هوسات للأمام الكاظم عليه السلام


صايم من امس لليوم تدرونه
ياعدوان بالسم لاتفطرونه
اجو زوار خلوهم يشوفونه
(( واعياله وربعه مضيعينه ))


صار اسنين عنهم غايب الريسان
من سجن السجن وامگابل السجان
يعاتب بالنشامه ويصد للميدان
(( واليوم ايريد اهل الحومه ))


اليوم ايريد سبع الگنطره يحضره
سجن وافراگ وامصايب خلص عمره
الف عبره بدليله وموش بس عبره
(( من يذكر بته تهل عينه ))


تهل ادموع عينه لو ذكر بته
يدري مناطره وتتفكر الجيته
طگ گلبي اعله ابوي اتصيح رايدته
(( شيبني ودولبني افراگه ))


صاحت گبل اوان الشيب شيبني
افراگه اصواب فوگ اصواب صوبني
انشدك يالرضا ولاتضم جاوبني
(( ميت لو حي البيه غيره ))


ميت لو عدل لو بالسجن بعده
ماتدري تهشم وانمرد چبده
ضل اعله الجسر مشمور شيرده
(( والميت بالسم شيجيبه ))


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

فزاعية للأمام الكاظم عليه السلام ( ندگ بابه )

خل انروح للكاظم ندك بابه
هذا البالشدايد يحضر احبابه


خل انروح للمعصوم نتعنه
نبجي بمجلسه ونطلب حوائجنه
هاذه المايردنه ولايفشلنه
ابو طلبه سبع ماخاب طلابه
وخل انروح للكاظم ندك بابه


ابو طلبه سبع والكل يعرفونه
يفك باب الحوائج لليندبونه
يالعدكم هضم للكاظم امشونه
نشكي اهمومنه بدموع سجابه
خل انروح للكاظم ندك بابه


نشكي اهمومنه وانصيح مولانه
انريدك بالشدايد توكف اويانه
يادكتور خل عينك المرضانه
عليك اقسم قسم بالسلبو اثيابه
خل انروح للكاظم ندك بابه


عليك اقسم قسم مولاي شافينه
جفك مايرد سايل امجربينه
نصبنالك عزانه وبالحزن جينه
يومك سيدي مايبرد اصوابه
خل انروح للكاظم ندك بابه


الك بين الضلوع اصواب شيضمده
والسجان سمك والسجن سده
محد حاضرك ياحاضر الشده
ويانار اليفارك نار لهابه
خل انروح للكاظم ندك بابه


يانار اليفارك نار سعريه
محد غمضك وانطاك الاميه
عليك ابنك يون واتنوح الابنيه
يكولون الحنين شيحمل اغيابه
خل انروح للكاظم ندك بابه


كالوا غيبتك لرواحنه امچيده
عنت شوفتك وادروبك ابعيده
ننعاك بحزن وامرادنه انريده
وي بتك نون وانصيح يايابه
خل انروح للكاظم ندك بابه


✍🏻الشاعرة الملة ام هجران العمارجيه

⭕غير بريء الذمه كل من يمحي اسم الشاعره من المنشور او يتلاعب بالقصيدة


https://www.tgoop.com/amhejran12345

لطميه للأمام الكاظم عليه السلام( هاكم دمعتي )


هاكم دمعتي وياكم اخذوها
يازوار للمسموم ودوها


هاكم عبرتي وهاكم دمع عيني
مريض وبس دوه الكاظم يشافيني
لا مهضوم لا حاير يخليني
هالچلمه السبع بغداد وصلوها


وصلو چلمتي ومهضوم گلوله
بس هوه اليعين الطاحن احموله
ادعولي بضريحه لو وصلتوله
بعد عندي وصيه موش تنسوها


وصيه السيدي ومولاي اوديهه
اگله اقرايتك للموت اسويهه
اذكر حال معصومه واعازيهه
والعدوان من سموك فجعوها


فجعوها العده وصبحت مفجوعه
حزنان الرضا ومهدمه اضلوعه
ليش ازيارتك بالسجن ممنوعه
حتى ازيارتك عالناس منعوها


گالو مانخلي واحد ايزوره
لا بيها هوه ولا ضوه الطاموره
بنتك من تهد الحيل معذوره
تجيك اليوم والشيعه ايتلگوها


معصومه تجيك اليوم تعبانه
اتگوم اتعينها الزوار عوانه
تمر اعله السجن تنشد الزنزانه
ابوي اجنازته ياكتر شمروها


ابوي اجنازته ياكتر مرميه
اجينه انواجهه ونسامر شويه
صعب فرگاه راوانه المهضميه
بس اعمامته للدار جابوها


