــــــــــــــــ
كل ما اگصد الهم ازورن بالنيابه
عنج يخت الحسين يالكلج مهابه
اريدنج تنظرين لگليبي وعذابه
مامرتاحه روحي والحسين ومصابه

تعينيني اريدج
مسحي گليبي بيدج
حتى همومي تنزاح// بمُرادي تطيب الجراح
اريدن منج العون...
ـــــــــــــــــــــــ✿ــــــــــــــــــــــــ
#الشاعره المله هاجر الزينبية
لا اجيز الحذف او التلاعب بالكلام ❌
https://www.tgoop.com/amAli30

.

الـلـه يـصـبـرك يـا عـلـي     راحـت حـبـيـبـة روحـك
الـلـه يـصـبـرك يـا عـلـي     بـاچـر تـظـل بـجـروحـك 

               الـچـانـت لــبــيــتــك ضــــوه   
               حـرمـوهــه نـسـمـات الـهـــوى

             حــــــــــــرام          حــــــــــــرام

                           *---------------*---------------*

للــزهــرة دمـعـاتـك تظل     طــول الــعــمــر سچابــه
مـا تــنـسه اعرف يا علي     وادري الـفـرح ســد بابــه
فـاطــم تــودعك بالعجل     مــاظــن حسبت احسابـه
يــتــهــدم وحـيـلـه يــرك     اليــفــگــد أعــز احـبـابــه

اتـعـاشـر ثـيـاب الـحـزن     اعــــــرف ولا تـنـسـاهـه
اتـعـاشـر ثـيـاب الـحـزن     ويـن الـمـشـت تـلـكـاهـه

              مــا يــنــفــع لــجــرحــك دوه

                           *---------------*---------------*

يالشمعة اسنيـنك طـفـت     والـشـمـعـه صـارت دمعه
دارك يـحــيــدر مـظـلـمـه     وحشه اصبحت شبسرعه
ايــمــوت الـيـفـارك تـــره     اشـحال اليفارگ بـضـعــه
تـحـلالـه دمعات الـجـفـن     لــمــن يــنــوح ويــنــعــه

الـيـحـفـر بــإيــده گـبـر     لـلـغـالـي هـذا اشـلـونـه
الـيـحـفـر بــإيــده گـبـر     دمـعـاتـه تـچـوي عيونه

              الــعــايــش أُويـاهـــه ســــوه 

                           *---------------*---------------*

ورده وعمرهه اثمنطعش     عـنـك مـشـت مكـسـوره
والظلمه تـرسـت دنيـتـك     والـبـيـت فـــاگـد نـــوره
الـچـانت تـذكـرك بـالنـبي     نفس الــرســم والصوره
بـيـدك تـوسـدهـه ابلحـد     تــهـل دمـعـتك مـعـذورة

هـاي الزچـيـه العافـتـك     حـقـك تـجـر بـنـفـاسـك
هـاي الزجـيـه العافـتـك     وبـلـحـظـه شيّب راسك

              أقــره الـحــمــد والـقـل هــوه

                           *---------------*---------------*

الـيدفــن حبيبه ابحفرته     مــعــنــاهــه دافن روحـه
ما يبقه بالــدنــيــه امــل     بــس الصــور وجـروحــه
ايــعــاشــر سنين الحـزن     ويــكــثــر حنينه ونـوحـه
والــدمــعـه تحفر بالجفن     وبــكــل وكــت مسموحه

يالوالـي بجروح الـحـزن     إسنـيـن العـمـر تگضيهه
يالوالـي بجروح الـحـزن     كـلـشـي انـدفـن تـاليـهه

              شــيــصــبّــر الـگـلـبـه إنـچـوه

                           *---------------*---------------*

ادري الــيــظـل الــوحـده     حــصــتــه السـهـر لعيونـه
الاحــبــابـه غطاهه الترب     يــاهــو اليـگـلـه اشـلـونـه
الله يــعــيــنــك ســيــدي     ام بــيــتــك ومــدفــونــه
مـاتــت بسمتك والــفــرح     وعــمــرك تــغــيّـر لـــونــه

مهظومه ماتت فـاطـمـه     يـابـو الـحـسـن هـالليلـه
مهظومه ماتت فـاطـمـه     اصـبـر يـحـامـي ادخيله

              مـــاخــلـت ابـحـيـلـك قــوه

                           *---------------*---------------*

يا حيدر اشــلــون الـورد     وســط اللحد خــلـيــتــه
مــحــد يــلـومك بالبچي     خــد الطــهــر صــديــتــه
مــا اگــدر اشــرح حالتـه     صــعــبــه الفگد عــافيته
شحال اليشاهدهـه بكسر     شــمــعــة حـيـاتـه وبيته

