*« ٥ رمــضــانـ🌙»*
اللهم طمئن قلبي إن غاب عني فهم حكمتك،
واجعلني مِمَنّ يُسَلّم لأمرك تسليم المُحِبّ الصّادق،

وارزقني هدأة الأنفاس إن خافَ النّاس،
وألهمني ثبات الإيمان عند كل مُفتَرَق،
واجعل تقربي منك أحب إلي من نفسي ومالي وولدي والناس أجمعين.
امين يارب العالمين 🌙🤲🏻🌙

*خواطر متدبر ❷*

(من أنا لأتدبر؟)

♡ أستشعر أن الله يراني ويسمعني وأنا أحاول بكل جهدي تدبر كلامه، فأنجح أحيانا وأفشل أحيانا... استشعاري لرؤية ربي يجعلني أجثو بقلبي بين يديه بكل خضوع سائلا إياه أن يوفق محاولاتي ويرضى عنها مهما كانت متواضعة، فهو تعالى من أمرني بالتدبر، وهو ذاته سبحانه من منحني هذا العقل القاصر عن فهم كل شيء حول كلامه سبحانه.
فحسبي أن أتدبر على قدري، وحسبي شرف الجهد والمحاولة المستمرة وعلى الله الفتح والهداية.

#خواطر_متدبر
#ليدبروا

.
🌺🍃 كيف نعبد الله بإسمه الحفيظ؟
.
- احفظ كتاب الله بمداومة دراسته وعدم هجره.
واحفظ أيضًا سنة رسول الله صلى الله عليه وسلم ، وذلك عن طريق أن نستقيها من منبعٍ صافي لا دخن فيه لكي نعرف الحديث القوي من الضعيف
.
- المحافظة على الصلاة.
قال الله تعالى: {حافظوا على الصلوات والصلاة الوسطى وقوموا لله قانتين } [البقرة:238]،
ويقول في وصف المؤمنين: { والذين هم على صلاتهم يحافظون} [المعارج:34].
وحفظ هذه الصلوات هي أن يحافظ على أركانها ويحافظ على شروطها
وأهم من ذلك كله أن يحافظ على الخشوع فيها.
.
- احفظ بصرك فلا يقع على حرام، واحفظ سمعك فلا تلقه على شيء لا يحبه الله فلا تستمع إلى الغيبة والنميمة ولا تجلس في مجلس يعصى
الله عز وجل فيه، واحفظ نفسك من الفواحش ولا تضع فرجك إلا فيما يحل لك {والذين هم لفروجهم حافظون} [المؤمنون:5]
.
- استودع الله جميع أمرك ( إن الله إذا استُودع شيء حفظه )
.
🌺🍃 كيف ندعو الله بإسمه الحفيظ؟
.
- من أدعية رسول الله صلى الله عليه وسلم:
(اللهم احفظني بالإسلام قاعداً، واحفظني بالإسلام راقداً ، ولا تشمت بيّ عدواً ولا حاسداً).
.
- وكان الرسول صلى الله عليه وسلم إذا أوى
إلى فراشه يقول: باسمك ربي وضعت جنبي وبك أرفعه فإن أمسكت نفسي فارحمها وإن أرسلتها فاحفظها بما تحفظ به عبادك الصالحين.
.
.
🌺🍃 أسأل الله الحفيظ أن يحفظنا بحفظه
الذي لا يرام وأن يكلأنا بعينه التي لا تنام.

