Андижон ҳудудий ижтимоий хизматлар маркази – бу болалар, ёшлар, ногиронлиги бор кишилар ва қариялар учун зарур ёрдам, реабилитация ва муносиб ҳаёт кечириш имконини тақдим этадиган маскан.

Марказда болалар учун, алоҳида эътиборга муҳтож бўлганлар учун физиотерапия бўлимлари, етим болалар учун кичик уйлар, кундузги гуруҳлар, касб-ҳунарга ўргатиш ва эрта ривожлантириш марказлари фаолият юритади.

Шунингдек, оғир ҳаётий шароитга тушиб қолган ёшлар ва катталар учун комплекс реабилитация ҳамда таълим дастурлари йўлга қўйилган.

Andijan.uz|Facebook|Instagram|Youtube|X

Асака тумани Арғин маҳалласида жорий йилда амалга оширилган “Ташаббусли бюджет” лойиҳасининг биринчи мавсуми доирасида кўчалар асфальтланди.

Бу лойиҳа орқали маҳалладаги йўл муаммолари яхшиланиб, аҳоли учун қулайликлар яратилмоқда.

Маҳалла аҳлининг қувончи чексиз. Улардаги шукроналик туйғулари юракларда янада ортиб бораётир.

Жойларда олиб борилаётган бундай ишлар аҳолининг ҳаётига ижобий таъсир кўрсатиб, юртга бўлган муҳаббатини янада кучайтирмоқда.

Andijan.uz|Facebook|Instagram|Youtube|X

Ўзбекистон Республикаси Президенти Шавкат Мирзиёевнинг Иқтисодий ҳамкорлик ташкилоти саммитидаги нутқи
—
Выступление Президента Республики Узбекистан Шавката Мирзиёева на саммите Организации экономического сотрудничества
—
Address by the President of the Republic of Uzbekistan Shavkat Mirziyoyev at the Economic Cooperation Organization’s summit

Prezident.uz|Facebook|Instagram|YouTube|X

“Долзарб 90 кун” лойиҳаси доирасида вилоятимиздаги барча касбий таълим муассасаларининг битирувчи курс ўқувчилари учун корхона, завод ва саноат объектларига саёҳатлар уюштирилди.

Жараёнда мазкур корхоналарнинг фаолияти, ишлаб чиқариш жараёнлари, мавжуд касблар ва меҳнат шароитлари тўғрисида батафсил маълумотлар берилди. Ушбу ташрифлар ёшларнинг ишбилармонлик кўникмаларини шакллантириш, уларни реал меҳнат муҳитига яқинлаштиришда муҳим омил бўлиб хизмат қилмоқда.

Шунингдек, ҳар бир таълим муассасаси маълум корхоналарга бириктирилган бўлсада, ўқувчиларнинг қизиқиши, касбий йўналиши ва истаклари инобатга олиниб, улар учун альтернатив ишлаб чиқариш субъектлари ҳам таклиф этилди. Яъни, бириктирилган корхоналарда ишлашни хоҳламаган ёшлар учун бошқа мос ва муносиб иш жойлари ҳам кўрсатилиб, уларнинг мустақил танлов асосида ишга жойлашишларига кенг имконият яратилди.

Корхоналарда ишлаш истагини билдирган ёшларнинг алоҳида рўйхати шакллантирилиб, уларнинг бандлигини таъминлаш бўйича тегишли чора-тадбирлар кўрилди. Жумладан, ишга жойлашиш истагини билдирган ўқувчиларга зарур меҳнат шароитлари яратилмоқда. Тегишли ҳужжатлар расмийлаштирилиб, доимий ёки мавсумий иш билан таъминлаш ишлари бошланган.

Ушбу ташаббус нафақат битирувчиларнинг меҳнат билан бандлигини таъминлашга, балки уларнинг келгусидаги ижтимоий-иқтисодий барқарор ҳаётига замин яратишга хизмат қилмоқда.

Andijan.uz|Facebook|Instagram|Youtube|X

Бугун вилоят ҳокими Шуҳратбек Абдураҳмонов ёшларни бандлигини таъминлаш, уларни дардини тинглаш, касб-ҳунар ва тадбиркорликка ўқитиш борасида қилинган ва қилиниши керак бўлган вазифалар юзасидан кенгайтирилган тарзда йиғилиш ўтказди.

Унда ҳоким ўринбосарлари, вилоятда фаолият олиб бораётган корхона ва ташкилот раҳбарлари, кенг жамоатчилик вакиллари иштирок этди.

Йиғилишда муаммоларни манзилли ҳал этиш учун ҳар бир туман ва шаҳар кесимидаги устувор вазифалар кўрсатиб ўтилди. Унга мувофиқ масъулларга жойларда ёшларни тадбиркорликка жалб қилиш, бўш вақтини мазмунли ташкил этиш, уюшмаган ёшлар билан ишлаш, жиноятчиликни жиловлаш, уларда ватанпарварлик туйғуларини шакллантириш кераклиги  борасида айтиб ўтди.

Шунингдек, битирувчи ёшларни ишга жойлаштириш, керак бўлса ишлаб чиқариш корхоналарининг ўзида касб-ҳунар ва тадбиркорликка ўқитиш зарурлиги таъкидланди.

Туман ва шаҳарларда анъанавий ёки масофавий ўқув курсларини кўпайтириш, ишсиз ёшларни ушбу тизим орқали касб-ҳунар ва тадбиркорликка ўқитиб, бандлигини таъминлаш бўйича топшириқлар берилди.

Andijan.uz|Facebook|Instagram|Youtube|X