“BOSHQARMA BOSHLIGʻI KUBOGI" UCHUN SHAXMAT MUSOBAQASINING VILOYAT BOSQICHI OʻTKAZILDI

Xabaringiz bor viloyatimizda yosh avlodga sifatli ta'lim berish bilan bir qatorda ularni mantiqiy fikrlash qobiliyatlarini rivojlantirish maqsadida Maktabgacha va maktab ta'limi tizimidagi muassasalar oʻquvchi va tarbiyalanuvchilari oʻrtasida "Boshqarma boshligʻi kubogi uchun" Shaxmat musobaqalari tashkil etilmoqda.

Joriy yilning 14-noyabr kuni Yangi Andijon shahridagi 1-umumta'lim maktabida mazkur musobaqaning yakuniy bosqichi oʻtkazilib, unda quyi bosqichlarida ishtirok etgan 50 mingdan ziyod maktab oʻquvchilari hamda bogʻcha tarbiyalanuvchilari ichida eng sara deb topilgan 128 nafar yosh grossmeysterlar gʻoliblik uchun kuch sinashdi.

Musobaqada avvalida boshqarma boshlig’i O’.Shukurov tomonidan mana shunday baxslar o’quvchi-yoshlar uchun katta musobaqalarga yo’l ochishi alohida ta’kidlanib, mazkur ishtirokchilar ham kelajakda yurtimiz shaxmat terma jamoasi safida vatanimiz bayrog’ini yuksak cho’qqilarga ko’taradigan iqtidorlar bo’lib yetishishlariga umid bildrildi.

Shaxmat tarixiga oid badiiy chiqishlar bilan boshlangan musobaqa murosasiz baxslarga aylanib, yakunda 8 ta yosh toifasida jami 24 nafar shaxmatchi yoshlar go’liblikni qo’lga kiritdi hamda Boshqarma boshlig’i kubogi va qimmatbaho sovg’alar bilan taqdirlandi.

Andijon viloyati MMTB matbuot xizmati

Telegram | Facebook | Web sayt