في أمالي الصدوق: عن ابن عباس عن رسول الله-ص- في خبر طويل(( وإني لما رأيتها ذكرت ما يصنع بها بعدي، كأني بها وقد دخل الذل بيتها، وانتهكت حرمتها ))
___
على ضفاف الفاطمية الثانية - في خدمة احبتنا واهلنا في محافظة النجف الاشرف - المشخاب / حسينية الامام الحسن المجتبى ⌚️7:30مـ

ومن كلام له-ع-عند دفن سيدة النساء-ع-

(( السلام عليك يا رسول الله عني وعن ابنتك النازلة في جوارك والسريعة اللحاق بك. قل يا رسول الله عن صفيتك صبري، ورق عنها تجلدي ))
___
على ضفاف الفاطمية الثانية - في خدمة احبتي واهلي ومدينتي محافظة البصرة / قضاء الزبير

#_عزاء_الفاطمية_المركزي_السنوي

عن أبي الحسن الثالث-ع-قال رسول الله-ص-

«إنّما سمّيت ابنتي فاطمة لأنّ الله عزّ وجلّ فطمها وفطم من أحبّها من النار»
_
ختاماً للفاطمية الثانية - في خدمة اهلنا واحبتنا محافظة واسط / قضاء الحي - هيئة عاشقون

السلامُ عليكم ..
أعلنَ مكتبُ سماحة السيد السيستاني (دام ظلّه) في النجف الأشرف أن يوم غدٍ الثلاثاء الموافق (١٢/٣ / ٢٠٢٤ م) هو الأول من شهر جمادى الآخرة لعام ١٤٤٦ للهجرة، ونسألكم الدعاء .

البصرة شط العرب / برعاية العتبة العباسية المقدسة أربعاء + خميس

قالت فاطمة لعلي-عليهما السلام-
يا ابن عم إنه قد نعيت إلي نفسي وإنني لا أرى ما بي إلا أنني لا حق بأبي ساعة بعد ساعة
__

في رحاب اافاطمية الثالثة - سنكونُ بخدمة واحبتنا حسينية المربد القديم / البصرة - قضاء الزبير

قال الامام الحجة-عج-
(( وفي ابنة رسول الله صلى الله عليه وآله لي أسوة حسنة ))
__

في رحاب الفاطمية الثالثة - سنكونُ بخدمة اهلنا الكرام بني منصور قضاء الامام الصادق / البصرة - مرقد السيد احمد بن عيسى

وقد روي ان ام البنين رأت في المنام قبل زواجها أنّ هاتفاً يهتف بها :
•
بشراك فاطمة بالسادة الغرر
ثلاثة أنجم والزاهر القمر
أبوهم سيّد في الخلق قاطبة
بعد الرسول كذا قد جاء في الخبر
_______
مابين فاطمة الزهراء وشريكتها بالمصاب فاطمة
ام البنين-ع- سنكون بخدمة احبتنا اهالي الجبايش الكرام

ليالي الشام سون عمله بيه
مثل وحشة الطف اتمر عليه
وصلولي يخويه الحگ يعباس
وإحتلو ضريحي الناصييه
هالمره الرصاص إبدال الاسياط
يطگن بالصحن واشگف بديه
هسه آنه چبيره اتحمل الضيم
المصيبه ابحظرة الطفله رقيه
اذا محد فزعلي بهاي الايام
احسبو احسابكم يهل الحميه
ينبشون الگبر هالمره الإرهاب
واروح بجثتي اوياهم سبيه

محمد الجماسي
اللهم عجل لوليك الفرج

عقيلة بني هاشم تخاطب سهل بن سعد الساعدي ( بلسان الحال )
____
ياسهل كلش صعب جرحي ومصابي
ذبحوا ابو اليمه واعز ولدي وشبابي
يــاسهل لا ما ينوصف حال اغترابي
يطكونه بسوط وحجر شنهو الجنيناه
•••
ياسهل عاين للضحك شوف الشماته
عباس دخـن واشتعل طكوا خواته
وحسين كدامي العصر باعوا عباته
وصاحن بناته بنص غرب اي واحسيناه
•••
ياسهل جرونه بحبل كل احنه حفاي
والماي مدمعنه صفه ياحسرة الماي
اخواني واحنه بالشمس فاركنه اللفياي
راس الولي هذا برمح والجسد عفناه
•••
صحنه الويل صحنه حسين - صحنه اه
عــليه صحنه ولا عــالـنـاس - صـحنـه
اخــوي الـكـله الطير بــزاد - صحنه
بـنـاتـه اتحسرن كطرة امـيـه
______
🖊️#_الشيخ_حيدر_الحميداوي