يحسب سنين ابحسرته     ويـبـقـه ابسواد اهدومه
يحسب سنين ابحسرته     مـحـد يـجـي ويـلـومــه

              بــدمــوعــك الــخــد ارتـــــوه

                           *---------------*---------------*

✍خادم الزهراء ع
الشاعر رعد الجريخي

https://www.tgoop.com/amAli30

مـا نـجـامـل يالـزچـيـه مـا نـجـامـل
مـانـجـامـل يالـزچـيـه مـانـجـامـل

*--------------------*-----------------*

مـانـجـامل لا وحـگ رب اـلسـمـه
نحچي بـمـصـابـچ ابـد يافـاطـمـه
الله يلعنهه الـعـصـابـه الـمـجـرمـه
اقـصـد اصحاب السقيفه المضلمه

         تـلـعـنـهـم هـاي أللطـامـه

*---------------------*------------------*

مـايـهـمـنـه الي رضـه والمـا رضـه
يالزچيه ايصيح صـوت الرافـضـه
مـابـرد بـگـلـونـه وجـرحـچ مـضـه
وسالت الـدمـعـات وي الـمرتـضـى

      والكاسر ضلعچ منعوفه

*----------------------*----------------*

صـوت خـدامـچ يـفـاطـم عَـلّـتــه
الـكسّـر اضلوعچ وجـوبـاً لـعَـنـتـه
انـتـانـي لـلـقـائـم يـدگـلـچ لافـتـه
اويـالـه ثـارات الـوديـعـه نـدبـتـه

        يظهر ويحاسب مهدينه

*-----------------------*--------------------*

صَـرخـت الـخِـدام مـاتـبـرد تـره
نـلـعـن الــعـاداچ دنـيـه أواخـرّه
نـذكـر الـبـسمـار والـصـار وجـره
المـا دره انسمعه يزهره الـمـادره

خدامچ تبقه الوفّايه

*-----------------------*------------------*

الـمـجـالـس هـاي تـبـقـه شـاهـده
تـفـضـح افـعـال العصابه والـعِـده
الـهـجــم لـلـدار وبـنــاره اعــتـده
هذا يـشـطـان السقيفه الـحـاقـده

ايلعنونه لو جابو أسمه

*--------------------*-------------------*

✍خادم الزهراء ع
الشاعر رعد الجريخي
ملاحظه المقاصير
ربّاطات

https://www.tgoop.com/amAli30

حي الله المعدلات البصراويات الذي يؤثر بيهن مواجع فاطمة وكسرُ بابِها وسقوط جنيننُها وفراق بعلِها وكسر قلب الحسين الذي اصبح يتيمآ بفراقها وزينب ولوعتها وهيه بعمر الخمس سنين وافتقدت امها العزيزة وألم الحسن عزيزة الزهراء

كل هذه الأوجاع تجدوها في ديوان مواجع الزهراء جزء الثاني

للتواصل عبر المعرف 👇🏻👇🏻

@ABRAR5325

قصيده للزهراء عليها السلام
تقرأ بعدة اطوار ومنها المربع

المستهل 👇🏻👇🏻

من اجذوع ياباب الزجيه
خلف الباب عاصرها الدعيه

•───✧◐🕊🌻🕊◐✧───•

خلف الباب عاصرها وتون حيل
ماعنده رحم بالطاهره يعيل
بسمار بضلعها والدمه تسيل
يافضه نخت لحكي عليه

•───✧◐🕊🌻🕊◐✧───•

موجوعه وضلعها بي البسمار
من شعلو حطبهم وجت النار
يوجعها الضلع بسمارهم حار
ينزف ياضلع ضل للمنيه

•───✧◐🕊🌻🕊◐✧───•

ماتكدر تون مكطوعه الأنفاس
كل جرة نفس يتألم الراس
عصروها بحقد ياكوم الأرجاس
من بعد النبي شبعت اذيه

•───✧◐🕊🌻🕊◐✧───•

ثكيله الباب من دفعو عليها
خلف الباب لاذت تخفي اديها
صاحت يارسول الله وليها
كومك يالولي هجمو عليه

•───✧◐🕊🌻🕊◐✧───•

وصيتك يارسول الله انكروها
وبنتك من بعد عينك ولوها
وخلف الباب يازهره اعصروها
وضلت عينها حمره وجريه

•───✧◐🕊🌻🕊◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

اهدي ثواب القصيده الى الى روح والدي ووالدتي الله يرحمهم برحمته الواسعة


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

قصيده تحكي وصية السيده الزهراء عليها السلام عند وفاتها

الوزن نصاري


وصيتي النعش بليل طلعوه
ادفنوني بظلمه وگبري اخفوه
------

ابد ماريد نعشي تشوفه عدوان
ولاقطعة نعي يكتب الدفان
لتخلون فوگ الگبر نيشان
وابد موعد وفاتي لاتعلنوه