✍شاعرة اهل البيت
العلوية هجران الياسري
بنت المله ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

لطمية لأستشهاد الأمام الكاظم عليه السلام ( گوم گوم ابساع )

گوم گوم ابساع يامهدينه
ذاك جدك عالجسر رامينه

گوم گوم ابساع مالك كل عذر
ضل ثلث تيام جدك عالجسر
گلبك المفجوع ندري ينكسر
من نگلك سيدي امعذبينه
گوم گوم ابساع يامهدينه


تكبر اجروح البگلبك والصواب
من نگلك عذبوا جدك عذاب
سيدي الحمال ذبه اعله التراب
وين صارت ميت امچتفينه
گوم گوم ابساع يامهدينه


وين صارت هاي ابد ماصارت
ايد موسى امن الحديد انهارت
والمصايب والنوايب جارت
محد المسموم غمص عينه
گوم گوم ابساع يامهدينه


جدك المسموم محد غمضه
من ظلم هارون والسندي گضه
ابعيد عنه ومادره بهاي الرضه
فاجعه تبچيك وتبچينه
گوم گوم ابساع يامهدينه


فاجعه وماكو مثلهه فاجعه
بالسجن هارون سمه ولوعه
اربع احماميل وسفه اتطلعه
ولااعمامه ولاغطه امخلينه
گوم گوم ابساع يامهدينه


لااعمامه الفوگ راسه ولاغطه
هاذه ابو الشارات عطاي العطه
جدك العباس شو عنه بطه
وعطلنه هامته وچفينه
گوم گوم ابساع يامهدينه


عطلنه اصواب عينه وطبرته
گوم يالموعود شيل اجنازته
اليوم عالهامات تلطم شيعته
نلطم اعله الروس ماملينه
گوم گوم ابساع يامهدينه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

نعي لأستشهاد الأمام الكاظم عليه السلام


ياهو العدل راس الشفيه
وكت المنازع والمنيه
ولاولد يمه ولابنيه


لاولد يمه ولابنيات
واجروح البجسمه وسيعات
غمص عيونه وبالسجن مات


غمص عيونه ومات وحده
وابعاد مايدرون ولده
يالسندي خايب شلك عنده


يالسندي خايب لاتضربه
فك السجن واميه شربه
وخل الهوه يدخل الگلبه


خل الهوه يترس وريده
مسموم والونه شديده
فك السلاسل وافتح ايده


فك السلاسل وافتح الباب
وخلي الغريب ايشم هوه الهاب
دمه يصب والمتن ماطاب


متنه انهشم ويسيل دمه
گلبك صخر مابيك رحمه
امنين الهوه ايلوحه ويشمه


الهوه امنين يلوح صدره
بالسجن گضه اسنين عمره
وحديدكم متنه يحفره


شگ الجلد والعظم جاسه
ومحد دخله وعدل راسه
وعالباب خليتوا حراسه


اباب السجن وكفوا الحراس
ممنوع گالو توصله الناس
ومنين اجيب البطل عباس


امنين اجيبنك يجيدوم
تكسر الباب ويومك اليوم
وبيدك اتشيل المات مسموم


تشيله اعله راسك مو بيمناك
الهاي ياعباس ردناك
اليوم انچتل واحد امن اعضاك


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

#من_ديوان_سفرة_العطاء_الجزء_٦_


نوحيه للأمام الكاظم عليه السلام


لامنك رساله ولاوصيه
بويه وغيبتك طالت عليه
أعدن وأحسب أيام......صار أثمنطعش عام
لاشفتك ولا مريت بيه


أعدن بالليالي وصارن سنين
طالت غيبتك بويه وغبت وين
ياشمعه زماني وياضوه العين
ياسور وسكف وأنته التجيه


ياسور وسكف يالدللتني
ميت لو عدل لو يتمتني
غايب وين هالغيبه وعفتني
أفكر بيك كل صبح ومسيه


أفكر بيك هالمده الطويله
هنياله الكعد وياك ليله
تمسح دمعتي وهمي تشيله
أبوي وماكو أعز منك عليه


بويه ولوكلت بويه شحلاتك
غريب وبالغرب خلصت حياتك
مهضومات ماتدري بناتك
من غير الأبو شتسوه البنيه


ماتسوه البنيه بغير أبوهه
يصيرلهه سند لو عاركوهه
روحي مصوبه أعله الفاركوهه
ضلت ونتي بكلبي خفيه


أكابر عالونين وماأون حيل
ناس أتنام وأنه مساهره الليل
ضلت عالمخده دموعي أتسيل
هاذه الحال وأكثر صار بيه