#_قريض_ونعـي /ج1
________
من قولها…

لا تدعوّني ويك أم البنين
تذكّريني بليوث العرين

إلى قولها…

يا ليت شعري أكما أخبروا
بأنّ عباساً قطيع الوتين

🖊️ - تنسب لام البنين-ع-
_______
يكلبي احبابنا ماظن يردون
وراهم بالبجي ماظلت عيون

يكلبي احبابنا شالوا سويه
يمدري بيا فله هسه ونويه
شحال حسين وشحال البقيه
شحال اطفالنا وشحالج ام عون

حسافه كوطروا كلهم اهلنه
يكلبي والمشوا اهل المحنه
عليهم بالگلب حسره اعلى ونه
وبعيده كربله الوادم يكولون

بعيده اديارهم كلش بعيده
عكدت الشيله وانخيت الصميده
ضعنه للوطن سالم يعيده
ردت مرسال ولكلبي يبردون

يكلبي اعزاز كل ذوله الهواشم
لجن همي الوحيد حسين سالم
وترد زينب عزيزه ويا العمايم
وفده العباس واخوانه يروحون

يبو السجاد يمه اديارنه اكبور
الكلب والدار يبني هواي مشتاگ

يدار بلايه وجهك كلها غربان
ويلون اوجوهنا منها الهجر باگ

ييمه عليك كلبي موكد بصيف
هم حر الهجير وحر الاشواگ

اجوهك بالله يبني تعاود اليوم
وتجيب وياك زينب من العراگ

اسوگ عليك الله تجيب عباس
حدر رجليك ينحر كون الفراگ

واسد عيني واموت بنص الاولاد
الغرب جتال مايراد حراگ

اعلى سبي الشام زينب - وين بيها
الـمـدينه بليل سمعت - ون نبيها
تـرى ام عباس عـالطف - ونه بيها
اذا تـطلع تكـعد الغاضـريـه
______
🖊️ #_الشيخ_حيدر_الحميداوي

وكأني بمولاتي السيدة زينب قد اعطت ام البنين راية ولدها العباس-ع-فأخذتها وصارت تشمها، وهي تقول..
••

هلا بريحة جفوفك يامعدل
يبو حجي الزلال ويا مهيل

يناكود الگلب ياتعب متني
ماهزك مهد هزاك حضني
حك ام التكول المثلك ابني
لا بـــاع الربا ولا خال فشل

شني هل ريحه هاي افيش عنبر
ريـحـة عـرگ جـفـك يـامـشـكر
كـالـوا هـاد بيها اربـات حيدر
وكالوا هازها وعالجيش حــول

يعيوني وضواها خلافك اعمه
يـل امخير يل اختار امه عمه
يـمـن دم النبي المختار دمــه
يمن رسك حسيني ويـا مأصل

دخيل جفوفه منها الطير يلگط
دخيل الشارة والعباس يشنط
لحد اليوم جـودك ماي ينگط
يـمن اسمك ندى وللماي بلل
••

أخـيـتـك حيل مذيتها - شماته
الگلب غير الهجر يبني - شماته
علم جـفك يبو فاضل - شميته
عميت وردت عيوني عليه
___________
🖊️#_الشيخ_حيدر_الحميداوي

هذا والرياح تلعب بشيبة الحسين ( وكأني بزينب )
_____
يـاريح بالك لا تـهيج الام
تعبان اخيي برمحه خل ينام
•••
ياريح بالك لا تعور الراس
وبالك لا تفزز جرح عباس
•••
ياريح اخوي اغميج جرحه
إِيتحرك خاف ويأذيه رمحه
•••
ياريح ما يصلح لجرحه تفوت
ياريح مل حسين كافي يموت
•••
عوف الشيب وعيون الزجيه
تلاعب راسـه بس بـتـه رقيه
•••
مامسموح واحد يلمس الراس
بس بته الزغيره وتنطي الانفاس
•••
🖊️#_الشيخ_حيدر_الحميداوي