ام مرتضى الخفاجي

--------
لايمشي وره نعشي الضربني
ولايبجي عليه الوكع ابني
ويتظاهر يقدرني ويحبني
ابد يحضر دفنتي لاتخلوه

العلويه ام مرتضى الموسوي
--------
اذا گربت منيتي ونخفه الصوت
خل زينب تهل الدمع بسكوت
ضلت بيه حسره لساعة الموت
چادر للعزا ابابي تنصبوه

ام مرتضى الخفاجيه
------------
اخفي الكبر حيدر عن العيون
وادفن يمي اجنيني الزغيرون
اطلعو بليل لو ردتو تزورون
بهيده النوح مو عالي ويسمعوه

العلويه ام مرتضى الموسوي
--------'---
غسل جثتي بهداي بهداي
اخافن بالغسل يلچمني الماي
لو شفت الضلع متورم هواي
عدوان الولوني بحقد كسروه

ام مرتضى الخفاجيه
____

عينك ياعلي على ولادي الثنين
حسن ثمرة حشاي ونبضي حسين
وكلثوم وي زينب قرة العين
بعد عيني العجب راحو يشوفوه

العلويه ام مرتضى الموسوي

تمت بأقلام

المله الشاعره ام مرتضى الخفاجيه

العلويه ام مرتضى الموسوي

لانسمح بحذف الاسماء او التلاعب بالكلمات❌❌❌


من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

قصيده الى مولاتي الزهراء ((ع))




*من غفت عينج /وسكن ونينج /باليتم حسيت*
*/ زهره يايمه      /     زهره يا يمه*



متوسده بالكاع وحنه عد راسج
فدوه كلنه انروح الجرة انفاسج
عفتي زينب ليش وهلج وناسج
*كلبي ضل ينعاج/ ويلهج بطرواج/ يم المحنه*
*يمه يازهره    /    يمه يازهره*


زينب انه شلون  يمه  عفتيني
عني من تمشين يكثر  اونيني
عليج دمعي اجري وتعمي عيني
*انه اريد اوياج /يمه اترجاج/ لاتعوفيني*
*زهره يايمه     /      زهره يايمه*


احذاج من ونيت  وهلن العينين
ابهيده ندهيتج اكعدي يم حسين
بكلبي شبت نار بيه ما تدرين
*بهيده ندهيتج/ يمه حاجيتج /ما سمعتيني*
*يمه يازهره    /     يمه يازهره*


اعتاب الي  وياج  يمي الزجيه
اليوم يوم افراك بهاي المسيه
رحتي يعافيتي وانه نكطع بيه
*بالفركه حسيت/ وبهضم ونيت/ والجم كلبي*
*يمه يازهره   /   يمه يازهره*


روحي احسهه اوياج  يمه اخذتيهه
من غمضت عينج اعيوني عميتيهه
زينب تون عليج شو ما سمعتيهه
*ماسمعتي الصوت/ ونمتيتابوت /يازهرة اسنيني*
*زهره يايمه      /      يمه يازهره*


يمه هدمتي الحيل بنومتج هايه
ويمه من بعدج دم جرة عينايه
ضلمه بغيابج  احس  دنيايه
*الدنيه حرمتني/ وامي عافتني/ الف ياوسفه*

*زهره يايمه     /   زهره يا يمه*




*لخادمة الحسين ع العلويه ام اياد لا يجوز حذف الاسم اهدي ثوابهه الى شرف انبي محمد وال بيته والى روح والدي السيد قاسم ابن السيد عطوان الفاتحه*

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

محافظة ميسان حبايبنه الديوان متوفر يمكم بمكتبة السيد مؤمل الهاشمي

كل اصداراتي لمواجع الطف من الجزء الأول للجزء الثامن ومواجع الزهراء ومواجع أمير المؤمنين ومواجع السجين وديوان انوار الشفاعه كذالك متوفر عدهم

اذا حابه تحجزين راسلي المعرف

@kha735dim

جايتج الايام الفاطمية وعندج مجالس
ومحتاره تردين قصائد جديده 🔥
حزينه وتوجع 💔

تعالي وياي لمكتبة عاشورا۽
تلكين بيها اروع واجمل الكتب الفاطمية

شمنتضره اضغطي علرابط👇

https://www.tgoop.com/AiDoiwwn19878

قصائد للزهراء تحصلوها بالقناة وادري بيكم تحتاجون قصائد للمجالس تعالو وياي للشاعرة رحمة الله تحسين
قصائدها حزينه ومتنوعه كولشي تحصلون بقناتها

من هذا الرابط اشتركي وتصفحي

https://www.tgoop.com/MAHDE_alzaman

https://www.tgoop.com/MAHDE_alzaman