هذا الحال وأكثر صار بالحال
كبرنه أعله الهظم خليتنه أطفال
لاطارش وصل لاشفنه مرسال
عونه الحاضرك يوم المنيه


✍الشاعره ام ريام دخيل الركابي الناصريه قضاء الرفاعي غير مبري الذمه من يحذف الاسم او يتلاعب بالقصيده


https://www.tgoop.com/amhejran12345

نعي لأستشهاد الأمام الكاظم عليه السلام


الطموا يشيعه اليوم عالروس
موسى ابن جعفر مات محبوس
امگطع دليله ويابس ايبوس


شافه الطبيب وصفگ بيده
ويگول كلشي مايفيده
مسموم واحبابه بعيده


مسموم واحبابه بعيدين
ودوا خبر واطروس لحسين
گلوله گلبه انجسم نصين


السم گضاه ومرد گلبه
ومات الغريب بدار غربه
وهارون چا بيمن يطلبه


بيمن يطلبه النذل هارون
ذبه بسجن مظلم يگولون
ثجيل الحديد وترفه المتون


وي الحديد انشلع جلده
ياهو اليتچيله ويگعده
محبوس جوه الگاع وحده


بسرداب جوه الگاع حبسوه
جابو رطب مسموم وانطوه
عدوان ماچنهم يعرفوه


چنهم ولاواحد يعرفه
هاذه اليحل الضيج چفه
وايموت بالطامور وسفه


مات الشجاع وگضه بطامور
ومن الحديد الضهر مكسور
للجسر شالوه مو للگبور


ياحيف شالوه الحماميل
ماشيعوا نعشه عله الخيل
اجروح البمتنه ادمومهه اتسيل



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

موشح لأستشهاد الأمام الكاظم عليه السلام ( وايست معصومه )


هاي هيه ... وايست معصومه
مات ابوها وحيل يوجع يومه


مات ابوها وحيل توجع فرگته
وايست من شوفته ومن ردته
گومن اوياها واعدلن لطمته
واللطم ميدان للجيدومه
هاي هيه ... وايست معصومه


اللطم ميدان يحله اوياها
راح واليهه وبعد ماجاها
للهضايم واليتم خلاها
ضلت تحن وتون مهضومه
هاي هيه ... وايست معصومه


ماتنام الليل ضلت بس تنوح
اتصيح ودوني لبوي وخل اروح
انفض اترابه واداويله الجروح
گوم اگله وموش الك هالنومه
هاي هيه ... وايست معصومه


ليش اگله اتنام ماردتك تنام
گوم شوف البيت بغيابك ظلام
ياامام الرافضه ونعم الامام
فدوه اروح لوجهك ولرسومه
هاي هيه ... وايست معصومه


فدوه اروح الوجهك ولعيونك
يابعد لوني يبويه اشلونك
هاي هيه ومالحگت اضعونك
من دللالك صبحت محرومه
هاي هيه ... وايست معصومه


من رحت لليوم ماشفنه الدلال
ليش غايب بسك اغياب وتعال
بيمن يطلبوك حبسوك النذال
مانسيت امتونك المهشومه
هاي هيه ... وايست معصومه


امتونك الحلوات تتناگط دمه
امن السلاسل والحديد امهشمه
وانمرد گلب الرسول وفاطمه
وانلچم ضلع امك المظلومه
هاي هيه ... وايست معصومه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

فزاعية للأمام الكاظم عليه السلام ( هاللطمه لسبع بغداد )


هاللطمه لسبع بغداد
يمحبات شدنهه


للمسموم هاللطمه
گومن خل نعازي امه
اتون وتبچي بهضمه
وايفطر الصخر ونهه


اتفطر الصخر ونتهه
عازوهه يشيعتهه
والشوغات كتلتهه
وشيريد الدهر منهه


من عدهه الدهر شيريد
كل يوم وفجعهه بحيد
مات الكاظم الصنديد
والزهره انگطع ضنهه


صاحت يالولد يبني
يومك نوح چملني
واجروحك تلوعني
وتعميني امن اشوفنهه


اجروح البيك تعميني
وامصابك يبچيني
بتك وين حاچيني
حبسوك وغبت عنهه


غايب بالسجون اعوام
صاير بس جلد واعظام
اجروح البيك ماتلتام
اجيت بدمعي اغسلنهه


اغسلك جايه بدمعي
مره الطم ومره انعي
نار امصابك بضلعي
تسعر بيش اخمدنهه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