يقول سهل رأيت امرأة تحامي عن العيال وهي تدور عليهم في وسط ذلك الضجيج. ولما اقتربت لاحدثها واعرفها عن نفسي اولا. واذا بها تقول ياهذا اما تستحي من الله ورسوله تتفرج على على حُرم رسول الله. فقلت انا سهل بن سعد رأيت جدك وسمعت حديثه. فصاحت ياسهل قتلوا اخي الحسين ونحن سبينا كالعبيد ..
•••
ياسهل كلش صعب جرحي ومصابي
ذبحوا ابو اليمه واعز ولدي وشبابي
يــاسهل لا ما ينوصف حال اغترابي
يطكونه بسوط وحجر شنهو الجنيناه
•••
ياسهل عاين للضحك شوف الشماته
عباس دخـن واشتعل طكوا خواته
وحسين كدامي العصر باعوا عباته
وصاحن بناته بنص غرب اي واحسيناه
•••
ياسهل جرونه بحبل كل احنه حفاي
والماي مدمعنه صفه ياحسرة الماي
اخواني واحنه بالشمس فاركنه اللفياي
راس الولي هذا برمح والجسد عفناه
•••
صحنه الويل صحنه حسين - صحنه اه
عــليه صحنه ولا عــالـنـاس - صـحنـه
اخــوي الـكـله الطير بــزاد - صحنه
بـنـاتـه اتحسرن كطرة امـيـه
______
🖊️#_الشيخ_حيدر_الحميداوي

يل ضريحك في بلد
انت للمظطر سند
تارس الدنيه ضواك
دنيه خنكه بلا هواك
ياسبع الدجيل
_____________________
ياحضارة وياثقافة بهالوطن اسمك علم
يا بواجينه ولطمنه يا ميضيف اهل الشيم
انت اليجهبك تغركه اهلك ابحور الكرم
تنطي للملا قصيدة وتنطي للشاعر قلم

اهلك اكرام البشر
عزبوا دم ونحر
عونه اليحصل عطاك
دنيه خنكه بلا هواك
ياسبع الدجيل
_____________________
علي باء البسمِ ربي وانت يا باء ابلد
علي ميزان المحاچي وقل هو الله احد
وانت ياقل هو الصميده ياشبل من هالاسد
سيدي لو ماضريحك بلد خيمه بلا وتد

لوله كبرك ياوسن
شنقناً يموت الوطن
شرايد الكلب اللكاك
دنيه خنكه بلا هواك
ياسبع الدجيل
_____________________
مرقدك شامة محاسن سيدي بخد الوطن
ولو فرضنه بلا ضريحك هالوطن عبر الزمن
يعني خده بلايه شامه حجة الله بن الحسن
فرض يالغالي تفرضه دموع من عيني جرن

استبعدت هذا الفرض
جنة ما بيها الارض
عميه عين الما تراك
دنيه خنكه بلا هواك
ياسبع الدجيل
_____________________
مرقدك يبن الزجيه للعرش بيه محتوى
شاهدوا طاف بضريحك الهوى يشم الهوى
والشمس جابت كمرها تجدي من عندك ضوه
والمطر طاح عله كبتك صاح تو مايي ارتوى

يمك يبات النجم
يغفى ويعيش بحلم
وبعد ابعد محتواك
دنيه خنكه بلا هواك
ياسبع الدجيل
_____________________
بينك وبين العقيلة صار بخيالي سفر
جني اسمعها تنادي اخ هد هيلي النهر
يابو جاسم جنها تنده والجدم حافي وعثر
وانت عبالك تقصدك حركت عاشر ظهر

بصلب الحسين انهضت
وتطلع لزينب ردت
يابو جاسم حي نباك
دنيه خنكه بلا هواك
ياسبع الدجيل
_____________________
🖊️#_الشيخ_حيدر_الحميداوي

نعي - لسان حال الامام الهادي حين ادخل على ديوان المتوكل
_____________________
يصبر الروح بس الروح متهيد
تذكر عمته الدخلت على ايزيد
سبيه بلا اهل مجتوفة الايد
فقط عدها العليل وجفه مجتوف
_____________________
يصبر الروح بس النوح يزداد
تذكر حال عمته وعلي السجاد
كبال ايزيد وكفوا والنذل راد
يطگ بت النبي ويضحك اللضيوف
_____________________
يصبر الروح بس الحيل ينهار
تذكر عمته ما بين الاشرار
غدت فرجه وتمنت علي الكرار
لو ترجع لخوها كون اللجفوف
_____________________
يصبر الروح والدمعات بالعين
تذكر عمته الدخلت دواوين
وغدى ايزيد بعصى يطگ راس الحسين
يعين الله العقيلة بعينها تشوف
_____________________
رك الشوف دمع البين - عماه
نحل جسمه وحزن عاشور - عماه
يسلهم بس يفز ويصيح - عمه
السوط اللآسعج حطل ضيم بيه
_____________________
🖊️#_الشيخ_حيدر_الحميداوي

