موعظة الصباح 🌤

السلام عليكم ورحمة الله وبركاته
صباح الخير يا شباب

عايزك تفتكر قول الله عز وجل:
{...وَمَا كَانَ اللَّهُ لِيُضِيعَ إِيمَانَكُمْ...}

فكل صلاة صليتها، كل سجدة سجدتها، كل عمل صالح عملته ولو كان صغيرًا، اتكتبلك..
وهتؤجر عليه إن شاء الله.

فاطمن {...وَمَا كَانَ رَبُّكَ نَسِيًّا}.
د/محمد الغليظ

الكف
الخرزة الزرقاء
خمسة وخميسة
.........مالهم ؟؟!!
كل دي حاجات شركية ياجماعة
_ماينفعش تلبسي حاجه فيها خرزة زرقاء عشان تبعد عنك الحسد ❌
_ماينفعش تعلق الكف أو خمسة وخميسة في محلك ولا في عربيتك عشان تحميك من العين ❌
ماينفعش ياجماعة لحديث النبيﷺ((من تعلَّقَ تميمةً فقد أشرك.))

✋طيب أنا لابسها أو معلقها زينة بس ومش بقول أنها بتحمي من الحسد ولا حاجة ..
_برضو حرام وماينفعش ❌..
ماينفعش تلبس او تعلق حاجه فيها شرك وتقول مش قصدي ....لأنك كدة بتنشر اعتقاد شركي

✋ طب أنا بستعمل الخرزة الزرقاء عشان اللون الازرق بيدي طاقة ايجابية بس ..مش عشان الحسد
_ماهو الطاقة الايجابية دي مصدرها ايه...هل النبيﷺ قال عليها ..دي حاجات غيبية مانعرفهاش غير بوحي
مافيش حاجه اسمها ده بيجيب طاقة سلبية وبيعمل غم في البيت
وده بيجيب طاقة ايجابية وبيعمل فرح في البيت
الكلام ده مش حقيقي ومالوش اي اصل علمي .
ماتستهونوش بالحاجات دي ياجماعة
ماتقولوش مش هدخل النار عشان لابسه خرزة زرقاء ❌
طالما الدين نهانا عن حاجة نقول سمعنا واطعنا ومانفاصلش ونقول دي معصية صغيرة ودي معصية كبيرة✅

كوكب_بنات

س/ ازاي أوصل للخشوع في الصلاة؟؟
ج/
1️⃣- أول حاجة خلينا نتفق إن الخشوع حاجة بتزيد وتقل يعني هتلاقي نفسك في فترة كويس والخشوع تمام وفترة لا ، في صلاة كويس وحاسس بخشوع وفي فرض تاني لا فده حاجة متغيرة بس اقل درجة تكون عندك من الخشوع....
هي خشوع الجسد يعني تركع كويس وتسجد كويس وماتتحركش كتير
2️⃣- تاني حاجة انت بتاخد محاولات للخشوع والمحاولات دي مش هتلاقي تأثيرها تاني يوم ولكن انت هتفضل تحاول لحد ماتوصل لمرحلة الخشوع
3️⃣- لو عاوز تخشع ادخل على كل صلاة كإنها آخر صلاة هتصليها في حياتك كإنك هتصليها وتموت على طول وهي دي الحقيقة انت اكيد هتموت بعد صلاة وانت مش عارف أي صلاة فاتعامل مع كل صلاة انها الفرصة الاخيرة
4️⃣- تقف في صلاتك من غير حركة زي مااتفقنا وفي مكان هادي بعيد عن الماتش اللي شغال والمسلسل اللي في الخلفية ..كل ده هيشتتك وماتبصش حواليك خالص...النظر يكون لموضع السجود
4️⃣- لما تجيلك الوساوس وقت الصلاة استعذ بالله من الشيطان وتتفل على ايدك الشمال تلات مرات من غير ريق خالص
5️⃣- قوم للصلاة مع الاذان على طول وافصل عن كل حاجة شغلاك ..بلاش تصلي وانتي سايبة حاجة على النار وتفضلي مشغولة طول الصلاة بيها
وبلاش تصلي وانت عمال بتفكر في الماتش وياترى مين كسب ...كده عمرك ماتخشع
افصل خاااااالص
6️⃣- قبل الصلاة اقف مع نفسك ١٠ ثواني وفكر في انك هتقف حالا قدام ربنا فأحسن وقوفك أمام الملك وابدأ صلاة وفكر في كل آية وكل ذكر بتقوله فيها وحس بمعانيه الجميلة بلاش تقول كل حاجه بسرعة لان كده عمرك ماهتحس بجمال الذكر اللي بتقوله
7️⃣- بلاش تصلي كل مرة بنفس السور ده اكتر سبب للسرحان وعدم الخشوع ...نوع في السور اللي بتقرأها احفظ جديد وصلي بيه ورتل بهدوووووء هتحس بجمال الايات دي
8️⃣- ادعي في سجودك وفي كل وقت اجابة للدعاء ان ربنا يرزقك الخشوع
9️⃣- بعد ماتخلص صلاة ماتطلعش تجري ...بالراحة الدنيا مش هتطير قول أذكار بعد الصلاة وماتنساش اللهم أعني على ذكرك وشكرك وحسن عبادتك
🔟- آخر وأهم حاجه ...الصبر ...خلي نفسك طويييل واوعى تزهق ..طول ماانت على الطريق لازم هتوصل بس المهم تفضل على الطريق ..