#العيش_مع_أسماء_الله_الحسنى

بعد أن قصف المحتلون بيوت غزة، وهدموا مساجدها، ونكّلوا بأسراها، وقتّلوا كثيراً من أبنائها، وأحرقوا مستشفياتها، ومنعوا الغذاء والدواء عن أهلها، وضيقوا الحصار عليها، في ظل دعم ونصرة مستمرة من عدد من الدول العظمى، مع التهديد القائم بتهجير أهلها منها..
في ظل ذلك كله، صبر أهلها صبرا عظيما، وسطروا نماذج من الإيمان قلّ مثيلها، وتحمّلت ثلة من أبنائها الوقوف في وجه العدو في أصعب ظروف يمكن أن تمر على الناس، فثبتوا وذادوا عن الحمى، وتوكلوا على الله حين قال لهم الناس إن الناس قد جمعوا لكم فاخشوهم فزادهم إيماناً وقالوا حسبنا الله ونعم الوكيل؛
فنسأل الله أن يكتب أجرهم، ويرفع قدرهم، ويثيبهم على كل غدوة وروحة وعلى كل ساعة صبر وثبات وخوف وشدة، ونسأله سبحانه أن يثبتهم ويلهمهم رشدهم ويسددهم ويربط على قلوبهم، ويكفيهم كيد الكائدين، وينصرهم نصرا مؤزراً.
هذا؛ وإنّ حقوق هؤلاء على الأمّة -إذْ يدافعون عن مقدساتها ويقفون في وجه عدوها- كبيرة، فاللهم ارض عنهم، وسدّدهم، وأعنهم، واقض لهم حقهم حتى يرضوا.. بفضلك ورحمتك يا رب.

لا تقارن نفسك بأحد، فأَنتَ لَدِيكَ حَياتُكَ وظروفك وأفكارك وشَخْصِيتك وتكوينك وأقدارك الخاصة.

(وَلَا تَمُدَّنَّ عَیۡنَیۡكَ) [ طه: ١٣١]

#شاهد_آية

#قصص_الأنبياء(٢)
#السيرة_النبوية
#الحلقة_مائة_وثلاثة_وتسعون
#أحداث_السنة_التاسعة_من_الهجرة
#الطريق_إلى_تبوك

وقفنا المرة إللي فاتت عند اجتماع جيش المسلمين عند ثنية الوداع عشان ينطلقوا منه لتبوك، وقلنا إن عبد الله بن أُبي بن سلول أقام معسكره أسفل معسكر رسول الله ﷺ في محاولة منه لزعزعة جيش المسلمين،
واجتمع في معسكر عبد الله بن أبي ثمانين رجل من المنافقين، وتحرك جيش رسول الله ﷺ في اتجاه تبوك ووراهم المنافقين،
قبل ما نعرف إللي حصل بعد كده، في رواية مشهورة في بعض كتب السيرة بتقول إن رسول الله ﷺ وصل له خبر إن المنافقين بيجتمعوا في بيت سُوَيلم اليهودي في منطقة بالمدينة اسمها "جاسوم" وإللي كان عايش فيها اليهود،
وكان سبب اجتماعهم إنهم عايزين يثبطوا الناس ويصرفوهم عن الخروج مع رسول الله ﷺ لغزوة تبوك،
فالرواية بتقول إن رسول الله ﷺ أمر طلحة بن عُبَيد الله إنه ياخد معاه مجموعة من الصحابة ويروحوا لبيت سُوَيلم اليهودي ده ويُحرّق عليهم بيت سويلم،
والرواية دي رواية لا تصح عن رسول الله ﷺ🙅‍♂️❌
لإن الرواية دي إسنادها مُنقَطِع وفيه جَهَالة،
يعني الإسناد مش واصل لرسول الله ﷺ وفي رواة مجهولين في الإسناد،
و الحديث عشان يكون صحيح له شروط معينة، ومن الشروط دي إن سند الحديث يكون متصل، يعني واحد يروي عن التاني عن التالت عن الرابع لحد ما يوصلوا لرسول الله ﷺ، مينفعش كده واحد بيروي عن التاني وساب التالت والرابع ويقوم يروي عن رسول الله ﷺ بس، فلازم يكون سند الحديث متصل،
وكمان إللي بيروِي الأحاديث دي لازم يكون معروف هو مين بالضبط مش شخص مجهول،
يعني مينفعش حد ييجي يقول أنا سمعت كذا وكذا فنصدقه، لازم نعرف هو سمع الكلام من مين تحديدا وهل الشخص ده ينفع أصلا ناخد منه كلام ولّا لأ👌
فخلاصة الكلام إن الحديث ده غير صحيح عن رسول الله ﷺ،
وأنا قلت لكم الموضوع ده لأنها من الشُّبَه إللي أعداء الإسلام بيستخدموها للطعن في الإسلام وفي رسول الله ﷺ، بيقولوا:
إزاي بتقولوا عن نبيكم إنه رسولُ الرحمة وكتب السيرة عندكم بتقول إنه حرّق بيت سويلم اليهودي على إللي فيه😏
فاحنا بنقول إن الرواية دي لا تصح أصلا عن رسول الله ﷺ لأن إسنادها منقطع وفيه جهالة زي ما شرحنا كده،
فخليكم فاكرين الشّبهَة والرد عليها عشان لو سمعتوا حد بيقولها تبقوا عارفين ومطمنين إن الكلام ده غير صحيح عن رسول الله ﷺ👌
وأنا بس قلت لكم المختصر المفيد،
هتلاقوا في التعليقات👇 تفصيل الرد على الرواية دي وكلام العلماء فيها😊