#_مجاراة_مصيبة_الامام_الهادي-9
___________________1
الشيخ حيدر الحميداوي
•
الف وسفه عليك وانويت الرحيل
بجبدتك مستعره نيران الخليل
تمرد الدلال يل فكدك جليل
ودمعة اعيالك غدت هماله
___________________2
مهدي التقي
•
ألف وسفه اعليك وآلاف السلام
تبقى يالهادي تقي وعالي المقام
إعيوني كون إبتعزياتك ما تِنام
ودمعي كون اعليك أوشله وشاله
___________________3
علي محسن الزيادي
•
الف وسفه اعليك مسموم وغريب
مثل جرح حسين مالاگي الطبيب
جيت اناشد ارض سامره بنحيب
الليله ابو المهدي اعله ابوه اشحاله
____________________4
السيد جاسم الجزائري
•
ألف وسفه عليك نار بجبدتك
لو هيْ لبراهيم جا ماحركتك
هاي نار الحضّروها لجدتك
گطره من حقد السقيفه السمّتك
لهسه ينگط ماخلص شلاله
___________________7
علي الشملاوي
•
الف وسفه عليك نادت شيعتك
بالدموع وبالنياح اتلكتك
شلت منها اليوم ناس الشالتك
واليتيم العفته ياهو بحاله
__________________8
علي المشكوري
•
الف وسفه عليك وش نفع الوسف
ياشريف الكوم يا اصل الشرف
مثل جدك ريجك بسمهم نشف
المات ضامي والفرات اگباله
_________________9
ميثاق المالكي
•
الف وسفه اعليك يــاعاشر امام
مثلثه لفگدك يمـــولاي السهام
بگاع غربه وماتصح گوم وعمام
وحـــال بيتك عله فگدك حاله
__________________10
عبد الرحمن حميد الفضلي
•
ألف وسفه أعليك يالگلبك حنين
أذن بروحك حچي الطف والونين
الحچي مو هين حچي الغربه ثخين
حسين صدره يصير للخياله ؟
_______________

#_مصيبة_ونعي
_
وكأني بمولاتي الصديقة الزهراء-ع- قد حضرت عند ولدها الامام الهادي-ع-وهو يجود بنفسه مسموما مهضومًا..(ولسان حالها)
______
علي الهادي ييمه اليوم اجيتك
انصب نايحه يبني بثنيتك
يحلو الطول من فدوه اللحيتك
لكيتك عالترب نايم لكيتك
______
علي الهادي ييمه عليك صاحن
ضلوع امك يبعد الما ارتاحن
الطفن من البواجي وحيل راحن
اعلى تابوتك افصوص العين طاحن
______
علي الهادي ييمه يفور دمعي
واحس توه انكسر عالنعش ضلعي
وين الناعيه خل تجي وتنعي
هنا يا روس هاشم حزن فرعي
______
علي الهادي ييمه الگلب شاجر
اكض وجهك واكولن خاف حافر
ساحك على عيونك لو خناجر
بظهرك نايمه والنحر شاخر
______
علي الهادي ييمه انمرد جبدك
لجن ماطلع مثل حسين جدك
طلع جبده برمح والخبر عندك
لا. أذيك جيب لحضني خدك
_____
على اخبارك نشدت الراح - وياي
كالوا وسط جبدك لهب - وياي
اجيت وجـبت زينب ليك - وياي
عليها النايحه والون عليه
______
🖊️#_الشيخ_حيدر_الحميداوي

*بسم الله الرحمن الرحيم* :

*يا مقلب القلوب والأبصار، يا مدبّر الليل والنهار، يا محوّل الحول والأحوال، حوّل حالنا إلى أحسن الحال*

*2025*

قال الإمام الهادي-عليه السلام-
••
شر من الشر جالبه.
••
أرجح من العلم حامله.
••
أجمل من الجميل قائله.
••
خير من الخير فاعله.
____
ذكرى شهادة مولانا الامام علي بن محمد الهادي-ع-في خدمة اهلنا / إيران / بوشهر جغادك