JONAJON MAKTABIMGA KITOB SOVG‘A QILAMAN!

“Ma’rifat ulashib” loyihasi doirasida Shahrixon tumanining Qoziqo‘rg‘on mahallasida joylashgan 58-umumta’lim maktabida “Jonajon maktabimga kitob sovg‘a qilaman!” shiori ostida ma’naviy-ma’rifiy tadbir bo‘lib o‘tdi.

Tadbirda Andijon mashinasozlik institutining Yoshlar masalalari va ma’naviy-ma’rifiy ishlar bo‘yicha birinchi prorektori Akmaljon Ermatov, maktab o‘qituvchilari, “Yosh kitobxon” tanlovi respublika bosqichi sovrindori Umidjon No‘monov va o‘quvchi yoshlar ishtirok etdilar.

O‘quvchilar bilan uchrashuvda kitobning jamiyat taraqqiyoti, inson kamolotidagi o‘rni va roli haqida so‘z yuritildi. Shuningdek, o‘zbek va jahon adabiyoti namoyondalarining sara asarlari xususida fikr-mulohazalar bildirildi, savol-javoblar bo‘ldi.

Tadbirda Andijon mashinasozlik instituti “Nihol” talabalar studiyasi tomonidan ijodkor Erkin Xushvaqtning “Qirmizi olma” asari asosida sahnalashtirilgan spektakl namoyish etildi.

Shundan so‘ng Andijon mashinasozlik instituti birinchi prorektori Akmaljon Ermatov o‘zi tahsil olgan mazkur maktab kutubxonasiga yuzdan ortiq kitob sovg‘a qildi.
Institut-mahalla-maktab hamkorligini mustahkamlash maqsadida har uch oyda bir marta maktab kutubxonasiga sovg‘a qilingan kitoblarni eng ko‘p o‘qigan kitobxon o‘quvchilarga Qoziqo‘rg‘on mahallasida istiqomat qiluvchi Ermatovlar oilasi tomonidan ta’sis etilgan stipendiya beriladigan bo‘ldi.

Shahrixon tumani MMTB
Matbuot xizmati
Telegram |Facebook|

"Yashil makon" umummilliy loyihasi doirasida Andijon shaharidagi 31-umumta'lim maktabi o'quvchi va o'qituvchilari tomonidan "Yashil makon xonadonda" aksiyasi tashkil etildi.

Ma'lumot uchun ushbu maktabda jami 3 ming 415 nafar o'quvchilar 1 ming 870 ta xonadondan kelib taxsil oladilar.

Aksiya doirasida barcha xonadonlarda mevali va manzarali daraxtlar ekilishi ko'zda tutilgan

Andijon viloyati MMTB matbuot xizmati

Telegram | Facebook | Web sayt

#OAVDA_BIZ

HUDUDLARDAGI TA'LIM MUASSASALARDA KONSTITUTSIYA-HUQUQLARIMIZ KAFOLATI SHIORI OSTIDA TADBIRLAR BOʻLIB OʻTMOQDA

(Andijon shahridagi 15-umumta'lim maktabida tashkil etilgan tadbir "Andijon axboroti" informatsion dasturida)

Telegram | Facebook | Web sayt

Joriy yilning 5-dekabr kuni Andijon viloyatida Davlatimiz rahbarining “O‘quvchi-yoshlarni chaqiruvga qadar boshlang‘ich tayyorlash tizimini yangi bosqichga olib chiqish chora-tadbirlari to‘g‘risida”gi Qarorida belgilangan vazifalar ijrosiga bag‘ishlangan yig‘ilish bo‘lib o‘tdi.

Unda Maktabgacha va maktab ta’limi vazirligi mas'ullari, Mudofaa vazirligi, Favqulotda vaziyatalar vazirligi, Milliy gvardiya mas'ul xodimlari hamda boshqa hamkor tashkilotlar vakillari ishtirok etdi.

O‘zaro muloqot tarzida tashkil etilgan tadbirda 600 nafardan ziyod umumta’lim tashkilotlarida chaqiriqqacha boshlang‘ich tayyorgarlik fani o‘qituvchilarining ish faoliyati samaradorligini oshirish maqsadida amalga oshirilishi lozim bo‘lgan vazifalar belgilab olindi.

Yig‘ilishda mazkur qarorda belgilangan vazifalar ijrosini o‘z vaqtida bajarish, qayd etilgan kamchiliklarni bartaraf etish bo‘yicha mas’ul xodimlarga zarur ko‘rsatmalar berildi.

Shuningdek, ishchi guruh tomonidan har bir tuman (shahar)da “Jasorat maktabi” faoliyati yo‘lga qo‘yilishi munosabati bilan ularni jihozlash, moddiy texnik ta’minotini yaxshilash bo‘yicha xatlovdan o'tkazish ishlari olib borilmoqda.