نرجع بقى لرسول الله ﷺ إللي خرج بجيش المسلمين وكان عدده أكثر من ثلاثين ألف مقاتل،
ودي أول مرة بصفة عامة يتجمع في الجزيرة العربية جيش بالعدد ده وبصفة خاصة للمسلمين،
يعني قبل أقل من سنة كان عدد الجيش إللي فتح مكة عشر آلاف أو اثنى عشر ألف بالكتير،
وحتى مالك بن عوف لما جمع جيش هوازن كان حوالي خمسة وعشرين ألف مقاتل،
فدلوقتي وصل عدد جيش المسلمين لثلاثين ألف مقاتل بعد أقل من سنة واحدة من سقوط مكة👌
بعد ما بدأ رسول الله ﷺ بالتحرك ناحية تبوك؛ عبد الله بن أبي بن سلول إللي كان في معسكر تاني غير معسكر رسول الله ﷺ قال للناس الوقت ده وقت حر والثمار لسه لم تنضج، فخلونا نرجع ولما نقطف الثمار والجو يتحسن نبقى نخرج نقاتل، وأنا راجع فارجعوا،
فرجع عبد الله بن أبي ورجع معاه المنافقين وأهل الريب للمدينة،
وأهل الريب والشك دول ناس تأثروا بكلام عبد الله بن أبي والمنافقين إللي معاه وكانوا معاهم في المعسكر بتاعهم،
فلما رجع عبد الله بن أبي رجعوا معاه👌

☆طيب مين بقى أهل الشك والريب دول🤔
وهل هم مختلفين عن المنافقين🤔
شوفوا،
المنافق النفاق الأكبر هو إللي بيظهر الإسلام لكنه من قلبه بيكره الإسلام وراضي بالكفر، والنفاق الأكبر ده إللي بيُخرِج من ملة الإسلام،
و ربنا لما اتكلم عن المنافقين في سورة البقرة وهي أول سورة اتكلمت عن المنافين بالتفصيل بعد هجرة رسول الله ﷺ للمدينة؛ متكلمش سبحانه عن أشخاص بعينهم👌
لأ، ده اتكلم عن أوصافهم عشان يقولنا إن المنافقين هيظهروا في كل العصور ولازم تاخدوا بالكم منهم لأنهم هم العدو الحقيقي،
ربنا بيقول عنهم:
"هُمُ الْعَدُوُّ فَاحْذَرْهُمْ قَاتَلَهُمُ اللَّهُ أَنَّى يُؤْفَكُونَ"
وربنا بيقولنا كده؛ لأنهم مش بيكونوا ظاهرين ومعروفين،
دول بيكونوا مستخبيين وسط الناس مش متميزين بصفات ظاهرة واضحة زي التميز بين أهل الإيمان وأهل الكفر💁‍♂️
يعني ربنا قال في سورة البقرة عن المؤمنين:
"الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ ۩ وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالْآخِرَةِ هُمْ يُوقِنُونَ"
وقال عن الكافرين:
"إِنَّ الَّذِينَ كَفَرُوا سَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لَا يُؤْمِنُونَ"
لكن لما أتكلم عن المنافقين قال:

"وَمِنَ النَّاسِ مَن يَقُولُ آمَنَّا بِاللَّهِ وَبِالْيَوْمِ الْآخِرِ وَمَا هُم بِمُؤْمِنِينَ"
شايفين كلمة 《من الناس》 دي👌
الكلمة دي بتدل على إنهم مش متميزين ولا ظاهرين وموجودين وسط الناس ومحدش بيعرفهم لأن ظاهرهم إنهم من أهل الإيمان،
وربنا قال برده في الآية إللي شرحناها قبل كده:
"لَوْ خَرَجُوا فِيكُمْ مَا زَادُوكُمْ إِلَّا خَبَالًا"
مع إن المفروض إن الكلام يبقى لو خرجوا معكم،
لكن ربنا قال فيكم لأن كلمة فيكم بتدل إن المنافقين كانوا منغمسين وسط المؤمنين لدرجة إن محدش يقدر يفرق بينهم👌
وموضوع النفاق ده يا جماعة مش قرار الواحد بياخده مثلا ويقول أنا خلاص قررت أبقى منافق😤
لأ، هو ممكن يكون مؤمن لكن يعيش على صفات النفاق الأصغر لحد ما يقع في النفاق الأكبر المُخرج من الملة والعياذ بالله،
لدرجة إن في ناس بتبقى عايشة في النفاق وهم مش حاسين بنفسهم أصلا😶
☆إزاي بقى واحد كان على الإيمان ممكن يوصل لدرجة النفاق الأكبر دي 🤔
شوفوا،
الإيمان والكفر في بينهم مسافة، يعني مثلا هنتخيل كده إن الإيمان على اليمين والكفر على الشمال| | المسافة إللي بينهم دي بقى هي المسافة إللي الإنسان بيتحرك فيها إما باتجاه الإيمان أو باتجاه الكفر،
يعني لما الأعمال الصالحة بتقل والمعاصي تزيد وبالتالي الإيمان بيضعف يبدأ الإنسان يتحرك من منطقة الإيمان إللي على اليمين باتجاه منطقة الكفر إللي على الشمال من غير ما يحس،
فزي ما الإيمان شُعب يعني فِرق مختلفة، كذلك الكفر والنفاق همّ كمان شُعب،👌
يعني مثلا الحياء شُعبة من شُعَب الإيمان وإن الواحد يشيل الأذى من الطريق برده من شُعب الإيمان،
فكذلك النسيء من شُعب الكفر، زي ما ربنا بيقول:
" إِنَّمَا النَّسِيءُ زِيَادَةٌ فِي الْكُفْرِ"
وكذلك الصّد عن سبيل الله من شُعب الكفر، يعني ممكن يكون واحد كافر وعايش مع نفسه كده لا بيه ولا عليه، وواحد تاني كافر وكمان بيصد عن سبيل الله زي ما ربنا قال:
"الَّذِينَ كَفَرُوا وَصَدُّوا عَن سَبِيلِ اللَّهِ أَضَلَّ أَعْمَالَهُمْ "
أما شُعب النفاق فهي زي الكذب والفجور في الخصومة وخلف الوعد وخيانة الأمانة وغيرها،
زي ما رسول الله ﷺ قال:
أَرْبَعٌ مَنْ كُنَّ فِيهِ كَانَ مُنَافِقًا خَالِصًا ، وَمَنْ كَانَتْ فِيهِ خَصْلَةٌ مِنْهُنَّ كَانَتْ فِيهِ خَصْلَةٌ مِنْ النِّفَاقِ حَتَّى يَدَعَهَا :
إِذَا اؤْتُمِنَ خَانَ ، وَإِذَا حَدَّثَ كَذَبَ ، وَإِذَا عَاهَدَ غَدَرَ ، وَإِذَا خَاصَمَ فَجَرَ"
فشُعَب النفاق دي عبارة عن مجموعة من الأخلاق لو الإنسان عاش عليها بيفضل يبعد شوية شوية لحد ما يبقى منغمس في النفاق،
والدليل على إن في مسافة بين الإيمان والكفر بيتحرك فيها الإنسان، قول ربنا عن المنافقين:
"هُمْ لِلْكُفْرِ يَوْمَئِذٍ أَقْرَبُ مِنْهُمْ لِلْإِيمَانِ"
يعني همّ فضلوا يتحركوا من منطقة الإيمان لحد ما بقوا أقرب لمنطقة الكفر من منطقة الإيمان😕
فالإنسان لما بيبعد عن شُعب الإيمان يبدأ ييجي مكانها شُعب النفاق:
يكذب ويخلف الوعد وإذا خاصم فجر ويبدأ النفاق يتغلغل في القلب شوية شوية ويبدأ الشك في الدين ويضعف الإيمان وميبقاش مستقر في القلب وأي حاجة سلبية تؤثر فيه،
ويبدأ يرد الأحكام الشرعية وأوامر ربنا ولما حد يذكره بالله لا يتذكر، ويبقى من أصحاب القلوب المريضة إللي مليانة ريبة وشك، وربنا ذكرهم في القرآن قال:
"إِذْ يَقُولُ الْمُنَافِقُونَ وَالَّذِينَ فِي قُلُوبِهِمْ مَرَضٌ غَرَّ هَؤُلاءِ دِينُهُمْ"
فالمنافقون هنا المقصود بيهم المنافقين النفاق الأكبر إللي بيخرج صاحبه من الإسلام ومصيره الدرك الأسفل من النار،
أما بقى الناس إللي في قلوبها مرض دي فهم إللي إيمانهم ضعيف وعندهم شك في موعود الله للمؤمنين👌
ودول ربنا بينزل عليهم الابتلاءات عشان يُظهر الأمراض المستخبية في قلوبهم دي،
وتكون النتيجة إما إنهم ينتقلوا لمعسكر الإيمان أو ينتقلوا لمعسكر النفاق الأكبر أو معسكر الكفر والعياذ بالله،
ربنا بيقول في سورة العنكبوت:
"وَلَيَعْلَمَنَّ اللَّهُ الَّذِينَ آمَنُوا وَلَيَعْلَمَنَّ الْمُنَافِقِينَ"
يعني ربنا بيختبر الناس عشان يتبين المؤمن من المنافق👌