نعي للشبان


كون اعله ساعه ويندگ الباب
واطلع واشوف اوجوه الاحباب
وامسح ادموعي وانسه العتاب


انسه العتب وافتح عيوني
واگولن هله بالمانسوني
ولاني الهضم من فارگوني


ولاني الهضم والضيم كله
وافرگهم مابيه احمله
عفيه عليه اشلون عدله


عدله واجر النفس ضليت
وللمگبره شبان وديت
واندفن وياهم تمنيت


لو بيدي اضل اهناك يمهم
شبان واسم الله اعله اسمهم
والرمل مايرحم عدمهم


اتراب ورمل ذبوا عليهم
مدري الشباب شصار بيهم
شمحله الخواتم بين اديهم


نزعوا خواتمهم الحلوات
گومن امشنه يالمضيعات
نعوف المباني وعدهم انبات


لگبورهم گومن امشنه
بنزولهم والدار شلنه
وناخذ عتب لهل المحنه


خل ناخذلهم ماي واهدوم
وانصيح ياحلوين الارسوم
ويانه اگعدو بسكم النوم


اگعدوا ويانه وگابلونه
واعتابنه لاتملونه
اتراب الگبر ماتحبونه


شو زيحوا التربان عنكم
وخلونه نشبع شوف منكم
شبان ماينفل حزنكم


انتم حزنكم غير الاحزان
ثجيل ويخلي الگلب وجعان
ولاتنسن المذبوح عطشان


لاتنسن ابني الطاهره اتگول
اگبال النهر عطشان مچتول
والخيل فوگ اجنازته اتجول


ركضن الخيل وداسن حسين
ومشمور ضل بغير تچفين
وراسه وخواته بدواوين



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

تتوفر جميع دواوين
الشاعرة ام ريام الركابي
والشاعرة ام هجران العمارچيه
والشاعرة ام غصون العمارچيه
في مكتبة العليلة بأدارة العلوية ام علي محافظة البصرة يوجد لديها خدمة توصيل لجميع المحافظات للحجز والاستفسار الاتصال او المراسلة واتساب ع الرقم
07705677443

لطمية للامام الحسين عليه السلام وفقدان الاخ ( اشلون اتنام )


اشلون اتنام ... يمعدل بالگبور
وردناك الخواتك عين ناطور
( وانريدك لو صارت عازه )


ردناك الخواتك عين والي
ارجع لاتعوف البيت خالي
يهد الحيل يفراگ الغوالي
وخله النار بين اضلوعنه تفور
( يانار اغيابك لهابه )


ضلت نار مشتعله بگلبنه
شايل وين ياشمعة دربنه
انريد انعاتبك واسمع عتبنه
چا ياهو اليلمنه وغرب السور
( والسور العالي امشيعينه )


غرب سورنه العالي وتهدم
چا ياهو اليلمنه وين نلتم
شفنه الضيم من كل صوب غيم
ظلمه ايامنه الچانت تشع نور
( ودعنه الچان امضويهه )


ظلمه ايامنه الچانت زهيه
لاوديت طارش لاوصيه
انته ازماطنه وانته التچيه
بالكلفات منك ناخذ الشور
( والكلفه اتحلهه وتگضيهه )


بالكلفات ناخذ شور منك
شايل ماترد للبيت اضنك
خطارك يجي وشنگله عنك
غاب اهلالنه والعيد مكسور
( واهلال الدنيه امضيعنه )


غاب اهلالنه ومايهل بالعيد
والله ايعين كلمن فاگده اعضيد
لانگدر تعن لاتگدر اتهيد
اشمالك يادهر عالراس ساطور
( سطرات البين اعله الهامه )


اشمالك يادهر تسطر عله الراس
زينب دولبتهه اخلاف عباس
صدر حسين اخوها اگبالهه انداس
وشافت منحره بالسيف منحور
( وبراسه ايهوس ذباحه )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

هوسات لشبان الطفوف سلام الله عليهم اجمعين


يون ضل العليل ومن يون حگه
يشوف الموت بالشبان يستنگه
يگول اشلون ارد لبيوتهم شلگه
( ظلمه وحزنانه     ابيوت الشالوا )


ضلت خاليه اوحشه منازلهم
اريد اخذ حزن گلبي واروح الهم
مو بالماي بدموعي اغسلهم
( اشلون اطيهم     لتراب الحومه )


للتربان بيدي اشلون اسلمهم
مو مالت دفن حلوه جهايمهم
مره اعتب عليهم مره احشمهم
( وعندي اعتاب اوياه     الفل الخوه )


اعتب عالمشوا واحد وره الثاني
اصيحن ياعلي وماگام حاچاني
محتار وعليل اشلون خلاني
( امهدم حيلي     ومحتاج اعضيدي )