كوكب_بنات

السلام عليكم ورحمة الله وبركاته
صباح الخير يا شباب

عارف لما تبقى في ضيق شديد، وكل الطرق مقفولة!

في اللحظة دي بالذات، افتكر دعاء سيدنا يونس عليه السلام: "لا إله إلا أنت سبحانك إني كنت من الظالمين"..

الدعاء ده طلع سيدنا يونس من بطن الحوت..
وأكيد هيطلعك إنت كمان من أي ضيق إن شاء الله.

فأبشر خيرا.
د/محمد الغليظ

الشيخ عبد_الرزاق_البدر حفظه الله 

((انتبه يا اخي بهذا الفعل تبطل صلاتك ))

اجعلوا صغاركم يدعون لكم فقد كان عمر بن الخطاب رضي الله عنه إذا لقي صبياً في الطريق أخذ بيده وقال له أدع لي يا بني فإنك لم تذنب بعد❤

السلام عليكم ورحمة الله وبركاته
صباح الخير يا شباب

يقول الله تعالى: {...فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ}

التوكل على الله مش مجرد كلمة باللسان
ده معنى حقيقي بيعيشه قلبك
ولو عاشه؛ هتبقى مطمن إن ربنا بيدبر لك كل خير حتى لو ما كنتش شايفه.

فتوكل على الله واسعى، والله لن يُضيعك.
د/محمد الغليظ

موعظة الصباح 🌤

🍃♥️سنن مهجورة🍃♥️

الصلاة إلى سترة

👈🏻ودليلها قول النبي -عليه الصلاة والسلام-: (إذا صلَّى أحدُكم فلْيُصلِّ إلى سُتْرةٍ، و لْيُدنِ منها، ولا يدعْ أحدًا يمرُّ بين يديْهِ؛ فإنْ جاء أحدٌ يمرُّ فلْيُقاتِلْه فإنَّه شيطانٌ).

وهذا حديثٌ عام يُبين سُنيّة وضع سترة عند الصلاة، سواءً أكانت الصلاة في المسجد أو في البيت، وهذه السُنّة في حق الرجال والنساء على حدٍ سواء.

✅أحيوا سنته ..
صلوا_عليه_وسلموا_تسليمًا .. 📿🤲🏻♥️

قال ابن كثير في تفسير سورة المزمل:

" يَأْمُرُ تَعَالَى رَسُولَهُ ﷺ أَنْ يَتْرُكَ التَّزَمُّلَ، وَهُوَ: التَّغَطِّي فِي اللَّيْلِ، وَيَنْهَضَ إِلَى الْقِيَامِ لِرَبِّهِ عَزَّ وَجَلَّ، كَمَا قَالَ تَعَالَى:
﴿تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنْفِقُونَ﴾ [السَّجْدَةِ: ١٦]

وَكَذَلِكَ كَانَ رَسُولُ اللَّهِ ﷺ مُمْتَثِلًا مَا أَمَرَهُ اللَّهُ تَعَالَى بِهِ مِنْ قِيَامِ اللَّيْلِ. "

"الليلُ منهَلٌ يردهُ أهلُ الإرادةِ كلهم ويختلفون فيما يرِدونَ ويريدون، قد علم كل أناس مشربهم،
فالمحبُّ يتنعمُ بمناجاةِ محبوبِه، والخائفُ يتضرع لطلبِ العفو ويبكي على ذنوبِه، والراجي يلحُّ في سؤال مطلوبِه، والغافلُ المسكينُ أحسن الله عزاءه في حرمانِه وفوات نصيبه".