فلما المنافقين قعدوا يقولوا بلاش نطلع نجاهد في الحر وخلونا نستنى الثمار لما تنضج ورجعوا مع عبد الله بن أُبي بن سلول رجع معاهم أهل الشك والريب زي ما قلنا،
وابتلاءهم كان في كلام المنافقين وتأثيرهم عليهم، ربنا بيقول:
"وَجَعَلْنَا بَعْضَكُمْ لِبَعْضٍ فِتْنَةً"
فهم مصبروش وافتتنوا بالمنافقين وبدعوتهم للرجوع للمدينة ورجعوا فعلا👌

☆والموقف ده بيحصل في واقعنا كتير، تلاقي بعض الناس ضعاف الإيمان بيتأثروا بكلام إللي حواليهم جدا،
يبقوا ماشيين في طريق طاعة معين وبسبب كلام إللي حواليهم تلاقيهم رجعوا عن الطريق وتنازلوا عن الطاعة للأسف😞

لما خرج جيش المسلمين من المدينة ورجع المنافقون والذين في قلوبهم مرض بعض المسلمين حزنوا إن العدد قل وهمّ محتاجين أعداد عشان يقاتلوا الروم،
فربنا أنزل:

" لَوْ خَرَجُوا فِيكُم مَّا زَادُوكُمْ إِلَّا خَبَالًا وَلَأَوْضَعُوا خِلَالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ"
فوجود المنافقين في الصف المسلم بيتحسب بالناقص مش بالزائد يعني لو عدد الجيش ألف وخرج مع الجيش مائة من المنافقين فمش هيبقى العدد ألف ومائة،
بالعكس ده عدد الجيش يبقى تسعمائة أو أقل، لأن المنافقين بيفتنوا الناس الموجودة وفي ناس وسط المؤمنين بيسمعوا لهم،
فمتزعلوش إنهم تخلفوا عن الغزوة، دي مصلحة ليكم👌

