Xabaringiz bor ixtisoslashtirilgan ta’lim muassasalarida taxsil olayotgan yoshlarni darsdan bo‘sh vaqtlarini mazmunli tashkil etish maqsadida jamiyatda o‘z o‘rniga ega, ilm-fan, san’at va sport yo‘nalishda yutuqqa ega shaxslar bilan uchrashuv va ochiq muloqotlar tashkil etilmoqda.

Mana shunday uchrashuvlardan navbatdagisi Andijon shahridagi 2-son ixtisoslashtirilgan maktab-internatida tashkil etilib, unda ADChTI professori G’.Xoshimov, Osiyo o‘yinlari g’olibi J.Latipov va oliy toifali shifokor G.Xolmatovalar ishtirok etdi.

Uchrashuv davomida mehmonlar tomonidan har qanday yetuk bilimga o’z ustida ishlash orqali erishish mumkinligi, sog’lom hayot tarziga rioya etish va sport bilan shug’ullanishning ijobiy taraflari to’g’risida kerakli tushunchalar berildi.