محتاج العضيدي اليشرك بهمي
مدري اشلون اشوفه امگطع ومرمي
اگله اوياي روح لعمك وعمي
( امشينه اندور البيرغ     وانلم اچفوفه )


امشينه ياعلي للمشرعه امشينه
نطبگ هامته وانشيل چفينه
وناخذ بيرغه ونغطي ابو سكينه
( الوالد مايتجازه     وچا ليش اتعوفه )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

نعي لعلي الاكبر عليه السلام والشهداء والشبان


طور الگرناوي :

ولك ياموت كافي اهواي اخذت اعزاز
شجعان ونشامه ومايهونون

اباوع للدرب حتى الدرب ملچوم
وانشده يگول راحوا مايرجعون

خلوا بالگلب نار وهضم واحزان
وادموع وصور خلوا بالعيون

اشتاگ الحچيهم والسمر ذاك
سوالفهم لذيذه من يسيرون

يامحلاتهم لو گعدوا اوياي
واحد واحد اعليه ينشدون

شو گطعوا وصلهم والمراسيل
ماضنيت هالگطعه يگطعون

ردتهم لو ثگل همي يشيلوه
چانوا من احشمهم يفزعون

فرگاهم كتلني ونشف الريگ
اعاتبهم ولاچنهم يسمعون

دم ابچي عليهم من يجي العيد
واگلهم ليش بالمگبره تعيدون

حلوه اوجوهكم مو مالت اتراب
اريدنكم تلبسون وتكشخون

يهل القوط عفتوا قوطكم ليش
وبخام الچفن گمتوا تفصلون

وحق ام الحسن ماناسيتكم يوم
وعن البال ساعه ماتغيبون

اجيكم وانشد اعليكم الدفان
اصيح اشلونكم يالماتنشدون

مو هذا طبعكم ليش مجفين
شو حته امن اسلم ماتسلمون

نذر عمري واطشه اگبالكم طش
واطشلكم حياتي من تگعدون

لچن هيهات صارت وانگطع رجواي
الجوه الگاع ناموا مايعدلون

ابوذية :

الحزن كل يوم عالشالو     يعد ~ لون
جفوني الچانوا بحملي     يعدلون
كون البالحد ناموا     يعدلون
اريد اشچيلهم ضيم العليه


نعي مجرد :


دفنيتهم وايست منهم
بالمگبره ورديت عنهم
للموت مافلن حزنهم


للموت ماانسه النسوني
تبچيلهم ضلت عيوني
من حملوا ماحملوني


حملوا وانه اتنوع الهم
وياكم اخذوني اگلهم
بالمگبره الشبان شلهم


للمگبره شعدهم امغربين
لاسوگ بيهه ولادكاكين
بس التراب ويعمي العين


بس التراب ومايحملوه
شيعودهم والبيت عافوه
وگلبي ثلث هدمات هدموه


گلبي تهدم ثلث هدمات
من فارگت ذيچ الشبابات
سگنوا ابيوت المو وسيعات


سكنوا ابيوت الموش وسعه
ياصوتهم چا وين اسمعه
والفاگده الشبان تنعه

طور الفراق :


حگهه تنعه ... الفارگت حلو المعاني
حگهه تنعه ... اتصيح راح ومااجاني
حگهه تنعه ... ضيعته وضيعاني
حگهه تنعه ... ومايرد شمعه زماني
حگهه تنعه ... والدهر بلوه بلاني


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

فزاعية ... حال ام البين بعد رحيل الامام الحسين واخوته سلام الله عليهم اجمعين ( ماخلي ماي بعيني )



كون البچي ايرد المشو
ماخلي ماي بعيني


لو ادري بعتابي نفع
ماخلي ماي ولادمع
ضعن النشامه مارجع
واغيابهم يعميني


مابيه حيل اغيابهم
فدوه رحت لرگابهم
شالوا وسدو بابهم
يادارهم عازيني


يادار وني اشمالچ
ايسي واگطعي امالچ
امنين اجيبه اهلالچ
وبعازته امخليني


واليوم روحي بعازته
حسين توجع فرگته
لو بشروني برجعته
افرح وابطل اونيني


لو رد ابطل نوحي
وافرح وابشر روحي
صارن اهواي اجروحي
وبس شوفته اتداويني


بس شوفته الگلبي دوه
وحسين اعز من الهوه
ماخله بعيوني ضوه
ولاواحد يدليني


ياهو اليدليني الدرب
ماشوفن وحالي صعب
والبين حاربني حرب
كلساع ويبچيني


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://www.tgoop.com/amhejran12345

ديوان خاص مواليد

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://www.tgoop.com/+n-BgqsOHygw5OWNh

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://www.tgoop.com/Abas747