لما كان الجيش في منطقة اسمها الجرف في شمال غرب المدينة خرج واحد من الصحابة يلحق جيش رسول الله ﷺ، الصحابي ده هو علي بن أبي طالب،
كان رسول الله ﷺ مستخلفه على المدينة،
يعني رسول الله ﷺ كان قايله يُدير شؤون المدينة في غيابه ﷺ،
وده كان من عادة رسول الله ﷺ، يعني لما كان يخرج للغزو كان يسيب واحد من الصحابة يحكم المدينة لحد ما يرجع، زي نائب الرئيس كده،
فجاء علي بن أبي طالب لرسول الله ﷺ وهو معاه سلاحه عايز يخرج للجهاد مع رسول الله ﷺ وقال لرسول الله ﷺ:
يا رسول الله! أتُخَلّفَني بعدك ولم أتخَلّف عنك في غَزِاة قط😞
يعني علي بيقول لرسول الله ﷺ انت هتخليني في المدينة وأنا عمري ما تخلفت عن غزوة واحدة معاك،
فقال له رسول الله ﷺ: يا علي ...ارجع👌
فقال علي رضي الله عنه:
يا رسول الله...إن المنافقين يزعمون أنك إنما خلّفتني إلا استثقالًا بي😥
يعني المنافقين ربنا ينتقم منهم على مر العصور بيقولوا إن رسول الله ﷺ ترك علي رضي الله عنه في المدينة لأنه استثقله وإنه ملوش لازمة في الجيش ومش هيفيد الجيش بشيء😑
فرد عليه رسول الله ﷺ وقال له:
"كذبوا👌
ولكني خلّفتُك لما تركتُ ورائي، فارجع فاخلُفْني في أهلي وأهلِك، أفلا ترضَى يا علي أن تكون مني بمنزلة هارون من موسى، إلا أنه لا نبي بعدي"
يعني المنافقين دول كذابين أنا سيبتك في المدينة عشان تاخد بالك من أهلي وأهلك وأهل المدينة؛ لأن انت الشخص المناسب في الوقت ده،
زي لما موسى ترك هارون مسؤول عن بني إسرائيل لما ذهب لميقات الله، لكن الفرق إن انت مش نبي زي هارون لأن مفيش نبي بعدي فأنا آخر الأنبياء،
فرضي علي بن أبي طالب رضي الله عنه ورجع بسرعة للمدينة وقعد يراعي شؤون المدينة لحد ما رجع رسول الله ﷺ👌

انطلق الجيش يشق الصحراء في اتجاه منطقة تبوك إللي كان بيجمع فيها الرومان،
في الوقت إللي كان الجيش بيتحرك في الصحراء في الحر واحد من الصحابة في المدينة.....عمل إيه😁

ده إللي هنعرفه الجزء الجاي إن شاء الله 👌


#Eman_Shalapy

ربنا ياواسع الفضل والرحمة تول أمرنا وأحسن خلاصنا، كن لنا وليا ومعينا وظهيرا ونصيرا، انصرنا بما تنصر به أولياءك، استعملنا فيما تشغل به أحبابك، دلنا بهدايتك لما يرضيك عنا وخذ بنواصينا إليه حل بيننا وبين مايغضبك واصرفه عنا.

#الدعاء_قبل_المغرب

*اقتراح للبنات♥️*

ساعة أو اثنتين أو ثلاث تقضينها في المطبخ؟ وتشعرين أن رمضان انتهى وأنت مهدود حيلك في المطبخ؟

إليك هذا الاقتراح الي راح ينقلك نقلة كبيرة.

①حددي عدد ساعات بقائك في المطبخ.

②جهزي منبهك أو (المنبه في هاتفك) ليرن بعد كل ربع ساعة.. من بداية دخولك المطبخ.

③الآن حددي لكل ربع ساعة (أحد الأذكار)
-تهليل
-تسبيح
-تحميد
-تكبير
-حوقلة
-صلاة على النبي ﷺ
...إلخ

④ ابدئي بأذكارك ويمكنك رفع صوتك بها لدرجة أن تسمعي نفسك ...(حتى لا تنسي وتسرحي)

⑤حاولي التفكر والتأمل في الذكر الذي تنطقيه.

♥️ستتحول لحظاتك في المطبخ لمتعة وستكون أكثر اللحظات نورا وطمأنينة في يومك.

♥️ولا تنسي إعادة تجديد نيتك بأن
-تفطري صائمين.
-وتطعمي جائعين.
-وتقضي حوائج الآخرين.

*♥️ضاعف الله أجرك وجعل أجرهم جميعا في ميزان حسناتك.*

#غيث

ليلتكم مباركة✌🏻

اجلس مع أسرتك واختبر معلوماتهم في الجزء الخامس من القرآن الكريم.

مع سلسة مسابقات:

♡ليدبروا♡

*(الجزء الخامس)*


♧ الجزء الخامس اختبار غريب القرآن
https://forms.gle/YSzeLBfttMdcTMMM9

الجزء الخامس اختبار مسابقة تدبرية
https://forms.gle/bSZs3JtpkdXYyf4i6

*🕌🕌 شفيقة في المسجد 🕌🕌*

*💡💡أنوار الصيام 💡💡*

*💥 نور التوبة 💥*


✨ شفيقة قاعدة بتلف حلة محشي، وفجأة شمت ريحة شياط ♨️

✨ فنادت على بطة وقالت لها اجري يا بطة شوفي الدخان ده جاي منين لاكون نسيت حاجة عالنار 🔥

✨ دخلت بطة وجت بسرعة قالت لها إلحقي يا ماما إبراهيم أخويا بيشرب سيجارة 🙆‍♀️ 🚬

✨ شفيقة قامت له بسرعة وقالت له: يانهارك أسود 😳 سجاير بالنهار يا إبراهيم ‼️
مش صايم ليه يا ولا 😠

✨ إبراهيم بص لها بيأس ولامبالاة وقال لها : ماهي كدة كدة خربانة مجتش على دي 😑 الواحد عمل بلاوي هيجي دلوقتي ويعمل فيها شيخ 👳‍♂️
سيبوني في حالي بقى يا إما هموت لكو نفسي 😠

✨ شفيقة قالت له طب خلاص اسكت لحد يسمعك ونتفضح 🤫

✨ وقعدت تعيط وتندب حظها وتقول أنا بختي مايل معنديش عيل عدل ... أسيب لكو البيت وامشي ولا أعمل إيه 😩‼️

✨ بطة قالت لها خلاص يا ماما : اهدي، وبالليل نروح المسجد نحكي للحاجة إيمان اللي حصل ونشوف هتقول إيه ⁉️

✨ فاتوا على جارتهم أم عباس وراحوا المسجد واتكلموا مع الحاجة إيمان فقالت لشفيقة :

✨ ابنك الشيطان ضاحك عليه يا شفيقة لما يفكر بالشكل ده ❌

✨ مفيش حد أبدا خالي من الذنوب، لكن الإنسان يكون عنده أمل إنه يتوب وربنا يقبل توبته، وميسبش الشيطان يوصله للقنوط من رحمة الله 🚫

✨ ابنك مش أسوأ من الراجل اللي قتل ٩٩ نفس 9️⃣9️⃣

✨ شفيقة قالت لها يا نهار أبيض ‼️ قتل ٩٩ نفر 😱 ده تلاقيه هيدخل جهنم حدف دهو 🧐

✨ الحاجة إيمان قالت لهم : لكن برغم قتله للعدد الكبير ده، كان جواه ندم شديد وحب للتوبة والرجوع لربنا ، فالناس دلوه على واحد عابد يسأله "هل لي من توبة ؟" فالراجل قال له : "لأ .. لا توبة لك" فراح قتله وكمل ال ١٠٠ 🙁

✨ أم عباس قالت لها ماهي الأشكال دي مبترجعش أبدا ... كان من الأول 😏

✨ الحاجة إيمان قالت لهم بالعكس الراجل ميأسش وفضل يدور لحد م الناس دلوه على واحد عالم، راح له وسأله، فالعالم قال له " ومن يمنع عنك التوبة!! إن الله يغفر الذنوب جميعا" 🤲🏻

✨ بس عليك إنك تترك أرض الشر اللي كنت عايش فيها وتروح أرض فيها ناس صالحة تاخد بإيدك وتعينك على الطاعة 🫴🏻👌🏻

✨ بطة قالت لها بانبهار وبعدين يا أبلة حصل إيه؟ راح البلد التانية دي ⁉️🤔

✨ قالت لها وهو في الطريق لأرض الصالحين مات 😟
فاختلفت عليه ملائكة الرحمة وملائكة العذاب ✌🏻

✨ فقالوا يقيسوا المسافة بينه وبين البلدين، ويشوفوا هو أقرب لأنهي فيهم ⁉️

✨ فربنا سبحانه وتعالى أمر أرض الصالحين تقرب منه ➡️ وأرض الأشرار تبعد عنه⬅️ فقبضته ملائكة الرحمة، ونجا بفضل الله ورحمته 😊

✨ شفيقة قالت لها : أما ربنا تواب وحكيم بصحيح 🤔

✨ الحاجة إيمان قالت : العبرة من الحكاية يا شفيقة إن الواحد لازم يكون عنده أمل في رحمة ربنا التواب مهما عمل ذنوب ، لازم يعرف إن باب التوبة مفتوح وإن ربنا غفور رحيم ومييأسش أبدا، ويعرف إن ربنا بيفرح بتوبة عباده ✅

قال تعالى : *{ قُلۡ یَـٰعِبَادِیَ ٱلَّذِینَ أَسۡرَفُوا۟ عَلَىٰۤ أَنفُسِهِمۡ لَا تَقۡنَطُوا۟ مِن رَّحۡمَةِ ٱللَّهِۚ إِنَّ ٱللَّهَ یَغۡفِرُ ٱلذُّنُوبَ جَمِیعًاۚ إِنَّهُۥ هُوَ ٱلۡغَفُورُ ٱلرَّحِیمُ }*

✨ ومن رحمة ربنا بعباده دوام قبول توبة العبد في الليل والنهار وفي كل وقت 🌗

✨ قال رسول الله صلى الله عليه وسلم: *(إنَّ اللَّهَ -عَزَّ وَجَلَّ- يَبْسُطُ يَدَهُ باللَّيْلِ لِيَتُوبَ مُسِيءُ النَّهَارِ، وَيَبْسُطُ يَدَهُ بالنَّهَارِ لِيَتُوبَ مُسِيءُ اللَّيْلِ، حتَّى تَطْلُعَ الشَّمْسُ مِن مَغْرِبِهَا)*

✨ يعني التوبة متاحة للإنسان طول ماهو عايش، في أي وقت، ليل أو نهار لحد يوم القيامة وخصوصا في شهر فضيل زي شهر رمضان شهر التوبة والرحمة والمغفرة والعتق من النار 👉🏻

✨ وكما قال رسول الله صلى الله عليه وسلم : *"التائب من الذنب كمن لا ذنب له"*

✨ علينا إننا نستغفر، وندعي ربنا واحنا صايمين، ولما نيجي نفطر، ندعي إنه يسامحنا ويغفر لنا ويتوب علينا ويعتق رقابنا من النار 🤲🏻
قال رسول الله صلى الله عليه وسلم : *" إن لله عند كل فطر عتقاء وذلك في كل ليلة "*

✨ شفيقة قالت لها : ماهو الواحد يا أبلة بيتوب ويرجع يعمل الذنوب تاني ... وميلت على بطة وقالت لها طول م أم عباس ورانا هنعرف نتوب‼️😕

✨ الحاجة إيمان قالت لها : ترجعي تاني وتتوبي تاني، ولو تكرر الذنب ١٠٠ مرة ترجعي تتوبي وربنا بيقبل، طالما توبة نصوحة فيها ندم على فعلك وعزم أكيد على عدم الرجوع للذنب ✅

✨ رمضان شهر المغفرة والتوبة ومدرسة روحية تنور قلوبنا بنور الأمل وعدم اليأس في رحمة ربنا .... فلازم نفتح صفحة جديدة مع نفسنا، ونتجاوز مرحلة القنوط ونعرف إن ربنا غفور رحيم 🙂

شفيقة زغرت لأم عباس وقالت توب علينا وعلى السامعين يارب 🙄

سلام، ونشوفكم بكرة مع شفيقة 🤝😘

#شفيقة_في_المسجد
#سلاسل_شفيقة